tulunews

ಸೌತಡ್ಕ ದೇವಲ್ಯಗ್ ಹಿಂದೂಯೇತರ ಗಾಡಿಗ್ ಪ್ರವೇಶ ಇಜ್ಜಿ

Jun 22, 2022

ಸೌತಡ್ಕ ದೇವಲ್ಯಗ್ ಹಿಂದೂಯೇತರ ಗಾಡಿಗ್ ಪ್ರವೇಶ ಇಜ್ಜಿ

ಕುಡ್ಲ : ಕುಡ್ಲದ ಪುಗಾರ್ತೆದ ದೇವಸ್ಥಾನ ಸೌತಡ್ಕ ಗಣಪತಿ ದೇವಾಲ್ಯಗ್ ಅನ್ಯಕೋಮಿನಕ್ಲೆನ ನಿರ್ಬಂಧ ಪಾಡ್ದೆರ್ , ದೇವಲ್ಯದ ಎದುರೇ ಈ ಸಂಬಂಧ ಬ್ಯಾನರ್ ಪಾಡ್ದೆರ್ . ಹಿಂದೂಯೇತರ ಅನ್ಯಕೋಮಿನ ಆಟೋ, ಟಾಕ್ಸಿ ಸೇರಿನಂಚ ಬೇತೆ ಗಾಡಿಗ್ ನಿಷೇಧ ಪಾಡ್ದೆರ್ .

ಹಿಂದೂನಕ್ಲೆನ ಶ್ರದ್ಧಾ ಕೇಂದ್ರವಾಯಿನ ಸೌತಡ್ಕಡ್ ಬೇತೆ ಜಾತಿ ದಕುಲು ಪ್ರವೇಶ ಮಲ್ತ್ ಭಕ್ತಾದಿಲೆನ್ ಲವ್ ಜಿಹಾದ್ ಬೊಕ್ಕ ದುಷ್ಕೃತ್ಯ ಮಲ್ತಿನ ತೊಜೀದ್ ಬೈದುಂಡು ಅಂಚಾದ್ ಹಿಂದೂಯೇತರ ಆಟೋ, ಟ್ಯಾಕ್ಸಿ ಒವ್ವೆ ಗಾಡಿಗ್ ಪ್ರವೇಶ ಇಜ್ಜಿ ಪಂದ್ ಪಲವೆ ಪಾಡ್ದೆರ್.

ದ್ರೌಪದಿ ಮುರ್ಮುರೆನ್ ರಾಷ್ಟ್ರಪತಿ ಅಭ್ಯರ್ಥಿಯಾದ್ ಘೋಷಣೆ ಮಲ್ತಿನ ಎನ್ ಡಿಎ

Jun 21, 2022

ದ್ರೌಪದಿ ಮುರ್ಮುರೆನ್ ರಾಷ್ಟ್ರಪತಿ ಅಭ್ಯರ್ಥಿಯಾದ್ ಘೋಷಣೆ ಮಲ್ತಿನ ಎನ್ ಡಿಎ

ಕರ್ನಾಟಕ : ರಾಷ್ಟ್ರಪತಿ ಓಟುಗು ಬಿಜೆಪಿ ಮುತಾಲಿಕೆದ ಎನ್ ಡಿ ಎ ಮೈತ್ರಿಕೂಟದ ಅಭ್ಯರ್ಥಿಯಾದ್ ದ್ರೌಪದಿ ಮುರ್ಮು ಮೆರೆನ್ ಆಯ್ಕೆ ಮಲ್ದೆರ್ .

ಇನಿ ನಡತಿನ ಬಿಜೆಪಿ ಸಂಸದೀಯ ಸಮಿತಿ ಸಭೆಟ್ ದ್ರೌಪದಿ ಮುರ್ಮು ಮೆರೆನ್ ಎನ್ ಡಿ ಎ ಅಭ್ಯರ್ಥಿಯಾದ್ ಆಯ್ಕೆ ಮಲ್ದೆರ್ . ಬುಡಕಟ್ಟು ಸಮುದಾಯಗ್ ಸೇರಿನ ದ್ರೌಪದಿ ಮುರ್ಮು ಮೇರ್ ಜಾರ್ಖಂಡ್ ದ ರಾಜ್ಯಪಾಲೆರಾದ್ ಸೇವೆ ಮಲ್ದೆರ್ .

64 ವರ್ಷದ ದ್ರೌಪದಿ ಮುರ್ಮು ಮೇರ್ ಒಡಿಶಾದ ಮಯೂರ್ ಭಂಜ್ ಜಿಲ್ಲೆದ ಬೈದಾಪೋಸಿ ಗ್ರಾಮೊಡು 1958 ನೇ ಜೂನ್ 20 ಕ್ಕ್ ಪುಟ್ಟಿಯೆರ್ . ಮೇರ್ ನವೀನ್ ಪಟ್ನಾಯಕ್ ಮುತಾಲಿಕೆದ ಸರ್ಕಾರಡ್ 2000 ರ್ದ್ 2004 ಮುಟ ಸಚಿವೆಯಾದ್ ಕಾರ್ಯ ಮಲ್ದೆರ್ . ಇನಿ ಮೇರ್ 2015 ರ್ದ್ 2021 ಮುಟ ಜಾರ್ಖಂಡ್ ದ ರಾಜ್ಯಪಾಲೆಯಾದ್ ಇತ್ತೆರ್ .

Draupadi Murmu is the NDA candidate for the post of the President of India

The NDA under the leadership of BJP has announced the name of Dropadi Murmu as their candidate for the upcoming presidential elections.

Her name was announced as a candidate of NDA after a meeting of the BJP parliamentary board .She is a tribal from east India and was the former governor of Jharkhand.

64 year old Dropadi Murmu was born in Bydaposi town in Mayurganj district of Orissa. She was a minister under Naveen Patnaik government and had served as governor of Jharkhand State from 2015 to 2021.

ತಲಪಾಡಿ ದೇವಿನಗರ ಶಾರದಾ ಕಾಲೇಜ್ದ ರಾಷ್ಟ್ರೀಯ ಸೇವಾ ಯೋಜನೆದ ವಿಶೇಷ ವಾರ್ಷಿಕ ಶಿಬಿರ

Jun 21, 2022

ತಲಪಾಡಿ ದೇವಿನಗರ ಶಾರದಾ ಕಾಲೇಜ್ದ ರಾಷ್ಟ್ರೀಯ ಸೇವಾ ಯೋಜನೆದ ವಿಶೇಷ ವಾರ್ಷಿಕ ಶಿಬಿರ

ಕುಡ್ಲ : ತಲಪಾಡಿ ದೇವಿನಗರ ಶಾರದಾ ಕಾಲೇಜ್ದ ರಾಷ್ಟ್ರೀಯ ಸೇವಾ ಯೋಜನೆದ ವಿಶೇಷ ವಾರ್ಷಿಕ ಶಿಬಿರ ಗೋವನಿತಾಶ್ರಯ ಇನೋಳಿ ಪಜೀರ್ ಡ್ ನಡತುಂಡು.

ಲೇಸ್ ದ ಉಧಿಪನನ್ ಪಜೀರು ಗ್ರಾಮ ಪಂಚಾಯತ್ ಗುರ್ಕಾರ್ದಿ ಆಯಿನ ಲತಾ ಮಲ್ತೆರ್ . ಪ್ರೊ. ಎಂ.ಬಿ ಪುರಾಣಿಕ್‌ ಮೆರೆನ ಮುತಾಲಿಕೆಡ್ ಉಧಿಪನ ಮಲ್ತೆರ್. ರಾಷ್ಟ್ರೀಯ ಸೇವಾ ಯೋಜನೆದ ಯೋಜನಾಧಿಕಾರಿ ಚೆನ್ನಯ್ಯ ಬಿ.ಎದುಕೊಂಡೆರ್..

ಒಡಿಪು : ಪವರ್ ಲಿಫ್ಟಿಂಗ್ ಬೊಕ್ಕ ಬಾಡಿ ಬಿಲ್ಡಿಂಗ್ ಪಂಥಡ್ ರಾಜ್ಯ ಮಟ್ಟದ ಸಾಧನೆ ಮಲ್ತಿನ ಅಶ್ವಿನ್ ಸನಿಲ್

Jun 21, 2022

ಒಡಿಪು : ಪವರ್ ಲಿಫ್ಟಿಂಗ್ ಬೊಕ್ಕ ಬಾಡಿ ಬಿಲ್ಡಿಂಗ್ ಪಂಥಡ್ ರಾಜ್ಯ ಮಟ್ಟದ ಸಾಧನೆ ಮಲ್ತಿನ ಅಶ್ವಿನ್ ಸನಿಲ್

ಒಡಿಪು : ಬೆಂಗ್ಳೂರುದ ಕಂಠೀರವ ಕ್ರೀಡಾಂಗಣಡ್ ಇಂಚೋಗು ನಡತಿನ ಸರ್ಕಾರಿ ನೌಕರೆರ್ನ ರಾಜ್ಯ ಮಟ್ಟದ ಕ್ರೀಡಾಕೂಟಡ್ ಜಿಲ್ಲೆರ್ದ್ ಪಾಲ್ ಪಡೆಡ್ ಅಶ್ವಿನ್ ಸನಿಲ್ ಮೆರ್ ಪವರ್ ಲಿಫ್ಟಿಂಗ್ ಬೊಕ್ಕ ಬಾಡಿ ಬಿಲ್ಡಿಂಗ್ ಪಂಥಡ್ ರಡ್ಡ್ ಬಂಗಾರ್ದ ಪದಕ ಬೊಕ್ಕ 100 ಮೀಟರ್ ಓಟಡ್ ಬೊಳ್ಳಿದ ಪದಕ ಪಡೆದ್ ರಾಷ್ಟ್ರಮಟ್ಟಗ್ ಆಯ್ಕೆಯಾತೆರ್ .

ಯೋಗ ದಿನಾಚರಣೆ ನೆಲೆಟ್ಟ್ ಇನಿ ಶಾಲೆಗ್ ಅರ್ಧ ದಿನ ರಜೆ

Jun 21, 2022

ಯೋಗ ದಿನಾಚರಣೆ ನೆಲೆಟ್ಟ್ ಇನಿ ಶಾಲೆಗ್ ಅರ್ಧ ದಿನ ರಜೆ

ಬೆಂಗ್ಳೂರು: ಜೂನ್ 21ಕ್ಕ್ 8ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆನ್ ಆಚರಣೆ ಮಲ್ತೊಂದು ಉಲ್ಲೆರ್ . ಯೋಗ ದಿನಾಚರಣೆನ್ ಶಾಲೆಡ್ ಲ ಆಚರಿಸಸಾಯೆರೆ ಸೂಚನೆ ಕೊರ್ತೆರ್ , ಇಂಚಾದ್ ಅಂಗಾರೆ ಅರ್ಧ ದಿನ ರಾಜ್ಯೊಡು ಶಾಲೆಗ್ ರಜೆ ಕೊರೊಡು ಪಂದ್ ಶಿಕ್ಷಣ ಇಲಾಖೆ ಆದೇಶ ಕೊರ್ತುಂಡು .

ತಾರೀಖು 21.06.22 ಕ್ಕ್ ರಾಜ್ಯದ ಮಾತಾ ಶಾಲೆಡ್ 8ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆನ್ ಸ್ಥಳೀಯ ಚುನಾಯಿತ ಪ್ರತಿನಿಧಿಲು ಅಧಿಕಾರಿಲು , ಎಸ್‌ಡಿಎಂಸಿ ಸದಸ್ಯೆರ್ , ಶಿಕ್ಷಕೆರ್ , ಕೈತಲ್ ದ ಯೋಗ ಸಂಸ್ಥೆದ ಸಾಕಾರ ದೊಟ್ಟುಗು ಯೋಗ ದಿನಾಚರಣೆ ಮಲ್ಪರೆ ಪಂತೆರ್ .

ಜೂನ್ 21ಕ್ ಅರ್ಧದಿನ ಶಾಲೆಗ್ ರಜೆ ಕೊರಿಯೆರೆ ಪಂತಿನೇರ್ದಾವರ ಆ ದಿನದ ಬದಲ್ ಜೂನ್ 25 ಕ್ಕ್ ಶನಿವಾರ ಪೂರ್ಣಪ್ರಮಾಣದ ಶಾಲೆ ನಡಪಾಯೆರೆ ಶಿಕ್ಷಣ ಇಲಾಖೆ ತನ್ನ ಅಧಿಸೂಚನೆಡ್ ಪಂತೆರ್ .

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಮಣ್ಯ ವತಿರ್ದ್ ವೃಕ್ಷಮಿತ್ರ ಅಭಿಯಾನ

Jun 21, 2022

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಮಣ್ಯ ವತಿರ್ದ್ ವೃಕ್ಷಮಿತ್ರ ಅಭಿಯಾನ

ಸುಬ್ರಮಣ್ಯ : ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಮಣ್ಯದ ವತಿರ್ದ್ ವೃಕ್ಷಮಿತ್ರ ಅಭಿಯಾನ ಲೇಸ್ ಕೆಎಸ್ಎಸ್ ಕಾಲೇಜು ಸುಬ್ರಹ್ಮಣ್ಯಡ್ ನಡತುಂಡು .

ಈ ಪೊರ್ತುಡು ಕಾಲೇಜು ಪ್ರಾಂಶುಪಾಲೆರಾಯಿನ ದಿನೇಶ್ ಪಿ ಟಿ ಬೊಕ್ಕ ಪ್ರಸಾದ್ ಎನ್ ಪಾಲ್ ಪಡೆದಿತ್ತೆರ್ ಅಂಚನೆ ಕಾರ್ಯಂತೆರ್ ದೈ ನಡ್ಪಿನ ಮುಖೇನ ಅಭಿಯಾನಗ್ ಚಾಲನೆ ಕೊರಿಯೆರ್.

ವರದಿ : ಗೋಪಿಚಂದನ್ ಕೆ. ಎಸ್

ಸೋನಾಳಿಕೆ: ಚರಂಡಿ ಅಭಿವೃದ್ಧಿ ಕಾಮಗಾರಿಗ್ ಭೂಮಿ ಪೂಜೆ ಮಲ್ತಿನ ಶಾಸಕ ವೇದವ್ಯಾಸ ಕಾಮತ್

Jun 20, 2022

ಸೋನಾಳಿಕೆ: ಚರಂಡಿ ಅಭಿವೃದ್ಧಿ ಕಾಮಗಾರಿಗ್ ಭೂಮಿ ಪೂಜೆ ಮಲ್ತಿನ ಶಾಸಕ ವೇದವ್ಯಾಸ ಕಾಮತ್

ಕುಡ್ಲ : ಕುಡ್ಲ ಮಹಾನಗರ ಪಾಲಿಕೆದ ವ್ಯಾಪ್ತಿದ ಬಜಾಲ್ ವಾರ್ಡ್ ದ ಸೋನಾಳಿಕೆಡ್ ಚರಂಡಿ ಅಭಿವೃದ್ಧಿ ಕಾಮಗಾರಿಗ್ ಶಾಸಕ ವೇದವ್ಯಾಸ ಕಾಮತ್ ಭೂಮಿಪೂಜೆ ಮಲ್ತೆರ್ .

ಈ ಪೊರ್ತುಡು ಪಾತೆರಿನ ಶಾಸಕ ಕಾಮತ್, ಸೋನಾಳಿಕೆ ಜಾಗೆಡ್ ಮಸ್ತ್ ಕಾಲದ ಬೇಡಿಕೆಯಾಯಿನ ಚರಂಡಿ ಅಭಿವೃದ್ಧಿ ಕಾಮಗಾರಿಗ್ ಕಾಸ್ ಬುಡುಗಡೆ ಮಲ್ತಿನ ಇಚಾರದ ಬಗ್ಗೆ ಪಂಡೆರ್.

ಈ ಪೊರ್ತುಡು ಬಿಜೆಪಿ ಮುಖಂಡೆರಾಯಿನ ವಿಜಯ್ ಕುಮಾರ್ ಶೆಟ್ಟಿ, ಚಂದ್ರಶೇಖರ್ ಜಯನಗರ, ಶಿವಾಜಿ ರಾವ್, ವಸಂತ್ ಜೆ ಪೂಜಾರಿ, ವೇಣುಗೋಪಾಲ, ಭರತ್, ನವೀನ್ ಪೂಜಾರಿ,ಆನಂದ್ , ಸಾರ್ವಜನಿಕರು, ಬಿಜೆಪಿ ಕಾರ್ಯಂತೆರ್ ಬೊಕ್ಕ ಪಾಲಿಕೆದ ಅಧಿಕಾರಿಲು ಪಾಲ್ ಪಡೆದಿತ್ತೆರ್.

ಕಾಲಿ 5 ರೂ. ಕೊರ್ದು , ಏತ್ ಬೋಡಾoಡಲ ತಿರ್ಗ್ಲೆ : ಮೆಟ್ರೋರ್ದ್ ಪ್ರಯಾಣಿಕೆರೆಗ್ ಸಖತ್ ಆಫರ್

Jun 20, 2022

ಕಾಲಿ 5 ರೂ. ಕೊರ್ದು , ಏತ್ ಬೋಡಾoಡಲ ತಿರ್ಗ್ಲೆ : ಮೆಟ್ರೋರ್ದ್ ಪ್ರಯಾಣಿಕೆರೆಗ್ ಸಖತ್ ಆಫರ್

ಕೊಚ್ಚಿ : ಕೊಚ್ಚಿ ಮೆಟ್ರೋ ಜೂ.17 ಕ್ಕ್ ತನ್ನ 5ನೇ ವರ್ಷಾದಿದ ಉಚ್ಚಯದ ನೆಲೆಟ್ಟ್ , ಈ ಸಂಭ್ರಮದ ಪೊರ್ತುಡು ತನ್ನ ಪ್ರಯಾಣಿಕೆರೆಗ್ ಭರ್ಜರಿ ಕೊಡುಗೆ ಕೊರಿಯೆರೆ ನಿರ್ಧಾರ ಮಲ್ದೆರ್ . ಕಾಲಿ 5 ರೂಪಾಯಿ ಟಿಕೆಟ್ ಕೊರ್ದು ಏತ್ ಬೋಡಾoಡಲ ಪೋವೊಲಿ ಪಂದ್ ಮೆಟ್ರೋ ಅವಕಾಶ ಕೊರ್ತುಂಡು .

ಪ್ರಯಾಣಗ್ ಅನುಕೂಲ ಮಲ್ತ್ , ಸಾರ್ವಜನಿಕ ಸಾರಿಗೆ ಅಭ್ಯಾಸ ಮಲ್ತ್ -ಕೊಚ್ಚಿ ಮೆಟ್ರೊ ಪನ್ಪಿನ ಟ್ಯಾಗ್ ಮುಖೇನ ಈ ಮಾಹಿತಿನ್ ಕೊಚ್ಚಿ ಮೆಟ್ರೋ ತನ್ನ ಅಧಿಕೃತ ಫೇಸ್‌ಬುಕ್ ಪುಟಡ್ ಪಟ್ಟೋನ್ದೆರ್ , ’ಜೀವನ ಮಸ್ತ್ ಸುಲಭ’ ಪನ್ಪಿನ ಶೀರ್ಷಿಕೆ ಪಾಡೊಂದೆರ್ .