Tulu Language

9 ಸಲ ನಡತಿನ ವಿಧಾನಮಂಡಲ ಅಧಿವೇಶನಗ್ ₹ 98.80 ಕೋಟಿ ಖರ್ಚ್

Aug 31, 2021

ಬೆಳಗಾವಿ: ಮುಲ್ಪದ ಸುವರ್ಣ ವಿಧಾನಸೌಧಡ್ 9 ಸಲ ನಡತಿನ ವಿಧಾನಮಂಡಲ ಅಧಿವೇಶನಗ್ ₹ 98.80 ಕೋಟಿ ಖರ್ಚಾತುಂಡು .

ಮಾಹಿತಿ ಹಕ್ಕು ಕಾಯ್ದೆಡ್ ಪಡೆಯಿನ ಈ ಮಾಹಿನ್ ಮುಖಂಡ ಭೀಮಪ್ಪ ಗಡಾದ ಮಾಧ್ಯಮಗ್ ಐತಾರ ಬುಡುಗಡೆ ಮಲ್ದೆರ್.
2006 ರ್ದ್ 2018 ಮುಟ 80 ದಿನ ಅಧಿವೇಶನ ನಡತುಂಡು . ದಿನಕ್ ಒಂಜೇಕ್ಕ್ ಸರಾಸರಿ ₹ 1.20 ಕೋಟಿ ವೆಚ್ಚ ಮಲ್ದಿನ ಸರ್ಕಾರರ್ದ್ ಕೊರಿನ ದಾಖಲೆರ್ದ್ ಗೊತ್ತತುಂಡು ಪಂದ್ ಮಾಹಿತಿ ಕೊರ್ತೆರ್ .

ತುಳು ಸಾಹಿತ್ಯ ಅಕಾಡೆಮಿಗ್ ಭೇಟಿ ಕೊರಿನ ಸಚಿವ ಎಸ್.ಅಂಗಾರ

Aug 30, 2021

ಕುಡ್ಲ : ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಸಾರಿಗೆ ಇಲಾಖೆ ಸಚಿವೆರಾಯಿನ ಎಸ್. ಅಂಗಾರ ಮೇರ್ ಆಗಸ್ಟ್ 30 ನೆ ಸೋಮವಾರದಾನಿ ಪೇಂಟೆದ ತುಳು ಸಾಹಿತ್ಯ ಅಕಾಡೆಮಿಗ್ ಭೇಟಿ ಕೊರ್ದು ಕಟ್ಟಡ ಕಾಮಗಾರಿನ್ ಪರಿಶೀಲನೆ ಮಲ್ತೆರ್ .

ಐರ್ದ್ ಬೊಕ್ಕ ತುಳು ಸಾಹಿತ್ಯ ಅಕಾಡೆಮಿದ ಭವನದ ಕಾಮಗಾರಿಗ್ ಜಾಸ್ತಿ ಅನುದಾನ ಕೊರೊಡು ಪಂದ್ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್‍ಸರ್ ಈ ಪೊರ್ತುಡು ಅರಿಕೆ ಮಲ್ತೆರ್ .

ತುಳು ಅಕಾಡೆಮಿ ರಿಜಿಸ್ಟ್ರಾರ್ ಕವಿತಾ, ತುಳು ಸಾಹಿತ್ಯ ಅಕಾಡೆಮಿದ ಅಕಾಡೆಮಿ ಸದಸ್ಯೆರಾಯಿನ ನಾಗೇಶ್ ಕುಲಾಲ್, ಚೇತಕ್ ಪೂಜಾರಿ, ನಿಟ್ಟೆ ಶಶಿಧರ್ ಶೆಟ್ಟಿ, ರವೀಂದ್ರ ಶೆಟ್ಟಿ. ಪಾಲ್ ಪಡೆದಿತ್ತೆರ್.

ಸುರತ್ಕಲ್ ಡ್ ಮಹಿಳಾ ರಕ್ಷಣಾ ಆಯೋಗದ ಕಾರ್ಯಗಾರ

Aug 30, 2021

ಸುರತ್ಕಲ್: ಪೊಂಜೊವುಲು ತಮಕ್ ಆಪಿನ ದೌರ್ಜನ್ಯ, ಅನ್ಯಾಯಗೆ ಸಂಬಂಧಿಸಾದ್ ನ್ಯಾಯ ಕೇನೆರೆ ಪೊಲೀಸ್ ಇಲಾಖೆದ 112 ಸಂಖ್ಯೆಗೆ ಲೆಪ್ಪು ಕೊರೋಲಿ ಪಂದ್ ಸುರತ್ಕಲ್ ಠಾಣೆದ ಕಾನೂನು ಸುವ್ಯವಸ್ಥೆ ವಿಭಾಗದ ಎಸ್ಸೈ ಪುನೀತ್ ಗಾಂವ್ಕರ್ ಪಂಡೆರ್ .

ಕುಡ್ಲ ಪೊಲೀಸ್ ಕಮೀಷನರೇಟ್ ವ್ಯಾಪ್ತಿಡ್ ಪೊಂಜೊವ್ಲೆನ ಸುರಕ್ಷೆಗಾದ್ ಸುರತ್ಕಲ್ ಬಂಟರ ಸಂಘದ ಮಹಿಳಾ ವೇದಿಕೆ ಬೊಕ್ಕ ಸುರತ್ಕಲ್ ಠಾಣೆದ ಒಟ್ಟು ಸೇರಿಗೆಡ್ ಸುರತ್ಕಲ್ ಬಂಟರ ಸಂಘಡ್ ಶನಿವಾರ ಅಟ್ಟನೆ ಮಲ್ತಿನ ಮಹಿಳಾ ದೌರ್ಜನ್ಯ ತಡೆ ಮಾಹಿತಿ ಕಾರ್ಯಾ ಗಾರಡ್ ಪಾಲ್ ಪಡೆದ್ ಪಾತೆರಿಯೆರ್.

ಅಖಿಲ ಭಾರತೀಯ ತುಲು ಒಕ್ಕೂಟದ ಸದಸ್ಯತ್ವಗ್ ಅರ್ಜಿ ಲೆಪ್ಪೋಲೆ

Aug 30, 2021

ಕುಡ್ಲ : ಮೂಜಿ ದಶಕರ್ದ್ ವಿಶ್ವ ಮಟ್ಟದ ಬೇತೆ ಬೇತೆ ಸ್ವರೂಪದ ತುಳು ಪರ್ಬಲೆನ್ ಅಟ್ಟನೆ ಮಲ್ಪುನ ಮುಖೇನ ಗಮನ ಸೆಳೆಯಿನ ಕುಡ್ಲದ ಅಖಿಲ ಭಾರತ ತುಳು ಒಕ್ಕೂಟ (ರಿ)ಡ್ 52 ತುಳು ಸಂಘಟನೆಲು ಬೇಲೆ ಮಲ್ತೊಂದು ಉಂಡು . ಧರ್ಮಪಾಲ ಯು.ದೇವಾಡಿಗ ಮೆರ್ನ ಗುರ್ಕಾರ್ಮೆಡ್ ಡ್ ಉಪ್ಪುನ ಈ ಸಂಘಟನೆ ಜಾಗತಿಕ ಮಟ್ಟಡ್ ಪುಗಾರ್ತೆ ಪಡೆತುಂಡು .

ದೇಶದ ಬೇತೆ ಬೇತೆ ರಾಜ್ಯ, ಜಿಲ್ಲೆ, ನಗರ ಪ್ರದೇಶಡ್ ಉಪ್ಪುನ ತುಳು ಸಂಘ ಸಂಸ್ಥೆಗಲು ಅಖಿಲ ಭಾರತ ತುಳು ಒಕ್ಕೂಟದ ಸದಸ್ಯತ್ವ ಪಡೆರೆ ಅರ್ಜಿ ಲೆಪ್ಪೋಲೆ ಬೈದುಂಡು .

ದೇಶಡ್ ಒಂಜೇ ದಿನಟ್ 1ಕೋಟಿ ಜನಕ್ ವ್ಯಾಕ್ಸಿನೇಷನ್ | ಸೊಲ್ಮೆ ಸಂದೈತ ಮಲ್ತಿನ ಮೋದಿ

Aug 30, 2021

ನವದೆಹಲಿ: ಕೊರೊನಾ ವ್ಯಾಕ್ಸಿನೇಷನ್‌ಡ್ ಭಾರತ ಕೊಡೆ ಪೊಸ ದಾಖಲೆನ್ ಬರೆತುಂಡು . ಬರೋಬ್ಬರಿ ಒಂಜಿ ಕೋಟಿ ಜನಕ್ ಕೊರೊನಾ ಲಸಿಕೆ ಕೊರ್ತುಂಡು ಪಂದ್ ಪ್ರಧಾನಿ ನರೇಂದ್ರ ಮೋದಿ ತೆರಿಪಾದೆರ್ .

ಈ ಬಗ್ಗೆ ಟ್ವಿಟ್ ಮಲ್ತ್ ಮಾಹಿತಿ ಕೊರಿನ ಪ್ರಧಾನಿ ಮೋದಿ, ವ್ಯಾಕ್ಸಿನೇಷನ್ ಸಂಖ್ಯೆಡ್ ಪೊಸ ದಾಖಲೆ ಸೃಷ್ಟಿಯಾತುಂಡು . ಒಂಜಿ ಕೋಟಿ ಜನಕ್ ಒಂಜೇ ದಿನ ವ್ಯಾಕ್ಸಿನ್ ಪಾರ್ದಿನ ಮಹತ್ವದ ಸಾಧನೆ. ಲಸಿಕೆ ಪಾಡಿನಕ್ಲೆಗ್ ಬೊಕ್ಕ ಲಸಿಕೆ ಪಾಡೆರೆ ಯಶಸ್ವಿಯಾಯಿನಕ್ಲೆಗ್ ಸೊಲ್ಮೆ ಸಂದೈತ ಮಲ್ತೆರ್.

ಪುತ್ತೂರು ಸರಕಾರಿ ಆಸ್ಪತ್ರೆದ ಹೆರಿಗೆ ತಜ್ಞರಾಯಿನ ಡಾ. ಸಂದೀಪ್ ವಿಧಿವಶ

Aug 30, 2021

ಪುತ್ತೂರು: ಸರಕಾರಿ ಆಸ್ಪತ್ರೆದ ಖ್ಯಾತ ಹೆರಿಗೆ ತಜ್ಞರಾಯಿನ ಶಿರ್ವ ಮಂಚಿಕಲ್ಲು ನಿವಾಸಿ ಡಾ.ಸಂದೀಪ್ ಮೇರ್ ಹುಷಾರ್ ದಾಂತೆ ತೀರ್ ಪೋಯೆರ್.

ಮೇರ್ ಸೌತ್ ಕೆನರಾಡೇ ಜಾಸ್ತಿ ಪೆದ್ದಯಿನ ಖ್ಯಾತ ಹೆರಿಗೆ ತಜ್ಞರಾತೆರ್ . ಸಿಜೇರಿಯನ್ ಎಕ್ಸರ್ಟ್ ಕೂಡ ಆದ್ ಇತ್ತೆರ್ . ಪುತ್ತೂರು ಸರಕಾರಿ ಆಸ್ಪತ್ರೆರ್ದ್ ಕುಡ್ಲದ ಲೇಡಿಗೋಷನ್ ಆಸ್ಪತ್ರೆಗ್ ವರ್ಗಾವಣೆ ಆಯಿಬೊಕ್ಕ ಮೇರ್ ಕುಡ ಪುತ್ತೂರುಗು ವರ್ಗಾವಣೆ ಆದ್ ಪುತ್ತೂರು ಸರಕಾರಿ ಆಸ್ಪತ್ರೆಡೇ ಬೇಲೆ ಮಲ್ದೆರ್ .

ಮೆರ್ನ ಅವಳಿ ಸಹೋದರೆ ಆಯಿನ ಮಹಾವೀರ ಆಸ್ಪತ್ರೆದ ಖ್ಯಾತ ಎಲುಬು ತಜ್ಞ ಪ್ರದೀಪ್ ಬೋರ್ಕರ್. ಮೃತೆರ್ ಬೊಡೆದಿ ಮಗೆ ಬೊಕ್ಕ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್.

ಸೆಪ್ಟೆಂಬರ್ 25 ಕ್ಕ್ ಭಾರತ್ ಬಂದ್

Aug 30, 2021

ನವದೆಹಲಿ : ಕೃಷಿ ವಿರೋಧಿ ಕಾನೂನು ಜಾರಿಗೆ ವಿರೋಧಿಸಾದ್ ಕರಿನ ನವೆಂಬರ್‌ ತಿಂಗೊಲ್ ಡು ಸುರು ಆಯಿನ ರೈತೆರ್ನ ಆಂದೋಲನನ್ ನನಾತ್ ಬಲ ಮಲ್ಪುನ ನೆಲೆಟ್ಟ್ ಸಂಯುಕ್ತ ಕಿಸಾನ್‌ ಮೋರ್ಚಾ ನೇತೃತ್ವಡ್ ಸೆಪ್ಟೆಂಬರ್ 25ಕ್ಕ್ “ಭಾರತ್ ಬಂದ್” ಗ್ ಕರೆ ಕೊರ್ತೆರ್ .

ಕರಿನ ವರ್ಷ ಸಪ್ಟೆಂಬರ್‌ 25ಕ್ಕ್ ಬಂದ್ ಅಟ್ಟನೆ ಮಲ್ತಿತ್ತೆರ್ . ಅಂಚನೇ ಈ ಸಲಲ ಅವ್ವೆ ಅದೇ ದಿನ ಭಾರತ ಬಂದ್‌ ಗ್ ಕರೆ ಕೊರ್ತೆರ್.

ಟೋಕಿಯೋ ಪ್ಯಾರಾಲಂಪಿಕ್| ಶೂಟಿಂಗ್ಡ್ ಬಂಗಾರ್ದ ಪದಕ ಗೆಂದಿನ ಅವನಿ ಲೆಕೇರಾ

Aug 30, 2021

ಟೋಕಿಯೊ ಪ್ಯಾರಾಲಿಂಪಿಕ್ಡ್ ಭಾರತಗ್ ಸುರುತ ಬಂಗಾರ್ದ ಪದಕ ಬೈದುಂಡು. ಪೊಂಜೊವ್ಲೆನ ಶೂಟಿಂಗ್ ಪಂಥಡ್ ಗೆಂದ್ ದ್ ಅವನಿ ಲೆಕೇರಾ ಬಂಗಾರ್ದ ಪದಕ ಪಡೆತೆರ್ .

ಈ ಮುಖೇನ ಭಾರತದ ಪದಕದ ಸಂಖ್ಯೆ ನಾಲೆಕ್ಕ್ ಏರಿಕೆಯಾತುಂಡು . ಅವನಿ ಶೂಟಿಂಗ್ ಫೈನಲ್ ಪಂಥಡ್ 249.6 ಸ್ಕೋರ್ ಮಲ್ತ್ ವಿಶ್ವ ದಾಖಲೆ ಪಡೆತೆರ್ . 10 ಮೀಟರ್ದ ಏರ್ ರೈಫಲ್ ಶೂಟಿಂಗ್ಡ್ ಬಂಗಾರ್ ಗೆಂದಿನ ಅವನಿ ಇನಿ ಕಾಂಡೆ ರೌಂಡ್ 2 ಡ್ ಫೈನಲ್ಗ್ ಆಯ್ಕೆಯಾತೆರ್.

ಉಳ್ಳಾಲ ನೆತ್ತೆರ್ದಾನ ಶಿಬಿರ : ಕೋವಿಡ್ ವಾರಿಯರ್ಸ್ಗ್ ಮಾನದಿಗೆ

Aug 30, 2021

ಉಳ್ಳಾಲ : ಪಾಪ್ಯುಲರ್ ಫ್ರಂಟ್ ಬ್ಲಡ್ ಡೋನರ್ಸ್ ಫೋರಂ ಉಳ್ಳಾಲ ಘಟಕದ ಉದಿಪನ , ನೆತ್ತೆರ್ದಾನ ಶಿಬಿರ ಬೊಕ್ಕ ಕೋವಿಡ್ ವಾರಿಯರ್ಸ್‌ಲೆಗ್ ಮಾನದಿಗೆ ಲೇಸ್ ಹಝ್ರತ್ ಸಯ್ಯದ್ ಮದನಿ ಶಾಲೆಡ್ ನಡತುಂಡು .ಕಡಪರ ಖಿಲ್‌ರಿಯ ಜುಮಾ ಮಸೀದಿದ ಖತೀಬ್ ಯೂಸುಫ್ ಸಖಾಫಿ ಬಪ್ಪಳಿಗೆ ನೆತ್ತೆರ್ದಾನ ಶಿಬಿರನ್ ಉದಿಪನ ಮಲ್ತೆರ್.

ಈ ಪೊರ್ತುಡು ಕೋವಿಡ್ ವಾರಿಯರ್ಸ್‌ಲಾಯಿನ ಡಾ. ಸುಜಯ ಪ್ರಭಾಕರ್, ಮರಿಯಮ್ಮ ಇಸ್ಮಾಯಿಲ್, ಅಬ್ದುಲ್ ಬಶೀರ್ ಕೈಕೊ ಬೊಕ್ಕ ನವಾಝ್ ಅಳೇಕಲ ಮೆಕ್ಲೆಗ್ ಮಾನದಿಗೆ ಮಲ್ತೆರ್ .ಲೇಸ್ ಡ್ ದರ್ಗಾ ಗುರ್ಕಾರ್ಲಾಯಿನ ಹಾಜಿ.ಅಬ್ದುಲ್ ರಶೀದ್, ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಪ್ರಶಾಂತ್, ಅಬ್ದುಲ್ ಸಲಾಂ ಸಿ.ಎಚ್ , ಮುಸ್ಲಿಂ ಒಕ್ಕೂಟದ ಗುರ್ಕಾರ್ಲಾಯಿನ ಇಸ್ಮಾಯಿಲ್ ಉಳ್ಳಾಲ, ಪಿಎಫ್‌ಐ ಉಳ್ಳಾಲ ಡಿವಿಷನ್ ಗುರ್ಕಾರ್ಲಾಯಿನ ಶಹೀದ್ ಕಲ್ಕಟ್ಟ, ಬದ್ರುದ್ದೀನ್ ಉಳ್ಳಾಲ, ಫಿರೋಝ್ ಇಸ್ಮಾಯಿಲ್, ರಮೀಝ್ ಕೋಟೆಪುರ, ಅಸ್ಗರ್ ಅಲಿ ಕೌನ್ಸಿಲರ್ ಉಳ್ಳಾಲ, ಬಶೀರ್ ಯು.ಎನ್, ಸುರೈ ಕುದ್ರೋಳಿ, ಕಲೀಲ್ ಕಡಪ್ಪರ, ನವಾಝ್ ಉಳ್ಳಾಲ, ನಿಝಾಂ ಮೇಲಂಗಡಿ, ಕೌನ್ಸಿಲರ್ ಅಬ್ದುಲ್ ಜಬ್ಬಾರ್, ಅಶ್ರಫ್ ಕೆ.ಸಿ.ರೋಡ್ ಪಾಲ್ ಪಡೆದಿತ್ತೆರ್.

1ಸಾವಿರ ಕೋಟಿ ಶಾಸಕೆರ್ನ ನಿಧಿ ಬಾಕಿ: ಕಾಗೇರಿ

Aug 30, 2021

ಕುಡ್ಲ : ರಾಜ್ಯಡ್ ಸುಮಾರು ೧ ಸಾವಿರ ಕೋ.ರೂ.ದಾತ್ ಶಾಸಕೆರ್ನ ನಿಧಿ ಖರ್ಚಾವಂದೆ ಒರಿದುಂಡು ಪಂದ್ ಕರ್ನಾಟಕ ವಿಧಾನಸಭಾಧ್ಯಕ್ಷ ವಿಶ್ವೇಶ್ವರ ಹೆಗಡೆ ಕಾಗೇರಿ ಪಂಡೆರ್.

ಕುಡ್ಲದ ಸುದ್ದಿಗೋಷ್ಠಿಡ್ ಪಾತೆರಿನ ಆರ್ ವಾರ್ಷಿಕ ೨ ಕೋ.ರೂ. ಶಾಸಕೆರ್ನ ನಿಧಿ ಬುಡುಗಡೆ ಗ್ ತಡೆ ಆವೊಂದು ಉಂಡು . ಈ ಅನುದಾನಡ್ ದೆತೊನುನ ಕ್ಷೇತ್ರಾಭಿವೃದ್ಧಿದ ಬೇಲೆದ ಪ್ರಕ್ರಿಯೆ ಆಡಳಿತಾತ್ಮಕ ಕಾರಣರ್ದ್ ತಡ ಆಪಿನ ತೆರಿದ್ ಬೈದುಂಡು ಪಂದ್ ಪಂಡೆರ್.

M	T	W	T	F	S	S
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Tulu Language

9 ಸಲ ನಡತಿನ ವಿಧಾನಮಂಡಲ ಅಧಿವೇಶನಗ್ ₹ 98.80 ಕೋಟಿ ಖರ್ಚ್

ತುಳು ಸಾಹಿತ್ಯ ಅಕಾಡೆಮಿಗ್ ಭೇಟಿ ಕೊರಿನ ಸಚಿವ ಎಸ್.ಅಂಗಾರ

ಸುರತ್ಕಲ್ ಡ್ ಮಹಿಳಾ ರಕ್ಷಣಾ ಆಯೋಗದ ಕಾರ್ಯಗಾರ

ಅಖಿಲ ಭಾರತೀಯ ತುಲು ಒಕ್ಕೂಟದ ಸದಸ್ಯತ್ವಗ್ ಅರ್ಜಿ ಲೆಪ್ಪೋಲೆ

ದೇಶಡ್ ಒಂಜೇ ದಿನಟ್ 1ಕೋಟಿ ಜನಕ್ ವ್ಯಾಕ್ಸಿನೇಷನ್ | ಸೊಲ್ಮೆ ಸಂದೈತ ಮಲ್ತಿನ ಮೋದಿ

ಪುತ್ತೂರು ಸರಕಾರಿ ಆಸ್ಪತ್ರೆದ ಹೆರಿಗೆ ತಜ್ಞರಾಯಿನ ಡಾ. ಸಂದೀಪ್ ವಿಧಿವಶ

ಸೆಪ್ಟೆಂಬರ್ 25 ಕ್ಕ್ ಭಾರತ್ ಬಂದ್

ಟೋಕಿಯೋ ಪ್ಯಾರಾಲಂಪಿಕ್| ಶೂಟಿಂಗ್ಡ್ ಬಂಗಾರ್ದ ಪದಕ ಗೆಂದಿನ ಅವನಿ ಲೆಕೇರಾ

ಉಳ್ಳಾಲ ನೆತ್ತೆರ್ದಾನ ಶಿಬಿರ : ಕೋವಿಡ್ ವಾರಿಯರ್ಸ್ಗ್ ಮಾನದಿಗೆ

1ಸಾವಿರ ಕೋಟಿ ಶಾಸಕೆರ್ನ ನಿಧಿ ಬಾಕಿ: ಕಾಗೇರಿ

You Missed

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಯುವವಾಹಿನಿ (ರಿ) ಹಳೆಯಂಗಡಿ ಘಟಕದ ನಿರೆಲ್‌ಡ್ “ಆಟಿದ ಗೇನ” ಲೇಸ್

ಆ.15: ಪುಣೆ ತುಳುಕೂಟ(ರಿ.)ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್ -2026

ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 45ನೇ ವರ್ಷೊದ ಚೌತಿ ಪರ್ಬದ ಲೆಪ್ಪೋಲೆ ಬುಡುಗಡೆ

ಕಲ್ಯಾಣ್ ತುಳುನಾಡ ತುಳುವೆರ್ ಕೂಟದ ಪೊಂಜೊವುಲೆರ್ದ್ ” ಪಗೆಲ್ಡ್ ಅಗೆಲ್ ” ಲೇಸ್