Tulu News

Badrinath temple to open on January 27th ಏ.27: ಬದರಿನಾಥ ದೇವಲ್ಯ ಓಪನ್

ಉತ್ತರಾಖಂಡದ ಚಮೋಲಿ ಜಿಲ್ಲೆಡ್ ಇಪ್ಪುನ ಬದರಿನಾಥ ದೇವಲ್ಯದ ಬಾಕಿಲ್ ನ್ ಏಪ್ರಿಲ್ 27 ಬೊಲ್ಪುಗು 7:10 ಕ್ ದೆಪ್ಪುನು ಪಂದ್ ವಸಂತ ಪಂಚಮಿದ ಲೆಕ್ಕೊಡು ಕೋಡೆ ಸಭೆ ಸೇರಿನ ಬದರಿನಾಥ ಕೇದಾರನಾಥ ದೇವಲ್ಯದ ಸಮಿತಿ ಈ ನಿರ್ಧಾರನ್ ದೆತೊಂದುಂಡು.

ಚಳಿಗಾಲಡ್ ಭಾರೀ ಹಿಮಪಾತ ಇತ್ತಿನೆರ್ದಾವರ ಬದರಿನಾಥ ದೇವಲ್ಯನ್ ನ.19 ಕ್ ಮುಚ್ಚಿದೆರ್.

Badrinath temple to open on January 27th

Uttarakhand: The Badrinath temple that was closed on November 19 th due to heavy snowfall in the region, will reopen on January 27 th at 7.10 a.m. said sources from Badrinath Kedarnath temple samithi.

Sports Achiever Samruddhi Shetty was honoured on the occasion of the 74th Republic day 74 ನೇ ಗಣರಾಜ್ಯ ಉಚ್ಚಯಡ್ ಕ್ರೀಡಾ ಸಾಧಕಿ ಸಮೃದ್ಧಿ ಶೆಟ್ಟಿಗ್ ತಮ್ಮನ

ಬೆದ್ರ ತಾಲೂಕ್ ದ ರಾಷ್ಟ್ರೀಯ ಪರ್ಬದ ಆಚರಣೆ ಸಮಿತಿದ ವತಿರ್ದ್ ಆಡಳಿತ ಸೌಧಡ್ 74 ನೇ ಗಣರಾಜ್ಯೋತ್ಸವ ಸಂಭ್ರಮಾಚರಣೆ ನಡತ್ಂಡ್.

ಈ ಪೊರ್ತುಡು ಕ್ರೀಡಾ ಸಾಧನೆಗಾದ್ ಸಮೃದ್ಧಿ ಶೆಟ್ಟಿ ಎಕ್ಕಾರ್ ಮೆರೆಗ್ ತಮ್ಮನ ನಡತ್ಂಡ್.

Sports Achiever honoured

Sports Achiever Samruddhi Shetty was honoured on the occasion of the 74th Republic day celebration by the Moodbidri taluk national festival celebration samithi.

A suspect who was absconding from the past ten years arrested ಪತ್ತ್ ವರ್ಷೋರ್ದಿಂಚ ದೆಂಗ್ ದ್ ಕುಲ್ಲುದ್ ಇತ್ತಿನ ಆರೋಪಿ ಅರೆಸ್ಟ್

ಕಡಬ: ಕೇಸ್ ಒಂಜೇಕ್ ಸಂಬಂಧ ಪಟ್ಟಿನಂಚನೆ ಕರಿನ ಪತ್ತ್ ವರ್ಷೋರ್ದಿಂಚ ದೆಂಗ್ ದ್ ಕುಲ್ಲುದು ಇತ್ತಿನ ಆರೋಪಿನ್ ಕಡಬ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಕಡಬ ತಾಲೂಕ್ ದ ಕುಂತೂರು ಗ್ರಾಮದ ಸಾಲೆತ್ತಡ್ಕದ ರಝಿಕ್ ಅರೆಸ್ಟ್ ಆಯಿನ ಆರೋಪಿ. ಈ ಜನತ ಮಿತ್ತ್ ಪುತ್ತೂರ್ ನಗರ ಠಾಣೆ, ಉಬಾರ್, ಸುಳ್ಯ, ಕೊಣಾಜೆ ಬೊಕ್ಕ ಬಂಟ್ವಾಳ ನಗರ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್.

Premier Show tickets of the movie “Pili” and song release function at UAE ಎನ್ಎನ್ಎಮ್ ಪ್ರೊಡಕ್ಷನ್ಸ್ ದ “ಪಿಲಿ” ಪಿಕ್ಚರ್ ದ ಯುಎಇದ ಪ್ರೀಮಿಯರ್ ಶೋ ಟಿಕೆಟ್ ಬೊಕ್ಕ ಪದ್ಯ ಬುಡುಗಡೆ ಲೇಸ್

ದುಬೈ: ಎನ್ಎನ್ಎಮ್ ಪ್ರೊಡಕ್ಷನ್ಸ್ ಡ್ ದುಬೈದ ಆತ್ಮಾನಂದ ರೈ ಬೊಕ್ಕ ಭರತ್ ರಾಮ್ ರೈ ನಿರ್ಮಾಣ ಮಲ್ತಿನ “ಪಿಲಿ” ಪಿಕ್ಚರ್ ದ ಯುಎಇದ ಪ್ರೀಮಿಯರ್ ಪ್ರದರ್ಶನದ ಟಿಕೆಟ್ ಬೊಕ್ಕ ಪಿಕ್ಚರ್ ದ ಪದ್ಯ ಬುಡುಗಡೆ ಲೇಸ್ ಜ.22 ಕ್ ದುಬೈಡ್ ನಡತ್ಂಡ್.

ಈ ಪಿಕ್ಚರ್ ಡ್ ಭರತ್ ಭಂಡಾರಿ ಬೊಕ್ಕ ಸ್ವಾತಿ ಶೆಟ್ಟಿ ನಾಯಕೆ ನಾಯಕಿ ಆದ್ ಅಭಿನಯ ಮಲ್ದೆರ್. ಪೇಂಟೆದ ಫಾರ್ಚೂನ್ ಅಟ್ರ್ಯೂನ್ ಡ್ ಬುಡುಗಡೆ ಲೇಸ್ ನ್ ಅಬುಧಾಬಿ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ, ಫಾರ್ಚೂನ್ ಗ್ರೂಪ್ ಸಂಸ್ಥೆದ ರೂವಾರಿ ಪ್ರವೀಣ್ ಕುಮಾರ್ ಶೆಟ್ಟಿ, ಉದ್ಯಮಿ ಚಿತ್ರ ನಿರ್ಮಾಪಕೆರ್ ಹರೀಶ್ ಶೇರಿಗಾರ್, ಹರೀಶ್ ಬಂಗೇರ, ಬಿಲ್ಲವಾಸ್ ದುಬೈದ ಸತೀಶ್ ಪೂಜಾರಿ, ಯಕ್ಷಗಾನ ಅಭ್ಯಾಸ ಕೇಂದ್ರದ ದಿನೇಶ್ ಶೆಟ್ಟಿ ಕೊಟಿಂಜ ಮೊಕುಲು ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ಯುಎಇದ ದುಬೈ ಬೊಕ್ಕ ಅಬುಧಾಬಿಡ್ ಫೆ.4,5 ಬೊಕ್ಕ 11 ಕ್ ಬುಡುಗಡೆ ಆಪುನ ಪಿಕ್ಚರ್ ದ ಪ್ರೀಮಿಯರ್ ಪ್ರದರ್ಶನದ ಟಿಕೆಟ್ ನ್ ಬುಡುಗಡೆ ಮಲ್ತಿನ ಗಣ್ಯೆರ್ ಪಿಲಿ ಪಿಕ್ಚರ್ ಗ್ ಎನ್ನ ಬೊಕ್ಕ ನಮ್ಮ ಸಮಾಜದ ಬೊಕ್ಕ ನಮ್ಮ ಸಂಸ್ಥೆದ ವತಿರ್ದ್ ಸಂಪೂರ್ಣ ಸಹಕಾರ ಉಂಡು. ಈ ಪಿಕ್ಚರ್ ನೂದು ದಿನ ಯಶಸ್ವಿಯಾದ್ ಸಾಗಡ್ ಪಂದ್ ಪಿಕ್ಚರ್ ಗ್ ಎಡ್ಡೆಪ್ಪು ಬಯಕಿಯೆರ್.

ಪಿಕ್ಚರ್ ದ ಸುರುತ ಟಿಕೆಟ್ ನ್ ಸರ್ವೋತ್ತಮ ಶೆಟ್ಟಿ ಮೇರ್ ಟಿಕೆಟ್ ದೆತ್ತೊನ್ನ ಮುಖೇನ ಉದಿಪನ ಮಲ್ತೆರ್.‌ ಪ್ರವೀಣ್ ಕುಮಾರ್ ಶೆಟ್ಟಿ ಮೇರ್ ಪಿಕ್ಚರ್ ದ ಒಂಜಿ ಪದ್ಯನ್ ಬುಡುಗಡೆ ಮಲ್ತೆರ್. ಈ ಪೊರ್ತುಡು ನಟೆ, ನಿರ್ದೇಶಕೆರ್ ವಿಜಯಕುಮಾರ್ ಕೋಡಿಯಾಲ್ ಬೈಲ್, ನಾಯಕೆ ನಾಯಕಿಯೆರ್ ಭರತ್ ಭಂಡಾರಿ, ಸ್ವಾತಿ ಶೆಟ್ಟಿ, ನಿರ್ಮಾಪಕೆರ್ ಆತ್ಮಾನಂದ ರೈ ದುಬೈ ಇತ್ತೆರ್. ಬುಡುಗಡೆ ಲೇಸ್ ಡ್ ಗಿರೀಶ್ ನಾರಾಯಣ್ ಮುತಾಲಿಕೆಡ್ ಪಿಲಿ ಏಷದ ನಲಿಕೆ ನಡತ್ಂಡ್.

ರಾಜೇಶ್ ಕುತ್ತಾರ್ ಲೇಸ್ ದ ನಿರ್ವಹಣೆ ಮಲ್ತೆರ್. ನಿರ್ಮಾಪಕೆರ್ ಆತ್ಮಾನಂದ ರೈ ಸೊಲ್ಮೆ ಸಂದಾಯೆರ್. ಮಣಿಕಾಂತ್ ಕದ್ರಿ ಮೆರೆನ ಸಂಗೀತ ಸಾರಥ್ಯಡ್ ಎಡ್ಡೆ ನಾಲ್ ಪದ್ಯ ಉಂಡು. ಪಟ್ಲ ಸತೀಶ್ ಶೆಟ್ಟಿ, ನಿಹಾಲ್ ತಾವ್ರ್ರೊ ಅನುರಾಧ ಭಟ್, ಕಲಾವತಿ, ಉಜ್ವಲ ಆಚಾರ್ ಪದ್ಯ ಪಂತೆರ್. ಪಟ್ಲ ಸತೀಶ್ ಶೆಟ್ಟಿ ಮೆರೆನ ಕಂಠ ಸಿರಿಟ್ ಶೀರ್ಷಿಕೆ ಗೀತೆ ಬುಡುಗಡೆ ಆಂಡ್. ಈ ಪಿಕ್ಚರ್ ದ ತಾರಾಗಣಡ್ ವಿಜಯ್‌ಕುಮಾರ್ ಕೊಡಿಯಾಲ್‌ಬೈಲ್‌ ಮುಖ್ಯ ಪಾತ್ರಡ್ ಉಲ್ಲೆರ್.

ತ್ರಿಷಾ ಶೆಟ್ಟಿ, ಕೃತಿ ಶೆಟ್ಟಿ, ನವೀನ್ ಡಿ. ಪಡೀಲ್, ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ವಿಸ್ಮಯ ವಿನಾಯಕ್, ಸ್ವರಾಜ್ ಶೆಟ್ಟಿ, ಸಂತೋಷ್ ಶೆಟ್ಟಿ, ರೂಪ ಡಿ ಶೆಟ್ಟಿ, ನಮಿತಾ ಕೂಳೂರು, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್‌ಶೆಟ್ಟಿ ಮಾಣಿಬೆಟ್ಟು, ದೀಪಕ್ ರೈ ಪಾಣಾಜೆ, ಚೇತನ್ ರೈ ಮಾಣಿ ಸೇರ್ದ್ ಸುಮಾರ್ ಕಲಾವಿದೆರ್ ಬೇತೆ ಬೇತೆ ಪಾತ್ರಡ್ ಉಲ್ಲೆರ್.ಗಣೇಶ್ ನೀರ್ಚಾಲ್ ಮೆರೆನ ಸಂಕಲನ ಈ ಪಿಕ್ಚರ್ ಗ್ ಉಂಡು. ಸುಂದರವಾಯಿನ ನಾಲ್ ಪದ್ಯಗ್ ಮಯೂರ್ ಆರ್.ಶೆಟ್ಟಿ, ಡಿ.ಬಿ.ಸಿ ಶೇಖರ್ ಬೊಕ್ಕ ಕೆ.ಕೆ. ಪೇಜಾವರ್ ಸಾಹಿತ್ಯ ಬರೆತೆರ್. ಈ ಪಿಕ್ಚರ್ ಗ್ ಸಂದೇಶ್ ಬಿಜೈ ಸಂಭಾಷಣೆ ಬರೆತೆರ್. ನಿರ್ದೇಶನ ತಂಡಡ್ ಪಿಕ್ಚರ್ ನಿರ್ದೇಶಕೆರ್ ತ್ರಿಶೂಲ್ ಶೆಟ್ಟಿ, ಸಂದೇಶ್ ಬಿಜೈ ಬೆಂದ್ ದೆರ್. ಪ್ರಚಾರ ಕಲೆ ವಿನ್ಯಾಸನ್ ದೇವಿ ರೈ ಮೇರ್ ಮಲ್ದೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

An Indian dies at a shootout in USA ಅಮೆರಿಕಾದ ಗುಂಡುದ ಪೆಟ್ಟ್ ಗ್ ತೀರ್ ಪೋಯೆರ್ ಭಾರತದ ಜನ

ನ್ಯೂಯಾರ್ಕ್‌: ಅಮೆರಿಕಾದ ಜಾರ್ಜಿಯಾಡ್ ಭಾರತದ ಜನತ ಮಿತ್ತ್ ಮೂಜಿ ಜನ ಮುಸುಕು ಪಾಡ್ದಿನಕ್ಲೆನ ಕೂಟದಕುಲು ಗುಂಡು ಪಾಡ್ದಿನ ಘಟನೆ ನಡತ್ಂಡ್.

ಪಿನಲ್‌ ಪಟೇಲ್‌ (52) ಈ ಘಟನೆಡ್ ತೀರ್ ಪೋಯಿನಾರ್. ಮೆರೆನ ಬೊಡೆದಿ ರೂಪಾಲ್‌ಬೆನ್‌ ಪಟೇಲ್‌ ಬೊಕ್ಕ ಮಗಲ್ ಭಕ್ತಿ ಪಟೇಲ್‌ ಮಿತ್ತ್ ಲ ಬಚ್ಚಾಲಿಲು ಗುಂಡು ಪಾಡ್ದೆರ್. ಪೆಟ್ಟಾಯಿನ ಮೊಕ್ಲೆನ್ ಕೂಡ್ಲೆ ಆಸ್ಪತ್ರೆಗ್ ದಾಖಲ್ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಜಾರ್ಜಿಯಾ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದ್, ತನಿಖೆ ನಡಪಾವೊಂದು ಉಲ್ಲೆರ್.

January 26 : Housewarming ceremony at Marodi ಜ.26: ಮರೋಡಿ ಗ್ರಾಮದ ಅಟ್ಲಬೆಟ್ಟುಡು ಇಲ್ಲ್ ಒಕ್ಕೆಲ್

ಮರೋಡಿ ಗ್ರಾಮದ ಅಟ್ಲಬೆಟ್ಟುಡು ಪೊಸತಾದ್ ನಿರ್ಮಾಣ ಆಯಿನ ಇಲ್ಲ್ ಅನ್ನಪೂರ್ಣ ನೆತ್ತ ಇಲ್ಲ್ ಒಕ್ಕೆಲ್ ಇನಿ (ಜ.26) ನಡಪರೆ ಉಂಡು.

ಮಧ್ಯಾಹ್ನ 12 ಗಂಟೆಗ್ ಸತ್ಯನಾರಾಯಣ ಪೂಜೆ, ಬಯ್ಯಗ್ ಇಲ್ಲದ ಎದುರು ಜಾಲ್ ಡ್ ಪಾಡ್ದಿನ ರಂಗಮಂಟಪಡ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ಮೇಳದಕ್ಲೆನ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು. ಬೊಕ್ಕ ಜ.27 ಶುಕ್ರಾರ ಬಯ್ಯಗ್ ಧೂಮ್ರ-ಧೂಮಾವತಿ ಬೊಕ್ಕ ಪರಿವಾರ ದೈವೊಲೆನ ಗಗ್ಗರ ಸೇವೆ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಎಕ್ಲೆಗ್ ಎಡ್ಡೆಪ್ಪು ಬಯಕೊಡು ಪಂದ್ ಮರೋಡಿ ರೂಪಲತಾ ಬೊಕ್ಕ ರವೀಂದ್ರ ಅಂಚನ್, ‌ಪ್ರಮೀಳಾ ಬೊಕ್ಕ ಸುರೇಶ್ ಅಂಚನ್ ಲೆಪ್ಪೋಲೆಡ್ ತೆರಿಪಾದೆರ್.

Donal Trump’s Facebook and Instagram handle reopened- Meta ಡೊನಾಲ್ಡ್ ಟ್ರಂಪ್ ನ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಅಕೌಂಟ್ ರೀ ಓಪನ್: ಮೆಟಾ

ನ್ಯೂಯಾರ್ಕ್: ಅಮೆರಿಕ ಕ್ಯಾಪಿಟಲ್ ಹಿಲ್‌ ದ ಮಿತ್ತ್ ಜನವರಿ 6, 2021 ಟ್ ನಡತಿನ ದಾಳಿದ ಬೊಕ್ಕ ರಡ್ಡ್ ವರ್ಷ ಮುಟ್ಟ ಬ್ಲಾಕ್ ಆಯಿನ ಮಾಜಿ ಅಮೆರಿಕದ ಅಧ್ಯಕ್ಷೆರ್ ಡೊನಾಲ್ಡ್ ಟ್ರಂಪ್ ಮೆರೆನ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಅಕೌಂಟ್ ನ್ ರೀ ಓಪನ್ ಮಲ್ಪುವ ಪಂದ್ ಮೆಟಾ ಪ್ಲಾಟ್‌ಫಾರ್ಮ್ಸ್ ಬುಧಾರ ಘೋಷಣೆ ಮಲ್ದ್ಂಡ್.

ಈ ಬಗೆಟ್ ಮೆಟಾದ ಜಾಗತಿಕ ವ್ಯವಹಾರಲೆನ ಅಧ್ಯಕ್ಷೆರ್ ಮೆಟಾನಿಕ್ ಕ್ಲೆಗ್ ಮೇರ್, ಮಾತೆರ್ಲೆಕ್ಕ ಟ್ರಂಪ್ ಲ ನಿಯಮ ಉಲ್ಲಂಘನೆ ಮಲ್ತ್ಂಡ ದಂಡ ಕಟ್ಟೊಡು ಪಂದ್ ಪಂಡೆರ್.

108 Suryanamaskar yoga at Puttur Mahalingeshwara temple on January 29 th ಜ.29: ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ 108 ಸೂರ್ಯ ನಮಸ್ಕಾರ

ಪುತ್ತೂರ್: ಎಸ್.ಪಿ.ವೈ.ಎಸ್.ಎಸ್. ಯೋಗ ಸಮಿತಿದ ವತಿರ್ದ್ ಪುತ್ತೂರ್ ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ರಥಬೀದಿಡ್ ರಥಸಪ್ತಮಿ ಅಂಗವಾದ್ ಜ. 29 ಬೊಲ್ಪುಗು 5 ಗಂಟೆರ್ದ್ 7 ಗಂಟೆ ಮುಟ್ಟ 108 ಸೂರ್ಯ ನಮಸ್ಕಾರ ನಡಪರೆ ಉಂಡು.

ಬೊಲ್ಪುಗು 7 ಗಂಟೆರ್ದ್ ಬಯ್ಯ 6 ಗಂಟೆದ ಬೊಕ್ಕ ದೇವಲ್ಯದ ಮುಖಮಂಟಪಡ್ ಅಖಂಡ ಸೂರ್ಯ ನಮಸ್ಕಾರ ನಡಪರೆ ಉಂಡು. ಕರ್ನಾಟಕ ಶ್ರೀ ಪತಂಜಲಿ ಯೋಗ ಶಿಕ್ಷಣ ಸಮಿತಿದ ಕುಡ್ಲ ನೇತ್ರಾವತಿ ವಲಯದ ಮುತಾಲಿಕೆಡ್ ನಡಪುನ ಈ ಲೇಸ್ ನ್ ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕೇಶವ ಪ್ರಸಾದ್ ಮುಳಿಯ ಉದಿಪನ ಮಲ್ಪುವೆರ್. ಬೊಕ್ಕ ಎಸ್.ಪಿ.ವೈ.ಎಸ್.ಎಸ್. ಯೋಗ ಸಮಿತಿದ ಪ್ರಮುಖೆರ್ ಪಾಲ್ ಪಡೆಪೆರ್ ಪಂದ್ ಲೇಸ್ ದ ಸಂಚಾಲಕೆರ್ ರಾಮಚಂದ್ರ ಪ್ರಕಟಣೆ ತೆರಿಪಾದೆರ್.

College bus collides with a gas lorry injuring students ಕಾಲೇಜ್ ಬಸ್ ಬೊಕ್ಕ ಗ್ಯಾಸ್ ಲಾರಿ ಗುದ್ದುದು ಜೋಕುಲೆಗ್ ಪೆಟ್ಟ್

ಕೊಟ್ಟಿಗೆಹಾರ: ಕಾಲೇಜ್ ಬಸ್ ಬೊಕ್ಕ ಗ್ಯಾಸ್ ಲಾರಿ ಗುದ್ದುದು ಬಸ್ ಡ್ರೈವರ್ ಸೇರ್ದ್ ಕಾಲೇಜ್ ಕಲ್ಪಾರ್ಥಿಲೆಗ್ ಪೆಟ್ಟಾಯಿನ ಘಟನೆ ಬಣಕಲ್ ಠಾಣಾ ವ್ಯಾಪ್ತಿಡ್ ರಾಷ್ಟ್ರೀಯ ಹೆದ್ದಾರಿ 73 ಮೂಡಿಗೆರೆ ತಾಲೂಕ್ ದ ಚಕ್ ಮಕ್ಕಿ ಕೈತಲ್ ನಡತ್ಂಡ್.

ಪೆಟ್ಟಾಯಿನಕ್ಲೆನ್ ಆಸ್ಪತ್ರೆಗ್ ದಾಖಲ್ ಮಲ್ತ್ ದ್, ಚಿಕಿತ್ಸೆ ಕೊರೊಂದು ಉಲ್ಲೆರ್.

January 28: Ilasa the Voice of the Ocean (R) Organises the release of ‘ Bana Chandra Telipunani” Tulu song release program ಜ.28 : ಐಲೇಸಾ ದಿ ವಾಯ್ಸ್ ಆಫ್ ಓಷನ್ (ರಿ) ಸಂಸ್ಥೆರ್ದ್ ”ಬಾನ ಚಂದ್ರೆ ತೆಲಿಪುನಾನಿ” ತುಳು ಪದ್ಯ ಬುಡುಗಡೆ

ಕರಿನ ವರ್ಷ ಪತ್ತೊಂಜಿ ತುಳು ಪದ್ಯನ್ ಬುಡುಗಡೆ ಮಲ್ತಿನ ಐಲೇಸಾ ಸಂಸ್ಥೆ ಈ ವರ್ಷದ ಸುರುತ ಕಾಣಿಕೆಯಾದ್ ಯುವ ಸಾಹಿತಿ ನರೇಂದ್ರ ಕಬ್ಬಿನಾಲೆ ಮೆರೆನ ಬಾನ ಚಂದ್ರೆ ತೆಲಿಪುನಾನಿ ಪನ್ಪುನ ಅಪ್ಪೆ ಜೋಕುಲೆನ ಬಾಂಧವ್ಯದ ಮಧುರ ಗೀತೆನ್ ಉಂದುವೇ ಸನಿಯಾರ ಜ.28 ಕ್ ಝೂಮ್ ಡಿಜಿಟಲ್ ವೇದಿಕೆಡ್ ಬುಡುಗಡೆ ಮಲ್ಪೆರೆ ಉಂಡು.

ಪೊಣ್ಣು ತನ್ನ ಮಾತ ಆಸೆಲೆನ್ ತನ್ನ ಸಾಂಸಾರಿಕ ಜೀವನಡ್ ಒತ್ತೆ ದೀದ್ ಕಂಡನಿ ಜೋಕುಲೆನ ತೆಲಿಕೆಡ್ ಬೊಲ್ಪುದಲೆಕ್ಕ ಇಪ್ಪುನ ಚಿತ್ರಣದ ಈ ಪದ್ಯನ್ ಪ್ರೇಮಲತಾ ದಿವಾಕರ್ ಮಧುರವಾದ್ ಸಂಯೋಜನೆ ಮಲ್ದೆರ್. ಪುಗರ್ತೆದ ಗಾಯಕಿ ಮಾಲಿನಿ ಕೇಶವ ಪ್ರಸಾದ್ ಮೇರ್ ಈ ಪದ್ಯನ್ ಸ್ವರ ಕೊರ್ತೆರ್. ಪ್ರಮೋದ್ ಸಪ್ರೆ ಸಹಕಾರಡ್, ನಿಶಾಂತ್ ಕ್ಯಾಲಿಕಟ್ ಮೆರೆನ ವಾದ್ಯದ ಸಂಗೀತ ಇಪ್ಪುನ ಈ ಪದ್ಯನ್ ಸುಳ್ಯದ ಅಜ್ಜಾವರ ಮಹಿಷಮರ್ದಿನಿ ದೇವಲ್ಯದ ಧರ್ಮದರ್ಶಿಲು ಶಿವರಾಯೆರ್ ಬುಡುಗಡೆ ಮಲ್ಪುವೆರ್.

ಅಖಿಲಭಾರತ ಸ್ಥಾನಿಕ ಬ್ರಾಹ್ಮಣ ಸಮಾಜ ಬೆಂಗ್ಲೂರ್ ನೆತ್ತ ಕಾರ್ಯದರ್ಶಿ ರಾಜೇಶ್ ರಾವ್ ಬಿನ್ನೆರಾದ್ ಬತ್ತ್ ದ್ ಎಡ್ಡೆಪ್ಪು ಬಯಕಿಯೆರೆ ಉಲ್ಲೆರ್. ಐಲೇಸಾ ಸಂಸ್ಥೆ ತುಳುಟ್ ಬುಡುಗಡೆ ಮಲ್ತಿನ 12ನೇ ದ ಪದ್ಯ ಉಂದಾತ್ಂಡ್. ಈ ಲೇಸ್ ನ್ ಟಿವಿ ನಿರೂಪಕೆ ಅರೆಭಾಸೆದ ಗಾಯಕೆ ತೇಜು ಕೊಲ್ಲಮಗರು ಸುಧಾರಿಕೆ ಮಲ್ಪುವೆರ್. ಪುಗರ್ತೆದ ಕವಯತ್ರಿ ಶ್ವೇತ ಜೈನ್ ಪದ್ಯದ ಬಗೆ ತೆರಿಪಾಯೆರೆ ಉಲ್ಲೆರ್. ತಾಂತ್ರಿಕ ನಿರ್ವಹಣೆನ್ ಗೋಪಾಲ್ ಪಟ್ಟೆ ಬೊಕ್ಕ ಸುರೇಂದ್ರ ಮಾರ್ನಾಡು ನಿರ್ವಹಣೆ ಮಲ್ಪೆರೆ ಉಲ್ಲೆರ್.‌

ಸಂಗೀತ ಪ್ರಿಯೆರ್ ಬೊಕ್ಕ ಭಾಷಾಭಿಮಾನಿಲು ಝೂಮ್ ವೇದಿಕೆಡ್ Meeting ID: 831 3909 9953 ಬೊಕ್ಕ Passcode: ilesa ಗಲಸ್ ದ್ ಶನಿಯಾರ ಬಯ್ಯಗ್ 7:30 (India) ಗಂಟೆಗ್ ಸರಿಯಾದ್ ಝೂಮ್ ವೇದಿಕೆಡ್ ಸೇರೊಂದು ಪದ್ಯದ ಬುಡುಗಡೆಡ್ ಪಾಲ್ ಆವೆರೆ ಸಂಸ್ಥೆದ ವ್ಯವಸ್ಥಾಪಕೆರ್ ಬಿನ್ನಾಪು ಮಲ್ದೆರ್.