Times of kudla

ಜಗತ್ತ್ ದ ಮಾಮಲ್ಲ ಶಿವ ಮೂರ್ತಿ ಇನಿ ಉದಿಪನ

ರಾಜಸ್ಥಾನ : ಜಗತ್ತ್ ಡೇ ಅತಿ ಎತ್ತರದ ಶಿವನ ಮೂರ್ತಿ “ವಿಶ್ವಾಸ ಸ್ವರೂಪಂ’ ಇನಿ ಉದಿಪನ ಆವರೆ ಉಂಡು.

ರಾಜಸ್ಥಾನದ ರಾಜಸ್‌ಮಂಡ್‌ ಜಿಲ್ಲೆದ ನಾಥ್‌ದ್ವಾರ ಪೇಂಟೆಡ್ ಈ ಪ್ರತಿಮೆ ಸ್ಥಾಪನೆ ಆತ್ಂಡ್. ಆಧ್ಯಾತ್ಮಿಕ ನಾಯಕೆರ್ ಮೊರಾರಿ ಬಾಪು ಈ ಮೂರ್ತಿನ್ ಲೋಕಾರ್ಪಣೆ ಮಲ್ಪೆರೆ ಉಲ್ಲೆರ್. ಈ ಪೊರ್ತುಡು ಸಿಎಂ ಅಶೋಕ್‌ ಗೆಹ್ಲೋಟ್‌, ಸ್ಪೀಕರ್‌ ಸಿ.ಪಿ. ಜೋಷಿ ಪಾಲ್ ಪಡೆಯೆರೆ ಉಲ್ಲೆರ್. ಉದಯಪುರರ್ದ್ 45 ಕಿ.ಮೀ. ದೂರಡ್ ಧ್ಯಾನ ಮಲ್ಪುನ ಶಿವನ ಪ್ರತಿಮೆ ನಿರ್ಮಾಣ ಆತ್ಂಡ್. ಈ ಪ್ರತಿಮೆ ಲೋಕಾರ್ಪಣೆ ಆಯಿನ ಬೊಕ್ಕ ಅ. 29 ರ್ದ್ ನ. 6 ಮುಟ್ಟ 9 ದಿನ ಸರಣಿ ಧಾರ್ಮಿಕ, ಆಧ್ಯಾತ್ಮಿಕ ಬೊಕ್ಕ ಸಾಂಸ್ಕೃತಿಕ ಲೇಸ್ ನಡಪುಂಡು. 250 ವರ್ಷ ಬಾಳಿಕೆ ಬರ್ಪುಲೆಕ್ಕ ಬೊಕ್ಕ ಗಂಟೆಗ್ 250 ಕಿ.ಮೀ. ಬೀಸ್ ಡ್ ಗಾಳಿ ಬೀಜಿಂಡಲ ತಡೆಪುನ ಸಾಮರ್ಥ್ಯ ಇಪ್ಪುನ ಪ್ರತಿಮೆ ಉಂದು.ಈ ಪ್ರತಿಮೆದ ಎತ್ತರ- 369 ಅಡಿ ಪ್ರತಿಮೆ ತೂಕ – 30,000 ಟನ್‌ ಬಳಕೆ ಆಯಿನ ಕರ್ಬ – 3000 ಟನ್‌ ಗಲಸಿನ ಕಾಂಕ್ರೀಟ್‌- 2.5 ಲಕ್ಷ ಕ್ಯೂಬಿಕ್‌ ಟನ್‌, ಈ ಮೂರ್ತಿ 20 ಕಿ.ಮೀ. ದೂರೊಗುಲ ತೋಜುಂಡು. ನೆತ್ತ ಬೇಲೆಗ್ 10 ವರ್ಷ ದೆತೊಂದುಂಡು.

ಅ.30 : ಯುವವಾಹಿನಿ(ರಿ) ಬಂಟ್ವಾಳ ತಾಲೂಕ್ ಘಟಕದ ಮುತಾಲಿಕೆಡ್ ಪೊಳಲಿ ಶ್ರೀ ರಾಜರಾಜೇಶ್ವರಿ ಕ್ಷೇತ್ರಗ್ ಪಾದಯಾತ್ರೆ

ದ.ಕ. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆತಿನ ಯುವವಾಹಿನಿ(ರಿ.)ದ ಬಂಟ್ವಾಳ ತಾಲೂಕ್ ಘಟಕದ ಮುತಾಲಿಕೆಡ್ ಪೊಳಲಿ ಶ್ರೀ ರಾಜರಾಜೇಶ್ವರಿ ಕ್ಷೇತ್ರಗ್ ಪಾದಯಾತ್ರೆ ಅ.30 ಐತಾರದಾನಿ ಬೊಲ್ಪುಗು 5 ಗಂಟೆಗ್ ಬಿ.ಸಿ ರೋಡ್ ಬ್ರಹ್ಮಶ್ರೀ ನಾರಾಯಣ ಗುರು ವೃತ್ತರ್ದ್ ಪಿದಡರೆ ಉಂಡು.

ಈ ಲೇಸ್ ಡ್ ಸಮಸ್ತ ಹಿಂದೂ ಸಮಾಜ ಬಾಂಧವೆರ್ ಹೆಚ್ಚಿನ ಸಂಖ್ಯೆಡ್ ಸೇರ್ದ್ ಶ್ರೀ ದೇವಿನ ಕೃಪೆಗ್ ಪಾತ್ರರಾವೋಡು ಪಂದ್ ಯುವವಾಹಿನಿ(ರಿ.) ಬಂಟ್ವಾಳ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಥಾಣೆಡ್ ಇನಿ ಯಕ್ಷಗುರು ಅಜೆಕಾರು ಬಾಲಕೃಷ್ಣ ಶೆಟ್ರೆನ ನಿರ್ದೇಶನಡ್ ಆದಿಶಕ್ತಿ ವಿಜಯ ಯಕ್ಷಗಾನ ಬಯಲಾಟ

ಥಾಣೆ : ಅಜೆಕಾರ್ ಕಲಾಭಿಮಾನಿ ಬಳಗ (ರಿ.) ಬೊಂಬೈದ ಸದಸ್ಯೆರೆರ್ದ್ ಯಕ್ಷಗುರು ಅಜೆಕಾರು ಬಾಲಕೃಷ್ಣ ಶೆಟ್ರ್ ನ ನಿರ್ದೇಶನಡ್ ಆದಿಶಕ್ತಿ ವಿಜಯ ಯಕ್ಷಗಾನ ಬಯಲಾಟ ಅ.29 ಶನಿಯಾರ 2:30 ಗು ಥಾಣೆ ನವೋದಯ ಜೂನಿಯರ್ ಕಾಲೇಜ್ ದ ಚಾವಡಿಡ್ ನಡಪರೆ ಉಂಡು.

ಭಾಗವತೆರಾದ್ ದೇವಿಪ್ರಸಾದ್ ಆಳ್ವ ತಲಪಾಡಿ ಬೊಕ್ಕ ಹರೀಶ್ ಶೆಟ್ಟಿ ಕಟೀಲ್, ಮದ್ದಳೆಡ್ ಆನಂದ ಶೆಟ್ಟಿ ಇನ್ನ ಬೊಕ್ಕ ಹರೀಶ್ ಸಾಲ್ಯಾನ್, ಚೆಂಡೆಡ್ ಪ್ರಶಾಂತ್ ಶೆಟ್ಟಿ ವಗೆನಾಡು ಅಂಚೆನೆ ಪಾತ್ರಧಾರಿಲಾದ್ ರೇಷ್ಮ ಶೆಟ್ಟಿ, ಸುಜಲಾ ಶೆಟ್ಟಿ, ಸತೀಶ್ ಶೆಟ್ಟಿ ಕೊಟ್ರಪಾಡಿ, ಅವಕಾಶ್ ಜೈನ್, ಶ್ರುತಿ ಪೂಜಾರಿ, ಕವಿತ ಕುಂದರ್, ಕೃತಿಕ ಶೆಟ್ಟಿ, ಶ್ರೇಯ ಪೂಜಾರಿ, ತನಿಶ್ಕಾ ಶೆಟ್ಟಿ, ರಾಜೇಶ್ ಮೊಯಿಲಿ,ಗೀತಾ ಪೂಜಾರಿ, ಬಾಲಕೃಷ್ಣ ಸುವರ್ಣ, ಅಮಿತ್ ಪೂಜಾರಿ, ಶ್ರೇಯಸ್ ಜೈನ್, ರಮ್ಯ ಪೂಜಾರಿ, ಶ್ರಾವ್ಯ ಶೆಟ್ಟಿ ಉಲ್ಲೆರ್.
ಈ ಪೊರ್ತುಡು ರಾಜು ಶೆಟ್ಟಿ ಮೇರ್ ಬರೆತಿನ ಶ್ರೀ ಶನೀಶ್ವರ ಮಹಾತ್ಮೆ ಗ್ರಂಥನ್ ಗಣ್ಯೆರ್ ಬುಡುಗಡೆ ಮಲ್ಪೆರೆ ಉಲ್ಲೆರ್. ಬೊಕ್ಕ ಅಜೆಕಾರ್ ಕಲಾಭಿಮಾನಿ ಬಳಗದ ಸದಸ್ಯೆರ್, ಯಕ್ಷಗಾನ, ನೃತ್ಯ ಕಲಾವಿದೆ ಶ್ರುತಿ ಪೂಜಾರಿ ಮೇರೆಗ್ ಗಣ್ಯೆರೆನ ಎದುರು ತಮ್ಮನ ಕಾರ್ಯಕ್ರಮ ನಡಪುಂಡು. ಅಂಚನೆ ಈ ಲೇಸ್ ಗ್ ನವೋದಯ ಕನ್ನಡ ಸೇವಾ ಸಂಘ, ಥಾಣೆದ ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲು ಸಹಕಾರ ಕೊರ್ಪೆರ್ ಪಂದ್ ಯಕ್ಷಗುರು ಅಜೆಕಾರ್ ಬಾಲಕೃಷ್ಣ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.

ಸುಳ್ಯ ಸರಕಾರಿ ಪದವಿ ಪೂರ್ವ ಕಾಲೇಜ್ ಡ್ ಕೋಟಿ ಕಂಠ ಗಾಯನ

ಸುಳ್ಯ : ಕರ್ನಾಟಕದ 67ನೇ ಕನ್ನಡ ರಾಜ್ಯೋತ್ಸವದ ಅಂಗವಾದ್ ಅ.28 ದಾನಿ ಕನ್ನಡ ಸಂಸ್ಕೃತಿ ಇಲಾಖೆ ವತಿರ್ದ್ ಕೋಟಿ ಕಂಠ ಗಾಯನ ಕಾರ್ಯಕ್ರಮ ಸುಳ್ಯದ ಸರಕಾರಿ ಪದವಿ ಪೂರ್ವ ಕಾಲೇಜ್ ಡ್ ನಡತ್ಂಡ್.

ಈ ಲೇಸ್ ಡ್ ವಿದ್ಯಾರ್ಥಿಲು, ಶಿಕ್ಷಕೆರ್ ಪಾಲ್ ಪಡೆದ್ ಲೇಸ್ ನ್ ಪೊರ್ಲು ಮಲ್ತೆರ್.
ವರದಿ: ಜೆ.ಹೆಚ್.ಎಸ್

ತೋಕೂರು ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ಮುತಾಲಿಕೆಡ್ ಗೋಪೂಜೆ

ಹಳೆಯಂಗಡಿ: ದಕ್ಷಿಣ ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್(ರಿ) ತೋಕೂರು ಬೊಕ್ಕ ಲಯನ್ಸ್ & ಲಿಯೋ ಕ್ಲಬ್ ಕದ್ರಿ ಹಿಲ್ಸ್ ಕುಡ್ಲ ನೆತ್ತ ಒಟ್ಟು ಸೇರಿಗೆಡ್ ತುಳುನಾಡ ತುಡರ ಪರ್ಬ-2022 ಲೆಕ್ಕೊಡು ಗೋಪೂಜೆ ಲೇಸ್ ಅ. 26 ಬುಧಾರ ಬಯ್ಯಗ್ 4.30ಕ್ ಸಂಸ್ಥೆದ ಎದುರುಡು ನಡತ್ಂಡ್.

ತುಡರ್ ಪರ್ಬಡ್ ಗೋಪೂಜೆ ಇಸೇಸ ಉಂದು ಬಲಿಪಾಡ್ಯಮಿದಾನಿ ನಡಪುಂಡು. ಅಂಚನೆ ಮಹಿಳಾ ಸದಸ್ಯೆರ್ ಪೆತ್ತ ಬೊಕ್ಕ ಕಂಜಿಗ್ ಶೃಂಗಾರ ಮಲ್ತ್‌ ದ್, ಪೂತ್ತ ಮಾಲೆ ಪಾಡ್ದ್, ಆರತಿ ಮಲ್ತ್ ದ್, ಕುಂಕುಮ ದೀದ್, ತುಳುನಾಡ್ ದ ಪರ್ಬದ ವಿಶಿಷ್ಟ ತಿಂಡಿ ಆಯಿನ ಬೆಲ್ಲದ ಗಟ್ಟಿ ಬೊಕ್ಕ ಪರ್ಂದ್ ತಿನ್ಪಾದ್ ಗೋಪೂಜೆ ಮಲ್ತೆರ್. ಈ ಪೊರ್ತುಡು ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಕೃಷ್ಣ ಪೂಜಾರಿ, ಒಡಿಪು ಸಮೂಹ ಶಿಕ್ಷಣ ಸಂಸ್ಥೆಲು, ಮಣಿಪಾಲದ ಉಪನ್ಯಾಸಕೆರ್ ಅರ್ಪಿತಾ ಪ್ರಶಾಂತ್ ಶೆಟ್ಟಿ ಕಟಪಾಡಿ, ರಾಕ್ ಜಿಮ್ ಬೊಕ್ಕ ಬ್ಲ್ಯಾಕ್ ರಾಕ್ ಬೌನ್ಸರ್ಸ್ ದ ದೀಪಕ್ ಶೆಟ್ಟಿ(ಚಲನ ಚಿತ್ರ ನಟೆ) ಲಯನ್ಸ್ ಕ್ಲಬ್ ಕದ್ರಿಹಿಲ್ಸ್ ಕುಡ್ಲದ ಮಾಜಿ ಅಧ್ಯಕ್ಷೆರ್ ವಿಜಯಕುಮಾರ್ ಶೆಟ್ಟಿ,
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕುಡ್ಲದ ಸದಸ್ಯೆರ್ ನರೇಂದ್ರ ಕೆರೆಕಾಡು ಬಿನ್ನೆರಾದ್ ಗೋಪೂಜೆಡ್ ಪಾಲ್ ಪಡೆಯೆರೆ. ಈ ಪೊರ್ತುಡು
ಲಯನ್ಸ್ ಕ್ಲಬ್, ಕದ್ರಿಹಿಲ್ಸ್ ಕುಡ್ಲದ ಮಾಜಿ ಅಧ್ಯಕ್ಷೆರ್ ಸಂಜೀವ ಶೆಟ್ಟಿ, ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ವ್ಯವಸ್ಥಾಪನ ಸಮಿತಿದ ಸದಸ್ಯೆರ್ ಯೋಗೀಶ್ ಕೋಟ್ಯಾನ್, ಬಿಲ್ಲವ ಸಮಾಜ ಸೇವಾ ಸಂಘ ಹಳೆಯಂಗಡಿದ ಗೌರವಾಧ್ಯಕ್ಷೆರ್ ಗಣೇಶ್ ಬಂಗೇರ ತೋಕೂರು, ವಿಶ್ವ ಬ್ಯಾಂಕ್ ನೀರು ಸರಬರಾಜು, ಕ್ಲಸ್ಟರ್-2 ಮಾಜಿ ಅಧ್ಯಕ್ಷೆರ್ ದಿನಕರ್ ಸಾಲ್ಯಾನ್, ಸಂಸ್ಥೆದ ಗೌರವಾಧ್ಯಕ್ಷೆರ್ ಮೋಹನ್ ದಾಸ್, ಅಧ್ಯಕ್ಷೆರ್ ಸಂತೋಷ್ ದೇವಾಡಿಗ, ಮಹಿಳಾ ಕಾರ್ಯಾಧ್ಯಕ್ಷೆರ್ ಶೋಭಾ.ವಿ.ಅಂಚನ್, ಜಂಟಿ ಸಂಸ್ಥೆದ ಪದಾಧಿಕಾರಿಲು, ಸದಸ್ಯೆರ್, ಜೋಕುಲು, ಗ್ರಾಮಸ್ಥೆರ್ ಇತ್ತೆರ್. ಪ್ರಧಾನ ಕಾರ್ಯದರ್ಶಿ ಜಗದೀಶ್ ಕುಲಾಲ್ ಸೊಲ್ಮೆ ಸಂದಾಯೆರ್, ಕಾರ್ಯಾಧ್ಯೆಕ್ಷೆರ್ ಸುರೇಶ್ ಶೆಟ್ಟಿ ಲೇಸ್ ದ ನಿರೂಪಣೆ ಮಲ್ತೆರ್.

ಕಾಪುರ್ದು ಮುಲ್ಕಿ ಮುಟ್ಟ ರಾಮ ನಾಮ ಸಂಕೀರ್ತನಾ ಪಾದಯಾತ್ರೆ

ಕಾಪು : ರಾಮ ನಾಮ ಸಂಕೀರ್ತನಾ ಪಾದಯಾತ್ರೆ ಅ.30 ಐತಾರದಾನಿ ನಡಪರೆ ಉಂಡು.

ಈ ಪಾದಯಾತ್ರೆ ಕಾಪು ಶ್ರೀ ವೆಂಕಟರಮಣ ದೇವಲ್ಯಡ್ ಪ್ರಾತಃ ಜಾಗರ ಪೂಜೆರ್ದ್ ಬೊಕ್ಕ ಸಾಮೂಹಿಕ ಪ್ರಾರ್ಥನೆ, ಉಪಾಹಾರ ಆದ್ ಬೊಲ್ಪುಗು 5:30 ಕ್ ಸುರು ಆಪುಂಡು. ಆಯಿರ್ದ್ ಬೊಕ್ಕ ಪರ ಮಾರಿಯಮ್ಮ ದೇವಲ್ಯಡ್ ಭೇಟಿಯಾದ್, ಪಡುಬಿದ್ರೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಲ್ಯ ಭೇಟಿ ಬೊಕ್ಕ ಹೆಜಮಾಡಿ ಶ್ರೀ ಲಕ್ಷ್ಮೀ ನಾರಾಯಣ ದೇವಲ್ಯ ಭೇಟಿಯಾದ್, ಪೆಜಮಾಡಿ ಟೋಲ್ ಗೇಟ್ ರ್ದ್ ಪುದೆ ಕಾಣಿಕೆದೊಟ್ಟೆಗೆ ಮುಲ್ಕಿ ಶ್ರೀ ವೆಂಕಟರಮಣ ದೇವಲ್ಯಗ್ ಬತ್ತ್ ದ್ ರಾಮ ನಾಮ ಸಂಕೀರ್ತನ ಪಾದಯಾತ್ರೆ ಸಂಪನ್ನ ಅಪುಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಕುಡ್ಲ: ಬೆಂಗರೆಡ್ ಉಂತಾದಿನ ಬೋಟ್ ಗ್ ತೂ ಪತ್ತ್ ದ್ ಭಾರಿ ನಷ್ಟ

ಕುಡ್ಲ: ಪೇಂಟೆದ ಬೆಂಗ್ರೆಡ್ ಕಡಲ್ ಡ್ ಲಂಗರ್ ಪಾಡ್ದ್ ಉಂತಾದಿನ 3ಕ್ ಲ ಜಾಸ್ತಿ ಬೋಟ್ ಲೆಗ್ ತೂ ಪೊತ್ತಿನ ಘಟನೆ ಶುಕ್ರಾರ ಬಯ್ಯಗ್ ನಡತ್ಂಡ್.

ಒಂಜಿ ಬೋಟ್ ಗ್ ತೂ ಪತ್ತ್ ದ್, ಆ ತೂ ಕೈತಲ್ ಇತ್ತಿನ ಬೇತೆ ಬೋಟ್ ಲೆಗ್ ಪತ್ತ್ ದ್ಂಡ್.
ಈ ವಿಷಯ ತೆರಿನ ಕೂಡ್ಲೆ ಅಗ್ನಿಶಾಮಕ ದಳತ್ತಕುಲು ಜಾಗೆಗ್ ಬತ್ತ್ ದ್ ತೂ ತೆಕ್ಕಾವುನ ಬೇಲೆ ಮಲ್ದೆರ್. ಈ ಬೋಟ್ ಲು ಲಕ್ಷದ್ವೀಪದ ಉದ್ಯಮಿಗ್ ಸೇರಿನವು ಪಂದ್ ತೆರಿದ್ ಬೈದ್ಂಡ್.

ಭಗತ್ ಸಿಂಗ್ ಸೇವಾ ಪ್ರತಿಷ್ಠಾನ(ರಿ.) ತೊಕ್ಕೊಟ್ಟು ನೆತ್ತ ಗೂಡುದೀಪ ಕೂಟ ಸಮಿತಿದ ಗೂಡುದೀಪ ಸಂಗಮ

ಭಗತ್ ಸಿಂಗ್ ಸೇವಾ ಪ್ರತಿಷ್ಠಾನ(ರಿ.) ತೊಕ್ಕೊಟ್ಟು ನೆತ್ತ ಗೂಡುದೀಪ ಕೂಟ ಸಮಿತಿದ ಗೂಡುದೀಪ ಸಂಗಮ, ತುಡರ್ ಪರ್ಬ ಸಂಭ್ರಮ ಅ.29 ದಾನಿ ಬಯ್ಯಗ್ 5 ಗಂಟೆರ್ದ್ ಶ್ರೀ ರಾಜರಾಜೇಶ್ವರಿ ದೇವಲ್ಯಡ್ ನಡಪರೆ ಉಂಡು.

ರಾತ್ರೆ 7 ಗಂಟೆಗ್ D2D ಕೂಟದ ಡ್ಯಾನ್ಸ್ ಬೊಕ್ಕ ರಾತ್ರೆ 9.30 ಕ್ ದೀಪಕ್ ರೈ ಪಾಣಾಜೆ ಬೊಕ್ಕ ಪ್ರಕಾಶ್ ತೂಮಿನಾಡ್ ಮೊಕಲೆನ ಯಾನ್ ಉಲ್ಲೆತ್ತ ಪನ್ಪುನ ತುಳು ನಾಟಕ ನಡಪುಂಡು. ಈ ಲೇಸ್ ಗ್ ಮಾತೆರ್ಲ ಬತ್ತ್ ದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು.

ಮುಖ್ಯಮಂತ್ರಿ ಕಡೆ ಪತ್ರಕರ್ತೆರೆಗ್ 2.5 ಲಕ್ಷ ರೂ. ಗಿಫ್ಟ್ ರೂಪದ ಲಂಚ ಕೇಸ್ ದ ಆರೋಪ

ತುಡರ್ ಪರ್ಬದ ಪೊರ್ತುಡು ಕರ್ನಾಟಕದ ಕೆಲವು ಪತ್ರಕರ್ತೆರ್ ಮುಖ್ಯಮಂತ್ರಿಲೆನ ಕಚೇರಿರ್ದ್ ಚೀಪೆತಿಂಡಿದ ಒಟ್ಟಿಗೆ 2.5 ಲಕ್ಷ ರೂ.ದ ಗಿಫ್ಟ್ ರೂಪಡ್ ಲಂಚ ಕೊರ್ತಿನ ಆರೋಪ ಕೇಂಡ್ ದ್ ಬೈದ್ಂಡ್.

“ದಯಮಲ್ತ್ ದ್ ವೋಟ್ ಮುಟ್ಟ ಮಾಧ್ಯಮಡ್ ಸರ್ಕಾರದ ವಿರುದ್ಧದ ಸುದ್ದಿಲೆನ್ ನಿರೀಕ್ಷೆ ಮಲ್ಪೊರ್ಚಿ ‘ ಪನ್ಪುನ ವೈರಲ್ ವಾಟ್ಸಾಪ್ ಸಂದೇಶನ್ ಬೆರಿ ಪತೊಂದು ಪೋನಗ ಈ ವಿಷಯ ಗೊತ್ತಾತ್ಂಡ್. ಕೆಲವು ಪತ್ರಕರ್ತೆರ್ ಚೀಪೆತಿಂಡಿದ ಬಾಕ್ಸ್ ಡ್ ನೋಟುದ ಕಟ್ಟ್ ತೂಯಿನ ಕೂಡ್ಲೆ ಸಿಎಂ ಕಚೇರಿಗ್ ವಾಪಸ್ ಮಲ್ತ್ ದ್ ಸರ್ಕಾರದ ಕ್ರಮೊನು ಖಂಡಿಸಾದೆರ್. ಕೆಲವು ಟಿವಿ ಚಾನೆಲ್‌ ನಿರೂಪಕೆರೆಗ್ ಬೊಕ್ಕ ರಾಜಕೀಯ ವಿಷಯಲೆನ್ ಕವರ್ ಮಲ್ಪುನಕಲೆಗ್ 5 ಲಕ್ಷ ರೂ. ಮುಟ್ಟ ಕೊರ್ತೆರ್ ಪನ್ಪಿನ ಆರೋಪಲ ಬೈದ್ಂಡ್. ಈ ಪೊರ್ತುಡು ಕೆಲವು ಪೇಪರ್ ದಕಲೆಗ್ ಖಾಲಿ ಚೀಪೆತಿಂಡಿದ ಬಾಕ್ಸ್ ನ್ ಕೊರ್ತೆರ್ ಪಂದ್ ಗೊತ್ತಾತ್ಂಡ್.

ಅರೆಭಾಷೆ ಪಿಕ್ಚರ್ ಡ್ ಅಭಿನಯ ಮಲ್ತಿನ ಜಾಲುಮನೆತ ಬಾಲೆ ಲಾಲಿತ್ಯ

ಖ್ಯಾತ ಚಲನಚಿತ್ರ ನಿರ್ದೇಶೆಕೆರ್ ಸಂತೋಷ್ ಮಾಡ ನಿರ್ದೇಶನಡ್ ಆವೊಂದು ಇಪ್ಪುನ ಕನ್ನಡ ಅರೆಭಾಷೆ ಪಿಕ್ಚರ್ ದ ಸುರುತ ಹಂತದ ಶೂಟಿಂಗ್ ಅರಂಬೂರು ತೂಗುಸೇತುವೆಡ್ ಬೊಕ್ಕ ಸುಳ್ಯದ ಸುತ್ತಮುತ್ತದ ಪ್ರದೇಶಡ್ ನಡತ್ಂಡ್.

ಈ ಪಿಕ್ಚರ್ ಡ್ ಮಡಪ್ಪಾಡಿ ಗ್ರಾಮದ ಕೊಲ್ಲಮೊಗ್ರ ಜಾಲುಮನೆ ಇಲ್ಲದ ಪ್ರಶಾಂತಿ ಹರ್ಷಕುಮಾರ್ ದಂಪತಿಲೆನ ಮೋಕೆದ ಮಗಲ್ ಲಾಲಿತ್ಯ ಜಾಲುಮನೆ ಆಕ್ಯ್ಟಿಂಗ್ ಮಲ್ತಿನವು ಗ್ರಾಮಗ್ ಬೊಕ್ಕ ಕುಟುಂಬದಕುಲೆಗ್ ಪೆರ್ಮೆದ ವಿಷಯ.

ಈ ಬಾಲೆ ದೇವಚಳ್ಳ ಗ್ರಾಮದ ಎಲಿಮಲೆ ಜ್ಞಾನದೀಪ ವಿದ್ಯಾಸಂಸ್ಥೆಡ್ 2 ನೇ ಕ್ಲಾಸ್ ಡ್ ಕಲ್ತೊಂದು ಉಲ್ಲೆರ್. ಮೇರ್ ಪಾಠ ಬೊಕ್ಕ ಪಠ್ಯೇತರ ಚಟುವಟಿಕೆಡ್ಲಾ ಸುರುರ್ದೆ ಆಸಕ್ತಿ ಇಪ್ಪುನ ಬಾಲೆ ಲಾಲಿತ್ಯ. ಪದ್ಯ ಪನ್ಪುನೆಟ್ಲಾ ಹುಷಾರ್, ಗೊಬ್ಬುನೆಟ್ಲಾ ಹುಷಾರ್, ಕಲ್ಪುನೆಟ್ಲಾ ಹುಷಾರ್, ಮಾತೆಟ್ಲಾ ಹುಷಾರ್ ಇಪ್ಪುನ ಲಾಲಿತ್ಯ ಶಾಲೆಡ್ ಗುರುಕುಲೆನ ನೆಚ್ಚಿನ ವಿದ್ಯಾರ್ಥಿನಿ ಆತೆರ್. ಕಲ್ಪುನೆತ ಒಟ್ಟಿಗೆ ಇತ್ತೆ ಆಕ್ಯ್ಟಿಂಗ್ ಮಲ್ಪುನ ಲಾಲಿತ್ಯ ಸುಳ್ಯದ ಪ್ರಖ್ಯಾತ ಡಾನ್ಸ್ ಗ್ರೂಪ್ ಆಯಿನ ಫ್ಯೂಶನ್ ಇನ್ಸ್ಟಿಟ್ಯೂಟ್ ಆಫ್ ಡ್ಯಾನ್ಸ್ ಸಂಸ್ಥೆಡ್ ಡ್ಯಾನ್ಸ್ ಕಲ್ತೊಂದು ಉಲ್ಲೆರ್.

ಈ ಅರೆಭಾಷೆ ಪಿಕ್ಚರ್ ಡ್, ಡ್ರಾಮ ಜ್ಯೂನಿಯರ್ ಸೀಸನ್-4 ದ ರಡ್ಡ್ ನೇ ರನ್ನರ್ ಅಪ್ ಆಯಿನ ಒಡಿಪುದ ಸಾನಿಧ್ಯ ಆಚಾರ್ಯ, ಬೊಕ್ಕ ಈ ಚಿತ್ರದ ಪ್ರಮುಖ ಪಾತ್ರಡ್ ತುಳು ಪಿಕ್ಚರ್ ದ ನಾಯಕೆ ನಟೆ ಕುಸಲ್ದರಸೆ ನವೀನ್ ಡಿ ಪಡೀಲ್, ಮಜಾಭಾರತ ಖ್ಯಾತಿಯ ದೀಪಕ್ ರೈ ಪಾಣಾಜೆ ಆಕ್ಯ್ಟಿಂಗ್ ಮಲ್ದೆರ್. ರಡ್ಡ್ ನೇ ಹಂತದ ಶೂಟಿಂಗ್ ಸದ್ಯಡೇ ಸುರು ಆಪುನೆರ್ದಾವರ ನನದ ಶೂಟಿಂಗ್ ಗ್ ಪೂರ್ವ ತಯಾರಿಡ್ ಉಲ್ಲೆರ್ ಲಾಲಿತ್ಯ. ಈ ಪಿಕ್ಚರ್ ದೊಟ್ಟಿಗೆ ಮೇರೆನ ಪ್ರತಿಭೆ ಮಾತ ಕ್ಷೇತ್ರಡ್ ನನಾತ್ ಬೆಳಗಡ್ ಪಂದ್ ಬಯಕುವ.
ಬರವು: ಜೆ.ಹೆಚ್.ಎಸ್