Tulu News

Chatrapati Shivaji’s idol installed in Khairawad village ಖೈರವಾಡ ಗ್ರಾಮಡ್ ಛತ್ರಪತಿ ಶಿವಾಜಿ ಮೂರ್ತಿ ಪ್ರತಿಷ್ಠಾಪನೆ

ಛತ್ರಪತಿ ಶಿವಾಜಿ ಮಹಾರಾಜೆರ್ನ ಮೂರ್ತಿನ್ ಖೈರವಾಡ ಗ್ರಾಮಡ್ ಪ್ರತಿಷ್ಠಾಪನೆ ಮಲ್ಪರೆ ಮೆರವಣಿಗೆದ ಮುಖೇನ ಮಹಾರಾಜೆರೆನ ಮೂರ್ತಿ ಖಾನಾಪುರ ಪೇಂಟೆಗ್ ಬತ್ತ್ಂಡ್.

ಈ ಪೊರ್ತುಡು ಮಾಜಿ ಶಾಸಕೆರ್ ಡಾಕ್ಟರ್ ಅಂಜಲಿ ನಿಂಬಾಳ್ಕರ್ ಛತ್ರಪತಿ ಶಿವಾಜಿ ಮಹಾರಾಜೆರೆನ ಮೂರ್ತಿನ್ ಎದ್ಕೊನಿಯೆರ್. ಡಾಕ್ಟರ್ ಆಂಜನೇಯ ನಿಂಬಾಳ್ಕರ್ ಖೈರ್ವಾಡ ಗ್ರಾಮಡ್ ಶಿವಾಜಿ ಮಹಾರಾಜೆರೆನ ಮೂರ್ತಿ ಪ್ರತಿಷ್ಠಾಪನೆ ಮಲ್ಪೊಡು ಪನ್ಪುನವು ಸುಮಾರ್ ವರ್ಷೊದಿಂಚ ಗ್ರಾಮಸ್ಥೆರೆನ ಬೇಡಿಕೆ ಆದಿತ್ತ್ಂಡ್.

ಶಾಸಕಿ ಆಯಿನ ಅಂಜಲಿ ನಿಂಬಾಳ್ಕರ್ ಗ್ರಾಮಸ್ಥೆರೆಗ್ ಭರವಸೆ ಕೊರ್ಂಡಲ ಗ್ರಾಮಸ್ಥೆರೆನ ಮಸ್ತ್ ದಿನತ್ತ ಬೇಡಿಕೆ ಇತ್ತೆ ಈಡೇರ್ ದ್ಂಡ್. ನೇರ್ದ್ ಗ್ರಾಮದ ಮುಖಂಡೆರ್ ಮಸ್ತ್ ಕುಸಿ ಆತೆರ್.‌

ಖಾನಾಪುರ ಪೇಂಟೆದ ಮುಖ್ಯ ಮಾರ್ಗಡೇ ಶಿವಾಜಿ ಮಹಾರಾಜೆರೆನ ಮೂರ್ತಿನ್ ಜವನೆರ್ ವಾದ್ಯದ ಜಾನಪದ ಡ್ಯಾನ್ಸ್ ಘೋಷಣೆದೊಟ್ಟಿಗೆ ಮೆರವಣಿಗೆಡ್ ಗ್ರಾಮಗ್ ಕನತೆರ್. ಈ ಪೊರ್ತುಡು ಕಾಂಗ್ರೆಸ್ ದ ಮುಖಂಡೆರ್ ಬೊಕ್ಕ ಗ್ರಾಮಸ್ಥೆರ್ ಇತ್ತೆರ್.

Deputy CM DK Shivkumar meets the Chief priest of Kollur Mookambika temple ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ನ್ ಭೇಟಿ ಮಲ್ತಿನ ಕೊಲ್ಲೂರು ದೇವಲ್ಯದ ಪ್ರಧಾನ ಅರ್ಚಕೆರ್

ಬೆಂಗ್ಲೂರ್: ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಮೆರೆನ್ ಇನಿ ಬೊಲ್ಪುಗು ಬೆಂಗ್ಲೂರ್ ದ ಸದಾಶಿವನಗರದ ಖಾಸಗಿ ನಿವಾಸಡ್ ಕೊಲ್ಲೂರು ಶ್ರೀ ಮುಕಾಂಬಿಕಾ ದೇವಲ್ಯದ ಪ್ರಧಾನ ಅರ್ಚಕೆರ್ ನರಸಿಂಹ ಅಡಿಗ ಭೇಟಿ ಮಲ್ತೆರ್.

ಈ ಪೊರ್ತುಡು ಡಿ.ಕೆ‌. ಶಿವಕುಮಾರ್ ರೆಗ್ ಕೊಲ್ಲೂರು ಮೂಕಾಂಬಿಕಾ ದೇವಲ್ಯದ ಪ್ರಸಾದ ಕೊರಿನ ಪ್ರಧಾನ ಅರ್ಚಕೆರ್ ಆಶೀರ್ವಾದ ಮಲ್ತೆರ್.

Mijar Tulunadu Porlu Charitable trust (R) ,under its ” Shaikshanik Seva Yojan” distributes books to children ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್(ರಿ.) ವತಿರ್ದ್ ಶೈಕ್ಷಣಿಕ ಸೇವಾ ಯೋಜನೆದ ಬೂಕು ಪಟ್ಟಿಯೆರ್

ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್(ರಿ.) ವತಿರ್ದ್ ಶೈಕ್ಷಣಿಕ ಸೇವಾ ಯೋಜನೆಡ್ ಕುಡ್ಲ ತಾಲೂಕ್ ದ ದ.ಕ.ಜಿ.ಪ. ಕಿರಿಯ ಪ್ರಾಥಮಿಕ ಶಾಲೆ ಆಚಾರಿ ಜೋರ ಕುಪ್ಪೆಪದವು ಶಾಲೆದ ಜೋಕುಲೆಗ್ ಬೂಕು ಪಟ್ಟಿಯೆರ್.

ಬೊಕ್ಕ ವಿಶ್ವ ಪರಿಸರ ದಿನಾಚರಣೆದ ಲೆಕ್ಕೊಡು ದೈ ನಡ್ಪುನ ಮುಖೇನ ವಿಶ್ವ ಪರಿಸರ ದಿನಾಚರಣೆನ್ ಆಚರಣೆ ಮಲ್ತೆರ್. ಈ ಪೊರ್ತುಡು ಲೇಸ್ ಗ್ ಸಕಾಯ ಮಲ್ತಿನಕುಲು ಇತ್ತೆರ್.

World Environment Day celebrated at Pade Anganwadi, Shibaraje ಶಿಬರಾಜೆ, ಪಾದೆ ಅಂಗನವಾಡಿಡ್ ವಿಶ್ವ ಪರಿಸರ ದಿನಾಚರಣೆ

ಬೊಲ್ತೇರ್: ಶಿಬರಾಜೆ, ಪಾದೆ ಅಂಗನವಾಡಿಡ್ ದೈ ನ್ ನಡ್ಪುನ ಮುಖೇನ (ಜೂ.5) ವಿಶ್ವ ಪರಿಸರ ದಿನಾಚರಣೆನ್ ಆಚರಣೆ ಮಲ್ತೆರ್.

ಪರಿಸರನ್ ಒರಿಪಾವುನ ಜಾಗೃತಿ ಪೊಲಬುನ್ ಜೋಕುಲೆಗ್ ಬೊಕ್ಕ ಪೋಷಕೆರೆಗ್ ಕೊರಿಯೆರ್.

ಈ ಪೊರ್ತುಡು ಲೇಸ್ ಡ್ ‘ಶ್ರಾವ್ಯ’ ಸ್ತ್ರೀ ಶಕ್ತಿ ಗುಂಪುದ ಸದಸ್ಯೆರ್, ಬಾಲವಿಕಾಸ ಸಮಿತಿದ ಅಧ್ಯಕ್ಷೆರ್ ಪ್ರತಿಮಾ, ಬೊಕ್ಕ ಸದಸ್ಯೆರ್ ಪ್ರೇಮ ರೈ, ವನಿತವಾಣಿ, ಸೆವ್ರಿನ್, ಅಂಗನವಾಡಿ ಕಾರ್ಯಕರ್ತೆ ಪ್ರಿಯಾ, ಸಹಾಯಕಿ ಅನ್ಸಿಲ್ಲಾ ರೋಶ್ನ ಬೊಕ್ಕ ಅಕ್ಷತ್ ರೈ, ಹೊನ್ನಪ್ಪ ಇತ್ತೆರ್.

June 11 th: Navodaya Kalaranga Mumbai – Annual celebration and ” Uray Gathi” play to be presented ಜೂ.11: ನವೋದಯ ಕಲಾರಂಗ ಬೊಂಬೈ (ರಿ.) ವಾರ್ಷಿಕ ಉಚ್ಚಯ, “ಊರೇ ಗತಿ” ನಾಟಕ

ನವೋದಯ ಕಲಾರಂಗ ಬೊಂಬೈ (ರಿ.) ನೆತ್ತ 36 ನೇ ವಾರ್ಷಿಕ ಉಚ್ಚಯ ಜೂ.11 ಐತಾರ ಮಧ್ಯಾಹ್ನ 3 ಗಂಟೆಗ್ ಬೊಂಬೈದ ಸಾಂತಾಕ್ರಾಸ್ ಪೂರ್ವದ ಬಿಲ್ಲವ ಭವನಡ್ ಶ್ರೀ  ಗುರು ನಾರಾಯಣ ಸಭಾಂಗಣಡ್  ನಡಪರೆ ಉಂಡು.

ಈ ಪೊರ್ತುಡು ಪುಗರ್ತೆದ ರಂಗ ಕರ್ಮಿ ದಿ. ಕೆ.ಕೆ ಸುವರ್ಣ ವೇದಿಕೆಡ್ “ಊರೇ ಗತಿ” ತುಳು ನಾಟಕ ನಡಪರೆ ಉಂಡು.

ಈ ಲೇಸ್ ಗ್ ಘನ್ ಸೋಲಿ ಶ್ರೀ ಮೂಕಾಂಬಿಕಾ ದೇವಲ್ಯದ ಧರ್ಮದರ್ಶಿ ಅಣ್ಣಿ ಸಿ.ಶೆಟ್ಟಿ ಮೇರ್
ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಈ ಲೇಸ್ ದ ಗುರ್ಕಾರ್ಮೆನ್ ಸಾಯಿ ಕೇರ್ ಲಾಜಿಸ್ಟಿಕ್ಸ್ ದ ಡೈರೆಕ್ಟರ್ ಸುರೇಂದ್ರ ಎ. ಪೂಜಾರಿ ಒಯಿಸೊನ್ವೆರ್.

ಮಲ್ಲ ಬಿನ್ನೆರಾದ್ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ರಾಜಶೇಖರ ಕೋಟ್ಯಾನ್, ಉಪಾಧ್ಯಕ್ಷೆರ್ ಸೂರ್ಯಕಾಂತ್ ಜೆ ಸುವರ್ಣ, ಬೊಂಬೈ ಸಫಲ್ಯ ಸೇವಾ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ ಸಫಲ್ಯ, ಕೆಮಿಕಲ್ ವರ್ಕರ್ಸ್, ಇಂಜಿನಿಯರಿಂಗ್ ವರ್ಕರ್ಸ್ ಅಸೋಸಿಯೇಷನ್ ​​(INTUC)ದ ಪ್ರಧಾನ ಕಾರ್ಯದರ್ಶಿ ಮಹೇಶ್ ಆರ್. ಕರ್ಕೇರ, ವಿರಾರ್ ನಾಲಸೋಪಾರ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಸದಾಶಿವ ಎ ಕರ್ಕೇರ, ಸೈಂಟ್ ಏಂಜಸ್ ಹೈಸ್ಕೂಲ್ ದ ಅಧ್ಯಕ್ಷೆರ್ , ಕರ್ನಾಟಕ ಮಹಾ ಮಂಡಲದ ಗೌರವಾಧ್ಯಕ್ಷೆರ್, ಮೆಹ್ತಾ ಹೈಸ್ಕೂಲ್ ಮೀರಾ ರೋಡ್ ಅಧ್ಯಕ್ಷೆರ್ ಅರುಣೋದಯ ರೈ, ಭಿವಂಡಿ, ಪೂಜಾರಿ ಟ್ರಾವೆಲ್ಸ್ ದ ರಾಜೇಶ್ ಪೂಜಾರಿ, ಉದ್ಯಮಿ, ಸಮಾಜ ಸೇವಕೆರ್ ದಯಾನಂದ ಎನ್. ಪೂಜಾರಿ ಕೌಡೂರು, ನವಿ ಬೊಂಬೈ ಬಿಲ್ಲವಾ ಅಸೋಸಿಯೇಷನ್ ಉಪಾಧ್ಯಕ್ಷೆರ್ ಕೃಷ್ಣ ಪೂಜಾರಿ, ಸಾಮಾಜಿಕ ಬೊಕ್ಕ ಧಾರ್ಮಿಕ ಸಮಿತಿದ ಕಾರ್ಯದರ್ಶಿ ಕೇಶವ ಎಸ್ ಪೂಜಾರಿ, ಬೊಂಬೈ ಅಭಿನಯ ಮಂಟಪದ ಅಧ್ಯಕ್ಷೆರ್ ಬಾಲಕೃಷ್ಣ ಶೆಟ್ಟಿ, ತುಳು ಕನ್ನಡ ಕ್ಷೇಮಾಭಿವೃದ್ಧಿ ಸಂಘ, ಖಮೋತೆ ಕಾರ್ಯದರ್ಶಿ ಸುಜಿತ್ ಪೂಜಾರಿ ಬರಿಯೆರೆ ಉಲ್ಲೆರ್.

ಅಂಚೆನೆ ಈ ಲೇಸ್ ಡ್ ಬೊಂಬೈ ಬಂಟ್ಸ್ ಅಸೋಸಿಯೇಷನ್ ದ ಮಾಜಿ ಅಧ್ಯಕ್ಷೆರ್ ಶ್ಯಾಮ್ ಶೆಟ್ಟಿ, ದಹಿಸರ್ ಸರ್ವೋದಯ ಸಮೂಹ ಸಂಸ್ಥೆದ ನಿರ್ದೇಶಕೆರ್ ಶೇಖರ್ ಪಿ ಶೆಟ್ಟಿ ಮೆರೆಗ್ ಮಾನಾದಿಗೆ ನಡಪರೆ ಉಂಡು.

ಬೊಕ್ಕ ರಂಗ ಕಲಾವಿದೆರಾಯಿನ ಯಶವಂತ್ ಟಿ. ಅಮೀನ್ ಬೊಕ್ಕ ಸತ್ಯಭಾಮಾ ಪಿ. ಕರ್ಕೇರ ಮೊಕ್ಲೆಗ್ ತಮ್ಮನ ನಡಪರೆ ಉಂಡು.

ಸಚಿನ್ ಪೂಜಾರಿ (ಭಿವಂಡಿ), ಅಧ್ಯಕ್ಷೆರ್ ಮನೋಹರ ಶೆಟ್ಟಿ ನಂದಳಿಕೆ, ಪ್ರಧಾನ ಕಾರ್ಯದರ್ಶಿ ಅಶೋಕ್ ಕುಕ್ಯಾನ್ ಸಸಿಹಿತ್ಲು, ಖಜಾಂಚಿ ಚಂದ್ರಕಾಂತ್ ಸಾಲಿಯಾನ್ ಸಸಿಹಿತ್ಲು ಮೊಕುಲು ಈ ಲೇಸ್ ನ್ ನಡಪಾದ್ ಕೊರ್ಪೆರ್ ಪಂದ್ ಉಪಾಧ್ಯಕ್ಷೆರ್ ವೆಂಕಟೇಶ್ ಕಾಂಚನ್, ಜಂಟಿ ಕಾರ್ಯದರ್ಶಿ ಸುರೇಶ್ ಇರ್ವತ್ತೂರು, ಜಂಟಿ ಖಜಾಂಚಿ ಪ್ರತಿಮಾ ಬಂಗೇರ ಬೊಕ್ಕ ನವೋದಯ ಕಲಾ ರಂಗ ಬೊಂಬೈದ ಮಹಿಳಾ ವಿಭಾಗದ ಮಾತ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

June 11 th: Navodaya Kalaranga Mumbai – Annual celebration and
” Uray Gathi” play to be presented

Navodaya Kalaranga Mumbai will host it’s 36 th annual program on June 11 th at Billava Bavan Santacruz.

The program will have blessings by Anni C Shetty ‘ Dharmadarshi ‘ of Sri Mookambika temple Ghansoli. The program will be presided by Surendra Poojary of Sai Care Logistics.

ಜೂ. 11 ಕ್ಕ್ ದುಬೈಡ್ “ವಿಶ್ವ ಪಟ್ಲ ಸಂಭ್ರಮ”: “ದಶಾವತಾರ” ಯಕ್ಷಗಾನ ಪ್ರದರ್ಶನ

ದುಬೈ: ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇ ಬೊಕ್ಕ ಯಕ್ಷದ್ರುವ ಪಟ್ಲ ಫೌಂಡೇಷನ್ ದುಬೈ ಘಟಕದ ವತಿರ್ದ್ “ದುಬೈ ಯಕ್ಷೋತ್ಸವ-2023-ವಿಶ್ವ ಪಟ್ಲ ಸಂಭ್ರಮ” ಜೂನ್‌ 11 ಕ್ಕ್ ದುಬೈಡ್ ನಡಪರೆ ಉಂಡು.

ಪೇಂಟೆದ ಕರಾಮ ಇಂಡಿಯನ್ ಸ್ಕೂಲ್‌ ದ ಶೇಖ್ ರಷೀದ್ ಸಭಾಂಗಣಡ್ ಜೂನ್ 11 ಕ್ಕ್ ಮಧ್ಯಾಹ್ನ 2 ಗಂಟೆರ್ದ್ ವಿಶ್ವಡ್ ಇಪ್ಪುನ ಪಟ್ಲ ಪೌಂಡೇಷನ್ ದ 38 ಘಟಕದ ಪದಾಧಿಕಾರಿಲೆನ ಸಮ್ಮುಖಡ್ “ವಿಶ್ವ ಪಟ್ಲ ಸಂಭ್ರಮ” ನಡಪರೆ ಉಂಡು. ‌

ಯಕ್ಷಶ್ರೀ ರಕ್ಷ ಗೌರವ

ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇ ಮೊಕುಲು ದುಬೈ ಬೊಕ್ಕ ಅಪ್ಪೆನಾಡ್ ದ ಯಕ್ಷಗಾನ ರಂಗದ ಸಾಧಕೆರೊರಿಯನ್ ಗುರುತಿಸಾದ್ ಕೊರ್ಪಿನ “ಯಕ್ಷಶ್ರೀ ರಕ್ಷಾ ಗೌರವ” ಪ್ರಶಸ್ತಿನ್ ಕಲಾವಿದೆರಾಯಿನ ಪಟ್ಲಗುತ್ತು ಮಹಾಬಲ ಶೆಟ್ಟಿ ಮೆರೆಗ್ ಗಣ್ಯೆರೆನ ಸಮ್ಮುಖಡ್ ಕೊರಿಯೆರೆ ಉಂಡು.

ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಪಟ್ಲ ಪೌಂಡೇಷನ್ ಕೇಂದ್ರ ಘಟಕದ ಗೌರವಾಧ್ಯಕ್ಷೆರ್ ಉದ್ಯಮಿ ಸದಾಶಿವ ಶೆಟ್ಟಿ ಕುಳೂರು ಕನ್ಯಾನ, ಘಟಕದ ಪ್ರಧಾನ ಸಂಚಾಲಕೆರ್ ಶಶಿಧರ ಶೆಟ್ಟಿ ಬರೋಡ, ಐಕಳ ಹರೀಶ್ ಶೆಟ್ಟಿ, ಪಟ್ಲ ಘಟಕ ಯುಎಇದ ಗೌರವಾಧ್ಯಕ್ಷೆರ್ ಪುತ್ತಿಗೆ ವಾಸುದೇವ ಭಟ್, ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ, ಭೀಮ ಜ್ಯುವೆಲ್ಲರ್ಸ್ ದ ಯು. ನಾಗರಾಜ ರಾವ್, ಉದ್ಯಮಿ ಆಯಿನ ಪ್ರವೀಣ್ ಕುಮಾರ್ ಶೆಟ್ಟಿ ವಕ್ವಾಡಿ, ಹರೀಶ್ ಶೇರಿಗಾರ್, ಬಿಲ್ಲವಾಸ್ ದ ಪ್ರಭಾಕರ್ ಸುವರ್ಣ ಮೇರ್ ಬರಿಯೆರೆ ಉಲ್ಲೆರ್.

“ದಶಾವತಾರ” ಯಕ್ಷಗಾನ ಪ್ರದರ್ಶನ

ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಆಜಿ ವರ್ಷದ ಬಾಲ ಕಲಾವಿದೆರ್ದ್ ಬತ್ತಿನ 60 ವರ್ಷದ ಕಲಾವಿದೆರ್ ಬೊಕ್ಕ ಊರುದ ಪುಗರ್ತೆದ ಹಿಮ್ಮೆಳ ಕಲಾವಿದೆರೆನ ಒಟ್ಟುಸೇರಿಗೆಡ್ “ದಶಾವತಾರ” ಯಕ್ಷಗಾನ ಪ್ರದರ್ಶನ ಆಯೆರೆ ಉಂಡು.

ಈ ಯಕ್ಷಗಾನ ಪ್ರದರ್ಶನಡ್ ದುಬೈ ಯಕ್ಷಗಾನಡೇ ದಾಖಲೆದ 109 ಪಾತ್ರಧಾರಿಲು, ಇಸೇಸ ದೃಶ್ಯ- ಬೊಲ್ಪುದ ಸಂಯೋಜನೆ ಬೊಕ್ಕ ಏಕಕಾಲಡ್ ರಂಗಡ್ 10-20 ಪಾತ್ರದ ಇಸೇಸ ದೃಶ್ಯ ಸಂಯೋಜನೆದೊಟ್ಟಿಗೆ ದಶಾವತಾರ ಪ್ರಸಂಗ ಪ್ರದರ್ಶನ ಆವರೆ ಉಂಡು.

ಅಪ್ಪೆ ಊರುದ ಇಸೇಸ ಅತಿಥಿ ಕಲಾವಿದೆರಾದ್ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ಗಾನಸುರಭಿ ರವಿಚಂದ್ರ ಕನ್ನಡಿಕಟ್ಟೆ ಭಾಗವತೆರಾದ್ ಯುಎಇದ ಯಕ್ಷಾಭಿಮಾನಿಲೆನ್ ರಂಜನೆ ಮಲ್ಪೆರೆ ಉಲ್ಲೆರ್. ಚೆಂಡೆ- ಮದ್ದಲೆಡ್ ಪದ್ಮನಾಭ ಉಪಾಧ್ಯಾಯ, ಚೈತನ್ಯ ಕೃಷ್ಣ ಪದ್ಯಾಣ, ವಸ್ತ್ರ ಅಲಂಕಾರಡ್ ಗಂಗಾಧರ ಶೆಟ್ಟಿಗಾರ್ ಕಿನ್ನಿಗೋಳಿ, ನಿತಿನ್ ಕುಂಪಲ, ಮನೋಜ್ ಶೆಟ್ಟಿಗಾರ್ ಹಳೆಯಂಗಡಿ ಮೇರ್ ಪಾಲ್ ಪಡೆಯೆರೆ ಉಲ್ಲೆರ್.

ಬೊಕ್ಕ ಯುಎಇದ ಕಲಾವಿದೆರಾದ್ ಅಕ್ಷಯ ಭಟ್ ಎಲ್ಲೂರು, ಅಥರ್ವ್ ವಸಂತ ಶೆಟ್ಟಿ, ಅದಿತಿ ದಿನೇಶ್ ಶೆಟ್ಟಿ ಕೊಟ್ಟಿಂಜ, ಅನನ್ಯ ವೇದವ್ಯಾಸ, ಅರುಂಧತಿ ಮನೋಹರ್ ಪದ್ಮಶಾಲಿ, ಆದಿತ್ಯ ದಿನೇಶ್ ಶೆಟ್ಟಿ ಕೊಟ್ಟಿಂಜ, ಆನಂದ ಸಾಲ್ಯಾನ್ ಕಿನ್ನಿಗೋಳಿ, ಆರಾಧನ ಭಟ್ ಎಲ್ಲೂರು, ಆಶಿತ್ ಎ ರಾಯಿ, ಇಷಿತ ಶೇಖರ್ ಪೂಜಾರಿ, ಐಶಾನಿ ದೀಪಕ್ ಕುಮಾರ್, ಕಾರ್ತಿಕ್ ಪ್ರಶಾಂತ್ ಆಚಾರ್ಯ, ಕಿಶನ್ ಪೂಜಾರಿ, ಕೃಷ್ಣಪ್ರಸಾದ್ ರಾವ್ ಸುರತ್ಕಲ್, ಗಿರೀಶ್ ನಾರಾಯಣ ಕಾಟಿಪಳ್ಳ, ಚರಣ್ ರಾಜ್ ಅರ್ಲಪದವು, ಜೀವನ್ ಕ್ರಾಸ್ತ ಪುತ್ತೂರು, ದಿಯ ಕಿರಣ್ ಕದ್ರಿ, ದಿಯಾ ಗೋಹನ್ ವಲ್ಲಬನ್, ದಿಶಾ ಕಿರಣ್ ಕದ್ರಿ, ನಯೋಮಿ ಸಾಯಿನಾಥ್ ಶೆಟ್ಟಿ, ನೀಲೆಶ್ ನಾರಾಯಣ ಶೆಟ್ಟಿ, ಪ್ರಭಾಕರ ಡಿ.ಸುವರ್ಣ ಕರ್ನಿರೆ, ಪ್ರಿಶಾ ಸಂತೋಷ್ ಶೆಟ್ಟಿ, ಪ್ರಿಶಾ ಸೀತಾರಾಮ ಶೆಟ್ಟಿ, ಬಾಲಕೃಷ್ಣ ಡಿ.ಶೆಟ್ಟಿಗಾರ್ ಕಿನ್ನಿಗೋಳಿ, ಭವನಿಶಂಕರ ಶರ್ಮ, ಭಾಸ್ಕರ ಸಾಲ್ಯಾನ್ ಐಕಳ, ಮಹೇಶ್ ಮಣಿಪಾಲ, ಯಜ್ವಿನ್ ನಾಗಪ್ಪ ಗೌಡ, ಯಶಸ್ವಿ ಶೇಖರ್ ಪೂಜಾರಿ, ರತಿಕಾ ರತೀಶ್ ಕುಮಾರ್, ರವಿಂದ್ರ ಕುಕ್ಯಾನ್ ಹೊಸಬೆಟ್ಟು, ವಿದಾತ್ರಿ ಕೃಷ್ಣಪ್ರಸಾದ್ ಸುರತ್ಕಲ್, ವೆಂಕಟೇಶ ಶಾಸ್ತ್ರಿ ಪುತ್ತಿಗೆ, ವೈಷ್ಣವಿ ಮನೋಹರ್ ಪದ್ಮಶಾಲಿ, ಶರಣ್ಯ ಭಾಸ್ಕರ ಸಾಲ್ಯಾನ್, ಶರಣ್ಯ ವೇದವ್ಯಾಸ, ಶರತ್ ಕುಡ್ಲ, ಶೇಖರ್ ಡಿ.ಶೆಟ್ಟಿಗಾರ್ ಕಿನ್ನಿಗೋಳಿ, ಶೈವಿ ಪ್ರಭಾಕರ್ ಪೂಜಾರಿ, ಶ್ರಿನಿಕಾ ರಮಾನಂದ ಶೆಟ್ಟಿ, ಶ್ರೀಶ ಪ್ರಭಾಕರ ಪೂಜಾರಿ, ಶ್ರೀಶ್ ವಿಜಯ ಆಚಾರ್ಯ, ಸತೀಶ ಶೆಟ್ಟಿಗಾರ್ ವಿಟ್ಲ, ಸಮಂತ ಗಿರೀಶ್ ಕಾಟಿಪಳ್ಳ, ಸಾಗರ್ ಆಚಾರ್ಯ, ಸಾತ್ವಿ ನಿತ್ಯಾನಂದ ಶೆಟ್ಟಿ, ಸಾತ್ವಿಕ್ ಕೊಂಚಾಡಿ, ಸಾನ್ವಿ ನಿತ್ಯಾನಂದ ಶೆಟ್ಟಿ, ಸಾನ್ವಿ ಮೋಹನ್ ಗುಜರನ್, ಸೀತಾರಾಮ ಶೆಟ್ಟಿ, ಸುಚಿತ್ರ ಕೊಕ್ಕಡ, ಸೌಜನ್ಯ ಪ್ರಭಾಕರ ಶೆಟ್ಟಿ, ಸೌರಭ್ ಭಾಸ್ಕರ ಸಾಲ್ಯಾನ್, ಸ್ವಾತಿ ಶರತ್ ಸರಳಾಯ ರಂಗಡ್ ಮೆನ್ಕೆರೆ ಉಲ್ಲೆರ್.

ಅಂಚೆನೆ ರಂಗಸ್ಥಳಟ್ಟ್ ಭಾಸ್ಕರ್ ಪೂಜಾರಿ ನೀರುಮಾರ್ಗ, ಪ್ರಭಾಕರ್ ಪೂಜಾರಿ, ಸೌಮ್ಯ ಭಾಸ್ಕರ್ ಸಾಲ್ಯಾನ್, ಅಮೃತ ಪ್ರಭಾಕರ್ ಪೂಜಾರಿ, ನೈಪಥ್ಯ ವಿಭಾಗಡ್ ಸುಕನ್ಯಾ ಪ್ರತಿಮ ಸಾಯಿನಾಥ ಶೆಟ್ಟಿ, ಸುಜಯ ವಿಜಯ ಆಚಾರ್ಯ, ಸುಕನ್ಯ ವೇದವ್ಯಾಸ ಕಾಮತ್, ಶೈಲಜಾ ನಿತ್ಯಾನಂದ ಶೆಟ್ಟಿ, ವಸ್ತ್ರಾಲಂಕಾರಡ್ ನಿತಿನ್ ಶೆಟ್ಟಿಗಾರ್ ಕುಂಜಿಗಿರಿ ಮೇರ್ ಸಹಕಾರ ಮಲ್ಪೆರೆ ಉಲ್ಲೆರ್. ಕೊಟ್ಟಿಂಜ ದಿನೇಶ್ ಶೆಟ್ಟಿ ಮೆರೆನ ಸಂಯೋಜನೆಡ್ ಪ್ರಸಂಗದ ನಿರ್ದೇಶನನ್ ಶೇಖರ್ ಡಿ.ಶೆಟ್ಟಿಗಾರ್ ಬೊಕ್ಕ ಶರತ್ ಕುಡ್ಲ ಮೇರ್ ಮಲ್ಪೆರೆ ಉಲ್ಲೆರ್. ‌

ಪ್ರದರ್ಶನದ ವೈಶಿಷ್ಟ್ಯಲು

*ಪೂರ್ವರಂಗಡ್ ಗಣಪತಿ ಕೌತುಕ,
*ಕಡಲ್ ದ ನಡುರ್ದ್ ಲಕ್ಕ್ ದ್ ಬರ್ಪಿನ ಮೀನ್,
*ಹಿರಣ್ಯಾಕ್ಷನ ಅಟ್ಟಹಾಸ ಉಂತಾಯೆರೆ ರಸಾತಳರ್ದ್ ಲಕ್ಕ್ ದ್ ಬರ್ಪಿನ ಶ್ವೇತವರಾಹ,
*ಹಿರಣ್ಯ ಕಶ್ಯಪನ ಭವ್ಯ ಅರಮನೆತ್ತ ವಜ್ರಕಂಬನ್ ಪುಡಾತ್ ದ್ ಬಿಂಬ ತೊಜಪಾವುನ ಉಗ್ರನರಸಿಂಹ,
*ಇಸೇಸ ಸೆಟ್ಟಿಂಗ್ ಡ್ ಏಕಕಾಲಡ್ ರಂಗಡ್ 20 ವೇಷದೊಟ್ಟಿಗೆ ದೇವ ದಾನವೆರೆನ ಸಮುದ್ರಮಥನ- ಯಕ್ಷರಂಗಡೇ ಪೊಸತಾದ್ ಸಂಯೋಜನೆ ಮಲ್ತಿನ ಮಂದರಾದ್ರಿನ್ ದೆರ್ಪುನ ಕೂರ್ಮನ ವೇಷ
*ಬಲಿನ್ ಪಾತಾಳಗ್ ಪಾಡುನ ವಾಮನ- ತ್ರಿವಿಕ್ರಮ ಆದ್ ಪ್ರಕಟ ಆಪಿನ ಇಸೇಸ ದೃಶ್ಯ,
*ಸಹಸ್ರಬಾಹು- ಕಾರ್ತವೀರ್ಯಾರ್ಜುನನ್ ಮೋಕ್ಷ ಕರುಣಿಸಾಯೆರೆ, ಪರಶುರಾಮೆಯಾದ್ ಹರಿ ಪ್ರಕಟ ಅವೆರೆ,
*ಸೀತಾಪಹಾರ ಮಲ್ತಿನ ದುರುಳ ಆಂಡಲ ಶಿವಭಕ್ತೆ ರಾವಣನ್ ಶ್ರೀರಾಮನ ವಿಶ್ವರೂಪ ದರ್ಶನ,
*ಅಗ್ರಪೂಜಾ ವ್ಯತಿಕರಡ್ ಶಿಶುಪಾಲ- ಅನುಚರೆರೆನ ದೌರ್ಷ್ಯಕ್ಕೆ ಶ್ರೀಕೃಷ್ಣರ್ದ್ ದಿವ್ಯೌಷದ.
*ಬುದ್ಧ- ಕಲ್ಕಿ ಅವತಾರದ ದರ್ಶನ-ದಶಾವತಾರ- ಶ್ರೀ ವಿಷ್ಣುನ್ ಸಹಸ್ರನಾಮಾರ್ದ್ ಪೂಜೆ ಮಲ್ತ್ ದ್ ಕೃಪೆಗ್ ಪಾತ್ರರಾಪಿನ ಸದವಕಾಶ ಉಂಡು.

1500 ಆಸನ ಇಪ್ಪುನ ದುಬೈದ ಶೇಖ್ ರಷೀದ್ ಸಭಾಂಗಣಡ್ ಇತ್ತೆನೇ ಕೆಲವೇ ಕೆಲವು ಟಿಕೆಟ್ ಲು ಬಾಕಿ ಇಪ್ಪುನೆರ್ದ್ “ವಿಶ್ವ ಪಟ್ಲ ಸಂಭ್ರಮ” ದ ಗೌಜಿನ್ ತೂವೆರೆ ಇಷ್ಟ ಇತ್ತಿನಕುಲು ಈ ನಂಬರ್ ಗ್ ಸಂಪರ್ಕ ಮಲ್ಪೊಲಿ.0507083537,0529157825,0553912535

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

A bridge being built at a cost of 1700 crore rupees in Bihar collapses ಬಿಹಾರಡ್ 1700 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆವೊಂದು ಇಪ್ಪುನ ಸಂಕ ಬೂರುಂಡು

ಬಿಹಾರಡ್ 1700 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆವೊಂದು ಇಪ್ಪುನ ಭಾಗಲ್ಪುರದ ಅಗುವಾನಿ-ಸುಲ್ತಂಗಂಜ್ ಸಂಕ ಇನಿ ಗಂಗಾಸುದೆಕ್ಕ್ ಬೂರ್ದುಂಡು.

ಒವ್ವೇ ತೊಂದರೆ ಆತಿಜಿ ಪಂದ್ ತೆರಿದ್ ಬೈದ್ಂಡ್. ಈ ಸಂಕಗ್ ಕೆಸರ್ ಕಲ್ಲ್ ನ್ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಮೇರ್ 2015 ಟ್ಟ್ ಪಾಡಿಯೆರ್. 8 ವರ್ಷ ಕರಿಂಡಲ ಕಾಮಗಾರಿ ಪೂರ್ಣ ಆತಿಜಿ. ಸಂಕ ಬೂರುನೇ ಉಂದು ರಡ್ಡನೇ ಸರ್ತಿ ಅತ್ಂಡ್. 2022ಟ್ಟ್ ಸಂಕದ ಒಂಜಿ ಭಾಗ ತುದೆಕ್ಕ್ ಬೂರ್ದುಂಡು.

A bridge being built at a cost of 1700 crore rupees in Bihar collapses

The bridge being built at Bhagalpur ; Aguvani – Sultanganj bridge collapsed on the Ganga river. No harm to life has been reported.

Jayashri Krishna Environmental conservation Samithi – Celebrate the 94 th birth anniversary of leader George Fernandes – organise Awards ceremony ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿರ್ದ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆ, ಪ್ರಶಸ್ತಿ ಕೊರ್ಪಿನ ಲೇಸ್

ಕುಡ್ಲ ಇಮಾನ ನಿಲ್ದಾಣಗ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ದೀದ್ ಗೌರವ ಕೊರೊಡು : ತೋನ್ಸೆ ಜಯಕೃಷ್ಣ ಶೆಟ್ಟಿ

ಬೊಂಬೈ: ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಕೂಟದ ಮೂಲ ಉದ್ದೇಶ ಪರಿಸರ ರಕ್ಷಣೆ, ಜತೆಟ್ಟ್ ಕೈಗಾರಿಕೋದ್ಯಮಗ್ ಪ್ರಾಶಸ್ತ್ಯ ಕೊರ್ಪಿನಿ. ಅರಣ್ಯ ರಕ್ಷಣೆ ಮಲ್ಪುನ ಸಂತಗ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆದಾನಿ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಮಲ್ಪೆರೆ ಉಲ್ಲ. ರಾಜಕೀಯದ ಸಂತ ಪಂದ್ ಪುದರ್ ಪಡೆಯಿನ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ಅಂತಾರಾಷ್ಟ್ರೀಯ ಮಟ್ಟಡ್ ನೆಂಪು ದೀಪುಲೆಕ್ಕ ಆವಡ್, ರಾಜ್ಯದ ಮತ ಜನನಾಯಕೆರ್ ಪಕ್ಷ ಭೇದ ಇಜ್ಜಂದೆ ಕುಡ್ಲ ಇಮಾನ ನಿಲ್ಧಾಣಗ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ದೀವಡ್ ಪಂದ್ ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಶೆಟ್ಟಿ ಮೇರ್ ಪಂಡೆರ್.

ಜೂ.3 ಕ್ಕ್ ರಂಜನಿ ಸುಧಾಕರ ಹೆಗ್ಡೆ ಸಭಾಗೃಹ, ಬಂಟರ ಭವನ ಅನೆಕ್ಸ್ ಹಾಲ್, ಕುರ್ಲಾ ಪೂರ್ವ ಬೊಂಬೈ ಮುಲ್ಪ ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿರ್ದ್ ನಡತಿನ ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆ ಬೊಕ್ಕ ಪ್ರಶಸ್ತಿ ಪ್ರಧಾನ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರ್ದ್ ಮೇರ್, ಕರಾವಳಿ ಜಿಲ್ಲೆಡ್ ಪರಸರ ರಕ್ಷಣೆದೊಟ್ಟಿಗೆ ಕೈಗಾರಿಕೋದ್ಯಮಗ್ ಅವಕಾಶ ಕೊರಿಯೆರೆ ಕೇಂದ್ರ ಬೊಕ್ಕ ರಾಜ್ಯ ಸರಕಾರ ನನ ಎಚ್ಚ ಪ್ರಾಧಾನ್ಯತೆ ಕೊರೊಡು. 22 ವರ್ಷೊದಿಂಚ ಸಮಿತಿ ಉಭಯ ಜಿಲ್ಲೆಡ್ ಅಭಿವೃದ್ದಿದೊಟ್ಟಿಗೆ ಉದ್ಯಮಲು ಸ್ಥಾಪನೆ ಆವೊಡು ಪಂದ್ ಬೆಂದಿನ ಬಗ್ಗೆ ಮಾತೆರೆಗ್ಲ ತೆರಿನ ಸಂಗತಿ ಆತ್ಂಡ್. ಜನನಾಯಕೆರ್ ಒವ್ವೇ ಪಕ್ಷಡ್ ಇಪ್ಪಡ್ ಜಿಲ್ಲೆದ ಅಭಿವೃದ್ದಿಗ್ ಬದುಕ್ ನ್ ತ್ಯಾಗ ಮಲ್ತಿನ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ಶಾಶ್ವತವಾದಿಪ್ಪೊಡಾಂಡ ಜಿಲ್ಲೆದ ರಾಜಕೀಯ ನಾಯಕೆರ್ ಬೆನೊಡು ಬೊಕ್ಕ ಅಯಿತ್ತೊಟ್ಟಿಗೆ ಸಮಿತಲ ಕೈಜೋಡಿಸಾವೊಡು. 21ನೇ ಶತಮಾನದಡೆಗ್ ದುಂಬಾರಿವೊಂದು ಇಪ್ಪುನ ನಮ ಅಭಿವೃದ್ದಿಯೇ ನಮ್ಮ ಗುರಿ ಆದಿಪ್ಪೊಡು. ಇತ್ತೆದ ಸರಕಾರ ಕರಾವಳಿ ಕರ್ನಾಟಕದ ಅಭಿವೃದ್ದಿಗ್ ಪ್ರಾಮುಖ್ಯತೆನ್ ಕೊರ್ಪಿನ ಮುಖೇನ ಪ್ರವಾಸಿ ಕೇಂದ್ರವಾದ್ ದೀವೊನೊಡು. ನಮ್ಮ ಜಿಲ್ಲೆಡ್ 22 ಸುಂದರವಾಯಿನ ಸುದೆ ಉಂಡು. ಆಯಿನ್ ಮುಖ್ಯ ಉದ್ದೇಶವಾದ್ ದೀದ್ ಜಿಲ್ಲೆನ್ ಪ್ರವಾಸಿ ಕೇಂದ್ರವಾದ್ ಮಲ್ಪೆರೆ ಸರಕಾರ ಬೆನೊಡು. ಜಿಲ್ಲೆಡ್ ಮೆಟ್ರೋ ರೈಲ್ ಲು ಸಂಚಾರ ಮಲ್ಪೊಡು. ನೆನ್ ರಾಜ್ಯ ಬೊಕ್ಕ ಕೇಂದ್ರ ಸರಕಾರ ಗಮನಡ್ ದೀವೊನೊಡು. ನಮ್ಮ ಸಮಿತಿ ಕೈಕೊರ್ಪಿನ ಮತ ಅಭಿವೃದ್ದಿ ಬೇಲೆನ್ ಕಾರ್ಯರೂಪಗ್ ನಮ ಕನವೊಡು ಪಂದ್ ಪಂಡೆರ್.

ಪ್ರಶಸ್ತಿ ಪ್ರದಾನ ಲೇಸ್ ನ್ ಉತ್ತರ ಬೊಂಬೈ ಸಂಸದೆರ್ ಗೋಪಾಲ ಶೆಟ್ಟಿ ಮೇರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ಚಾವಡಿಡ್ ಮಲ್ಲ ಬಿನ್ನೆರಾದ್ ಸಮಿತಿದ ಜಿಲ್ಲೆದ ಉಪಾಧ್ಯಕ್ಷೆರ್ ಪೆರಿಯ ರಾಜಕಾರಿಣಿ ಜಗದೀಶ್ ಅಧಿಕಾರಿ, ಕಾಪು ಕ್ಷೇತ್ರದ ಶಾಸಕೆರ್ ಸುರೇಶ್ ಶೆಟ್ಟಿ ಗುರ್ಮೆ, ಎಐಸಿಸಿ ಕಾರ್ಯದರ್ಶಿ ಐವನ್ ಡಿ’ಸೋಜಾ, ಮಾಜಿ ಎಂಎಲ್‌ಸಿ, ಕರ್ನಾಟಕ ಬಿಜೆಪಿದ ವಕ್ತಾರೆರ್ ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್, ತುಂಗಾ ಗ್ರೂಪ್ ಆಫ್ ಹೋಟೆಲ್, ಸಿಎಂ ಡಿ ಸುಧಾಕರ ಎಸ್ ಹೆಗ್ಡೆ, ಪ್ರಶಸ್ತಿ ಸಮಿತಿದ ಸಂಚಾಲಕೆರ್ ಡಾ. ಆರ್. ಕೆ. ಶೆಟ್ಟಿ, ಗೌರವ ಪ್ರಧಾನ ಕಾರ್ಯದರ್ಶಿ ಮುಂಡ್ಕೂರು ಸುರೇಂದ್ರ ಸಾಲ್ಯಾನ್, ಕೋಶಾಧಿಕಾರಿ ತುಳಸಿದಾಸ್ ಅಮೀನ್ ಇತ್ತೆರ್.

ಈ ಪೊರ್ತುಡು ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆದ ಲೆಕ್ಕೊಡು ಅರಣ್ಯ ಸೃಷ್ಟಿಕರ್ತೆರ್ ಭಾರತದ “ಗ್ರೀನ್ ಹೀರೋ” ಪಂದೇ ಪುಗರ್ತೆ ಪಡೆಯಿನ ಡಾ. ರಾಧಾಕೃಷ್ಣ ನಾಯರ್ ಮೆರೆಗ್ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಮಲ್ತೆರ್.

ಅಭಿನಂದನಾ ಪಾತೆರನ್ ಪತ್ರಕರ್ತೆ ದಯಾ ಸಾಗರ್ ಚೌಟ ಪಾತೆರಿಯೆರ್. ಪೆರಿಯ ಸಾಹಿತಿ ಡಾ. ಸುನಿತಾ ಶೆಟ್ಟಿ ಮೇರ್ ಸಂಸದೆರ್ ಗೋಪಾಲ ಶೆಟ್ಟಿ ಮೆರೆನ ಬಗ್ಗೆ ರಚನೆ ಮಲ್ತಿನ ಕಬಿತೆನ್ ಡಾ. ಸುರೇಂದ್ರ ಕುಮಾರ್ ಹೆಗ್ಡೆ ಓದಿಯೆರ್. ಬತ್ತಿ ಬಿನ್ನೆರೆನ್ ಡಾ.ಆರ್.ಕೆ ಶೆಟ್ಟಿ ಮೇರ್ ಎದ್ಕೊನಿಯೆರ್. ಸಮಿತಿದ ಉಪಾಧ್ಯಕ್ಷೆರ್ ನಿತ್ಯಾನಂದ ಡಿ. ಕೋಟ್ಯಾನ್ ಈ ಲೇಸ್ ನ್ ಸುಧಾರಿಕೆ ಮಲ್ತೆರ್. ಕಾರ್ಯದರ್ಶಿ ದೇವದಾಸ್ ಕುಲಾಲ ಅಬಾರ ಮೇರ್ ಮನ್ನಿಸಾಯೆರ್.

ಚಾವಡಿಡ್ ಇತ್ತಿನ ಗಣ್ಯೆರ್ ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಪ್ರಶಸ್ತಿ ಸಮಿತಿದ ಸಂಚಾಲಕೆರ್ ಡಾ. ಆರ್. ಕೆ. ಶೆಟ್ಟಿ, ಸಮಿತಿದ ಉಪಾಧ್ಯಕ್ಷೆರ್ ಧನಂಜಯ ಶೆಟ್ಟಿ, ನಿತ್ಯಾನಂದ ಡಿ.ಕೋಟ್ಯಾನ್, ಸಿಎ ಐ ಆರ್ ಶೆಟ್ಟಿ, ಹಿರಿಯಡ್ಕ ಮೋಹನ್ ದಾಸ್, ನ್ಯಾ ಆರ್‌.ಎಂ. ಭಂಡಾರಿ, ಗಿರೀಶ್ ಬಿ ಸಾಲ್ಯಾನ್, ಜಿತೇಂದ್ರ ಗೌಡ, ಗೌರವ ಪ್ರಧಾನ ಕಾರ್ಯದರ್ಶಿ ಮುಂಡ್ಕೂರು ಸುರೇಂದ್ರ ಸಾಲ್ಯಾನ್, ಕೋಶಾಧಿಕಾರಿ ತುಳಸಿದಾಸ್ ಅಮೀನ್, ಸಮಿತಿದ ಮಾಜಿ ಅಧ್ಯಕ್ಷೆರ್ ಎಡ್ವಕೇಟ್ ಪ್ರಕಾಶ್‌ ಎಲ್. ಶೆಟ್ಟಿ, ವಿಶ್ವನಾಥ್ ಮಾಡ, ಹರೀಶ್‌ ಕುಮಾರ್ ಶೆಟ್ಟಿ ಬೊಕ್ಕ ಜಿಲ್ಲೆದ ಉಪಾಧ್ಯಕ್ಷೆರ್ ಜಗದೀಶ್ ಅಧಿಕಾರಿಗ್ ಮಾನಾದಿಗೆ ಮಲ್ತೆರ್.

ಈ ಸಭೆಟ್ಟ್ ಬಂಟರ ಸಂಘ ಬೊಂಬೈದ ಅಧ್ಯಕ್ಷೆರ್ ಚಂದ್ರಹಾಸ ಕೆ ಶೆಟ್ಟಿ, ಮಹಿಳಾ ವಿಭಾಗದ ಮಾಜಿ ಕಾರ್ಯಾಧ್ಯಕ್ಷೆರ್ ರಂಜನಿ ಸುಧಾಕರ ಹೆಗ್ಡೆ, ಸಮಾಜ ಸೇವಕೆರ್ ಎರ್ಮಾಳ್ ಹರೀಶ್ ಶೆಟ್ಟಿ, ಬಾಂಬೆ ಬಂಟ್ಸ್ ಅಸೋಸಿಯೇಷನ್ ಅಧ್ಯಕ್ಷೆರ್ ಸಿಎ ಸುರೇಂದ್ರ ಶೆಟ್ಟಿ, ಬಿಲ್ಲವರ ಅಸೋಸಿಯೇಷನ್ ಅಧ್ಯಕ್ಷೆರ್ ಹರೀಶ್ ಜಿ ಅಮೀನ್, ಕುಲಾಲ ಸಂಘದ ಅಧ್ಯಕ್ಷೆರ್ ರಘು ಎ ಮೂಲ್ಯ ಪಾದೆಬೆಟ್ಟು, ಮೊಗವೀರ ವ್ಯವಸ್ಥಾಪಕ ಮಂಡಳಿದ ಅಧ್ಯಕ್ಷೆರ್ ಎಚ್ ಅರುಣ್ ಕುಮಾರ್, ಬಿಲ್ಲವ ಚೇಂಬರ್ ಆಫ್ ಕಾಮರ್ಸ್ ಆಂಡ್ ಇಂಡಸ್ಟ್ರೀಸ್‌ ಕಾರ್ಯಾಧ್ಯಕ್ಷೆರ್ ಎನ್ ಟಿ ಪೂಜಾರಿ, ಸಾಪಲ್ಯ ಸೇವಾ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ್ ಸಾಪಲ್ಯ, ದೇವಾಡಿಗ ಸಂಘದ ಅಧ್ಯಕ್ಷೆರ್ ಪ್ರವೀಣ್ ದೇವಾಡಿಗ, ಭಂಡಾರಿ ಸೇವಾ ಸಮಿತಿದ ಅಧ್ಯಕ್ಷೆರ್ ಪ್ರಭಾಕರ್ ಭಂಡಾರಿ, ಅಖಿಲ ಕರ್ನಾಟಕ ಜೈನ ಸಂಘದ ಅಧ್ಯಕ್ಷೆರ್ ಮುನಿರಾಜ್ ಜೈನ್, ಶ್ರೀ ರಜಕ ಸಂಘದ ಅಧ್ಯಕ್ಷೆರ್ ಸಿಎ ವಿಜಯಕುಂದರ್, ಜವಾಬ್ ದ ಅಧ್ಯಕ್ಷೆರ್ ರಮೇಶ್ ಕೆ ಶೆಟ್ಟಿ, ಇಂಡಿಯನ್ ಬಂಟ್ಸ್ ಚೇಂಬರ್ ಆಫ್ ಕಾಮರ್ಸ್ ದ ಕಾರ್ಯದರ್ಶಿ ಕೆ. ಶಿ. ಶೆಟ್ಟಿ, ಬಂಟ್ಸ್ ಲಾ ಪಾರ್ಮಾದ ಅಧ್ಯಕ್ಷೆರ್ ಪ್ರಭಾಕರ ಶೆಟ್ಟಿ, ಗಾಣಿಗ ಸಂಘದ ಅಧ್ಯಕ್ಷೆರ್ ಬಿ. ವಿ. ರಾವ್, ಪದ್ಮಶಾಲಿ ಸೇವಾ ಸಂಘದ ಅಧ್ಯಕ್ಷೆರ್ ಉತ್ತಮ್ ಶೆಟ್ಟಿಗಾರ್, ಜಿ ಎಸ್ ಬಿ ಸೇವಾ ಮಂಡಲದ ವಿಜಯಾ ಕಾಮತ್, ಅಂಧೇರಿ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಭಾಸ್ಕರ ಸುವರ್ಣ, ಬೇತೆ ಬೇತೆ ಜಾತಿದ ಸಂಘ-ಸಂಸ್ಥೆದ ಪದಾಧಿಕಾರಿಲು, ತುಳು ಕನ್ನಡ ಸಂಘ-ಸಂಸ್ಥೆದ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಗೌರವ ಕಾರ್ಯದರ್ಶಿ ಬಿ. ಮುನಿರಾಜ್ ಜೈನ್, ದೇವದಾಸ್ ಕುಲಾಲ್, ರವಿ ದೇವಾಡಿಗ, ಜತೆ ಕೋಶಾಧಿಕಾರಿ ಸದಾನಂದ ಆಚಾರ್ಯ ಬೊಕ್ಕ ತೋನ್ಸೆ ಸಂಜೀವ ಪೂಜಾರಿ, ಸದಸ್ಯೆರ್ ಎಂ. ಎನ್. ಕರ್ಕೇರ, ರಾಮಚಂದ್ರ ಗಾಣಿಗ, ದಯಾಸಾಗರ ಚೌಟ, ಶ್ಯಾಮ್ ಎನ್. ಶೆಟ್ಟಿ, ಕರುಣಾಕರ ಹೆಜ್ಮಾಡಿ, ವಾಸು ಎಸ್ ದೇವಾಡಿಗ, ಡಾ. ಸುರೇಂದ್ರಕುಮಾರ್ ಹೆಗ್ಡೆ, ಡಾ. ತೋನ್ಸೆ ವಿಜಯಕುಮಾರ್ ಶೆಟ್ಟಿ, ರಮಾನಂದ ರಾವ್, ರಾಮಚಂದ್ರ ಗಾಣಿಗ, ಶ್ರೀನಿವಾಸ್ ಸಾಪಲ್ಯ, ಚಿತ್ರಾಪು ಕೆ. ಎಂ. ಕೋಟ್ಯಾನ್, ರಾಕೇಶ್ ಭಂಡಾರಿ, ಜಯಪ್ರಕಾಶ್ ಕಾಮತ್, ನ್ಯಾ. ಶಶಿಧರ ಕಾಪು, ಜಿ.ಎಸ್. ಗಣೇಶ್ ಎಸ್ ಶೆಟ್ಟಿ, ಇತ್ತೆರ್.

Jai Sri Krishna Environmental conservation Samithi – Celebrate the 94 th birth anniversary of leader George Fernandes – organise Awards ceremony

Mumbai – Jai Sri Krishna Environmental conservation Samithi whose aim is conservation and protection of the environment organised a program on the occasion of the 94 th birth anniversary of leader George Fernandes who strived for the protection and preservation of forests.

Founder of the samithi Tonse Jai Krishna Shetty urged that the Manglore airport must be named after him while delivering the presidential address at a program organised to commemorate his 94th birth anniversary. He said that environmental conservation and industrial development must go hand in hand.

MP from North Mumbai Gopal Shetty inaugurated the awards ceremony. Dr Radhakrishna Nair who is renowned as the ” Indian Green Hero” for creating and conservative forest cover was given the national award for environmental conservation.

Abudhabi Big Lottery – A nurse wins 45 crore rupees ಅಬುಧಾಬಿ ಬಿಗ್ ಲಾಟ್ರಿಡ್ 45 ಕೋಟಿ ಗೆಂದಿನ ನರ್ಸ್!

ಕೇರಳದ ನರ್ಸ್ ​​ಒರ್ತಿ ಬಿಗ್​ ಟಿಕೆಟ್​​ ಲಾಟರಿಡ್ 45 ಕೋಟಿ ರೂಪಾಯಿ ಕಾಸ್ ಗೆಂದ್ ದೆರ್.

ತನ್ನ ಕುಟುಂಬದೊಟ್ಟಿಗೆ ಕರಿನ 21 ವರ್ಷೊರ್ದಿಂಚಿ ಅಬುಧಾಬಿಡ್ ವಾಸ ಇತ್ತ್ ದ್ ಬೇಲೆ ಮಲ್ತೊಂದು ಇಪ್ಪುನ ಕೇರಳದ ನರ್ಸ್‌ ಲವ್ಲಿ ಮೋಲ್ ಅಚ್ಚಮ್ಮ ಅಬುಧಾಬಿದ ಬಿಗ್ ಟಿಕೆಟ್ ಡ್ರಾಡ್ (20 ಮಿಲಿಯನ್ ಯುಎಇ ದಿರ್ಹಮ್) ಸುಮಾರ್ 45 ಕೋಟಿ ರೂಪಾಯಿ ಗೆಂದ್ ದೆರ್.

ಲಾಟ್ರಿ ಗೆಂದಿನ ಮೇರ್ ಪಾತೆರ್ದ್, ಎನ್ನ ಕಂಡನಿ ಪ್ರತಿ ತಿಂಗೊಲ್ ಅಬುಧಾಬಿಡ್ ಬಿಗ್ ಟಿಕೆಟ್ ಲಾಟರಿ ದೆತೊನೊಂದು ಇತ್ತೆರ್. ಅಂಚಾದ್ ಇನಾಮುದ ಒಂಜಿ ಭಾಗದ ಕಾಸ್ ನ್ ತನ್ನ ಕುಟುಂಬಗ್ ಬೊಕ್ಕ ಒರಿನ ಕಾಸ್ ನ್ ತನ್ನ ಜೋಕುಲೆನ ಶಿಕ್ಷಣಗ್ ಪಾಡುವೆ ಪಂದ್ ಪಂಡೆರ್.

Abudhabi Big Lottery – A nurse wins 45 crore rupees

A nurse from Kerala has won 45 crore rupees in the Abudhabi big Lottery. The nurse Lovely Mol Achammma hailing from Kerala was working as a nurse in Abudhabi from the past 21 years.

Bantwal-Two persons injured in a car accident ಬಂಟ್ವಾಳ: ಕಾರ್ ಆಕ್ಸಿಡೆಂಟ್ ಡ್ ರಡ್ಡ್ ಜನಕ್ಕ್ ಪೆಟ್ಟ್

ಬಂಟ್ವಾಳ: ರಡ್ಡ್ ಕಾರ್ ಎದುರೆದುರು ಗುದ್ದುದು ರಡ್ಡ್ ಜನಕ್ಕ್ ಪೆಟ್ಟಾಯಿನ ಘಟನೆ ಬಂಟ್ವಾಳ ಟ್ರಾಫಿಕ್ ಪೋಲೀಸ್ ಠಾಣೆ ವ್ಯಾಪ್ತಿದ ಬೇಂಕ್ಯ ಬ್ರಹ್ಮಶ್ರೀ ನಾರಾಯಣ ಗುರು ಮಂದಿರದ ಕೈತಲ್ ನಡತ್ಂಡ್.

ಈ ಆಕ್ಸಿಡೆಂಟ್ ಡ್ ಕಾರ್ ಡ್ರೈವರ್ ಆದರ್ಶ ಬೊಕ್ಕ ಸಂಕಪ್ಪ ಮೆರೆಗ್ ಪೆಟ್ಟಾತ್ಂಡ್. ಅದೃಷ್ಟವಶಾತ್ ರಡ್ಡ್ ಜನಲ ಪ್ರಾಣಾಪಾಯರ್ದ್ ಬಚಾವು ಆತೆರ್. ಆಂಡ ಗುದ್ದಿನ ರಭಸಗ್ ಕಾರ್ ಲು ನಕ್ಕೆ ಆತ್ಂಡ್. ಈ ಘಟನೆದ ಜಾಗೆಗ್ ಮೆಲ್ಕಾರ್ ಟ್ರಾಫಿಕ್ ಪೊಲೀಸೆರ್ ‌ಭೇಟಿ ಕೊರ್ದು ಕೇಸ್ ದಾಖಲ್ ಮಲ್ದೆರ್.