Tulu News

Moral policing case near Someshwar beach – Police take four persons into custody ಸೋಮೇಶ್ವರ ಬೀಚ್ ಕೈತಲ್ ನೈತಿಕ ಪೊಲೀಸ್ ಗಿರಿ ಕೇಸ್: ನಾಲ್ ಜನನ್ ವಶಕ್ಕ್ ಪಡೆಯಿನ ಪೊಲೀಸೆರ್

ಉಳ್ಳಾಲ: ಸೋಮೇಶ್ವರ ಬೀಚ್ ಕೈತಲ್ ಕಾಲೇಜ್ ಎ ಮೂಜಿ ಕಲ್ಪಾರ್ಥಿಲೆನ ಮಿತ್ತ್ ನೈತಿಕ ಪೊಲೀಸ್ ಗಿರಿ ನಡಪಾಯಿನ ಕೂಟಡ್ ಇತ್ತಿನ ನಾಲ್ ಜನನ್ ಉಳ್ಳಾಲ ಪೊಲೀಸೆರ್ ವಶಕ್ಕ್ ಪಡೆತೆರ್.

ಉಳ್ಳಾಲ ಬಸ್ತಿಪಡ್ಪು ನಿವಾಸಿ ಯತೀಶ್, ಉಚ್ಚಿಲ ನಿವಾಸಿ ಸಚಿನ್, ತಲಪಾಡಿ ನಿವಾಸಿ ಮೋಕ್ಷಿತ್, ಸುಹಾನ್ ಅರೆಸ್ಟ್ ಆಯಿನಕುಲು.

ಕೋಡೆ ಬಯ್ಯಗ್ ಕುಡ್ಲದ ಪ್ಯಾರಾ ಮೆಡಿಕಲ್ ಕಾಲೇಜ್ ದ ಕಲ್ಪಾರ್ಥಿಲಾಯಿನ ಚೆರ್ಕಳದ ಜಾಫರ್ ಶರೀಫ್ ಬೊಕ್ಕ ಮಂಜೇಶ್ವರ ಮೂಲದ ಮುಜೀಬ್, ಆಶಿಕ್ ಸೋಮೇಶ್ವರ ಕಡಲ್ ಬರಿಕ್ಕ್ ಬತ್ತಿತ್ತೆರ್.‌ ಮೊಕ್ಲೆನೊಟ್ಟಿಗೆ ಮೂಜಿ ಜನ ಹಿಂದೂ ಕಲ್ಪಾರ್ಥಿಲು ಇತ್ತೆರ್.‌ ಅಂಚಾದ್ ಮೊಕ್ಲೆನ ಕೂಟದ ಪಿರವುಡೇ ಬತ್ತ್ ದ್ ಗಲಾಟೆ ಆತ್ಂಡ್. ‌

ನೆಟ್ಟ್ ಪೆಟ್ಟಾಯಿನ ಕಲ್ಪಾರ್ಥಿಲು ದೇರಳಕಟ್ಟೆದ ಆಸ್ಪತ್ರೆಗ್ ದಾಖಲ್ ಆತೆರ್.‌ ಕೇಸ್ ದ ವಿಚಾರಣೆಗಾದ್ ರಡ್ಡ್ ಇಸೇಸ ಪೊಲೀಸ್ ಕೂಟನ್ ರಚನೆ ಮಲ್ತೆರ್. ಇತ್ತೆ ಪೊಲೀಸೆರೆನ ಕೂಟ ನಾಲ್ ಜನನ್ ವಶಕ್ಕ್ ಪಡೆದ್ ವಿಚಾರಣೆ ನಡತೊಂದು ಉಂಡು.

Moral policing case near Someshwar beach – Police take four persons into custody

Ullal: Four persons of a group who were into moral policing on college students were taken into custody by the Ullal police.

An youth struck by lightning dies ತೆಡಿಲ್ ಹಾಕ್ ದ್ ತೀರ್ ಪೋಯಿನ ಜವನೆ

ಲಿಂಗಸುಗೂರು: ಜವನೆಯೊರಿ ತೆಡಿಲ್ ಹಾಕ್ ದ್ ತೀರ್ ಪೋಯಿನ ಘಟನೆ ಬೆಂಡೋಣಿ ಗ್ರಾಮದ ಹೊರವಲಯದ ಜಮೀನ್ ಡ್ ನಡತ್ಂಡ್.

ನೂರ್ ಅಹ್ಮದ್‌ ರಾಜಾಸಾಬ್‌(23) ತೀರ್ ಪೋಯಿನ ಜವನೆ ಪಂದ್ ತೆರಿದ್ ಬೈದ್ಂಡ್.

ಬೆಂಡೋಣಿ ಪರಿಸರಡ್ ಭಾರಿ ಗಾಳಿದ ನಡುಟ್ ತೆಡಿಲ್ ಮೆಂಚ್ ಎಚ್ಚಾದಿತ್ತ್ಂಡ್. ಈ ಪೊರ್ತುಡು ಜಮೀನ್ ಡ್ ಇತ್ತಿನ ರಾಜಾಸಾಬ್ ಮಿತ್ತ್ ತೆಡಿಲ್ ಹಾಕ್ ದ್ಂಡ್ ಪಂದ್ ತೆರಿದ್ ಬೈದ್ಂಡ್.

An youth struck by lightning dies

Lingasugur: An incident of an youth Ahmed Rajasab(23) struck by lightning dies at Bendini village near here.
Heavy rains, winds and thunderstorms was reported from here.

Kadaba: Nursing student dies suddenly due to illness ಕಡಬ: ಹುಷಾರ್ ದಾಂತೆ ತೀರ್ ಪೋಯಿನ ನರ್ಸಿಂಗ್ ಕಲ್ಪಾರ್ಥಿ

ಕುಡ್ಲದ ಲಕ್ಷ್ಮಿ ಮೆಮೋರಿಯಲ್ ಕಾಲೇಜ್ ಡ್ ಬಿಎಸ್ಸಿ ನರ್ಸಿಂಗ್ ಕಲ್ತೊಂದು ಇತ್ತಿನ ಕಲ್ಪಾರ್ಥಿ ಒರ್ತಿ ಹುಷಾರ್ ದಾಂತೆ ತೀರ್ ಪೋಯಿನ ಘಟನೆ ಕಡಬ ತಾಲೂಕ್ ದ ರೆಂಜಿಲಾಡಿ ಗ್ರಾಮದ ನಿಡ್ಮೇರುಡ್ ನಡತ್ಂಡ್.

ರೆಂಜಿಲಾಡಿದ ನಿಡ್ಮೇರು‌ ನಿವಾಸಿ ರವೀಂದ್ರ ಮೆರೆನ ಮಗಲ್ ಕು.ರಶ್ಮಿತಾ‌ (18) ತೀರ್ ಪೋಯಿನ ಕಲ್ಪಾರ್ಥಿ.

ರಶ್ಮಿತಾ ಕೆಲವು ದಿನೊರ್ದಿಂಚ ಹುಷಾರ್ ಇಜ್ಜಂದೆ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಆದ್ ಚಿಕಿತ್ಸೆ ಪಡೆವೊಂದು ಇತ್ತೆರ್. ಆ ಪೊರ್ತುಡು ವೈದ್ಯಕೀಯ ಪರೀಕ್ಷೆಡ್ ಒವ್ವೇ ತೊಂದರೆ ತೋಜಿದ್ ಬೈದಿಜಿ.

ಆಂಡ ಆರೋಗ್ಯವಾದಿತ್ತಿನ ರಶ್ಮಿತಾ ಕೋಡೆ ರಾತ್ರೆ 10.30 ಕ್ಕ್ ಒರಾನೇ ಬೂರ್ದು ತೀರ್ ಪೋತೆರ್. ರಶ್ಮಿತಾ ಸಾವುದ ಬಗೆಟ್ ಕಾಲೇಜ್ ದ ರಶ್ಮಿತಾ ಬ್ಯಾಚ್ ದ ಕಲ್ಪಾರ್ಥಿಲೆಗ್ ರಜೆ ಘೋಷಣೆ ಮಲ್ದೆರ್.

Subramanya: Car rams into students of Subramanya PU college – injured students admitted to hospital in Puttur ಸುಬ್ರಮಣ್ಯ: ಕಲ್ಪಾರ್ಥಿಲೆನ ಮಿತ್ತ್ ಕಾರ್ ಗುದ್ದುದು ಪೆಟ್ಟಾಯಿನಕುಲು ಪುತ್ತೂರ್ ಆಸ್ಪತ್ರೆಗ್ ದಾಖಲ್

ಶ್ರೀ ಸುಬ್ರಹ್ಮಣೇಶ್ವರ ಪದವಿ ಪೂರ್ವ ಕಾಲೇಜ್ ದ ಕಲ್ಪಾರ್ಥಿಲೆನ ಮಿತ್ತ್ ಕಾರ್ ತಾಂಟ್ ದ್ ಮೂಜಿ ಜನ ಕಲ್ಪಾರ್ಥಿಲೆಗ್ ಪೆಟ್ಟಾಯಿನ ಘಟನೆ ಕೋಡೆ ಬಯ್ಯಗ್ ನಡತ್ಂಡ್. ‌

ಕಾಲೇಜ್ ಬುಡ್ದ್ ಇಲ್ಲಗ್ ಪೋನಗ ಕಲ್ಪಾರ್ಥಿಲು ವಲ್ಲೀಶ ಸಭಾಭವನದ ಎದುರು ಭಾಗ, ಕಾಲೇಜ್ ತಿರುಗುನಲ್ಪ ಚೂರು ದುಂಬು 7-8 ಕಲ್ಪಾರ್ಥಿಲು ಸುಬ್ರಹ್ಮಣ್ಯ ಪೇಂಟೆದಂಚಿ ಪೋವೊಂದು ಇಪ್ಪುನಗ ಪಿರವುರ್ದ್ ಬತ್ತಿನ ಕಾರ್ ತಾಂಟ್ ದ್ಂಡ್ ಪಂದ್ ತೆರಿದ್ ಬೈದ್ಂಡ್. ನೇರ್ದ್ ಪೆಟ್ಟಾಯಿನ ಮೂಜಿ ಕಲ್ಪಾರ್ಥಿಲೆಗ್ ಸುಬ್ರಹ್ಮಣ್ಯಡ್ ಪ್ರಾಥಮಿಕ ಚಿಕಿತ್ಸೆ ಕೊರ್ದು ಪುತ್ತೂರ್ ಗ್ ಲೆತೊಂದು ಪೋತೆರ್. ಬೊಕ್ಕ ಒರಿನ 3-4 ಕಲ್ಪಾರ್ಥಿಲೆಗ್ ಎಲ್ಯ ಎಲ್ಯ ಪೆಟ್ಟಾತ್ಂಡ್ ಪಂದ್ ತೆರಿದ್ ಬೈದ್ಂಡ್.

No water supply to Mangalore city for two days ಕುಡ್ಲ ಪೇಂಟೆಡ್ 2 ದಿನ ನೀರ್ ಪೂರೈಕೆ ಇಜ್ಜಿ

ಕುಡ್ಲ : ಕುಡ್ಲ ಪೇಂಟೆಡ್ 2 ದಿನ ನೀರ್ ಪೂರೈಕೆ ಇಪ್ಪುಜಿ.

ಜೂನ್ 2 ಬೊಲ್ಪುಗು 6 ಗಂಟೆರ್ದ್ ಜೂನ್ 4 ಬೊಲ್ಪುಗು 6 ಗಂಟೆ ಮುಟ್ಟ ಪೇಂಟೆದ ಸುಮಾರ್ ಕಡೆಟ್ ನೀರ್ ಪಟ್ಟುನೆಟ್ಟ್ ವ್ಯತ್ಯಾಸ ಆಪುಂಡು.

ತುಂಬೆ-ಬೆಂದೂರ್ ವೆಲ್ ಪಣಂಬೂರುದ 1 ಸಾರ ಎಂಎಂ ವ್ಯಾಸ ಪೈಪ್ ನ್ ಅಡ್ಯಾರ್ ಕಟ್ಟೆದ ಕೈತಲ್ ಸರಿ ಮಲ್ಪುನ ಬೇಲೆ ನಡಪರೆ ಉಂಡು. ಅತ್ತಂದೆ ಕೊಟ್ಟಾರ ಚೌಕಿದ ಕೈತಲ್ ಕೆಯುಐಡಿಎಫ್ ಸಿ ವತಿರ್ದ್ 900 ಎಂಎಂ ವ್ಯಾಸ ಪೈಪ್ ನ್ ಕುಡೊರ ಜೋಡಿಸಾವುನ ಬೇಲೆ ಇಪ್ಪುನೆರ್ದಾವವರ ನೀರ್ ಪೂರೈಕೆಡ್ ವ್ಯತ್ಯಾಸ ಆಪುಂಡು.

ಬೆಂದೂರ್ ವೆಲ್ ಲೋ ಲೆವೆಲ್ ಪ್ರದೇಶಲಾಯಿನ ಪಿವಿಎಸ್, ಲೇಡಿಹಿಲ್, ಬಂದರ್, ಬಿಜೈ, ಸೂಟರ್ ಪೇಟೆ, ಮೇರಿಹಿಲ್, ಪಚ್ಚನಾಡಿ, ಅಶೋಕನಗರ, ದೇರೆಬೈಲ್, ಕೊಡಿಯಾಲಬೈಲ್, ಕದ್ರಿ, ನಾಗುರಿ, ಸುರತ್ಕಲ್, ಕಾಟಿಪಳ್ಳ, ಕೂಳೂರು, ಜಲ್ಲಿಕಟ್ಟೆ, ಕೋಡಿಕಲ್ , ಕಾನ, ಬಾಳ, ಕುಳಾಯಿ, ಮುಕ್ಕ, ಪಣಂಬೂರು ಪ್ರದೇಶಡ್ ಸಂಪೂರ್ಣವಾದ್ ನೀರ್ ಸರಬರಾಜು ಉಂತಾವ ಪಂದ್ ಪ್ರಕಟಣೆ ತೆರಿಪಾದ್ಂಡ್.

No water supply to Mangalore city for two days

There will be no water supply to many areas in the city for two days from June 2 nd to 4 th of June due to repair works in the pipelines in many parts of the city.

Raktha Sanjeevi Blood Group, Puttur- honours multi talented Shanya from Mangalore ರಕ್ತಸಂಜೀವಿ ಬ್ಲಡ್ ಗ್ರೂಪ್ ಪುತ್ತೂರ್ ನೆತ್ತ ವತಿರ್ದ್ ಬಹುಮುಖ ಪ್ರತಿಭೆ ಶಾನ್ಯ ಮೆರೆಗ್ ತಮ್ಮನ

ರಕ್ತಸಂಜೀವಿ ಬ್ಲಡ್ ಗ್ರೂಪ್ ಪುತ್ತೂರ್ ನೆತ್ತ ವತಿರ್ದ್ ಬಹುಮುಖ ಪ್ರತಿಭೆ, ಕುಡ್ಲದ ಪೆರ್ಮೆದ ಪೊಣ್ಣು ಶಾನ್ಯ ಮೆರೆಗ್ ಇಲ್ಲಲ್ ತಮ್ಮನ ಮಲ್ತೆರ್.

ಮಲ್ಲ ಬಿನ್ನೆರಾದ್ ಸಿಂಗರ್ ಸುಮಿತ್ರಾ ಬಾಯಂಬಾಡಿ ಪುತ್ತೂರ್, ಪ್ರತಿಭೆನ ಪೊಪ್ಪ ಅಮ್ಮ ಬಾಲಕೃಷ್ಣ ದೀಪ ಬೊಕ್ಕ ಅಜ್ಜಿ ಕುಸುಮ, ಬೊಕ್ಕ ಶ್ರೀ ಕೃಷ್ಣ ಯುವಕ ಮಂಡಲ (ರಿ.) ನೆತ್ತ ಅಧ್ಯಕ್ಷೆರ್, ಸ್ನೇಹ ಸಿಲ್ಕ್ ಅಂಡ್ ರೆಡಿಮೇಡ್ ಬೊಳುವಾರು ಪುತ್ತೂರ್ ನೆತ್ತ ಉದ್ಯೋಗಿ ಬಿ ರಾಜೀವ ಗೌಡ ಮೊಕುಲು ತಮ್ಮನ ಪತ್ರನ್ ಓದಿಯೆರ್.

ಈ ಲೇಸ್ ದ ರೂವಾರಿ ನವೀನ್ ಪುತ್ತೂರ್ ಬಿನ್ನೆರೆಗ್ ಪೂ ಕೊರ್ದು ಅಭಿನಂದನೆ ಮಲ್ತೆರ್. ಚಿತ್ರನಟ, ಕಲಾವಿದೆರ್ ಕಷ್ಣಪ್ಪ ಶಿವನಗರ ಮೇರ್ ಈ ಲೇಸ್ ದ ಸುಧಾರಿಕೆ ಮಲ್ತೆರ್.

“Will strive to get the state language status to Tulu ” MLA Yashpal Suvarna ತುಳುಕ್ಕು ರಾಜ್ಯಭಾಷೆದ ಮಾನಾದಿಗೆ ಕೊರ್ಪಾವರೆ ಪ್ರಯತ್ನ ಮಲ್ಪುವೆ: ಶಾಸಕೆರ್ ಯಶ್ ಪಾಲ್ ಸುವರ್ಣ

ಒಡಿಪು: ತುಳು ಭಾಷೆಗ್ ರಾಜ್ಯಭಾಷೆದ ಮಾನಾದಿಗೆಗ್ ಬೋಡಾದ್ ಸುಮಾರ್ ವರ್ಷೊರ್ದಿಂಚ ಪೊರ್ಂಬಾಟ ನಡತೊಂದು ಉಂಡು.

ವಿಧಾನಸಭೆಟ್ಟ್ ತುಳು ಭಾಷೆದ ಪರವಾದ್ ಒಡಿಪು ಶಾಸಕೆರ್ ಯಶ್ ಪಾಲ್ ಸುವರ್ಣ ಪಾತೆರ್ದ್, ತುಳು ಜನಕುಲೆಗ್ ನ್ಯಾಯ ಕೊರ್ಪಿನ ದಿಟ್ಟಿಡ್ ಪ್ರಾಮಾಣಿಕ ಪ್ರಯತ್ನ ಮಲ್ಪುವ ಪಂದ್ ಪಂಡೆರ್.

ಮೇರ್ ಪೇಂಟೆಡ್ ಒಡಿಪು ತುಳುಕೂಟದ ವತಿರ್ದ್ ನಡತಿನ ಲೇಸ್ ಡ್ ತಮ್ಮನ ಸ್ವೀಕಾರ ಮಲ್ತ್ ದ್ ಪಾತೆರಿಯೆರ್.

“Will strive to get the state language status to Tulu ” MLA Yashpal Suvarna

Udupi: Will strive to get status for Tulu language and will voice the sentiments of the Tulu people in the Vidhana Sabha said Udupi MLA Yashpal Suvarna while attending a program organised by Tulu koota Udupi.

Rains take a toll of 69 lives from January to date in the state !! ಈ ಸರ್ತಿದ ಬರ್ಸಗ್ ರಾಜ್ಯಡ್ 69 ಜನ ತೀರ್ ಪೋತೆರ್!

ರಾಜ್ಯಡ್ ಬರ್ಸಗ್ ಜನವರಿರ್ದ್ ಮೇ ಮುಟ್ಟ 69 ಜನ ತೀರ್ ಪೋಯೆರ್ ಪಂದ್ ಕಂದಾಯ ಸಚಿವೆರ್ ಕೃಷ್ಣಭೈರೇಗೌಡ ತೆರಿಪಾದೆರ್.

60 ಜನತ್ತ ಕುಟುಂಬಗ್ ಪರಿಹಾರ ಕೊರ್ತೆರ್. ಒರಿನಕ್ಲೆಗ್ ಪರಿಹಾರ ಕೊರ್ಪ ಪಂದ್ ಪಂತೆರ್. 487 ಜಾನುವಾರು ಪ್ರಕೃತಿ ವಿಕೋಪಗ್ ಸೈದ್ಂಡ್. 1400 ಇಲ್ಲ್ ಗ್ ತೊಂದರೆ ಆತ್ಂಡ್. 20160 ಹೆಕ್ಟೇರ್ ಪ್ರದೇಶ ಬರ್ಸಗ್ ಹಾಳ್ ಆದ್ ಬುಲೆಕ್ಕ್ ತೊಂದರೆ ಆತ್ಂಡ್. ಅಂಚಾದ್ ರೈತೆರೆನ ಅಕೌಂಟ್ ಗ್ ಕಾಸ್ ಪಾಡುವ ಪಂದ್ ಪಂಡೆರ್.

The compound wall of Sarve Shri Subramanya temple collapsed due to heavy rains!! ಬರ್ಸಗ್ ಬೂರ್ದುಂಡು ಸರ್ವೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಕಾಂಪೌಂಡ್

ಸವಣೂರು: ಬುಧಾರ ರಾತ್ರೆ ಬತ್ತಿನ ಭಾರಿ ಗಾಳಿ ಬರ್ಸಗ್ ಸರ್ವೆ ಶ್ರೀ ಸುಬ್ರಹ್ಮಣ್ಯೇಶ್ವರ ದೇವಲ್ಯದ ಕಾಂಪೌಂಡ್ ಬೂರ್ದುಂಡು.

ಕರಿನ ಜಾತ್ರೆದ ಪೊರ್ತುಡು ದೇವಲ್ಯಗ್ ಕಾಂಪೌಂಡ್ ನಿರ್ಮಾಣ ಮಲ್ದೆರ್. ಇತ್ತೆ ಬರ್ಸರ್ದ್ ಕಾಂಪೌಂಡ್ ಬೂರ್ದುಂಡು.

The compound wall of Sarve Shri Subramanya temple collapsed due to heavy rains!!

Savanur: Heavy rains and winds in the area brought down the compound wall of Sarve Shri Subramanya temple.

The wall was built very recently at the time of the previous Jatra celebration.

” Yan Superstar” Tulu movie all set for release “ಯಾನ್ ಸೂಪರ್ ಸ್ಟಾರ್” ತುಳು ಪಿಕ್ಚರ್ ರಿಲೀಸ್ ಗ್ ರೆಡಿ

ಕುಡ್ಲ: ಆನಂದ ಫಿಲಂಸ್ ಬೊಕ್ಕ ದ ಮ್ಯಾಂಗಲೋರಿಯನ್ಸ್ ಲಾಂಛನಡ್ ರಾಮ್ ಶೆಟ್ಟಿ ಅರ್ಪಣೆ ಮಲ್ಪುನ, ದಯಾನಂದ ಶೆಟ್ಟಿ ನಿರ್ಮಾಣದ, ಸಂತೋಷ್ ಶೆಟ್ಟಿ ನಿರ್ದೇಶನಡ್ ತಯಾರ್ ಆಯಿನ “ಯಾನ್ ಸೂಪರ್ ಸ್ಟಾರ್” ತುಳು ಪಿಕ್ಚರ್ ದ ಶೂಟಿಂಗ್, ಡಬ್ಬಿಂಗ್ ಬೇಲೆ ಪೂರ ಮುಗಿದ್ಂಡ್.

ಈ ಪಿಕ್ಚರ್ ಅಗೋಸ್ಟ್ ತಿಂಗೊಲ್ಡ್ ರಿಲೀಸ್ ಆಪುಂಡು. ‌ಒಡಿಪು ಸುತ್ತಮುತ್ತ ಒಂಜೇ ಹಂತಡ್ 25 ದಿನ ಮುಟ್ಟ ಯಾನ್ ಸೂಪರ್ ಸ್ಟಾರ್ ಪಿಕ್ಚರ್ ದ ಶೂಟಿಂಗ್ ನಡತ್ಂಡ್. ಮುಖ್ಯವಾದ್ ಮುಲ್ಪ ಜನಮನ್ನಣೆ ಪಡೆಯಿನ ಸಿಐಡಿ ಧಾರಾವಾಹಿದ ಬೊಂಬೈ ಕಲಾವಿದೆರ್ ಈ ಪಿಕ್ಚರ್ ಡ್ ಮುಖ್ಯ ಪಾತ್ರಡ್ ಅಭಿನಯ ಮಲ್ದೆರ್.

ದಯಾನಂದ ಶೆಟ್ಟಿ, ಹರೀಶ್ ವಾಸು ಶೆಟ್ಟಿ, ಸಾಯಿ ಬಲ್ಲಾಲ್ ನೊಟ್ಟಿಗೆ ತುಳುನಾಡ್ ದ ಪುಗರ್ತೆದ ಕಲಾವಿದೆರ್ ನವೀನ್ ಡಿ ಪಡೀಲ್, ಭೋಜರಾಜ ವಾಮಂಜೂರು, ಮಾನಸಿ ಸುಧೀರ್, ಅನು ಷಾ, ಅಶೋಕ್ ಪಕ್ಕಳ, ಮಾಸ್ಟರ್ ಅತಿಶ್ ಶೆಟ್ಟಿ, ಮಾಸ್ಟರ್ ಅರುಷ್ ಯು ಪೂಜಾರಿ, ಕುಮಾರಿ ಶ್ರೀಯಾ ಹೆಗ್ಡೆ ತಾರಾಗಣಡ್ ಉಲ್ಲೆರ್.

ಸಂತೋಷ್ ಶೆಟ್ಟಿ ಮೆರೆನ ಕತೆಕ್ಕ್ ಸಚಿನ್ ಶೆಟ್ಟಿ ಕುಂಬಳೆ ಸಂಭಾಷಣೆ ಬರೆತೆರ್. ಚಿತ್ರಕತೆನ್ ಅಂಕಣ ಜೋಷಿ, ಸಂತೋಷ್ ಶೆಟ್ಟಿ, ಮಲ್ದೆರ್. ಸಾಹಿತ್ಯ ಬೊಕ್ಕ ಪದ ವಿ. ಮನೋಹರ್, ಗುರುಕಿರಣ್ ಪಂತೆರ್. ಹಿನ್ನೆಲೆ ಸಂಗೀತ ಸಂಜಯ್ ವಾಂದ್ರೇಕರ್ ಕೊರ್ತೆರ್. ಕ್ಯಾಮರಾ ಕೃಷ್ಣರಾಜ್ ಕೋಟ್ಯಾನ್ ಕೊರ್ತೆರ್. ಅತ್ತಾಂದೆ ಈ ಪಿಕ್ಚರ್ ಡ್ ಸಾಹಸ ಆನಂದ ಶೆಟ್ಟಿ, ಎಕ್ಸಿಕ್ಯೂಟಿವ್ ಪ್ರೊಡ್ಯುಸರ್ ಸತೀಶ್ ದುಬೆ, ಕ್ರಿಯೇಟಿವ್ ಡೈರಕ್ಟರ್ ಕ್ರಿಸ್ತಬೆಲ್ಲೆ ಡಿ ಸೋಜ, ಪ್ರೊಡಕ್ಷನ್ ಹೆಡ್ಡ್ ಚಂದ್ರಕಾಂತ್ ಭಂಡಾರಿ ಬೇಲೆ ಮಲ್ದೆರ್.‌

ಮನರಂಜನೆದ ಪಿಕ್ಚರ್

ಯಾನ್ ಸೂಪರ್ ಸ್ಟಾರ್ ಪುದರ್ ಇಪ್ಪುನಂಚೆನೆ ಉಂದು ತುಳುತ್ತ ಪೊಸ ಬಗೆತ್ತ ಪಿಕ್ಚರ್. ಪ್ರೇಕ್ಷಕೆರೆನ್ ತೆರಿದ್ ನಿರ್ದೇಶಕೆರ್ ಮುಲ್ಪ ಪಿಕ್ಚರ್ ದ ಕತೆನ್ ಮಲ್ದೆರ್.‌

ಈ ಪಿಕ್ಚರ್ ಡ್ ಕಾಮಿಡಿ, ಸಂದೇಶ ಉಂಡು. ಪ್ರೇಕ್ಷಕೆರೆಗ್ ಪಿಕ್ಚರ್ ದ ಬಗೆಟ್ ಮಸ್ತ್ ಕುತೂಹಲ ಉಂಡು. ಆನಂದ್ ಫಿಲಂಸ್ ಡ್ ರಿಲೀಸ್ ಆಯಿನ ಪಿಕ್ಚರ್ ಲು ಯಶಸ್ವೀ ಪ್ರದರ್ಶನನ್ ಆಯಿರ್ನೇದಾವೆರ ಪ್ರೇಕ್ಷಕೆರ್ ಯಾನ್ ಸೂಪರ್ ಸ್ಟಾರ್ ಪಿಕ್ಚರ್ ದ ಬಗೆಟ್ ಮಸ್ತ್ ನಿರೀಕ್ಷೆ ದೀತೆರ್.

” Yan Superstar” Tulu movie all set for release

Mangalore: The film is brought out under the Mangaloreins Banner by Anand films, presented by Ram Shetty . It is produced by Dayanand Shetty and directed by Santosh Shetty.

The cast includes actors from the popular serial CID and we’ll known faces from the Tulu film industry.