ತುಳು ಕೂಟ ಬೆದ್ರದ ಗುರ್ಕಾರ್ದಿಯಾದ್ ಪುಗರ್ತೆದ ತುಳು ಸಾಹಿತಿ ಜಯಂತಿ ಎಸ್ ಬಂಗೇರ ಆಯ್ಕೆ

ಬೆದ್ರ : ತುಳು ಕೂಟ ಬೆದ್ರ ನೆತ್ತ ಗುರ್ಕಾರ್ದಿ ಯಾದ್ ಪುಗರ್ತೆದ ತುಳು ಸಾಹಿತಿ ಜಯಂತಿ ಎಸ್ ಬಂಗೇರ ಮೇರ್ ರಡ್ಡ್ ವರ್ಷದ ಅವಧಿಗ್ ಅಜತ್ ಬೈದೆರ್.
ಕಾರ್ಯಂತೆದಿಯಾದ್ ಚೇತನಾ ಹೆಗ್ಡೆ ಅಜತ್ ಬೈದೆರ್. ಒತ್ತು ಗುರ್ಕಾರ್ದಿಯಾದ್ ಶ್ವೇತಾ ಜೈನ್, ಒತ್ತು ಕಾರ್ಯಂತೆರಾದ್ ಸದಾನಂದ ನಾರಾವಿ, ಪನವುದ ಪಾಲವೆರಾದ್ ಜಿನೇಂದ್ರ ಜೈನ್ ಅಜತ್ ಬೈದೆರ್.
ತುಳು ಕೂಟ ಬೆದ್ರದ ಈತ್ನೇಟ್ಟದ ಗುರ್ಕಾರೆ ಧನರಾಜ ಕೀರ್ತಿ ಬಲಿಪ ಮೆರೆನ ಗುರ್ಕಾರ್ಮೆಡ್ ಸಮಾಜಭವನಡ್ ಐತಾರ ನಡತಿನ ಈ ಸಭೆಟ್ಟ್ ಪೊಸ ಪದುಕೆರೆನ್ ಅವಿರೋಧವಾದ್ ಆಯ್ಕೆ ಮಲ್ದೆರ್. ಸದಾನಂದ ನಾರಾವಿ ಮಾತೆರೆನ್ಲ ಎದ್ಕೊಂಡೆರ್.ವೇಣುಗೋಪಾಲ ಶೆಟ್ಟಿ ವಾರ್ಷಿಕ ವರದಿ ಓದಿಯೆರ್. ಸುಭಾಷ್ಚಂದ್ರ ಚೌಟ ಲೆಕ್ಕಪತ್ರ ಓದಿಯೆರ್.
ಈ ಪೊರ್ತುಡು ಮಾನಾದಿಗೆದ ಗುರ್ಕಾರ್ಲು ಚಂದ್ರಹಾಸ ದೇವಾಡಿಗ ಬೊಕ್ಕ ಒತ್ತು ಗುರ್ಕಾರ್ಲು ಎಂ ಬಾಹುಬಲಿ ಪ್ರಸಾದ್ ಇತ್ತೆರ್.