ಮೈಸೂರ್: ಕುಡ್ಲ ಕುಕ್ಕರ್ ಬಾಂಬ್ ಆರೋಪಿ ಮೈಸೂರ್ ದ ಲೋಕನಾಯಕ ನಗರದ 10ನೇ ಕ್ರಾಸ್ ಮಾರ್ಗದಲ್ಪ ಇಪ್ಪುನ ಬಾಡಿಗೆ ಇಲ್ಲಲ್ ವಾಸ ಇತ್ತೆರ್ ಪನ್ಪುನ ಮಾಹಿತಿ ತಿಕ್ ದ್ಂಡ್.
ಈ ಇಲ್ಲಗ್ ಮೈಸೂರ್ ಪೊಲೀಸೆರ್ ದಾಳಿ ಮಲ್ದೆರ್. ಅಲ್ಪ ಮೊಕ್ಲೆಗ್ ಪ್ರೇಮ್ ರಾಜ್ ಪುದರ್ ದ ಆಧಾರ್ ಕಾರ್ಡ್ ಪತ್ತೆ ಆತ್ಂಡ್. ಉಂದು ನಕಲಿ ಆಧಾರ್ ಕಾರ್ಡ್ ಪಂದ್ ಅನುಮಾನಲ ಉಂಡು. ಬೊಕ್ಕ ಮುಲ್ಪ ಬಾಂಬ್ ಪುಡಾಪೆರೆ ಗಲಸುನ ಕಚ್ಚಾ ಸೊತ್ತುಲು ಪತ್ತೆ ಆತ್ಂಡ್. ಉಂದು ಸುಮಾರ್ ಸಂಶಯಲೆನ್ ಪುಟ್ಟು ಪಾಡ್ದ್ಂಡ್.
ಬೊಲ್ತೇರ್: ಯಕ್ಷ ಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್, ಬೊಲ್ತೇರ್ ಘಟಕದ ಲೇಸ್ ಕೋಡೆ ಉಜಿರೆ ಜನಾರ್ದನ ಸ್ವಾಮಿ ದೇವಲ್ಯಡ್ ನಡತ್ಂಡ್.
ಈ ಪೊರ್ತುಡು ಉದ್ಯಮಿ ಬೊಕ್ಕ ಪಟ್ಲ ಫೌಂಡೇಶನ್ ದ ಕೇಂದ್ರೀಯ ಸಮಿತಿ ಸಂಚಾಲಕೆರ್ ಶಶಿಧರ್ ಶೆಟ್ಟಿ ಬರೋಡಾ ಟ್ರಸ್ಟ್ ಗ್ 1 ಕೋಟಿ ದೇಣಿಗೆನ್ ಘೋಷಣೆ ಮಲ್ತೆರ್. ಬೊಕ್ಕ ಶಾಸಕೆರ್ ಹರೀಶ್ ಪೂಂಜ ಪಾತೆರ್ದ್ ಪಟ್ಲ ಸತೀಶ್ ಶೆಟ್ರ್ ನ ಕಾರ್ಯ ದೇವೆರ್ ಮೆಚ್ಚುನವು ಪಂದ್ ಪಂಡೆರ್. ಈ ಲೇಸ್ ಡ್ ಶಾಸಕೆರ್ ಪ್ರತಾಪ್ ಸಿಂಹ ನಾಯಕ್ ಪಾಲ್ ಪಡೆದಿತ್ತೆರ್. ಬೊಕ್ಕ ಪಾವಂಜೆ ಮೇಳದಕ್ಲೆನೆರ್ದ್ ಶ್ರೀದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ನಡತ್ಂಡ್.
Patla foundation trust- Rupees one crore donation announced by Baroda entrepreneur Sashidar Shetty
Bheltangady: A program by the Bheltangady unit of Yaksha Druvha Patla foundation trust was held at Ujjire Janardhan Swami temple yesterday.
Entrepreneur from Baroda Sashidar Shetty who is Correspondent of the Central Samithi of Patla foundation has announced a donation of rupees one crore to the Baroda unit of the trust.
Speaking on the occasion MLA Harish Punja applauded the gesture and the work of Patla Satish Shetty. MLA Pratap Simha Nayak also participated in the program.Later Yakshagana Bayalatha Sri Devi Mahatmay was played by Pavanjay Mela.
ಕುಡ್ಲ: ಕುಡ್ಲ ಪೇಂಟೆದ ಗರೋಡಿಡ್ ಶನಿಯಾರ ಪೋವೊಂದು ಇತ್ತಿನ ರಿಕ್ಷಾಡ್ ಬಾಂಬ್ ಪುಡಾಯಿನ ಘಟನೆ ಆಕಸ್ಮಿಕ ಅತ್ತ್, ಉದ್ದೇಶ ಪೂರ್ವಕವಾದೇ ನಡತಿನ ಭಯೋತ್ಪಾದಕ ಘಟನೆ ಪಂದ್ ಡಿಜಿಪಿ ಪ್ರವೀಣ್ ಸೂದ್ ಪಂಡೆರ್.
ಈ ಘಟನೆದ ಬಗೆಟ್ ಟ್ವೀಟ್ ಮಲ್ತಿನ ಮೇರ್, ಉಂದು ಆಕಸ್ಮಿಕವಾದ್ ನಡತಿನ ಅತ್ತ್ ಬೊಡುಂದೆ ಮಲ್ತಿನ ಘಟನೆ. ಮಸ್ತ್ ಪೆಟ್ಟ್ ಮಲ್ಪುನ ಉದ್ದೇಶರ್ದೆ ಈ ಬೇಲೆ ಮಲ್ದೆರ್ ಪಂದ್ ಪಂಡೆರ್. ಈ ಬಗೆಟ್ ರಾಜ್ಯ ಪೊಲೀಸೆರ್ ಕೇಂದ್ರ ತನಿಖೆ ಸಂಸ್ಥೆದೊಟ್ಟಿಗೆ ನಿಕಟ ಸಂಪರ್ಕಡ್ ಇತ್ ದ್, ತನಿಖೆ ಮಲ್ತೊಂದು ಉಲ್ಲೆರ್ ಪಂದ್ ಪಂಡೆರ್. ಅಂಚನೆ ನೆಟ್ ಪೆಟ್ಟಾಯಿನಕುಲು ಪೇಂಟೆದ ಖಾಸಗಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್. ಮೊಕ್ಲೆಗ್ ಬಿಗಿ ಭದ್ರತೆದ ವ್ಯವಸ್ಥೆ ಕೊರ್ತುಂಡು. ಈ ಬಗೆಟ್ ಇನಿ ಮಧ್ಯಾನ್ನ ಎನ್ ಐಎ ತಂಡ, ಎಡಿಜಿಪಿ ಕುಡ್ಲ ಬರಿಯೆರೆ ಉಲ್ಲೆರ್. ಬೊಕ್ಕ ತನಿಖೆ ಮಲ್ಪುವೆರ್ ಪಂದ್ ತೆರಿಪಾಯೆರ್.
ಕುಡ್ಲ: ಕುಡ್ಲ ಸೆಂಟ್ರಲ್ ರೈಲ್ವೆ ನಿಲ್ದಾಣಗ್ ಬ್ರಹ್ಮ ಶ್ರೀ ನಾರಾಯಣಗುರುಕ್ಲೆನ ಪುದರ್ ಬೊಕ್ಕ ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಗ್ ವೀರರಾಣಿ ಅಬ್ಬಕ್ಕನ ಪುದರ್ ದೀವೊಡು ಪಂದ್ ಮಾಜಿ ಸಚಿವೆರ್ ಯು.ಟಿ. ಖಾದರ್ ಸಿ.ಎಂ ಬೊಮ್ಮಾಯಿಗ್ ಬಿನ್ನಾಪು ಮಲ್ತೆರ್.
ಬಾವುಟಗುಡ್ಡೆಡ್ ಸ್ವಾತಂತ್ರ್ಯ ವೀರೆ ಕೆದಂಬಾಡಿ ರಾಮಯ್ಯ ಗೌಡೆರೆನ ಪ್ರತಿಮೆ ಉದಿಪನ ಆಯಿ ಬೊಕ್ಕ ಸಭಾ ಕಾರ್ಯಕ್ರಮಡ್ ಪಾತೆರಿನ ವಿಪಕ್ಷ ಉಪನಾಯಕೆರ್ ಯು.ಟಿ.ಖಾದರ್ , ರಾಮಯ್ಯ ಗೌಡೆರೆನ ಪ್ರತಿಮೆ ಉದಿಪನ ಇಡೀ ಕರ್ನಾಟಕಗೇ ಪೆರ್ಮೆದ ಇಚಾರ, ಭವಿಷ್ಯಡ್ ಉಂದು ವಿದ್ಯಾರ್ಥಿಲೆಗ್ ಇತಿಹಾಸ ತೆರಿಪಾಯೆರೆ ಅಗತ್ಯ ಆದುಂಡು. ಅಂಚನೆ ದಕ್ಷಿಣ ಕನ್ನಡ ಜಿಲ್ಲೆಡ್ ಸುಮಾರ್ ಸ್ವಾತಂತ್ರ್ಯ ಹೋರಾಟಗಾರೆರ್ ಉಲ್ಲೆರ್. ಉತ್ತರ ಭಾರತದ ಸ್ವಾತಂತ್ರ್ಯ ಹೋರಾಟಗಾರೆರೆಗ್ ತಿಕ್ಕಿನ ಮಹತ್ವ ನಮ್ಮಕ್ಲೆಗ್ ತಿಕ್ಕಿಜಿ. ಅಂಚಾದ್ ಪಠ್ಯ ಬುಕುಲೆಡ್ ರಾಮಯ್ಯ ಗೌಡೆರೆನ ಪಠ್ಯ ಸೇರ್ಸಾವೊಡು, ಸರ್ಕಾರ ಆ ನಿಟ್ಟ್ ಡ್ ಕ್ರಮ ದೆತೊನೊಡು ಪಂದ್ ಮೇರ್ ಸಿ.ಎಂ ಗ್ ಒತ್ತಾಯ ಮಲ್ತೆರ್. ಬೊಕ್ಕ ಸ್ವಾತಂತ್ರ್ಯ ಹೋರಾಟಗಾರೆರೆನ ಜಾತಿ, ಧರ್ಮ, ಮೀರಿನ ವ್ಯಕ್ತಿತ್ವ. ಮೊಕ್ಲೆನ ತತ್ವ ನಮಕ್ ಮುಖ್ಯ ಆವೊಡು. ಅಕ್ಲೆನ ಮತ ಇತಿಹಾಸಲು ಪಠ್ಯಡ್ ತೆರಿವೊನ್ನಲೆಕ್ಕ ಅವಡ್ ಪಂದ್ ಪಂಡೆರ್.
ಕುಡ್ಲ: ಕುಡ್ಲ ಪೇಂಟೆದ ಕಂಕನಾಡಿದ ಕೈತಲ್ ಇಪ್ಪುನ ಕಪಿತಾನಿಯೊ ಶಾಲೆದಲ್ಪ ರಿಕ್ಷಾವೊಂಜಿ ಪೋವೊಂದು ಇಪ್ಪುನಗ ಪುಡಾದ್ ರಡ್ಡ್ ಜನಕ್ ಮಸ್ತ್ ಪೆಟ್ಟಾಯಿನ ಘಟನೆ ನಡತ್ಂಡ್.
ಈ ಘಟನೆಡ್ ಪೆಟ್ಟಾಯಿನ ಡ್ರೈವರ್ ಬೊಕ್ಕ ಪ್ರಯಾಣಿಕೆರ್ ಒರಿ ಪೇಂಟೆದ ಖಾಸಗಿ ಆಸ್ಪತ್ರೆಯೊಂಜೆಟ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್.
ಈ ಘಟನೆದ ಜಾಗೆಗ್ ಕುಡ್ಲ ಪೇಂಟೆದ ಪೊಲೀಸ್ ಆಯುಕ್ತೆರ್ ಎನ್ ಶಶಿ ಕುಮಾರ್, ಬಾಂಬ್ ನಿಷ್ಕ್ರಿಯ ದಳ ಬೊಕ್ಕ ಜಾಗ್ರತ ದಳದಕುಲು ಭೇಟಿ ಕೊರ್ದು ತನಿಖೆ ಮಲ್ದೆರ್.
ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆದ ಬಹುಜನ ಸಮಾಜ ಪಾರ್ಟಿ(BSP)ದ ಜಿಲ್ಲಾಧ್ಯಕ್ಷೆರ್ ದಾಸಪ್ಪ ಎಡಪದವು ಮೇರ್ ಸನಿಯಾರ ಬೊಲ್ಪುಗು 4 ಗಂಟೆಗ್ ತಿಗಲೆ ಬೇನೆಡ್ ತೀರ್ ಪೋಯೆರ್.
ಮೆರೆಗ್ ಬೊಲ್ಪುಗು ತಿಗಲೆ ಬೇನೆ ಬತ್ಂಡ್ ಪಂದ್ ಕುಟುಂಬದಕುಲು ಕೂಡ್ಲೆ ಆಸ್ಪತ್ರೆಗ್ ಲೆತೊಂದು ಪೋಯೆರ್. ಆಂಡ ಆಸ್ಪತ್ರೆಗ್ ಎತ್ತುನ ದುಂಬೆ ಮೇರ್ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್. ಮೇರ್ ದಕ್ಷಿಣ ಕನ್ನಡ ಜಿಲ್ಲೆದ ಬಹುಜನ ಚಳುವಳಿದ ಪ್ರಮುಖ ನಾಯಕೆರಾದ್, ಜಿಲ್ಲೆದ ದಲಿತ ಪರ ಹೋರಾಟ, ಸಂಘಟನೆದ ಪೋಷಕೆರಾದಿತ್ತೆರ್.
ಕಾರ್ಲ: ಇಲ್ಲಲ್ ತೂ ಪೊತ್ತ್ ದ್ ಇಲ್ಲ್ ಅರ್ಧ ಭಸ್ಮ ಆಯಿನ ಘಟನೆ ಒಡಿಪು ಜಿಲ್ಲೆ ಕಾರ್ಲದ ಕಾಂತಾವರ ಗ್ರಾಮಡ್ ಶನಿಯಾರ ಬೊಲ್ಪುಗು 9:30 ಕ್ ನಡತ್ಂಡ್.
ಈ ಇಲ್ಲಲ್ ಸಂಜೀವ ಬೊಕ್ಕ ಪ್ರೇಮ ಮೊಕುಲು ಕರಿನ ನಾಲ್ ವರ್ಷೊದಿಂಚ ಇತ್ತೆರ್. ಮೊಕುಲು ಬೇಲೆಗ್ ಪೋಯಿನ ಪೊರ್ತುಡು ಈ ಘಟನೆ ನಡತ್ಂಡ್. ನೆಟ್ ಅಂದಾಜಿ 1 ಲಕ್ಷ ರೂ. ನಷ್ಟ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಬಂಟ್ವಾಳ: ಇಂಟರ್ ಲಾಕ್ ದಿಂಜಾದ್ ಪೋವೊಂದು ಇತ್ತಿನ ಲಾರಿಯೊಂಜಿ ಡ್ರೈವರ್ ನ ಕೈ ತತ್ತ್ ದ್ ಮಾರ್ಗದ ಬರಿಟ್ಟ್ ಇತ್ತಿನ ಗುಂಡಿಗ್ ಬೂರ್ದು ಡ್ರೈವರ್ ಸೇರ್ದ್ ಮೂಜಿ ಜನಕ್ ಪೆಟ್ಟಾಯಿನ ಘಟನೆ ಬಂಟ್ವಾಳ ಟ್ರಾಫಿಕ್ ಪೋಲೀಸ್ ಠಾಣೆ ವ್ಯಾಪ್ತಿದ ಬರಿಮಾರ್ ಡ್ ನಡತ್ಂಡ್.
ಈ ಘಟನೆಡ್ ಲಾರಿ ಡ್ರೈವರ್ ಲಾರೆನ್ಸ್ ಪಿಂಟೋ, ಲಾರಿಡ್ ಇತ್ತಿನ ಅಂಕಿತ್ ಕುಮಾರ್, ಬೊಕ್ಕ ರಾಮ್ ಪ್ರವೀಶ್ ಕುಮಾರ್ ಗ್ ಪೆಟ್ಟಾತ್ಂಡ್. ಮೊಕುಲು ಕುಡ್ಲ ಖಾಸಗಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್. ಈ ಬಗೆಟ್ ಮೆಲ್ಕಾರ್ ಟ್ರಾಫಿಕ್ ಪೋಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಕುಡ್ಲ: ಕಾರಿಂಜ ಕ್ಷೇತ್ರದ ಸುತ್ತಮುತ್ತ ನಡತೊಂದು ಇಪ್ಪುನ ಅಕ್ರಮ ಗಣಗಾರಿಕೆದ ವಿರುದ್ದ ಆಯಿನಾತ್ ಬೇಗ ಕಾನೂನು ಕ್ರಮ ದೆತೊನೊಡು ಪಂದ್ ಹಿಂದು ಜಾಗರಣ ವೇದಿಕೆ ಇನಿ ಮುಖ್ಯಮಂತ್ರಿಲೆನ್ ಬಿನ್ನಾಪು ಸಂದಾಯೆರ್.
ಈ ಪೊರ್ತುಡು ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯ್ಕ್, ಸುರತ್ಕಲ್ ಶಾಸಕೆರ್ ವೈ. ಭಾರತ್ ಶೆಟ್ಟಿ, ಹಿಂಜಾವೇ ಪ್ರಾಂತ ಪ್ರಮುಖೆರ್ ರಾಧಾಕೃಷ್ಣ ಅಡ್ಯಂತಾಯ, ಕಿಶೋರ್ ಕುಮಾರ್, ರತ್ನಾಕರ ಶೆಟ್ಟಿ, ಪ್ರಮುಖೆರ್ ಜಗದೀಶ ನೆತ್ತರಕೆರೆ, ನರಸಿಂಹ ಮಾಣಿ, ಪ್ರಶಾಂತ್ ಕೆಂಪು ಗುಡ್ಡೆ, ತಿರುಲೇಶ್ ಬೆಳ್ಳೂರು, ರವಿ ಕೆಂಪು ಗುಡ್ಡೆ, ಹರೀಶ್ ಅಮ್ಟಾಡಿ, ತಿಲಕ್ ನಲ್ಕೇಮಾರ್ ಇತ್ತೆರ್.
ಹೈದರಾಬಾದ್: ನಿರ್ಮಾಪಕೆರ್ ಬನ್ನಿ ವಾಸು ಮೆರೆರ್ದ್ ಮೋಸ ಆತ್ಂಡ್ ಪಂದ್ ಆರೋಪ ಮಲ್ತಿನ ತೆಲುಗು ನಟಿ ಸುನಿತಾ ಬೋಯಾ ಮೇರ್ ಹೈದರಾಬಾದ್ ದ ಗೀತಾ ಆರ್ಟ್ಸ್ ಕಚೇರಿದ ಎದುರು ನ. 17 ಗುರುವಾರದಾನಿ ರಾತ್ರೆ ಬೆತ್ತಲೆ ಆದ್ ಪ್ರತಿಭಟನೆ ಮಲ್ದೆರ್.
ಮೇರ್ ಸುಮಾರ್ ಪಿಕ್ಚರ್ ಡ್ ಜೂನಿಯರ್ ಆರ್ಟಿಸ್ಟ್ ಆದ್ ಬೇಲೆ ಮಲ್ದೆರ್. ಆತೆ ಅತ್ತಂದೆ ಬನ್ನಿ ವಾಸು ನಿರ್ಮಾಣದ ಕೆಲವು ಪಿಕ್ಚರ್ ಡ್ ನಟನೆ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.
