ಮುಲ್ಕಿ ವಿಜಯಾ ಕಾಲೇಜಿಡ್ ಕಾಮರ್ಸ್ ಬ್ಯಾಚ್ 1994-97 ವತಿರ್ದ್ ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಸನ್ಮಾನ
ಮುಲ್ಕಿ : ವಿಜಯಾ ಕಾಲೇಜ್ ಮುಲ್ಕಿ ಬಿ.ಕಾಮ್ 1994-97 ಬ್ಯಾಚ್ದಕುಲು ಎಸ್ಸೆಸ್ಸೆಲ್ಸಿ ಬೊಕ್ಕ ಪಿಯುಸಿ ಪರೀಕ್ಷೆಡ್ ಎಡ್ಡೆ ಮಾರ್ಕ್ಸ್ ಪಡೆತಿನ ವಿದ್ಯಾರ್ಥಿಲೆಗ್ ಸನ್ಮಾನ ಮಲ್ತೆರ್.
ವೇದಿಕೆಡ್ ಮಲ್ಲ ಬಿನ್ನೆರಾದ್ ವಿಜಯಾ ಕಾಲೇಜ್ ಪ್ರಿನ್ಸಿಪಾಲ್ ಪ್ರೊ.ವೆಂಕಟೇಶ್ ಭಟ್, ಪಿಯು ಕಾಲೇಜ್ ಪ್ರಿನ್ಸಿಪಾಲ್ ಪ್ರೊ. ಅರುಣ್ ಕುಮಾರ್ ಬಿ., ಬೆದ್ರ ಶ್ರೀ ಮಹಾವೀರ ಕಾಲೇಜಿದ ಪ್ರೊ.ಹರೀಶ್, ಬ್ಯಾಚ್ದ ಕಾರ್ಯದರ್ಶಿ ರೋಹಿತಾಕ್ಷ ದೇವಾಡಿಗ ಪಾಲ್ ಪಡೆದಿತ್ತೆರ್.
ಬಿಕಾಮ್ ಬ್ಯಾಚ್ದ ಅಧ್ಯಕ್ಷೆರ್ ಅನಿಲ್ ಶೆಟ್ಟಿ ಅಧ್ಯಕ್ಷತೆ ವಹಿಸ್ದಿತ್ತೆರ್.
ಸುಮಂಗಳ ಶೆಟ್ಟಿ ಪ್ರಾರ್ತನೆ ಮಲ್ತೆರ್. ವಿಶ್ವಜಿತ್ ಕೋಟ್ಯಾನ್ ಸ್ವಾಗತ ಮಲ್ತ್ದ್ ಸೊಲ್ಮೆ ಸಂದಾಯೆರ್. ಸುಜಾತಾ ಪಿ.ಬಿ. ಸನ್ಮಾನಿತೆರ್ನ ಪರಿಚಯ ಮಲ್ತೆರ್. ಮನೋಹರ್ ನಿರೂಪಣೆ ಮಲ್ತೆರ್.
ಸನ್ಮಾನಿತೆರ್
ಲೇಸ್ದ ವಿಶೇಷ ದಾದ ಪಂಡ ಮುಲ್ಕಿ ವಿಜಯಾ ಕಾಲೇಜಿಡ್ ಕಾಮರ್ಸ್ ವಿಭಾಗೊಡು 94-97 ಬ್ಯಾಚ್ಡ್ ಕಲ್ದಿನಕ್ಲೆನ ಜೋಕುಲೆಗ್ ಇನಿ ಸನ್ಮಾನ ಮಲ್ತೆರ್. ದೇವಾಂಶು ಕೋಟ್ಯಾನ್, ಪ್ರಣವಿ, ಪ್ರತೀಕ್ಷಾ ಸುವರ್ಣ,ಪ್ರಜ್ಞಾ ದೇವಾಡಿಗ,ರಾಜ್ವೀರ್ ಆಚಾರ್ಯ,ವಂಶ್ ಕೋಟ್ಯಾನ್, ಪ್ರೇಕ್ಷಾ ಪೂಜಾರಿ, ಭ್ರಿತಿ ಕರ್ಕೇರ, ಮನಸ್ವಿ, ಸುಹಾ ಫಾತಿಮಾ ಇಬ್ರಾಹಿಂ,ಇಶಾನ್ ಮೊಹಮ್ಮದ್ ಮೊಕುಲು ಸನ್ಮಾನ ಸ್ವೀಕಾರ ಮಲ್ತೆರ್.
