Tulu News

Renowned litterateur and language expert K V Thirumalesh no more ದೇವೆರೆ ಪಾದೊ ಸೇರಿಯೆರ್ ಪುಗರ್ತೆದ ಸಾಹಿತಿ, ಭಾಷಾ ವಿಜ್ಞಾನಿ ಕೆ ವಿ ತಿರುಮಲೇಶ್

ಬೆಂಗ್ಲೂರ್: ಪುಗರ್ತೆದ ಸಾಹಿತಿ, ಅನುವಾದಕೆರ್, ಭಾಷಾ ವಿಜ್ಞಾನಿ ಡಾ. ಕೆ ವಿ ತಿರುಮಲೇಶ್‌(82) ಮೇರ್ ಇನಿ ಬೊಲ್ಪುಗು ಹೈದರಾಬಾದ್ ದ ತನ್ನ ಮಗಳೆನ ಇಲ್ಲಲ್ ದೇವೆರೆ ಪಾದೊ ಸೇರಿಯೆರ್.

1940, ಸೆಪ್ಟೆಂಬರ್ 12ಕ್ ಪುಟ್ಟಿನ ಮೇರ್ ಮೂಲತಃ ಕಾಸ್ರೋಡು ಜಿಲ್ಲೆದ ಮುಳ್ಳೇರಿಯಾ ಕೈತಲ್ದ ಕಾರಡ್ಕದಾರ್. ಮೇರ್ ಕಾಸ್ರೋಡು ಪ್ರದೇಶಡ್ ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣ ಪಡೆತೆರ್. ಮೆರೆನ ‘ಅಕ್ಷಯ ಕಾವ್ಯ’ ಕೃತಿಗ್ 2015ನೇ ಸಾಲ್ ದ ಪುಗರ್ತೆದ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ತಿಕ್ಕ್ ದ್ಂಡ್. ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ನಿರಂಜನ ಪ್ರಶಸ್ತಿ, ಕೇರಳದ ಕುಮಾರನ್ ಆಶಾನ್ ಪ್ರಶಸ್ತಿ, ವರ್ಧಮಾನ್ ಪ್ರಶಸ್ತಿ, ಗೋವಿಂದ ಪೈ ಪ್ರಶಸ್ತಿ ಸೇರ್ದ್ ಸುಮಾರ್ ಪ್ರಶಸ್ತಿ ತಿಕ್ಕ್ ದ್ಂಡ್. ಮೆರೆಗ್ ಬೊಡೆದಿ ಬೊಕ್ಕ ಮೂಜಿ ಪೊಣ್ಣು ಜೋಕುಲು ಉಲ್ಲೆರ್.

Renowned litterateur and language expert K V Thirumalesh no more

Bangalore: Dr K V Thirumalesh (82) renowned litterateur, language expert,translater died of a heart attack this morning.
Hailing from Kasargod ,he was awarded the 2015 national sahitya akademi award for his work
‘ Akshaya Kavya’.
He is also the winner of the Karnataka sahitya akademi award, Niranjana Award, Kerala Kumaran Ashan award and many others.

The Mulki Moodbidri unit of Yuva Morcha BJP conducts door to door campaign ಮುಲ್ಕಿ ಬೆದ್ರ ಮಂಡಲ ಬಿಜೆಪಿ ಯುವ ಮೋರ್ಚಾದ ವತಿರ್ದ್ ಇಲ್ಲ ಇಲ್ಲಗ್ ಭೇಟಿ, ಸದಸ್ಯತ್ವ ಅಭಿಯಾನ

ಬಿಜೆಪಿ ಯುವ ಮೋರ್ಚಾ ಮುಲ್ಕಿ ಬೆದ್ರ ಮಂಡಲದ ವತಿರ್ದ್ ಜ.30 ಸೋಮಾರ (ಇನಿ) ವಿಜಯ ಸಂಕಲ್ಪ ಅಭಿಯಾನದ ಅಂಗವಾದ್ ಮುಲ್ಕಿ ಕೆ.ಎಸ್.ರಾವ್ ನಗರದ ಕಾಲನಿಡ್ ಇಲ್ಲ ಇಲ್ಲಗ್ ಭೇಟಿ, ಕರಪತ್ರ ಕೊರ್ಪುನ, ಮನ್ ಕಿ ಬಾತ್ ವೀಕ್ಷಣೆ, ಗೋಡೆ ಬರವು, ಸದಸ್ಯತ್ವ ಅಭಿಯಾನ ನಡತ್ಂಡ್.

ಈ ಪೊರ್ತುಡು ಮಂಡಲದ ಅಧ್ಯಕ್ಷೆರ್ ಸುನಿಲ್ ಆಳ್ವ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಬೊಕ್ಕ ವಿಜಯ ಸಂಕಲ್ಪ ಅಭಿಯಾನದ ಜಿಲ್ಲಾ ಸಂಚಾಲಕೆರ್ ಕಸ್ತೂರಿ ಪಂಜ, ಅಭಿಯಾನದ ಮಂಡಲ ಸಂಚಾಲಕೆರ್ ಅಭಿಲಾಷ್ ಕಟೀಲ್, ರಾಜ್ಯ ಮಾಧ್ಯಮ ವಿಭಾಗದ ಕಾಂತಿ ಶೆಟ್ಟಿ, ಯುವಮೋರ್ಚಾದ ಮಂಡಲ ಅಧ್ಯಕ್ಷೆರ್ ಕೆ.ಅಶ್ವಥ್ ಪಣಪಿಲ, ಮಂಡಲ ಪ್ರಧಾನ ಕಾರ್ಯದರ್ಶಿ ಕೇಶವ್ ಕರ್ಕೇರ, ನಗರ ಪಂಚಾಯತ್ ಸದಸ್ಯೆರ್ ಶೈಲೇಶ್ ಕುಮಾರ್, ಯುವಮೋರ್ಚ ಪ್ರಧಾನ ಕಾರ್ಯದರ್ಶಿ ಧನುಷ್ ಕುಲಾಲ್, ಚರಣ್ ಪೂಜಾರಿ, ಜಿಲ್ಲಾ ಎಸ್ ಸಿ ಮೋರ್ಚಾ ಕಾರ್ಯದರ್ಶಿ ವಿಠಲ್ ಎನ್.ಎಮ್, ವೀರಣ್ಣ, ಉಮೇಶ್ ಮುಲ್ಕಿ, ಶಶಿಕುಮಾರ್ ಬೊಕ್ಕ ನೂದೆರ್ದ್ ಎಚ್ಚ ಯುವ ಕಾರ್ಯಕರ್ತೆರ್ ಇತ್ತೆರ್.

Attack on the theatre during the screening of the movie ‘Pathan’ ಪಠಾಣ್ ಪಿಕ್ಚರ್ ಪ್ರದರ್ಶನ ಆವೊಂದು ಇತ್ತಿನ ಪೊರ್ತುಡು ಟಾಕೀಸ್ ದ ಮಿತ್ತ್ ದಾಳಿ

ಬೊಂಬೈ: ಪಠಾಣ್ ಪಿಕ್ಚರ್ ಪ್ರದರ್ಶನ ಆವೊಂದು ಇತ್ತಿನ ಪೊರ್ತುಡು ಟಾಕೀಸ್ ದ ಮಿತ್ತ್ ಬಜರಂಗ ಕಾರ್ಯಕರ್ತೆರ್ ದಾಳಿ ಮಲ್ತಿನ ಘಟನೆ ಮಹಾರಾಷ್ಟ್ರದ ಥಾಣೆದ ಮಾಕ್ಸಸ್ ಮಾಲ್ ಡ್ ನಡತ್ಂಡ್.

ಪಿಕ್ಚರ್ ದ ವಿರುದ್ಧ ಘೋಷಣೆ ಪಾಡೊಂದು ಪ್ರತಿಭಟನೆಕಾರೆರ್ ಪೋಸ್ಟರ್ ಲೆನ್ ಪರಿತ್ ದ್ ಪಾಡ್ದೆರ್. ಪಿಕ್ಚರ್ ಟಾಕೀಸ್ ದ ಮಿತ್ತ್ ಕಲ್ಲ್ ದಕ್ಕ್ ದೆರ್ ಪಂದ್ ತೆರಿದ್ ಬೈದ್ಂಡ್. ಈ ಕೇಸ್ ದ ಬಗೆಟ್ ಇದ ಮುಟ್ಟ 9 ಜನ ಬಜರಂಗದಳ ಕಾರ್ಯಕರ್ತೆರೆನ್ ವಶಕ್ಕ್ ಪಡೆತೆರ್ ಪಂದ್ ಭಯಾಂದರ್ ಪೊಲೀಸ್ ಠಾಣೆದ ಅಧಿಕಾರಿ ಮುಕುಂದ್ ಪಾಟೀಲ್ ತೆರಿಪಾದೆರ್.

Attack on the theatre during the screening of the movie ‘Pathan’

Mumbai: Bajrang dal workers staged an attack on the theatre during the screening of the movie ‘Pathan’
at Thane Maxies Mall in Maharashtra.

They pelted stones on the building and tore out posters of the movie.More than 9 persons have been taken into custody by the police in connection to the incident.

The 22 nd Pratishtha Kalashabisheka at Sri Sarantaya Garodi,Sasihitlu ಸಸಿಹಿತ್ಲು ಶ್ರೀ ಸಾರಂತಾಯ ಗರೋಡಿಡ್ 22 ನೇ ವರ್ಷದ ಪ್ರತಿಷ್ಠಾ ಕಲಶಾಭಿಷೇಕ

ಸಸಿಹಿತ್ಲು ಶ್ರೀ ಸಾರಂತಾಯ ಗರೋಡಿ ಉಳ್ಳಾಯ ದೈವೊಲ್ಯಡ್ 22 ನೇ ವರ್ಷದ ಪ್ರತಿಷ್ಠಾ ಕಲಶಾಭಿಷೇಕ ಬೊಕ್ಕ ಸಾಮೂಹಿಕ ಶ್ರೀ ಸತ್ಯನಾರಾಯಣ ಕಲ್ಪೋಕ್ತ ಪೂಜೆ ಜ.30 ಸೋಮಾರ ಎಚ್ ರಂಗನಾಥ ಭಟ್ ಹಳೆಯಂಗಡಿ ಮೆರೆನ ಮುತಾಲಿಕೆಡ್ ನಡಪರೆ ಉಂಡು.

ಬೊಲ್ಪುಗು 7 ಗಂಟೆಗ್ ಭಂಡಾರ ಬತ್ತ್ ದ್ ನಾಗಬ್ರಹ್ಮ ರಕ್ತೇಶ್ವರಿಗ್ ತನುತಂಬಿಲ ಸೇವೆ, ನವಕ ಪ್ರಧಾನ ಹೋಮ, ಪ್ರತಿಷ್ಠಾ ಕಲಶಾಭಿಷೇಕ, ಭಜನಾ ಸಂಕೀರ್ತನೆ ನಡತ್ಂಡ್. 9.30 ರ್ದ್ ಸಾಮೂಹಿಕ ಶ್ರೀ ಸತ್ಯನಾರಾಯಣ ಕಲ್ಪೋಕ್ತ ವೃತ್ತ ಪೂಜೆ ಸುರುವಾದ್ ಮಹಾಮಂಗಳಾರತಿ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ 6 ಗಂಟೆರ್ದ್ ಉಳ್ಳಾಯ, ಪರಿವಾರ ದೈವೊಲೆನ ಬೊಕ್ಕ ಕಾಂತಾಬಾರೆ ಬೂದಾಬಾರೆರೆಗ್ ಚೌತಿ ಪರ್ಬ ನಡಪರೆ ಉಂಡು. ಈ ಸೇವೆನ್ ಕಾಂತುಲಕ್ಕಣ ಗುರಿಕಾರೆರ್ ಬೊಕ್ಕ ತೋಚೋಡಿ ಕುಟುಂಬಸ್ಥೆರ್ ಕೊರಿಯೆರ್. ಈ ಲೇಸ್ ಡ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಕಾಂತುಲಕ್ಕಣ ಗುರಿಕಾರೆರ್, ಆಡಳಿತ ಸಮಿತಿದ ಅಧ್ಯಕ್ಷೆರ್ ಜಗನ್ನಾಥ ಆರ್. ಕೋಟ್ಯಾನ್ ಬೊಕ್ಕ ಸರ್ವಸದಸ್ಯೆರ್, ಬೊಂಬೈ ಸಮಿತಿದ ನಾಲ್ ಕರೆತ ಪತ್ತ್ ಸಮಸ್ತೆರ್, ಬಿಲ್ಲವ ಮಹಿಳಾ ಸಭಾತ್ತ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

The 22 nd Pratishtha Kalashabisheka at Sri Sarantaya Garodi, Sasihitlu

The 22 nd Pratishtha Kalashabisheka and Satyanarayan Pooja at Sri Sarantaya Garodi will be held on January 30th

Fighter jets of Indian Air force catch fire ಲಡಾಯಿದ ರಡ್ಡ್ ಇಮಾನಡ್ ತೂ

ಭೋಪಾಲ್: ಮಧ್ಯಪ್ರದೇಶಡ್ ಲಡಾಯಿದ ರಡ್ಡ್ ಇಮಾನ ರಾವೊಂದು ಇಪ್ಪುನಗ ಸುಖೋಯ್- 30 ಬೊಕ್ಕ ಮಿರಾಜ್- 2000 ಯುದ್ಧ ಇಮಾನಡ್ ತೂ ಪತ್ ದ್ ನೆಲಕ್ಕ್ ಬೂರ್ದುಂಡು.

ಇಮಾನ ಬೂರಿನ ಕೂಡ್ಲೆ ತೂ ಪೊತ್ತ್ ದ್ಂಡ್. ಹಿರಿಯ ಅಧಿಕಾರಿಲು ಘಟನಾ ಜಾಗೆಗ್ ಬೈದೆರ್.

Fighter jets of Indian Air force catch fire

Bhopal: Two fighter jets Sukhoi -30 and Mirage-2000 caught fire mid air and crashed down in Madhya Pradesh. Senior officers are investigating into the matter.

Patient is eligible for compensation if he expires in an ambulance ಆಂಬ್ಯುಲೆನ್ಸ್ ಡ್ ಸೈತ್ಂಡ ಪರಿಹಾರ ಕೊರೊಡು: ಕೋರ್ಟ್

ರೋಗಿಲೆನ್ ಆಸ್ಪತ್ರೆಗ್ ಲೆತೊಂದು ಪೋನಗ ಆಂಬ್ಯುಲೆನ್ಸ್ ಡ್ ಸೈತ್ಂಡ ವಿಮಾ ಕಂಪನಿ ಪರಿಹಾರ ಕೊರೊಡು ಪಂದ್ ಹೈಕೋರ್ಟ್ ಗ್ ಆದೇಶ ಮಲ್ದ್ಂಡ್.

ಚಿಕ್ಕಮಗಳೂರುದ ನಿವಾಸಿ ರವಿ ಜಾಂಡೀಸ್ ಕಾಯಿಲೆರ್ದ್ ನರಲೊಂದು ಇತ್ತೆರ್. ಮೆರೆನ್ ಆಸ್ಪತ್ರೆಗ್ ಆಂಬ್ಯುಲೆನ್ಸ್ ಡ್ ಲೆತೊಂದು ಪೋನಗ ಗಾಡಿ ಪಲ್ಟಿ ಆದ್ ತೀರ್ ಪೋಯೆರ್. ನೆಕ್ಕ್ ಕುಡ್ಲದ ಕೋರ್ಟ್ 5.50 ಲಕ್ಷ ರೂ. ಪರಿಹಾರ ಕೊರೊಡು ಪಂದ್ ಆದೇಶ ಮಲ್ತಿನೆನ್ ವಿಮಾ ಕಂಪನಿ ಹೈಕೋರ್ಟ್ ಡ್ ಪ್ರಶ್ನೆ ಮಲ್ದ್ಂಡ್.

Patient is eligible for compensation if he expires in an ambulance

A patient on the way to the hospital; expires in the ambulance; he is eligible for compensation by the insurance companies stated the High Court in an order.

The order was given in relation to a case were a person Ravi who was suffering from jaundice expired on the way to the hospital as the vehicle overturned The Mangalore court had ordered a compensation of 5.50 lakhs,which was counter questioned by the insurance company.

The renovation work of the sanctum of Sri Vidyanatheswara temple,Kokkada started ಕೊಕ್ಕಡ ಲ ಶ್ರೀ ವೈದ್ಯನಾಥೇಶ್ವರ ದೇವಲ್ಯದ ಪೊಸ ಗರ್ಭಗುಡಿಕ್ಕ್ ಕೆಸರ್ ಕಲ್ಲ್ ಪಾಡುನ ಲೇಸ್

ಕೊಕ್ಕಡ ಶ್ರೀ ವೈದ್ಯನಾಥೇಶ್ವರ ದೇವಲ್ಯಡ್ ಪೊಸ ಗರ್ಭಗುಡಿಕ್ಕ್ ಕೆಸರ್ ಕಲ್ಲ್ ಪಾಡುನ ಲೇಸ್ ಶುಕ್ರವಾರ ಎಡಮನೆ ಬ್ರಹ್ಮಶ್ರೀ ಕೆ. ಯು. ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಮೆರೆನ ಕೈಟ್ ನಡತ್ಂಡ್.

ಬ್ರಹ್ಮಶ್ರೀ ಕುಂಟಾರು ರವೀಶ ತಂತ್ರಿಲು ಧಾರ್ಮಿಕ ಪ್ರವಚನ ಮಲ್ತೆರ್. ಸಭಾಧ್ಯಕ್ಷತೆನ್ ವಾಸ್ತುಶಿಲ್ಪಿ ಎಸ್. ಎಂ. ಪ್ರಸಾದ ಮುನಿಯಂಗಳ ಒಯಿಸ್ ದಿತ್ತೆರ್. ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ, ತಂತ್ರಿಲು ವಿಷ್ಣು ಪ್ರಸಾದ, ಬೆಂಗ್ಲೂರ್ ಜೀವನ್ ಯೋಗ ಪ್ರತಿಷ್ಠಾನದ ಸಂಸ್ಥಾಪಕೆರ್ ಅರುಣ ಪ್ರಕಾಶ್ ಆಚಾರ್ಯ, ಕೊಕ್ಕಡ ಶ್ರೀ ಕ್ಷೇತ್ರ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ರಾಧಾಕೃಷ್ಣ ಯಡಪಡಿತ್ತಾಯ, ಉಪಾಧ್ಯಕ್ಷೆರ್ ಕುಶಾಲಪ್ಪ ಗೌಡ ಪುಡ್ಕೆತ್ತೂರು, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕೆ. ಬಾಲಕೃಷ್ಣ ಕೆದಿಲಾಯ, ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಯೋಗೀಶ್ ಆಲಂಬಿಲ ಬೊಕ್ಕ ಸೀಮೆದ ಭಕ್ತೆರ್ ಇತ್ತೆರ್.

The renovation work of the sanctum of Sri Vidyanatheswara temple,Kokkada started

The renovation of the sanctum of Sri Vaidyanatheshwara temple,Kokkada began on Friday in the holy hands of Sri Vishwaprassana Thirtha Swamiji under the guidance of Brahmashree K U Padmanabha Tantri

Meeting for organizing ” Gejjegiri Jatra” ಗೆಜ್ಜೆಗಿರಿ ಜಾತ್ರೆದ ಅಟ್ಟಣೆ ಸಭೆ

ಗೆಜ್ಜೆಗಿರಿ ಜಾತ್ರೆದ ಅಟ್ಟಣೆ ಸಭೆ ಶ್ರೀ ಕ್ಷೇತ್ರ ಗೆಜ್ಜೆಗಿರಿಟ್ ನಡತ್ಂಡ್.

ಫೆಬ್ರವರಿ 28 ಪ್ರತಿಷ್ಠಾ ವರ್ಧಂತಿ, ಮಾರ್ಚ್ 17, 18,19 ಜಾತ್ರೆ ಮಲ್ಪುನು ಪಂದ್ ತೀರ್ಮಾನ ಮಲ್ದೆರ್. ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರಾಯಿನ ಪೀತಾಂಬರ ಹೆರಾಜೆ ಸಭೆತ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ಈ ಪೊರ್ತುಡು ಗೌರವಾಧ್ಯಕ್ಷೆರ್ ಡಾ|ರಾಜಶೇಖರ್ ಕೋಟ್ಯಾನ್, ಗೆಜ್ಜೆಗಿರಿ ನಂದನಬಿತ್ತಿಲ್ ದ ಶ್ರೀಧರ ಪೂಜಾರಿ, ಪ್ರಧಾನ ಕಾರ್ಯದರ್ಶಿ ಉಲ್ಲಾಸ್ ಕೋಟ್ಯಾನ್, ಕೋಶಾಧಿಕಾರಿ ದೀಪಕ್ ಕೋಟ್ಯಾನ್, ಜತೆ ಕಾರ್ಯದರ್ಶಿ ಚಂದ್ರಶೇಖರ್ ಉಚ್ಚಿಲ್, ಪ್ರಮುಖೆರ್ ಶೈಲೇಂದ್ರ ಸುವರ್ಣ, ನವೀನ್ ಸುವರ್ಣ ಸಜಿಪ, ಪ್ರಶಾಂತ್ ಪೂಜಾರಿ ಮಸ್ಕತ್, ಡಾ.ರಾಜಾರಾಂ, ಶೇಖರ್ ಬಂಗೇರ ಹೆರಾಜೆ, ರಾಜೇಂದ್ರ ಚಿಲಿಂಬಿ, ನಾರಾಯಣ ಮಚ್ಚಿನ, ಜಯರಾಂ ಬಂಗೇರ ಹೆರಾಜೆ ಇತ್ತೆರ್.

Meeting for organizing ” Gejjegiri Jatra”

A meeting to plan and organise the ” Gejjegiri Jatra” was held on February 28th. The Jatra is scheduled for March 17, 18 and 19 th . The meeting was presided by Peetambar Heyraje the president of the Gejjegiri Samithi.

Manglore: Belgian Malinous dogs join Mangalore international Airport security cannie squad ಕುಡ್ಲ: ಇಮಾನ ನಿಲ್ದಾಣದ ಭದ್ರತೆಗ್ ಬತ್ತ್ಂಡ್ ಮ್ಯಾಕ್ಸ್‌ ಬೊಕ್ಕ ರೇಂಜರ್‌ ನಾಯಿಲು

ಕುಡ್ಲ: ಅಂತಾರಾಷ್ಟ್ರೀಯ ಇಮಾನ ನಿಲ್ದಾಣದ ಭದ್ರತಾ ಪಡೆ ಸಿಐಎಸ್‌ಎಫ್ ಶ್ವಾನದಳಕ್ ಬೆಲ್ಜಿಯನ್‌ ಮೆಲಿನೊಯ್ಸ ತಳಿತ್ತ ಮ್ಯಾಕ್ಸ್‌ ಬೊಕ್ಕ ರೇಂಜರ್‌ ಪುದರ್ ದ ರಡ್ಡ್ ನಾಯಿಲು ಸೇರ್ಪಡೆ ಆತ್ಂಡ್.

ಬೆಂಗ್ಲೂರ್ ದ ಸಿಐಎಸ್‌ಎಫ್‌ದ ಶ್ವಾನ ಸಂತಾನೋತ್ಪತ್ತಿ ಬೊಕ್ಕ ತರಬೇತಿ ಕೇಂದ್ರಡ್ ನಡತಿನ ತರಬೇತಿಡ್ ಮ್ಯಾಕ್ಸ್ ಸುರುತ ಬೊಕ್ಕ ರೇಂಜರ್ ರಡ್ಡನೇ ತಾನ ಪಡೆತ್ಂಡ್.

Manglore: Belgian Malinous dogs join Mangalore international Airport security cannie squad

Two dogs of Belgian Malinous breed of CIAS joined the canine squad that overlooks the security at Mangalore international Airport.

Annamalai visits Kukke Subramanya ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಗ್ ಅಣ್ಣಾಮಲೈ ಭೇಟಿ

ಸುಬ್ರಹ್ಮಣ್ಯ: ಮಾಜಿ ಐಪಿಎಸ್ ಅಧಿಕಾರಿ, ತಮಿಳುನಾಡ್ ದ ಬಿಜೆಪಿ ರಾಜ್ಯಾಧ್ಯಕ್ಷೆರ್ ಅಣ್ಣಾಮಲೈ ಕೋಡೆ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಗ್ ಭೇಟಿ ಕೊರ್ದು ದೇವೆರೆನ ದರ್ಶನ ಪಡೆಯೆರ್.

ಮೇರ್ ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳಡ್ ಶಾಸಕೆರ್ ರಾಜೇಶ್ ನಾಯಕ್ ಮೆರೆನ ಮುತಾಲಿಕೆಡ್ ನಡಪರೆ ಇಪ್ಪುನ ಗ್ರಾಮ ವಿಕಾಸಯಾತ್ರೆ ಲೇಸ್ ಡ್ ಪಾಲ್ ಪಡೆಯೆರೆ ಬತ್ತಿನ ಪೊರ್ತುಡು ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಗ್ ಭೇಟಿ ಕೊರಿಯೆರ್.

ದೇವಲ್ಯದ ಆಡಳಿತ ಮಂಡಳಿ ಸದಸ್ಯೆರ್ ಬೊಕ್ಕ ಬಿಜೆಪಿ ಪಕ್ಷದ ಕೈತಲ್ ದ ನಾಯಕೆರ್ ಮೆರೆನ್ ಎದ್ಕೊನಿಯೆರ್.

Annamalai visits Kukke Subramanya

Subramanya-Former IPS officer, State president of Tamilnadu BJP Annamali visited Kukke Subramanya today.
He had come to participate in the Vikasa Yatra program organised by Bantwal MLA Rajesh Naik.