ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 44ನೇ ಸಂಚಿಕೆ ಮಾ.4 ಕ್ ಸನಿಯಾರ ಬಯ್ಯಗ್ 4.30ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಸಾಹಿತ್ಯಾಸಕ್ತೆರಾಯಿನ ನಿಮಿತಾ ಪ್ರಭಾಕರ ಶೆಟ್ಟಿ ಕುಂದಾಪುರ ಪಾಲ್ ಪಡೆಯೆರೆ ಉಲ್ಲೆರ್. ಮಾ.5 ಮಧ್ಯಾಹ್ನ 12.30 ಕ್ ಮರುಪ್ರಸಾರ ಆಪುಂಡು.
ಭಾರತಡ್ ತಯಾರ್ ಆಯಿನ ತೆಮ್ಮದ ಮರ್ದ್ ರ್ದ್ ಕರಿನ ವರ್ಷ ಉಜ್ಬೇಕಿಸ್ತಾನಡ್ 18 ಜೋಕುಲು ತೀರ್ ಪೋದಿತ್ತೆರ್.
ಈ ಕೇಸ್ ಡ್ ಇತ್ತೆ ನೋಯ್ಡಾ ಪೊಲೀಸೆರ್ ಮರಿಯನ್ ಬಯೋಟೆಕ್ ಕಂಪೆನಿದ ಮೂಜಿ ಉದ್ಯೋಗಿಲೆನ್ ಅರೆಸ್ಟ್ ಮಲ್ದೆರ್. ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್‌ ಆರ್ಗನೈಸೇಶನ್ ಇನ್ಸ್ ಪೆಕ್ಟರ್ ದೂರುದ ಮಿತ್ತ್ ಸಂಸ್ಥೆದ ರಡ್ಡ್ ನಿರ್ದೇಶಕೆರ್ ಸೇರಿನಂಚನೆ ಐನ್ ಅಧಿಕಾರಿಲೆನ ಮಿತ್ತ್ TIR ದಾಖಲ್ ಆತ್ಂಡ್. ರಡ್ಡ್ ನಿರ್ದೇಶಕೆರ್ ದೆಂಗ್ ದ್ ಕುಲ್ಲುದೆರ್. ಮೂಜಿ ಜನನ್ ಅರೆಸ್ಟ್ ಮಲ್ದೆರ್.
Three persons arrested in connection with substandard cough syrup case
18 children from Uzbekistan had died after consuming substandard cough syrup exported from India.Three persons from Marian Biotech company that had exported the syrup were arrested by the Noida police on complaint from Central Drugs Standard control organization inspector
ಕಿನ್ನಿಗೋಳಿ : 13ನೇ ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಪುನರೂರುದ ಪುಗರ್ತೆದ ಕಲಾವಿದೆ ಅರುವ ಕೊರಗಪ್ಪ ಮೆರೆನ ಗುರ್ಕಾರ್ಮೆನ್ ಐತಾರ ನಡಪರೆ ಉಂಡು.
ಡಾ.ವೀರಪ್ಪ ಮೊಯಿಲಿ ಬೊಕ್ಕ ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಮೆರೆಗ್ ಜೀವಮಾನದ ಸಾಧನೆಗಾದ್ ವಿಶ್ವ ತುಳುವ ರತ್ನ ಗೌರವ ಕೊರಿಯೆರೆ ಉಂಡು. ಮಾಧ್ಯಮ ಕ್ಷೇತ್ರದ ಸಾಧಕೆರಾಯಿನ ಯು.ಸತೀಶ ಪೈ ಬೊಕ್ಕ ಸಂಧ್ಯಾ ಎಸ್ ಪೈ ಮೆರೆಗ್ ವಿಶ್ವ ದಂಪತಿ ಗೌರವ ಸಂದಾಯೆರೆ ಉಂಡು ಪಂದ್ ಸಂಘಟಕೆರ್ ಅ.ಕ.ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿದ ಅಧ್ಯಕ್ಷೆರ್ ಡಾ.ಶೇಖರ ಅಜೆಕಾರು ತೆರಿಪಾದೆರ್.
ಬೇತೆ ಬೇತೆ ಕಡೆತ 25 ಜೋಕುಲು ಪ್ರತಿಭಾ ಪ್ರದರ್ಶನ ಕೊರಿಯೆರೆ ಉಲ್ಲೆರ್. ಮೊಕುಲೆನ್ ಗಣ್ಯೆರೆನ ಸಮ್ಮುಖಡ್ ಗೌರವಿಸಾಯೆರೆ ಉಂಡು.
ರಾಜ್ಯದ ಬೇತೆ ಬೇತೆ ಜಿಲ್ಲೆದ 33 ಯುವ ಸಾಧಕೆರ್ ಪಾಲ್ ಪಡೆಯೆರೆ ಉಲ್ಲೆರ್. ಪಂಚ ಭಾಷಾ ಕವಯತ್ರಿ ಅರುಷ ಎನ್ ಶೆಟ್ಟಿ ಮೇರ್ 60ಗ್ ಎಚ್ಚ ಕಬಿಕುಲು ಪಾಲ್ ಪಡೆಪುನ ಗೋಷ್ಠಿದ ಗುರ್ಕಾರ್ಮೆನ್ ಒಯಿಸೊನ್ವೆರ್.
ಕರ್ನಾಟಕ ಸಾಧನಾ ರತ್ನ ಗೌರವ ಪಡೆಪಿನಕ್ಲೆನ ಪೊಲಬು:
ಶ್ರೀಹರಿ ನಾರಾಯಣ ಆಸ್ರಣ್ಣ ಕಟೀಲು- ಧಾರ್ಮಿಕ,
ಕೂರ್ಮಾ ರಾವ್ ಎಂ-
ಆಡಳಿತ ಸೇವೆ,
ಎರ್ಮಾಳ್ ರೋಹಿತ್ ಹೆಗ್ಡೆ- ಕಂಬುಲ,
ಕರ್ನಿರೆ ವಿಶ್ವನಾಥ ಶೆಟ್ಟಿ ಬೊಂಬೈ- ಹೊರನಾಡ್ ಡ್ ತುಳುನಾಡ ಸೇವೆ,
ಪ್ರೊ.ಜಿ.ಆರ್ ರೈ- ಕುಡ್ಲ ಸಂಘಟನೆ,
ವಾಲ್ಟರ್ ನಂದಳಿಕೆ-ಕುಡ್ಲ ಮಾಧ್ಯಮ,
ಮೀನಾಕ್ಷಿ ಶ್ರೀಯಾನ್ ಬೊಂಬೈ-ನೃತ್ಯ ಗುರು,
ಪ್ರದೀಪ್‌ ಬೇಕಲ್- ಕಾಸ್ರೋಡು ಮಾಧ್ಯಮ, ಕೋಟ ಶ್ರೀನಿವಾಸ ಪೂಜಾರಿ-ಜನ ಪ್ರತಿನಿಧಿ,
ಅರವಿಂದ ಪೂಂಜಾ- ಉದ್ಯಮ,
ಡಾ.ವೈ, ಎನ್. ಶೆಟ್ಟಿ- ಮುಲ್ಕಿ
ವಿದ್ವತ್, ಶ್ರೀಪತಿ ಭಟ್-ಬೆದ್ರ ಉದ್ಯಮ,
ಕುಡುಮಲ್ಲಿಗೆ ಕೃಷ್ಣ ಶೆಟ್ಟಿ-ಕಾವೂರು ಯಕ್ಷ ಜ್ಞಾನ
ಮೋನಪ್ಪ ಕರ್ಕೆರ ಪುತ್ತೂರ್-ಕೃಷಿ,
ಕೆ. ಪ್ರಕಾಶ್ಚಂದ್ರ ಶೆಟ್ಟಿ-ಕಂಬದಕೋಣೆ
-ಸಹಕಾರ,
ಡಾ.ಬಸವರಾಜ ಶೆಟ್ಟಿಗಾರ್ ಕೋಟೇಶ್ವರ-ವಾಸ್ತು, ಜಿ.ಶ್ರೀಯಾನ್-ಸ್ವಾಭಿಮಾನ,
ಬಾಹುಬಲಿ ಪ್ರಸಾದ್-ವಕೀಲೆರ್,
ಕೆ.ವಿ.ರಮಣ್‌- ಕಲಾ ಸೇವೆ,
ಡಾ.ನಾಗವೇಣಿ, ಮಂಚಿ ಬಂಟ್ವಾಳ- ಸಂಶೋಧನೆ, ಡಾ.ಜ್ಯೋತಿ ಚೇಳೈರು- ಸಂಶೋಧನೆ.
ಕರ್ನಾಟಕ ಸಂಘ ರತ್ನ ಗೌರವಗ್:
ಕನ್ನಡ ವಿಭಾಗ-ಬೊಂಬೈ ವಿಶ್ವವಿದ್ಯಾಲಯ,
ಪೆರ್ಡೂರು ಮೇಳ ಯುವವಾಹಿನಿ ಕುಡ್ಲ 5 ಜೇಸೀಸ್ ಆಂಗ್ಲ ಮಾಧ್ಯಮ ಶಿಕ್ಷಣ ಸಂಸ್ಥೆ, ಕಾರ್ಲ ತುಳುನಾಡ ರಕ್ಷಣಾ ವೇದಿಕೆ ಕಾರ್ಯನಿರತ ಪತ್ರಕರ್ತರ ಸಂಘ, ದ.ಕ. ಮಲೆಕುಡಿ ಸಂಘ, ಒಡಿಪು ಜಿಲ್ಲೆ ಶ್ರೀ ವಿನಾಯಕ ಮಿತ್ರ ಮಂಡಳಿ (ರಿ) ಪಕ್ಷಿಕೆರೆ, ಸಂದೇಶ ಪ್ರತಿಷ್ಠಾನ ಕುಡ್ಲ, ಶ್ರೀ ರಮಾನಾಥ ಸಭಾಭವನ ಟ್ರಸ್ಟ್(ರಿ) ಸಂಸ್ಥೆಲೆಗ್ ಕೊರಿಯೆರೆ ಉಂಡು.
ಆಸ್ಟ್ರೇಲಿಯಾದ ಪ್ರಧಾನಿ ಆಂಟನಿ ಅಲ್ಬನೀಸ್ ಭಾರತಗ್ ಭೇಟಿ ಕೊರಿಯೆರೆ ಉಲ್ಲೆರ್.
ಉಂದುವೇ ತಿಂಗೊಲ್ 8 ಗ್ ಹೋಳಿ ಪರ್ಬದದಾನಿ ಆಸ್ಟ್ರೇಲಿಯಾರ್ದ್ ಸೀದಾ ಅಹಮದಾಬಾದ್ ಎತ್ತಿಯೆರೆ ಇಪ್ಪುನ ಆಂಟನಿ ನಾಲ್ ದಿನ ಮುಟ್ಟ ಭಾರತ ಪ್ರವಾಸ ಮಲ್ಪೆರೆ ಉಲ್ಲೆರ್. ಉಂದುವೇ ತಿಂಗೊಲ್ 9 ಗ್ ಬೊಂಬೈಗ್ ಬತ್ತ್ ದ್ ಬೊಕ್ಕ ಡೆಲ್ಲಿಗ್ ಎತ್ತಿಯೆರೆ ಉಲ್ಲೆರ್. ಈ ಪೊರ್ತುಡು ಪ್ರಧಾನಿ ಮೋದಿನೊಟ್ಟಿಗೆ ರಡ್ಡ್ ದೇಶದ ಅಭಿವೃದ್ಧಿದ ಬಗೆಟ್ ಚರ್ಚೆ ಮಲ್ಪೆರೆ ಉಲ್ಲೆರ್.
Australian Prime minister to visit India
Australian Prime minister Anthony Albanese is expected to visit India on the 8 th of March. He is on a four days visit to the country and is to start his tour from Ahmadabad . He will visit Mumbai and Delhi and hold talks with PM Narendra Modi on mutual development works of the two countries.
ಕುಡ್ಲ: ಅಖಿಲ ಭಾರತ ತುಳು ಒಕ್ಕೂಟ(ರಿ.)ದ ವತಿರ್ದ್ ಎಪ್ರಿಲ್‌ 8 ಕ್ ಆಳ್ವಾಸ್‌ ಬೆದ್ರಡ್ ಡಾ. ಮೋಹನ್‌ ಆಳ್ವ ಮೆರೆನ ಸಹಕಾರಡ್ ಒಕ್ಕೂಟದ ಬಲವರ್ಧನೆಗಾದ್ ಒಕ್ಕೂಟದ ಮಹಾಕೂಟ ಸಮ್ಮೇಳನ ನಡಪರೆ ಉಂಡು ಪಂದ್ ಅಖಿಲ ಭಾರತ ತುಳು ಒಕ್ಕೂಟ (ರಿ.) ಅಧ್ಯಕ್ಷೆರ್ ಎ.ಸಿ. ಭಂಡಾರಿ ಪಂಡೆರ್.
ಮೇರ್ ಕಾವೂರು ಮುಗ್ರೋಡಿ ಎನ್‌ಕ್ಲೇವ್‌ ಒಕ್ಕೂಟದ ಚಾವಡಿಡ್ ನಡತಿನ ಕಾರ್ಯಕಾರಿ ಸಮಿತಿದ ಸಮ್ಮೇಳನದ ಅಟ್ಟಣೆದ ಸಭೆಟ್ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್.
ರಾಜ್ಯ, ಜಿಲ್ಲೆಡ್ ತುಳು ಭಾಷೆ ಸಂಸ್ಕೃತಿಗಾದ್ ತುಳು ಸಂಘಟನೆಲು ಒಕ್ಕೂಟದ ಸದಸ್ಯೆರಾದ್ ನಿರಂತರ ತುಳು ಅಭಿವೃದ್ಧಿ ಲೇಸ್ ನ್ ನಡಪಾವೊಂದು ಬರೊಂದು ಉಲ್ಲೆರ್. ಈ ಮಾತ ಸದಸ್ಯೆರೆನ ಸಂಘಟನೆನ್ ಒಟ್ಟು ಮಲ್ತ್ ದ್, ಆಳ್ವಾಸ್‌ ಬೆದ್ರಡ್ ಒಂಜಿ ದಿನತ ಬೇತೆ ಬೇತೆ ತುಳುಕ್ ಸಂಬಂಧ ಪಟ್ಟಿನ ಲೇಸ್ ಲು, ಗೋಷ್ಠಿಲು, ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಅತ್ತಂದೆ ಈ ಲೇಸ್ ಡ್ ಮಸ್ತ್ ಸಮರ್ಯದಿಂಚ ತುಳು ಭಾಷೆಗಾದ್ ಸೇವೆ ಸಂದಾಯಿನ ಒಕ್ಕೂಟದ ಪದಾಧಿಕಾರಿಲೆಗ್ ತಮ್ಮನ ಮಲ್ತ್ ದ್ ಮಾನಾದಿಗೆ ಮಲ್ಪರೆ ಉಂಡು ಪಂದ್ ಪಂಡೆರ್.
ಒಕ್ಕೂಟದ ಸಂಘಟನಾ ಕಾರ್ಯದರ್ಶಿ ಕದ್ರಿ ನವನೀತ್‌ ಪಾತೆರ್ದ್, ಆಳ್ವಾಸ್‌ ಬೆದ್ರಡ್ ನಡಪರೆ ಇಪ್ಪುನ ಒಂಜಿ ದಿನತ ಲೇಸ್ ಡ್ ಒಕ್ಕೂಟದ ಬಲವರ್ಧನೆಗಾದ್ ಬೇತೆ ಬೇತೆ ಲೇಸ್ ಲೆನ ರೂಪುರೇಖೆ ತಯಾರ್ ಆತ್ಂಡ್. ಸಮ್ಮೇಳನಡ್ ತುಳು ಭಾಷೆ, ಸಂಸ್ಕೃತಿದ ಲೇಸ್ ಲೆನ್ ಆಯೋಜನೆ ಮಲ್ದ್ಂಡ್ ಪಂದ್ ಪಂಡೆರ್.
ಹೊಸ ಸದಸ್ಯತ್ವಗ್ ಅವಕಾಶ: ಜಿಲ್ಲೆ, ರಾಜ್ಯಲೆಡ್ ಇತ್ತೆನೇ ತುಳು ಸಂಘಟನೆಲು ಉಂಡು. ಅಖಿಲ ಭಾರತ ತುಳು ಒಕ್ಕೂಟ(ರಿ.)ದ ಸದಸ್ಯೆರಾದ್ ಇಜ್ಜಿಂಡ ಅಂಚಿನ ಸಂಘಟನೆದ ಒಕ್ಕೂಟಡ್ ಸದಸ್ಯೆರಾವೆರೆ ಎಚ್ಚದ ಪೊಲಬುದೊಟ್ಟಿಗೆ ಅಖಿಲ ಭಾರತ ತುಳು ಒಕ್ಕೂಟ(ರಿ.) ಮುಗ್ರೋಡಿ ಎನ್‌ಕ್ಲೇವ್‌, ಗಾಂಧೀನಗರ, ಕಾವೂರು, ಕುಡ್ಲ ಮುಲ್ಪ ಪತ್ರದ ಮುಖೇನ ಬಿನ್ನಾಪು ಸಂದಾವೊಲಿ.
ಈ ಪೊರ್ತುಡು ಒಕ್ಕೂಟದ ಪದಾಧಿಕಾರಿಲು ವಿಜಯಲಕ್ಷ್ಮೀ ಬಿ. ಶೆಟ್ಟಿ, ಸುಖಲಾಕ್ಷಿ ಸುವರ್ಣ, ಚಂದ್ರಶೇಖರ್‌ ಸುವರ್ಣ, ಹರೀಶ್‌ ನೀರ್ ಮಾರ್ಗ, ಪಿ.ಎ. ಪೂಜಾರಿ, ಮೋಹನ್‌ ಕೆ. ಹಿರಿಯಡ್ಕ, ಚಂದ್ರಹಾಸ ದೇವಾಡಿಗ ಇತ್ತೆರ್. ಮುಲ್ಕಿ ಕರುಣಾಕರ ಶೆಟ್ಟಿ ಎದ್ಕೊನಿಯೆರ್. ರಾಜೇಶ್‌ ಆಳ್ವ ಸೊಲ್ಮೆ ಸಂದಾಯೆರ್.
ವರದಿ: ಮುಲ್ಕಿ ಕರುಣಾಕರ ಶೆಟ್ಟಿ
ಮೊ:9880425265
April 8 th : Akhila Bharatha Tulu Okkuta ( R) Sammelan – A C Bandhari
Mangalore: The president of Akila Baratha Tulu Okkutha ( R) A C Bandhari announced that a Sammelan will be organised by the Okkutha on April 8 th at Alvas Moodbidri under the guidance of Dr Mohan Alva.
ಬೊಲ್ತೇರ್ ತಹಶೀಲ್ದಾರ್ ಪೃಥ್ವಿ ಸಾನಿಕಾಂ ವರ್ಗ ಆಯಿಬೊಕ್ಕ ಈ ಬೇಲೆ ಕಾಲಿ ಇತ್ತ್ಂಡ್. ಇತ್ತೆ ಈ ಬೇಲೆಗ್ ಚಿತ್ರದುರ್ಗ ಜಿಲ್ಲೆದ ಮೊಳಕಾಲ್ಮುರ್ ತಾಲೂಕ್‌ಡ್ ತಹಶೀಲ್ದಾರಾದಿತ್ತಿನ ಸುರೇಶ್ ಕುಮಾರ್.ಟಿ.ಎಸ್ ಮೇರ್ ನೇಮಕ ಆತೆರ್.
ರಾಜ್ಯ ಕಂದಾಯ ಇಲಾಖೆದ ಒಟ್ಟು 32 ಜನ ತಹಶೀಲ್ದಾರ್ ಲೆನ್ ವರ್ಗಾವಣೆ ಮಲ್ಪರೆ, ಕಂದಾಯ ಇಲಾಖೆದ ಅದೀನ ಕಾರ್ಯದರ್ಶಿ ಜಿ.ಎನ್.ಸುಶೀಲ ಆದೇಶ ಕೊರ್ತೆರ್.
ಉಳ್ಳಾಲ ಸೋಮೇಶ್ವರ ಕಡಲ ಕಿನಾರೆಡ್ ದೀದಿತ್ತಿನ ರಡ್ಡ್ ಓಡಲೆಗ್ ಬಚ್ಚಾಲಿಲು ತೂ ಪೊತ್ತಾಯಿನ ಘಟನೆ ನಡತ್ಂಡ್.
ನೇರ್ದಾವೆರ ಓಡ ಬೊಕ್ಕ ಮೀನ್‌ದ ಬಲೆ ಪೊತ್ತ್ ದ್ ಕರೆಂಚಿದ್ಂಡ್. ಲಕ್ಷರ್ದ್ ಎಚ್ಚ ರೂ. ನಷ್ಟ ಆತ್ಂಡ್.
ಸೋಮೇಶ್ವರದ ಮೀನುಗಾರೆರಾಯಿನ ಅನಿಲ್ ಬೊಕ್ಕ ಶೇಖರ್ ಪನ್ಪುನಕ್ಲೆಗ್ ಸೇರಿನ ಈ ಓಡಗ್ ಗುರುವಾರ ಮಧ್ಯಾಹ್ನ ತೂ ಪೊತ್ತ್‌ದ್ಂಡ್. ಅತ್ತಂದೆ ಕೈತಲ್‌ದ ದೈಕ್‌ಲ ತೂ ಪತ್ತ್‌ದ್ಂಡ್. ನೆನ್ ತೂದು ಕೈತಲ್ ದಕುಲು ತೂ ತೆಕ್ಕಾದೆರ್. ಈ ಬಗೆಟ್ ಉಳ್ಳಾಲ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ತನಿಖೆ ನಡತೊಂದು ಉಂಡು.
ರಾಜ್ಯ ಹೈಕೋರ್ಟ್ ಡ್ ಖಾಯಂ ನ್ಯಾಯಮೂರ್ತಿ ಆದ್ ಸೇವೆ ಸಂದಾವೊಂದು ಇತ್ತಿನ ನ್ಯಾ.ಡಿ.ವಿ ಶೈಲೇಂದ್ರ ಕುಮಾರ್ ಇನಿ ದೇವೆರೆ ಪಾದೊ ಸೇರಿಯೆರ್.
ಕಲ್ವ ತಾದಿಡ್ ಕೊನೊಂದು ಇತ್ತಿನ ಗಣಿಗಾರಿಕೆದ ವಿರುದ್ಧ ಮಹತ್ವದ ತೀರ್ಮಾನ ದೆತೊಂದು ಬಳ್ಳಾರಿರ್ದ್ ಅದಿರ್ ಕೊನೊವಾಂದಿಲೆಕ್ಕ ನಿರ್ದೇಶನ ಕೊರ್ತೆರ್. ಸುಪ್ರೀಂ ನ್ಯಾಯಮೂರ್ತಿ ಕೆ.ಜಿ. ಬಾಲಕೃಷ್ಣನ್, ಹೈಕೋರ್ಟ್ ಸಿಜೆ ಪಿಡಿ. ದಿನಕರ್ ಬೊಕ್ಕ ಸುಪ್ರೀಂ ಕೋರ್ಟ್ ದ ಕೊಲಿಜಿಯಂ ವಿರುದ್ಧ ಸ್ವರ ಲಕ್ಕದಿತ್ತೆರ್. ಅತೆ ಅತ್ತ್ ಆಸ್ತಿ ಘೋಷಣೆ ಮಲ್ತೊನ್ನ ಸುರುತ ನ್ಯಾಯಮೂರ್ತಿ ಪನ್ಪುನ ಪುದರ್ ಮೇರ್ ಗ್ ಉಂಡು.
ಯಂತ್ರ ಇಂಡಿಯಾ ಲಿಮಿಟೆಡ್ ಇಂಡಿಯನ್ ಆರ್ಡಿನೆನ್ಸ್ ಫ್ಯಾಕ್ಟರಿಡ್ ಟ್ರೇಡ್ ಅಪ್ರೆಂಟಿಸ್ ನೇಮಕಾತಿಗ್ ಖಾಲಿ ಇಪ್ಪುನ 5458 ಬೇಲೆಗ್ ಅರ್ಜಿನ್ ಸಂದಾವೊಲಿ.
ಈ ಬೇಲೆಗ್ ಅರ್ಜಿ ಸಂದಾವೊನಕುಲು 15 ರ್ದ್ 24 ವರ್ಷ ದಕುಲು ಆದಿಪ್ಪೊಡು. 10 ನೇ ಕ್ಲಾಸ್ ಪಾಸ್ ಆದಿಪ್ಪೊಡು. ಬೊಕ್ಕ ಐಟಿಐಡ್ ಉತ್ತೀರ್ಣ ಆದಿಪ್ಪೊಡು. ನೆತ್ತ ವೆಬ್ ಸೈಟ್: yantraindia.co.in
Yantra India limited – Indian Ordnance factory calls for 5458 vacancies
Yantra India limited calls application for trade apprentice vacancies 5458 posts.
For more information log on to:
yantra India.co.in.
ಹಾಸನ ಜಿಲ್ಲೆದ ಅರಸೀಕೆರೆ ಪೇಂಟೆಡ್ ಹರ್ಬಲ್ ಬ್ಯೂಟಿ ಪಾರ್ಲರ್ ಅಂಡ್ ಸ್ಪಾಡ್ ಮೇಕಪ್ ಮಲ್ತಿನ ಪೊಣ್ಣನ ಮೋನೆ ವಿರೂಪ ಆದ್ ಮದಿಮೆ ಕ್ಯಾನ್ಸಲ್ ಆಯಿನ ಘಟನೆ ನಡತ್ಂಡ್.
ಮದಿಮೆ ಆವೊಡಾಯಿನ ಮದಿಮಾಲ್ ದುರ್ಗತಿ ಪೊಸ ಮಾದರಿದ ಮೇಕಪ್ ಮಲ್ಪರೆ ಪೋದು ಎಡವಟ್ಟ್ ಮಲ್ತೊಂದೆರ್. ಮೇಕಪ್ ಮಲ್ಪುವೆ ಪಂದ್ ಸ್ಟೀಮ್ ದೆತೊನ್ನ ಬೊಕ್ಕ ಪೊಣ್ಣನ ಮೋನೆ ದಪ್ಪ ಆದ್ ಕರೆಂಚಿದ್ಂಡ್. ಮೋನೆ ತೂದು ಮದಿಮಾಯನ ಕುಟುಂಬದಕುಲು ಮದಿಮೆ ಕ್ಯಾನ್ಸಲ್ ಮಲ್ದೆರ್. ನೇರ್ದ್ ಪೊಣ್ಣನ ಕುಟುಂಬದಕುಲು ಬೇಜಾರಾದ್ ಅರಸೀಕೆರೆ ಪೇಂಟೆದ ಪೊಲೀಸೆರೆಗ್ ದೂರು ಕೊರ್ತೆರ್. ಬ್ಯೂಟಿಪಾರ್ಲರ್ ಮಾಲೀಕೆರೆನ್ ವಿಚಾರಣೆ ನಡಪಾದೆರ್.
