Tulu News

Inchara Seva Balaga – Nandalike render aid of rupees 20,000 to the needy ಇಂಚರ ಸೇವಾ ಬಳಗ ನಂದಳಿಕೆ ವತಿರ್ದ್ 20 ಸಾರ ರೂ. ಪನವುದ ಸಕಾಯ

ಪೆರಿಂಜೆ ನಡಪಡಿ ನಿವಾಸಿ ಶರತ್ ಮೆರೆನ ರಿಕ್ಷಾ ಇಂಚಿಪ್ಪ ಬೆದ್ರಡ್ ಆಕ್ಸಿಡೆಂಟ್ ಆದ್, ಅರೆನ ಕಾರ್ ಗ್ ಮಸ್ತ್ ಪೆಟ್ಟಾತ್ಂಡ್. ಮೇರ್ ಕುಡ್ಲದ ತೇಜಸ್ವಿನಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದುಲ್ಲೆರ್. ಮೆರೆಗ್ ಇಂಚರ ಸೇವಾ ಬಳಗ ನಂದಳಿಕೆ ಕೂಟದ ಪರವಾದ್ ಕೂಟದ ಸದಸ್ಯೆರ್ ಸುಮಿತ್ರ ಬಾಯಂಬಾಡಿ ಮುಖೇನ 20 ಸಾರ ರೂ.ದ ಚೆಕ್ ನ್ ಕೊರಿಯೆರ್.

ಈ ಪೊರ್ತುಡು ಕೂಟದ ಅಧ್ಯಕ್ಷೆರ್ ದೀಕ್ಷಿತ್ ದೇವಾಡಿಗ ನಂದಳಿಕೆ, ಸದಸ್ಯೆರ್ ಹರಿಪ್ರಸಾದ್ ನಂದಳಿಕೆ, ಸಂತೋಷ್ ಪೂಜಾರಿ ಹೊಕ್ಕಾಡಿಗೋಳಿ ಇತ್ತೆರ್.

Cambodian King on a visit to India ಕಾಂಬೋಡಿಯಾ ರಾಜನ ಭಾರತ ಭೇಟಿ

ಕಾಂಬೋಡಿಯಾದ ರಾಜೆ ನೊರೊಡಮ್ ಸಿಹಾಮೊನಿ ಭಾರತಗ್ ಭೇಟಿ ಕೊರಿಯೆರೆ ಉಲ್ಲೆರ್.

ಭಾರತ ಬೊಕ್ಕ ಕಾಂಬೋಡಿಯಾ ನಡುತ್ತ ರಾಜತಾಂತ್ರಿಕ ಸಂಬಂಧಗ್ 70 ವರ್ಷ ಮುಗಿತಿನ ಬಗೆಟ್ ಈ ಭೇಟಿ ನಡತೊಂದು ಉಂಡು.

1963 ಟ್ಟ್ ಸಿಹಾಮೋನಿ ಮೆರೆನ ಪೊಪ್ಪ ನೊರೊಡಮ್ ಸಿಹಾನೌಕ್ ಭಾರತಗ್ ಭೇಟಿ ಕೊರಿನ ಬೊಕ್ಕ ಉಂದು ಕಾಂಬೋಡಿಯಾ ರಾಜನ ಸುರುತ್ತ ಭಾರತ ಭೇಟಿ ಆತ್ಂಡ್.

ಕಾಂಬೋಡಿಯಾ ರಾಜನೊಟ್ಟಿಗೆ ರಾಷ್ಟ್ರಪತಿ ದ್ರೌಪದಿ ಮುರ್ಮು ಇಸೇಸ ಸಭೆ ಬೊಕ್ಕ ಪ್ರಧಾನಿ ಮೋದಿ ದ್ವಿಪಕ್ಷೀಯ ಪಾತೆರಕತೆ ನಡಪಾಯೆರೆ ಉಲ್ಲೆರ್.

Cambodian King on a visit to India

Cambodian King Norodom Sihamoni is on a three day visit to India. This is his maiden visit to India after his father who had visited India in 1963 . President Murmu to him on May 30 th.

Drone attack on Moscow the capital of Russia ರಷ್ಯಾ ರಾಜಬೂಡು ಮಾಸ್ಕೋದ ಮಿತ್ತ್ ಉಕ್ರೇನ್ ಡ್ರೋನ್ ಅಟ್ಯಾಕ್

ರಷ್ಯಾದ ರಾಜಬೂಡು ಮಾಸ್ಕೋದ ಮಿತ್ತ್ ಉಕ್ರೇನ್ ಡ್ರೋನ್ ದಾಳಿ ಮಲ್ದ್ಂಡ್ ಪಂದ್ ತೆರಿದ್ ಬೈದ್ಂಡ್.

ಪೇಂಟೆದ ಸುಮಾರ್ ಕಟ್ವಾನಗ್ ತೊಂದರೆ ಆತ್ಂಡ್. ಈ ಬಗೆಟ್ ಮಾಸ್ಕೋ ಮೇಯರ್ ಸೆರ್ಗೆಯ್ ಸೊಬಯಾನಿನ್ ಪ್ರತಿಕ್ರಿಯೆ ಕೊರ್ತೆರ್. ಡ್ರೋನ್ ದಾಳಿ ಎಲ್ಯ ಪ್ರಮಾಣದ ತೊಂದರೆ ಮಲ್ದ್ಂಡ್. ದಾಳಿ ನಡಪಾಯಿನ ಜಾಗೆಗ್ ತುರ್ತು ಸೇವೆನ್ ಕಡಪಾದೆರ್. ಮಾಸ್ಕೋದ ಕೆಲವು ಪ್ರದೇಶಡ್ ಇಪ್ಪುನ ನಿವಾಸಿಲೆನ್ ಬೇತೆ ಜಾಗೆಗ್ ಕಡಪಾದೆರ್ ಪಂದ್ ವರದಿ ಆತ್ಂಡ್.

Drone attack on Moscow the capital of Russia

It has been reported that Ukraine has conducted a drone attack on Moscow the capital of Russia.

Many buildings have been damaged and emergency services has been pressed into action on affected places and evacuation has been done in certain places at Moscow informed Moscow Mayor Sergery Soboyanin .

Tulunadu Porlu trust, Mijar-aid given to a family in need ಮಿಜಾರ್ ತುಳುನಾಡ ಪೊರ್ಲು ಟ್ರಸ್ಟ್ ರ್ದ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ

ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ವತಿರ್ದ್ ಒಂಜಿ ಬಡಪತ್ತ್ ಕುಟುಂಬಗ್ 20 ಸಾರ ರೂ.ದ ಪನವುದ ಸಕಾಯನ್ ಕುಪ್ಪೆಪದವು ಕಿಲೆಂಜಾರು ಗ್ರಾಮದ ಶ್ರೀ ದುರ್ಗೇಶ್ವರಿ ದೇವಿ ದೇವಲ್ಯಡ್ ಮೇ 28 ಗು ಕೊರಿಯೆರ್.

ಕುಡ್ಲ ತಾಲೂಕ್ ದ ಅಟ್ಟೆಪದವು ಕೂಳವೂರು ನಿವಾಸಿ ಆಯಿನ ನಮಿತಾ ಸತೀಶ್ ಮೆರೆನ ಮಗಲ್ ನವ್ಯ (6 ವರ್ಷ)ಎಲುತ್ತ ಕ್ಯಾನ್ಸರ್ ಸಮಸ್ಯೆದ ಚಿಕಿತ್ಸೆಗ್ ದೇರಳಕಟ್ಟೆದ ಯೆನಪೋಯ ಆಸ್ಪತ್ರೆಡ್ ದಾಖಲ್ ಆತೆರ್. ಭಾರಿ ಬಡಪತ್ತ್ ಇಪ್ಪುನ ಮೆರೆನ ಕುಟುಂಬಗ್ ಚಿಕಿತ್ಸೆ ಕೊರಿಯೆರೆ ಮಲ್ಲ ಖರ್ಚಿ ಆಪುಂಡು. ಈ ಕಾಸ್ ನ್ ಕೂಡಾವರೆ ಸಾಧ್ಯ ಇಜ್ಜಂದಿರ್ನೆದಾವೆರ ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ಕೂಟಗ್ ಬಿನ್ನಾಪು ಸಂದಾಯೆರ್. ಈ ಬಿನ್ನಾಪುಗ್ ಸ್ಪಂದಿಸಾಯಿನ ಈ ಕೂಟದ ವತಿರ್ದ್ 20 ಸಾರ ರೂ.ದ ಚೆಕ್ಕ್ ನ್ ಸುಧೀರ್ ಕಾರಂತ್ ಮೆರೆನ ಕೈಟ್ ಕೊರಿಯೆರ್.

ಈ ಪೊರ್ತುಡು ವಿನೋದ್ ಅಂಬೆಲೊಟ್ಟು, ಆನಂದ ರನ್ನಾಜೆ, ಅಶೋಕ್ ಬಲ್ಲಾಜೆ, ಮುನೀರ್ ನಡುಪಲ್ಲ ಬೊಕ್ಕ ಪದಾಧಿಕಾರಿಲು ಇತ್ತೆರ್.

Tulunadu Porlu trust, Mijar –aid given to a family in need

Mijar Tulunadu Porlu Charitable trust have given an aid of twenty thousand rupees to the family of Namita Satish for the medical expenses of her daughter who is ailing from cancer . A cheque of the amount was handed over by Sudhir Karanth .

June 6 th: Foundation stone laying ceremony for a Garadi at Posaradka ಜೂ.6: ಪೊಸರಡ್ಕ ವ್ಯಾಘ್ರ ಚಾಮುಂಡಿ, ಕೊಡಮಣಿತ್ತಾಯ ದೈವೊಲ್ಯ ಬೊಕ್ಕ ಬ್ರಹ್ಮ ಬೈದೆರ್ಲೆ ಗರಡಿಡ್ ಕೆಸರ್ ಕಲ್ಲ್ ಪಾಡುನ ಲೇಸ್

ಬೊಲ್ತೇರ್: ಮರೋಡಿ ಗ್ರಾಮದ ಪೊಸರಡ್ಕ ಶ್ರೀ ವ್ಯಾಘ್ರ ಚಾಮುಂಡಿ,ಶ್ರೀ ಕೊಡಮಣಿತ್ತಾಯ ದೈವೊಲ್ಯ ಬೊಕ್ಕ ಶ್ರೀ ಬ್ರಹ್ಮ ಬೈದರ್ಕಳ ಗರಡಿಡ್ ಪೊಸ ನಿರ್ಮಾಣಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ಜೂ.6 ಗುರುವಾರ ಬೊಲ್ಪುಗು 11.40 ಕ್ಕ್ ನಡಪರೆ ಉಂಡು.

ಅಳದಂಗಡಿ ಅರಮನೆತ್ತ ತಿಮ್ಮಣ್ಣರಸೆರಾಯಿನ ಡಾ. ಪದ್ಮಪ್ರಸಾದ್ ಅಜಿಲೆರ್ ಕೆಸರ್ ಕಲ್ಲ್ ಪಾಡಿಯೆರೆ ಉಲ್ಲೆರ್. ಈ ಲೇಸ್ ದ ಗುರ್ಕಾರ್ಮೆನ್ ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ವಿಧಾನ ಪರಿಷತ್ ದ ಶಾಸಕೆರ್ ಕೆ.ಹರೀಶ್ ಕುಮಾರ್, ಬೆದ್ರ ಚೌಟರ ಅರಮನೆತ್ತ ಕುಲದೀಪ ಯಂ, ಶ್ರೀ ಕ್ಷೇತ್ರ ಪಡ್ಯಾರಬೆಟ್ಟು, ಪೆರಿಂಜೆ ಅನುವಂಶೀಯ ಆಡಳಿತ ಮೊಕ್ತೇಸರೆರ್ ಜೀವಂಧರ ಕುಮಾರ್, ಬೆದ್ರ ಧನಲಕ್ಷ್ಮೀ ಕ್ಯಾಶ್ಯೂಸ್ ದ ಶ್ರೀಪತಿ ಭಟ್, ಕೇಂಜ ಕುತ್ಯಾರ್ ಶ್ರೀ ಬ್ರಹ್ಮ ಬೈದೆರ್ಲೆ ಗರಡಿದ ಗಡಿ ಪ್ರಧಾನೆರ್ ಬಗ್ಗ ಪೂಜಾರಿ, ಬೊಲ್ತೇರ್ ಬೆಸ್ಟ್ ಫೌಂಡೇಶನ್ ಅಧ್ಯಕ್ಷೆರ್ ರಕ್ಷಿತ್ ಶಿವರಾಂ, ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಡಾ. ರಾಜಶೇಖರ್ ಕೋಟ್ಯಾನ್, ಕುಡ್ಲ ಗುರುಬೆಳದಿಂಗಳು ಸೇವಾ ಟ್ರಸ್ಟ್ ದ ಅಧ್ಯಕ್ಷೆರ್ ಪದ್ಮರಾಜ್ ಆರ್, ವೇಣೂರ್ ದಿಗಂಬರ ಜೈನ ತೀರ್ಥಕ್ಷೇತ್ರ ಸಮಿತಿದ ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಕುಮಾರ್ ಇಂದ್ರ, ಮರೋಡಿ ಶ್ರೀ ಉಮಾಮಹೇಶ್ವರ ದೇವಲ್ಯದ ಆಡಳಿತ ಮೊಕ್ತೇಸರೆರ್ ದೇವೇಂದ್ರ ಹೆಗ್ಡೆ ಕೊಕ್ರಾಡಿ, ಬೊಂಬೈದ ಡಾ. ಸುರೇಂದ್ರ ಹೆಗ್ಡೆ ಬರಿಯೆರೆ ಉಲ್ಲೆರ್ ಪಂದ್ ಆಡಳಿತ ಸಮಿತಿದ ಅಧ್ಯಕ್ಷೆರ್ ಜಯವರ್ಮ ಬುಣ್ಣು ಕುಕ್ಕೆರಬೆಟ್ಟು ಗುತ್ತು, ಗೌರವಾಧ್ಯಕ್ಷೆರ್ ಜಿನೇಂದ್ರ ಬಲ್ಲಾಳ್, ಮಲ್ಲಾರ ಬೂಡು, ಕೆ. ಹೇಮರಾಜ್ ಬೆಳ್ಳಿಬೂಡು, ಕಾರ್ಯದರ್ಶಿ ಆದಿತ್ಯ ಪಿ.ಕೆ ಮತ್ತೊಟ್ಟು, ಸದಸ್ಯೆರ್ ರವೀಂದ್ರ (ಉದಯ ಪೂಜಾರಿ) ನಾಪ, ಗೋಪು ಪೂಜಾರಿ ಉಚ್ಚೂರ್, ರಮೇಶ ಪೂಜಾರಿ ಬಲಂತ್ಯರೊಟ್ಟು, ಜಿನೇಂದ್ರ ಜೈನ್ ಹರಂತಬೆಟ್ಟು ಗುತ್ತು, ಸುದರ್ಶನ ಜೈನ್ ಪಾಂಡಿಬೆಟ್ಟುಗುತ್ತು ಬೊಕ್ಕ ಊರುದ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

June 11 th: Patla guttu Mahabala Shetty to be honoured in Dubai ಜೂ.11: ದುಬೈಡ್ ಪಟ್ಲಗುತ್ತು ಮಹಾಬಲ ಶೆಟ್ರೆಗ್ ಮಾನಾದಿಗೆ

ದುಬೈ: ಯುಎಇ ಯಕ್ಷಗಾನ ಅಭ್ಯಾಸ ಕೇಂದ್ರ ದ ಪ್ರಾಯೋಜಕತ್ವಡ್ ಯಕ್ಷಗಾನ ರಂಗದ ಒರಿ ಸಾಧಕೆರೆನ್ ಗುರ್ತಿಸಾದ್, ಇಸೇಸವಾದ್ ವಾರ್ಷಿಕ ಯಕ್ಷಶ್ರೀ ರಕ್ಷಾ ಗೌರವ ಪ್ರಶಸ್ತಿ ಕೊರಿಯೆರೆ ಉದ್ದೇಶ ಮಲ್ತಿನಂಚೆನೆ, 2022-2023 ತ್ತ ಸಾಲ್ ದ ಪ್ರಶಸ್ತಿಗ್ ಯಕ್ಷಗಾನ ಕಲಾವಿದೆರ್, ಸಂಘಟಕೆರಾದ್ ಗುರುತಿಸಾಯಿನ, ಪಟ್ಲ ಗುತ್ತು ಮಹಾಬಲ ಶೆಟ್ಟಿ ಮೆರೆನ್ ಆಯ್ಕೆ ಮಲ್ತೆರ್.

ಮಹಾಬಲ ಶೆಟ್ರೆನವು ಬಹುಮುಖ-ಬಹುಶ್ರುತ ಬದ್ ಕ್. ಕಲಾವಿದೆರಾದ್, ಸಂಘಟಕೆರಾದ್, ಸಾಂಸ್ಕೃತಿಕ ನೇತಾರೆರಾದ್ ಬೊಕ್ಕ ವಗೆನಾಡು ದೇವಲ್ಯದ ಅಭಿವೃದ್ಧಿ ಮಲ್ತ್ ದ್ ಸಾರ್ಥಕ ಬದ್ ಕ್ ಬದ್ ಕಿನಾರ್.

ಮಾಂಬಾಡಿ ನಾರಾಯಣ ಭಾಗವತೆರೆನ ಶಿಷ್ಯೆರಾದ್, ಭಾಗವತಿಗೆ, ಚೆಂಡೆ-ಮದ್ದಳೆ ಅಭ್ಯಾಸ ಮಲ್ತ್ ದ್ ಕುಂಡಾವು, ಸುಂಕದಕಟ್ಟೆ ಮೇಳಡ್ ಕಲಾ ವ್ಯವಸಾಯ ಮಲ್ತಿನ ಅನುಭವಿ ಕಲಾವಿದೆ. ಮಲ್ಲ ಶ್ರೀ ದುರ್ಗಾಪರಮೇಶ್ವರೀ ಮೇಳನ್ 4 ವರ್ಷ ಕಾಲ ಸಂಚಾಲಕೆರಾದ್ ದುಂಬು ಕೊನೊಯಿನ ಸಮರ್ಥ ಸಂಘಟಕೆರ್.

ಬಂಟ್ವಾಳ ತಾಲೂಕ್ ದ ಕರೋಪಾಡಿ ಗ್ರಾಮದ ಪಟ್ಲಗುತ್ತು ಮಹಾಬಲ ಶೆಟ್ರೆನ ಜನ್ಮಭೂಮಿ. ವಗೆನಾಡ್ ದ ಶ್ರೀ ಸುಬ್ರಹ್ಮಣ್ಯೇಶ್ವರ ಯಕ್ಷಗಾನ ಕಲಾ ಸಂಘದ ಸ್ಥಾಪಕೆರಾದ್ ಸುಮಾರ್ ವರ್ಷೊರ್ದಿಂಚಿ ಶ್ರಾವಣ ಮಾಸ ಪೂರ್ತಿದ ನಿರಂತರ ತಾಳಮದ್ದಳೆ, ಭಜನೆ, ಸತ್ಸಂಗ ಲೇಸ್ ದ ಸಂಯೋಜನೆ ಮುಖೇನ ಪುಗರ್ತೆ ಪಡೆತೆರ್ ಮೇರ್.

ವಗೆನಾಡ್ ನೇ ಕೇಂದ್ರ ಮಲ್ತ್ ದ್, ನಾಡ್ ದ ಉದ್ದ ಅಗಲಗ್ ಕೀರ್ತಿ ಎಚ್ಚ ಮಲ್ತಿನ ಮೆರೆನ ಸಾಂಸ್ಕೃತಿಕ ಸಂಘಟನಾ ಕೌಶಲ್ಯ ಅನ್ಯೆರೆಗ್ ಮಾದರಿ. 80 ವರ್ಷದ ಬದ್ ಕ್ ನ್ ಸಾರ್ಥಕ ಮಲ್ತೊಂದು ದುಂಬರಿಯೊಂದು ಉಪ್ಪುನ ಮೆರೆನವು ಜವನೆರೆಗ್ಲಾ ಇಷ್ಟ ಆಪಿನ ಕ್ರಿಯಾಶೀಲ ಬದ್ ಕ್. ಯಕ್ಷಧ್ರುವ ಪಟ್ಲ ಫೌಂಡೇಶನ್ ನೆತ್ತ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ರೆನಂಚಿನ ಧ್ರುವತಾರೆನ್ ಯಕ್ಷ ದೇವಿನ ಜಕ್ಕೆಲ್ ಗ್ ಒಪ್ಯಾದ್, ಸಾರ್ಥಕ್ಯ ಪಡೆಯಿನಾರ್. ಮೇರ್ ಬೊಡೆದಿ ಲಲಿತಾ ಶೆಟ್ರೆನ ಜತೆಟ್ಟ್ ವಿಶ್ರಾಂತ ಜೀವನಡ್ ಉಲ್ಲೆರ್.

ಪ್ರಶಸ್ತಿ ಪುರಸ್ಕ್ರತ ಪಟ್ಲಗುತ್ತು ಮಹಾಬಲ ಶೆಟ್ರೆಗ್ ಅಭಿನಂದನೆನ್ ಸಂದಾವೊನೊಟ್ಟಿಗೆ, ಮೆರೆನ ನನದ ಜೀವನ ಸುಖ, ಸಂತೋಷ,ನೆಮ್ಮದಿ, ಸಮೃದ್ಧಿಡ್ ನಡಪುಲೆಕ್ಕ, ಮೆರೆನ ಕೈಟ್ ನನಾತ್ ಕಲಾ-ಸಾಮಾಜಿಕ-ಧಾರ್ಮಿಕ ಸೇವೆ ನಡಪುಲೆಕ್ಕ ಕಲಾಮಾತೆ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ,ಶ್ರೀ ಮಹಾಗಣಪತಿ ಬೊಕ್ಕ ಈ ವರ್ಷ ಯಕ್ಷರಾಧನೆರ್ದ್ ಪುಗರ್ತೆ ಪಡೆಯಿನ ಶ್ರೀ ಮಹಾವಿಷ್ಣು ದೇವೆರ್ ಸದಾ ಅನುಗ್ರಹ ಪೂರ್ವಕ ಆಶೀರ್ವಾದ ಮಲ್ಪಡ್ ಪಂದ್ ದುಬೈದ ಮಾತಾ ಯಕ್ಷಕಲಾರಾಧಕೆರೆನ ಪರವಾದ್ ಹಾರೈಕೆ.

ಜೂನ್ 11 ಐತಾರ ಮಧ್ಯಾಹ್ನ 2 ಗಂಟೆಗ್ ದುಬೈದ ಶೇಖ್ ರಶೀದ್ ಅಡಿಟೋರಿಯಂಡ್ “ವಿಶ್ವ ಪಟ್ಲ ಸಂಭ್ರಮ” ಬೊಕ್ಕ “ದುಬೈ ಯಕ್ಷ ಉಚ್ಚಯ 2023” ನೆತ್ತ ಅಂಗವಾದ್ ನಡಪರೆ ಇಪ್ಪುನ “ದಶಾವತಾರ” ಆಟದ ಪ್ರದರ್ಶನದ ವೇದಿಕೆಡ್, ಗಣ್ಯೆರೆನ ಉಪಸ್ಥಿತಿಡ್, ಈ ಇಸೇಸ ಪ್ರಶಸ್ತಿನ್ ಕೊರ್ದು ಪಟ್ಲಗುತ್ತು ಮಹಾಬಲ ಶೆಟ್ರೆನ್ ಮಾನಾದಿಗೆ ಮಲ್ಪೆರೆ ಉಂಡು ಪಂದ್ ದುಬೈ ಯಕ್ಷಗಾನ ಅಭ್ಯಾಸ ಕೇಂದ್ರದ ಸಂಚಾಲಕೆರ್ ಕೊಟ್ಟಿಂಜ ದಿನೇಶ ಶೆಟ್ಟಿ ಮೇರ್ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.

ಈ ಪೊರ್ತುಡು ಭವಾನಿಶಂಕರ ಶರ್ಮ, ವೆಂಕಟೇಶ ಶಾಸ್ತ್ರಿ ಪುತ್ತಿಗೆ, ಗಿರೀಶ್ ನಾರಾಯಣ್ ಕಾಟಿಪಳ್ಳ, ಶ್ರೀಮತಿ ಜಯಾನಂದ ಪಕ್ಕಳ, ವಸಂತ ಶೆಟ್ಟಿ ಬಾಳೆಪುಣಿಗುತ್ತು, ಪ್ರಕಾಶ್ ಪಕ್ಕಳ, ರಾಜೇಶ್ ಕುತ್ತಾರು, ಬಾಲಕೃಷ್ಣ ಶೆಟ್ಟಿ ಮಾಡೂರುಗುತ್ತು, ವಿಜಯ ಶೆಟ್ಟಿ, ಅತ್ತಂದೆ ಕೇಂದ್ರದ ಗುರುಕುಲಾಯಿನ ಶೇಖರ್ ಡಿ. ಶೆಟ್ಟಿಗಾರ್ ಕಿನ್ನಿಗೋಳಿ‌ ಬೊಕ್ಕ ಶರತ್ ಕುಡ್ಲ ಇತ್ತೆರ್.

June 11 th: Patla guttu Mahabala Shetty to be honoured in Dubai

Dubai: The UAE Yakshagana Abhyasa Kendra identifies one achiever in the field of Yakshagana and honours him with Yakshashree Raksha award.

Patla Guttu Mahabala Shetty who is a Yakshagana artist and organiser has been selected for this award for the year 2022-23.

ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಡ್ 240 ಬೇಲೆ

ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಡ್ ಖಾಲಿ ಇಪ್ಪುನ 240 ಇಸೇಸ ಅಧಿಕಾರಿ ಬೊಕ್ಕ ಮ್ಯಾನೇಜರ್ ಬೇಲೆಗ್ ಆಸಕ್ತ ಬೊಕ್ಕ ಅರ್ಹ ಅಭ್ಯರ್ಥಿಲು ಆನ್ ಲೈನ್ ಡ್ ಅರ್ಜಿ ಪಾಡೊಲಿ.

ಅಭ್ಯರ್ಥಿಲೆನ್ ಲಿಖಿತ ಪರೀಕ್ಷೆ, ಆನ್ ಲೈನ್ ಪರೀಕ್ಷೆ, ಸಂದರ್ಶನದ ಆಧಾರದ ಮಿತ್ತ್ ಆಯ್ಕೆ ಮಲ್ಪೆರೆ ಆಪುಂಡು. ಅರ್ಜಿ ಸಂದಾಯೆರೆ ಜೂನ್ 11 ಅಕೇರಿದ ತಾರೀಕ್ ಆತ್ಂಡ್. ‌ನೆತ್ತ ವೆಬ್‌ಸೈಟ್: https://www.pnbindia.in

ರಾಜ್ಯಡ್ ನನ 4 ದಿನ ಬರ್ಸ ಬರ್ಪಿನ ಅಂದಾಜಿ

ರಾಜ್ಯದ ಕರಾವಳಿ ಬೊಕ್ಕ ದಕ್ಷಿಣ ಒಳನಾಡ್ ಡ್ ನನದ 4 ದಿನ ಭಾರೀ ಬರ್ಸ ಬರ್ಪಿನ ಅಂದಾಜಿ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದ್ಂಡ್.

ಮೇ30 ಬೊಕ್ಕ 31 ಕ್ಕ್ ಮಸ್ತ್ ಪ್ರಮಾಣದ ಬರ್ಸ ಬರ್ಪುಂಡು. ಮೇ31 ಕ್ಕ್ ಉತ್ತರ ಒಳನಾಡ್ ಡ್ ಬರ್ಸ ಸುರು ಆಪುಂಡು. ಅಂಚಾದ್ ಕಡಲ್ ದ ಕೈತಲ್ ವಾಸ ಇಪ್ಪುನ ಬೊಕ್ಕ ಅಪಾಯದ ಪ್ರದೇಶಡ್ ಇಪ್ಪುನ ಜನ ಮುನ್ನೆಚ್ಚರಿಕೆ ವಹಿಸೊಡು ಪಂದ್ ಸಲಹೆ ಕೊರ್ತುಂಡು. ನನ ಜೂ‌.9 ರ್ದ್ ಮುಂಗಾರ್ ಬರ್ಸ ಸುರು ಆವೆರೆ ಉಂಡು.

Aryaveer Adyantaya bags 99.40% in ICSE exams ಐಸಿಎಸ್ಇ ಪರೀಕ್ಷೆಡ್ 99.40 % ಮಾರ್ಕ್ ಪಡೆಯಿನ ಆರ್ಯವೀರ್ ಅಡ್ಯಂತಾಯ

ಬೊಂಬೈ: 2022-23ನೇ ಸಾಲ್ ದ ಐಸಿಎಸ್ಇ 10ನೇ ಕ್ಲಾಸ್ ದ ಪರೀಕ್ಷೆಡ್ ಬೊಂಬೈ ಕಾಂದಿವಲಿ ಪೂರ್ವದ ಅಶೋಕ್ ನಗರ ಚಿಲ್ಡ್ರನ್ಸ್ ಅಕಾಡೆಮಿ ಶಾಲೆದ ಕಲ್ಪಾರ್ಥಿ ಆರ್ಯವೀರ್ ಅಡ್ಯಂತಾಯ ಮೇರ್ 99.40% ಮಾರ್ಕ್ ಪಡೆದ್ ದೇಶಡೇ 3ನೇ ತಾನ ಪಡೆದ್ ಎಡ್ಡೆ ಶ್ರೇಣಿಡ್ ಉತ್ತೀರ್ಣರಾತೆರ್.

ಈತ ಕಾಂದಿವಲಿ ಪೂರ್ವದ ಅಶೋಕ ನಗರದ ಸುದರ್ಶನ್ ಸೊಸೈಟಿದ ನಿವಾಸಿ ಸುಜೀರ್ ಗುತ್ತು ರವಿರಾಜ್ ಅಡ್ಯಂತಾಯ ಬೊಕ್ಕ ಪೆಜಮಾಡಿ ಗರಡಿಮನೆ ವಿಂದ್ಯಾ ಅಡ್ಯಂತಾಯ ದಂಪತಿಲೆನ ಮಗೆ ಆತೆರ್.

Aryaveer Adyantaya bags 99.40% in ICSE exams

Mumbai: In the ICSE exams for the year 2022-23 , Aryaveer Adyantaya Children’s Akademy gets 99.40% and the third position in the country.

ಧರ್ಮಸ್ಥಳಡ್ ಪತ್ತನಾಜೆ ಉಚ್ಚಯ

ಉಜಿರೆ: ಧರ್ಮಸ್ಥಳಡ್ ಪತ್ತನಾಜೆದ ಲೆಕ್ಕೊಡು ಗುರುವಾರ ದೇವಲ್ಯಡ್ ರಂಗಪೂಜೆ, ಬಲಿ ಉಚ್ಚಯ, ವಸಂತ ಪೂಜೆ, ಅಷ್ಟಾವಧಾನ ಸೇವೆ ನಡತ್ಂಡ್.

ಬೊಕ್ಕ ಕೊಡಿ ಜಾಯೆರ್. ನನ ತುಡರ್ ಪರ್ಬ ಮುಟ್ಟ ದೇವಲ್ಯಡ್ ರಂಗಪೂಜೆ, ಉಚ್ಚಯ ಬೊಕ್ಕ ಇಸೇಸ ಸೇವೆ ನಡಪುಜಿ. ಧರ್ಮಸ್ಥಳ ಯಕ್ಷಗಾನ ಮೇಳದ ಶ್ರೀ ಮಹಾಗಣಪತಿ ದೇವೆರೆನ ಮೂರ್ತಿನ್ ಗುರುವಾರ ಬಯ್ಯಗ್ ಬಿಡಾರದ ಮಣೆಗಾರೆರೆನ ಇಲ್ಲಲ್ ರ್ದ್ ಭವ್ಯ ಮೆರವಣಿಗೆಡ್ ಕನತೆರ್. ಅತ್ತಂದೆ ಕ್ಷೇತ್ರದ ಆನೆಲು, ಬಸವೆ, ಪೂತ್ತ ಕೋಲ್, ವಾದ್ಯ ಮೇಳ, ಚೆಂಡೆ ಮೇಳ, ಶಂಖ-ಜಾಗಟೆ ವಾದನ ಮೆರವಣಿಗೆ ಇತ್ಂಡ್.

ದೇವಲ್ಯದ ಎದುರು ದರ್ಶನ ಸೇವೆ ನಡಪಾಯಿನ ಬೊಕ್ಕ ಛತ್ರದ ಶ್ರೀ ಮಹಾಗಣಪತಿ ಗುಡಿಕ್ಕ್ ಮೆರವಣಿಗೆಡ್ ಕನದೆರ್. ಈ ಪೊರ್ತುಡು ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆ ಮೇರ್, ಡಿ.ಹರ್ಷೇಂದ್ರ ಕುಮಾರ್ ಬೊಕ್ಕ ಕುಟುಂಬಸ್ಥೆರ್, ನೌಕರೆರ್ ಬೊಕ್ಕ ಭಕ್ತೆರ್ ಇತ್ತೆರ್.