ಬದಿಯಡ್ಕ ಪೇಂಟೆದ “ಶ್ರೀನಿಧಿ ಕ್ಲಿನಿಕ್” ಗ್ ತುಲು ಲಿಪಿ ಪುದರ್ ಪಲವೆ
ತೀದಿ 01/04/2022 ಸುಕ್ರಾರ ಬದಿಯಡ್ಕ ಪೇಂಟೆಡ್ ಇಪ್ಪುನ ಡಾ|| ಶ್ರೀನಿಧಿ ಸರಳಾಯ ಮೆರೆನ “ಶ್ರೀನಿಧಿ ಕ್ಲಿನಿಕ್” ಗ್ ತುಲು ಲಿಪಿ ಪುದರ್ ಪಲವೆ ಪಾಡಾಯೆರ್.
ಲೇಸ್ದ ಗುರ್ಕಾಮೆನ್ ಬದಿಯಡ್ಕ ಪಂಚಾಯತ್ ಗುರಿರ್ಕಾತಿ ಶ್ರೀಮತಿ ಶಾಂತಕುಮಾರಿ ತುಲು ಲಿಪಿ ಪುದ್ ಪಲವೆನ್ ಉದಿಪನ ಮಾಲ್ತ್ ದುಂಬುದ ದಿನೊಡು ಬದಿಯಡ್ಕದ ಹೆಚ್ಚಿನ ಜಾಗೆಲೆಡ್ ತುಲು ಲಿಪಿ ಪುದರ್ ಪಲವೆನ್ ಪಾಡೆರ ಪ್ರಯತ್ನ ಮಾಲ್ಪುವೆ ಪಂಡೆರ್.
ಈ ಲೇಸ್ಗ್ ಶ್ರೀ ಗೋಪಾಲಕೃಷ್ಣ ಕುಲಾಲ್ ವಾಂತಿಚ್ಚಾಲು ಎಡ್ಡೆಪ್ಪುದ ಮದಿಪು ಪಂದ್ ತುಲು ಬಾಸೆದ ಮಹತ್ವವನ್ನು ಬೊಕ್ಕ ತುಲು ಲಿಪಿನ್ ನನಾತ್ ಬೊಲೆಪಾವೊಡುಂದ್ ಪಂಡೆರ್. ಡಾ|| ಶ್ರೀನಿಧಿ ಸರಳಾಯ ಮೆರ್ ಲೇಸ್ಗ್ ಎದ್ಕೊಂದ್ ತುಲು ಭಾಷಾ ಮೋಕೆನ್ ತುಲು ಲಿಪಿ ಪುದರ್ ಪಲವೆ ಪಾಡ್ದ್ ಹೆಚ್ಚಿನಕ್ಲೆಗ್ ಪ್ರೇರಣೆಯಾಯೆರ್. ಜೈ ತುಲುನಾಡ್ (ರಿ.) ಕಾಸ್ರೋಡು ಎಗ್ಗೆದ ಕಾರ್ಯಾಂತೆರ್ ಕಾರ್ತಿಕ್ ಕೆ ಎನ್ ಪೆರ್ಲ ಸೊಲ್ಮೆ ಸಂದೈತೆರ್. ಲೇಸ್ದ ಸುದಾರಿಕೆನ್ ಸುಂದರ ಬಾರಡ್ಕ ಮಾಲ್ತೆರ್. ಜೈ ತುಲುನಾಡ್ (ರಿ.) ಕಾಸ್ರೋಡು ಎಗ್ಗೆದ ಒತ್ತು ಕಾರ್ಯಾಂತೆರ್ ಜಗನ್ನಾಥ ಕುಲಾಲ್, ಶ್ವೇತ ಕಜೆ, ತುಲು ಸಾಹಿತಿಲು, ಪತ್ರಕರ್ತರ್ ಪಾಲ್ ಪಡೆಯೆರ್.