tuluvaarte

ಜು.24 ಕ್ಕ್ ” ಬೀಡಿ ಬದುಕು ” ಬೂಕು ಬುಡುಗಡೆ

ಜು.24 ಕ್ಕ್ ” ಬೀಡಿ ಬದುಕು ” ಬೂಕು ಬುಡುಗಡೆ

ಕುಡ್ಲ : ಕರ್ನಾಟಕ ಕರಾವಳಿ ಬೀಡಿ ವರ್ಕರ್ಸ್ ಯೂನಿಯನ್ ಬೊಕ್ಕ ಕುಡ್ಲ ಒಡಿಪು ಜಿಲ್ಲಾ ಬೀಡಿ ಕಂಟ್ರಾಕ್ಟುದಾರರ ಯೂನಿಯನ್ ವತಿರ್ದ್ ಬೀಡಿ ಕಾರ್ಮಿಕೆರ್ನ ಸಮಾವೇಶ ಬೊಕ್ಕ ‘ಬೀಡಿ ಬದುಕು’ ಬೂಕು ಬುಡುಗಡೆ ದ ಲೇಸ್ ಜು.24 ಕ್ಕ್ ಕಾಂಡೆ 10:30ಕ್ ಪೇಂಟೆದ ಕುದ್ಮುಲ್ ರಂಗರಾವ್ ಪುರಭವನಡ್ ನಡಪೆರೆ ಉಂಡು .

ಮಾಜಿ ಮುಖ್ಯಮಂತ್ರಿ ಎಂ.ವೀರಪ್ಪ ಮೊಯ್ಲಿ ಲೇಸ್ ಉಧಿಪನ ಮಲ್ಪೆರೆ ಉಲ್ಲೆರ್ . ಸಂಸದ ನಳಿನ್‌ಕುಮಾರ್ ಕಟೀಲು ಬೂಕು ಬುಡುಗಡೆ ಮಲ್ಪರೆ ಉಲ್ಲೆರ್ . ವಿಧಾನಸಭೆ ಪ್ರತಿಪಕ್ಷ ಉಪನಾಯಕ ಯು.ಟಿ.ಖಾದರ್ ಗುರ್ಕಾರ್ಮೆ ವಹಿಸರೆ ಉಲ್ಲೆರ್.

ಸಚಿವ ವಿ. ಸುನೀಲ್‌ಕುಮಾರ್, ಶಾಸಕೇರಾಯಿನ ವೇದವ್ಯಾಸ ಕಾಮತ್, ಎ.ಕೆ.ಎಂ.ಅಶ್ರಫ್, ಜೆಡಿಎಸ್ ರಾಜ್ಯ ಉಪಾಧ್ಯಕ್ಷ ಎಂ.ಬಿ.ಸದಾಶಿವ,  ಬೀಡಿ ಕಂಪೆನಿ ವ್ಯವಸ್ಥಾಪಕ ನಿರ್ದೇಶಕೇರಾಯಿನ ಎಂ.ಜಗನ್ನಾಥ ಶೆಣೈ, ನಾಗೇಂದ್ರ ಡಿ. ಪೈ, ಆನಂದ ಪ್ರಭು ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಎಚ್‌ಎಂಎಸ್ ರಾಜ್ಯಾಧ್ಯಕ್ಷ ಎಂ. ಸುರೇಶ್ಚಂದ್ರ ಶೆಟ್ಟಿ ಪಂಡೆರ್.