Times of kudla

ಮಲ್ಪೆ: ಇಲ್ಲದ ಬೀಗ ಪುಡತ್ ದ್ ಲಕ್ಷ ರೂಪಾಯಿರ್ದ್ ಎಚ್ಚ ಬಿಲೆತ್ತ ಬಂಗಾರ್, ಸೊತ್ತುಲೆನ್ ಕಂಡಿನ ಕಲ್ವೆರ್

ಮಲ್ಪೆ: ಇಲ್ಲದ ಬೀಗ ಪುಡತ್ ದ್ ಲಕ್ಷ ರೂಪಾಯಿರ್ದ್ ಲ ಎಚ್ಚ ಬಿಲೆತ ಬಂಗಾರ್, ಸೊತ್ತುಲೆನ್ ಕಲ್ವೆರ್ ಕಂಡ್ ದ್ ಕೊನೊಯಿನ ಘಟನೆ ಕೊಡವೂರು ಮೂಡುಬೆಟ್ಟುಡ್ ನಡತ್ಂಡ್.

ಈ ಘಟನೆ ಶೇಖ್‌ ನಝೀರ್‌ ಅಹಮ್ಮದ್‌ ಪನ್ಪುನರೆನ ಇಲ್ಲಲ್ ನಡತ್ಂಡ್. ಕಲ್ವೆರ್ ಗೋದ್ರೇಜ್ ಕಪಾಟ್ ದ ಲಾಕರ್ ರ್ದ್ 30 ಗ್ರಾಂ ದ 2 ಬಂಗಾರ್ ದ ಕಾಜಿ, 10 ಗ್ರಾಂ ದ 3 ಬಂಗಾರ್ ದ ಉಂಗಿಲ, 8 ಗ್ರಾಂ ದ ಬ್ರಾಸ್ ಲೆಟ್, ಒಟ್ಟು 48 ಗ್ರಾಂ ತೂಕದ 2,00,000/- ರೂ. ಬಿಲೆತ ಬಂಗಾರ್ ನ್ ಕಂಡ್ ದೆರ್. ಬೊಕ್ಕ ಲಾಕರ್‌ ಡ್ ಇತ್ತಿನ 2 ರಾಡೋ ಕಂಪೆನಿದ ವಾಚ್ 10,000/ , ರೂ. ದ, ಸಿ.ಕೆ ಕಂಪೆನಿದ ವಾಚ್ 12,000/-,ರೂ. ದ, ಹೈನೋಟಿಕ್ ಕಂಪೆನಿದ ವಾಚ್ 3,000 ರೂ.ದ, ಒಟ್ಟು 2,25,000/- ಬಿಲೆತ ಬಂಗಾರ್ ಬೊಕ್ಕ ಸೊತ್ತುನ್ ಕಲ್ವೆರ್ ಕಂಡ್ ದ್ ಕೊನೊತೆರ್ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಮಲ್ಪೆ ಪೊಲೀಸ್‌ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ರೇಡಿಯೋ ಮಣಿಪಾಲ್ ಡ್ ಶುದ್ಧ ಜಲ, ಸ್ವಚ್ಛ ನೆಲ ಪೊಲಬು

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಜ.21 ಸನಿಯಾರ ಬಯ್ಯಗ್ 6 ಗಂಟೆಗ್ ಬಿಜೂರು ಸರಕಾರಿ ಪ್ರೌಢಶಾಲೆದ ಸಮುದಾಯ ಇಂಗುಗುಂಡಿದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಬಿಜೂರು ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಸತೀಶ್ ತೋಳಾರ್ ಬೊಕ್ಕ ಬಿಜೂರು ಸರಕಾರಿ ಪ್ರೌಢಶಾಲೆದ ಮುಖ್ಯೋಪಾಧ್ಯಾಯೆರ್ ಗಜಾನನ ಎಸ್ ಹೆಗ್ಗಡೆ ಪಾಲ್ ಪಡೆಯೆರೆ ಉಲ್ಲೆರ್. ಜ.22ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

ರೇಡಿಯೋ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಕನ್ನಡ ಸಾಹಿತ್ಯ ಪರಿಷತ್ತ್ ಒಡಿಪು ಜಿಲ್ಲೆ ಬೊಕ್ಕ ಒಡಿಪು ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 38ನೇ ಸಂಚಿಕೆ ಜ.21 ಸನಿಯಾರ ಬಯ್ಯಗ್ 4:30 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಕಾಲೇಜ್ ಕಲ್ಪಾರ್ಥಿ ಸೃಜನ್ ಬಿ. ಸಾಂತೂರುಕೊಪ್ಲ ಪಾಲ್ ಪಡೆಯೆರೆ ಉಲ್ಲೆರ್. ಜ.22 ಕ್ ಮಧ್ಯಾಹ್ನ 12:30 ಕ್ ಮರುಪ್ರಸಾರ ಆಪುಂಡು.

ಬೊಡೆದಿ ಬಂಜಿನಲ್ ಆವರೆ ನರಮಾನಿನ ಎಲುತ್ತ ಪೊಡಿ ತಿನ್ಪಾಯಿನ ಕಂಡನಿ

ಪುಣೆ: ಬೊಡೆದಿ ಬಂಜಿನಾಲ್ ಆವೊಡು ಪಂದ್ ಕಂಡನಿ ಮಂತ್ರವಾದಿನ ಪಾತೆರ ಕೇನ್ದ್, ನರಮಾನಿನ ಎಲುನು ಪೊಡಿ ಮಲ್ತ್ ದ್ ಒತ್ತಾಯೊಡು ತಿನ್ಪಾಯಿನ ಘಟನೆ ಮಹಾರಾಷ್ಟ್ರದ ಪುಣೆಡ್ ನಡತ್ಂಡ್.

ಈ ಬಗೆಟ್ ಕೇಸ್ ದಾಖಲ್ ಮಲ್ತಿನ ಪೊಲೀಸೆರ್ ತನಿಖೆ ಸುರು ಮಲ್ತ್ ದ್ ಕಂಡನಿ, ಮಾಮಿ, ಮಾಮು ಬೊಕ್ಕ ಮಂತ್ರವಾದಿ ಸೇರ್ದ್ ಏಳ್ ಆರೋಪಿಲೆನ ಮಿತ್ತ್ ಕೇಸ್ ದಾಖಲ್ ಮಲ್ದೆರ್.

ಜಮ್ಮು ಕಾಶ್ಮೀರಡ್ ಬಸ್ ಗುಂಡಿಗ್ ಬೂರ್ದು 5 ಜನ ತೀರ್ ಪೋಯೆರ್

ಶ್ರೀನಗರ: ಜಮ್ಮು ಕಾಶ್ಮೀರದ ಕಥುವಾ ಕೈತಲ್ ದ ಪರೋಲೆ ಗ್ರಾಮದ ಬಿಲಾವೆರ್ ಡ್ ಮಿನಿ ಬಸ್ ಒಂಜಿ ಮಲ್ಲ ಗುಂಡಿಗ್ ಬೂರ್ದು 5 ಜನ ತೀರ್ ಪೋಯಿನ ಘಟನೆ ನಡತ್ಂಡ್.

ಬಸ್ ಟ್ ಪ್ರಯಾಣ ಮಲ್ತೊಂದು ಇತ್ತಿನ 15 ಜನಕ್ ಪೆಟ್ಟಾತ್ಂಡ್. ಮೊಕ್ಲೆನ್ ಕೈತಲ್ ದ ಆಸ್ಪತ್ರೆಗ್ ದಾಖಲ್ ಮಲ್ದ್ಂಡ್. ಹಿರಿಯ ಅಧಿಕಾರಿಲು ಘಟನೆದ ಜಾಗೆಗ್ ಬತ್ತ್ ದ್ ಪೆಟ್ಟಾಯಿನಕ್ಲೆಗ್ ಸರಿಯಾಯಿನ ಚಿಕಿತ್ಸೆ ಕೊರೊಡು ಪಂದ್ ಸೂಚನೆ ಕೊರ್ತೆರ್.

ಬ್ರಿಟನ್ ದ ಪ್ರಧಾನಿ ರಿಷಿ ಸುನಾಕ್ ಗ್ ದಂಡ!!

ಸೀಟ್ ಬೆಲ್ಟ್ ಪಾಡಂದಿನೆಕ್ಕ್ ಬ್ರಿಟನ್ ಪ್ರಧಾನಿ ರಿಷಿ ಸುನಾಕ್ ಮೆರೆಗ್ ಆ ದೇಶದ ಪೊಲೀಸೆರ್ 100 ಪೌಂಡ್ ದಂಡ ಪಾಡ್ದೆರ್.

ಮೇರ್ ವಿಡಿಯೋಗಾದ್ ಕೆಲವು ಪೊರ್ತು ಸೀಟ್ ಬೆಲ್ಟ್ ನ್ ದೈದೆರ್. ಅವ್ವತ್ತಂದೆ ಈ ಬಗೆಟ್ ಮೇರ್ ಕ್ಷಮೆಲ ಕೇನ್ ದೆರ್. ಯೋಜನೆಲೆಗ್ ಕಾಸ್ ಕೊರಿಯೆರೆ ಈ ವೀಡಿಯೋನ್ ಶೂಟ್ ಮಲ್ದೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.

British police fine the British PM

The British PM Rishi Sunak was fined by the British police for not wearing seat belts .

He was fined 100 pounds for not wearing seat belts while shooting for a promotional video. He has also rendered a public apology in this regard.

ಟ್ವಿಟರ್ ಪಕ್ಕಿದ ನಿಸಾನಿನ್ 8.13 ಕೋಟಿ ರೂ.ಗ್ ವಾರ್

ವಾಷಿಂಗ್ಟನ್: ಟ್ವಿಟರ್ ಸಂಸ್ಥೆದ ಮಾಲಿಕೆ ಎಲಾನ್ ಮಸ್ಕ್ ಸ್ಯಾನ್ ಫ್ರಾನಿಸ್ಕೋಡ್ ಇಪ್ಪುನ ಮುಖ್ಯ ಕಚೇರಿಡ್ ಕೆಲವು ಸೊತ್ತುಲೆನ್ ಆನ್ ಲೈನ್ ಮುಖೇನ ವಾರ್ ಲೆಪ್ಪುನಗ ಟ್ವಿಟರ್ ಪಕ್ಕಿದ ನಿಸಾನಿನ್ ಲ ಮಲ್ದೆರ್.

ಈ ಪಕ್ಕಿ 8.13 ಕೋಟಿ ರೂಪಾಯಿಗ್ ಮಾರಾಟ ಆತ್ಂಡ್.ಅತ್ತಂದೆ ಮೇರ್ ವಾರ್ ಲೆಪ್ಪುನಗ ಪೀಠೋಪಕರಣಲೆನ್, ಅಲಂಕಾರಿಕ ಸೊತ್ತುಲೆನ್ ಲ ಮಲ್ದೆರ್.

Twitter Bird logo statue fetches 8.13 crores in an online auction.

Washington: Elon Musk CEO of Twitter put up some some articles on on online bid including the bird logo statue of Twitter.

The bird logo statue fetched 8.13 crore rupees.He had put up some other articles of its HQ office at San Francisco for auction including furniture, decorative items and equipment.

ಕಾಂಗೋಡ್ ದೋಣಿ ಮುರ್ಕುದು 145 ಜನ ತೀರ್ ಪೋಯೆರ್

ರಿಪಬ್ಲಿಕ್ ಆಫ್ ಕಾಂಗೋದ ಲುಲೋಂಗಾ ತುದೆಟ್ 200 ಜನ ಪ್ರಯಾಣಿಕೆರ್ ಇತ್ತಿನ ಮೋಟಾರ್ ಬೋಟ್ ಮುರ್ಕುದುಂಡು.

ಈ ಘಟನೆಡ್ 145 ಜನ ತೀರ್ ಪೋಯೆರ್ ಪಂದ್ ಅಧಿಕಾರಿಲು ತೆರಿಪಾದೆರ್. 55 ಜನ ಬದುಕ್ ದೆರ್ ಪಂದ್ ತೆರಿದ್ ಬೈದ್ಂಡ್.

ಜಗತ್ತ್ ಡೇ ಮಲ್ಲ ಕಪ್ಪೆ ಆಸ್ಟ್ರೇಲಿಯಾಡ್ ಪತ್ತೆ

ಆಸ್ಟ್ರೇಲಿಯಾದ ಕಾನ್ವೇ ರಾಷ್ಟ್ರೀಯ ಉದ್ಯಾನಡ್ ವಿಶ್ವದ ಮಲ್ಲ ಕಪ್ಪೆ ಪತ್ತೆ ಆತ್ಂಡ್.

ಈ ಕಪ್ಪೆ ಕೇನ್ ಟೋಡ್ ಜಾತಿಗ್ ಸೇರ್ದ್ ದ್ಂಡ್. ನೆತ್ತ ತೂಕ 2.7 ಕೆಜಿ. ಉಂದು ಮಸ್ತ್ ಗಾತ್ರ ಇಪ್ಪುನ ಕಾರಣ ಮಾನ್ಸ್ಟರ್ ಕೇನ್ ಟೋಡ್ ಪಂದ್ ಲೆಪ್ಪುವೆರ್. ಈ ಕಪ್ಪೆ ಪರಿಸರಗ್ ಹಾನಿಕಾರಕ ಪಂದ್ ಪನ್ಪೆರ್. ಇಂಚಾದ್ ರೇಂಜರ್ ನಕುಲು ಅವೆನ್ ಕೆರ್ಪೆರ್. ನೇರ್ದ್ ಪಿರವು ಗಿನ್ನೆಸ್‌ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಡ್ ದಾಖಲಾಯಿನ ಕಪ್ಪೆದ ತೂಕ 1.65 ಕೆಜಿ‌. ನೆನ್ 1997 ಟ್ ಪತ್ತೆ ಮಲ್ದೆರ್.

ಅಂಗಾಂಗ ದಾನಡ್ ಕರ್ನಾಟಕಗ್ 2 ತಾನ

ರಾಜ್ಯಡ್ ಸೈತಿನಕ್ಲೆನ ಅಂಗಾಂಗ ದಾನ ಮಲ್ಪುನೆಟ್ಟ್ ಕರ್ನಾಟಕ ರಡ್ಡನೇ ತಾನ ಪಡೆತ್ಂಡ್.

ಕರಿನ ವರ್ಷ 151 ಜನ ಅಂಗಾಂಗ ದಾನ ಮಲ್ದೆರ್. ಕಿಡ್ನಿ, ಲಿವರ್, ಹೃದಯ ಸೇರ್ದ್ 769 ಅಂಗಾಂಗನ್ ಸಂಗ್ರಹ ಮಲ್ದೆರ್. ಅಂಗಾಂಗ ವೈಫಲ್ಯರ್ದ್ ನರಲೊಂದು ಇತ್ತಿನಕ್ಲೆಗ್ ಯಶಸ್ವಿಯಾದ್ ಶಸ್ತ್ರ ಚಿಕಿತ್ಸೆ ಮಲ್ತ್ಂಡ್. ಈ ಮುಖೇನ 151 ಜನ 769 ಜನಕ್ ಜೀವದಾನ ಮಲ್ತಿಲೆಕ್ಕ ಆತ್ಂಡ್.

Organ donation – Karnataka in second position

Karnataka stands in second position in organ donation.

151 organ donation were done in the last year .Kidney, liver, heart were collected from clinically dead persons and 769 organs were collected including heart .151 organs were transplanted to persons suffering from organ failure successfully and 769 persons got a new lease of life.