Times of kudla

ಬಾದಾಮಿ ಆರೋಗ್ಯಗ್ ಎಡ್ಡೆ

ಬಾದಾಮಿ ಸೇವನೆರ್ದ್ ಆರೋಗ್ಯಗ್ ಮಸ್ತ್ ಪ್ರಯೋಜನ ಉಂಡು.

ಉಂದು ತೂಕದ ನಷ್ಟಗ್ ಮಸ್ತ್ ಎಡ್ಡೆ, ನೆಟ್ಟ್ ಇಪ್ಪುನ ಫೈಬರ್ ಬೊಕ್ಕ ಪ್ರೋಟೀನ್ ಬಡವುನ್ ಕಡಿಮೆ ಮಲ್ಪುಂಡು. ಉಂದು ಜೋಕ್ಲೆನ ಬುದ್ಧಿಶಕ್ತಿನ್ ಎಚ್ಚ ಮಲ್ಪುಂಡು.

ಬಾದಾಮಿಡ್ ಕಬ್ಬಿಣಾಂಶ ಬೊಕ್ಕ ವಿಟಮಿನ್ ಸಮೃದ್ಧ ಆತ್ಂಡ್. ‌ಬಾದಾಮಿಡ್ ಇಪ್ಪುನ ವಿಟಮಿನ್ ಲು ಹೃದ್ರೋಗದ ಅಪಾಯನ್ ಕಡಿಮೆ ಮಲ್ಪುಂಡು.

ಅಂಚೆನೆ ನೆತ್ತೆರ್ ದ ಸಮಸ್ಯೆ ಇಪ್ಪುನಕುಲು ಉಂದೆನ್ ನೆನಪಾದ್ ಪ್ರತಿದಿನೊಲ ತಿನೊಡು. ನೆರ್ದ್ ನೆತ್ತೆರ್ ಡ್ ಇಪ್ಪುನ ಸೆಕ್ಕರೆದ ಮಟ್ಟ ಕಡಿಮೆ ಆಪುಂಡು‌. ಅತ್ತಂದೆ ಉಂದು ಕುಜಲ್ ದ ಬೆಳೆವಣಿಗೆಗ್ ಬೊಕ್ಕ ಚರ್ಮದ ಆರೈಕೆಗ್ ಎಡ್ಡೆ.

ಎ.14: ಮೈಸೂರುಡು ಮೋದಿ ರ‌್ಯಾಲಿ

ಪ್ರಧಾನಿ ನರೇಂದ್ರ ಮೋದಿ ಎ.14 ಕ್ಕ್ ಕುಡ್ಲಡ್ ರೋಡ್ ಶೋ ಮಲ್ಪುನ ದುಂಬು ಮೈಸೂರುಡು ಪ್ರಚಾರ ಮಲ್ಪೆರೆ ಉಲ್ಲೆರ್.

ಮೈಸೂರುದ ಮಹಾರಾಜ ಕಾಲೇಜ್ ಮೈದಾನಡ್ ಮಂಡ್ಯ, ಮೈಸೂರು, ಚಾಮರಾಜನಗರ ಬೊಕ್ಕ ಹಾಸನ ಲೋಕಸಭಾ ಕ್ಷೇತ್ರದ ಕಾರ್ಯಕರ್ತೆರೆನ ಬೊಕ್ಕ ಸಾರ್ವಜನಿಕ ಸಮಾವೇಶ ಉದ್ದೇಶಿಸಾದ್ ಪಾತೆರಿಯೆರೆ ಉಲ್ಲೆರ್.

ಬೊಕ್ಕ ಕುಡ್ಲ ಪೇಂಟೆಗ್ ಬರ್ಪುನ ಮೇರ್ ನಾರಾಯಣಗುರು ವೃತ್ತರ್ದ್ ನವಭಾರತ್ ವೃತ್ತ ಮುಟ್ಟ ಸುಮಾರ್ ಒಂಜರೆ ಕಿಮೀ. ರೋಡ್ ಶೋ ನಡಪಾಯೆರೆ ಉಲ್ಲೆರ್ ಪಂದ್ ಬಿಜೆಪಿ ರಾಜ್ಯ ಚುನಾವಣಾ ಸಮಿತಿ ಸಂಚಾಲಕೆರ್ ಸುನಿಲ್ ಕುಮಾರ್ ತೆರಿಪಾದೆರ್.

ತುಳಸಿ ಚಾ ಪರ್ಂಡ.. ಆರೋಗ್ಯಗ್ ಎಡ್ಡೆ

ತುಳಸಿ ಚಹಾಡ್ ರೋಗನಿರೋಧಕ ಶಕ್ತಿ ಉಂಡು. ನೆಟ್ಟ್ ವಿಟಮಿನ್ ಎ, ಸಿ, ಕ್ಯಾಲ್ಸಿಯಂ ಬೊಕ್ಕ ಸತು ಸೇರಿನಂಚೆನೆ ಅಗತ್ಯ ಪೋಷಕಾಂಶ ಉಂಡು.

ಉಂದು ಕರ್ಲ್ ದ ಆರೋಗ್ಯ ಬೊಕ್ಕ ಜೀರ್ಣಕಾರಿ ಸಮಸ್ಯೆಗ್ ಎಡ್ಡೆ. ಸುರುಕು ತುಳಸಿನ್ ನೀರ್ ಡ್ ಕೊದಿಪಾದ್ ಬೊಕ್ಕ ದಾಲ್ಚಿನ್ನಿ ಪಾಡೊಡು. ನೀರ್ ಚೌಳಿ ಆಯಿನ ಬೊಕ್ಕ ಆಯಿಕ್ಕ್ ತೊಡ್ಡೆ ನೆಯಿ ಬೊಕ್ಕ ಲಿಂಬೆ ರಸನ್ ಪಾಡ್ದ್ ಪರೊಡು.

12 ಭಾಷೆಡ್ ವೋಟುದ ಪ್ರಚಾರ ಪದ್ಯ ಬುಡುಗಡೆ ಮಲ್ತಿನ ಬಿಜೆಪಿ

ಲೋಕಸಭೆ ವೋಟುಗು ಬಿಜೆಪಿ ಪಕ್ಷದ ಪೊಸ ಪ್ರಚಾರ ಪದ್ಯನ್ ಬುಡುಗಡೆ ಮಲ್ದ್ಂಡ್.

ಭಾರತ್ ಕಾ ಬೇಟಾ ಮೋದಿ ಚಲಾ ಭಾರತ್ ಕಾ ಮಾನ್ ಬಢಾನೆ ಕೋ ಪನ್ಪುನ ಸಾಲ್ ದ ಪದ್ಯನ್ ರಚನೆ ಮಲ್ದ್ಂಡ್. ಒಟ್ಟು 12 ಭಾಷೆಡ್ ಪ್ರಚಾರ ಗೀತೆನ್ ಬುಡುಗಡೆ ಮಲ್ದ್ಂಡ್.

ದೇಶದ ಪ್ರತಿಷ್ಠೆ ಎಚ್ಚ ಮಲ್ಪೆರೆ ಮೋದಿ ಪಿದಾಡ್ ದೆರ್ ಪನ್ಪುನ ಅರ್ಥನ್ ಉಂದು ಕೊರ್ತುಂಡು.

ಎ.14: ಕುಡ್ಲಡ್ ಮೋದಿ ರೋಡ್ ಶೋ: ಮಾತ ಕಡೆಟ್ಲಾ ಬಿಗಿ ಭದ್ರತೆ

ಕುಡ್ಲಡ್ ಪ್ರಧಾನಿ ಮೋದಿ ಎ. 14 ಕ್ಕ್ ರೋಡ್ ಮಲ್ಪುನ ನಿಲೆಟ್ಟ್ ಪೊಲೀಸೆರ್ ಮಾತ ಕಡೆಟ್ಲಾ ಬಿಗಿ ಭದ್ರತೆನ್ ಸುರು ಮಲ್ದೆರ್.

ಎನ್ ಎಸ್ ಜಿ ಇಸೇಸ ಭದ್ರತೆ ಕೂಟ ಬುದಾರ ಕುಡ್ಲಗ್ ಬತ್ತ್ ದ್, ಮೋದಿ ರೋಡ್ ಶೋ ನಡಪಾವುನ ಮಾರ್ಗಡ್ ದೆತೊನೊಡಾಯಿನ ಭದ್ರತಾ ಕ್ರಮತ್ತ ಬಗೆಟ್ಟ್ ಪರಿಶೀಲನೆ ನಡಪಾದ್ ಸೂಕ್ತ ಮಾರ್ಗದರ್ಶನ ಕೊರಿಯೆರೆ ಉಲ್ಲೆರ್.

ಮೈಸೂರ್ ಡ್ ಆ ದಿನ ಸಮಾವೇಶ ಮುಗಿತ್ ದ್ ಕುಡ್ಲಗ್ ಬರ್ಪಿನ ಮೋದಿ ಕುಡ್ಲಡೇ ವಾಸ ಮಲ್ಪುನ ಸಾಧ್ಯತೆಲ ಉಂಡು ಪಂದ್ ತೆರಿದ್ ಬೈದ್ಂಡ್.

ಶೀರೂರು ಮೂಲ ಮಠಟ್ಟ್ ಶ್ರೀ ರಾಮ ನವಮಿ ಉಚ್ಚಯ

ಒಡಿಪು: ಶ್ರೀ ಶೀರೂರು ಮೂಲ ಮಠಟ್ಟ್ ಶ್ರೀ ರಾಮನವಮಿ ಉಚ್ಚಯ ಎ.9-18 ಮುಟ್ಟ ನಡಪರೆ ಉಂಡು.

ಶೀರೂರು ಮಠಾಧೀಶೆರ್ ವೇದವರ್ಧನತೀರ್ಥ ಸ್ವಾಮೀಜಿಲೆನ ಮುತಾಲಿಕೆಡ್ ಈ ಲೇಸ್ ನಡಪರೆ ಉಂಡು.

ಎ.11 ಗುರುವಾರ ಬಯ್ಯಗ್ ಪಟ್ಟದ ದೇವೆರೆನೊಟ್ಟಿಗೆ ಶ್ರೀ ಚಿತ್ರಾಪುರ ಸ್ವಾಮೀಜಿ ಬರಿಯೆರೆ, ಬಯ್ಯಗ್ ವಯೋಲಿನ್ ವಾದನ ನಡಪರೆ ಉಂಡು.

ಎ.12 ಸುಕ್ರಾರ ಬಯ್ಯಗ್ ಸಾಂಸ್ಕೃತಿಕ ಲೇಸ್, ಊರಪರ್ಬ ನಡಪರೆ ಉಂಡು.

ಎ.13 ಸನಿಯಾರ ಬಯ್ಯಗ್ ಪಟ್ಟದ ದೇವೆರೆನೊಟ್ಟಿಗೆ ಶ್ರೀ ಕಾಣಿಯೂರು ಸ್ವಾಮಿಲು‌ ಬರಿಯೆರೆ, ಭೂತರಾಜನ ಪೂಜೆ, ಶ್ರೀ ನರಸಿಂಹ ನೃತ್ಯರೂಪಕ ನಡಪರೆ ಉಂಡು.

ಎ.14 ಐತಾರ ಬಯ್ಯಗ್ ಕಟ್ಟೆಪೂಜೆ ಬೊಕ್ಕ ಮ್ಯಾಜಿಕ್ ಷೋ ನಡಪರೆ ಉಂಡು.

ಎ.15 ಸೋಮಾರ ಬಯ್ಯಗ್ ಭಕ್ತಿ ಸಂಗೀತ ನಡಪರೆ ಉಂಡು.

ಎ.16 ಅಂಗಾರೆ ಬಯ್ಯಗ್ ಹಿಂದುಸ್ತಾನಿ ಗಾಯನ ನಡಪರೆ ಉಂಡು.

ಎ.17 ಬುದಾರ ಬೊಲ್ಪುಗು ಪಂಚಾಮೃತಾಭಿಷೇಕ, ಇಸೇಸ ಪೂಜೆ, ಪವಮಾನ ಕಲಶ, ಶ್ರೀ ಪಟ್ಟದ ದೇವೆರೆನ ಪೂಜೆ, ಶ್ರೀ ಮುಖ್ಯಪ್ರಾಣ ದೇವೆರೆನ ಪೂಜೆ, ಪಲ್ಲದ ಪೂಜೆ, ಬ್ರಾಹ್ಮಣ ಸುವಾಸಿನೆ ಆರಾಧನೆ, ಸಾರ್ವಜನಿಕ ಅನ್ನ ಪ್ರಸಾದ ಸೇವೆ, ಮಧ್ಯಾಹ್ನ ಸಂಗೀತ, ಬಯ್ಯಗ್ ಪಟ್ಟದ ದೇವೆರೆನೊಟ್ಟಿಗೆ ಶ್ರೀ ಕೃಷ್ಣಾಪುರ ಸ್ವಾಮಿಲು ಬರಿಯೆರೆ, ಪ್ರಾಣ ದೇವೆರೆನ ರಂಗಪೂಜೆ, ತೇರ್ ಉಚ್ಚಯ, ಓಲಗ ಮಂಟಪ ಪೂಜೆ, ರಾತ್ರೆ ಆಟ ನಡಪರೆ ಉಂಡು.

ಎ.18 ಗುರುವಾರ ಬೊಲ್ಪುಗು ಶಾಕಲ ಋಕ್ಸಂಹಿತಾಯಾಗದ ಪೂರ್ಣಾಹುತಿ, ಪಗೆಲ್ ತೇರ್ ಉಚ್ಚಯ, ಓಲಗ ಮಂಟಪ ಪೂಜೆ, ಅವಭೃತ ಸ್ನಾನ ರಾತ್ರೆ ಶ್ರೀ ಮಠತ್ತ ಬೊಬ್ಬರ್ಯ ಕೋಲ ನಡಪರೆ ಉಂಡು.

ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್ ತೀರ್ಥ ಪ್ರಸಾದ ದೆತೊಂದು ಶ್ರೀ ಹರಿವಾಯು ಗುರುಕ್ಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಒಡಿಪು ಶ್ರೀ ಶೀರೂರು ಮಠತ್ತ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಸುಬ್ರಹ್ಮಣ್ಯ ಪಿಯು ಕಾಲೇಜ್ ಗ್ ಡಿಸ್ಟಿಂಕ್ಷನ್

ಇತಿಹಾಸಡ್ ಸುರುತ್ತ ಸರ್ತಿ 53ನೇ ವರ್ಷಡ್ ಈ ಸರ್ತಿ ವಿಜ್ಞಾನ ವಿಭಾಗಡ್ ನೂದೆಕ್ಕ್ ನೂದು ರಿಸಲ್ಟ್ ನ್ ಸುಬ್ರಹ್ಮಣ್ಯ ಪದವಿಪೂರ್ವ ಕಾಲೇಜ್ ಕೊರ್ತುಂಡು.

ಈ ವಿಜ್ಞಾನ ವಿಭಾಗಡ್ 40 ಡಿಸ್ಟಿಂಕ್ಷನ್ ಬೈದ್ಂಡ್. ಅತ್ತಂದೆ ಪರೀಕ್ಷೆಗ್ ಹಾಜರಾಯಿನ 370 ವಿದ್ಯಾರ್ಥಿಲೆಡ್ 365 ವಿದ್ಯಾರ್ಥಿಲು ಪಾಸಾದ್ ದಾಖಲೆದ 98.65 % ರಿಸಲ್ಟ್ ಬೈದ್ಂಡ್. ಒಟ್ಟಾರೆಯಾದ್ 98 ಡಿಸ್ಟಿಂಕ್ಷನ್ ಬೈದ್ಂಡ್ ಪಂದ್ ಪ್ರಾಚಾರ್ಯೆರ್ ಸೋಮಶೇಖರ ನಾಯಕ್ ಪಂತೆರ್.