Times of kudla

ಯುವವಾಹಿನಿ ಬೆದ್ರ ಘಟಕದ ಪೊಸ ಪದಾಧಿಕಾರಿಲೆನ ಆಯ್ಕೆ

ಬೆದ್ರ: ಯುವವಾಹಿನಿ ಬೆದ್ರ ಘಟಕದ 2022-23 ನೇ ಸಾಲ್ ದ ಪೊಸ ಅಧ್ಯಕ್ಷೆರಾದ್ ಸುಶಾಂತ್ ಕರ್ಕೇರ ಆಯ್ಕೆ ಆತೆರ್.

ಕಾರ್ಯದರ್ಶಿಯಾದ್ ವಿಜೇಶ್, ಶಂಕರ್. ಎ. ಕೋಟ್ಯಾನ್, ಶರ್ಮಿತ್ ಕೋಟ್ಯಾನ್ ಉಪಾಧ್ಯಕ್ಷೆರಾದ್, ಪ್ರಭಾಕರ್ ಚಾಮುಂಡಿಬೆಟ್ಟ ಕೋಶಧಿಕಾರಿಯಾದ್ ಆಯ್ಕೆ ಆತೆರ್. ಬೇತೆ ಬೇತೆ ವಿಭಾಗದ ನಿರ್ದೇಶಕೆರಾದ್ ಶಿವರಾಜ್ ಕಡಂದಲೆ, ಲೋಲಾಕ್ಷಿ, ಸೌಮ್ಯ ಕೋಟ್ಯಾನ್, ಅಕ್ಷತಾ ಪೂಜಾರಿ, ರಂಜಿತ್ ಕೋಟ್ಯಾನ್, ಮಹೇಶ್ ಕರ್ಕೇರ, ವಸಂತ್ ಪೂಜಾರಿ, ಸಂಪತ್. ಎಸ್. ಬಂಗೇರ, ಹರೀಶ್ಚಂದ್ರ. ಕೆ. ಸಿ., ಪಾವನ ಸಂತೋಷ್, ಶೋಭಾ ದಿನೇಶ್ ಬೊಕ್ಕ ಬೇತೆ ಬೇತೆ ವಿಭಾಗದ ಸಂಘಟನಾ ಕಾರ್ಯದರ್ಶಿಯಾದ್ ಪ್ರಶಾಂತ್ ಕರ್ಕೇರ, ಆದರ್ಶ್ ಸುವರ್ಣ, ಲೋಕೇಶ್ ಪಣಪಿಲ, ಹಿಂದೂ ಚೇತನ್, ರಾಜೇಶ್ ಕಡಂದಲೆ, ಸಾಯಿ ರಾಜ್ ಕೋಟ್ಯಾನ್, ಗಿರೀಶ್ ಕೋಟ್ಯಾನ್, ದೇವರಾಜ್, ಅಶ್ವಿನಿ ಪೂಜಾರಿ, ಅವಿನಾಶ್ ಎ. ಸುವರ್ಣ, ಹರೀಶ್ ಕೆ, ಪ್ರಸಾದ್ ಪೂಜಾರಿ, ಚಂದ್ರವತಿ ಸುವರ್ಣ, ನವೀನ್, ಪ್ರದೀಪ್, ಪ್ರಶಾಂತ್ ಪೂಜಾರಿ ಬೊಕ್ಕ ಗೌರವ ಸಲಹೆಗಾರೆರಾದ್ ಉಮಾನಾಥ್ ಎ ಕೋಟ್ಯಾನ್, ನಾರಾಯಣ್, ಪಿ. ಎಮ್, ಭಾನುಮತಿ ಸೀನಪ್ಪ, ಸುರೇಶ್. ಕೆ. ಪೂಜಾರಿ, ರಾಘು. ಸಿ. ಪೂಜಾರಿ ಗುಮಡಬೆಟ್ಟು, ಸುರೇಶ್ ಕೋಟ್ಯಾನ್, ಸುರೇಶ್ ಎಮ್, ಕಾಯಂ ಆಹ್ವಾನಿತರಾದ್ ಯೋಗೀಶ್ ಕೈರೋಳಿ, ಪದ್ಮನಾಭ ಸಾಲಿಯಾನ್, ಹರೀಶ್ ಕಾಫೀಕಾಡ್, ಯೋಗಿತಾ ನವನಂದ, ಜೀವಿತ ಶಂಕರ್, ಮಾಲತಿ ಗೋಪಿನಾತ್, ವಾಸು ಪೂಜಾರಿ, ಶೋಭಾ ಸುರೇಶ್, ಜಯಶೀಲಾ ಆಯ್ಕೆ ಆತೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ವರದಿ: ಜಗದೀಶ್ ಪೂಜಾರಿ
ಬೆದ್ರ

ನ.29 : ಕಡಂದಲೆ ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಲ್ಯಡ್ ಚಂಪಾ ಷಷ್ಠಿ ಉಚ್ಚಯ

ಕಡಂದಲೆ ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವೆರೆನ ಸನ್ನಿಧಿಡ್ ವರ್ಷಂಪ್ರತಿ ನಡಪುನ ಚಂಪಾ ಷಷ್ಠಿ ಉಚ್ಚಯ ನ.29 ಅಂಗಾರೆ ಎಡಪದವು ವೆಂಕಟೇಶ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.

ಶ್ರೀ ಭಗವತನ ಅನುಗ್ರಹರ್ದ್ ನ.28 ಸೋಮಾರ ಸ್ಕಂದ ಪಂಚಮಿರ್ದ್ ಸುರು ಆದ್, ಡಿ.3 ಶನಿಯಾರ ಮುಗಿವುಂಡು. ಈ ವರ್ಷಾವಧಿ ಉಚ್ಚಯಗ್ ಬತ್ತ್ ದ್, ಶ್ರೀ ದೇವೆರೆನ ಸಿರಿ-ಮುಡಿ-ಗಂಧ ಪ್ರಸಾದನ್ ದೆತೊಂದು, ಶ್ರೀ ಸುಬ್ರಹ್ಮಣ್ಯ ಸ್ವಾಮಿನ ಅನುಗ್ರಹಗ್ ಪಾತ್ರರಾವೊಡು ಪಂದ್ ಅರ್ಚಕೆರ್ ಕೆ. ವಾಸುದೇವ ಭಟ್, ಬೆದ್ರದ ತಹಶೀಲ್ದಾರ್ ಬೊಕ್ಕ ಆಡಳಿತಾಧಿಕಾರಿ ಸಚ್ಚಿದಾನಂದ ಸತ್ಯಪ್ಪ ಕುಚನೂರು ಬೊಕ್ಕ ಕಡಂದಲೆ ಬೊಕ್ಕ ಪಾಲಡ್ಕ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.

ವರದಿ:ಜಗದೀಶ್ ಪೂಜಾರಿ ಬೆದ್ರ

ಪಿಎಸ್ಐ ಅಕ್ರಮ ನೇಮಕಾತಿಡ್ ಎಡಿಜಿಪಿ ಅಮೃತ್ ಪಾಲ್ ಕೂಡ ಸಿಐಡಿ ವಶೊಕ್ಕು

ಬೆಂಗ್ಲೂರ್: ಪಿಎಸ್ಐ ಕಲ್ವ ನೇಮಕಾತಿದ ಬಗೆಟ್ ತನಿಖೆ ನಡತೊಂದು ಇಪ್ಪುನ ಸಿಐಡಿ, ಎಡಿಜಿಪಿ ಅಮೃತ್ ಪಾಲ್ ನ್ ಮೆರೆನ್ಲ ವಶಕ್ ಪಡೆತೆರ್.

ಜಾರಿ ನಿರ್ದೇಶನಾಲಯ ಅಮೃತ್ ಪಾಲ್ ನಿವಾಸದ ಮಿತ್ತ್ ದಾಳಿ ಮಲ್ತಿನ ಪೊರ್ತುಡು ಈ ವಿಷಯ ತೆರಿದ್ ಬೈದ್ಂಡ್. ಈ ಬಗೆಟ್ ಸಿಐಡಿ ಡಿವೈಎಸ್ ಪಿ ಅಂಜುಮಾಲಾ ನೇತೃತ್ವದ ಕೂಟ ವಿಚಾರಣೆ ನಡಪವೊಂದು ಉಂಡು. ನಾಲ್ ನೇ ಸರ್ತಿ ಸಿಐಡಿ ಮೆರೆನ್ ವಿಚಾರಣೆ ಮಲ್ತೊಂದು ಉಂಡು.

ರಾಜ ಕೇಸರಿ ಸಂಘಟನೆ ‘ಆಸರೆ’ ಯೋಜನೆದ 34ನೇ ಇಲ್ಲ್ ಒಕ್ಕೆಲ್

ರಾಜ ಕೇಸರಿ ಸಂಘಟನೆದ ಆಸರೆ ಇಲ್ಲ್ ನಿರ್ಮಾಣದ ಲೆಕ್ಕೊಡು 34ನೇ ಇಲ್ಲ್ ದ ಒಕ್ಕೆಲ್ ಲೇಸ್ ಮೇಲಂತಬೆಟ್ಟು ಗ್ರಾಮದ ಒಳ್ತುರೊಡಿ ನಿವಾಸಿ ಆಯಿನ ಶಾಂತ ಮೇರೆನಲ್ಪ ನ.13 ಐತಾರದಾನಿ ನಡತ್ಂಡ್.

ಈ ಲೇಸ್ ಡ್ ಶ್ರೀ ಮಂತ್ರ ದೇವತೆ ಸಾನಿಧ್ಯ ಕಟ್ಟೆಮಾರ್ ದ ಧರ್ಮದರ್ಶಿ ಮನೋಜ್ ಕಟ್ಟೆಮಾರ್ ಮೇರೆನ ಆಶೀರ್ವಾದರ್ದ್ ಬೊಕ್ಕ ಶ್ರೀ ನಾಗಕಲ್ಲುರ್ಟಿ ದೇವಲ್ಯ ಶ್ರೀ ಕ್ಷೇತ್ರ ಮಂಗಳಗಿರಿ ಮುಂಡೂರು ನೆತ್ತ ಅರ್ಚಕೆರಾಯಿನ ಸುಧಾಕರ್ ಮೆರೆನ ಮುತಾಲಿಕೆಡ್ ನಡತ್ಂಡ್. ಬೊಲ್ತೇರ್ ಪೊಲೀಸ್ ಠಾಣೆದ ಸುನಿತಾ ಪ್ರವೀಣ್ ಮೇರ್ ಇಲ್ಲ್ ದ ಉದಿಪನ ಮಲ್ತೆರ್. ನಾಮಫಲಕನ್ ವಿಜಯವಾಣಿ ಸಂತೆಕಟ್ಟೆ ಮೇರ್ ಅನಾವರಣ ಮಲ್ತೆರ್. ಈ ಪೊರ್ತುಡು ರಾಜ ಕೇಸರಿ ಸಂಘಟನೆದ ಸಂಸ್ಥಾಪಕೆರ್ ದೀಪಕ್ ಜಿ ಬೊಲ್ತೇರ್, ಕೈತಲ್ ದ ಗ್ರಾಮ ಪಂಚಾಯತ್ ಸದಸ್ಯೆರ್ ಚಂದ್ರರಾಜ್ ಎಂ, ಮುಂಡೂರು ಗ್ರಾಮ ಪಂಚಾಯತ್ ಸದಸ್ಯೆರ್ ಸಂತೋಷ್ ಕುಮಾರ್,
ರಾಜ ಕೇಸರಿ ಸಂಘಟನೆದ ಸದಸ್ಯೆರಾಯಿನ
ಸಂದೀಪ್, ಸಂತೋಷ್, ಸಂಪತ್, ಸಂದೇಶ್, ಅಮೃತ್, ಪ್ರಶಾಂತ್ ನಾಯಕ್, ಬೊಕ್ಕ ಕೈತಲ್ ದ ನಿವಾಸಿಲು ಇತ್ತೆರ್.

ಎಡನೀರು ಮಠ, ಶಾಲೆಡ್ ತುಳು ಲಿಪಿ ಪಲವೆ ಸ್ಥಾಪನೆಗ್ ಬಿನ್ನಾಪು ಮಲ್ತಿನ ಜೈ ತುಲುನಾಡ್ (ರಿ.) ಕಾಸ್ರೋಡು ಘಟಕದ ಪದಾಧಿಕಾರಿಲು

ಶ್ರೀ ಶಂಕರಾಚಾರ್ಯ ಸಂಸ್ಥಾನ ಶ್ರೀ ಎಡನೀರು ಮಠಡ್ ಶ್ರೀ ಶ್ರೀ ಶ್ರೀ ಸಚ್ಚಿದಾನಂದ ಭಾರತಿ ಸ್ವಾಮಿಲೆನ್ ಭೇಟಿ ಮಲ್ತಿನ ಜೈ ತುಲುನಾಡ್ (ರಿ.) ಕಾಸ್ರೋಡು ಘಟಕದ ಪದಾಧಿಕಾರಿಲು ಎಡನೀರು ಮಠಡ್ ಬೊಕ್ಕ ಎಡನೀರು ಶಾಲೆಡ್ ತುಳು ಲಿಪಿ ಪುದರ್ ಪಲವೆ ಪಾಡರೆ ಬಿನ್ನಾಪು ಮಲ್ತೆರ್.

ಶ್ರೀ ಸ್ವಾಮೀಜಿ ಮೇರ್ ಪಾತೆರ್ದ್, ಜೈ ತುಲುನಾಡ್ (ರಿ.) ಸಂಘಟನೆ ಈ ರೀತಿದ ಅಭಿಯಾನನ್ ದೆತೊಂದು ತುಲು ಲಿಪಿತ ಬೊಕ್ಕ ಭಾಷೆದ ಬುಲೆಚ್ಚಿಲ್ ಗ್ ಕೊಡುಗೆನ್ ಕೊರ್ಪುನವು ಮೆಚ್ಚಡಾಯಿನವು ಪಂದ್ ಪಂಡೆರ್. ತುಳು ಭಾಷೆ ಆಯಿನತ್ ಬೇಗ ಎಣ್ಮನೇ ಪರಿಚ್ಛೇದಗ್ ಸೇರುಲೆಕ್ಕ ಅವಂಡ್ ಪಂದ್ ಪಂಡೆರ್. ಈ ಪೊರ್ತುಡು ಜೈ ತುಲುನಾಡ್ (ರಿ.) ಕಾಸ್ರೋಡು ಘಟಕದ ಅಧ್ಯಕ್ಷೆರ್ ಹರಿಕಾಂತ ಕಾಸ್ರೋಡು, ಜೊತೆ ಕಾರ್ಯದರ್ಶಿ ಜಗನ್ನಾಥ ಕುಲಾಲ್ ಕಂಡತೋಡಿ, ಪ್ರೊಫೆಸರ್ ಎ. ಶ್ರೀನಾಥ್, ವಿಜಯರಾಜ ಪುಣಿಂಚಿತ್ತಾಯ ಇತ್ತೆರ್.

ನ.27: ಅಂಜಾರ್ ಶ್ರೀ ಬ್ರಹ್ಮ ಬೈದೆರ್ಲ ಗರಡಿಡ್ ಅಗೆಲ್ ಸೇವೆ, ದರ್ಶನ

ಅಂಜಾರ್ ದ ಶ್ರೀ ಬ್ರಹ್ಮ ಬೈದರ್ಕಳ ಗರಡಿಡ್ ವರ್ಷಂಪ್ರತಿ ನಡಪುನ ಕೊಡಿ ತಿಂಗೊಲ್ದ ಪೊಸ ಅರಿತ್ತ ಅಗೆಲ್ ಸೇವೆ ನ.27 ಐತಾರ ಬಯ್ಯಗ್ 8 ಗಂಟೆಗ್ ನಡಪರೆ ಉಂಡು.

ಅಂಚನೆ 9 ಗಂಟೆಗ್ ಬೈದೆರ್ಲೆ ದರ್ಶನ ನಡಪುಂಡು. ಈ ಲೇಸ್ ಗ್ ಮಾತ ಭಕ್ತೆರ್ ತನು ಮನ ಧನ ಸಕಾಯ ಮಲ್ತ್ ದ್, ಗಂಧ ಪ್ರಸಾದ ಸ್ವೀಕಾರ ಮಲ್ತ್ ದ್, ಬ್ರಹ್ಮ ಬೈದೆರ್ಲೆನ ಕೃಪೆಗ್ ಪಾತ್ರರಾವೋಡು ಪಂದ್ ಆಡಳಿತ ಸಮಿತಿದಕುಲು ಬಿನ್ನಾಪು ಮಲ್ದೆರ್.

ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಜೀರ್ಣೋದ್ಧಾರ ಬೊಂಬೈ ಸಮಿತಿದ ಸಮಲೋಚನ ಸಭೆ

ಸುಮಾರ್ ಶತಮಾನದ ಇತಿಹಾಸ ಇಪ್ಪುನ ತೋಕೂರು ಹಳೆಯಂಗಡಿ ಶ್ರೀ ಸುಬ್ರಹ್ಮಣ್ಯ ದೇವಾಲಯದ ಜೀರ್ಣೋದ್ಧಾರ, ಪುನರ್ ನಿರ್ಮಾಣದ ಬೇಲೆ ಶಾಸ್ತ್ರೋಕ್ತವಾದ್ ನಡತೊಂದು ಉಂಡು. ವಾಸ್ತುಶಿಲ್ಪ ತಜ್ಞೆರೆನ ಮಾರ್ಗದರ್ಶನದಂಚನೆ ನ್ಯಾಯ ಬದ್ದ, ಶಾಸ್ತ್ರ ಬದ್ದ, ನಿಯಮಬದ್ದ ರಚನೆದ ಗರ್ಭ ಗೃಹ ಸಂಪೂರ್ಣ ಶಿಲಾಮಯ ಆತ್ಂಡ್. ದೇವಲ್ಯದ ನಿರ್ಮಾಣದ ಜಾಗೆ, ವಾಸ್ತು, ದೇವಲ್ಯದ ಪೀಠೋಪಕರಣ ಸೇರ್ದ್ ಮಾತಲ ಧಾರ್ಮಿಕ ವಿಧಿ ವಿಧಾನದಂಚನೆ ಮಲ್ಪರೆ ಉಂಡು ಪಂದ್ ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಹರಿದಾಸ್ ಭಟ್ ತೆರಿಪಾಯೆರ್.

ಮೇರ್ ಘಾಟ್ಕೋಪರ್ ಪೂರ್ವದ ರೈಲ್ವೆ ಸ್ಟೇಷನ್ ದ ಹೋಟೆಲ್ ಸಾಮ್ರಾಟ್ ಜಾವಡಿಡ್ ನ.13 ಕ್ ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಜೀರ್ಣೋದ್ಧಾರ ಬೊಂಬೈ ಸಮಿತಿ ಅಟ್ಟಣೆ ಮಲ್ತಿನ ಸಮಾಲೋಚನೆ ಸಭೆತ ಅಧ್ಯಕ್ಷತೆ ಒಯಿಸೊಂದು ಪಾತೆರಿಯೆರ್. ಸುಮಾರ್ 10 ಕೋಟಿ ರೂಪಾಯಿ ಕರ್ಚಿಡ್ ಶ್ರೀ ಸುಬ್ರಹ್ಮಣ್ಯ, ಶ್ರೀ ಮಹಾಗಣಪತಿ ಬೊಕ್ಕ ಶ್ರೀ ದುರ್ಗೆನ ಗರ್ಭ ಗುಡಿ, ನಮಸ್ಕಾರ ಮಂಟಪ, ಮುಖ ಮಂಟಪ, ಸುತ್ತುಪೌಳಿದ ಪುನರ್ ನಿರ್ಮಾಣ, ಧ್ವಜಸ್ತಂಬ, ಪೊಸ ಬ್ರಹ್ಮರಥ, ದೇವಲ್ಯದ ಎದುರುಭಾಗದ ರಾಜಗೋಪುರ ನಿರ್ಮಾಣ, ಸಾಂಸ್ಕೃತಿಕ ಲೇಸ್ ದ ಸಭಾಭವನನ್ ನಿರ್ಮಾಣ ಮಲ್ಪುನ ಯೋಜನೆ ಉಂಡು. ಮಾತ ಭಕ್ತೆರೆನ ಮನಸ್ಸ್ ಒಂಜಾದ್ ಸಾವಿರ ಕೈಕುಲು ಒಂಜಾದ್ ಉಂತುಂಡ ನನದ ಏಪ್ರಿಲ್ ಮೇ ತಿಂಗೊಲ್ಡ್ ಜೀರ್ಣೋದ್ಧಾರ ಕಜ್ಜೊಲೆನ್ ಮುಗಿತ್ ದ್, ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶಾಭಿಷೇಕ ನಡಪಾವುನ ಯೋಜನೆ ಉಂಡು. ಈ ನಿಟ್ಟಿಡ್ ಬೊಂಬೈ ಸಮಿತಿದ ಪಾತ್ರ ಮಸ್ತ್ ಮಹತ್ವ ಆತ್ಂಡ್. ಸಂಕಲ್ಪ ನಮ್ಮ, ಪ್ರಚೋದನೆ ಶ್ರೀ ಸುಬ್ರಹ್ಮಣ್ಯ ಸ್ವಾಮಿನ ಬೆಂಬಲ ನಿಕ್ಲೆನ ಮತ ಪಂದ್ ಪಂಡೆರ್.

ಜೀರ್ಣೋದ್ಧಾರ ಸಮಿತಿದ ಜತೆ ಕಾರ್ಯದರ್ಶಿ ಅನಂತರಾಮ ಶಿಮಂತರಾಯ ಪಾತೆರ್ದ್, 9 ಮಾಗಣೆದ ಅರಾಧಕ ಶ್ರೀ ಸುಬ್ರಹ್ಮಣ್ಯ ದೇವೆರೆನ ಕರುಣಾಮಯಿ ಭಕ್ತ ವತ್ಸಲಗ್ ನಮ ಕೊರ್ಪುನ ಎಲ್ಯ ಕಾಣಿಕೆ ದೇವಲ್ಯ ಕಟೈನಾತ್ ಪುಣ್ಯ ತಿಕ್ಕುಂಡು. ಇಂಚಿನ ಅವಕಾಶ ಕುಡೊರ ತಿಕ್ಕಾದ್. ಬಾಲಾಲಯಡ್ ಇಪ್ಪುನ ದೇವೆರೆನ್ ದೇವಲ್ಯಗ್ ಕನಪುನ ಈ ಪುಣ್ಯ ಕಾರ್ಯಗ್ ಬೊಂಬೈದ ಜನಕುಕು ಸಕಾಯ ಮಲ್ಪೊಡು ಪಂದ್ ಪಂಡೆರ್. ಗೌ.ಕಾರ್ಯದರ್ಶಿ ರಾಮಣ್ಣ ಬಿ.ದೇವಾಡಿಗ ಪಾತೆರ್ದ್, ಪ್ರಾಮಾಣಿಕತೆ, ಪಾರದರ್ಶಕ, ಸೃಜನಶೀಲತೆದ ಹರಿದಾಸ್ ಭಟ್ ಅಭಿವೃದ್ಧಿದ ಹರಿಕಾರೆರ್ ಆತೆರ್. 800 ವರ್ಷದ ಇತಿಹಾಸದ ಚಿತ್ರಣನ್ ಬದಲ್ ಮಲ್ತ್ ದ್, ಶಿಲಾಮಯ ದೇವಲ್ಯದ ರಚನೆಗ್ ದುಂಬಾತೆರ್. ಬ್ರಹ್ಮಚಾರಿ ಆಯಿನ ಮೇರ್ ಶ್ರೀ ಸುಬ್ರಹ್ಮಣ್ಯ ದೇವೆರೆನ ಪ್ರತಿನಿಧಿ ಪನ್ಪುನ ಭಾವನೆ ನಮಡ ಉಂಡು. ಆರೆನ ಪ್ರತಿಯೊಂಜಿ ಕಾರ್ಯಡ್ಲಾ ತನು ಮನ ಧನರ್ದ್ ಸಹಕಾರ ಮಲ್ಪೊಡು ಪಂದ್ ಪಂಡೆರ್. ಬೊಂಬೈ ಸಮಿತಿದ ಅಧ್ಯಕ್ಷೆರ್ ನಾಗೇಶ್ ಜಿ.ಶೆಟ್ಟಿ ಪಾತೆರ್ದ್, ಸಮಗ್ರ ಅಭಿವೃದ್ಧಿದ ಬಹು ಕೋಟಿ ರೂಪಾಯಿ ಯೋಜನೆ ಪೂರ್ಣ ಆಯೆರೆ ಸರ್ವ ಭಕ್ತೆರೆನ ಪನವುದ ಸಕಾಯ ದೇವ್ಯದ ಅಣು ಅಣುಟ್ಲಾ ಇಪ್ಪೊಡು. ಇಂಚಿನ ಅವಕಾಶ ಕುಡೊರ ತಿಕ್ಕಡ್ ಪಂದ್ ಪಂಡೆರ್. ಜೀರ್ಣೋದ್ಧಾರ ಸಮಿತಿದ ಗೌರವ ಅಧ್ಯಕ್ಷೆರ್ ತೋಕೂರು ಗುತ್ತು ಭಾಸ್ಕರ ಶೆಟ್ಟಿ ಪಾತೆರ್ದ್, ಜೀರ್ಣೋದ್ಧಾರಗ್ ವಾಗ್ದಾನ ಮಲ್ತಿನ ಭಕ್ತೆರ್ ಆಯಿನಾತ್ ಬೇಗ ಪಣಪುದ ಸಕಾಯ ಮಲ್ತ್ಂಡ, ಬೊಕ್ಕ ಪಣಪುದ ಕೊರತೆ ಇಪ್ಪುಜಿ. ಸರಿಯಾಯಿನ ಸಮಯಗ್ ಯೋಜನೆ ಪೂರ್ಣ ಆಯೆರೆ ಶಕ್ತಾನುಸಾರದ ಸೇವೆ ಅಗತ್ಯ ಪಂದ್ ಪಂಡೆರ್. ಈ ಪೊರ್ತುಡು ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಹರಿದಾಸ ಭಟ್ ಮೆರೆನ್ ಬೊಂಬೈ ಸಮಿತಿದ ಪರವಾದ್ ತಮ್ಮಾನ ಮಲ್ತೆರ್. ಗೌರವ ಅಧ್ಯಕ್ಷೆರ್ ತೋಕೂರು ಗುತ್ತು ಭಾಸ್ಕರ ಶೆಟ್ಟಿ, ಜೀರ್ಣೋದ್ಧಾರ ಸಮಿತಿದ ಉಪಾಧ್ಯಕ್ಷೆರ್ ಮೋಹನ್ ದಾಸ್, ಜತೆ ಕಾರ್ಯದರ್ಶಿ ಅನಂತರಾಮ ಶಿಮಂತರಾಯ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್. ಕೋಶಾಧಿಕಾರಿ ತೋಕೂರು ಗುತ್ತು ಶಶಿಧರ ಶೆಟ್ಟಿ, ರತ್ನಾಕರ ಶೆಟ್ಟಿ, ಪತ್ರಕರ್ತ ನರೇಂದ್ರ ಕೆರೆಕಾಡು, ನಾಗೇಶ್ ಶೆಟ್ಟಿ, ಬೆಂಗ್ಲೂರ್ ಸಮಿತಿದ ಕಾರ್ಯದರ್ಶಿ ಹರಿಪ್ರಸಾದ್ ಶೆಟ್ಟಿ, ಸತೀಶ್ ಶೆಟ್ಟಿ ಪಾತೆರಿಯೆರ್. ಮಾಗಂದಡಿ ಭಾಸ್ಕರ ಶೆಟ್ಟಿ, ಸುರಪಾಲ ಶೆಟ್ಟಿ, ತಿಮ್ಮ ದೇವಾಡಿಗ, ನಿರ್ಮಲ ಆರ್ ದೇವಾಡಿಗ, ಶುಭಾ, ಗಣೇಶ್, ಅಶೋಕ್ ಕೋಟ್ಯಾನ್, ಮುರಳಿ ತಂತ್ರಿ, ಉಮೇಶ್ ಸನಿಲ್, ರಘು ಮೊಯ್ಲಿ ಸಹಕಾರ ಮಲ್ತೆರ್. ರಾಮಣ್ಣ ದೇವಾಡಿಗ ಸೊಲ್ಮೆ ಸಂದಾಯೆರ್.

ವರದಿ: ರಮೇಶ್ ಉದ್ಯಾವರ

ನ.20:ತಲಪಾಡಿ ಯಕ್ಷಮಿತ್ರ ಸೇವಾ ಕೂಟದ ತಲಪಾಡಿ ಯಕ್ಷೋತ್ಸವ

ತಲಪಾಡಿ: ಯಕ್ಷಮಿತ್ರ ಸೇವಾ ಕೂಟ, ತಲಪಾಡಿ ನೆತ್ತ 8 ನೇ ವರ್ಷದ ತಲಪಾಡಿ ಯಕ್ಷೋತ್ಸವ ನ.20 ಐತಾರ ಮಧ್ಯಾಹ್ನ 12 ಗಂಟೆರ್ದ್ ರಾಮಕೃಷ್ಣ ಮಠತ್ತ ವಿವೇಕಾನಂದ ಜಾವಡಿಡ್ ನಡಪರೆ ಉಂಡು.

ಈ ಲೇಸ್ ಗ್ ಮಲ್ಲ ಬಿನ್ನೆರಾದ್ ಸರ್ವಾಣಿ ಟಿ.ನಾಯ್ಕ್ ತಲಪಾಡಿ ಬರ್ಪೆರ್. ಬೊಕ್ಕ ಕುಡ್ಲ ಶ್ರೀ ರಾಮಕೃಷ್ಣ ಮಠತ ಶ್ರೀ ಜಿತಕಾಮಾನಂದಜೀ ಸ್ವಾಮೀಜಿ, ದೇವಿಪುರ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಪ್ರಧಾನ ಅರ್ಚಕೆರ್ ಗಣೇಶ್ ಭಟ್ ಪಂಜಾಳ, ಆಲಂಕಾರ ಗುಡ್ಡೆ ಶ್ರೀ ಮಲರಾಯ ಧೂಮಾವತಿ ಬಂಟ ದೇವಲ್ಯದ ಅರ್ಚಕೆರ್ ಜಯರಾಮ (ಯಾನೆ) ಅಂತ ಪೂಜಾರಿ, ದೀಪ ಅರ್ಲಾವೆರೆ ಉಲ್ಲೆರ್. ಉದ್ಯಾವರ ಮಾಡದ ಅರಸು ಮಂಜಿಷ್ಣಾರ್ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಡಾ. ಜಯಪಾಲ ಶೆಟ್ಟಿ ದೊಡ್ಡಮನೆ ತಲಪಾಡಿ, ಅಧ್ಯಕ್ಷತೆ ಒಯಿಸೊನ್ವೆರ್. ಈ ಲೇಸ್ ಗ್ ಬಿನ್ನೆರಾದ್ ದೇವಿಪುರ ತಲಪಾಡಿದ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಡಾ. ಮೋಹನ್ ದಾಸ್ ರೈ ಸಾಂತ್ಯಗುತ್ತು, ಅಲಂಕಾರ ಗುಡ್ಡೆ ಶ್ರೀ ಮಲರಾಯ ಧೂಮಾವತಿ ಬಂಟ ದೇವಲ್ಯದ ರವೀಂದ್ರನಾಥ ಶೆಟ್ಟಿ ದೊಡ್ಡಮನೆ ತಲಪಾಡಿ, ಅನನ್ಯ ಫೀಡ್ಸ್ ಹುಬ್ಬಳ್ಳಿ ಮಾಲಿಕೆರ್ ದಿವಾಣ ಗೋವಿಂದ ಭಟ್ ಕುಡ್ಲ, ಬಿಜೆಪಿ ಜಿಲ್ಲಾ ಉಪಾಧ್ಯೆಕ್ಷೆರ್ ಸಂತೋಷ್ ಕುಮಾರ್ ಬೊಳ್ಯಾರ್, ಕುಡ್ಲ ನಾ.ವ್ಯ.ಸೇ.ಸ.ಸಂಘದ ಮಾಜಿ ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ ಮೋಹನದಾಸ ಗಾಂಭೀರ ಬೋಳೈರುಗುತ್ತು, ದೇರಳಕಟ್ಟೆ ಕೆ.ಎಸ್.ಹೆಗ್ಡೆ ಆಸ್ಪತ್ರೆದ ತೀವ್ರನಿಗಾ ಘಟಕದ ಮುಖ್ಯಸ್ಥೆರ್ ಡಾ.ನರೇಶ್ ರೈ, ಕುಡ್ಲ ಜಿಎಸ್ ಟಿ ಬೊಕ್ಕ ಆದಾಯ ತೆರಿಗೆ ಪ್ರಾಕ್ಟೀಷನರ್ ಪುಂಡಾರಿಕಾಕ್ಷ ಯು, ತಲಪಾಡಿ ಕಡೆಮುಗೇರುಗುತ್ತುದ ನಿತೇಶ್ ಪ್ರಸಾದ್ ಶೆಟ್ಟಿ ಬರಿಯೆರೆ ಉಲ್ಲೆರ್. ಹಿರಿಯ ವೈದ್ಯೆರ್ ಬೊಕ್ಕ ಕವಿ, ಯಕ್ಷಗಾನ ಅರ್ಥಧಾರಿಲು ಡಾ.ರಮಾನಂದ ಬನಾರಿಗ್ ತಮ್ಮನ ಮಲ್ಪೆರೆ ಉಂಡು. ತಾರಾನಾಥ ಬಲ್ಯಾಯ ವರ್ಕಾಡಿ ಸೊಲ್ಮೆ ಸಂದಾಯೆರೆ ಉಲ್ಲೆರ್. ಜನಾರ್ದನ ಅಮ್ಮುಂಜೆ ಲೇಸ್ ದ ನಿರೂಪಣೆ ಮಲ್ಪುವೆರ್. ಅಂಚನೆ ಮಧಾಹ್ನ 1 ಗಂಟೆರ್ದ್ ಸಮರಸೌಗಂಧಿಕಾ ಯಕ್ಷಗಾನ ಬೊಕ್ಕ 4 ಗಂಟೆರ್ದ್ ಬಬ್ರುವಾಹನ & ಶೇಷವಿಜಯ ಯಕ್ಷಗಾನ ನಡಪುಂಡು ಪಂದ್ ತಲಪಾಡಿ ಯಕ್ಷಮಿತ್ರ ಕೂಟದ ಸಂತೋಷ್ ಅಲಂಕಾರಗುಡ್ಡೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಹಳೆಯಂಗಡಿಡ್ ಕಿಶೋರ ಕಿಶೋರಿ ಸಂಘದ ಉದಿಪನ ಲೇಸ್

ಹಳೆಯಂಗಡಿ : ಶ್ರೀ ವಿದ್ಯಾ ವಿನಾಯಕ ರಜತ ಸೇವಾ ಟ್ರಸ್ಟ್ (ರಿ), ಹಳೆಯಂಗಡಿ ಬೊಕ್ಕ ಸುವರ್ಣ ಮಹೋತ್ಸವ ಸಮಿತಿದ ಒಟ್ಟುಸೇರಿಗೆಡ್ ನ.13 ಕ್ ಮಂಡಲದ ಪೊಸ ಕಿಶೋರ ಕಿಶೋರಿ ಸಂಘದ ಉದಿಪನ ಲೇಸ್ ಬೊಲ್ಪುಗು 10 ಗಂಟೆಗ್ ಯುವಕ ಮಂಡಲದ ಜಾವಡಿಡ್ ನಡತ್ಂಡ್.

ಲೇಸ್ ದ ಉದಿಪನನ್ ಮುಖ್ಯ ಶಿಕ್ಷಕೆರ್ ಬೊಕ್ಕ ಮಾನವ ಸಂಪನ್ಮೂಲ ಅಭಿವೃದ್ಧಿ ತರಬೇತಿದಾರೆರ್ ಫ್ರಾನ್ಸಿಸ್ ಡಿ ಕುನ್ಹ ಕುಡ್ಲ ಮೇರ್ ಮಲ್ತ್ ದ್, ಜೋಕುಲೆಗ್ ಜೋಕುಲೆನ ದಿನಾಚರಣೆದ ಎಡ್ಡೆಪ್ಪು ಬಯಕಿಯೆರ್. 10 ವರ್ಷರ್ದ್ 16 ವರ್ಷದ ಜೋಕುಲೆಗಾದ್ ನಡಪಾಯಿನ ಕಿಶೋರ-ಕಿಶೋರಿ ಸಂಘದ ರೂಪುರೇಷೆನ್ ತೆರಿಪಾಯೆರ್.

ಬೊಕ್ಕ ಜೋಕುಲೆಗ್ ಬೇತೆ ಬೇತೆ ಬಗೆತ ಗೊಬ್ಬುದ ಪಂತೊದ ಬಗೆಟ್ ಮಾಹಿತಿ ಬೊಕ್ಕ ಪ್ರಾತ್ಯಕ್ಷಿಕೆ ಕೊರಿಯೆರ್. ಲೇಸ್ ದ ಸಂಪನ್ಮೂಲ ವ್ಯಕ್ತಿ ಆದ್ ಸಾಮಾಜಿಕ ಕಾರ್ಯಕರ್ತೆರ್ ಆಯಿನ ಶಶಿಕುಮಾರ್ ಈ ಲೇಸ್ ಡ್ ಪಾಲ್ ಪಡೆದ್, ಜೋಕುಲೆ‌ನ ಒಟ್ಟಿಗೆ ಸೇರ್ದ್ ಬೇತೆ ಬೇತೆ ಕ್ರೀಡೆ ಬೊಕ್ಕ ಮನೋರಂಜನೆ ಲೇಸ್ ನಡಪಾದ್ ಕೊರಿಯೆರ್.

ಈ ಪೊರ್ತುಡು ಯುವಕ ಮಂಡಲದ ಅಧ್ಯಕ್ಷೆರ್ ಯತೀಶ್ ಕೋಟ್ಯಾನ್, ಸುವರ್ಣ ಮಹೋತ್ಸವ ಸಮಿತಿದ ಕಾರ್ಯ ಅಧ್ಯಕ್ಷೆರ್ ಬೊಕ್ಕ ಮಂಡಲದ ಪ್ರಧಾನ ಕಾರ್ಯದರ್ಶಿ ಸುಧಾಕರ ಆರ್ ಅಮೀನ್, ಸಲಹಾ ಸಮಿತಿದ ಅಧ್ಯಕ್ಷೆರ್ ಮೋಹನ್ ಬಂಗೇರ, ಟ್ರಸ್ಟ್‌ ದ ಪ್ರಧಾನ ಕಾರ್ಯದರ್ಶಿ ಸ್ಟ್ಯಾನಿ ಡಿ ಕೋಸ್ಟ, ಸುವರ್ಣ ಮಹೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ರಾಮದಾಸ್ ಪಾವಂಜೆ ಇತ್ತೆರ್. ಯುವತಿ ಮಂಡಲದ ಸದಸ್ಯೆರ್ ಕುಮಾರಿ ನಿರ್ಮಿತ ಬೊಕ್ಕ ಕುಮಾರಿ ಯಶಸ್ವಿನಿ ಪ್ರಾರ್ತನೆ ಮಲ್ತೆರ್.

ಯುವಕ ಮಂಡಲದ ಅಧ್ಯಕ್ಷೆರ್ ಯತೀಶ್ ಕೋಟ್ಯಾನ್ ಬಿನ್ನೆರೆನ್ ಎದ್ಕೊನಿಯೆರ್. ಸುವರ್ಣ ಮಹೋತ್ಸವ ಸಮಿತಿದ ಕಾರ್ಯಾಧ್ಯಕ್ಷೆರ್ ಸುಧಾಕರ ಆರ್ ಅಮೀನ್ ಸೊಲ್ಮೆ ಸಂದಾಯೆರ್. ಸುವರ್ಣ ಮಹೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ರಾಮದಾಸ್ ಪಾವಂಜೆ ಲೇಸ್ ದ ನಿರೂಪಣೆ ಮಲ್ತೆರ್.

ಸುಮಾರ್ 50 ಜೋಕುಲು ಈ ಲೇಸ್ ದ ಪ್ರಯೋಜನ ಪಡೆಯೆರ್. ಉದಿಪನ ಲೇಸ್ ದ ಬೊಕ್ಕ ಜೋಕುಲೆಗ್ ಬೇತೆ ಬೇತೆ ರೀತಿದ ಕ್ರೀಡೆ ಬೊಕ್ಕ ಮನೋರಂಜನೆ ಲೇಸ್ ಅಟ್ಟಣೆ ಮಲ್ದಿತ್ತೆರ್. ಈ ಪೊರ್ತುಡು ಜವನೆರೆನ ಬೊಕ್ಕ ಮಹಿಳಾ ಮಂಡಲದ ಸುಮಾರ್ ಸದಸ್ಯೆರ್, ಜೋಕುಲೆನ ಪೋಷಕೆರ್ ಇತ್ತ್ ದ್, ಲೇಸ್ ದ ಯಶಸ್ವಿಗ್ ಸಹಕಾರ ಮಲ್ತೆರ್.