Tulu News

RBI levies a penalty of three crore rupees on TTD ತಿರುಪತಿಗ್ 3 ಕೋಟಿ ರೂ. ದಂಡ ಪಾಡಿನ ಆರ್‌ಬಿಐ

ತಿರುಪತಿ: ಪರಕೆದ ಡಬ್ಬಿ ಬೊಕ್ಕ ವಿದೇಶಿ ಪರಕೆ ದೆತೊನ್ನಗ ವಿದೇಶಿ ಕೊಡುಗೆ (ನಿಯಂತ್ರಣ) ಕಾಯ್ದೆದ (ಎಸ್ಸಿಆರ್‌ಎ) ನಿಯಮನ್ ಉಲ್ಲಂಘನೆ ಮಲ್ತಿನ ಆರೋಪದ ಮಿತ್ತ್ ತಿರುಮಲ ತಿರುಪತಿ ದೇವಲ್ಯಗ್ (ಟಿಟಿಡಿ) ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) 3 ಕೋಟಿ ರೂ. ದಂಡ ಪಾಡ್ ದ್ಂಡ್.

ಈ ಬಗೆಟ್ ಸುರುಕು ವಿದೇಶಿ ಕೊಡುಗೆ (ನಿಯಂತ್ರಣ) ಕಾಯ್ದೆಯಡಿಟ್ಟ್ ಟಿಟಿಡಿಗ್ 10 ಕೋಟಿ ರೂ. ದಂಡ ಪಾಡ್ದ್ ಇತ್ಂಡ್. ಆಂಡ, ಎಸ್ಸಿಆರ್‌ಎ ನಿಯಂತ್ರಣ ಮಂಡಳಿ ಬೊಕ್ಕ ದೇವಲ್ಯದ ಟ್ರಸ್ಟ್ ದ ನಡುಟ್ಟ್ ಪಾತೆರಕತೆ ಆದ್ ಅಕೇರಿಗ್ ದಂಡದ ಕಾಸ್ ನ್ 3 ಕೋಟಿ ರೂ.ಗ್ ಕಮ್ಮಿ ಮಲ್ತ್ಂಡ್. ಮಾರ್ಚ್ 2023ಕ್ಕ್ ಅಕೇರಿ ಆಪುನ ಐನ್ ವರ್ಷೊಲೆಡ್, ದೇವಲ್ಯದ ಟ್ರಸ್ಟ್ 30 ಕೋಟಿ ರೂ. ಬಿಲೆತ್ತ ವಿದೇಶಿ ಕರೆನ್ಸಿನ್ ಸಂಗ್ರಹ ಮಲ್ದ್ಂಡ್ ಪಂದ್ ತೆರಿದ್ ಬೈದ್ಂಡ್.

RBI levies a penalty of three crore rupees on TTD

Tirupati: The RBI has levied a penalty of three crore on TTD that regulates the Tirupati Sri Venkateshwara Temple for violation of regulations related to foreign contributions regulations Act ( FCRA).
The temple had collection upto 30 crore in foreign currency from the past five years ending March 2023.

Kalashabisheka rituals for Atturu Arasu Kunjiraya and Brahmakalash Abhishek for Akhilandeshwari Devi ಅತ್ತೂರ್ ಅರಸು ಕುಂಜಿರಾಯೆರೆಗ್ ಕಲಶಾಭಿಷೇಕ, ಶ್ರೀ ಅಖಿಲಾಂಡೇಶ್ವರೀ ದೇವಿಗ್ ಗೌಜಿದ ಬ್ರಹ್ಮಕಲಶಾಭಿಷೇಕ

ಮುಲ್ಕಿ: ಪಕ್ಷಿಕೆರೆ ಕೈತಲ್ ದ ಅತ್ತೂರ್ ಶ್ರೀ ಅರಸು ಕುಂಜಿರಾಯ ದೈವೊಲ್ಯಡ್ ಶ್ರೀ ಅರಸು ಕುಂಜಿರಾಯೆರೆಗ್ ಕಲಶಾಭಿಷೇಕ ಬೊಕ್ಕ ಶ್ರೀ ಅಖಿಲಾಂಡೇಶ್ವರೀ ದೇವಿಗ್ ಬ್ರಹ್ಮಕಲಶಾಭಿಷೇಕ ಅತ್ತೂರುಬೈಲು ಶ್ರೀ ಮಹಾ ಗಣಪತಿ ಮಂದಿರದ ವೇ.ಮೂ. ವೆಂಕಟರಾಜ ಉಡುಪ ಮೆರೆನ ಮುತಾಲಿಕೆಡ್ ಗೌಜಿಡ್ ನಡತ್ಂಡ್.

ಧಾರ್ಮಿಕ ಲೇಸ್ ದ ಅಂಗವಾದ್ ಬೊಲ್ಪುಗು ಪ್ರಾರ್ತನೆ ಬೊಕ್ಕ ಭಂಡಾರ ಸಾನರ್ದ್ ಅತ್ತೂರು ಶ್ರೀ ಅರಸು ಕುಂಜಿರಾಯನ ಭಂಡಾರ ಬತ್ತ್ಂಡ್. ಕಲಾಶಾಧಿವಾಸ ಪ್ರಧಾನ ಹೋಮ ಆದ್, ಶ್ರೀ ಅರಸು ಕುಂಜಿರಾಯೆರೆಗ್ ಕಲಶಾಭಿಷೇಕ, ಶ್ರೀ ಅಖಿಲಾಂಡೇಶ್ವರಿ ದೇವಿಗ್ ಬ್ರಹ್ಮಕಲಶಾಭಿಷೇಕ, ಪ್ರಸನ್ನ ಪೂಜೆ, ಕೊಡಿ ಏರ್ಂಡ್. ಅವೆರ್ದ್ ಬೊಕ್ಕ ಮಹಾಪೂಜೆ, ಪ್ರಸಾದ ಕೊರಿಯೆರ್. ಬೊಕ್ಕ ಮಹಾ ಅನ್ನಸಂತರ್ಪಣೆ ನಡತ್ಂಡ್.

ಈ ಪೊರ್ತುಡು ದೈವೊಲ್ಯದ ಟ್ರಸ್ಟ್ ಅಧ್ಯಕ್ಷೆರ್ ರಾಜೇಂದ್ರ ಕೆ. ಶೆಟ್ಟಿ ಕುಡ್ತಿಮಾರು ಗುತ್ತು, ಆಡಳಿತ ಮಂಡಳಿ ಅಧ್ಯಕ್ಷೆರ್ ಕುಳಾಯಿಗುತ್ತು ಚರಣ್ ಜೆ ಶೆಟ್ಟಿ, ಗುತ್ತು ಬಾಳಿಕೆ ಶಂಭು ಮುಕಾಲ್ದಿ ಭಂಡಾರ ಮನೆ ಗುತ್ತು ಬಾಳಿಕೆ ಇಲ್ಲದಕುಲು ಬೊಕ್ಕ ಅತ್ತೂರು ಕೆಮ್ರಾಲ್ ಕಿಲೆಂಜೂರು ಗ್ರಾಮಲೆನ ಪತ್ತ್ ಸಮಸ್ತೆರ್ ಇತ್ತೆರ್.

Earthquake in Kabul the Capital of Afghanistan ಅಫ್ಘಾನಿಸ್ತಾನಡ್ ಕುಡೊರ ಭೂಕಂಪ

ಅಫ್ಘಾನಿಸ್ತಾನದ ರಾಜಬೂಡು ಕಾಬೂಲ್ ಡ್ ಕುಡೊರ ಭೂಕಂಪ ಆತ್ಂಡ್.

ನೆತ್ತ ಬಿರ್ಸ್ ರಿಕ್ಟರ್ ಮಾಪಕಡ್ 4.3 ದಾತ್ ದಾಖಲ್ ಆತ್ಂಡ್. ಭೂಕಂಪದ ರಾಷ್ಟ್ರೀಯ ಕೇಂದ್ರದ ಪ್ರಕಾರ, ಬುಧಾರ (ಇನಿ) ಬೊಲ್ಪುಗು 5.49 ಕ್ಕ್ ಭೂಕಂಪ ಆತ್ಂಡ್. ಒವ್ವೇ ಪ್ರಾಣಹಾನಿ ಆತಿಜಿ ಪಂದ್ ತೆರಿದ್ ಬೈದ್ಂಡ್.

Earthquake in Kabul the Capital of Afghanistan

An earthquake with an intensity of 5 . 49 on the Richter scale was felt in Kabul the capital city of Afghanistan said sources from the National Earthquake centre.

No loss to life or property has been reported.

ಎ.6-10: ಪೊರ್ಕೋಡಿ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ಜಾತ್ರೆ

ಕುಡ್ಲ: ಪೇಜಾವರ ಮಾಗಣೆ ಕೆಂಜಾರು ಗ್ರಾಮದ ಪೊರ್ಕೋಡಿ ಶ್ರೀ ಸೋಮನಾಥೇಶ್ವರ ದೇವಲ್ಯದ ಜಾತ್ರೆ ಎ.6-10 ಮುಟ್ಟ ನಡಪರೆ ಉಂಡು.

ಎಡಪದವು ವೈ. ರಾಧಾಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು.

ಎ.6 ಗುರುವಾರ ಬೊಲ್ಪುಗು ಗಣಹೋಮ, ಕಲಶಾಭಿಷೇಕ, ಕೋಡಿ ಏರುಂಡು. ಬಯ್ಯಗ್ ಭಜನೆ, ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ರಾತ್ರೆ ಬಲಿ ಪಿದಾಡ್ ದ್ ಉಚ್ಚಯ, ಮಹಾಪೂಜೆ, ದೀಪದ ಬಲಿ ಬೊಕ್ಕ ಶ್ರೀ ಸೋಮನಾಥೇಶ್ವರ ಯಕ್ಷನಿಧಿ(ರಿ.) ಮೊಕ್ಲೆರ್ದ್ ನರಕಾಸುರ ಮೋಕ್ಷ-ಮೈಂದ ದ್ವಿವಿದ ಆಟ ನಡಪರೆ ಉಂಡು.

ಎ.7 ಸುಕ್ರಾರ ಬೊಲ್ಪುಗು ಗಣಹೋಮ, ಮಹಾಪೂಜೆ, ಬಯ್ಯಗ್ ಸಾಮೂಹಿಕ ಆಶ್ಲೇಷಾ ಬಲಿಸೇವೆ, ಭಜನೆ ರಾತ್ರೆ ಶ್ರೀ ಸೋಮನಾಥೇಶ್ವರ ಯುವ ಸಂಘ ಪೊರ್ಕೋಡಿ ಮೊಕ್ಲೆರ್ದ್ ತುಳು ಹ್ಯಾಸಮಯ ನಾಟಕ ನಡಪರೆ ಉಂಡು.

ಎ.8 ಸನಿಯಾರ ಬೊಲ್ಪುಗು ಕಲಶಾಭಿಷೇಕ, ಗಣಹೋಮ, ತುಲಾಭಾರ, ಮಹಾಪೂಜೆ, ಬಯ್ಯಗ್ ಭಜನೆ, ರಾತ್ರೆ ದೀಪಾರಾಧನೆ, ಕಟ್ಟೆಪೂಜೆ, ಭೂತ ಬಲಿ ಬೊಕ್ಕ ಯಕ್ಷಮಿತ್ರರು (ರಿ.) ಪೊರ್ಕೋಡಿ ಪೇಜಾವರ, ಕುಡ್ಲ ಮೊಕ್ಲೆರ್ದ್ ವಿರೋಚನ ಕಾಳಗ ಆಟ ನಡಪರೆ ಉಂಡು.

ಎ.9 ಐತಾರ ಬೊಲ್ಪುಗು ಬಾಕಿಲ್ ದೆಪ್ಪೆರೆ, ಮಹಾಪೂಜೆ, ಶಿವಪೂಜೆ, ಕಾರ್ತಿಪೂಜೆ, ರುದ್ರಾಭಿಷೇಕ ಬಯ್ಯಗ್ ಭಜನೆ, ರಾತ್ರೆ ಕಟ್ಟೆಪೂಜೆ, ತೇರ್ ಒಯಿಪೆರೆ ಬೊಕ್ಕ ಬೆಡಿ ಮರ್ದ್ ಪುಡಾಪೆರೆ ಉಂಡು. ಅವೆರ್ದ್ ಬೊಕ್ಕ ಕೊಡಮಣಿತ್ತಾಯ ದೈವೊದ ಗಗ್ಗರ ಸೇವೆ, ಕೊಡಮಣಿತ್ತಾಯ ದೈವೊದ ಬೊಕ್ಕ ಕೋರ್ದಬ್ಬು ದೈವೊದ ಭೇಟಿ ಅವೆರೆ ಉಂಡು. ಬೊಕ್ಕ ಕೊಡಿ ಜಾವೆರೆ ಉಂಡು.

ಎ.10 ಸೋಮಾರ ಮಹಾಸಂಪ್ರೋಕ್ಷಣೆ, ಮಂತ್ರಾಕ್ಷತೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅರ್ಚಕೆರ್ ಕೃಷ್ಣಕುಮಾರ ಕಂಗಿನಾಯ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಡಾ.‌ ಜಯರಾಮ ಶೆಟ್ಟಿ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Indian Army to call for 1.55 lakh vacancies ಸೇನಾ ಪಡೆಟ್ಟ್ 1.55 ಲಕ್ಷ ಬೇಲೆ

ಭಾರತೀಯ ಸೇನಾ ಪಡೆಟ್ಟ್ ಸುಮಾರ್ 1.55 ಲಕ್ಷ ಬೇಲೆ ಖಾಲಿ ಉಂಡು ಪಂದ್ ಕೇಂದ್ರ ಸರ್ಕಾರ ತೆರಿಪಾದ್ಂಡ್.

ರಕ್ಷಣಾ ಖಾತೆ ರಾಜ್ಯ ಸಚಿವೆರ್ ಅಜಯ್ ಭಟ್ ಮೇರ್ ರಾಜ್ಯಸಭೆಟ್ಟ್ ಈ ಬಗೆಟ್ ಪೊಲಬು ಕೊರ್ತೆರ್. ಸಶಸ್ತ್ರ ಪಡೆತ್ತ ಸಿಬ್ಬಂದಿ ಕೊರತೆ ಉಂಡು. ಖಾಲಿ ಇಪ್ಪುನ ಬೇಲೆನ್ ಭರ್ತಿ ಮಲ್ಪರೆ ಬೊಕ್ಕ ಸೇವೆಗ್ ಸೇರಿಯೆರೆ ಜವನೆರೆನ್ ಉತ್ತೇಜನ ಮಲ್ಪರೆ ಸುಮಾರ್ ಕ್ರಮಲು ಸುರು ಆತ್ಂಡ್ ಪಂದ್ ಪಂಡೆರ್.

Indian Army to call for 1.55 lakh vacancies

The central government has announced that there are about 1.55 lakh vacancies in the Indian Army .The minister of state for defence Ajay Bhatt gave this information in the Rajya Sabha. Calls will be made shortly and efforts are on to induce the the youth to join the services.

ಪೆರ್ಮೆದ ತುಲುವೆದಿ, ತುಳು ಬರವುಗಾರ್ತಿ ಶ್ವೇತಾ ಕಜೆ ನನ ನೆಂಪು ಮಾತ್ರ

ಬದಿಯಡ್ಕ: ಪೆರ್ಮೆದ ತುಲುವೆದಿ, ಜೈ ತುಲುನಾಡ್ (ರಿ.) ಕೂಟೊದ ಪದುಕೆದಿ, ತುಳು ಕನ್ನಡ ಭಾಷೆಡ್ ಏಪಲ ಬರೆಯೊಂದು ಸಾಹಿತ್ಯ ವಲಯಡ್ ಭರವಸೆ ಪುಟ್ಟಾಯಿನ ಕಾಸ್ರೋಡು ಜಿಲ್ಲೆದ ಕುಂಬ್ಡಾಜೆ ಗ್ರಾ.ಪಂ.ದ ಕಜೆ ನಿವಾಸಿ ಶ್ವೇತಾ (23) ಮೇರ್ ನನ ನೆಂಪು ಮಾಯ್ರ. ಆರ್ ವಿಷ ಪ್ರಾಶನ ಪಾರ್ದ್ ದೇವೆರೆ ಪಾದೊ ಸೇರಿಯೆರ್.

ಮೂಜಿ ದಿನತ ಪಿರ ವಿಷ ಪರಿನ ಮೆರೆನ್ ಕೂಡ್ಲೆ ಮುಳ್ಳೇರಿಯಾ‌ ಆಸ್ಪತ್ರೆಗ್ ಸೇರ್ಸಾದ್, ಅಲ್ಪರ್ದ್ ಪೆರಿಯಾರಂ ಮೆಡಿಕಲ್ ಕಾಲೇಜ್ ಗ್ ಬೊಕ್ಕ ಕೋಝಿಕ್ಕೋಡು ಮೆಡಿಕಲ್ ಕಾಲೇಜಿಗ್ ದಾಖಲ್ ಮಲ್ತೆರ್. ಅಲ್ಪ ಚಿಕಿತ್ಸೆ ಫಲಕಾರಿ ಅವಂದೆ ಕೋಡೆ (ಸೋಮಾರ) ರಾತ್ರೆ 8 ಗಂಟೆಗ್ ಆಸ್ಪತ್ರೆಡ್ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್. ನಾರಾಯಣ ಲಲಿತಾ ದಂಪತಿಲೆನ ಮಗಲ್ ಆಯಿನ ಮೇರ್ ಬಡ ಕುಟುಂಬಡ್ ಪುಟ್ಟುಂಡಲ ಎಲ್ಯೆರ್ದೆ ಸಾಹಿತ್ಯಡ್ ಆಸಕ್ತಿ ಬುಲೆಪಾದ್ ಕವನ, ಕಥೆ, ನೀಳ್ಗತೆ, ಕಾದಂಬರಿ, ಗಝಲ್ ನ್ ರಚನೆ ಮಲ್ತ್ ದ್ ಜನಕುಲೆನ ಪ್ರೀತಿ ಪಡೆತೆರ್. ತಾನ್ ಬರೆಯಿನ ಸಾಹಿತ್ಯನ್ ಫೆಸ್ಬುಕ್, ಇನ್ಸ್ಟಾ ಗ್ರಾಂ‌, ವಾಟ್ಸಫ್, ಪ್ರತಿಲಿಪಿ ಪನ್ಪುನ ಆಧುನಿಕ ಜಾಲತಾಣಡ್ ಪ್ರಕಟಣೆ ಮಲ್ತೊಂದು ಇತ್ತೆರ್. ಮೆರೆನ ಬರವುಲೆನ್ ಜನ ಮೆಚ್ಚೊಂದು ಇತ್ತೆರ್.

March 29 th-April 2 nd : Annual Jatra at Attur Shri Sadashiva Mahaganapati temple ಮಾ.29-ಎ.2: ಅತೂರ್ ಶ್ರೀ ಸದಾಶಿವ ಮಹಾಗಣಪತಿ ದೇವಲ್ಯಡ್ ವರ್ಷಾಧಿದ ಜಾತ್ರೆ

ಕಡಬ: ಕೊಯಿಲ ಗ್ರಾಮದ ಅತೂರ್ ಶ್ರೀ ಸದಾಶಿವ ಮಹಾಗಣಪತಿ ದೇವಲ್ಯಡ್ ವರ್ಷಾಧಿದ ಜಾತ್ರೆ ಮಾ.29-ಎ.2 ಮುಟ್ಟ ನಡಪರೆ ಉಂಡು.

ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವಿಧಿ ವಿಧಾನ ನಡಪರೆ ಉಂಡು. ಮಾ.29 ಬುಧಾರ ಬೊಲ್ಪುಗು ಶಾಲೆ ಜೋಕುಲೆರ್ದ್ ಬೊಕ್ಕ ಊರುದಕ್ಲೆರ್ದ್ ಪುದೆಕಾಣಿಕೆ ಕೊನಯೆರೆ ಉಂಡು. ರಾತ್ರೆ ಕೊಡಿ ಏರುಂಡು. ಮಾ.30 ಗುರುವಾರ ರಾತ್ರೆ ಬಲಿ ಪಿದಾಡ್ ದ್ ಉಚ್ಚಯ, ಪೇಂಟೆ ಸವಾರಿ, ಕಟ್ಟೆಪೂಜೆ ನಡಪರೆ ಉಂಡು. ಮಾ.31 ಸುಕ್ರಾರ ಬೊಲ್ಪುಗು ಉಚ್ಚಯ ಸುರು ಆಪುಂಡು. ಮಧ್ಯಾಹ್ನ ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಮೂಡಪ್ಪ ಸೇವೆ, ರಾತ್ರೆ ಬಲಿ ಪಿದಾಡ್ ದ್ ಉಚ್ಚಯ, ಆನೆಗುಂಡಿ ಮುಟ್ಟ ಪೇಂಟೆ ಸವಾರಿ, ಕೆರೆ ಉಚ್ಚಯ, ಕಟ್ಟೆಪೂಜೆ, ಆನೆಗುಂಡಿ ಬೂಡುರ್ದ್ ದುಗಲಾಯಿ ದೈವೊದ ಭಂಡಾರ ಕನಯೆರೆ ಉಂಡು. ಎ.1 ಬೊಲ್ಪುಗು ಬಲಿ ಪಿದಾಡ್ ದ್ ಉಚ್ಚಯ, ರಾತ್ರೆ ರಕ್ತೇಶ್ವರಿ ಬೊಕ್ಕ ಪಿಲಿ ದೈವೊದ ನುಡಿಕಟ್ಟುಲು, ಮಲ್ಲ ತೇರ್ ಉಚ್ಚಯ, ಅಶ್ವತ್ಥ ಕಟ್ಟೆಪೂಜೆ ನಡಪರೆ ಉಂಡು. ಎ.2 ಐತಾರ ಬೊಲ್ಪುಗು ಬಾಕಿಲ್ ದೆಪ್ಪುನ ಮೂರ್ತ, ಮಹಾಪೂಜೆ, ರಾತ್ರೆ ವಸಂತ ಕಟ್ಟೆಪೂಜೆ, ಪೇಂಟೆ ಸವಾರಿ, ಗುಳಿಗ ಬೊಕ್ಕ ಪಂಜುರ್ಲಿ ದೈವೊದ ನುಡಿಕಟ್ಟ್, ಕೋಡಿ ಜವೆರೆ ಉಂಡು. ಎ.3 ಸೋಮಾರ ಬೊಲ್ಪುಗು ಶ್ರೀ ದುಗಲಾಯಿ ದೈವೊದ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ತೀರ್ಥ ಪ್ರಸಾದ ದೆತೊಂದು ಶ್ರೀ ದೈವ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಪವಿತ್ರವಾಣಿ ವೆಂಕಟ್ರಮಣ ಕುದ್ರೆತ್ತಾಯ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಯದುಶ್ರೀ ಆನೆಗುಂಡಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

April 1st: Shri Rama yuvaka Vrinda (R); Golijora-36 th annual program ಎ.1: ಗೋಳಿಜೋರ ಶ್ರೀ ರಾಮ ಯುವಕ ವೃಂದ (ರಿ.) ನೆತ್ತ 36 ನೇ ವಾರ್ಷಿಕ ಉಚ್ಚಯ

ಕಿನ್ನಿಗೋಳಿ: ಗೋಳಿಜೋರ ಶ್ರೀ ರಾಮ ಯುವಕ ವೃಂದ (ರಿ.) ನೆತ್ತ 36 ನೇ ವಾರ್ಷಿಕ ಉಚ್ಚಯ ಎ.1 ಕ್ಕ್ ಸನಿಯಾರ ಗೋಳಿಜೋರ ಶಶೀಂದ್ರ ರಂಗವೇದಿಕೆಡ್ ನಡಪರೆ ಉಂಡು.

ಬಯ್ಯಗ್ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಶ್ರೀ ವೀರಭದ್ರ ಯುವಕ ಮಂಡಲ, ಮಹಿಳಾ ಘಟಕ ತಾಳಿಪಾಡಿ ಪುನರೂರು ಬೊಕ್ಕ ನಟರಾಜ ನೃತ್ಯ, ನೃತ್ಯ ರೂಪಕ ಕಲಾ ಕೂಟ ಶಿಮಂತೂರು ಬೊಕ್ಕ ಗೋಳಿಜೋರ ಅಂಗನವಾಡಿ ಜೋಕುಲೆರ್ದ್ ನೃತ್ಯ ಲೇಸ್ ನಡಪರೆ ಉಂಡು. ರಾತ್ರೆ ಸಭಾ ಲೇಸ್, ಬೊಕ್ಕ ಭಾರತೀಯ ಸೇನಾ ನಿವೃತ್ತ ಯೋಧೆ ಶ್ರೀ ಪ್ರಸಾದ್ ಶೆಟ್ಟಿಗಾರ್ ಗೋಳಿಜೋರ ಮೆರೆಗ್ ಗೌರವ ತಮ್ಮನ ನಡಪರೆ ಉಂಡು. ಅವೆರ್ದ್ ಬೊಕ್ಕ ಕಾಪು ರಂಗತರಂಗ ಕಲಾವಿದೆರೆರ್ದ್, ಸಮಾಜರತ್ನ ಶ್ರೀ ಲೀಲಾಧರ್ ಶೆಟ್ಟಿ ಸಾರಥ್ಯಡ್ ಬುಡೆದಿ ಪನ್ಪುನ ತುಳು ಸಾಮಾಜಿಕ ನಾಟಕ ನಡಪರೆ ಉಂಡು ಪಂದ್ ಕಿನ್ನಿಗೋಳಿದ ಗೋಳಿಜೋರ ಶ್ರೀ ರಾಮ ಯುವಕ ವೃಂದ (ರಿ.) ನೆತ್ತ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

April 9 th:Thiya balaga, Mumbai Western region – to organise Shri Sathya Narayan Mahapooja ಎ.9: ತೀಯಾ ಬಳಗ, ಬೊಂಬೈ ವೆಸ್ಟರ್ನ್ ರೀಜಿಯನ್ ದ ಮುತಾಲಿಕೆಡ್ ಶ್ರೀ ಸತ್ಯನಾರಾಯಣ ಮಹಾಪೂಜೆ

ತೀಯಾ ಬಳಗ, ಬೊಂಬೈ ವೆಸ್ಟರ್ನ್ ರೀಜಿಯನ್ ಮುತಾಲಿಕೆಡ್ ಶ್ರೀ ಸತ್ಯನಾರಾಯಣ ಮಹಾಪೂಜೆ ಎ.9 ಐತಾರ ಬೊಲ್ಪುಗು ಅಂಧೇರಿದ ಅಗ್ನಿಶಾಮಕ ದಳತ್ತ ಕೈತಲ್ ಇಪ್ಪುನ ಶ್ರೀ ಅದ್ಮಾರ್ ಮಠಟ್ಟ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ತೀರ್ಥ ಪ್ರಸಾದ ದೆತೊಂದು ಶ್ರೀ ಸತ್ಯನಾರಾಯಣ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ತೀಯಾ ಬಳಗ, ಬೊಂಬೈ ವೆಸ್ಟರ್ನ್ ರೀಜಿಯನ್ ಲೆಪ್ಪೋಲೆಡ್ ತೆರಿಪಾದ್ಂಡ್.

April 9 th: Thiya balaga, Mumbai Western region – to organise Shri Sathya Narayan Mahapooja

Thiya balaga, Mumbai Western region will organise a Satyanarayana Mahapooja on Sunday morning, April 9 th at Andheri Sri Admar mutt.

An invite to all by the members of the Thiya balaga Mumbai Western region.

Road construction under the leadership of the founder president of DK district Dalit Seva Samiti (R) Vittal ದ ಕ. ಜಿಲ್ಲಾ ದಲಿತ್ ಸೇವಾ ಸಮಿತಿ (ರಿ.)ವಿಟ್ಲ ನೆತ್ತ ಸ್ಥಾಪಕಾಧ್ಯಕ್ಷೆರೆನ ಮುತಾಲಿಕೆಡ್ ಮಾರ್ಗ ನಿರ್ಮಾಣ

ದ ಕ. ಜಿಲ್ಲಾ ದಲಿತ್ ಸೇವಾ ಸಮಿತಿ (ರಿ.) ವಿಟ್ಲ ಸ್ಥಾಪಕಾಧ್ಯಕ್ಷೆರ್ ಬಿ. ಕೆ. ಸೇಸಪ್ಪ ಬೆದ್ರಕಾಡು ಮೆರೆನ ಮುತಾಲಿಕೆಡ್ ಮಾ.25 ಕ್ಕ್ ಕೇಪು ಗ್ರಾಮದ ಅಜ್ಜಿನಡ್ಕಡ್ ಪೊಸ ಮಾರ್ಗದ ನಿರ್ಮಾಣ ಮಲ್ದೆರ್.

ಅಜ್ಜಿನಡ್ಕದ ವಿಶೇಷಚೇತನೆರ್ ಕೃಷ್ಣಪ್ಪ ನಲಿಕೆ ಬೊಕ್ಕ ಕೊರಗ ಸಮುದಾಯದ ಮೂಜಿ ಕುಟುಂಬದಕುಲು ಸುಮಾರ್ ವರ್ಷೊರ್ದಿಂಚ ಮಾರ್ಗ ವಂಚಿತರಾದಿತ್ತ್ಂಡ್. ‌ನೆತ್ತ ಬಗೆಟ್ ಸಂಘಟನೆ ಕೇಪು ಗ್ರಾಮ ಪಂಚಾಯತ್ ಬೊಕ್ಕ ಕಂದಾಯ ಇಲಾಖೆ, ಪುತ್ತೂರ್ ದ ಮಾಜಿ ಶಾಸಕಿ ಬೊಕ್ಕ ಇತ್ತೆದ ಶಾಸಕೆರೆಗ್ ಬಿನ್ನಾಪು ಪತ್ರ ಕೊರ್ದು, ಪೊರ್ಂಬಾಟನ್ ಮಲ್ತ್ ದ್ ಇತ್ತೆರ್. ಆಂಡಲ ಮಾರ್ಗದ ಸಂಪರ್ಕ ಒದಗಿಸಾದಿಜೆರ್. ವೋಟುನ್ ಪಡೆಯಿನೇ ಬುಡುಂಡ ಸುಮಾರ್ ,ಸಭೆಟ್ಟ್ ಇಸಯ ತೆರಿಪಾಂಡಲ ನ್ಯಾಯ ತಿಕಿಜಿ. ನೇರ್ದಾವೆರ ಬೇಜಾರ್ ಆಯಿನ ಸಂಘಟನೆ ಬೊಕ್ಕ ಕುಟುಂಬದಕುಲು ಸೇರ್ದ್ ಬರ್ಸದ ನೀರ್ ಪೋಪಿನ ಚರಂಡಿನ್ ತಲಾ ಪತ್ತ್ ಅಡಿ ಅಗೆಲ ಮಲ್ತ್ ದ್ ಮಾರ್ಗವಾದ್ ಬದಲ್ ಮಲ್ತೆರ್. ಬೊಕ್ಕ ರಸ್ತೆ ಸಂಪರ್ಕ ಮಲ್ತೆರ್. ಈ ಪೊರ್ತುಡು ಜಿಲ್ಲಾಧ್ಯಕ್ಷೆರ್ ಚಂದ್ರಶೇಖರ್ ಯು.ವಿಟ್ಲ, ಗಣೇಶ್ ಸೀಗೆಬಲ್ಲೆ, ಈಶ್ವರ್ ಬೊಳ್ಮಾರ್ ಮಾರ್ಗ ನಿರ್ಮಾಣದ ಬೇಲೆಗ್ ಕೈ ಜೋಡಿಸಾಯೆರ್.