ಕುಡ್ಲ: ಬಂದಲೆ ಮೂಡುಮನೆ ಶ್ರೀಮಂತ ರಾಜಗುಳಿಗ ಕ್ಷೇತ್ರ (ರಿ.)ದ ಮುತಾಲಿಕೆಡ್ ಆಟಿಡೊಂಜಿ ದಿನತ್ತ ಲೇಸ್ ಜುಲೈ 23 (ಎಲ್ಲೆ) ಐತಾರ ಬೊಲ್ಪುಗು 8:30 ರ್ದ್ ಬಯ್ಯಗ್ 6 ಗಂಟೆ ಮುಟ್ಟ ಶ್ರೀ ಶ್ರೀಮಂತ ರಾಜಗುಳಿಗ ಕ್ಷೇತ್ರದ ಚಾವಡಿಡ್ ನಡಪರೆ ಉಂಡು.
ಈ ಲೇಸ್ ದೊಟ್ಟಿಗೆ ಬೇತೆ ಬೇತೆ ಕ್ಷೇತ್ರದ ಸಾಧಕೆರೆಗ್ ತಮ್ಮನ, ಪ್ರತಿಭಾ ಪುರಸ್ಕಾರ, ಬಡವೆರೆಗ್ ಪನವುದ ಸಕಾಯ, ಬಡಪತ್ತ್ ದ ಕುಟುಂಬಗ್ ಅರಿ ಕೊರಿಯೆರೆ, ಸಾಂಸ್ಕೃತಿಕ ಮನೋರಂಜನೆ ಲೇಸ್, ಬೊಕ್ಕ ಶ್ರೀಮಂತ ರಾಜ ಗುಳಿಗ ದೈವೊದ 100 ನೇ ಕೋಲ, ದೈವ ನಲಿಕೆದಕ್ಲೆಗ್ ಮಾನಾದಿಗೆ ನಡಪರೆ ಉಂಡು.
ಬೊಲ್ಪುಗು ಭಜನೆ, ಸಭಾ ಲೇಸ್ ಮಧ್ಯಾಹ್ನ ವನಸ್ ಆಯಿ ಬೊಕ್ಕ ವಿಠಲ್ ನಾಯಕ್ ಕಲ್ಲಡ್ಕ ಕೂಟದಕ್ಲೆರ್ದ್ ಈ ವರ್ಷದ ಪೊಸ ಗೀತಾ-ಸಾಹಿತ್ಯ-ಸಂಭ್ರಮ ಲೇಸ್, ಬಯ್ಯಗ್ ಕೈತಲ್ದ್ ಪ್ರತಿಭೆಲೆರ್ದ್ ಮನೋರಂಜನಾ ಲೇಸ್, ಬೊಕ್ಕ ಬೇತೆ ಬೇತೆ ಪಂತೊಡು ಗೆಂದಿನಕ್ಲೆಗ್ ಇನಾಮು ಕೊರ್ಪಿನ ಲೇಸ್ ನಡಪರೆ ಉಂಡು.
ಅಂಚೆನೆ ಸಮಾಜದ ಗೌರವದ ಸಾಧಕೆಯೊರಿಯಾನ್ ಗುರುತಿಸಾದ್ ಆರೆಗ್ ಬಂದಲೆ ಪ್ರಶಸ್ತಿ ಕೊರ್ದು ಗೌರವಿಸಾಯೆರೆ ಆಪುಂಡು. ಈ ಸಾಧಕನ ಪುದರ್ ನ್ ಲೇಸ್ ದ ದಿನನೇ ಘೋಷಣೆ ಮಲ್ಪೆರೆ ಆಪುಂಡು ಪಂದ್ ಧರ್ಮದರ್ಶಿಲು ಸತೀಶ್ ಬಂದಲೆ ತೆರಿಪಾದೆರ್.
ನೆತ್ತ ಸಭಾ ಲೇಸ್ ಡ್ ಶ್ರೀ ಕ್ಷೇತ್ರ ಕೇಮಾರ್ ಸಾಂದೀಪನಿ ಸಾಧನಾಶ್ರಮದ ಶ್ರೀ ಈಶ ವಿಠಲದಾಸ ಸ್ವಾಮೀಜಿ, ಕುಡ್ಲ ಶಾಸಕೆರ್ ಡಾ.ವೈ ಭರತ್ ಶೆಟ್ಟಿ, ಡಿ. ವೇದವ್ಯಾಸ ಕಾಮತ್, ಕುಡ್ಲ ಮೇಯರ್ ಜಯಾನಂದ ಅಂಚನ್, ಹಿಂದೂ ಮುಖಂಡೆರ್ ಅರುಣ್ ಕುಮಾರ್ ಪುತ್ತಿಲ, ವಿಠಲ ಶೆಟ್ಟಿ ಫೌಂಡೇಶನ್ (ರಿ.) ದ ಡಾ. ರಾಕೇಶ್ ಶೆಟ್ಟಿ, ಉದ್ಯಮಿ ಜಾನ್ ಸುರೇಶ್, ಪಚ್ಚನಾಡಿ ಕಾರ್ಪೊರೇಟರ್ ಸಂಗೀತಾ ಆರ್. ನಾಯಕ್, ಮೇರಿಹಿಲ್ ಚಿಕಿತ್ಸಾ ಕೇಂದ್ರದ ಡಾ. ಕಿರಣ್ ಕುಮಾರ್ ಪಿ.ಕೆ MD, ಉದ್ಯಮಿ ದಿನೇಶ್ ಶೆಟ್ಟಿ, ಕಲ್ಯ ಕಾಪು, ದೈಜಿವರ್ಲ್ಡ್ ಮಾಧ್ಯಮ ಸಂಸ್ಥೆದ ಸಂಸ್ಥಾಪಕೆರ್ ವಾಲ್ಟರ್ ನಂದಳಿಕೆ, ಗುರುನಗರ ಶ್ರೀ ನಾರಾಯಣ ಗುರುಸ್ವಾಮಿ ಸೇವಾ ಸಂಘದ ಅಧ್ಯಕ್ಷೆರ್ ಕಮಲಾಕ್ಷ ಎ. ಬಂಗೇರ, ಸಮಾಜ ಸೇವಕೆರ್ ಮೋಹನ್ ಪಚ್ಚನಾಡಿ, ಜುಮಾದಿ ಬಂಟ ದೈವೊಲ್ಯದ ಅಧ್ಯಕ್ಷೆರ್ ಬಾಲಕೃಷ್ಣ ಕುಕ್ಯಾನ್, ಪದವಿನಂಗಡಿ ಫಲ್ಗುಣಿ ಕನ್ ಸ್ಟ್ರಕ್ಷನ್ ದ ಶೇಖರ್ ಪೂಜಾರಿ, ಬಂದಲೆ ಜುಮಾದಿ ಬಂಟ ದೈವೊಲ್ಯದ ಜಗದೀಶ್ ಮುಂಡ ಪೂಜಾರಿ, ಬಂದಲೆ ಮೂಡುಮನೆಗುತ್ತು ಹಿರಿಯೆರ್ ದಾಮೋದರ್ ಬಂಗೇರ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಶ್ರೀ ಶ್ರೀಮಂತ ರಾಜಗುಳಿಗ ಕ್ಷೇತ್ರದ ಸರ್ವಸದಸ್ಯೆರ್ ಬೊಕ್ಕ ಬಂದಲೆ ಫ್ರೆಂಡ್ಸ್ ಲೆಪ್ಪೋಲೆಡ್ ತೆರಿಪಾದೆರ್.
