Tulu News

Madal Virupakshappa BJP MLA resigns from the post of president of KSDL ಕೆಎಸ್ ಡಿಎಲ್ ಅಧ್ಯಕ್ಷ ತಾನಗ್ ಬಿಜೆಪಿ ಶಾಸಕೆ ಮಾಡಾಳ್ ವಿರೂಪಾಕ್ಷಪ್ಪ ರಾಜೀನಾಮೆ

ಲೋಕಾಯುಕ್ತ ದಾಳಿದ ಪೊರ್ತುಡು ರೆಡ್ ಹ್ಯಾಂಡ್ ಆದ್ ತಿಕ್ ದ್ ಬೂರಿನ ಶಾಸಕೆ ಮಾಡಾಳ್ ವಿರೂಪಾಕ್ಷಪ್ಪನ ಮಗೆ ಪ್ರಶಾಂತ್, ಅರೆಸ್ಟ್ ಆಯಿನ ಬಗೆಟ್, ಕರ್ನಾಟಕ ಸಾಬೂನ್ ಬೊಕ್ಕ ಮಾರ್ಜಕ ಕಾರ್ಖಾನೆ ಅಧ್ಯಕ್ಷ ತಾನಗ್ ರಾಜೀನಾಮೆ ಕೊರ್ತೆರ್.

ಸಿಎಂ ಸೂಚನೆದಂಚನೆ ಕೋಡೆ ರಾತ್ರೆನೇ ರಾಜೀನಾಮೆ ಕೊರ್ತೆರ್ ಪಂದ್ ಖಾಸಗಿ ಸುದ್ದಿ ವಾಹಿನಿ ವರದಿ ಮಲ್ದ್ಂಡ್. ಈ ಬಗೆಟ್ ಶಾಸಕೆರ್ ಮಾಡಾಳ್ ವಿರೂಪಾಕ್ಷಪ್ಪ ಮೆರೆನ ಇಲ್ಲದ ಮಿತ್ತ್ ಲ ಲೋಕಾಯುಕ್ತ ದಾಳಿ ನಡಪುನ ಸಾಧ್ಯತೆ ಉಂಡು ಪಂದ್ ವರದಿ ಆತ್ಂಡ್.

Madal Virupakshappa BJP MLA resigns from the post of president of KSDL

MLA Virupakshappa’s son Prashant was caught red handed by the lokayukta during a raid and has been arrested. In this connection Virupakshappa has resigned from the post of president of Karnataka Soaps and Detergents limited.

Patla foundation, Baharain conducts blood donation camp ಪಟ್ಲ ಫೌಂಡೇಶನ್ ಬಹರೈನ್ ಸೌದಿ ಘಟಕದ ವತಿರ್ದ್ ಯಶಸ್ವಿಯಾದ್ ನಡತ್ಂಡ್ ಸಾಮೂಹಿಕ ನೆತ್ತೆರೆ ಉಂಬೊಲಿ ಶಿಬಿರ

ಪಟ್ಲ ಫೌಂಡೇಶನ್ ಬಹರೈನ್ ಸೌದಿ ಘಟಕದ ವತಿರ್ದ್ ಸಲ್ಮಾನಿಯ ಆಸ್ಪತ್ರೆದ ನೆತ್ತೆರ್ ಕೇಂದ್ರಡ್ ಸಾಮೂಹಿಕ ನೆತ್ತೆರೆ ಉಂಬೊಲಿ ಶಿಬಿರ ಯಶಸ್ವಿಯಾದ್ ನಡತ್ಂಡ್.

ಈ ನೆತ್ತರ್ ಉಂಬೊಲಿ ಶಿಬಿರಡ್ ನೂದೆರ್ದ್ ಎಚ್ಚ ದಾನಿಲು ಪಾಲ್ ಪಡೆದ್, ದಾಖಲೆದ ಸಂಖ್ಯೆಡ್ ನೆತ್ತೆರ್ ದಾನ ಮಲ್ತೆರ್. ಪುಗರ್ತೆದ ಭಾಗವತೆರಾಯಿನ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಮೆರೆನ ಸಾರಥ್ಯಡ್ ಆಸಕ್ತ ಕಲಾವಿದೆರೆನ ಸಕಾಯಗಾದ್ ಅಸ್ತಿತ್ವಗ್ ಬತ್ತಿನ ಪಟ್ಲ ಫೌಂಡೇಶನ್ ದೇಶ ವಿದೇಶಲೆಡ್ ಸುಮಾರ್ 40 ರ್ದ್ ಎಚ್ಚ ಶಾಖೆನ್ ಉಂಡು. ಆಯಿಟ್ ಬಹರೈನ್ ಸೌದಿ ಘಟಕ ಒಂಜಿ.

ಈ ನೆತ್ತೆರ್ ಉಂಬೊಲಿ ಶಿಬಿರಗ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಗೌರವಾಧ್ಯಕ್ಷೆರ್ ಸುಭಾಸ್ ಚಂದ್ರ, ಅಧ್ಯಕ್ಷೆರ್ ರಾಜೇಶ್ ಶೆಟ್ಟಿ, ಉಪಾಧ್ಯಕ್ಷೆರ್ ನರೇಂದ್ರ ಶೆಟ್ಟಿ, ಪದಾಧಿಕಾರಿಲು, ಬೊಕ್ಕ ಬೇತೆ ಬೇತೆ ಸಂಘಟನೆದ ಪದಾಧಿಕಾರಿಲು ಭೇಟಿ ಕೊರ್ದು ಪಟ್ಲ ಫೌಂಡೇಶನ್ ದ ಈ ಸಮಾಜಮುಖಿ ಕಜ್ಜೋನ್ ಮೆಚ್ಚಿಯೆರ್. ಅಂಚನೆ ನೆತ್ತೆರ್ ದಾನಿಲೆಗ್ ಬೊಲ್ಪುದ ಉಪಹಾರ ಬೊಕ್ಕ, ಸರ್ಟಿಫಿಕೇಟ್ ಗ್ ಕೊರಿಯೆರ್.

Patla foundation, Baharain conducts blood donation camp

The Saudhi unit of Patla foundation successfully conducted a blood donation camp were more than 100 donors donated blood.
The Patla foundation founded under the leadership of noted Yakshagana Bhagavatar Yakshadruva Patla Satish Shetty to train and help intrested Yakshagana artists has more than 40 branches worldwide.

Sonia Gandhi hospitalized ಸೋನಿಯಾ ಗಾಂಧಿ ಆಸ್ಪತ್ರೆಗ್ ದಾಖಲ್

ಎಐಸಿಸಿ ಮಾಜಿ ಅಧ್ಯಕ್ಷೆರ್ ಸೋನಿಯಾ ಗಾಂಧಿ ಆಸ್ಪತ್ರೆಗ್ ದಾಖಲ್ ಆತೆರ್.

ಜ್ವರರ್ದ್ ನರಲೊಂದು ಇತ್ತಿನ ಮೇರ್ ಡೆಲ್ಲಿದ ಗಾಂಗಾರಾಮ್ ಆಸ್ಪತ್ರೆಡ್ ದಾಖಲ್ ಆತೆರ್. ಹೃದ್ರೋಗ ವಿಜ್ಞಾನದ ಪೆರಿಯ ಸಲಹೆಗಾರೆರ್ ಡಾ. ಅನೂಪ್ ಬಸು ಮೆರೆನ ಮುತಾಲಿಕೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್ ಪಂದ್ ಆಸ್ಪತ್ರೆದ ಹೆಲ್ತ್ ಬುಲೆಟಿನ್ ತೆರಿಪಾದ್ಂಡ್.

Sonia Gandhi hospitalized

AICC former president Sonia Gandhi has been hospitalized.

She is a little ill and is under the care of Dr Anup Basu at Gangaram hospital said the hospital bulletin.

S B Kudaligi takes charge as the new Tahsildar of Bantwal taluk ಬಂಟ್ವಾಳ ತಾಲೂಕ್ ದ ಪೊಸ ತಹಶೀಲ್ದಾರ್ ಆದ್ ಎಸ್.ಬಿ. ಕೂಡಲಿಗಿ ಅಧಿಕಾರ ಸ್ವೀಕಾರ

ಬಂಟ್ವಾಳದ ಪೊಸ ತಹಶಿಲ್ದಾರ್ ಆದ್ ಎಸ್.ಬಿ.ಕೂಡಲಿಗಿ ಮೆರೆನ್ ಸರಕಾರ ನೇಮಕ ಮಲ್ತ್ಂಡ್.

ಮೇರ್ ಇನಿ ಅಧಿಕಾರ ಸ್ವೀಕಾರ ಮಲ್ಪೆರೆ ಉಲ್ಲೆರ್. ನೇರ್ದ್ ದುಂಬು ಬಂಟ್ವಾಳ ತಹಶೀಲ್ದಾರ್ ಆದಿತ್ತಿನ ದಯಾನಂದ ಮೆರೆನ್ ಜಿಲ್ಲಾಧಿಕಾರಿ ಕಚೇರಿಗ್ ವರ್ಗಾಯಿಸಾದೆರ್.

Sadu Kokila well known actor and music director of Kannada films joins the Congress party ಕನ್ನಡದ ಪುಗರ್ತೆದ ನಟೆ, ಸಂಗೀತ ನಿರ್ದೇಶಕೆರ್ ಸಾಧು ಕೋಕಿಲ ಕಾಂಗ್ರೆಸ್ ಸೇರ್ಪಡೆ

ಬೆಂಗ್ಲೂರ್: ನನ ಬರ್ಪುನ ವಿಧಾನಸಭೆತ ವೋಟ್ ಗಾದ್ ಪುಗರ್ತೆದ ಜನಕುಲು ಬೇತೆ ಬೇತೆ ಪಕ್ಷಲೆಗ್ ಸೇರೊಂದು ಉಲ್ಲೆರ್. ಇತ್ತೆ ಸ್ಯಾಂಡಲ್‌ವುಡ್‌ದ ಪುಗರ್ತೆದ ಸಂಗೀತ ನಿರ್ದೇಶಕೆರ್, ಹಾಸ್ಯ ನಟೆ ಸಾಧು ಕೋಕಿಲಾ ಕಾಂಗ್ರೆಸ್ ಪಕ್ಷಗ್ ಸೇರ್ದೆರ್.

ಮೆರೆನ್ ಕೆಪಿಸಿಸಿದ ಸಾಂಸ್ಕೃತಿಕ ಘಟಕದ ಅಧ್ಯಕ್ಷೆರಾದ್ ಗುರುವಾರ ನೇಮಕ ಮಲ್ತೆರ್. ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ ಶಿವಕುಮಾರ್ ಈ ನೇಮಕನ್ ಮಲ್ತೆರ್.

Amit Shah to visit the state today ಇನಿ ರಾಜ್ಯಗ್ ಅಮಿತ್ ಶಾ ಭೇಟಿ

ಕೇಂದ್ರ ಗೃಹ ಸಚಿವೆರ್ ಅಮಿತ್ ಶಾ ಇನಿ ರಾಜ್ಯಗ್ ಭೇಟಿ ಕೊರ್ದು ಸುಮಾರ್ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.

ಬೊಲ್ಪುಗು ಇಮಾನಡ್ ಬೀದರ್ ಗ್ ಬತ್ತಿನ ಮೇರ್ 10:30 ಕ್ ಗುರುನಾನಕ್ ಝೀರಾ ಸಾಹಿದ್ ಗ್ ಭೇಟಿ ಕೊರ್ದು, 12.20 ಕ್ ಬಸವಕಲ್ಯಾಣಡ್ ವಿಜಯ ಸಂಕಲ್ಪ ರಥಯಾತ್ರೆದ ಮೂಜಿನೇ ರಥಕ್ ಉದಿಪನ ಮಲ್ತ್ ದ್ ಸಾರ್ವಜನಿಕ ಸಭೆಟ್ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಬೆಂಗ್ಲೂರ್ ಗ್ ಬತ್ತ್ ದ್ 5.10 ಕ್ 4 ನೇ ವಿಜಯಸಂಕಲ್ಪ ರಥಯಾತ್ರೆಗ್ ದೇವನಹಳ್ಳಿಡ್ ಉದಿಪನ ಮಲ್ಪರೆ ಉಲ್ಲೆರ್.

Amit Shah to visit the state today

Union minister for Home will be on a tour to the state today.

He will land in Bidar and visit Guru Nanak Zura Sahib and then inaugurate the third Rath for the Vijaya Sankalp Rathyatra at Basvakalyan and address a public meeting. He will then fly to Bangalore to inaugurate the fourth Vijaya Sankalp Rath yatra at Devanahalli.

A husband builds a temple to fulfil his wife’s wish!! ಬೊಡೆದಿಗಾದ್ 7 ಕೋಟಿ ರೂ. ಬಿಲೆತ್ತ ದೇವಲ್ಯ ಕಟ್ಟಾಯಿನ ಕಂಡನಿ!

ಒಡಿಶಾ: ಉದ್ಯಮಿಯೊರಿ ಬೊಡೆದಿನ ಆಸೆನ್ ಈಡೇರಿಸಾವುನ ಸಲುವಾದ್ 7 ಕೋಟಿ ರೂ. ಕರ್ಚಿಡ್ ದೇವಲ್ಯ ಕಟ್ಟಾಯಿನ ಅಪರೂಪದ ಘಟನೆ ನಡತ್ಂಡ್.

ಹೈದರಾಬಾದ್​ಡ್ ಇಪ್ಪುನ ಖೇತ್ರಬಾಸಿ ಲೆಂಕಾ ಪನ್ಪುನ ಉದ್ಯಮಿ ತನ್ನ ಬೊಡೆದಿ ವೈಜಯಂತಿ ಮೆರೆಗ್ ಒಡಿಶಾದ ಜೈಪುರ ಜಿಲ್ಲೆದ ಬಿಂಝಾರ್​ಪುರದ ಚಿಕಾನ ಗ್ರಾಮಡ್ ದೇವಿ ‘ಮಾ ಸಂತೋಷಿ’ ಪನ್ಪುನ ದೇವಲ್ಯನ್ ಕಟ್ಟದೆರ್.

ವೈಜಯಂತಿ ಮೇರ್ ದೇವಿ ‘ಮಾ ಸಂತೋಶಿ’ ನ ಪರಮ ಭಕ್ತೆ ಆತೆರ್. ಮೇರ್ ತನ್ನ ಅಪ್ಪೆ ಇಲ್ಲದ ಗ್ರಾಮಡ್ ‘ಮಾ ಸಂತೋಷಿ’ ದೇವಲ್ಯ ಕಟ್ಟವೊಡು ಪನ್ಪುನ ಆಸೆ ದೀದಿತ್ತೆರ್. ಅಂಚಾದ್ ಲೆಂಕಾ ಮೇರ್ ದೇವಲ್ಯನ್ ಕಟ್ಟದೆರ್. ದಕ್ಷಿಣ ಭಾರತದ ವಾಸ್ತುಶಿಲ್ಪದ ಪ್ರಕಾರ ಈ ದೇವಲ್ಯ ನಿರ್ಮಾಣ ಆತ್ಂಡ್.

A husband builds a temple to fulfil his wife’s wish!!

Orissa: An enterpreneur husband from Hyderabad has spent seven crore rupees to build a temple at his wife’s hometown in Orissa to fulfill her long-standing wish. The temple is dedicated to ” Maa Santoshi”.

Indian Railways halts 240 train today ಇನಿ 240 ರೈಲ್‌ಲೆನ ಪ್ರಯಾಣನ್ ಉಂತಾಯಿನ ಭಾರತೀಯ ರೈಲ್ವೆ

ಡೆಲ್ಲಿ: ಮೂಲಸೌಕರ್ಯ ನಿರ್ವಹಣೆ, ಸುರಕ್ಷತೆ ಬೊಕ್ಕ ಕಾರ್ಯಾಚರಣೆಗ್ ಸಂಬಂಧಪಟ್ಟಿನ ಕಜ್ಜೋಲೆನ್ ಮಲ್ಪೆರೆ ಭಾರತೀಯ ರೈಲ್ವೆ ಸುಕ್ರಾರ 240 ರೈಲ್‌ಲೆನ್ ಉಂತಾದ್ಂಡ್.

ರೈಲ್ವೆ ಇಲಾಖೆದ ಪ್ರಕಾರ, ನನ 87 ರೈಲ್‌ಲೆನ್ ಭಾಗಶಃ ಉಂತಾದ್ಂಡ್. IRCTC ವೆಬ್‌ಸೈಟ್ ದ ಮುಖೇನ ಬುಕ್ ಮಲ್ತಿನ ಟಿಕೆಟ್‌ಲೆನ್ ಸ್ವಯಂಚಾಲಿತವಾದ್ ಉಂತಾದ್ಂಡ್. ಬೊಕ್ಕ ಗಲಸುನಕ್ಲೆನ ಅಕೌಂಟ್‌ಗ್ ಮರುಪಾವತಿನ್ ಸುರು ಮಲ್ದ್ಂಡ್. ಕೌಂಟರ್‌ಲೆನ ಮುಖೇನ ಟಿಕೆಟ್ ಮಲ್ತಿನ ಪ್ರಯಾಣಿಕೆರ್ ಮರುಪಾವತಿನ್ ಪಡೆಯೆರೆ ಮೀಸಲಾತಿ ಕೌಂಟರ್‌ಗ್ ಭೇಟಿ ಕೊರೊಡು.

Indian Railways halts 240 train today

Delhi : The Indian railways have halted 240 trains today for repair and overhauling works.
The railways intends to halt 87 more trains.

Radio Manipal to air a special program on the occasion of ” Vishwa Sravana Dina” ರೇಡಿಯೊ ಮಣಿಪಾಲ್‌ಡ್ ವಿಶ್ವ ಶ್ರವಣ ದಿನತ ಲೆಕ್ಕೊಡು ಇಸೇಸ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ವಿಶ್ವ ಶ್ರವಣ ದಿನತ ಲೆಕ್ಕೊಡು ಇಸೇಸ ಪೊಲಬು ಲೇಸ್ ಮಾ.೩ ಸುಕ್ರಾರ ಬಯ್ಯಗ್ 4.15 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಕುಡ್ಲ ಕೆ. ಎಮ್.ಸಿ.ಆಸ್ಪತ್ರೆಯ ವಾಕ್ ಶ್ರವಣ ವಿಭಾಗಡ್ ಸಹಾಯಕ ಪ್ರಾಧ್ಯಾಪಕೆರಾದಿಪ್ಪುನ ಡಾ. ಮಯೂರ್ ಭಟ್ ಪಾಲ್ ಪಡೆಯರ ಉಲ್ಲೆರ್. ಸನಿಯಾರ ಮಧ್ಯಾಹ್ನ 12.15 ಕ್ ಮರುಪ್ರಸಾರ ಆಪುಂಡು.

Women’s Premier League to begin from tomorrow ಎಲ್ಲೆರ್ದ್ ಪೊಂಜೋವುಲೆನ ಪ್ರೀಮಿಯರ್ ಲೀಗ್ ಸುರು

ಪೊಂಜೋವುಲೆನ ಪ್ರೀಮಿಯರ್ ಲೀಗ್ ಎಲ್ಲೆರ್ದ್ ಸುರು ಆಪುಂಡು.

ಐನ್ ಕೂಟಲು ಪಾಲ್ ಪಡೆಯೆರೆ ಉಂಡು. ಈ ಟೂರ್ನಿಡ್ ಒಟ್ಟು 20 ಲೀಗ್ ಪಂತೊಲು, ಎಲಿಮಿನೇಟರ್ ಬೊಕ್ಕ ಫೈನಲ್ ಪಂತೊಲು ನಡಪರೆ ಉಂಡು. ಮಾ.26 ಕ್ ಫೈನಲ್ ಪಂತೊ ನಡಪರೆ ಉಂಡು. ಉದಿಪನ ಪಂತೊಡು ಗುಜರಾತ್ ಜೈಂಟ್ಸ್ ಬೊಕ್ಕ ಬೊಂಬೈ ಇಂಡಿಯನ್ಸ್ ಕೂಟಲು ಗೊಬ್ಬರ ಉಂಡು. ಎಲ್ಲೆ ಸ್ಮೃತಿ ಮಂದಾನ ಮುತಾಲಿಕೆಡ್ ಆರ್ ಸಿಬಿ, ಡೆಲ್ಲಿ ಕ್ಯಾಪಿಟಲ್ಸ್ ಸವಾಲ್ ಎದುರಿಸಾಯೆರೆ ಉಂಡು.

Women’s Premier League to begin from tomorrow

Five teams are participating in the the tournament and the finals will be played on March 26 th.