Times of kudla

Feb 5 : Billavas professionals meet under the lead by Spark Billavas ಫೆ.3-5: ಪಡಂಕುಡಿಯ ತರವಾಡ್ ಶ್ರೀ ಧೂಮಾವತಿ ಬಂಟ ದೈವೊಲ್ಯದ ಒಕ್ಕೆಲ್, ವರ್ಷದ ನೇಮ, ಪರ್ವ

ಮಂಜೇಶ್ವರ: ಪಡಂಕುಡಿಯ ತರವಾಡ್ ಶ್ರೀ ಧೂಮಾವತಿ ಬಂಟ ದೈವೊಲ್ಯದ ಒಕ್ಕೆಲ್, ವರ್ಷದ ನೇಮ ಬೊಕ್ಕ ಪರ್ವ ಫೆ.3 ರ್ದ್ 5 ಮುಟ್ಟ ನಡಪರೆ ಉಂಡು.

ಫೆ.2 ಕ್ ಮಂಜೇಶ್ವರ ಉದ್ಯಾವರ ಅಣ್ಣಪ್ಪ ಹಿತ್ಲುಡ್ ಪೊಸತಾದ್ ನಿರ್ಮಾಣ ಆಯಿನ ಇಲ್ಲಲ್ ಸಾಮೂಹಿಕ ಪ್ರಾರ್ತನೆ, ಪುಣ್ಯಾಹ ವಾಚನ, ಸಪ್ತ ಶುದ್ಧಿ, ಪ್ರಾಸಾದ ಶುದ್ಧಿ, ರಾಕ್ಷೋಘ್ನ ಹೋಮ, ವಾಸ್ತು ಹೋಮ, ವಾಸ್ತು ಬಲಿ, ವಾಸ್ತು ಪೂಜೆ, ಪ್ರಾಕಾರ ಬಲಿ ನಡಪರೆ ಉಂಡು. ಫೆ.3 ಕ್ ಗಣಪತಿ ಹೋಮ, ಒಕ್ಕೆಲ್ ಬೊಕ್ಕ ಶ್ರೀ ಕಲ್ಲುರ್ಟಿ ಪಂಜುರ್ಲಿ ದೈವೊಲೆನ ಪ್ರತಿಷ್ಠೆ ಕಲಶಾಭಿಷೇಕ ಬಡಾಜೆ ಬ್ರಹ್ಮಶ್ರೀ ಗೋಪಾಲಕೃಷ್ಣ ತಂತ್ರಿಲೆನ ಕೈರ್ದ್ ನಡಪರೆ ಉಂಡು. ಆಯಿರ್ದ್ ಬೊಕ್ಕ ಮಹಾಪೂಜೆ ಆದ್ ಪ್ರಸಾದ ಕೊರಿಯೆರೆ ಉಂಡು. ಫೆ.4 ಕ್ ಗಣಪತಿ ಹೋಮ, ನಾಗತಂಬಿಲ, ಶ್ರೀ ವೆಂಕಟರಮಣ ದೇವೆರೆನ ಮುಡಿಪು ಕಟ್ಟಿಯೆರೆ, ಪ್ರಸಾದ ಕೊರಿಯೆರೆ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಬೊಕ್ಕ ಧೂಮಾವತಿ ಬೊಕ್ಕ ಬಂಟ ದೈವೊಲೆನ ನೇಮ, ಗುಳಿಗ ದೈವೊದ ಕೋಲ, ಕೊರತಿ ದೈವೊದ ಕೋಲ ನಡಪುಂಡು. ಫೆ.5 ಕ್ ರಾಹುಗುಳಿಗ, ಬೈರವ ದೈವೊಲೆಗ್ ಪರ್ವ, ಕಾರ್ಯಕಾರಿ ಸಮಿತಿದ ಮಹಾಸಭೆ ನಡಪುಂಡು. ಫೆ.6 ಕ್ ಅಣ್ಣಪ್ಪ ಹಿತ್ಲು ಮೆರೆನ ಪೊಸ ಇಲ್ಲಲ್ ಕಲ್ಲುರ್ಟಿ ಪಂಜುರ್ಲಿ ದೈವೊಲೆಗ್ ಅಗೆಲ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ನಾಗದೇವೆರೆನ ಬೊಕ್ಕ ಶ್ರೀ ಧೂಮಾವತಿ ಬಂಟ, ಪರಿವಾರ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಬೊಂಬೈದ ಕಾರ್ಯಕಾರಿ, ಬೊಕ್ಕ ತರವಾಡ್ ದ ನಾರಾಯಣ ಗುರಿಕಾರೆರ್, ಬೆಂಗ್ಲೂರ್ ಸಮಿತಿಲೆನ ಸದಸ್ಯೆರ್ ವಿಶ್ವನಾಥ ಉಚ್ಚಿಲ ಲೆಪ್ಪೋಲೆಡ್ ತೆರಿಪಾದೆರ್.

Jan 28: Koti Chennaya Kambala at Puttur ಜ.28: ಪುತ್ತೂರ್ ಕೋಟಿ ಚೆನ್ನಯ ಜೋಡುಕರೆ ಕಂಬುಲ

ಪುತ್ತೂರ್: 30 ನೇ ವರ್ಷದ ಫ್ಲಡ್ ಲೈಟ್ ಕೋಟಿ ಚೆನ್ನಯ ಜೋಡುಕರೆ ಕಂಬುಲ ಜ.28 ಶನಿಯಾರ ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಎದುರುದ ದೇವರಮಾರು ಕಂಡಡ್ ನಡಪರೆ ಉಂಡು.

ಈ ಲೇಸ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆ ಮೆರೆನ ಆಶೀರ್ವಾದಡ್, ಮಾಜಿ ನಗರಾಭಿವೃದ್ಧಿ ಸಚಿವೆರ್ ವಿನಯ ಕುಮಾರ್ ಸೊರಕೆ ಮೆರೆನ ಗೌರವಾಧ್ಯಕ್ಷೆತೆಡ್, ಪುತ್ತೂರ್ ಮಾಜಿ ಶಾಸಕೆರ್ ಶಕುಂತಳಾ ಟಿ. ಶೆಟ್ಟಿ ಮೆರೆನ ಉಪಸ್ಥಿತಿಡ್ ನಡಪರೆ ಉಂಡು ಪಂದ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ಚಂದ್ರಹಾಸ ಶೆಟ್ಟಿ, ಸಂಚಾಲಕೆರ್ ಎನ್ ಸುಧಾಕರ ಶೆಟ್ಟಿ, ಕೋಶಾಧಿಕಾರಿ ಈಶ್ವರ ಭಟ್ ಪಂಜಿಗುಡ್ಡೆ, ಪ್ರಧಾನ ಕಾರ್ಯದರ್ಶಿ ದಿನೇಶ್ ಕುಲಾಲ್ ಪಿ.ವಿ, ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್. ‌

Jan 28: Koti Chennaya Kambala at Puttur

Puttur: The 30th annual floodlight Koti Chennya Kambala will be held on January 28th at the Puttur Mahalingeshwara temple premises.

A panipuri vendor killed for rupees 20!! 20 ರೂ.ಗಾದ್ ಪಾನಿಪುರಿ ವ್ಯಾಪಾರಿಗ್ ಬಿಸತ್ತಿ ಪಾಡಿನ ಜನ!

ನಾಗ್ಪುರ: ಮಹಾರಾಷ್ಟ್ರದ ನಾಗ್ಪುರಡ್ ಕಾಲಿ 20 ರೂ.ಗಾದ್ ವ್ಯಕ್ತಿಯೊರಿ ಪಾನಿಪುರಿ ವ್ಯಾಪಾರಿಗ್ ಬಿಸತ್ತಿ ಪಾಡಿನ ಘಟನೆ ನಡತ್ಂಡ್.

ಮಾರ್ಗದ ಬರಿಟ್ಟ್ ಪಾನಿಪುರಿ ವ್ಯಾಪಾರ ಮಲ್ಪುನ ಜೈರಾಮ್ ಗುಪ್ತಾ, ಕೈತಲ್ ದ ಅಂಗಡಿಡ್ ಬೇಲೆ ಮಲ್ಪುನ ವ್ಯಕ್ತಿಗ್ ಬಾಕಿ ಇಪ್ಪುನ 20 ರೂ. ನ್ ಪಿರ ಕೇನ್ದೆರ್, ಈ ಇಸಯಗ್ ರಡ್ಡ್ ಜನತ ನಡುಟ್ ಗಲಾಟೆ ನಡತ್ ದ್ ಪಾನಿಪುರಿ ವ್ಯಾಪಾರಿಗ್ ಬಿಸತ್ತಿ ಪಾಡ್ದೆರ್. ಇತ್ತೆ ವ್ಯಾಪಾರಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್. ಆರೋಪಿನ ಮಿತ್ತ್ ಕೊಲೆ ಮಲ್ಪೆರೆ ಪ್ರಯತ್ನ ಮಲ್ತಿನ ಕೇಸ್ ದಾಖಲ್ ಆತ್ಂಡ್ ಪಂದ್ ಪೊಲೀಸೆರ್ ತೆರಿಪಾದೆರ್.

A panipuri vendor killed for rupees 20!!

Nagpur: A poor panipuri vendor was hacked to death for a sum of mere rupees 20!!

A argument took place between Jairam Gupta and another person who was hoa acquaintance for rupees 20 that was pending with him .In the course of the contention he was stabbed. a case of attempt of murder has been registered.

Muharat of Children’s short Film ” Sahitya” held ಜೋಕುಲೆಗಾದ್ ತಯಾರಾಪಿನ “ಸಾಹಿತ್ಯ” ಕಿರುಚಿತ್ರದ ಮೂರ್ತ

ಜೋಕುಲೆಗಾದ್ ತಯಾರಾಪಿನ “ಸಾಹಿತ್ಯ” ಕಿರುಚಿತ್ರದ ಮೂರ್ತ ಕೋಡೆ ಕುಡ್ಲದ ಪಾಂಡೇಶ್ವರದ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಗೌಜಿಡ್ ನಡತ್ಂಡ್.

ಕಥೆ, ಚಿತ್ರಕಥೆ, ಸಂಭಾಷಣೆ ಬೊಕ್ಕ ನಿರ್ಮಾಪಕೆರ್ ವಿನೋದ್ ಕುಂಪಲ ಬೊಕ್ಕ ಕಲಾವಿದೆರ್, ತುಳುನಾಡ ತುಡರ್ ಕೀರ್ತಿ ಕಾರ್ಲ ಮೊಕ್ಲೆಗ್ ತಮ್ಮನ ನಡತ್ಂಡ್. ಈ ಪೊರ್ತುಡು ಪುಗರ್ತೆದ ಸಾಯೋಜಕೆರ್ ತರುಣ್, ಕಿರುಚಿತ್ರ ನಿರ್ದೇಶಕೆರ್ ಅರುಣ್ ಕುಂಪಲ ಇತ್ತೆರ್.

Muharat of Children’s short Film
” Sahitya” held

The Muharat of the children’s Film ” Sahitya” was held at Mahalingeshwara temple in Pandeshwar Mangalore.

The film is produced by Vinod Kumpala who is also doing the dialogue and story.The short children’s film is directed by Arun Kumpala.

Woman goes missing in Sullia ಸುಳ್ಯ- ಮರ್ದ್ ಗ್ ಪಂದ್ ಪೋಯಿನ ಪೊಂಜೋವ್ ನಾಪತ್ತೆ

ಸುಳ್ಯ: ಮರ್ದ್ ಗ್ ಪಂದ್ ಪೋಯಿನ ಪೊಂಜೋವ್ ಒರ್ತಿ ಇಲ್ಲಡೇ ಬಾರಂದೆ ನಾಪತ್ತೆ ಆಯಿನ ಘಟನೆ ಮರ್ಕಂಜ ಗ್ರಾಮಡ್ ನಡತ್ಂಡ್.

ನಾಪತ್ತೆ ಆಯಿನಾರೆನ್ ಮರ್ಕಂಜ ಗ್ರಾಮದ ರಾಜಶೇಖರ ಮೆರೆನ ಬೊಡೆದಿ ಕೀರ್ತಿಶ್ರೀ(26) ಪಂದ್ ತೆರಿದ್ ಬೈದ್ಂಡ್.

Woman goes missing in Sullia

Sullia Keerthishree (26) wife of Rajashekhar had gone out to get medicine and did not return home and is missing.

Renowned actor Lakshman passes away ದೇವೆರೆ ಪಾದ ಸೇರಿಯೆರ್ ಪುಗರ್ತೆದ ನಟೆ ಲಕ್ಷ್ಮಣ್

ಬೆಂಗ್ಲೂರ್: 300ಕ್ ಎಚ್ಚ ಕನ್ನಡ ಪಿಕ್ಚರ್ ಡ್ ಅಭಿನಯ ಮಲ್ತಿನ ನಟೆ ಲಕ್ಷ್ಮಣ್ ತಿಗಲೆ ಬೇನೆಡ್ ತೀರ್ ಪೋಯೆರ್.

ಮೆರೆನ್ ಕೂಡ್ಲೆ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಆಂಡ ಚಿಕಿತ್ಶೆ ಫಲಕಾರಿ ಆವಂದೆ ಲಕ್ಷ್ಮಣ್ ತೀರ್ ಪೋಯೆರ್. ಮೇರ್ ಮಲ್ಲ, ಯಜಮಾನ, ಸೂರ್ಯ ವಂಶ ಪಿಕ್ಚರ್ ಡ್ ಅಭಿನಯ ಮಲ್ದೆರ್. ಬೆಂಗ್ಲೂರ್ ದ ಮೂಡಲ ಪಾಳ್ಯಡ್ ಇಪ್ಪುನ ಮೆರೆನ ಇಲ್ಲಡ್ ಅಕೇರಿದ ದರ್ಶನಗ್ ವ್ಯವಸ್ಥೆ ಮಲ್ದ್ಂಡ್.

Renowned actor Lakshman passes away

Bangalore: Senior actor Lakshman who has acted in more than 300 movies passed away.

He was hospitalized due to a heart attack but could not be saved.Some of his well known movies include Malla, Yajamana, Surya,Vansi amongst others.

Political parties should give more importance to Billava youth-Janardan Poojary inagurates Billava Janapada Sammelan ರಾಜಕೀಯ ಪಕ್ಷಲು ಬಿಲ್ಲವ ಜವನೆರೆಗ್ ಎಚ್ಚದ ಆದ್ಯತೆ ಕೊರೊಡು

ಜೀಟಿಗೆ: ಬಿಲ್ಲವ ಜನಪದ ಸಮ್ಮೇಳನನ್ ಉದಿಪನ ಮಲ್ತಿನ ಜನಾರ್ದನ ಪೂಜಾರಿ ಅಭಿಮತ

ಬೊಲ್ತೇರ್ ಡ್ ನಡತಿನ ಬಿಲ್ಲವ ಜನಪದ ಸಮ್ಮೇಳನ 2023 ಜೀಟಿಗೆ ಲೇಸ್ ನ್ ಕೇಂದ್ರದ ಮಾಜಿ ಕೇಂದ್ರ ಸಚಿವೆರ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಅಭಿವೃದ್ಧಿದ ರೂವಾರಿ ಬಿ ಜನಾರ್ಧನ ಪೂಜಾರಿ ಉದಿಪನ ಮಲ್ತೆರ್.

ಬೊಕ್ಕ ಮೇರ್ ಪಾತೆರ್ದ್, ಬಿಲ್ಲವ ಜನಪದ ಸಮ್ಮೇಳನ ಲೇಸ್ ಯಶಸ್ವಿ ಆವೊಡು ಬೊಕ್ಕ ಬಿಲ್ಲವ ಸಮಾಜ ಒಗ್ಗಟ್ಟ್ ರ್ದ್ ಬೇಲೆ ಮಲ್ತ್ ದ್, ಮಾತ ಕ್ಷೇತ್ರಲೆಡ್ ದುಂಬು ಬರೊಡು. ಸಮಾಜದ ಅಭಿವೃದ್ಧಿಗ್ ರಾಜಕೀಯ ಶಕ್ತಿ ಬೋಡಾತ್ಂಡ್, ನನ ನಡಪುನ ವಿಧಾನಸಭಾ ಚುನಾವಣೆಡ್ ಗೆಂದುನ ಬಿಲ್ಲವ ಅಭ್ಯರ್ಥಿನ್ ಗುರುತಿಸಾದ್ ರಾಜಕೀಯ ಪಕ್ಷಲು ಬಹುಸಂಖ್ಯಾತೆರಾಯಿನ ಬಿಲ್ಲವೆರೆಗ್ ಎಚ್ಚದ ಅವಕಾಶ ಕೊರೊಡು ಪಂದ್ ಒತ್ತಾಯ ಮಲ್ತೆರ್. ಅತ್ತಂದೆ ವಸಂತ ಬಂಗೇರೆರ್ ಮುಲ್ಪ ಪ್ರಾಮಾಣಿಕವಾದ್ ಭ್ರಷ್ಟಾಚಾರ ಇಜ್ಜಂದೆ ಎಡ್ಡೆ ಅಭಿವೃದ್ಧಿ ಬೇಲೆನ್ ಮಲ್ದೆರ್. ನನದ ದಿನಟ್ ಪದ್ಮರಾಜ್, ರಕ್ಷಿತ್ ಶಿವರಾಂ, ಸಂಪತ್ ಸುವರ್ಣ ನಂಚಿನ ಬಿಲ್ಲವ ಜವನೆರೆಗ್ ರಾಜಕೀಯ ಅವಕಾಶ ಕೊರೊಡು ಪಂದ್ ರಾಜಕೀಯ ಪಕ್ಷಲೆಡ ಒತ್ತಾಯ ಮಲ್ತೆರ್. ಶ್ರೀ ಗುರುನಾರಾಯಣ ಸ್ವಾಮಿ ಸೇವಾ ಸಂಘದ ಮುತಾಲಿಕೆಡ್, ಮಹಿಳಾ ಬಿಲ್ಲವ ವೇದಿಕೆ, ಯುವ ಬಿಲ್ಲವ ವೇದಿಕೆ, ಯುವವಾಹಿನಿದ ಬೊಲ್ತೇರ್ ಘಟಕ, ವೇಣೂರು ಯುವವಾಹಿನಿ ಘಟಕದ ಒಟ್ಟುಸೇರಿಗೆಡ್ ಲೇಸ್ ನ್ ಆಯೋಜನೆ ಮಲ್ತಿನ ಮಾತೆರೆಗ್ಲಾ ಎಡ್ಡೆ ಅವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್. ಈ ಪೊರ್ತುಡು ಸಮ್ಮೇಳನದ ಅಧ್ಯಕೆರ್ ಗಣೇಶ್ ಅಮೀನ್ ಸಂಕಮಾರ್, ಮಲ್ಲ ಬಿನ್ನೆರಾದ್ ಮಾಜಿ ಶಾಸಕೆರ್ ವಸಂತ ಬಂಗೇರ, ಸಮ್ಮೇಳನದ ಪ್ರಧಾನ ಸಂಚಾಲಕೆರ್ ಸಂಪತ್ ಸುವರ್ಣ, ಬೊಲ್ತೇರ್ ಗುರು ನಾರಾಯಣ ಬಿಲ್ಲವ ಸಂಘದ ಅಧ್ಯಕ್ಷೆರ್ ಚಿದಾನಂದ ಎಲ್ದಕ್ಕ ಇತ್ತೆರ್.

Political parties should give more importance to Billava youth-Janardan Poojary inagurates Billava Janapada Sammelan

He was speaking after inaugurating a ” Geetigey ” program of Billava Janapada Sammelan at Beltangady.

9ನೇ ವರ್ಷಡ್ ಸನ್ಯಾಸಿ ಆಯಿನ ಸೂರತ್ ದ ಪೊಣ್ಣು!

ಗುಜರಾತ್‌: ಕೋಟ್ಯಂತರ ರೂಪಾಯಿ ಬಿಲೆತ್ತ ಸಂಪತ್ತನ್ ಬುಡ್ದು 9 ವರ್ಷದ ಪೊಣ್ಣು ಒರ್ತಿ ಸನ್ಯಾಸಿನಿ ಆವರೆ ಪಿದಾಡಿನ ಘಟನೆ ಗುಜರಾತ್‌ ಕೈತಲ್ ದ ಸೂರತ್‌ದ ವೆಸು ಪನ್ಪುನ ಜಾಗೆಡ್ ನಡತ್ಂಡ್.

ವಜ್ರದ ವ್ಯಾಪಾರಿ ಧನೇಶ್ ಬೊಕ್ಕ ಅಮಿ ಸಾಂಘ್ವಿ ಮೊಕ್ಲೆನ ರಡ್ಡ್ ಜೋಕುಲೆನೆಟ್ಟ್ ದೇವಾಂಶಿ ಮಲ್ಲಾರ್. ಮೇರ್ ಜೈನ ಸನ್ಯಾಸಿ ಆಚಾರ್ಯ ವಿಜಯ್ ಕೀರ್ತಿಶೂರಿ ಮೆರೆನ ಸಮ್ಮುಖಡ್ ಸನ್ಯಾಸಿನಿ ಜೀವನ ಮಲ್ಪೆರೆ ಸುರು ಮಲ್ತೆರ್. ಈ ಲೇಸ್ ಗ್ ಸುತ್ತಮುತ್ತದ ನೂದೆರ್ದ್ ಎಚ್ಚ ಜನ ಬೈದೆರ್.

ನಟಿ ರಚಿತಾ ರಾಮ್ ನ ಮಿತ್ತ್ ಕೇಸ್ ದಾಖಲ್

ಬೆಂಗ್ಲೂರ್: ಸ್ಯಾಂಡಲ್​ವುಡ್​ದ ನಟಿ ರಚಿತಾ ರಾಮ್ ನ ಮಿತ್ತ್ ಮಂಡ್ಯ ಜಿಲ್ಲೆದ ಮದ್ದೂರು ಪೊಲೀಸ್ ಠಾಣೆಡ್ ಕೇಸ್​ ದಾಖಲ್ ಆತ್ಂಡ್.

ಮೇರ್ ಇಂಚಿಪ್ಪ ಪಿಕ್ಚರ್ ದ ಒಂಜಿ ಲೇಸ್ ಡ್ ತನ್ನ ಪಿಕ್ಚರ್ ದ ಪ್ರಚಾರಡ್ ಪಾತೆರ್ನ ಪೊರ್ತುಡು ಪ್ರತಿ ವರ್ಷ ಜ. 26ಕ್ ಗಣರಾಜ್ಯೋತ್ಸವ ಆಚರಣೆ ಮಲ್ಪುವರ್. ಈ ಸರ್ತಿ ಆಯಿನ್ ಮರಪುಲೆ ಪಂದ್ ಪಂಡ್ ದಿತ್ತೆರ್. ಸಂವಿಧಾನ ಜಾರಿ ಆಯಿನ ದಿನಕ್ ಮಾತೆರ್ಲಾ ಗೌರವ ಸಂದಾವೊಡು, ಆಂಡ ನಟಿ ಅವಮಾನ ಮಲ್ದೆರ್. ಮೆರೆನ ಮಿತ್ತ್ ಕಾನೂನು ಕ್ರಮ ದೆತೊನೊಡು ಪಂದ್ ಕರ್ನಾಟಕ ರಾಜ್ಯ ವೈಜ್ಞಾನಿಕ ಸಂಶೋಧನಾ ಪರಿಷತ್ ಜಿಲ್ಲಾ ಘಟಕದ ಅಧ್ಯಕ್ಷೆರ್ ಸಿ. ಶಿವಲಿಂಗಯ್ಯ ಒತ್ತಾಯ ಮಲ್ದೆರ್.