ಅಭಿಯಾನ

ಸಮಾಜ ಸೇವಾ ಸಮಿತಿ ಬೊಕ್ಕ ಸೇವಾದಳ ಬಂಟರ ಸಂಘ ಬೆಂಗಳೂರು ವತಿರ್ದ್ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಒಟ್ಟುಸೇರಿಗೆಡ್ ಕೋವಿಡ್-19 ಉಚಿತ ಲಸಿಕಾ ಅಭಿಯಾನ

Apr 24, 2021

ಬೆಂಗಳೂರು, ಎಪ್ರಿಲ್ 24: ಕೋವಿಡ್ -19 ದ ಈ ಪೊರ್ತುಡು ಮಾತೆರ್ಲ ಒಟ್ಟಾoಡ ಮಾತ್ರ ಈ ಸಾಂಕ್ರಾಮಿಕ ಸೀಕ್ ನ್ ಆಯಿನಾತ್ ಬೇಗ ನಿರ್ಮೂಲನೆ ಮಲ್ಪೋಲಿ.

ಈ ನೆಲೆಟ್ಟ್ ಬೆಂಗಳೂರು ಬಂಟರ ಸಂಘ ಬೊಕ್ಕ ನೆತ್ತ ಸಮಾಜ ಸೇವಾ ಸಮಿತಿ ಅಂಚನೇ ಸೇವಾದಳ, ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆದ ಒಟ್ಟು ಸೇರಿಗೆಡ್ ಉಚಿತ ಲಸಿಕಾ ಅಭಿಯಾನನ್ (ಎರಡೂ ಹಂತದ ಡೋಸ್) ಏಪ್ರಿಲ್ 26 ಸೋಮವಾರದಿಂರ್ದ್ ಕಾಂಡೆ 09:30 ರ್ದ್ ಬೈಯ್ಯ 03:00 ಗಂಟೆ ಮುಟ ಬೆಂಗಳೂರು ಬಂಟರ ಸಂಘದ ಆವರಣದಡ್ ಅಟ್ಟನೆ ಮಲ್ದೆರ್.

ಈ ಅಭಿಯಾನಡ್ ಮಾತೆರ್ಲ ಪಾಲ್ ಪಡೆದ್ , ತಮ್ಮ ಬಂದು ಮಿತ್ರೆರೆಗ್ ಅಂಚನೇ ಕೈತಲ್ ದ 45 ವರ್ಷ ಮೇಲ್ಪಟ್ಟ ನಾಗರಿಕೆರೆಗ್ ಲಸಿಕೆ ದೆತೊನೆರೆ ಪ್ರೇರೇಪಿಪಣೆ ಮಲ್ಪೊಡು ಪಂದ್ ಬೆಂಗಳೂರು ಬಂಟರ ಸಂಘದ ಪದಾಧಿಕಾರಿಲು ಅಂಚನೇ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಪ್ರಕಟಣೆಗ್ ತೆರಿಪಾದೆರ್.

ಎಚ್ಚದ ಮಾಹಿತಿಗಾದ್ :

ಲಸಿಕೆ ದೆತೊನುನಕುಲು ಆಧಾರ್ ಕಾರ್ಡ್, ಪಾನ್ ಕಾರ್ಡ್, ಡ್ರೈವಿಂಗ್ ಲೈಸೆನ್ಸ್ ನೆಟ್ಟ್ ಒವ್ವು ಆಂಡಲಾ ಒಂಜೆನ್ ಕಡ್ಡಾಯವಾದ್ ಕನವೊಡು
ಲಸಿಕೆ ಪಾಡುನಕುಲು ದುಂಬೇ ಪುದರ್ ತೆರಿಪಾವೊಡು ಈ ತಿರ್ತ್ ಕೊರಿನ ಸಂಖ್ಯೆಗ್ ಕರೆ ಮಲ್ತ್ ಲಾ ಪುದರ್ ಕೊರೋಲಿ

ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ:

9845025921/9008973945/9740923868 /8970720484/9845340969/9663977388

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೋವಿಡ್ ಲಸಿಕಾ ಅಭಿಯಾನ: ಅಜ್ಜರಕಾಡು ಜಿಲ್ಲಾ ಆಸ್ಪತ್ರೆಡ್ ಮಾಹಿತಿ ಕೇಂದ್ರ

Mar 30, 2021

ಒಡಿಪು , ಮಾ.30: ಕೋವಿಡ್ ಲಸಿಕಾ ಅಭಿಯಾನದ ಬಗ್ಗೆ ಒಡಿಪು ಅಜ್ಜರಕಾಡು ಜಿಲ್ಲಾ ಆಸ್ಪತ್ರೆಡ್ ಸುರು ಮಲ್ತಿನ ಮಾಹಿತಿ ಕೇಂದ್ರನ್ ಶಾಸಕೆರಾಯಿನ ರಘುಪತಿ ಭಟ್ ಸೋಮವಾರ ಉದಿಪನ ಮಲ್ತೆರ್ .

ನಗರ ಬಿಜೆಪಿ ಗುರ್ಕಾರ್ಲಾಯಿನ ಮಹೇಶ್ ಠಾಕೂರ್ ಗುರ್ಕಾರ್ಮೆ ವಯಿಸ್ದಿತ್ತೆರ್ , ಒಡಿಪು ನಗರ ಸಭೆತ ಗುರ್ಕಾರ್ದಿ ಆಯಿನ ಸುಮಿತ್ರಾ ಆರ್ ನಾಯಕ್, ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾ ಗುರ್ಕಾರ್ಲಾಯಿನ ವೀಣಾ ಶೆಟ್ಟಿ, ನಗರ ಬಿಜೆಪಿ ಯುವ ಮೋರ್ಚಾ ಗುರ್ಕಾರ್ಲಾಯಿನ ರೋಷನ್ ಶೆಟ್ಟಿ, ಕೈತಲ್ ದ ನಗರಸಭಾ ಸದಸ್ಯೆ ರಶ್ಮಿ ಚಿತ್ತರಂಜನ್ ಭಟ್, ನಗರ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಮಂಜುನಾಥ್ ಮಣಿಪಾಲ್, ದಿನೇಶ್ ಅಮೀನ್, ತೆಂಕಪೇಟೆ ಮಹಾಶಕ್ತಿ ಕೇಂದ್ರದ ಗುರ್ಕಾರ್ಲಾಯಿನ
ಯಶ್ವಂತ್ ಸುವರ್ಣ ಬೊಕ್ಕ ಜಿಲ್ಲಾ ಸರ್ಜನ್ ಡಾ. ಮಧುಸೂದನ್ ನಾಯಕ್ ಪಾಲ್ ಪಡೆದಿತ್ತೆರ್ .

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೆದ್ರದ ಸುದ್ದಿ | Moodbidri News ರಪಕ್ಕ ಸುದ್ದಿ Flash News

ಶ್ರೀ ಮಹಾವೀರ ಕಾಲೇಜ್ ಮೂಡುಬಿದಿರೆ ವತಿರ್ದ್ ಕೊರೊನ ಜಾಗೃತಿ ಅಭಿಯಾನ

Mar 29, 2021

ಮೂಡುಬಿದಿರೆ ಶ್ರೀ ಮಹಾವೀರ ಕಾಲೇಜ್ ದ ಎನ್.ಸಿ.ಸಿ., ರಾಷ್ಟ್ರೀಯ ಸೇವಾ ಯೋಜನೆ, ಯೂತ್ ರೆಡ್ ಕ್ರಾಸ್, ರೋವರ್ಸ್ ಬೊಕ್ಕ ರೇಂಜರ್ಸ್ ಘಟಕದ ಒಟ್ಟು ಸೇರಿಗೆಡ್ ಅಟ್ಟನೆ ಮಲ್ತಿನ ಕೊರೊನ ಜಾಗೃತಿ ಅಭಿಯಾನಗ್ ಪದವಿ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ರಾಧಾಕೃಷ್ಣ ಶೆಟ್ಟಿ ಉದಿಪನ ಮಲ್ತೆರ್ .

ಈ ಮಾತಾ ಘಟಕದ ಜೋಕುಲು, ‘ಮಾಸ್ಕ್ ಪಾಡ್ಲೆ ಜೀವ ಒರಿಪಾಲೆ ; ಸಾಮಾಜಿಕ ಅಂತರ ಜೀವನ ನಿರಂತರ; ಸ್ಯಾನಿಟೈಸರ್ ಪಾಡ್ಲೆ ಕೊರೊನ ಬಲಿಪಾಲೆ ; ಸರ್ಕಾರದ ಕೊರೊನ ಮಾರ್ಗಸೂಚಿನ್ ಕಡ್ಡಾಯವಾದ್ ಪಾಲನೆ ಮಲ್ಪುಲೆ ; ಕೊರೊನ ಬರಂದಿಲಕ ತಡೆಯರೇ ನಿಕ್ಲೆನ ಕೈತಲ್ ದ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ಕಡ್ಡಾಯವಾದ್ ಈ ಕೂಡಲೇ ಕೊರೊನ ಲಸಿಕೆನ್ ಉಚಿತವಾದ್ ದೆತೊನ್ಲೆ ; ಲಸಿಕೆ ಬೋಡು ಕೊರೋನ ಬೊರ್ಚಿ , ಪನ್ಪಿನ ಧ್ಯೇಯವಾಕ್ಯ ಉಪ್ಪುನ ಕರಪತ್ರಲೆನ್ ಕೊಡಂಗಲ್ಲು ಪರಿಸರಡ್ ಉಪ್ಪುನ ರಿಕ್ಷಾ ಚಾಲಕೆರೆಗ್ ಅಂಗಡಿ ಮಾಲಕೆರೆಗ್ ಬೊಕ್ಕ ಸಾರ್ವಜನಿಕೆರೆಗ್ ಕೊರ್ದು ಕೊರೊನ ಜಾಗೃತಿ ಅಭಿಯಾನನ್ ನಡಪಾಯೆರ್. ಬೇತೆ ಬೇತೆ ಘಟಕದ ಸಂಯೋಜಕೆರಾಯಿನ ಡಾ.ಜಯಲಕ್ಷ್ಮಿ, ಶಿವಪ್ರಸಾದ್, ಬಸನಗೌಡ ಪಾಟೀಲ್ ಬೊಕ್ಕ ಸುಮಲತಾ ಅಭಿಯಾನದ ಮುತಾಲಿಕೆ ವಯಿಸ್ದಿತ್ತೆರ್.

ಈ ಅಭಿಯಾನಡ್ ಜೋಕ್ಲೆನ ಒಟ್ಟುಗು ಪದವಿ ಪೂರ್ವ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಪ್ರೊ. ರಮೇಶ್ ಭಟ್, ವಿದ್ಯಾರ್ಥಿ ಕ್ಷೇಮಪಾಲನಾ ಅಧಿಕಾರಿ ಪ್ರೊ.. ಹರೀಶ್ ಬೊಕ್ಕ ಉಪನ್ಯಾಸಕೆರ್ ಪಾಲ್ ಪಡೆದ್ ಇತ್ತೆರ್.

Vibrant Tulunadu ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News ಸುಳ್ಯ ದ ಸುದ್ದಿ | Sullia News

ವಿದ್ಯಾರ್ಥಿ ವೇತನ ವಂಚಿತ ಜೋಕ್ಲೆನ ನ್ಯಾಯಾಗಾದ್ ಎನ್ಎಸ್ ಯುಐ ಸುಳ್ಯ ಅಭಿಯಾನ

Mar 7, 2021

ಸುಳ್ಯ , ಮಾ. 07. 2019-20ನೇ ಸಾಲ್ ದ ವಿದ್ಯಾರ್ಥಿ ವೇತನ ವಂಚಿತ ಜೋಕ್ಲೆನ ವಿಶೇಷ ಗಣತಿನ್ ಮಲ್ತ್ ದ್ ಜೋಕ್ಲೆಗ್ ನ್ಯಾಯ ಕೊರ್ಪಿನ ನೆಲೆಟ್ಟ್ NSUI ಸುಳ್ಯ ಅಭಿಯಾನ ನಡತುಂಡು .

ವಿದ್ಯಾರ್ಥಿ ವೇತನ ತಿಕ್ಕoದಿನ ಜೋಕುಲು ಈ ಸರ್ವೆಡ್ ಪಾಲ್ ಪಡೆದ್ ಅಕ್ಲೆನ ಮಾಹಿತಿನ್ ನೋಂದಾವಣೆ ಮಲ್ತೆರ್. ಈ ಮಾತಾ ಮಾಹಿತಿನ್ NSUI ಆಯಾ ಇಲಾಖೆಗ್ ಸಲ್ಲಿಸಾದ್ ಜೋಕ್ಲೆಗ್ ನ್ಯಾಯ ಕೊರೊಡು ಪಂದ್ ಅಗ್ರಹ ಮಲ್ತೆರ್.

ಈ ಅಭಿಯಾನದ ZOOM ಮೀಟಿಂಗ್ ಡ್ ಜಿಲ್ಲಾಧ್ಯಕ್ಷ ಸವಾದ್ ಸುಳ್ಯ ಚಾಲನೆ ಕೊರಿಯೆರ್ . ಈ ಪೊರ್ತುಡು ಸುಳ್ಯ NSUI ಮುಖಂಡೆರಾಯಿನ ಕೀರ್ತನ್ ಗೌಡ ಕೊಡಪಾಲ, ಆಶಿಕ್ ಅರಂತೋಡ್, ಆಸಿಫ್‌ ಬಾಳಿಲ, ಧನುಷ್ ಕುಕ್ಕೆಟ್ಟಿ, ದರ್ಶನ್, ರಕ್ಷಿತ್, ಶಹಾಲ್, ಯಶವಂತ್, ಪವನ ಅಂಬೆಕಲ್ಲು, ಭರತ್ ಅಡ್ಯಡ್ಕ, ಸುಜಿತ್, ಮಿಥುನ್ ಸುಳ್ಯ, ಮೋಹನ್ ಬೊಕ್ಕ ಸಮಿತಿ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಜಿಲ್ಲಾ ಯುವ ಕಾಂಗ್ರೆಸ್ ವತಿರ್ದ್ ” ಯುವಕರ ನಡೆ, ಗ್ರಾಮದ ಕಡೆ” ಅಭಿಯಾನಗ್ ಚಾಲನೆ

Mar 7, 2021

ಕುಡ್ಲ , ಮಾ. 07. ದ.ಕ ಜಿಲ್ಲಾ ಯುವ ಕಾಂಗ್ರೆಸ್‌ ದ “ಯುವಕರ ನಡೆ, ಗ್ರಾಮದ ಕಡೆ” ಪನ್ಪಿನ ಲೇಸ್ ನ್ ಮುಡಿಪು ಬ್ಲಾಕ್ ಯುವ ಕಾಂಗ್ರೆಸ್ ವತಿರ್ದ್ ಹೂಹಾಕುವಕಲ್ಲು ಎಸ್.ಕೆ ಆಡಿಟೋರಿಯಂಡ್ ಕುಡ್ಲ ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಯು.ಟಿ ಖಾದರ್ ಉದಿಪನ ಮಲ್ತ್ದ್ ಮುಡಿಪು ಬ್ಲಾಕ್ದ ಇರಾ ಗ್ರಾಮಗ್ ರಾಜೇಶ್.ಡಿ, ನರಿಂಗಾನ ಗ್ರಾಮಗ್ ಜೋವಿ ಜೋಯಲ್ ಕುಟಿನ್ಹ ಬೊಕ್ಕ ಕೈರಂಗಲ ಗ್ರಾಮಗ್ ಮೊಹಮ್ಮದ್ ಆರಿಫ್.ಎನ್ ಮೆಕ್ಲೆನ್ ಗುರ್ಕಾರ್ಲಾದ್ ನೇಮಕ ಮಲ್ತ್ ದ್ ಆದೇಶ ಪತ್ರ ಕೊರಿಯೆರ್ .

ಯುವ ಕಾಂಗ್ರೆಸ್ ಜಿಲ್ಲಾಧ್ಯಕ್ಷರಾಯಿನ ಲುಕ್ಮಾನ್ ಬಂಟ್ವಾಳ್ ಪಾತೆರ್ದ್ , ಜಿಲ್ಲೆದ ಪ್ರತಿ ಗ್ರಾಮಡ್ ಗ್ರಾಮ ಸಮಿತಿನ್ ಮಲ್ತ್ ಯುವಕೆರೆನ್ ಸೈದ್ಧಾಂತಿಕವಾದ್ ಬೊಕ್ಕ ತಾತ್ವಿಕವಾದ್ ಜಿಲ್ಲಾ ಯುವ ಕಾಂಗ್ರೆಸ್ ತಯಾರ್ ಮಲ್ಪರೆ ಉಂಡು ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು ಡು ಜಿಲ್ಲಾಮಟ್ಟದ ರಾಷ್ಟ್ರೀಯ ಪೊಣ್ಣು ಜೋಕ್ಲೆನ ದಿನಾಚರಣೆ – ಬೇಟಿ ಬಚಾವೋ ಬೇಟಿ ಪಡಾವೋ ಅಭಿಯಾನ

Jan 25, 2021

ಒಡಿಪು , ಜ.25: ಉಡುಪಿ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ, ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮ, ಮಹಿಳಾ ಶಕ್ತಿ ಕೇಂದ್ರ, ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಒಟ್ಟು ಸೇರಿಗೆಡ್ ಬೇಟಿ ಬಚಾವೋ ಬೇಟಿ ಪಡಾವೋ ಅಭಿಯಾನದ ಪರವಾದ್ ಜಿಲ್ಲಾಮಟ್ಟದ ರಾಷ್ಟ್ರೀಯ ಪೊಣ್ಣು ಜೋಕ್ಲೆನ ದಿನಾಚರಣೆನ್ ಕೋಡೆ ನಿಟ್ಟೂರು ಪೊಣ್ಣು ಜೋಕ್ಲೆನ ಬಾಲಮಂದಿರಡ್ ಅಟ್ಟನೆ ಮಲ್ತಿತ್ತೆರ್.

ಲೇಸ್ ನ್ ಪುಟಾಣಿ ಜೋಕ್ಲೆನೊಟ್ಟಿಗೆ ದೈಕ್ ನೀರ್ ಪಾಡುನ ಮುಖೇನ ಮಕ್ಕಳ ಕಲ್ಯಾಣ ಸಮಿತಿದ ಗುರ್ಕಾರ್ಲಾಯಿನ ರೊನಾಲ್ಡ್ ಫುರ್ಟಾಡೋ, ಜೋಕ್ಲೆನ ಬಾಯಿಗ್ ಜೇನು ತುಪ್ಪಹಾಕಿ ಪಾರ್ದ್ ಎಡ್ಡೆಪ್ಪುದ ಪಾತೆರ ಪಂದ್ ಉದಿಪನ ಮಲ್ತೆರ್.

ಲೇಸ್ ದ ಗುರ್ಕಾರ್ಮೆ ವಯಿಸೊಂದಿನ ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆದ ಉಪ ನಿರ್ದೇಶಕ ಆರ್.ಶೇಷಪ್ಪ ಪಾತೆರ್ದ್ , ಮಕ್ಕಳ ರಕ್ಷಣೆ, ಪೋಷಣೆ ಬೊಕ್ಕ ಸರಕಾರದ ಯೋಜನೆ ಅನುಷ್ಠಾನ ಮಲ್ಪುನ ಮುಖೇನ ಪೊಣ್ಣು ಜೋಕ್ಲೆನ ಮುಖ್ಯ ವಾಹಿನಿಗ್ ಕನವೊಡು ಪಂದ್ ಪಂಡೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಖಾಲಿ ಜಾಗೆ ನಾಡ್ ದ್ ಪಾರ್ಕಿಂಗ್ ವ್ಯವಸ್ಥೆ – ವೇದವ್ಯಾಸ್ ಕಾಮತ್

Jan 19, 2021

ದಿನರ್ದ್ ದಿನಕ್ ಅಭಿವೃದ್ಧಿ ಆವೊಂದು ಉಪ್ಪುನ ಕುಡ್ಲ ಡ್ ಪಾರ್ಕಿಂಗ್‌ಗ್ ಸಮರ್ಪಕವಾಯಿನ ಜಾಗೆ ಇಜ್ಜಂದಿನೆರ್ದಾವರ ಮಲ್ಲ ಸಮಸ್ಯೆಯಾತುಂಡು . ಈ ನಡುಟು ನೋ ಪಾರ್ಕಿಂಗ್‌ ಪ್ರದೇಶಡ್ ಚೂರ್ ಪೊರ್ತು ಗಾಡಿ ಉಂತಾನ್ಡಲ ಸೂಚನೆ ಕೊರಂದೆ ಏಕಾಏಕಿ ಟೋಯಿಂಗ್‌ ಮಲ್ಪುವೆರ್ ಪನ್ಪಿನ ಆರೋಪ ಸಾರ್ವಜನಿಕರ ಆಕ್ರೋಶಗ್ ಕಾರಣ ಆದಿತ್ತುಂಡು . ಸುದಿನ ತಂಡ ವಸ್ತುಸ್ಥಿತಿ ಅಧ್ಯಯನ ನಡಪಾದ್ “ಪಾರ್ಕಿಂಗ್‌ ಪರದಾಟ’ ಅಭಿಯಾನ ನಡಪಾದ್ , ಪರಿಸ್ಥಿತಿನ್, ಜನಪ್ರತಿನಿಧಿ ಬೊಕ್ಕ ಅಧಿಕಾರಿಲೆನ ಗಮನಗ್ ಕಂದೆರ್. ದುಂಬುದ ಕ್ರಮತ ಕುರಿತಾದ್ ಶಾಸಕ ವೇದವ್ಯಾಸ ಕಾಮತ್‌ ಬೊಕ್ಕ ಪಾಲಿಕೆ ಆಯುಕ್ತೆರಯಿನ ಅಕ್ಷಯ್‌ ಶ್ರೀಧರ್‌ ಮೇರ್ ಸುದಿನ ಸಂವಾದಡ್ ಪಾಲ್ ಪಡೆದ್ ಜನಕ್ಲೆನ ಸಮಸ್ಯೆ ಪರಿಹರಿಸಾವುನ ಬಗ್ಗೆ ಭರವಸೆ ಕೊರಿಯೆರ್.

Parking is a big problem in Mangalore city which is growing day by day. In the meantime, the public outrage has been blamed for the fact that the vehicle was parked in the no-parking area for a few minutes and without warning. The team has been studying the situation and “campaigning for a parking lot,” bringing the situation to the attention of the representatives and officials. Lawmakers Kamat and Policy Commissioner Akshay Sridhar have discussed the next steps in a day-long dialogue and promised to solve the problems of the people.

The City of Mangalore will create a special team of city police officers within ten days to address the parking problem in Mangalore city, in the space of a few days.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಶ್ರೀರಾಮ ಮಂದಿರ ನಿಧಿ ಸಮರ್ಪಣ ಅಭಿಯಾನಡ್ ಶ್ರೀರಾಮಚಂದ್ರ ತೀರ್ಥಕ್ಷೇತ್ರಗ್ ಧರ್ಮಸ್ಥಳದರ್ದ್ 25ಲಕ್ಷ ರೂ ದೇಣಿಗೆ

Jan 14, 2021

ಬೆಳ್ತಂಗಡಿ: ಧರ್ಮಸ್ಥಳಡ್ ಅಟ್ಟನೆ ಮಲ್ದಿನ ಅಯೋಧ್ಯೆಡ್ ಶ್ರೀರಾಮ ಮಂದಿರ ನಿಧಿ ಸಮರ್ಪಣ ಅಭಿಯಾನಡ್ ಶ್ರೀರಾಮಚಂದ್ರ ತೀರ್ಥಕ್ಷೇತ್ರಗ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ ವೀರೇಂದ್ರ ಹೆಗ್ಗಡೆ ನಿಧಿ 25 ಲಕ್ಷ ರೂ ದೇಣಿಗೆ ಘೋಷಣೆ ಮಲ್ತೆರ್ . ಈ ಪೊರ್ತುಡು ಪೇಜಾವರ ಶ್ರೀವಿಶ್ವಪ್ರಸನ್ನತೀರ್ಥ ಸ್ವಾಮಿಲು , ಅಭಿಯಾನದ ಸಮಿತಿ ಸದಸ್ಯೆರಯಿನ ವಿವೇಕ್ ಆಳ್ವ ಬೊಕ್ಕ ಧರ್ಮಸ್ಥಳದ ಗಣ್ಯೆರ್ ಪಾಲ್ ಪಡೆದಿತ್ತೆರ್.

Belthangady: Dharmasthala Dharmadhikara Dr Veerendra Hegde announced today that the fund will pay Rs 25 lakh to the Sriramachandra Pilgrimage at Ayodhya in Dharmasthala. Vivek Alva of the campaign committee members Vivek Alva and Dharmasthala were present at the occasion.