ಪುತ್ತೂರ್: ನೆಹರುನಗರಡ್ ಇಪ್ಪುನ ಜಾಕಿ ಫರ್ನಿಚರ್ಸ್ ದ ದಣಿ, ಬನ್ನೂರ್ ಗುರುಂಪುನಾರ್ ದ ಇಬ್ರಾಹಿಂ ಮೆರೆನ ಮಗೆ ಆಫಾಕ್(38ವ) ದಾರ್ ಸಂಸ್ಥೆದ ಮಾಲಿಗೆಡ್ ಬಲ್ಲ್ ದೆತೊಂದು ತೀರ್ ಪೋತೆರ್.
ಈ ಘಟನೆದ ಜಾಗೆಗ್ ಪುತ್ತೂರ್ ಪೊಲೀಸೆರ್ ಬೈದೆರ್. ತೀರ್ ಪೋಯಿನರೆಗ್ ಬೊಡೆದಿ, ಮೂಜಿ ಜೋಕುಲು, ಪೊಪ್ಪ ಬೊಕ್ಕ ಸಹೋದರೆ ಉಲ್ಲೆರ್.
ಕುಡ್ಲ: ತುಳು ಪರಿಷತ್, ಕುಡ್ಲ, ಮಯೂರಿ ಫೌಂಡೇಶನ್ ಮುಲ್ಕಿ, ಕರ್ನಾಟಕ ಥಿಯಾಲಾಜಿಕಲ್ ಕಾಲೇಜ್, ಕರಾವಳಿದ ಲೇಖಕಿಯೆರೆನ- ವಾಚಕಿಯೆರೆನ ಸಂಘ, ಬೊಕ್ಕ ಸಾಮರಸ್ಯ ಕುಡ್ಲದ ಮುತಾಲಿಕೆಡ್ ದಸರಾ ಅಂಗವಾದ್ ಬಲ್ಮಠದ ಸಹೋದಯ ಹಾಲ್ ಡ್ ನಡತಿನ ಕಬಿ ಕೂಟೊಡು ಬೇತೆ ಬೇತೆ ಬಾಸೆದ ಕಬಿತೆಲು ಸಹೃದಯೆರೆನ ಮನಸ್ ಗೆಂದ್ಂಡ್.
ಕಮಲಶಿಲೆತ್ತ ಕವಯಿತ್ರಿನ ಕುಂದಾಪ್ರ ಕನ್ನಡ ಕಬಿತೆನ್ ಮೆಚ್ಚಿನ ಕಾವ್ಯಪ್ರಿಯೆರ್, ಗಡಿನಾಡ್ ಕಾಸ್ರೋಡ್ ದ ಕಬಿ ಪಂಡಿನ ಮಲಯಾಳಂ ಕಬಿತೆದ ಭಾವನೆಗ್ ಖುಷಿ ಆಯೆರ್.
ಅಂಚೆನೆ ಕನ್ನಡ, ಕೊಂಕಣಿ, ಕೊರಗ,ತುಳು, ಅರೆಭಾಷೆ, ಬ್ಯಾರಿ, ಹವ್ಯಕ ಸುಮಾರ್ ಬಾಸೆದ ಕಬಿತೆಲು ಇತ್ತ.
ಅಂಚನೆ ಬಾಬು ಕೊರಗ ಪಾಂಗಾಳ(ಕೊರಗ ಬಾಸೆ) ವಿಜಯ ಶೆಟ್ಟಿ ಸಾಲೆತ್ತೂರ್, ಶಾರದಾ ಶೆಟ್ಟಿ (ತುಳು) ರಾಧಾಕೃಷ್ಣ ಉಳಿಯತಡ್ಕ, ರಾಜವರ್ಮ ವಿಟ್ಲ (ಕನ್ನಡ) ತಾರಾ ಲವಿನಾ ಗಂಜಿಮಠ, ವಿನೋದ್ ಪಿಂಟೊ ತಾಕೋಡೆ, ವೆಂಕಟೇಶ್ ನಾಯಕ್ (ಕೊಂಕಣಿ) ಶಾಂತ ಕಂಠಿನಿ, ಗೋಪಾಲಕೃಷ್ಣ ಶಾಸ್ತ್ರಿ(ಹವ್ಯಕ), ಮಿಸ್ರಿಯಾ ಐ ಪಜೀರ್ (ಬ್ಯಾರಿ) ಪೂರ್ಣಿಮಾ ಕಮಲಶಿಲೆ (ಕುಂದಾಪ್ರ ಕನ್ನಡ) ಚಂದ್ರಹಾಸ್ ನಂಬಿಯಾರ್ (ಮಳಯಾಳಂ)ಸೌಮ್ಯ ಗೋಪಾಲ್(ಶಿವಳ್ಳಿ) ಬೊಕ್ಕ ಯೋಗೀಶ್ ಹೊಸೊಳಿಕೆ (ಅರೆಬಾಸೆ) ಕಬಿತೆಲೆನ್ ಓದಿಯೆರ್. ರತ್ನಾವತಿ ಬೈಕಾಡಿ ಬೊಕ್ಕ ಜಯಲಕ್ಷ್ಮಿ ಭಾವಗಾನ ಪದ ಪಂಡೆರ್ . ಅಂಚೆನೆ ಲೇಸ್ ನ್ ಉದಿಪನ ಮಲ್ತಿನ ಮಯೂರಿ ಫೌಂಡೇಶನ್ ದ ಅಧ್ಯಕ್ಷೆರ್ ಜಯ.ಟಿ ಶೆಟ್ಟಿ, ಮಾತ ಬಾಸೆದಕುಲುಲ ಒಂಜೇ ವೇದಿಕೆಡ್ ಬರ್ಪುನ ತುಳುನಾಡ್ ದ ಸೌಹಾರ್ದ ಪರಂಪರೆನ್ ಮಿತ್ತ್ ಕೊನೊವೊಡ್ ಪಂದ್ ಪಂಡೆರ್.
ಮುಲ್ಕಿ ಕಾರ್ನಾಡ್ ಸರ್ಕಾರಿ ಪದವಿಪೂರ್ವ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ವಾಸುದೇವ ಬೆಳ್ಳೆ, ಬೇತೆ ಒಲ್ಪಲ ತೂವಂದಿನ ಬಾಸೆಲೆನ್ ತುಳುನಾಡ್ ತೂಪಿನವು ಇಸೇಸ ಪಂದ್ ಪಂಡೆರ್.
ಕರಾವಳಿ ಲೇಖಕಿಯೆರೆನ-ವಾಚಕಿಯೆರೆನ ಸಂಘದ ಅಧ್ಯಕ್ಷೆ ಜ್ಯೋತಿ ಚೇಳ್ಯಾರ್ ಲೇಸ್ ದ ಅಧ್ಯಕ್ಷೆರಾದ್ ಇತ್ತೆರ್. ಈ ಪೊರ್ತುಡು ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಕರ್ನಾಟಕ ಥಿಯೊಲಾಜಿಕಲ್ ಕಾಲೇಜ್ ದ ಪ್ರಾಂಶುಪಾಲೆ ಎಚ್.ಎಂ.ವಾಟ್ಸನ್, ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರ್ ಬಿ.ಎ. ಮಹಮ್ಮದ್ ಹನೀಫ್, ಕೊರಗರೆನ ಸಂಘದ ಅಧ್ಯಕ್ಷೆರ್ ಸುಂದರ ಕೊರಗ, ತುಳು ಪರಿಷತ್ ಗೌರವಾಧ್ಯಕ್ಷೆರ್ ಸ್ವರ್ಣ ಸುಂದರ್, ತುಳು ಪರಿಷತ್ ದ ಗೌರವ ಸಲಹೆಗಾರೆ ಪ್ರಭಾಕರ್ ನೀರ್ ಮಾರ್ಗ, ಸಾಮರಸ್ಯ ಕುಡ್ಲ ಅಧ್ಯಕ್ಷೆರ್ ಮಂಜುಳಾ ವೈ.ನಾಯಕ್ ಇತ್ತೆರ್.
ಶುಭೋದಯ ಆಳ್ವ ಬತ್ತಿನಕಲೆನ್ ಎದ್ಕೊನಿಯೆರ್. ತಾರನಾಥ್ ಗಟ್ಟಿ ಕಾಪಿಕಾಡ್ ಲೇಸ್ ದ ಸುಧಾರಿಕೆ ಮಲ್ತೆರ್.
ಆನ್ ಲೈನ್ ಜುಗಾರಿದ ಗೊಬ್ಬುಲೆನ್ ಬಂದ್ ಮಲ್ಪೊಡು ಪಂದ್ ತಮಿಳುನಾಡ್ ಸರ್ಕಾರ ಚಿಂತನೆ ಮಲ್ದ್ಂಡ್.
ರಾಜ್ಯಡ್ ಜುಗಾರಿದ ಆನ್ ಲೈನ್ ಗೊಬ್ಬುಲೆರ್ದ್ ಸುಮಾರ್ ಜನ ಸೈಪುನ ಕೇಸ್ ಹೆಚ್ಚಾವೊಂದು ಇಪ್ಪುನ ಬಗೆಟ್ ಸರ್ಕಾರ ಈ ಮಲ್ಲ ಚಿಂತನೆನ್ ಮಲ್ದ್ಂಡ್.
ತಮಿಳುನಾಡ್ ಡ್ ಈ ವರ್ಷ ಆನ್ ಲೈನ್ ಗೇಮ್ ಡ್ ಒಟ್ಟು ಆಜಿ ಜನ ಸೈತ್ ದೆರ್. ನೆತ್ತ ಬಗೆಟ್ ಆನ್ ಲೈನ್ ರಮ್ಮಿ ಬೊಕ್ಕ ಪೋಕರ್ ಗೊಬ್ಬುಲೆನ್ 2 ವಾರ ನಿಷೇಧ ಮಲ್ಪೊಡು ಪಂದ್ ಸರ್ಕಾರ ತೆರಿಪಾದ್ಂಡ್. ಸರ್ಕಾರದ ನಿರ್ಧಾರಗ್ ರಾಜ್ಯಪಾಲೆರ್ ಒಪ್ಪಿಗೆ ಕೊರ್ತೆರ್. ಬೊಕ್ಕ ಗೊಬ್ಬುಲೆನ್ ಶಾಶ್ವತವಾದ್ ನಿಷೇಧ ಮಲ್ಪೆರೆ ಎಂ.ಕೆ.ಸ್ಟಾಲಿನ್ ಮುತಾಲಿಕೆದ ಸರ್ಕಾರ ಅಲಚನೆ ಮಲ್ದ್ಂಡ್. ಅಂಚೆನೆ ನೆತ್ತ ಜಾಹಿರಾತುನ್ ಲ ಉಂತಾಯರೆ ಪೊಸ ಕಾನೂನು ಜಾರಿಗ್ ಕನದೆರ್.
ಹೊಸನಗರ: ಹೊಸನಗರ ತಾಲೂಕುದ ಕಿಳಮದೂರ್ ಗ್ರಾಮಡ್ ಬಜ್ಜಯಿ ಕೃಷಿಕ್ಕೆ ಕೃಷ್ಣಪ್ಪಗೌಡ (60) ಬಲ್ಲ್ ದೆತೊಂದು ತೀರ್ ಪೋತೆರ್.
ಮೇರ್ ಕೃಷಿ ಅಭಿವೃದ್ಧಿಗಾದ್ ಬ್ಯಾಂಕ್‌ ಲೆಡ್ ಸಾಲ ಮಲ್ತ್ ದ್ ಇತ್ತೆರ್. ಆಂಡ ಕಂಗ್ ಗ್ ಎಲೆಚುಕ್ಕಿ ಸೀಕ್ ಬತ್ತ್ಂದ್ ಫಸಲ್ ಕಮ್ಮಿ ಆಂಡ್, ನನ ಈ ಸಾಲನ್ ಎಂಚ ತೀರಿಸವುನೆ ಪಂದ್ ಮಂಡೆ ಬೆಚ್ಚಡೇ ಬಲ್ಲ್ ಪಾಡೊಂದೆರ್ ಪಂದ್ ಅರೆನ ಮಗೆ ಸತೀಶ್ ಠಾಣೆಡ್ ದೂರು ದಾಖಲ್ ಮಲ್ದೆರ್. ನೆತ್ತ ಬಗೆಟ್ ಪೊಲೀಸೆರ್ ತನಿಖೆ ಸುರು ಮಲ್ದೆರ್.
ಮೈಸೂರ್ : ಕೇಂದ್ರ ರೈಲ್ವೆ ಸಚಿವಾಲಯ ರಾಜ್ಯದ ರಡ್ಡ್ ರೈಲ್ ಲೆನ ಪುದರ್ ಬದಲ್ ಮಲ್ತ್ಂಡ್.
ಮೈಸೂರ್-ಬೆಂಗ್ಲೂರ್ ಇತ್ತಿನ ‘ಟಿಪ್ಪು ಎಕ್ಸ್‌ಪ್ರೆಸ್‌’ ರೈಲ್ ಗ್ ‘ಒಡೆಯರ್ ಎಕ್ಸ್‌ಪ್ರೆಸ್‌’ ಪಂದ್ ಬೊಕ್ಕ ಮೈಸೂರ್-ತಾಳಗುಪ್ಪ ರೈಲ್ ಗ್ ‘ಕುವೆಂಪು ಎಕ್ಸ್‌ಪ್ರೆಸ್‌’ ಪಂದ್ ಪುದರ್ ದೀತ್ಂಡ್. ಈ ಬಗೆಟ್ ಸಂಸದೆ ಪ್ರತಾಪ್ ಸಿಂಹ ಶುಕ್ರಾರ ಉಂದು ಎಡ್ಡೆ ಸುದ್ದಿ, ಅಂಚನೆ ”ನನ ದುಂಬು ಪುದರ್ ಬದಲ್ ಆಯಿನ ರೈಲ್ ಲು ನಿಕುಲೆಗ್ ಸೇವೆ ಮಲ್ಪುವ, ಅಂಚನೆ ಈ ಪ್ರಯತ್ನಗ್ ಬೆರಿಬಲ ಆದ್ ಉಂತಿನ ಪ್ರಹ್ಲಾದ್ ಜೋಶಿ , ಕುವೆಂಪುನ ಪುದರ್ ಸೂಚಿಸಾಯಿನ ದೋಸ್ತಿ ಡಿಪಿ ಸತೀಶೆರೆಗ್ ಸೊಲ್ಮೆಲು ಪಂದ್ ಟ್ವೀಟ್ ಮಲ್ದೆರ್. ಅಂಚನೆ ಪ್ರತಾಪ್ ಸಿಂಹ ಪುದರ್ ನ್ ಬದಲ್ ಮಲ್ಪುನಂಚನೆ ಕೇಂದ್ರ ರೈಲ್ವೆ ಸಚಿವೆರಾಯಿನ ಅಶ್ವಿನಿ ವೈಷ್ಣವ್ ಅರೆಗ್ ಬಿನ್ನಾಪು ಸಂದಾದಿತ್ತೆರ್.
ಕುಡ್ಲ : ತೇದಿ 17 ಸನಿಯಾರದಾನಿ ಭಾರತ ಅಮೃತೊಚ್ಚಯದ ಸಂಬ್ರಮೊಗು, ತುಳುವೆರೆ ಸ್ವಾತಂತ್ರ ಪೊರುಂಬಾಟದ ನೆಂಪುಗಾದ್ ಅನಿಂದಿತ್ ಕೊಚ್ಚಿ ಬಾರಿಕೆ ಮೇರ್ ಬರೆತಿನ, ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿ ಬುಡುಗಡೆ ಮಲ್ತಿನ ರೀಕಾಲಿಂಗ್ ಅಮರ ಸುಳ್ಯ ( ಭಾರತ ಸ್ವಾತಂತ್ರಗಾದ್ ತುಳುವೆರೆ ಬಲಿದಾನ ) ಪನ್ಪಿನ ಮಸ್ತಿರೆನ್ ಪತೊಂದು ಐತ ಪೊಲಬುನು ಪರರಾಜ್ಯದ ಜನಕ್ಲೆಗ್ ಮಲ್ಪುನಂಚಿನ ಕಜ್ಜಾ ” ತುಳುನಾಡ್ ಟು ಲಡಾಖ್ ” ಬೈಕ್ ರ‌್ಯಾಲಿಗ್ ಚಾಲನೆ ಕೊರ್ಪಿನ ಕಜ್ಜ ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿಡ್ ನಡತ್ಂಡ್.
ಅಕಾಡಮಿದ ಗುರ್ಕಾರ್ಲು ದಯಾನಂದ್ ಜಿ. ಕತ್ತಲ್ಸಾರ್ ತುಡರ್ ಅರ್ಲಾದ್ ಲೇಸ್‌ನ್ ಉದಿಪನ ಮಲ್ತ್‌ದ್, ಬೈಕ್ ರ‌್ಯಾಲಿಡ್ ಪಾಲ್ ಪಡೆಪಿನ ಟೀಮ್ ಸ್ಕ್ರೂ ರೈಡರ್ ತಂಡದ ರೈಡರ್ಸ್ ವಿನೀತ್ ಬಿ ಶೆಟ್ಟಿ, ಅಭಿಷೇಕ್ ಶೆಟ್ಟಿ, ವಿನೀತ್ ಶೆಟ್ಟಿ, ದೀಪಕ್ ಕರ್ಕೇರ, ರೋವಿಲ್ ಅಲ್ಮೆಡ ಬೊಕ ಸಮೂನ್ ಮೊಹಮ್ಮದ್ ಮೊಕಲೆಗ್ ಮಾನಾದಿಗೆ ಮಲ್ತೆರ್.
ಯೋಗೀಶ್ ಶೆಟ್ಟಿ ಗುರ್ಕಾರ್ಲು ತುಳುನಾಡು ರಕ್ಷಣಾ ವೇದಿಕೆ ತನ್ನ ಬಿನ್ನೆರೆ ಮದಿಪುಡು, “ತುಳುನಾಡ್‌ಡ್ ತುಳುವೆರ್ ನಮ್ಮ ಬಾಸೆ ಸಂಸ್ಕೃತಿ ಒರಿಪರೆಗಾದ್ ಪ್ರಯತ್ನ ಮಲ್ತೊಂದುಲ್ಲೆರ್. ಕೆಲವೆರ್ ಯಕ್ಷಗಾನಡ್, ಕೆಲವೆರ್ ತುಳು ಲಿಪಿ ಕಲ್ಪಾವುನ ಮುಕೇನ, ನನ ಕೆಲವೆರ್ ಸಾಹಿತ್ಯದ ಒರುಟು ತುಲುನಾಡ್ದ ಆಚಾರ, ಇಚಾರ, ಸಂಸ್ಕೃತಿ ಬೊಕ ಸ್ವತಂತ್ರ ಪೊರುಂಬಾಟದ ಬಗೆಟ್ ಪೊಲಬುನು ಪಟ್ಟೊನುನ ಬೇಲೆ ಮಲ್ತೊಂದುಲ್ಲೆರ್. ಮಾತೆರ್ಲಾ ಅಕಲ್ನಕಲ್ನ ಮಟ್ಟ್‌ಡ್ ತುಳುವಪ್ಪೆನ ಸೇವೆ ಮಲ್ತೊಂದುಲ್ಲೆರ್. ಜವನೆರ್ ಮಲ್ಪುನ ಇಂಚಿನ ಎಡ್ಡೆ ಕಜ್ಜೊಗು ನಮ ಬೆರಿತಾಂಗ್ ಕೊರ್ಕ ಪಂದ್. ಪಂಡೆರ್.
ಅನಿಂದಿತ್ ಗೌಡ ಕೊಚ್ಚಿ ಬಾರಿಕೆ ಮೇರ್ ಬರೆತಿನ ರಿಕಾಲಿಂಗ್ ಅಮರ್ ಸುಳ್ಯ ದಾಖಲಾಭರಿತ ಮಸ್ತಿರೆ ದೇಶದ ಪ್ರಮುಖ ರಾಜ್ಯದ ಮುಖಂಡೆರೆಗ್ ಕೊರ್ಪಿನ ಮಲ್ಲ ಬೇಲೆ ಆವೊಂದುಂಡು. ಭಾರತ ಸ್ವಾತಂತ್ರಗಾದ್ ಪೊರುಂಬಾಟ ಮಲ್ತುದ್ ಪ್ರಾಣ ಕಳೆಯೊಂದಿನ ಪೆರ್ಮೆದ ತುಳುವೆರೆ ನ ಬಗೆಟ್ ಮಾತೆರೆಗ್ಲಾ ತೆರಿಯೊಡು. ನಮ್ಮ ತುಳುನಾಡ್ದ ಇತಿಹಾಸ ಸಂಸ್ಕೃತಿನ್ ನಾಲೂರುಗು ಪಟ್ಟೊಡು ಅಂಚೆನೆ ನಮ್ಮ ಕೇಪುಲ ರಂಗ್‌ದ ಕೊಡಿ ಪೆರ್ಮೆಡ್ ರಾವೊಡು ಪಂದ್ ದಯಾನಂದ್ ಜಿ ಕತ್ತಲ್ಸಾರ್ ತನ್ನ ಗುರ್ಕಾರ್ಮೆದ ಪಾತೆರೊಡು ಪಂದ್, ಮಾತ ರೈಡರ್ಸ್‌‌ನಕಲೆಗ್ ತುಳುನಾಡ್ದ ಸಾಲ್ ಪಾಡ್ದ್, ಮಸ್ತಿರೆ ಕೊರ್ದು ಎಡ್ಡೆಪ್ಪು ಬಯಕಿಯೆರ್.
ತುಳುನಾಡ್ದ ಸಂಪ್ರದಾಯದಲ್ಕ ದೈವ ದೇವೆರೆನ್ ಪ್ರಾರ್ಥನೆ ಮಲ್ತ್ ದ್ ತುಲುನಾಡ್ದ ಕೊಡಿ ರಾಪಾದ್ ಬೈಕ್ ರ‌್ಯಾಲಿಗ್ ಚಾಲನೆ ಕೊರಿಯೆರ್.
ತುಳುನಾಡು ರಕ್ಷಣಾ ವೇದಿಕೆದ ಗುರ್ಕಾರೆರ್ ಯೋಗೀಶ್ ಶೆಟ್ಟಿ, ದಕ್ಷಿಣ ಕನ್ನಡ ಜಿಲ್ಲಾ ಒಕ್ಕಲಿಗರ ಸೇವಾ ಸಂಘದ ಜಿಲ್ಲಾಧ್ಯಕ್ಷೆರ್ ಲೋಕಯ್ಯ ಗೌಡ ಕೆ, ತುಳು ಪೊರುಂಬಾಟಗಾರೆರ್ ಅಂಚೆನೇ ತುಲು ಲಿಪಿ ಕಲ್ಪಾದಿಲು ರೋಷನ್ ರೋನಾಲ್ಡ್, ಅನಿಂದಿತ್ ಗೌಡ ಕೊಚ್ಚಿ ಬಾರಿಕೆ ಲೇಸ್‌ಡ್ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್.
ಜೈ ತುಲುನಾಡ್ ( ರಿ. ) ಸಂಘಟನೆದ ತುಳು ಲಿಪಿ ಕಲ್ಪಾದಿ ಗೀತಾ ಲಕ್ಷ್ಮೀಶ್ ಲೇಸ್ ಸುದಾರಿಕೆ ಮಲ್ತೆರ್.
ತುಲುನಾಡ್ದ ಕೇಪುಲ ಕೊಡಿ ರಾವರೆ ಉಂಡು ಲಡಾಖ್‌ಡ್
ಟೀಮ್ ಸ್ಕ್ರೂ ರೈಡರ್ ತಂಡದ ರೈಡರ್ಸ್‌ನಕುಲು ಕುಡ್ಲಡ್ದ್ ಉಡುಪಿಯಾದ್, ಬೊಂಬೈ, ಗುಜರಾತ್ ರಾಜಸ್ತಾನೊಗು ಸುರುಕು ಪೋಪೆರ್ . ಅಲ್ತ್ ಬೊಕ್ಕ ಪಂಜಾಬ್‌ಡ್ ಅಮೃತ್‌ಸರ, ವಾಘ ಬಾರ್ಡರ್ ತೂದು ಹಿಮಾಚಲ, ಲೆಹ್ ಮನಾಲಿ ಆದ್ ಜಮ್ಮುಗ್ ಪೋಪೆರ್. ಬೊಕ್ಕ ಲಡಾಖ್‌ದ ಕಾರ್‌ದುಂಗ್ಲ ಪಾಸ್ ಕಡತ್ ಉಮ್‌ಲಿಂಗ್ಲ ಪಾಸ್ ಸೇರುವೆರ್. ಉಂದು 19, 300 ಫೀಟ್ ಸಮುದ್ರ ಮಟ್ಟ‌ಡ್ದ್ ಎತ್ತರ ಉಪ್ಪುನ ಜಾಗ ಮುಲ್ಪ ಅಕುಲು ಅಮರ ಸುಳ್ಯ ಬೂಕು ಪತೊಂದು ತುಲುನಾಡ್ದ ಕೇಪುಲ ಕೊಡಿನ್ ರಾಪಾವರೆ ಉಲ್ಲೆರ್. ಬೊಕ್ಕ ಡೆಲ್ಲಿ, ಹೈದ್ರಾಬಾದ್ ಆದ್ ಬೆಂಗಳೂರುಗ್ ಪಿರ ಬರ್ಪೆರು. 17 ತಾರೀಕ್‌ರ್ದ್ ಓಕ್ಟೋಬರ್ 2 ತಾರೀಕ್ ಮುಟ ಮೊಕಲ್ನ ಬೈಕ್ ರ್‍ಯಾಲಿ ನಡಪರೆ ಉಂಡು.
(ವರದಿ : ಗೀತಾ ಲಕ್ಷ್ಮೀಶ್)
The flag of Tulunadu to fly high at Ladakh:
Team Score riders are on a ride from Mangalore to Ladakh were they will go through Khardungla pass to Umlingla pass.This is at a height of 19,300 meters above sea level.
Here they intend to hoist the flag of Tulunadu with the book of the great warrior of Tulunadu Amar Sulya with them.This bike rally wl begin on the 17 th and go on till the 2nd of October.
ಕುಡ್ಲ: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ 2021ನೇ ವರ್ಸದ ಸಾಧಕೆರೆಗ್ ವಾರ್ಷಿಕ ಪ್ರಶಸ್ತಿ ಕೊರ್ಪಿನ ಲೇಸ್ ಅಗೋಸ್ಟ್ 21 ತಾರೀಕ್ ಗ್ ಕುಡ್ಲದ ಪುರಭವನಡ್ ನಡಪರೆ ಉಂಡು.
ಈ ಬಗೆಟ್ ಪತ್ರಿಕಾಗೋಷ್ಠಿಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ದಯಾನಂದ ಜಿ. ಕತ್ತಲ್ ಸಾರ್ ಪಾತೆರ್ದ್, ಈ ಗೌರವ ಪ್ರಶಸ್ತಿಗ್ ಬೇತೆ ಬೇತೆ ಕ್ಷೇತ್ರಡ್ ಸೇವೆ ಮಲ್ತಿನ 3 ಪೆರಿಯ ಸಾಧಕೆರ್ ಆಯ್ಕೆಯಾತೆರ್. ಅಂಚನೆ ವಿಶೇಷ ಬಾಲ ಪ್ರತಿಭಾ ಪುರಸ್ಕಾರ, ಯುವ ಸಾಧಕ, ಮಾಧ್ಯಮ ಪುರಸ್ಕಾರ, ಸಂಘಟನಾ ಪುರಸ್ಕಾರಗ್ ರಾಜ್ಯ ಅತ್ತಂದೆ ಪಿದಯಿ ರಾಷ್ಟ್ರ ಮಟ್ಟಡ್ ವಿಶೇಷವಾದ್ ಗುರ್ತಿಸಾದ್ ಸಾಧಕೆರೆನ್ ಆಯ್ಕೆ ಮಲ್ತ್ ದ.
ತುಳು ಜಾನಪದ ಕ್ಷೇತ್ರಡ್ ಸಾಧನೆ ಮಲ್ತಿನ ಸಂಜೀವ ಬಂಗೇರ ತಲಪಾಡಿ, ತುಳು ನಾಟಕ/ಪಿಚ್ಚರ್ ವಿಭಾಗಡ್ ಸಾಧನೆ ಮಲ್ತಿನ ಕೃಷ್ಣಪ್ಪ ಉಪ್ಪೂರು, ತುಳು ಸಾಹಿತ್ಯ ವಿಭಾಗಡ್ ಉಲ್ಲಾಸ್ ಕೃಷ್ಣ ಪೈ ಪುತ್ತೂರ್ ಮುಕ್ಲೆಗ್ ಪ್ರಶಸ್ತಿ ತಿಕ್ಕರೆ ಉಂಡು. ಈ ಪ್ರಶಸ್ತಿ 50,000 ರೂ. ಪಣವು, ಪ್ರಶಸ್ತಿ ಪತ್ರ ಅoಚನೆ ಸ್ಮರಣಿಕೆ ತಿಕ್ಕರೆ ಉಂಡು.
ಈ ಪೊರ್ತುಡು 2021ನೇ ಸಾಲ್ ದ ಬೂಕುದ ಇನಾಮು ಯೋಜನೆದ ಪ್ರಶಸ್ತಿಗಾದ್ 3 ಬೇತೆ ಬೇತೆ ವಿಭಾಗದ ಒಂಜಿ ಬೂಕ್ ನ್ ತೀರ್ಪುಗಾರೆರ್ನ ಮುಖೇನ ಆಯ್ಕೆ ಮಲ್ತ್ ದೆರ್. ಕವನ ಸಂಕಲನ ವಿಭಾಗಡ್ ಯೋಗೀಶ್ ಕಾಂಚನ್, ಬೈಕಂಪಾಡಿ ಮೇರ್ನ “ತಂಇನ ಬೊಳ್ಳಿ” ಬೂಕ್ ಗ್, ನಾಟಕ ವಿಭಾಗಡ್ ಅಕ್ಷತಾರಾಜ್ ಪೆರ್ಲ ಮೇರ್ನ “ಬೇಲಿ, ಸಾಪೊದ ಕಣ್ಣ್” ಬೂಕ್ ಗ್ ಅಂಚನೆ ಅಧ್ಯಯನ ವಿಭಾಗಡ್ ಡಾ| ಆಶೋಕ್ ಆಳ್ವ ಸುರತ್ಕಲ್ ಮೇರ್ನ ” ತುಳುನಾಡ್ ದ ಪ್ರಾಣಿ ಜಾನಪದ” ಈ ಬೂಕ್ ಲೆಗ್ ತಿಕ್ಕರೆ ಉಂಡು. ಈ ಇನಾಮು 25,000 ಕಾಸ್, ಪ್ರಶಸ್ತಿ ಪತ್ರ ಅಂಚನೆ ಸ್ಮರಣಿಕೆದೊಟ್ಟುಗ್ ತಿಕ್ಕರೆ ಉಂಡು.
2021ನೇ ವಿಶೇಷ ಪುರಸ್ಕಾರ ಆಯಿನ; ಬಾಲ ಪ್ರತಿಭಾ ಪುರಸ್ಕಾರ ನಿರೀಕ್ಷಾ ಕೋಟ್ಯಾನ್ ಕೋಡಿಕೆರೆ, ಜೀವಿಕಾ ಶೆಟ್ಟಿ ಬೊಂಬಾಯಿ, ಸಾನ್ವಿ USA ಅಂಚನೆ ಯುವ ಸಾಧಕ ಪುರಸ್ಕಾರ ಹರಿಪ್ರಸಾದ್ ನಂದಳಿಕೆ, ಚಿನ್ಮಯಿ ಮೋಹನ್ ಸಾಲಿಯಾನ್ ಬೊಂಬಾಯಿ, ರಮಾನಂದ ಶೆಟ್ಟಿ, ಮಾಧ್ಯಮ ಪುರಸ್ಕಾರ ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಶಶಿ ಬಂಡಿಮಾರ್, ರೋನ್ಸ್ ಬಂಟ್ವಾಳ್ ಬೊಂಬಾಯಿ, ಜೈ ತುಳುನಾಡು(ರಿ.), ತುಳು ಕೂಟ ಫೌಂಡೇಶನ್ ನಾಲ ಸೋಪಾರ(ರಿ.) ಬೊಂಬಾಯಿ, ತುಳು ಕೂಟ ಕತಾರ್ ಈ ಸಂಘಟನೆಗ್ ಸಂಘಟನಾ ಪುರಸ್ಕಾರ ತಿಕ್ಕರೆ ಉಂಡು. 10,000 ಕಾಸ್, ಪ್ರಶಸ್ತಿ ಪತ್ರ ಅಂಚನೆ ಸ್ಮರಣಿಕೆದೊಟ್ಟುಗ್ ಈ ವಿಶೇಷ ಪುರಸ್ಕಾರ ತಿಕ್ಕರೆ ಉಂಡು ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಅಕಾಡೆಮಿ ಪದುಕೆರಾಯಿನ ಲೀಲಾಕ್ಷ ಕರ್ಕೇರ, ನಾಗೇಶ್ ಕುಲಾಲ್, ಕಾಂತಿ ಶೆಟ್ಟಿ ರಿಜಿಸ್ಟ್ರಾರ್ ಕವಿತಾ ಇತ್ತೆರ್.
Times of Kudla and Jai Tulunadu together present Tulu Sahitya akadami awards:
Program on August 21st; Awards-2021 will be presented
Mangalore: Karnataka Tulu Sahitya akadami awards-2021 will be presented to the Achievers on August 21st at Town hall, Mangalore.
This was announced at a press meet by the President of Karnataka Tulu Sahitya akadami , Dayanand G Kattalsar who said that this award was presented to 3 achievers from different fields.
Special awards will be given to talented children,youth, journalism and for outstanding organizers.
Sanjeev Bangers Talapady in the field of Tulu folk,Krishnappa Uppor in the field of Tulu theatre/films, Ullas Krishna Pai,Puttur in the field of in Tulu literature will be presented the awards.The award carries a cash prize of 50,000 rupees certificate and a memento.
In the literary awards section Yogish Kanchan,Baikampady for his series of poetry “Tamina Bolli” ; Akshata Raj Perla for ” Beli ,Sapuda Kannu” in the drama category and Ashok Alva Suratkal for
” Tulunadu Prani Janapada”
in the research category wins the awards which carries a cash prize of 25,000 rupees ,a certificate and memento.
Special awards:
Children’s category- Sanvi, USA, Nireekshan Kotian ,Kodikere, Jeevika Shetty Mumbai.
Youth category: Hariprasad Nandalike, Chinmay Mohan Salian Mumbai, Ramananda Shetty.
Journalism awards: Sashi Bandimar,Times of Kudla newspaper, Rons Bantwal, Mumbai.
Jai Tulunadu (R), Tulu koota foundation Nalasopara, Mumbai Tulu koota Quatar gets organization awards.
This carries a cash prize of 10,000, a certificate and a memento.
ಕುಡ್ಲ: ಇಂಡಿಗೋ ಇಮಾನ ಕಂಪೆನಿದಕುಲು ತನ್ನ ಪ್ರಯಾಣಿಕೆರೆಗ್ ಕ್ಯೂಟ್ ಚಾರ್ಜ್ ಪಾಡೊಂದುಲ್ಲೆರ್. ಆಂಡ ಈ ಕ್ಯೂಟ್ ಚಾರ್ಜ್ ಪಂಡ ದಾದ ಪಂದ್ ಪ್ರಯಾಣಿಕೆರ್ ಗೊಂದಲ ಆತೆರ್.ಅಕ್ಲೆಗ್ ಬೋಡುತ್ತಿಲೆಕ್ಕ ಉಂದೆನ್ ಸೋಶಿಯಲ್ ಮೀಡಿಯಾ ಡ್ ಪಾಡ್ದ್ ಕಮೆಂಟ್ ಮಲ್ತೊಂದುಲ್ಲೆರ್.
ಇಂಚಿಪ್ಪಗ್ ಇಂಡಿಗೋ ಇಮಾನಡ್ ಪೊಯಿನ ಪ್ರಯಾಣಿಕೆರಾಯಿನ ಶಾಂತನು ಪನ್ಪಿನಾರ್ ಟಿಕೆಟ್ ದ ಬಿಲೆನ್ ಸ್ಕ್ರೀನ್ ಶಾಟ್ ಮಲ್ತ್ ದ್ ಟ್ವಿಟರ್ ಡ್ ಪಟ್ಟೊಂದೆರ್. ಉಂದೆಕ್ಕ್ ಆರ್ ತೆಲ್ಪುನ ಶೀರ್ಷಿಕೆನ್ ಲ ಪಾಡ್ದೆರ್.
ಶಾಂತನು ಪಾಡ್ದಿನ ಪೋಸ್ಟ್ ಡ್ ಕ್ಯೂಟ್ ಚಾರ್ಜ್ ನ್ ಎಚ್ಚ ಹೈಲೈಟ್ ಮಲ್ತ್ ದೆರ್. ‘ವಿಮಾನಯಾನ ಸಂಸ್ಥೆ ಯನರ್ದ್ ಕ್ಯೂಟ್ ಆಯಿನ ಚಾರ್ಜ್ ನ್ ದಾಯೆ ದೆತೊನೊಂದ್ ಉಂಡು. ಯಾನ್ ತೂವರೆ ಕ್ಯೂಟ್ ಆದ್ ಉಲ್ಲೆ ಪಂದ್ ಯoಕು ಗೊತ್ತುಂಡು. ಆಂಡ ಇಂಡಿಗೋ ಯoಕ್ ಕಾಸ್ ಪಾಡುಂಡು ಪಂದ್ ಏಪಗ್ ಲ ಗೊತ್ತಿಜ್ಜಾಂಡ್” ಪನ್ಪಿನ ಶೀರ್ಷಿಕೆನ್ ಬರೆತ್ತೆರ್.
ನನೊರಿ ಟ್ವಿಟ್ಟರ್ ಡ್ ಕಮೆಂಟ್ ಮಲ್ತ್ ದ್, “ಹೇ ಏರ್ ಲೈನ್, ಈ ಚಾರ್ಚ್ ಒವ್? ಯನ್ನೋಟ್ಟ್ ಗ್ ಕ್ಯೂಟ್ ಆದ್ ಇಪ್ಪರೆ ಪ್ರಯತ್ನ ಮಲ್ತೊಂದುಲ್ಲರಾ, ಆಂಡ ಯಾನ್ ಸ್ಮಾರ್ಟ್ ಇಜ್ಜಿ ಕಾಲಿ ಪೊರ್ಲು ಉಲ್ಲೇ ಪಂದ್ ಪಾಡ್ಯರಾ ಪಂದ್ ಕೇಂಡ್ ದೆರ್.
ನನೊರಿ ಕಾಮೆಂಟ್ ಮಲ್ತ್ ದ್, “CUTE ಪಂಡ ಕಾಮನ್ ಯೂಸರ್ ಟರ್ಮಿನಲ್ ಈಕ್ವಿಪ್ ಮೆಂಟ್ ಚಾರ್ಜ್ ಪಂದ್ ಪಂತೆರ್. ಉಂದು ವಿಮಾನ ನಿಲ್ದಾಣಡ್ ಲೋಹ ಪತ್ತೆ ಮಲ್ಪುನ ಯಂತ್ರಲು, ಎಸ್ಕಲೇಟರ್ ಲು ಬೊಕ್ಕ ಬೇತೆ ಸಲಕರಣೆಗ್ ಚಾರ್ಜ್ ನ್ ಪಾಡುವೆರ್. ಈ ಚಾರ್ಜ್ ಒಂಜಿ ವಿಮಾನ ನಿಲ್ದಾಣರ್ದ್ ನನೊಂಜಿ ವಿಮಾನ ನಿಲ್ದಾಣಗ್ ಬದಲ್ ಆಪುಂಡ್” ಪಂದ್ ಲ ಟ್ವೀಟ್ ಮಲ್ದೆರ್.
IndiGo flights charge passengers ‘ cute’ charges!!
What do they mean….
Mangalore: Many passenges travelling by Indigo flights were amused to see ‘cute’ charges in their tickets charges breakup.
They took to social media to share their thoughts.
A traveller Shantanu quipped ‘ I know I am getting cuter with age.But why am I charged by Indigo for this?’
Another person tweeted ‘ hey airline what does this charge mean?’ .
Another clarified ” CUTE” is Common User terminal equipment charge.It is levied for use of metal detector, escalator and other commen equipment at airports .This charge differs from airport to airport.
ಜಿನಿವಾ: ಲಿಬಿಯಾ ಕರಾವಳಿಡ್ ಆತಿನ ಬೋಟ್ ದುರಂತಡ್ ಮಾಲಿ ದೇಶದ 22 ಜನ ವಲಸಿಗೆರ್ ತೀರ್ ಪೋತೆರ್ ಪಂದ್ ವಿಶ್ವಸಂಸ್ಥೆ ಅಂಗಾರದಾನಿ ತೆರಿಪಾದ್ಂಡ್.
ವಲಸಿಗೆರ್ ಜೂನ್ 22 ಕ್ಕ್ ಲಿಬಿಯಾದ ಝವರಾ ಪೇಂಟೆರ್ದ್ ರಬ್ಬರ್ ಬೋಟ್ ಡ್ ಪ್ರಯಾಣ ಮಲ್ತ್ ದಿತ್ತೆರ್. ಘಟನೆ ಆಯಿನ 9 ದಿನರ್ದ್ ಬೊಕ್ಕ 61 ಜನನ್ ಲಿಬಿಯಾ ಕರಾವಳಿ ಪಡೆ ರಕ್ಷಣೆ ಮಲ್ತ್ ದ್ಂಡ್. ಬದ್ ಕ್ ದ್ ಒರಿನಕುಲುಲೆಡ್ ಮಸ್ತ್ ಜನ ಮಾಲಿ ದೇಶದಕುಲು. ಆಂಡ 22 ಜನ ತೀರ್ ಪೋತೆರ್ ಪಂದ್ ವಿಶ್ವಸಂಸ್ಥೆಯ ವಲಸಿಗೆರ್ನ ಅಂತಾರಾಷ್ಟ್ರೀಯ ಸಂಸ್ಥೆ ತೆರಿಪಾದ್ಂಡ್.
Libya boat disaster; 22 persons , refugees from Mali dead . Geneva: In a boat disaster off the coast of Libya 22 refugees are feared dead said sources from United Nations on Tuesday.
The refugees had left Libya on June 22nd from Zuvara town in a rubber boat.After nine days at sea 61 persons were rescued by the Libyan coast guards.Those rescued were mostly from Mali But 22 are feared dead said sources from United Nations.
ಉಳ್ಳಾಲ: ದ.ಕ ಜಿಲ್ಲೆಡ್ ಭಾರೀ ಬರ್ಸ ಬರೊಂದಿತ್ತ್ ದ್, ಉಳ್ಳಾಲ ತಾಲೂಕ್ ದ ಮಸ್ತ್ ಜಾಗೆ ನೀರ್ ಡ್ ಮುರ್ಕುದು ಪೋತುಂಡು. ಕೆಲವು ಇಲ್ಲದ ಉಲಾಯಿ ನೀರ್ ಪೊಗ್ಗುದ್oಡ್.
ಉಳ್ಳಾಲ ತಾಲೂಕ್ ದ ತಲಪಾಡಿ, ದೇವಿಪುರ, ಕೋಟೆಕಾರ್ ವೈದ್ಯನಾಥ ನಗರದ ಮಸ್ತ್ ಇಲ್ಲ್, ಅಂಚೆನೆ ಮಾರ್ಗ ನೀರ್ ಡ್ ಮುರ್ಕುದು ಪೋತುoಡು.
ಮಾಡೂರು ಕೈತಲ್ ಕರೆಂಟ್ ದ ಕೇಬಲ್ ಲೈನ್ ದ ಮಿತ್ತ್ ಮರ ಮಗ್ ರ್ದ್ ಬೀರಿರ್ದ್ ದೇರಳಕಟ್ಟೆ ಮುಟ್ಟ ಗಾಡಿ ಪೋಯರೆ ಬಂಗ ಆವೊಂದುಂಡು. ಅಂದಾಜಿ 25 ವರ್ಷರ್ದ್ ಬೊಕ್ಕ ದೇವಿಪುರದ ಮಾರ್ಗ ನೀರ್ ಡ್ ಮುರ್ಕುದಿನಿ ಪಂದ್ ಹಿರಿಯೆರ್.
