Times of kudla

ಎಂ.ಆರ್.ಜಿ. ಗ್ರೂಪ್ ದ ಅಧ್ಯಕ್ಷೆರ್ ಕೆ. ಪ್ರಕಾಶ್ ಶೆಟ್ಟಿಗ್ ಎಸ್.ಐ.ಎಚ್.ಆರ್.ಎ. ಪ್ರಶಸ್ತಿ

ಬೆಂಗ್ಲೂರ್: ಎಂ.ಆರ್.ಜಿ. ಗ್ರೂಪ್ ದ ಸ್ಥಾಪಕಾಧ್ಯಕ್ಷೆರ್ ಕೆ.ಪ್ರಕಾಶ್ ಶೆಟ್ಟಿ ಮೆರೆಗ್ ಎಸ್.ಐ.ಎಚ್.ಆರ್.ಎ. ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್.

ದಕ್ಷಿಣ ಭಾರತದ ಹೊಟೇಲ್ ಬೊಕ್ಕ ರೆಸ್ಟೋರೆಂಟ್ ಲೆನ ಸಂಘದ ವಾರ್ಷಿಕ ಸಮ್ಮೇಳನಡ್ ನಡತಿನ ಈ ಪ್ರಶಸ್ತಿ ಪ್ರದಾನ ಲೇಸ್ ಡ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕರ್ನಾಟಕದ ಪ್ರವಾಸೋದ್ಯಮ ಸಚಿವೆರ್ ಆನಂದ ಸಿಂಗ್, ತಮಿಳುನಾಡ್ ದ ಪ್ರವಾಸೋದ್ಯಮ ಸಚಿವೆರ್ ಡಾ. ಮತಿವೆಂತನ್, ಪುದುಚೇರಿ ಪ್ರವಾಸೋದ್ಯಮ ಸಚಿವೆರ್ ಕೆ. ಲಕ್ಷ್ಮೀನಾರಾಯಣನ್ ಇತ್ತೆರ್.

M R G group president K Prakash Shetty honoured with S I H R A award

Bangalore: K Prakash Shetty founder President of M R G group was honoured with
SI H R A award.The award was presented at the annual meet up of South Indian hotels and restaurants association by the CM Basavaraj Bommai. Karnataka tourism minister Anand Singh, Tamilnadu tourism minister Dr Mathiventan and Pondicherry tourism minister K Lakshmi Narayan were present on the occasion.

ರೇಡಿಯೋ ಮಣಿಪಾಲ್ 90.4 Mhz ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಲೇಸ್

ಮಣಿಪಾಲ್: ರೇಡಿಯೋ ಮಣಿಪಾಲ್ 90.4 Mhz ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 70 ನೇ ಸಂಚಿಕೆ ನ.19 ಶನಿಯಾರ ಬಯ್ಯಗ್4:15 ಕ್ ಪ್ರಸಾರ ಆತ್ಂಡ್.

ಈ ಸಂಚಿಕೆನ್ ಉಪನ್ಯಾಸೆಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ನಡಪಾದ್ ಕೊರಿಯೆರ್. ಈ ಸಂಚಿಕೆ ಕೂಡ ನ.20 ಕ್ ಮಧ್ಯಾನ್ನ 12:15 ಕ್ ಮರುಪ್ರಸಾರ ಅಪುಂಡು.

ನಾಯಿಲೆಗ್ ಪಸರೊಂದುಂಡು ಮೆದುಳು ಜ್ವರ

ಎಚ್ಚಿನ ಕಡೆಟ್ಟ್ ನಾಯಿಲೆಗ್ ಇತ್ತೆ ಮೆದುಳು ಜ್ವರ ಬೈದ್ಂಡ್. ಈ ಜ್ವರ ಬತ್ತ್ಂಡ ನಾಯಿಲು ಬದುಕುಜ. ಉಂದು ಗಾಳಿಡ್ ಪಸರೊಂದು ಬರ್ಪುನ ರೋಗ ಆತ್ಂಡ್.

ಅಂಚಾದ್ ಜ್ವರ ಬರ್ಪುನ ದುಂಬೇ ನಾಯಿಲೆಗ್ ಇಂಜೆಕ್ಷನ್ ಕೊರುಪಾವೊನವು ಎಡ್ಡೆ. ನಾಯಿಲೆನ್ ಪ್ರತಿ ವರ್ಷ ಇಂಜೆಕ್ಷನ್ ಪಾಡೊಂದು ಇತ್ತ್ಂಡ ಈ ರೋಗನ್ ತಡೆಗಟ್ಟೊಲಿ.

70 ವರ್ಷದ ಅಜ್ಜನ್ ಮದಿಮೆ ಆಯಿನ 19 ವರ್ಷದ ಪೊಣ್ಣು

ಪಾಕಿಸ್ತಾನ: 70 ವರ್ಷದರೆನ್ 19 ವರ್ಷದ ಪೊಣ್ಣು ಮೋಕೆ ಮಲ್ತ್ ದ್, ಮದಿಮೆ ಆಯಿನ ಘಟನೆ ಪಾಕಿಸ್ತಾನಡ್ ನಡತ್ಂಡ್.

ಶುಮೈಲಾ(19) ಪನ್ಪುನ ಪೊಣ್ಣು ಲಿಯಾಖತ್ ಅಲಿ(70) ಪನ್ಪುನರೆನ್ ಮದಿಮೆ ಆತೆರ್ ಪಂದ್ ತೆರಿದ್ ಬೈದ್ಂಡ್.

ನ.23 : ಮಹತೋಭಾರ ಶ್ರೀ ಕಾರಿಂಜೇಶ್ವರ ದೇವಲ್ಯಡ್ ಕಾರಿಂಜ ದೀಪೋತ್ಸವ

ಕಾರಿಂಜ: ಮಹತೋಭಾರ ಶ್ರೀ ಕಾರಿಂಜೇಶ್ವರ ದೇವಲ್ಯಡ್ ಕಾರಿಂಜ ದೀಪೋತ್ಸವ ನ.23 ಬುಧಾರದಾನಿ ನಡಪರೆ ಉಂಡು.

ಅಂಚನೆ ತುಲಾಭಾರ ಸೇವೆ, ರಂಗಪೂಜೆ, ಬಲಿ ಉತ್ಸವ, ನೇಮ ನಡಪುಂಡು ಪಂದ್ ಸಾಮೂಹಿಕ ಶನೀಶ್ವರ ಪೂಜಾ ಸಮಿತಿ ಬೊಕ್ಕ ಹಿಂದೂ ಜಾಗರಣ ವೇದಿಕೆ ಪಿಲಾತಬೆಟ್ಟು ಮಂಡಲ ಮೂರ್ಜೆ ಮೊಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಬೈಕ್ ಡ್ ಪೋವೊಂದು ಇತ್ತಿನ ಆಣಗ್ ಹಾಕ್ ದಿನ ಬಗೆಟ್ಟ್ ಕೇಸ್ ದಾಖಲ್

ಉಳ್ಳಾಲ: ಮಂಜೇಶ್ವರ ಮೂಲದ ಆಣ್ ಒರಿ ಕುತ್ತಾರ್ ಗ್ ಬೈಕ್‌ಡ್ ಪೋವೊಂದು ಇಪ್ಪುನ ಪೊರ್ತುಡು ಗುರ್ತ ಇಜ್ಜಂದಿನ ಮೂಜಿ ಜನ ಬೈಕ್ ನ್ ಉಂತಾದ್, ಆಣಗ್ ಪೆಟ್ಟ್ ಹಾಕ್ ದ್ ಗಾಡಿನ್ ಒಯಿತೊಂದು ಪೋಯಿನ ಘಟನೆ ಉಳ್ಳಾಲ ಠಾಣೆ ವ್ಯಾಪ್ತಿದ ಅಂಬಿಕಾರೋಡ್ ಡ್ ನಡತ್ಂಡ್.

ಈ ಘಟನೆಡ್ ಪೆಟ್ಟಾಯಿನ ಮಂಜೇಶ್ವರ ಮೂಲದ ಪ್ರಫುಲ್‍ರಾಜ್ ತೊಕ್ಕೊಟು ಖಾಸಗಿ ಆಸ್ವತ್ರೆಗ್ ಚಿಕಿತ್ಸೆಗ್ ದಾಖಲ್ ಆತೆರ್. ಈ ಬಗೆಟ್ ಉಳ್ಳಾಲ ಪೊಲೀಸ್‌ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಆಕ್ಸಿಡೆಂಟ್ ಡ್ ತೀರ್ ಪೋಯಿನ ಬಂಜಿನ ಬೊಡೆದಿ, ಕೊರಗ್ ದ್ ಆತ್ಮಹತ್ಯೆ ಮಲ್ತೊನ್ನ ಕಂಡನಿ

ಪುಣೆ: ಆಸ್ಪತ್ರೆಗ್ ತಿಂಗೊಲ್ದ ಚಿಕಿತ್ಸೆಗ್ ಬತ್ತಿನ ನಾಲ್ ತಿಂಗೊಲ್ದ ಬಂಜಿನ ಬೊಡೆದಿ ಮಾರ್ಗಡ್ ಆಕ್ಸಿಡೆಂಟ್ ಗ್ ಕಣ್ಣೆದುರೇ ತೀರ್ ಪೋಯಿನೆನ್ ತೂಯಿನ ಕಂಡನಿ ದುಃಖನ್ ಸೈಸೊನಿಯೆರೆ ಆವಂದೆ ವಿಷ ಪರ್ದ್ ಆತ್ಮಹತ್ಯೆ ಮಲ್ತೊನ್ನ ಘಟನೆ ಪುಣೆಡ್ ನಡತ್ಂಡ್.

ಈ ಘಟನೆಡ್ ದೊಂಡಕರ್ವಾಡಿದ ರಮೇಶ್ ನನ್ನಾಥ್ ಕನಕರ್ (29) ಬೊಕ್ಕ ಆರೆನ ಬೊಡೆದಿ ವಿದ್ಯಾ ತೀರ್ ಪೋಯಿನರ್. ಮೊಕುಲು ಬೈಕ್ ಡ್ ಕರಿನ ವಾರ ಪುಣೆದ ನಾರಾಯಣ ಗಾಂವ್ ಆಸ್ಪತ್ರೆಗ್ ತಿಂಗೊಲ್ದ ಚಿಕಿತ್ಸೆಗ್ ಪೋದು ವಾಪಸ್ ಇಲ್ಲಗ್ ಬನ್ನಗ ಬೈಕ್ ಗ್ ಟ್ರ್ಯಾಕ್ಟರ್ ಗುದ್ದುದು ಈ ಘಟನೆ ನಡತ್ಂಡ್ ಪಂದ್ ತೆರಿದ್ ಬೈದ್ಂಡ್.