tuluvaarte

ರಾಷ್ಟ್ರಪತಿ ವೋಟು ಗೆನ್ಪರೆ ಸುರು ಏರ್ ಆವೆರ್ ಭಾರತದ ಪ್ರೆಸಿಡೆಂಟ್ ?

Jul 21, 2022

ಕರ್ನಾಟಕ : ಇತ್ತೆ 11 ಗಂಟೆಗ್ ರಾಷ್ಟ್ರಪತಿ ವೋಟುದ ಲೆಕ್ಕ ಸುರು ಆತ್ಂಡ್.
ಆಯ್ಕೆಯಾಯಿನ ಅಭ್ಯರ್ಥಿ ಭಾರತದ 15ನೇ ರಾಷ್ಟ್ರಪತಿಯಾದ್ ಅಧಿಕಾರ ದೆತೊನೆರೆ ಉಲ್ಲೆರ್ .

ಬಿಜೆಪಿ ಮುತಾಲಿಕೆದ ಎನ್‌ಡಿಎ ಅಭ್ಯರ್ಥಿ ದ್ರೌಪದಿ ಮುರ್ಮು ಬೊಕ್ಕ ಜಂಟಿ ವಿರೋಧ ಪಕ್ಷದ ಅಭ್ಯರ್ಥಿ ಯಶವಂತ್ ಸಿನ್ಹಾ ನಡುಟು ಪಂಥ ನಡತೊಂದು ಉಂಡು. ಆಡಳಿತಡ್ ಉಪ್ಪುನ ಬಿಜೆಪಿದ ಸಂಖ್ಯಾಬಲ ಜಾಸ್ತಿ ಉಂಡು ಮುರ್ಮು ಗೆಂದುನ ಖಚಿತ ಪಂದ್ ಪನೊಂದು ಉಲ್ಲೆರ್ . ಜಾರ್ಖಂಡ್‌ದ ಮಾಜಿ ಗವರ್ನರ್ ಆಯಿನ ದ್ರೌಪದಿ ಮುರ್ಮು ಮೇರ್ ಆಯ್ಕೆ ಆಂಡ , ಭಾರತದ ಸುರುತ ಬುಡಕಟ್ಟು ರಾಷ್ಟ್ರಪತಿ ಬೊಕ್ಕ ದೇಶದ ರಡ್ಡನೇ ಪೊಂಜೊವು ರಾಷ್ಟ್ರಪತಿ ಪನ್ಪಿನ ಪುಗಾರ್ತೆ ಪಡೆಯೆರೆ ಉಲ್ಲೆರ್ .

ಜುಲೈ 18 ಗ್ ದೇಶಡ್ ಮಾತಾ ಚುನಾಯಿತ ಶಾಸಕೆರ್ ಬೊಕ್ಕ ಸಂಸದೆರ್ ರಾಮನಾಥ್ ಕೋವಿಂದ್ ಮೆರ್ನ ಉತ್ತರಾಧಿಕಾರಿಗ್ ವೋಟು ಪಾಡ್ದ್ ಇತ್ತೆರ್ . ಸಂಸತ್ ಭವನಡ್ ನಡತಿನ ವೋಟುಡು 736 ಜನಟ್ 728 ಮತದಾರೆರ್ ವೋಟು ಪಾಡ್ದೆರ್.

Uncategorized ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಹಿಜಾಬ್ ಲಡಾಯಿ : 14 ಪೊಸ ಕಾಲೇಜ್ ಕಟ್ಟೆರೆ ಅರ್ಜಿ ಪಾಡಿನ ಮುಸ್ಲಿಂ ಶಿಕ್ಷಣ ಸಂಸ್ಥೆ

Jul 21, 2022

ಹಿಜಾಬ್ ಲಡಾಯಿ : 14 ಪೊಸ ಕಾಲೇಜ್ ಕಟ್ಟೆರೆ ಅರ್ಜಿ ಪಾಡಿನ ಮುಸ್ಲಿಂ ಶಿಕ್ಷಣ ಸಂಸ್ಥೆ

ಕುಡ್ಲ ,: ಕುಡ್ಲಡ್ ಹಿಜಾಬ್ ಲಡಾಯಿ ನನಾತ್ ಜಾಸ್ತಿ ಆವೊಂದು ಉಂಡು . ಸಿಎಫ್‌ಐ ಗರ್ಲ್ಸ್ ಕಾನ್ಫರೆನ್ಸ್ ಪುದರ್ ಡ್ ಹಿಜಾಬ್ ಬಗ್ಗೆ ಕುಡೊಂಜಿ ಸುತ್ತುದ ಲಡಾಯಿಗ್ ಮುಸ್ಲಿಂ ಕಲ್ಪಾರ್ಥಿಲು ಲಡಾಯಿ ಮಲ್ದೆರ್ . ಇಂಚಿಡ್ ಮುಸ್ಲಿಮ್ ಸಮುದಾಯ ಪಿಯು ಕಾಲೇಜು ಕಟ್ಟೆರೆ ದುಂಬು ಬೈದುಂಡು.

ಕುಡ್ಲಡ್ ಪಿಯು ಕಾಲೇಜು ಸುರು ಮಲ್ಪರೆ ಮುಸ್ಲಿಂ ಶಿಕ್ಷಣ ಸಂಸ್ಥೆ ದುಂಬು ಬೈದುಂಡು ಕುಡ್ಲಡ್ 14 ಪಿಯು ಕಾಲೇಜು ಸುರು ಮಲ್ಪೆರೆ ಮುಸ್ಲಿಂ ಶಿಕ್ಷಣ ಸಂಸ್ಥೆ ರಾಜ್ಯ ಸರ್ಕಾರಗ್ ಬಿನ್ನಾಪು ಮಲ್ದುಂಡು.

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬೆಂಗ್ಳೂರು ರಾಜ್ಯ ಸಭಾ ಸದಸ್ಯೆಯಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ಪಿಟಿ ಉಷಾ

Jul 21, 2022

ಬೆಂಗ್ಳೂರು ರಾಜ್ಯ ಸಭಾ ಸದಸ್ಯೆಯಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ಪಿಟಿ ಉಷಾ

ಬೆಂಗ್ಳೂರು: ರಾಜ್ಯಸಭಾ ಸದಸ್ಯೆಯಾದ್ ಭಾರತದ ಪುಗಾರ್ತೆದ ಕ್ರೀಡಾಪಟು ಪಿಟಿ ಉಷಾ ಇನಿ ಪ್ರಮಾಣ ವಚನ ಸ್ವೀಕಾರ ಮಲ್ದೆರ್ . ಕೇರಳದ ಕೋಝಿಕ್ಕೋಡ್ ಜಿಲ್ಲೆದ ಹಳ್ಳಿಡ್ ಪುಟ್ಟಿನ ಉಷಾ, ಕ್ರೀಡಾ ಕ್ಷೇತ್ರಡ್ ಬಾರಿ ಪುಗಾರ್ತೆ ಪಡೆತಿನಾರ್.

ವಿಶ್ವ ಜೂನಿಯರ್ ಇನ್ವಿಟೇಶನಲ್ ಮೀಟ್, ಏಷ್ಯನ್ ಚಾಂಪಿಯನ್‌ಶಿಪ್ ಬೊಕ್ಕ ಏಷ್ಯನ್ ಗೇಮ್ಸ್ ಸೇರಿನಂಚ ಬೇತೆ ಬೇತೆ ಅಂತಾರಾಷ್ಟ್ರೀಯ ಕ್ರೀಡಾಕೂಟಡ್ ದೇಶನ್ ಪ್ರತಿನಿಧಿಸಾದ್ ಪದಕ ಪಡೆಯಿನ ಮೇರ್ ಪಯ್ಯೋಲಿ ಎಕ್ಸ್‌ಪ್ರೆಸ್ ಪಂದ್ ಪುದರ್ ಪಡೆತೆರ್.

ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ, ಖ್ಯಾತ ಸಂಯೋಜಕ ಇಳಯರಾಜ, ಚಿತ್ರಕಥೆಗಾರೆ ವಿ. ವಿಜಯೇಂದ್ರ ಪ್ರಸಾದ್ ಒಟ್ಟುಗು ಮೆರ್ಲ ಮೇಲ್ಮನೆಗ್ ನಾಮ ನಿರ್ದೇಶನ ಆದ್ ಇತ್ತೆರ್ .

ಉಡುಪಿದ ಸುದ್ದಿ | Udupi News

ಒಡಿಪು ಸಿಟಿ ಬಸ್ ನಿಲ್ದಾಣ ವೃತ್ತಗ್ ಸಂಗೊಳ್ಳಿ ರಾಯಣ್ಣ ಪುದರ್ ನಾಮಕರಣ: ಅಳುಪ ರಾಜೆರ್ನ ಪುದರ್ ದೀಯೆರೆ ಅಗ್ರಹ ಮಲ್ತಿನ ತುಳುವೆರ್

Jul 21, 2022

ಒಡಿಪು ಸಿಟಿ ಬಸ್ ನಿಲ್ದಾಣ ವೃತ್ತಗ್ ಸಂಗೊಳ್ಳಿ ರಾಯಣ್ಣ ಪುದರ್ ನಾಮಕರಣ

ಅಳುಪ ರಾಜೆರ್ನ ಪುದರ್ ದೀಯೆರೆ ಅಗ್ರಹ ಮಲ್ತಿನ ತುಳುವೆರ್

ಒಡಿಪು : ಒಡಿಪು ನಗರಸಭಾ ವ್ಯಾಪ್ತಿದ ಸಿಟಿ ಬಸ್ ನಿಲ್ದಾಣರ್ದ್ ನರ್ಮ್ ಬಸ್ ಸ್ಟಾಂಡ್ ಕೈತಲ್ ಸರ್ವೀಸ್ ಬಸ್ ನಿಲ್ದಾಣಗ್ ಬರ್ಪಿನ ಮಾರ್ಗಡ್ ಉಪ್ಪುನ ವೃತ್ತಗ್ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ವೃತ್ತ ಪಂದ್ ನಾಮಕರಣ ಮಲ್ಪುನ ಬಗ್ಗೆ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಅಭಿಮಾನಿ ಕೂಟದಕುಲು ಬಿನ್ನಾಪು ಮಲ್ದೆರ್ , ಈ ಬಗ್ಗೆ ಆಕ್ಷೇಪಣೆ ಬೊಕ್ಕ ಸಲಹೆ ಉಂಡುಡ ಸಾರ್ವಜನಿಕೆರ್ 30 ದಿನತ ಉಲಯಿ ನಗರಸಭೆ ಕಚೇರಿಗ್ ಬಿನ್ನಾಪು ಮಲ್ಪರೆ ನಗರಸಭೆ ಪೌರಾಯುಕ್ತರ ಕಚೇರಿ ಪ್ರಕಟಣೆ ತೆರಿಪಾದ್ಂಡ್ .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫ್ರೆಂಡ್ಸ್ ಬಳಂತಿಮೊಗರು ಒಟ್ಟು ಸೇರಿಗೆಡ್ ರಡ್ಡನೇ ವರ್ಷದ “ಕೆಸರ್ಡ್ ಒಂಜಿ ದಿನ ” ಲೇಸ್

Jun 23, 2022

ಫ್ರೆಂಡ್ಸ್ ಬಳಂತಿಮೊಗರು ಒಟ್ಟು ಸೇರಿಗೆಡ್ ರಡ್ಡನೇ ವರ್ಷದ “ಕೆಸರ್ಡ್ ಒಂಜಿ ದಿನ ” ಲೇಸ್

ಬಳಂತಿಮೊಗರು: ಫ್ರೆಂಡ್ಸ್ ಬಳಂತಿಮೊಗರು ಮೆಕ್ಲೆನ ಒಟ್ಟು ಸೇರಿಗೆಡ್ ತಾರಿಕ್ 3/7/2022 ನೇ ಐತಾರ ಬಳಂತಿಮೊಗರು ದೈವಸ್ಥಾನದ ಎದುರುದ ಕಂಡಡ್ ಕೆಸರ್ಡೊಂಜಿ ದಿನ ಲೇಸ್ ನಡಪೆರೆ ಉಂಡು.

ಕಾಂಡೆ 9 ಗಂಟೆಗ್ ಪುಗಾರ್ತೆದ ವೈದ್ಯೆರ್ ಆಯಿನ ಡಾ. ಎಂ. ಕೆ ಪ್ರಸಾದ್ ಲೇಸ್ ಉಧಿಪನ ಮಲ್ಪೆರೆ ಉಲ್ಲೆರ್. ವಿವೇಕಾನಂದ ಬಿಎಡ್ ಕಾಲೇಜ್ ದ ಸಂಚಾಲಕೇರಾಯಿನ ಶ್ರೀಮತಿ ಗಂಗಮ್ಮ ಎಚ್ ಶಾಸ್ತ್ರೀ ಲೇಸ್ ದ ಗುರ್ಕಾರ್ಮೆ ವಹಿಸರೆ ಉಲ್ಲೆರ್. ಮಲ್ಲ ಬಿನ್ನೆರ್ ಆದ್ ಶ್ರೀಮತಿ ಪ್ರತಿಭಾ ಜಗನ್ನಾಥ ಗೌಡ, ಅರುಣ್ ಕುಮಾರ್ ಪುತ್ತಿಲ, ಶ್ರೀ ಪ್ರವೀಣ್ ಕುಮಾರ್, ಶ್ರೀ ಹರಿಕೃಷ್ಣ ಶೆಟ್ಟಿ,, ಹರೀಶ್ ಸಿ ಎಚ್, ಸುಂದರ್ ರೈ ಮಂದಾರ, ಮೋನಪ್ಪ ಸುವರ್ಣಪಾಲ್ ಪಡೆಯೆರೆ ಉಲ್ಲೆರ್. ಉಂದುವೇ ಪೊರ್ತುಡು ಶ್ರೀಮತಿ ಲೀಲಾ ಬಲಂತಿಮೊಗರು ಮೆರೆಗ್ ಮಾನದಿಗೆದ ಲೇಸ್ ನಡಪೆರೆ ಉಂಡು.

ಅವ್ವೆ ದಿನ ಬಯ್ಯಗ್ 6 ಗಂಟೆಗ್ ಮುಗಿತಲದ ಲೇಸ್ ನಡಪೆರೆ ಉಂಡು. ಶ್ರೀ ಮಹಿಷ ಮರ್ಧಿನಿ ದೇವಲ್ಯ ಪುಣಚ ನೆತ್ತ ಗುರ್ಕಾರ್ಲಾಯಿನ ಶ್ರೀ ಎಸ್. ಆರ್ ರಂಗಮೂರ್ತಿ ಲೇಸ್ ದ ಗುರ್ಕಾರ್ಮೆ ವಹಿಸರೆ ಉಲ್ಲೆರ್. ಮಲ್ಲ ಬಿನ್ನೆರ್ ಆದ್ ಶ್ರೀ ಸಂಜೀವ ಮಠoದೂರು, ಶ್ರೀ ರಾಮಕೃಷ್ಣ ಪೂಜರಿ, ಸಹಜ್ ರೈ ಬಳಜ್ಜ, ಶ್ರೀ ಅಜಿತ್ ಹೊಸಮನೆ, ಅಶೋಕ್ ಕುಮಾರ್, ಆನಂದ್ ನಾಯ್ಕ್, ರಾಜೇಶ್ ನಾಯ್ಕ್, ಶಾರಧ ಉದಯ್ ಕುಮಾರ್, ವಾಣಿಶ್ರೀ ಪಾಲ್ ಪಡೆಯೆರೆ ಉಲ್ಲೆರ್.

ಲಂಡನ್‌ಡ್ ಕ್ರಿಸ್ ಗೇಲ್ ನ್ ಭೇಟಿ ಮಲ್ತಿನ ಆರ್‌ಸಿಬಿ ಮಾಜಿ ಓನರ್ ವಿಜಯ್ ಮಲ್ಯ

Jun 23, 2022

ಲಂಡನ್‌ಡ್ ಕ್ರಿಸ್ ಗೇಲ್ ನ್ ಭೇಟಿ ಮಲ್ತಿನ ಆರ್‌ಸಿಬಿ ಮಾಜಿ ಓನರ್ ವಿಜಯ್ ಮಲ್ಯ

ಲಂಡನ್: ಮದ್ಯದ ದೊರೆ ವಿಜಯ್ ಮಲ್ಯ ರಾಯಲ್ ಚಾಲೆಂಜರ್ಸ್ ಬೆಂಗ್ಳೂರು (Royal Challengers Bangalore) ಕೂಟದ ಸುರುತ ದನಿ . ಬ್ಯಾಂಕ್’ಗ್ ಸಾರ ಕೋಟಿ ಪತ್ತಾದ್ ಲಂಡನ್”ಗ್ ಪಲಾಯನ ಮಲ್ತಿ ಬೊಕ್ಕ RCB ಗುರ್ಕಾರ್ಮೆದ ಪಾಲ್ ಆತೆರ್ . ಸದ್ಯಗ್ ಲಂಡನ್”ಡ್ ಉಪ್ಪುನ ವಿಜಯ್ ಮಲ್ಯ, ಅಲ್ಪ ತನ್ನ ರಾಯಲ್ ಚಾಲೆಂಜರ್ಸ್ ಬೆಂಗ್ಳೂರು ಕೂಟದ ಮಾಜಿ ಆಟಗಾರ ಕ್ರಿಸ್ ಗೇಲ್ ಮೆರೆನ್ ಭೇಟಿ ಮಲ್ದೆರ್ (Vijay Mallya meets Chris Gayle) ಯೂನಿವರ್ಸ್ ಬಾಸ್ ಗೇಲ್”ನ್ ಭೇಟಿ ಮಲ್ತಿನ ಚಿತ್ರನ್ ವಿಜಯ್ ಮಲ್ಯ ಟ್ವಿಟರ್”ಡ್ ಪಟ್ಟ್ ದೆರ್ .

2011ಟ್ಟ್ ಕ್ರಿಸ್ ಗೇಲ್ (Chris Gayle) ರಾಯಲ್ ಚಾಲೆಂಜರ್ಸ್ ಬೆಂಗ್ಳೂರು ಕೂಟ ಸೇರಿನನೇ ಒಂಜಿ ಇಂಟ್ರೆಸ್ಟಿಂಗ್ ಕಥೆ.

ಒವ್ವೆ ಪೊರ್ತುಡು ರಾಜೀನಾಮೆ : ಸಿಎಂ ಉದ್ಬವ್‌ ಠಾಕ್ರೆ

Jun 23, 2022

ಒವ್ವೆ ಪೊರ್ತುಡು ರಾಜೀನಾಮೆ : ಸಿಎಂ ಉದ್ಬವ್‌ ಠಾಕ್ರೆ

ಮುಂಬೈ : ಮಹಾರಾಷ್ಟ್ರಡ್ ನಡತೊಂದು ಉಪ್ಪುನ ಹೈಡ್ರಾಮಾಗ್ ಸಿಎಂ ಉದ್ಬವ್‌ ಠಾಕ್ರೆ (Uddhav Thackeray) ಮಲ್ಲ ಟ್ವಿಸ್ಟ್‌ ಕೊರ್ತೆರ್ . ತನ್ನ ರಾಜೀನಾಮೆ ರೆಡಿಯಾತುಂಡು . ನಿಕುಲು ಮಾತೆರ್ಲ ಬಲೆ ಒಟ್ಟಿಗೆ ರಾಜ್ಯಪಾಲೆರ್ನ ಕೈತಲ್ ಪೋದು ರಾಜೀನಾಮೆ ಕೊರ್ಪೆ . ರಾಜೀನಾಮೆದ ಬಗ್ಗೆ ಇತ್ತೇ ರಾಜ್ಯಪಾಲೆರ್ನ ಒಟ್ಟುಗು ಪಾತೆರ್ದೇ ಪಂದ್ ಪಂಡೆರ್.

ಫೇಸ್‌ಬುಕ್‌ ಲೈವ್‌ ಡ್ ಪಾತೆರ್ನ ಆರ್ , ನಿಕ್ಲೆನ ಕಾರ್ಯವೈಖರಿ ಸರಿ ಇಜ್ಜಿ ಪಂಡ ಯಾನ್ ರಾಜೀನಾಮೆ ಕೊರ್ತುವೆ . ಏರ್ ಶಾಸಕೆ ಪಂಡಲ ರಾಜೀನಾಮೆ ಕೊರಿಯೆರೆ ತಯಾರ್ ಆದ್ ಉಲ್ಲೆ . ರಾಜೀನಾಮೆ ಪತ್ರ ಬರೆದ್ ದೀತೆ. ಮಾತೆರ್ಲ ಒಟ್ಟುಗು ಬಲೆ ಪಂದ್ ಪಂತೆರ್.

ಮುಲ್ಕಿ ರೋಟರಿ ಕ್ಲಬ್ ದ ಬೊಳ್ಳಿ ಪರ್ಬ ಜೂ.26 ಬಪ್ಪನಾಡ್ ಡ್ ಜೋಕುಲ್ನ ಪಾರ್ಕ್ ಉದಿಪನ

Jun 22, 2022

ಮುಲ್ಕಿ ರೋಟರಿ ಕ್ಲಬ್ ದ ಬೊಳ್ಳಿ ಪರ್ಬ

ಜೂ.26 ಬಪ್ಪನಾಡ್ ಡ್ ಜೋಕುಲ್ನ ಪಾರ್ಕ್ ಉದಿಪನ

ಮುಲ್ಕಿ : 1905 ನೇ ಇಸವಿಡ್ ಡಾ.ಪ್ರೊ.ಜಗದೀಶ್ ಮೇರ್ನ ಗುರ್ಕಾರ್ಮೆ ಡ್ ಸ್ಥಾಪನೆ ಆತಿನ ರೋಟರಿ ಕ್ಲಬ್, ಮುಲ್ಕಿ ಈ ಸರ್ತಿ ಬೊಳ್ಳಿ ಪರ್ಬದ ಗೌಜಿಡ್ ಇತ್ತ್ ದ್ ಶಿವರಾಮ್ ಜಿ.ಅಮೀನ್ ಮೇರ್ನ ಗುರ್ಕಾರ್ಮೆ ಡ್ ಜೂನ್ 26ಕ್ಕ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಜ್ಞಾನ ಮಂದಿರ ದ ಚಾವಡಿಡ್ ಬೊಳ್ಳಿ ಪರ್ಬದ ಲೇಸ್ ಬೊಕ್ಕ ಜಯ ಸಿ. ಸುವರ್ಣ ಮೆಮೋರಿಯಲ್ ರೋಟರಿ ಚಿಲ್ಡ್ರನ್ಸ್ ಪಾರ್ಕ್‌ ಉದಿಪನ ಆವರೆ ಉಂಡು ಪಂದ್ ರೋಟರಿ ಸಿಲ್ವರ್ ಜುಬಿಲಿ ಸೆಲೆಬ್ರೇಶನ್ ಕಮಿಟಿದ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ರ್ ತೆರಿಪಾಯೆರ್.
ಆರ್ , ಕಾರ್ನಾಡ್ ದ ರೋಟರಿ ಭವನದ ಚಾವಡಿಡ್ ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯ ಪಂಡೆರ್.

ರೋಟರಿ ಜಿಲ್ಲಾ ಗವರ್ನರ್ ರವೀಂದ್ರ ಭಟ್ ಲೇಸ್ ಉದಿಪನ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ಶಾಸಕೆರ್ ಉಮಾನಾಥ ಕೋಟ್ಯಾನ್, ಮುಲ್ಕಿ ಸೀಮೆ ಅರಸುಲು ದುಗ್ಗಣ್ಣ ಸಾವಂತೆರ್, ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಬಪ್ಪನಾಡ್ ದೇವಸ್ಥಾನ ದ ಆಡಳ್ತೆ ಮೊಕ್ತೇಸರೆರ್ ಎನ್.ಎಸ್.ಮನೋಹರ ಶೆಟ್ಟಿ, ಆಡಳಿತಾಧಿಕಾರಿ ಪ್ರವೀಣ್, ಜಿಲ್ಲಾ ರೋಟರಿ ಅಸಿಸ್ಟೆಂಟ್ ಗವರ್ನರ್ ಅರುಣ್ ಭಂಡಾರಿ ಮಲ್ಲ ಬಿನ್ನೆರಾದ್ ಬರ್ಪೆರ್.ಉಂದುವೇ ಪೊರ್ತುಡು ಪುಗರ್ತೆದ ನಟೆ ಭೋಜರಾಜ್ ವಾಮಂಜೂರು, ಸಾಧಕೆರಾಯಿನ ಡಾ.ಹರಿಕೃಷ್ಣ ಪುನರೂರು, ಉದ್ಯಮಿ ಸೂರ್ಯಕಾಂತ ಜಯ ಸುವರ್ಣ , ಎಸ್ಸೆಸ್ಸೆಲ್ಸಿ ಸಾಧಕೆರಾಯಿನ ದೀಕ್ಷಾ ಶೆಟ್ಟಿ, ಅಕ್ಷತಾ ಕಾಮತ್ ಬೊಕ್ಕ ವಿಷ್ಣು ಎಚ್. ಮೊಕ್ಲೆಗ್ ಮಾನಾದಿಗೆ ನಡಪರೆ ಉಂಡು ಪಂಡೆರ್.
ರೋಟರಿ ಕ್ಲಬ್ ಅಧ್ಯಕ್ಷೆರ್ ಶಿವರಾಮ್ ಜಿ.ಅಮೀನ್ ಸ್ವಾಗತ ಮಲ್ತೆರ್. ಕಾರ್ಯದರ್ಶಿ ರವಿಚಂದ್ರ ಸೊಲ್ಮೆ ಸಂದಾಯೆರ್.
ಸುದ್ದಿಗೋಷ್ಠಿಡ್ ಕೋಶಾಧಿಕಾರಿ ರೇಮಂಡ್ ರೆಬೆಲ್ಲೊ, ರಜತ ನೆಂಪು ಸಂಚಿಕೆ ಸಮಿತಿದ ಜಿನರಾಜ್ ಸಿ. ಸಾಲ್ಯಾನ್, ಪಣವು ಸಮಿತಿದ ಜೊವಿನ್ ಪ್ರಕಾಶ್ ಡಿಸೋಜ,ಯೋಜನಾ ಸಮಿತಿದ ಎಂ.ನಾರಾಯಣ್, ಸದಸ್ಯೆರಾಯಿನ ರಾಜಾ ಪತ್ರಾವೊ, ವೈ.ಎನ್. ಸಾಲ್ಯಾನ್ ಮೊಕುಲು ಮಾತ ಇತ್ತೆರ್.

ರಾಜ್ ಸೌಂಡ್ಸ್ & ಲೈಟ್ಸ್’ ತುಳು ಪಿಚ್ಚರ್ ಗ್ ಸೌದಿ ಅರೇಬಿಯಾಡ್ ಎಡ್ಡೆ ಬಾರಿ ಜನ

Jun 22, 2022

‘ರಾಜ್ ಸೌಂಡ್ಸ್ & ಲೈಟ್ಸ್’ ತುಳು ಪಿಚ್ಚರ್ ಗ್ ಸೌದಿ ಅರೇಬಿಯಾಡ್ ಎಡ್ಡೆ ಬಾರಿ ಜನ

ಕುಡ್ಲ : ಕುಡ್ಲದ ಸಿನಿ ಲೋಕಡ್ ಬೊಲ್ಪು ಮೂಡಾಯಿನ ಅಂಚನೆ ಸೊರ ಲಕ್ಕಾವೊಂದು ಉಪ್ಪುನ ತುಳು ಪಿಚ್ಚರ್ ‘ರಾಜ್ ಸೌಂಡ್ಸ್ & ಲೈಟ್ಸ್’ ಮಾತಾ ಗಡಿ ದಾಟ್ ದ್ 19 ದೇಶೊಡು ಪುದರ್ ಪಡೆದ್ ಸೌದಿ ಅರೇಬಿಯಾಡ್ ಸುರುತ ಸಲ ತುಳು ಪಿಚ್ಚರ್ ಕುಡ್ಲ ಅಸೋಸಿಯೇಷನ್ ಆಫ್ ಸೌದಿ ಅರೇಬಿಯಾದ ಗುರ್ಕಾರ್ಲು ಸತೀಶ್ ಕುಮಾರ್ ಬಜಾಲ್ ಬೊಕ್ಕ ಕೂಟದಕ್ಲೆನ ಪರವಾದ್ ಮೂಡ್ದು ಬೈದ್ಂಡ್.

ಸೌದಿ ಅರೇಬಿಯಾ ಸುರುತ ತುಳು ಪಿಚ್ಚರ್ ಉಂದು ಆತ್ಂಡ್. , ಸುರುತ ಪ್ರೀಮಿಯರ್ ಶೋತ್ತ ಮಾತಾ ಟಿಕೆಟ್‌ ಬುಕ್ ಆತ್oಡ್ , ಪ್ರೀಮಿಯರ್ ಶೋಗ್ ಒವ್ವೆ ಟಿಕೆಟ್ ಇಜ್ಜಿoಡಲ ತುಳುವೆರ್ ಮಸ್ತ್ ಸಂಖ್ಯೆಡ್ ಬತ್ತ್ ದ್ ಟಿಕೆಟ್‌ ದೆತೊಂದು ಉಲ್ಲೆರ್ . ಆಂಡ ಪಿಚ್ಚರ್ ದ ಎಚ್ಚದ ಪ್ರದರ್ಶನ ಅಟ್ಟನೆ ಮಲ್ಪುನ ಮುಖೇನ ಸತೀಶ್ ಕುಮಾರ್ ಬಜಾಲ್ ” ದುಂಬುದ ದಿನೊಟ್ಟು ಸೌದಿ ಅರೇಬಿಯಾ ದ ಮಾತಾ ಪಿಚ್ಚರ್ ಟಾಕೀಸ್ ಡ್ ಪ್ರದರ್ಶನಗ್ ಅಟ್ಟನೆ ಮಲ್ದೆರ್ , ತುಳು ಚಿತ್ರ ಪ್ರೇಮಿ ಲು ನಿರಾಶೆರಾಯೆರೆ ಬಲ್ಲಿ ಪಂದ್ , ಪ್ರೀಮಿಯರ್ ಶೋ ದ ಉದಿಪನದ ಪೊರ್ತುಡು ಪಂಡೆರ್ ”.

ತುಳು ಚಿತ್ರರಂಗದ ಇತಿಹಾಸೋಡೆ ಸುರುತ್ತ ಸಲ ‘ರಾಜ್ ಸೌಂಡ್ಸ್ & ಲೈಟ್ಸ್’ ಸೌದಿ ಅರೇಬಿಯಾಡ್ ಮೂಡ್ದು ಬೈದಿನ ಪುಗಾರ್ತೆ ಪಡೆದ್ಂಡ್. ರಾಜ್ ಸೌಂಡ್ಸ್ & ಲೈಟ್ಸ್’, ಕನ್ನಡ ಚಲನಚಿತ್ರ ‘ಒಂದು ಮೊಟ್ಟೆಯ ಕಥೆ’ ನಿರ್ಮಾಪಕೆರ್ನ , ರಾಹುಲ್ ಅಮೀನ್ ನಿರ್ದೇಶನದ ತುಳು ಚಿತ್ರ, ನಿರ್ದೇಶಕ ರಾಹುಲ್ ಅಮೀನ್ ಕಥೆನ್ ವಿಜೆ ವಿನೀತ್ ಒಟ್ಟುಗು ಬರೆತೆರ್ , ಪಿಚ್ಚರ್ ನ್ ವೈಭವ್ ಫ್ಲಿಕ್ಸ್ ಪ್ರಕಟ ಮಲ್ದುಂಡು . ಮ್ಯಾoಗೋ ಪಿಕಲ್ ಎಂಟರ್ಟೈನ್ಮೆಂಟ್ ಒಟ್ಟು ಸೇರಿಗೆಡ್ . ಸತೀಶ್ ಕುಮಾರ್ ಬಜಾಲ್ ಮುತಾಲಿಕೆಡ್ ಅರೇಬಿಯಾನ್ ಪಿಕ್ಚರ್ ಮುಖೇನ ಉಂದೆನ್ ಸೌದಿ ಅರೇಬಿಯಾಡ್ ತೋಜಾವೊಂದು ಉಲ್ಲೆರ್ .

ಪ್ರಮುಖ ಕಲಾವಿದೆರಾಯಿನ ವಿನೀತ್ ಕುಮಾರ್ (ಹೀರೊ), ಯಶ ಶಿವಕುಮಾರ್ (ಹೀರೋಯಿನ್), ಅರವಿಂದ ಬೋಳಾರ್, ಕರಿಷ್ಮಾ ಅಮೀನ್, ಭೋಜರಾಜ್ ವಾಮಂಜೂರು, ಬೊಕ್ಕ ನವೀನ್ ಡಿ ಪಡೀಲ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ರೂಪ ವರ್ಕಾಡಿ, ಮರ್ವಿನ್ ಶಿರ್ವ, ನಮಿತ್ ಕೂಳೂರು, ರವಿ ರಾಮಕುಂಜ ಒಟ್ಟುಗು ಪುಗರ್ತೆದ ನಟೆರ್ ಅಭಿನಯ ಮಲ್ದೆರ್ .