ಅಭಿಯಾನ

ಮೂಜನೆ ಅಲೆಕ್ ಮುಂಜಾಗ್ರತ ಕ್ರಮ ಅಗತ್ಯ

ಪುತ್ತೂರು, ಜೂನ್ 11: ‘ಕೋವಿಡ್ ಸೋಂಕುದ 2ನೇ ಅಲೆ ನಿಯಂತ್ರಣಗ್ ಬರೊಂದು ಉಂಡು, ನನ ದುಂಬು ರಾಜ್ಯಡ್ ಲಾಕ್‌ಡೌನ್ ವಾಪಸ್‌ ದೆತ್ತುಂಡಲ ಏರ್ಲ ಮೈಮರೆತ್ ತಿರ್ಗರೆ ಇಜ್ಜಿ . ಕೋವಿಡ್ ಮೂಜನೇ ಅಲೆ ಸುರು ಆಪಿನ ಸಾಧ್ಯತೆ ಉಪ್ಪುನೆರ್ದಾವರ ನನ ದುಂಬುಲ ಜಾಗ್ರತೆಡ್ ಉಪ್ಪುನ ಅಗತ್ಯ ಪಂದ್ ಶಾಸಕ ಸಂಜೀವ ಮಠಂದೂರು ಪಂಡೆರ್ .

ಪುತ್ತೂರುದ ಪುರಭವನಡ್ ಅಂಗಾರೆ ನಡತಿನ ನಗರಸಭೆತ ವತಿರ್ದ್ ನಡತಿನ ಲೇಸ್ ಡ್ ಆರ್ ನಗರಸಭಾ ವ್ಯಾಪ್ತಿದ ಇಲ್ಲಗ್ ಸುರುತ್ತ ಹಂತದ ಸೊಳ್ಳೆ ಪರದೆ ವಿತರಣೆ ಮಲ್ತ್ ಪುತ್ತೂರು ನಗರಸಭಾ ವ್ಯಾಪ್ತಿಡ್ ಕೋವಿಡ್ ಜಾಗೃತಿ ಮೂಡಿಸಾಯೆರೆ ವಾರ್ಡ್‌ವಾರು ಇಲ್ಲಗ್ ಭೇಟಿ ಕೊರ್ಪಿನ ಲೇಸ್ ಡ್ ಶ್ರಮಿಸಾಯಿನ ಸಿಬ್ಬಂದಿಗ್ ಮಾನದಿಗೆ ಮಲ್ತ್ ಪಾತೆರಿಯೆರ್.

ಆಂಬುಲೆನ್ಸ್ ಆದ್ ಬದಲಾಯಿನ ನಿರುಪಯುಕ್ತ ಗಾಡಿ

ಕುಡ್ಲ ಜೂನ್ 11 : ಕೊಂಕಣಿ ಅಕಾಡೆಮಿಡ್ ಇತ್ತಿನ ನಿರುಪಯೋಗಿ ಗಾಡಿನ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಬೊಕ್ಕ ಸೇವಾಂಜಲಿ ಚಾರಿಟಬಲ್ ಟ್ರಸ್ಟ್ ವತಿರ್ದ್ ಆಂಬುಲೆನ್ಸ್ ಆದ್ ಪರಿವರ್ತನೆ ಮಲ್ತೆರ್ .

ಸೇವಾಂಜಲಿ ಚಾರಿಟಬಲ್ ಟ್ರಸ್ಟ್ ಈ ಗಾಡಿನ್ ತಮ್ಮ ಸ್ವಂತ ಖರ್ಚ್ ಡ್ ದುರಸ್ತಿ ಮಲ್ದೆರ್ , ಕೋವಿಡ್ ಪೊರ್ತುಡು ರೋಗಿಲೆಗ್ ಬೊಕ್ಕ ರೋಗಿಲು ಸೈತುಂಡ ಉಚಿತವಾದ್ ಸೇವೆ ಕೊರಿಯರೆ ಉಪಯೋಗ ಮಲ್ಪುವೆರ್ .

ಈ ಪೊರ್ತುಡು ಸೇವಾoಜಲಿ ಟ್ರಸ್ಟ್ ದ ಕಾಮತ್, ನರೇಶ್ ಶೆಣೈ, ನರೇಶ್ ಪ್ರಭು, ಚೇತನ್ ಕಾಮತ್, ಕೊಂಕಣಿ ಅಕಾಡೆಮಿ ಪರವಾಗಿ ಸದಸ್ಯೆರಾಯಿನ ಅರುಣ್ ಜಿ ಶೇಟ್, ಗೋಪಾಲಕೃಷ್ಣ ಭಟ್, ಕೆನ್ಯೂಟ ಜೀವನ್ ಪಿಂಟೋ, ನವೀನ್ ನಾಯಕ್ ಬೊಕ್ಕ ರಿಜಿಸ್ಟ್ರಾರ್ ಮನೋಹರ್ ಕಾಮತ್ ಪಾಲ್ ಪಡೆದ್ ಇತ್ತೆರ್.

ತವಸ್ಸುಲ್ ಸಂಘಟನೆ ವತಿರ್ದ್ ಮೊಂಟೆಪದವುಡು ಸಮಾಜಮುಖಿ ಕಾರ್ಯ

ಮೊಂಟೆಪದವು, ಜೂ. 5. ಲಾಕ್ ಡೌನ್ ರ್ದ್ ಬೇಲೆ ದಾಂತೆ ಜನಜೀವನ ಅಸ್ತವ್ಯಸ್ತ ಆತುಂಡು . ತವಸ್ಸುಲ್ ಸಂಘಟನೆ ವತಿರ್ದ್ ಮೊಂಟೆಪದವುದ ಆಯ್ದ ಅರ್ಹ ಕುಟುಂಬಲೆನ್ ಗುರ್ತಿಸಾದ್ ತರಕಾರಿ ಬೊಕ್ಕ ದವಸಧಾನ್ಯ ಪಟ್ಟುನ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್.

ಈ ಪೊರ್ತುಡು ಸಮಿತಿದ ಗುರ್ಕಾರ್ಲಾಯಿನ ನೌಷಾದ್ ಗುದುರು ಸಂಘಟನೆದ ಪದಾಧಿಕಾರಿಲಾಯಿನ ರಝಾಕ್ ಮೊಂಟೆಪದವು, ತೌಸೀಫ್ ಗುದುರು, ರಹೀಮ್ ಮೊಂಟೆಪದವು, ಅಬ್ಬಾಸ್ ಐಎಂ, ಹನೀಫ್ ಕೂಯಾ, ಕರೀಮ್ ಗುದುರು ಬೊಕ್ಕ ಸಂಘಟನೆದ ಗಲ್ಪ್ ಸಮಿತಿದ ಕನ್ವೀನರ್ ರಿಮಿಯಾಝ್ ಸಾಮಣಿಗೆ ಬೊಕ್ಕ ಸ್ಥಳೀಯೆರಾಯಿನ ರಶೀದ್ ಮಲಾರ್ ಬೊಕ್ಕ ರಫೀಕ್ ವನದಡಿ ಪಾಲ್ ಪಡೆದಿತ್ತೆರ್ .