ಆಯ್ಕೆ

ಭಾರತೀಯ ಜೀವ ವಿಮಾನ ನಿಗಮದ ಆಡಳಿತ ನಿರ್ದೇಶಕೆರಾದ್ ಆಯ್ಕೆಯಾಯಿನ ಬಿ.ಸಿ. ಪಟ್ನಾಯಕ್

ಹೊಸದಿಲ್ಲಿ, ಅ.3 : ಭಾರತೀಯ ಜೀವ ವಿಮಾನ ನಿಗಮ (ಎಲ್‌ಐಸಿ)ದ ಆಡಳಿತ ನಿರ್ದೇಶಕೆರಾದ್ ಬಿ.ಸಿ. ಪಟ್ನಾಯಕ್ ಮೇರ್ ಅಧಿಕಾರ ಸ್ವೀಕಾರ ಮಲ್ದೆರ್ .ಎಲ್‌ಐಸಿದ ಆಡಳಿತ ನಿರ್ದೇಶಕೆರ್ನ ಶ್ರೇಣಿಗ್ ಬಿ.ಸಿ. ಪಟ್ನಾಯಕ್ ಮೆರೆನ್ ಅಕ್ಟೋಬರ್ 1ಕ್ಕ್ ಪದೋನ್ನತಿ ಮಲ್ದೆರ್ .ಪಟ್ನಾಯಕ್ ಮೇರ್ 1986 ಮಾರ್ಚ್‌ಡ್ ಎಲ್‌ಐಸಿಗ್ ಸೀದಾ ನೇಮಕಾತಿ ಅಧಿಕಾರಿಯಾದ್ ಬತ್ತ್ದಿತ್ತೆರ್ . ಎಲ್‌ಐಸಿದ ಆಡಳಿತ ನಿರ್ದೇಶಕೆರಾದ್ ಅಧಿಕಾರ ಸ್ವೀಕಾರ ಮಲ್ಪುನೆರ್ದ್ ದುಂಬು ಪಟ್ನಾಯಕ್ ಮೇರ್ ಮುಂಬೈದ ಕೌನ್ಸಿಲ್ ಫಾರ್ ಇನ್ಸೂರೆನ್ಸ್ ಒಂಬುಡ್ಸ್‌ಮೆನ್ (ಎಲ್‌ಐಸಿ) ಪ್ರಧಾನ ಕಾರ್ಯಂತೇರಾದ್ ಬೇಲೆ ಮಲ್ದೆರ್.

New Delhi : B.C. Patnaik was promoted on October 1.Patnaik joined LIC in March 1986 as a direct recruiting officer. Prior to taking over as LIC’s Managing Director, Patnaik served as the General Secretary of the Mumbai Council for Insurance Ombudsmen (LIC).

ಯುವವಾಹಿನಿ (ರಿ.) ಹೆಜಮಾಡಿ ಘಟಕ : ಪೊಸ ಪದುಕೆರ್ನ ಆಯ್ಕೆ

ಹೆಜಮಾಡಿ :ಹೆಜಮಾಡಿ ಬಿರುವೆರೆ ಸಂಘ (ರಿ.) ನೆತ್ತ ಒಟ್ಟು ಸೇರಿಗೆಡ್ ಯುವವಾಹಿನಿ (ರಿ.) ಹೆಜಮಾಡಿ ಘಟಕ ನೆತ್ತ 2021-2022 ಸಾಲ್ ದ ಪೊಸ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ತಾರೀಖ್ 06/09/2021 ನೆ ಸೋಮಾರ ದಾನಿ ಹೆಜಮಾಡಿ ಬಿರುವೆರೆ ಸಂಘದ ಜಯ. ಸಿ. ಸುವರ್ಣ ಸಭಾಂಗಣಡ್ ನಡತುಂಡು .

ಲೇಸ್ ದ ಗುರ್ಕಾರ್ಮೆನ್ ಯುವವಾಹಿನಿ ಹೆಜಮಾಡಿ ಘಟಕದ ಗುರ್ಕಾರ್ಲಾಯಿನ ಧೀರಜ್ ಹೆಜಮಾಡಿ ವಹಿಸ್ ದಿತ್ತೆರ್ . ಬಹರೈನ್ ಕನ್ನಡ ಸಂಘದ ಸದಸ್ಯ ಬೊಕ್ಕ ಗೋಕರ್ಣನಾಥ ಕೋ -ಆಪರೇಟಿವ್ ಬ್ಯಾಂಕ್ ಹಂಪನಕಟ್ಟೆ ಶಾಖಾಧೀಕಾರಿ ಅಶೋಕ್ ಕುಮಾರ್ ಕಟೀಲ್ ಮೇರ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.

ಯುವವಾಹಿನಿ ಕೇಂದ್ರ ಸಮಿತಿದ ಗುರ್ಕಾರ್ಲಾಯಿನ ಡಾ: ರಾಜರಾಮ್ ಕೆ.ಬಿ ಮೇರ್ ಪೊಸ ಪದಾಧಿಕಾರಿಲೆಗ್ ಪ್ರತಿಜ್ಞಾ ವಿಧಿ ಭೋದಿಸಾಯೆರ್ ಅಂಚನೇ ಪೊಸ ಗುರ್ಕಾರ್ಲಾದ್ ಆಯ್ಕೆಯಾಯಿನ ರಾಜೇಶ್ ಸನಿಲ್ ಬೊಕ್ಕ ಆರ್ನ ಕೂಟಗ್ ಎಡ್ಡೆಪ್ಪುನು ಬಯಕಿಯೆರ್.

ಲೇಸ್ ಡ್ ಯುವವಾಹಿನಿ ಹೆಜಮಾಡಿ ಘಟಕದ ರಜತ ವರ್ಷದ ಪ್ರಯುಕ್ತ ಘಟಕದ ಗುರ್ಕಾರ್ಲಾದ್ ಬೇಲೆ ಮಲ್ದಿನ 25 ಗುರ್ಕಾರ್ಲೆನ್ ಘಟಕದ ಪರವಾದ್ ಮಾನದಿಗೆ ಮಲ್ತೆರ್ ಅಂಚನೇ ಪೊಸ ಪಂಚಾಯತ್ ಸದಸ್ಯರಾದ್ ಆಯ್ಕೆಯಾಯಿನ ನಮ್ಮ ಘಟಕದ ಸದಸ್ಯೆರೆನ್ ಸೊಲ್ಮೆ ಸಂದೈತ ಮಲ್ತೆರ್ .
ಇಂಚೋಗು ನಮರ್ದ್ ದೂರ ಆಯಿನ ದಿ. ಚಂದ್ರಾವತಿ ಹರೀಶ್ ಮೆರ್ನ ಮಗೆನ ವಿಧ್ಯಾಭ್ಯಾಸಗ್ ಘಟಕದ ವತಿರ್ದ್ ಪಣವುದ ಸಾಕಾರ ಕೊರಿಯೆರ್ .ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಹೆಜಮಾಡಿ ಬಿಲ್ಲವರ ಸಂಘದ ಗುರ್ಕಾರ್ಲಾಯಿನ ಲೋಕೇಶ್ ಅಮೀನ್, ಹೆಜಮಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ ಪಾಲ್ ಪಡೆದಿತ್ತೆರ್ . ಅಂಚನೇ ಘಟಕದ ಗುರ್ಕಾರ್ಲಾಯಿನ ಧೀರಾಜ್ ಹೆಜಮಾಡಿ, ಕೋಶಾಧಿಕಾರಿ ಭರತ್ ರಾಕೇಶ್, ನೂತಸ ಗುರ್ಕಾರ್ಲಾಯಿನ ರಾಜೇಶ್ ಸನಿಲ್ ಬೊಕ್ಕ ಪೊಸ ಕಾರ್ಯದರ್ಶಿ ವಿಜಯ ಅನಿಲ್,
ಸ್ಥಾಪಕ ಗುರ್ಕಾರ್ಲಾಯಿನ ಪ್ರಭೋಧ್ ಚಂದ್ರ ಹೆಜಮಾಡಿ ಪ್ರಾಸ್ತಾವಿಕವಾದ್ ಪಾತೆರಿಯೆರ್ . ಧೀರಜ್ ಹೆಜಮಾಡಿ ಎದುಕೊಂಡೆರ್ . ಭರತ್ ರಾಕೇಶ್ ವಾರ್ಷಿಕ ವರದಿ ಮಂಡನೆ ಮಲ್ತೆರ್ . ಅನ್ವಿತ ಬೊಕ್ಕ ವ್ರಶಾಂಕ ಪ್ರಾರ್ಥನೆ ಮಲ್ತೆರ್ .ಮನೋಹರ್ ಹೆಜಮಾಡಿ ಲೇಸ್ ನಡಪಾದ್ ಕೊರಿಯೆರ್. ಪೊಸ ಕಾರ್ಯದರ್ಶಿ ವಿಜಯ ಅನಿಲ್ ಸೊಲ್ಮೆ ಸಂದೈತ ಮಲ್ತೆರ್ .