ಕಾರ್ಲ: ಕಾರ್ಲದ ಜನಕ್ಲೆಗ್ ದಿನನಿತ್ಯ ಗಲಸುನ ವಸ್ತುಲೆಗ್ ಬಾರಿ ಕಮ್ಮಿ ಪೊರ್ತುಡು ಪುದರ್ ಪಡೆಯಿನ ಪುದರ್ “ಕಾರ್ಲಾ ಸೂಪರ್ ಮಾರ್ಕೆಟ್”.ಇನಿರ್ದ್ ತನ್ನ ಗ್ರಾಹಕೆರೆಗಾದ್ ಭಾರೀ ರಿಯಾಯಿತಿ ಕೊರ್ತೆರ್.
ಟೈಡ್, ಏರಿಯಲ್ ದೆತೊoಡ ವಾಷಿಂಗ್ ಮೆಷಿನ್ ಗೆಂದುನ ಅವಕಾಶ. ರೆಡ್ ಲೇಬಲ್ ಟೀ, ವಿಮ್ ಕಂಫರ್ಟ್, ಸರ್ಫ್ ಕ್ಸೆಲ್ ಮ್ಯಾಟಿಕ್ಸ್ ಪೌಡರ್ ನ್ ದೆತೊoಡ ರೂ. 50 ತಿಕ್ಕುಂಡು . ಆತೆ ಅತ್ತoದೆ ಪ್ರತಿ ಖರೀದಿದ ಮಿತ್ತ್ 3% ರಾಯಲ್ಟಿ ಅಂಕ ಬೊಕ್ಕ ನನಾತ್ ಕೊಡುಗೆ ಉಂಡು.
ಒಡಿಪು : ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಮುದರಂಗಡಿಡ್ ತಾರಿಕ್ 08-05-2022ನೇ ಐತಾರ ಬ್ರಹ್ಮಶ್ರೀ ನಾರಾಯಣ ಗುರುಮಂದಿರದ ಕೈತಲ್, ಪೊಸ ಸಮುದಾಯ ಭವನದ ಉದಿಪನದ ಲೇಸ್ ನಡಪರೆ ಆಯರೇ ಉಂಡು.
ಈ ನೆಲೆಟ್ಟ್ ತಾರಿಕ್ 04-05-2022ನೇ ಬುಧಾರದಾನಿ ಬಯ್ಯಗ್ 5:00 ಗಂಟೆರ್ದ್ ವಾಸ್ತು ಹೋಮ, ಸುದರ್ಶನ ಹೋಮ ನಡಪರೆ ಉಂಡು.
ತಾರಿಕ್ 05-05-2022ನೇ ಗುರುವಾರ ಕಾಂಡೆ 9:00 ಗಂಟೆರ್ದ್ ಗಣಪತಿ ಹೋಮ, ಗುರುಪೂಜೆ, ತಾರಿಕ್ : 08-05-2022ನೇ ಐತಾರ
ಕಾಂಡೆ 10:00 ಗಂಟೆಗ್ ಸಭಾ ಕಾರ್ಯಕ್ರಮ,
ಮಧ್ಯಾಹ್ನ ಗಂಟೆ 1:00ಕ್ ಅನ್ನಸಂತರ್ಪಣೆ
ಬಯ್ಯಗ್ 7:00 ಗಂಟೆರ್ದ್ ಸಾಂಸ್ಕೃತಿಕ ಲೇಸ್,
ರಾತ್ರಿ 8:00 ಗಂಟೆಗ್ ಸಂಘದ ಸದಸ್ಯೆರೆರ್ದ್ ರಮಾನಂದ ನಾಯಕ್, ಜೋಡುರಸ್ತೆ ರಚನೆ ಮಲ್ತಿನ ತುಳು ಹಾಸ್ಯಮಯ ಸಾಂಸಾರಿಕ ನಾಟಕ “ವಠಾರ” ನಡಪರೆ ಉಂಡು.
ಮೈಸೂರು : ಇತ್ತೆದ ಕಾಲಡ್ ಸರಕಾರಿ ಬೇಲೆ ಪಡೆಯೊಡಾoಡ ಬಾರಿ ಬಂಗ ಬರೊಡು . ಭ್ರಷ್ಟಾಚಾರ, ಲಂಚತಾರಡ್ ಅರ್ಹ ಜನಕ್ಲೆಗ್ ಬೇಲೆ ತಿಕ್ಕುನ ಕಮ್ಮಿ ಇಂಚಿನ ಪೊರ್ತುಡು ಕಾಲಿ 14 ವರ್ಷ ಆಯಿನ ಪೊಣ್ಣಗ್ ಆರ್ ಎಫ್ ಒ ಹುದ್ದೆ ಕೊರ್ತೆರ್ .
ಮಂಡ್ಯ ದ ಬೇವಕಲ್ ಗ್ರಾಮದ ಐಶ್ವರ್ಯ ಪನ್ಪಿನ 14 ವರ್ಷದ ಪೊಣ್ಣಗ್ ವಲಯ ಅರಣ್ಯಾಧಿಕಾರಿ ಹುದ್ದೆ ತಿಕ್ಕ್ ದುಂಡು . ಈ ಅಪರೂಪದ ಘಟನೆ ಕರ್ನಾಟಕ ರಾಜ್ಯದ ಪುದರ್ ಪೋಯಿನ ನಾಗರಹೊಳೆ ಅಭಯಾರಣ್ಯಡ್ ಎಲು ತ ಕಾನ್ಸರ್ ಉಪ್ಪುನ ೧೪ ವರ್ಷದ ಪೊಣ್ಣಗ್ ಒಂಜಿ ದಿನತ ಮಟ್ಟಗ್ ಆರ್ಎಫ್ಒ ಆಗಿ ಅಧಿಕಾರ ಕೊರ್ತೆರ್ .
ಹಿರಿಯಡ್ಕ : ಹಿಂದು ಜಾಗರಣ ವೇದಿಕೆ ಹಿರಿಯಡಕ ವಲಯ,ಶ್ರೀ ಶನೇಶ್ವರ ಸೇವಾ ಸಮಿತಿ ಹಿರಿಯಡಕ ವತಿರ್ದ್ ”ಹಿಂದೂ ಧಾರ್ಮಿಕ ಲೇಸ್
ಏಪ್ರಿಲ್ 30 ತಾರಿಕ್ ಶನಿಯಾರ ದಾನಿ ಶ್ರೀ ಶ್ರೀ ಶ್ರೀ ಈಶಪ್ರೀಯ ತೀರ್ಥ ಸ್ವಾಮೀಜಿ ಅದಮಾರು ಮಠ ಮೆರ್ನ ದಿವ್ಯ ಉಪಸ್ಥಿತಿಡ್ ನವಗ್ರಹ ಪೂರ್ವಕ ಶ್ರೀ ಶನಿಶಾಂತಿ ಮಹಾಯಾಗ,ಸ್ಥಳ ಶ್ರೀ ಕ್ಷೇತ್ರ ವೀರಭದ್ರ ದೇವಸ್ಥಾನ ದ ಎದುರು ಹಿರಿಯಡ್ಕಡ್ ನಡಪರೇ ಉಂಡು.
ಕಾಂಡೆ 7.30 ಕ್ ಗಣಹೋಮ,
8.00 ಕ್ಕೆ ಶನೇಶ್ವರ ಯಾಗ,
11.00 ಗಂಟೆಗೆ ಪ್ರಸಾದ ವಿತರಣೆ,11.30 ಕ್ ಧಾರ್ಮಿಕ ಲೇಸ್ ಅಂಚನೆ
ಯುವ ವಾಗ್ಮಿ ಕುಮಾರಿ ಹಾರಿಕಾ ಮಂಜುನಾಥ್ ಮೆರೆರ್ದ್ ದಿಕ್ಸೂಚಿ ಭಾಷಣ,
ಮದ್ಯಾಹ್ನ 1 ಗಂಟೆಗ್ ಮಹಾ ಅನ್ನ ಸಂತರ್ಪಣೆ,ಮದ್ಯಾಹ್ನ 2 ಗಂಟೆರ್ದ್ ಜಗದೀಶ್ ಪುತ್ತೂರು ಮೆರೆರ್ದ್ “ಸಂಗೀತಾ ಗಾನ ಸಂಬ್ರಮ” ನಡಪರೇ ಉಂಡು.
ಒಡಿಪು : ಒಡಿಪುದ ಯಕ್ಷಗಾನ ಕಲಾರಂಗವು ಸಹೃದಯಿ ಕಲಾ ಪೋಷಕ ಮಟ್ಟಿ ಮುರಲೀಧರ ರಾವ್ ಬೊಕ್ಕ ಅರ್ಥಧಾರಿ, ಲೇಖಕ ಪೆರ್ಲ ಕೃಷ್ಣ ಭಟ್ ನೆಂಪುಡು ಕೊರ್ಪಿನ ಯಕ್ಷಗಾನ ಕಲಾರಂಗ ಪ್ರಶಸ್ತಿಗ್ ಅನುಕ್ರಮವಾದ್ ಪೆರಿಯ ಅರ್ಥಧಾರಿ ಎಸ್. ಎಮ್. ಹೆಗಡೆ ಬೊಕ್ಕ ಅರ್ಥಧಾರಿ, ಲೇಖಕ, ಚಿಂತಕ ಕೆ. ಎಲ್. ಕುಂಡಂತಾಯ ಆಯ್ಕೆಯಾತೆರ್.
ಸಂಸ್ಥೆದ ತಾಳಮದ್ದಲೆ ಸಪ್ತಾಹ ಮೇ 23 ರ್ದ್ ಸುರು ಆಯರೇ ಉಂಡು , ಮೇ 29 ಐತಾರ ಬಯ್ಯಗ್ 5 ಗಂಟೆಗ್ ಶ್ರೀಕೃಷ್ಣ ಮಠದ ರಾಜಾಂಗಣಡ್ ನಡಪರೇ ಉಪ್ಪುನ ಸಪ್ತಾಹ ಸಮಾರೋಪ ಲೇಸ್ ಡ್ ಪ್ರಶಸ್ತಿ ಪ್ರದಾನ ಮಲ್ಪರೆ ಉಲ್ಲೆರ್ .ಎಸ್. ಎಮ್. ಹೆಗಡೆ ಮುಡಾರೆ ಮೇರ್ ಪ್ರಶಸ್ತಿಗ್ ಆಯ್ಕೆ ಆಯಿ ಬೊಕ್ಕ ತೀರ್ ಪೋಯಿನೆರ್ದಾವರ ಮರಣೋತ್ತರವಾದ್ ಪ್ರದಾನ ಮಲ್ಪರೆ ಉಲ್ಲೆರ್ .
ಅಫ್ಘನ್ : ಆಫ್ಘಾನಿಸ್ತಾನಡ್ ಬಾಂಬ್ ದಾಳಿ ಉಂತೊಂದು ಇಜ್ಜಿ . ಒಂಜಿ ಘಟನೆ ಮಾಜುನ ದುಂಬೇ ಕುಡೊಂಜಿ ನಡತ್oಡ್. ಇತ್ತೇ ಗುರುವಾರ ಬಯ್ಯಗ್ ಅಫ್ಘಾನಿಸ್ತಾನದ ಮಜರ್-ಎ-ಷರೀಫ್ಡ್ ಮಿನಿ ಬಸ್ದ ಮಿತ್ತ್ ರಡ್ಡ್ ಬಾಂಬ್ ದಾಳಿ ನಡತ್oಡ್ .
ಇಸ್ಲಾಮಿಕ್ ಸ್ಟೇಟ್ ಬಾಂಬ್ ದಾಳಿದ ಹೊಣೆ ದೆತೊನ್ದುಂಡು .
ಕಾಂಡೆ ರ್ದ್ ಬಯ್ಯ ಮುಟ ಉಪವಾಸ ಇತ್ತ್ ದ್ ಬಯ್ಯಗ್ ʻರೋಜಾʼ ಪೊರ್ತುಡು ಇಲ್ಲಗ್ ಬನ್ನಗ ಬಾಂಬ್ ಸ್ಫೋಟ ನಡತ್oಡ್ . ಘಟನೆಡ್ 9 ಜನ ತೀರ್ ಪೋಯೆರ್ ಪಂದ್ ಬಾಲ್ಖ್ ಪ್ರಾಂತೀಯ ಪೊಲೀಸ್ ವಕ್ತಾರ ಆಸಿಫ್ ವಜಿರಿ ಪಂಡೆರ್ .
ಒಡಿಪು : ಮೈಸೂರುದ ಮಹಾರಾಜೆರ್ ಇನಿ ಕಾಂಡೆ ಉಚ್ಚಿಲ ದ ಶ್ರೀ ಮಹಾಲಕ್ಷ್ಮಿ ದೇವಲ್ಯೊಗು ಭೇಟಿ ಕೊರ್ದು ದೇವೆರೆ ದರ್ಶನ ಪಡೆಯೆರ್.
ಮಣ್ಣ್ ದ ಗೋಡೆದ ಗರೋಡಿಗ್ ನವೀಕರಣದ ಯೋಗ
ನಮ್ಮ ತುಳುನಾಡ ದೈವಾರಾಧನೆಲೆಡ್ ಗರೋಡಿ ಒಂಜಿ ಪ್ರಧಾನವಾಯಿನ ಪಾತ್ರನ್ ವಹಿಸೊಂದ್ಂಡ್. ಇಂಚಿನ ಮಸ್ತ್ ಗರೋಡಿಲು ಉಂಡು. ಅಂಚಿನ ಪಿರಾಕ್ ದ ಗರೋಡಿಲೆಡ್ ಒಡಿಪು ಜಿಲ್ಲೆ ಬೈಂದೂರ್ ತಾಲೂಕ್ ದ ಹೇರೂರು ಗ್ರಾಮದ ಯರುಕೋಣೆದ ಪೂಜಾರಿ ಇಲ್ಲ್ ಕೈತಲ್ ಇಪ್ಪುನ ಗರೋಡಿಲ ಒಂಜಿ. ಈ ಗರೋಡಿ ಪಿರಾಕ್ ದ ಅಂಚನೆ ಮಸ್ತ್ ಶಕ್ತಿಯುತವಾದ್ಂಡ್. ಈ ಪಿರವು ನಮ್ಮ ಪೆರಿಯೆರ್ ಮಣ್ಣ್ ದ ಗೋಡೆ, ಸುಂದರವಾಯಿನ ಓಡು, ಮಲ್ಲ ಮಲ್ಲ ಬಿಂಬಲು, ಆಕರ್ಷಣೀಯವಾದ್ ಇಪ್ಪುನ ಶಿಲೆತ್ತ ವೆಂಕಟರಮಣ ಮೂರ್ತಿ, ಇಂಚ 50ರ್ದ್ ಲ ಮಿತ್ತ್ ಸಾನಿಧ್ಯಲು ಇಪ್ಪುನ ಗರೋಡಿನ್ ನಿರ್ಮಿಸಾದ್, ಪೂಜೆ ಪುನಸ್ಕಾರನ್ ಮಲ್ತೊಂದ್ ಬೈದೆರ್. ಪೂರ್ವ ದಿಕ್ಕ್ ಡ್ ಇಪ್ಪುನ ಗರೋಡಿ ಉಂದಾದಿತ್ತ್ ದ್, ಸುಮಾರ್ ರಡ್ದರೇ ಶತಮಾನದ ಇತಿಹಾಸ ಇಪ್ಪುನ ಗರೋಡಿ ಉಂದಾತ್ಂಡ್. ಕಾಲ ಪೋಯಿಲೆಕ್ಕನೇ ಮಣ್ಣ್ ದ ಗೋಡೆಲು ಅಂಚನೆ ಓಡು ಪೂರ ಹಾಳಾದಿತ್ತ್ ದ್, ಪುಂಚ ಬುಲೆದ್, ಕೆಲವು ಬಿಂಬಲು ಮುಚ್ಚಿದ್ ಪೋತ್ಂಡು. ಇತ್ತೆ ಗರೋಡಿ ಪೂರ ಹಾಳಾದಿತ್ತ್ ದ್, ಪೂಜೆ, ಪುನಸ್ಕಾರ ಮಲ್ಪರೆ ಪೋಡಿಗೆ ಆಪಿಲೆಕ್ಕ ಆತ್ಂಡ್. ಅಂಚಾದ್ ಈ ಗರೋಡಿನ್ ನವೀಕರಣ ಮಲ್ಪರೆ ನಿಶ್ಚಯ ಮಲ್ತೆದೆರ್.
ಈ ಪಿರವು ಒವ್ ಸಂಪ್ರದಾಯಡ್ ಸೇವೆಲು ನಡತ್ತೊಂದ್ ಇತ್ತ್ಂಡೊ ಕಾಲಕ್ರಮೇಣ ಕೆಲ ಪೂಜೆಲು ಉಂತುನ್ಡಲ ಮುಖ್ಯವಾಯಿನ ಸೇವೆಲು ಸರಳವಾದ್ ವಿಧಿಪೂರ್ವಕವಾದ್ ಅನುಷ್ಠಾನ ಆವೊಂದ್ ಬೈದ್ಂಡ್. ಈ ಗರೋಡಿನ್ ನಂಬಿನ ಕುಟುಂಬಲು ಕೆಲವೆರ್ ಮಾತ್ರ ಇಪ್ಪುನಿ. ಬೊಕ್ಕ ಅಕುಲ್ ಮಾತ ಆರ್ಥಿಕವಾದ್ ದುಂಬು ಇಪ್ಪಂದಿನ ಕಾರಣ ಜೀರ್ಣೋದ್ಧಾರ ಕಾರ್ಯಗ್ ದುಂಬು ಪೋಯರೆ ಧೈರ್ಯ ಯಾರಿಜಿ. ದಾದಾಂಡಲ ಪ್ರಯತ್ನ ಮಲ್ತ್ ದ್, ಜೀರ್ಣೋದ್ಧಾರ ಮಲ್ಪೊಡ್ ಪನ್ಪಿನ ದೃಢ ಸಂಕಲ್ಪರ್ದ್ ಭಕ್ತೆರ್ ಸಾಕಾಯ ಕೊರ್ದ್ ದೇವತಾ ಕಾರ್ಯನ್ ಪೂರ್ಣ ಮಲ್ಪಿನ ಬಗೆಟ್ಟ್ ನಿಕ್ಲೆಡ ಸಕಾಯನ್ ಕೆನೊಂದುಲ್ಲ.
ಜೀರ್ಣೋದ್ಧಾರದ ಸುರುತ್ತ ಹಂತವಾಯಿನ ಗರೋಡಿದ ಬೇಲೆನ್ ಎಂಚ ಮಲ್ಪೊಡು ಪಂದ್ ಮಸ್ತ್ ಗರೋಡಿಲೆನ್ ತೂದ್ ಬೊಕ್ಕ ಧಾರ್ಮಿಕ ಮುಖಂಡೆರ್ನ ಸಲಹೆ ಸೂಚನೆನ್ ದೆತೊಂದ್, 2019ನೇ ಫೆಬ್ರವರಿ 2 ತಾರೀಕ್ ಗ್ ಆರೂಢ ಪ್ರಶ್ನೆ ದಿಯರೇ ಚಿಂತನೆ ಮಲ್ತೆರ್. ಪ್ರಶ್ನೆಡ್ ತೆರಿದ್ ಬತ್ತಿಲೆಕ್ಕ 2020 ನೆ ಇಸ್ವಿ ಮೇ 11ಕ್ಕ್ ನಾಗನ ಆರಾಧನೆ, ಮಹಾಗಣಪತಿ ಹೋಮ, ಮೃತ್ಯುಂಜಯ ಹೋಮ ಇಂಚಿತ್ತಿನ ಪೂಜೆ, ಹೋಮ ದೇವೆರ್ನ ಆರಾಧನೆನ್ ಮಲ್ತೆರ್.
ಜಗತ್ತ್ ಗ್ ಬತ್ತಿನ ಕೋವಿಡ್ 19 ಸೀಕ್ ರ್ದ್ ಮಸ್ತ್ ತೊಂದರೆ ಆಂಡಲಾ ಸರ್ಕಾರದ ನಿಯಮನ್ ಪಾಲಿಸಾವೊಂದ್, ದೈವಶಕ್ತಿದ ಅನುಗ್ರಹಟ್ಟ್ ಸರಳವಾದ್ ಮಾತ ಕಾರ್ಯಕ್ರಮನ್ ವಿಧಿ ವಿಧಾನರ್ದ್ ಮಲ್ತೆರ್. ಎಡ್ಡೆ ಇಂಜಿನಿಯರ್ ನೀಲನಕ್ಷೆ ಬೊಕ್ಕ ಅಂದಾಜು ಕರ್ಚಿದ ಪಟ್ಟಿ ತಯಾರ್ ಮಲ್ತೆರ್. ಪೊಸ ಗರೋಡಿ ಕಟ್ಟಾವರೆ ಸುಮಾರ್ 1 ಕೋಟಿ 50 ಲಕ್ಷ ಕಾಸ್ ಬೋಡಿತ್ತ್ ದ್, ಮಾತ ಭಕ್ತಾಭಿಮಾನಿಲು ತನು-ಮನ-ಧನತ್ತ ಸಾಕಾರನ್ ಕೊರ್ದ್, ಎಂಕ್ಲೆಗ್ ಮಾತ ಕ್ಷೇತ್ರಾದಿ ಶಕ್ತಿಲು ಆಯುಷ್ಯ, ಆರೋಗ್ಯ, ಸಂಪತ್ತ್ ಕೊರಡ್ ಪಂದ್ ಯರುಕೊಣೆ ಶ್ರೀ ಬ್ರಹ್ಮಬೈದರ್ಕಳ ಕೋಟಿ ಚೆನ್ನಯ ಬೊಕ್ಕ ಪಂಜುರ್ಲಿ ಗರೋಡಿದ ಜೀರ್ಣೋದ್ಧಾರ ಸಮಿತಿದ ಸೇವಾಕರ್ತೆರ್ ದೇವೆರ್ಡ ಪ್ರಾರ್ಥನೆ ಮಲ್ತೊಂದೆರ್.
ಫಿನಿಕ್ಸ್, : ಲೋಕ ಕಲ್ಯಾಣಾರ್ಥವಾದ್ ಅಮೆರಿಕಾದ ಫಿನಿಕ್ಸ್ ಪೇಂಟೆದ ಪುತ್ತಿಗೆ ಮಠಟ್ ಎ.11 ಕ್ಕ್ ಸುರು ಆಯಿನ ಶತ ಚಂಡಿಕಾಯಾ ಎ. 16 ಕ್ಕ್ ಪೂರ್ಣಾಹುತಿ ಮುಖೇನ ಸಂಪನ್ನ ಆಂಡ್.
.
ಪುತ್ತಿಗೆ ಮಠದ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದರ ಸಂಕಲ್ಪ ನಡತಿನ ಈ ವಿಶಿಷ್ಟ ಧಾರ್ಮಿಕ ಲೇಸ್ಡ್ ಭಕ್ತೆರ್ ಪಾಲ್ ಪಡೆದಿತ್ತೆರ್ .
10 ಋತ್ವಿಜರೆರ್ದ್ 100 ಪಾರಾಯಣ, ಒಂಜಿ ಲಕ್ಷ ನವಾಕ್ಷರಿ ಮಂತ್ರ ಜಪ, ಪತ್ತ್ ಸಾರ ಆಜ್ಯ ಹೋಮ ಮೂಲಕ ಶತಚಂಡಿಕಾಯಾಗ ನಡತ್oಡ್.
ಒಡಿಪು ,: ಒವ್ವೆ ಸೀಕ್ ಬತ್ತ್ ದ್ ಮರ್ದ್ ದೆತೊನುನ ಬದಲ್ ಸೀಕ್ ಬರಂದಿಲಕ ತೂಪಿನ ಅಗತ್ಯ ಮುನ್ನೆಚ್ಚರಿಕೆ ಕ್ರಮ ದೆತೊನೊಡು, ದೆತೊoಡ ಸೀಕ್ ರ್ದ್ ದೂರ ಉಪ್ಪre ಸಾಧ್ಯ ಪಂದ್ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ ಪಂಡೆರ್ .
ಮೇರ್ ಕೋಡೆ ಪೇಂಟೆದ ಜಿಲ್ಲಾ ಪಂಚಾಯತ್ ದ ಡಾ. ವಿ.ಎಸ್. ಆಚಾರ್ಯ ಚಾವಡಿಡ್ ನಡತಿನ
ಜಿಲ್ಲಾ ಮಟ್ಟದ ಡೆಂಗ್ಯೂ ಬೊಕ್ಕ ಮಲೇರಿಯಾ ಸಮನ್ವಯ ಸಮಿತಿ ಸಭೆತ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್ ಅಧ್ಯಕ್ಷತೆ ವಹಿಸಿ .
