Mulki

ಆ.27, 28 : ಬಪ್ಪನಾಡ್ ಡ್ ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾದ ಅಮೃತ ಮಹೋತ್ಸವದ ಲೇಸ್

Aug 24, 2022

ಮುಲ್ಕಿ : ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾದ ಅಮೃತ ಸಂಭ್ರಮ 2022 ಪನ್ಪಿನ ಅಮೃತ ವರ್ಸದ ಉಚ್ಚಯ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರೊಡು ಆ.27 ಬೊಕ್ಕ 28 ತಾರೀಕ್ ಗ್ ನಡಪರೆ ಉಂಡು.

ಆ.26 ಸುಕ್ರಾರ ಮದ್ಯಾಹ್ನ ಮಾನಂಪಾಡಿರ್ದ್ ಹಸಿರು ಹೊರೆ ಕಾಣಿಕೆ ಬರಿಯರೆ ಉಂಡು.

ಆ.27 ಸನಿಯಾರ ಕಾಂಡೆ 9.30 ಗು ರಾಜ್ಯಸಭೆ ಸದಸ್ಯೆರ್, ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆರ್ ಲೇಸ್ ಉದಿಪನ ಮಲ್ಪುವೆರ್. ಕಟೀಲ್ ದೇವಸ್ಥಾನದ ಕೆ.ಲಕ್ಷ್ಮಿ ನಾರಾಯಣ ಆಶೀರ್ವಚನ ಮಲ್ಪುವೆರ್. ಅಮೃತ ಮಹೋತ್ಸವ ಸಮಿತಿದ ಅಧ್ಯಕ್ಷೆರ್ ಪುರಂದರ ಶೆಟ್ಟಿ ಗಾರ್ ಅಧ್ಯಕ್ಷತೆ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಸಚಿವೆರ್ ಸುನಿಲ್ ಕುಮಾರ್ , ರಾಜ್ಯಸಬಾ ಸದಸ್ಯೆರ್ ಕೆ.ನಾರಾಯಣ್, ಶಾಸಕೆರ್ ಉಮಾನಾಥ ಕೋಟ್ಯಾನ್, ಕಾನೂನು ಸೇವಾ ಪ್ರಾಧಿಕಾರದ ಉಪಕಾರ್ಯದರ್ಶಿ ರಾಘವೇಂದ್ರ ಶೆಟ್ಟಿಗಾರ್, ಉದ್ಯಮಿ ಪ್ರಶಾಂತ್ ಶೇಟ್, ಐಕಳ ಹರೀಶ್ ಶೆಟ್ಟಿ, ಅಂಬಾತನಯ ಮುದ್ರಾಡಿ ಪಾಲ್ ಪಡೆವರೆ ಉಲ್ಲೆರ್.

12.30 ಗಂಟೆಗ್ ಗೌರವ ಸಮರ್ಪಣೆ ಬೊಕ್ಕ ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್ ಡ್ ಡಾ.ಹರಿಕೃಷ್ಣ ಪುನರೂರು, ಭುವನಾಭಿರಾಮ ಉಡುಪ, ಡಾ.ಬಸವರಾಜ ಶೆಟ್ಟಿಗಾರ್ ಬಿನ್ನೆರಾದ್ ಬರ್ಪೆರ್.

ಮಧ್ಯಾಹ್ನ ನೇಕಾರ ರ ಸ್ಥಿತಿಗತಿ ಬೊಕ್ಕ ಆಹಾರ ವಿಚಾರದ ವಿಷಯೊಡು ವಿಚಾರ ಗೋಷ್ಠಿ ನಡಪರೆ ಉಂಡು. ಬಯ್ಯಡ್ 4.30 ಗು ಸ್ವಸಮಾಜದ ಕಲಾವಿದೆರೆರ್ದ್ ಭೀಷ್ಮೋತ್ಪತ್ತಿ ಯಕ್ಷಗಾನ ತಾಳಮದ್ದಲೆ, 6 ಗಂಟೆರ್ದ್ 16 ವೀರಭದ್ರ ದೇವಸ್ಥಾನ ದ ಕಲಾವಿದೆರೆರ್ದ್ ಜಾನಪದ ನಾಟಕ ಅರ್ಬುದ-ಪುಣ್ಯಕೋಟಿ ನಡಪರೆ ಉಂಡು.

ಆ.28 ಐತಾರ ಕಾಂಡೆ ಅನ್ನಪೂರ್ಣೇಶ್ವರಿ ಹಾಲ್ ಡ್ ಉಚಿತ ಕಣ್ಣ್ ಪರೀಕ್ಷೆ ಶಿಬಿರೊನು ಬಪ್ಪನಾಡ್ ಕ್ಷೇತ್ರದ ಬ್ರಹ್ಮಶ್ರೀ ಗೋಪಾಲಕೃಷ್ಣ ತಂತ್ರಿಲು ಉದಿಪನ ಮಲ್ಪುವೆರ್. ಮಾತಾ ಪಂಚದುರ್ಗ ರೆಸಿಡೆನ್ಸಿದ ಕೈತಲ್ ರಕ್ತದಾನ ಶಿಬಿರೊನು ಬಪ್ಪನಾಡ್ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ ಉದಿಪನ ಮಲ್ಪುವೆರ್.

ಕಾಂಡೆ 9.30 ಗು ಮಹಿಳಾ ಸಮಾವೇಶಡ್ ಮಾಜಿ ಸಚಿವೆರ್, ನಟಿ ಉಮಾಶ್ರೀ, ಶ್ಯಾಮಲಾ ಕುಂದರ್, ಲಲಿತಾ ಸತೀಶ್ ಶೆಟ್ಟಿಗಾರ್, ಸರೋಜಿನಿ ಎಚ್.ಶೆಟ್ಟಿಗಾರ್ ಮುಂಬಯಿ ಮೊಕುಲು ಪಾಲ್ ಪಡೆವೆರ್. ಭರತನಾಟ್ಯ ಅಂಚೆನೆ ಮಹಿಳೆಯರ ಮುಂದಿರುವ ಸವಾಲು, ನಾವು ಎತ್ತ ಸಾಗುತ್ತಿದ್ದೇವೆ ವಿಚಾರಗೋಷ್ಠಿ, ಸಾಂಸ್ಕೃತಿಕ ವೈವಿಧ್ಯ ನಡಪರೆ ಉಂಡು.

ಮಧ್ಯಾಹ್ನ 3 ಗಂಟೆಗ್ ಅಂಬಾತನಯ ಮುದ್ರಾಡಿ ಮೇರ್ನ ಗುರ್ಕಾರ್ಮೆ ಡ್ ಮುಗಿತಲದ ಲೇಸ್ ಡ್ ಸಂಸದೆರ್ ನಳಿನ್ ಕುಮಾರ್, ಶಾಸಕೆರ್ ವೇದವ್ಯಾಸ ಕಾಮತ್, ಡಾ.ವೈ.ಭರತ್ ಶೆಟ್ಟಿ, ಜಯಪ್ರಕಾಶ್ ಹೆಗ್ಡೆ, ಅಭಯಚಂದ್ರ ಜೈನ್ ಮೊಕುಲು ಮಾತ ಪಾಲ್ ಪಡೆವೆರ್. ಬೊಕ್ಕ ಕಲ್ಲಾಪು ಶ್ರೀ ವೀರಭದ್ರ ಮಹಮ್ಮಾಯಿ ದೇವಸ್ಥಾನದ ಕಲಾವಿದೆರೆರ್ದ್ “ಧರ್ಮ ಇತ್ತಿ ಮಣ್ಣ್ ” ರೂಪಕ ನಡಪರೆ ಉಂಡು ಪಂದ್ ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ ದ ಪ್ರಧಾನ ಕಾರ್ಯದರ್ಶಿ ಲಕ್ಷ್ಮಣ್ ಕೊಡಿಯಾಲ್ ಬೈಲ್ ಬೊಕ್ಕ ಕೂಟದಕುಲು ಲೆಪ್ಪೋಲೆಡ್ ತೆರಿಪಾದೆರ್.

Amrutmahotsava celebrations on August 27,28th at Bappanadu DK district Padmashali Mahasabha.The program will be held at the Bappanadu Durgaparameshwari temple premises.
The program will be inaugurated by Sri D Veerendra Heggade of Dharmasthala.Blessings are by Lakshmi Narayan of of Kateel Durga parameshwari temple.
Special programs are lined for both days .

ಆ.29 : ಪ್ರಿಯದರ್ಶಿನಿ ಸಹಕಾರಿ ಸಂಘದ ಪಡುಬಿದ್ರಿ ಶಾಖೆ ಉದಿಪನ

Aug 24, 2022

ಮುಲ್ಕಿ : ಹಳೆಯಂಗಡಿಡ್ ಪ್ರಧಾನ ಕಚೇರಿ ಉಪ್ಪುನ, ಕಡಿಮೆ ಅವಧಿಡೇ ಪುಗರ್ತೆ ಪಡೆಯಿನ ಪ್ರಿಯದರ್ಶಿನಿ ಸಹಕಾರ ಸಂಘದ ಪಡ್ಡೆದ್ರ (ಪಡುಬಿದ್ರಿ) ಶಾಖೆ ಆ.29 ಸೋಮಾರ ಕಾಂಡೆ 11 ಗಂಟೆಗ್ ಉದಿಪನ ಆವರೆ ಉಂಡು.

ಮುಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್ನ ಅಧ್ಯಕ್ಷತೆಡ್ ನಡಪುನ ಈ ಲೇಸ್ ಡ್ ಶಾಖೆನ್ ವಿಧಾನ ಪರಿಷತ್ ದ ಪ್ರತಿಪಕ್ಷದ ನಾಯಕೆರ್ ಬಿ.ಕೆ.ಹರಿಪ್ರಸಾದ್ ಉದಿಪನ ಮಲ್ಪುವೆರ್. ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಬೊಲ್ಪು ಅರ್ಲಾವೆರ್. ವಿನಯ ಕುಮಾರ್ ಸೊರಕೆ ಭದ್ರತಾ ಕೋಣೆ ಉದಿಪನ ಮಲ್ಪುವೆರ್. ಒಡಿಪು ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷೆರ್ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೊಬೈಲ್ ಬ್ಯಾಂಕಿಂಗ್ ಸೇವೆಗ್ ಚಾಲನೆ ಕೊರ್ಪೆರ್. ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಪ್ರಿಯದರ್ಶಿನಿ ಸ್ವಸಹಾಯ ಗುಂಪು ಉದಿಪನ ಮಲ್ಪುವೆರ್. ಪಡ್ಡೆದ್ರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ರತ್ನಾಕರ ರಾಜ್ ಅರಸು ಕಿನ್ಯಕ್ಕ ಬಲ್ಲಾಲ್ ಠೇವಣಿ ಪತ್ರ ಬುಡುಗಡೆ ಮಲ್ಪುವೆರ್. ಒಡಿಪು ಜಿಲ್ಲಾ ಸಹಕಾರ ಸಂಘದ ಉಪನಿಬಂಧಕೆರ್ ಲಕ್ಷ್ಮಿ ನಾರಾಯಣ್ ಸೇವಿಂಗ್ಸ್ ಪಾಸ್ ಬುಕ್ಕು ಪಟ್ಟುವೆರ್.

ಮಲ್ಲ ಬಿನ್ನೆರಾದ್ ಕರ್ನಾಟಕ ದೈವ ಶಾಸ್ತ್ರೀಯ ಮಹಾವಿದ್ಯಾಲಯದ ಪ್ರಿನ್ಸಿಪಾಲ್ ರೇ.ಡಾ.ಹ್ಯೂಬರ್ಟ್ ಎಮ್. ವಾಟ್ಸನ್, ಪಾವಂಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ದ ವ್ಯವಸ್ಥಾಪನೆ ಸಮಿತಿದ ಅಧ್ಯಕ್ಷೆರ್ ಬಿ.ಸೂರ್ಯ ಕುಮಾರ್, ಪಡ್ಡೆದ್ರ ಇಮಾಯತ್ ಇಸ್ಲಾಂ ಸಂಘದ ಅಧ್ಯಕ್ಷೆರ್ ಶಬ್ಬೀರ್ ಹುಸೇನ್ ಮೊಕುಲು ಮಾತ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಪ್ರಿಯದರ್ಶಿನಿ ಸಹಕಾರ ಸಂಘದ ಅಧ್ಯಕ್ಷೆರ್ ಎಚ್. ವಸಂತ ಬೆರ್ನಾಡ್, ಉಪಾಧ್ಯಕ್ಷೆರ್ ಪ್ರತಿಭಾ ಕುಳಾಯಿ, ಸಿಇಒ ಸುದರ್ಶನ್ ಪಂಜ ಅಂಚೆನೆ ನಿರ್ದೇಶಕ ಮಂಡಳಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಆ.28 : ಸಾತಂತ್ರ್ಯ ಅಮೃತ ಮಹೋತ್ಸವ ದ ನೆಂಪುಗು ಬೆದ್ರರ್ದ್ ಮುಲ್ಕಿಗ್ ಬೈಕ್ ರ‌್ಯಾಲಿ : ಮಿಥುನ್ ರೈ

Aug 23, 2022

ಹಳೆಯಂಗಡಿ: ಸ್ವಾತಂತ್ರ್ಯ ದಿನಾಚರಣೆ ದ ಅಮೃತ ಮಹೋತ್ಸವದ ನೆಂಪುಗು ಬೋಡಾದ್ ಆಗಸ್ಟ್ 28 ಐತಾರ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಮೆರ್ನ ಮಾರ್ಗದರ್ಶನೊಡು ಬೆದ್ರರ್ದ್ ಮುಲ್ಕಿ ಮುಟ್ಟ ಮಲ್ಲ ಮಟ್ಟ್ ದ ಬೈಕ್ ರ‌್ಯಾಲಿ ನಡಪರೆ ಉಂಡು ಪಂದ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ತೆರಿಪಾದೆರ್.

ಆರ್ ಹಳೆಯಂಗಡಿದ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ಅಂಗಾರೆ ನಡತಿನ ಪೂರ್ವತಯಾರಿ ಸಭೆಟ್ ಈ ವಿಷಯ ತೆರಿಪಾಯೆರ್.

ಭಾರತದ ರಾಷ್ಟ್ರಧ್ವಜನ್ ಪತೊಂದು ಪಿದಾಡುನ ಬೈಕ್ ಜಾಥಾ ಬೆದ್ರದ ಅಲಂಗಾರು ದೇವಸ್ಥಾನಡ್ ಉದಿಪನ ಆವರೆ ಉಂಡು. ಅಲ್ತ್ ರ್ದ್ ಮುಲ್ಕಿದ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಗ್ ಬತ್ತ್ ದ್ ಸಮಾಪನೆ ಆವರೆ ಉಂಡು ಪಂಡೆರ್.

ಸಭೆಟ್ಟ್ ಸಂಘಟನಾ ಸಮಿತಿದ ಮೋಹನ್ ಕೋಟ್ಯಾನ್, ಎಚ್.ವಸಂತ ಬೆರ್ನಾಡ್, ಪುತ್ತು ಬಾವ ಮುಲ್ಕಿ, ಬಾಬು ಶೆಟ್ಟಿ ಮಳವೂರು, ಹಸನಬ್ಬ ಬಾಳ,ವೇಣುವಿನೋದ್ ಶೆಟ್ಟಿ ಚೇಳಾರು, ಬಿ.ಜೆ ರಹೀಂ ಬಜ್ಪೆ, ಅಶೋಕ್ ಪೂಜಾರ್, ಮಂಜುನಾಥ ಕಂಬಾರ್, ಪದ್ಮಾವತಿ ಶೆಟ್ಟಿ, ಸಾಹುಲ್ ಹಮೀದ್, ಬಜ್ಪೆ, ಯೋಗೀಶ್ ಕೋಟ್ಯಾನ್ ಚಿತ್ರಾಪು, ಜನಾರ್ದನ ಬಂಗೇರ, ಬಾಲಚಂದ್ರ ಕಾಮತ್, ಲೀಲ ಕೃಷ್ಣಪ್ಪ, ಸುರೇಶ್ ಪಂಜ , ಮಯ್ಯದ್ದಿ ಪಕ್ಷಿಕೆರೆ ಮೊಕುಲು ಮಾತ ಸಭೆಟ್ಟ್ ಪಾಲ್ ಪಡೆದಿತ್ತೆರ್.

August 28: A bike rally has been arranged from Moodbidri to Mulky to commorate the 75th year of independence.

On the Amrutmahotsava of Indian independence, a bike rally has been arranged on August 28th from Moodbidri to Mulky under the leadership of former minister Abaychandra Jain and KPCC chief secretary Mithun Rai .
The bike rally will have the national flag in the forefront and will start from Alengar temple in Moodbidri and conclude at Sri Durgaparameshwari temple at Bappanadu, Mulki.

ಆ.27 ಕ್ಕ್ ಮೂಲ್ಕಿ ತಾಲೂಕು ಆಡಳಿತ ಸೌಧಗ್ ವಸತಿ ಸಚಿವೆರೆರ್ದ್ ಕೆಸರ್ ಕಲ್ಲ್ : ಉಮಾನಾಥ ಕೋಟ್ಯಾನ್

Aug 23, 2022

ಮುಲ್ಕಿ: ಪೊಸತ್ತಾದ್ ಅಸ್ತಿತ್ವೊಗು ಬೈದಿನ ಮೂಲ್ಕಿ ತಾಲೂಕುಗು ಕಾರ್ನಾಡ್ ಕೈತಲ್ದ ಗೇರುಕಟ್ಟೆಡ್ ೧೦ ಕೋ.ರೂ. ಕರ್ಚಿಡ್ ನಿರ್ಮಾಣ ಆವರೆ ಇತ್ತಿನ ಆಡಳಿತ ಸೌಧಗ್ ಆ.27ಕ್ಕ್ ವಸತಿ ಸಚಿವೆರ್ ವಿ. ಸೋಮಣ್ಣ ಕೆಸರ್ ಕಲ್ಲ್ ಪಾಡರೆ ಉಲ್ಲೆರ್ ಪಂದ್ ಮುಲ್ಕಿ ಬೆದ್ರ ಕ್ಷೇತ್ರದ ಶಾಸಕೆರ್ ಉಮಾನಾಥ ಕೋಟ್ಯಾನ್ ತೆರಿಪಾಯೆರ್. ಆರ್ ಕಿನ್ನಿಗೋಳಿದ ಯುಗಪುರುಷ ಚಾವಡಿಡ್ ಅಂಗಾರೆ ನಡತಿನ ಸುದ್ಧಿಗೋಷ್ಠಿಡ್ ಈ ವಿಷಯ ತೆರಿಪಾಯೆರ್.

ಅವೇ ದಿನ ಲೋಕೋಪಯೋಗಿ ಇಲಾಖೆದ ಸಚಿವೆರ್ ಸಿ.ಸಿ.ಪಾಟಿಲ್ ಮೇರ್ ಕೊಲ್ನಾಡ್ ಬೈಪಾಸ್‌ ದಲ್ಪ ೩ ಕೋ.ರೂ. ಅಂಚೆನೆ ಬೆದ್ರಡ್ ೪ ಕೋ.ರೂ. ಕರ್ಚಿದ ಪ್ರವಾಸಿ ಬಂಗಲೆಗ್ ಕೆಸರ್ ಕಲ್ಲ್ ಅಂಚೆನೆ ಬೆದ್ರಡ್ 5 ಕೋಟಿ ಕರ್ಚಿದ ಚತುಷ್ಪಥ ರಸ್ತೆಗ್ ಕೆಸರ್ ಕಲ್ಲ್ ನ್ ಒಂಜೇ ಪೊರ್ತುಡು ಮಲ್ಪರೆ ಉಲ್ಲೆರ್ಂದ್ ತೆರಿಪಾಯೆರ್.

ಮೂಲ್ಕಿದ ಆಡಳಿತ ಸೌಧ ಬರ್ಪಿನ ಒಂಜರೆ ವರ್ಸದುಲಾಯಿ ಪೂರ್ಣ ಆವರೆ ಉಂಡು.ಉಂದೆಟ್ಟ್ ಶಾಸಕೆರ್ನ ಕಚೇರಿ, ತಹಶೀಲ್ದಾರ್ ಕಚೇರಿ, ಸರ್ವೇಯರ್ ಕಚೇರಿ ಸೇರ್ದ್ 27 ಬೇತೆ ಬೇತೆ ಇಲಾಖೆದ ಕಚೇರಿಲು ನಿರ್ಮಾಣ ಆವರೆ ಉಂಡು. ಉಂದು ಮೂಲ್ಕಿದ ಇತಿಹಾಸೊಡೇ ವಿನೂತನ ಕಾರ್ಯಕ್ರಮವಾದ್ ಚರಿತ್ರೆಡ್ ಸೇರ್ರೆ ಉಂಡು. ಈ ಲೇಸ್ ಡ್ ಅಂದಾಜಿ 2 ಸಾರ ಜನಕ್ಕುಲು ಪಾಲ್ ಪಡೆಯರೆ ಉಲ್ಲೆರ್ ಪಂದ್ ತೆರಿಪಾಯೆರ್.

ವೋಟುದ ಪೊರ್ತುಡು ಕೊರ್ತಿನ ಭರವಸೆನ್ ಈಡೇರಿಸಾಯಿನ ತೃಪ್ತಿ ಎಂಕ್ ಉಂಡು. ಮೂಲ್ಕಿ ತಾಲೂಕುದ ಸಮಗ್ರ ಅಭಿವೃದ್ಧಿಗ್ ಪೂರಕವಾದ್ ಆಡಳಿತ ಸೌಧ ಕೇಂದ್ರ ಬಿಂದು ಆವರೆ ಉಂಡು ಪಂದ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಅಭಿಮಾನೊಡು ಪಂಡೆರ್.

ದುಂಬಗ್ ಫೈರ್ ಸರ್ವಿಸ್ ಸ್ಟೇಶನ್, ಕೋರ್ಟು, ಅಂಚೆನೆ ಮುಲ್ಕಿ ಸಮುದಾಯ ಆರೋಗ್ಯ ಕೇಂದ್ರಗ್ ಎಂಆರ್ ಪಿಎಲ್ ಸಹಕಾರೊಡು 2 ಡಯಾಲಿಸಿಸ್ ಯಂತ್ರ ಮಾತ ಬರ್ರೆ ಉಂಡು ಪಂದ್ ಆರ್ ಪಂಡೆರ್.

ಮುಲ್ಕಿ ಬೆದ್ರ ಕ್ಷೇತ್ರದ ಮಂಡಲದ ಅಧ್ಯಕ್ಷೆರ್ ಸುನಿಲ್ ಆಳ್ವ ಮೇರ್ ಪಾತೆರ್ದ್, ಕ್ಷೇತ್ರಡ್ ಸುರೂತ್ತ ಸರ್ತಿ ಬಿಜೆಪಿ ಶಾಸಕರ್ ಬತ್ತಿನೆರ್ದಾವರ ಅಭಿವೃದ್ಧಿ ಕೆಲಸ ಚುರುಕಾದ್ ಆವೊಂದುಂಡು. ಮೂಲ್ಕಿ ಬೊಕ್ಕ ಬೆದ್ರಗ್ ವಿಶೇಷ ಆದ್ಯತೆ ಕೊರ್ದು ವಿಶೇಷ ಅನುದಾನ ಕೊರ್ಪಾವರೆ ರಾತ್ರೆ ಪಗೆಲ್ ಬಂಗ ಬತ್ತಿನ ಶಾಸಕೆರ್ನ ಕಾರ್ಯವೈಖರಿಗ್ ರಾಜ್ಯೊಡೇ ಪುಗರ್ತೆ ಬೈದ್ಂಡ್ ಪಂದ್ ಪಂಡೆರ್.

ಸುದ್ಧಿಗೋಷ್ಠಿಡ್ ಉಪಾಧ್ಯಕ್ಷೆರ್ ಈಶ್ವರ ಕಟೀಲು, ಪ್ರಧಾನ ಕಾರ್ಯದರ್ಶಿ ಕಸ್ತೂರಿ ಪಂಜ, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸುಕೇಶ್ ಶೆಟ್ಟಿ ಶಿರ್ತಾಡಿ, ಕೆ. ಭುವನಾಭಿರಾಮ ಉಡುಪ ಮೊಕುಲು ಇತ್ತೆರ್.

ಮೋದಿ ಬನ್ನಗ 5 ಲಕ್ಷ ಜನ ಸೇರುನ ಅಂದಾಜಿ

ಸೆ.2 ತಾರೀಕ್ ಗ್ ಪ್ರಧಾನಿ ನರೇಂದ್ರ ಮೋದಿ ಕುಡ್ಲದ ಎನ್‌ಎಂಪಿಟಿಡ್ ಮಧ್ಯಾಹ್ನ 3 ಗಂಟೆಗ್ ಕೆಲವು ಯೋಜನೆಲೆಗ್ ಶಿಲಾನ್ಯಾಸ ಮಲ್ತ್ ದ್ ಬೊಕ್ಕ ಕೂಳೂರುದ ಗೋಲ್ಡ್ ಫಿಂಚ್ ಸಭಾಂಗಣೊಡು ನಡಪುನ ಬಿಜೆಪಿ ಕಾರ್ಯಕರ್ತೆರ್ನ ಮಾಮಲ್ಲ ಸಮಾವೇಶಡ್ ಪಾಲ್ ಪಡೆವರೆ ಉಲ್ಲೆರ್. ಅವುಲು ೫ ಲಕ್ಷ ಜನ ಸೇರುನ ನಿರೀಕ್ಷೆ ಉಂಡು. ನಮ್ಮ ಕ್ಷೇತ್ರೊರ್ದು 15 ಸಾರ ಕಾರ್ಯಕರ್ತೆರ್ ಪಾಲ್ ಪಡೆವುನ ನಿರೀಕ್ಷೆ ಉಂಡು ಪಂದ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ತೆರಿಪಾಯೆರ್.

ಆ. 31- ಸೆ. 3: ಬಪ್ಪನಾಡ್ ಡ್ ೪೭ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಉಚ್ಚಯ

Aug 23, 2022

ಮುಲ್ಕಿ: ಬಪ್ಪನಾಡು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಮುತಾಲಿಕೆಡ್ ೪೭ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಲೇಸ್ ಆಗೋಸ್ಟ್ 31 ಬುಧಾರ ರ್ದ್ ಸಪ್ಟೆಂಬರ್ 3 ಮುಟ್ಟ ಭಾರೀ ಗೌಜಿಡ್ ನಡಪರೆ ಉಂಡು.

ಸುರುತ್ತ ದಿನ ಶ್ರೀ ಮಹಾಗಣಪತಿ ದೇವೆರೆನ ಬಿಂಬ ಪ್ರತಿಷ್ಠೆ ಬೊಕ್ಕ ಮಹಾಪೂಜೆ ಆದ್ ನಾಲ್ ದಿನಲ ರಾತ್ರೆ-ಪಗೆಲ್ ಬೇತೆ ಬೇತೆ ರೀತಿದ ಸಾಂಸ್ಕೃತಿಕ ಕಾರ್ಯಕ್ರಮ, ಜೋಕುಲೆಗ್ ಪಂತೊದ ಲೇಸ್ ನಡಪರೆ ಉಂಡು. ಸೆಪ್ಟೆಂಬರ್ 3 ಕ್ಕ್ ಬಯ್ಯ 7 ಗಂಟೆಗ್ ಗಣಪತಿ ದೇವೆರ್‍ನ ಮೆರವಣಿಗೆ ಬಪ್ಪನಾಡು ದೇವಲ್ಯರ್‍ದ್ ಪಿದರ್ದ್ ಪಂಚಮಹಲ್ ಬಿಲ್ಲವ ಸಮಾಜ ಸೇವಾ ಸಂಘ ಬಸ್‌ಸ್ಟ್ಯಾಂಡ್ ಆದ್ ಬಪ್ಪನಾಡು ಕೊಪ್ಪಲಕೆರೆಟ್ ವಿರ್ಸಜನೆ ಆಯರೆ ಉಂಡು.

August 31st -September 3rd: Bappanadu Ganeshotsav Samiti to hold 43rd Annual ganeshotsav celebrations

Bappanadu Public Sri Ganeshotsav Samiti will conduct it’s 43rd Annual ganeshotsav celebrations from the 31 at of August to the 3rd of September.

Along with the holy rituals there will be cultural programs on all these days. On the day of Visarjan a grand procession will move on to Bappanadu Koppalakere were the visarjan will take place.

ಮುಲ್ಕಿಡ್ “ಭಾಗ್ಯಲಕ್ಷ್ಮಿ ಸಿಲ್ಕ್ಸ್”ಜವಳಿ ಷೋರೂಮ್ ಉದಿಪನ; ಸುರೂತ್ತ ದಿನನೇ ಭಾರಿ ಜನ, ಭರ್ಜರಿ ಮಾರಾಟ

Aug 21, 2022

ಮುಲ್ಕಿ : ಪೊಸ ದೇಖಿದ ಅತ್ಯಾಧುನಿಕ ಅಂಚೆನೆ ಮಾತಾ ಬಗೆತ್ತ ಜವಳಿದ ಷೋರೂಮ್ ” ಭಾಗ್ಯಲಕ್ಷ್ಮಿ ಸಿಲ್ಕ್ಸ್” ಮುಲ್ಕಿದ ರಾಜ್ ಪ್ಯಾಲೇಸ್ ಡ್ ಆ.21 ಐತಾರ ಕಾಂಡೆ ಉದಿಪನ ಆಂಡ್.

ಸೋಲೂರು ಆರ್ಯ ಈಡಿಗ ಮಹಾಸಂಸ್ಥಾನದ ಮಠಾಧೀಶೆರ್ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಜವಳಿ ಷೋರೂಮ್ ಉದಿಪನ ಮಲ್ತೆರ್. ಆಶೀರ್ವಚನ ಮಲ್ತಿನ ಆರ್, ಏತೋ ಕುಟೊಂಬೊಗು ನುಪ್ಪು ಕೊರ್ಪಿನ ಭಾಗ್ಯಲಕ್ಷ್ಮಿ ಸಿಲ್ಕ್ಸ್ ಸಂಸ್ಥೆ ಉತ್ತರೋತ್ತರ ಅಭಿವೃದ್ಧಿಯಾದ್ ಸಿರಿ ಲಕ್ಷ್ಮಿ ನ ಅನುಗ್ರಹ ಏಪಲ ಉಪ್ಪಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್. ಮದಿಮೆದ ಸೀರೆದ ಮಳಿಗೆನ್ ಚಿತ್ರನಟಿ ಚಿರಶ್ರೀ ಅಂಚನ್ ಉದಿಪನ ಮಲ್ತೆರ್.

ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು, ಮುಡಾಯಿಸ್ ಶಾಫಿ ಜುಮ್ಮಾ ಮಸೀದಿ ಮುಲ್ಕಿ ಧರ್ಮ ಗುರುಕ್ಕುಲು ಜನಾಬ್ ಸಲೀಂ ಫೈಝಿ ಇರ್ಫಾನಿ ಬೊಕ್ಕ ಕ್ಯಾಥೊಲಿಕ್ ಚರ್ಚ್ ದ ಧರ್ಮ ಗುರುಕ್ಕುಲು ಫಾ.ಸಿಲ್ವೆಸ್ಟರ್ ಡಿಕೋಸ್ತಾ ಆಶೀರ್ವಚನ ಮಲ್ತ್ ದ್ ಎಡ್ಡೆಪ್ಪುದ ನುಡಿ ಸೇಸೆ ಪಾಡಿಯೆರ್.

ಮಲ್ಲ ಬಿನ್ನೆರಾದ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ , ವರಪಾಡಿ ಅಂತಪ್ಪ ನಾಯ್ಗೆರ್, ಗೆಜ್ಜೆಗಿರಿ ಕ್ಷೇತ್ರದ ಅಧ್ಯಕ್ಷೆರ್ ಪೀತಾಂಬರ ಹೆರಾಜೆ, ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಅಧ್ಯಕ್ಷೆರ್ ಎಚ್.ಎಸ್.ಸಾಯಿರಾಮ್, ಲೀಲಾವತಿ ಜಯ ಸುವರ್ಣ, ಮಾಜಿ ಸಚಿವೆರ್ ವಿನಯ ಕುಮಾರ್ ಸೊರಕೆ, ಅಭಯಚಂದ್ರ ಜೈನ್, ಪ್ರಮೋದ್ ಮಧ್ವರಾಜ್, ಮಾಜಿ ಶಾಸಕೆರ್ ಜೆ.ಆರ್. ಲೋಬೊ., ಶಕುಂತಲಾ ಶೆಟ್ಟಿ, ಮುಲ್ಕಿ ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್, ಹರೀಶ್ ಕುಮಾರ್ ಬೆಳ್ತಂಗಡಿ, ದಕ ಬಿಜೆಪಿ ಅಧ್ಯಕ್ಷೆರ್ ಸುದರ್ಶನ್ ಎಂ, ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಸದಸ್ಯೆರ್ ಯೋಗೀಶ್ ಕೋಟ್ಯಾನ್, ಹರ್ಷರಾಜ್ ಶೆಟ್ಟಿ, ಬಾಲಚಂದ್ರ ಕಾಮತ್, ತುಳು ಸಿನಿಮಾ ನಟೆರಾಯಿನ ಅರವಿಂದ ಬೋಳಾರ್, ನವೀನ್ ಡಿ.ಪಡೀಲ್, ಬ್ರಹ್ಮಶ್ರೀ ನಾರಾಯಣ ಗುರು ವಿಚಾರ ವೇದಿಕೆದ ಅಧ್ಯಕ್ಷೆರ್ ಸತ್ಯಜಿತ್‌ ಸುರತ್ಕಲ್, ಮಾಜಿ ಕಾರ್ಪೊರೇಟರ್ ಪ್ರತಿಭಾ ಕುಳಾಯಿ, ಗೀತಾಂಜಲಿ ಸುವರ್ಣ, ರಂಗಕರ್ಮಿಲಾಯಿನ ಚಂದ್ರಶೇಖರ ಸುವರ್ಣ, ಪರಮಾನಂದ ಸಾಲ್ಯಾನ್, ಅನಿಲ್ ಕುಮಾರ್ ಸಸಿಹಿತ್ಲು, ಎಸಿಪಿ ಮಹೇಶ್ ಕುಮಾರ್, ಹಳೆಯಂಗಡಿ ಪಂಚಾಯತ್ ಸದಸ್ಯೆರ್ ಧನರಾಜ್ ಕೋಟ್ಯಾನ್, ಸಸಿಹಿತ್ಲು, ಮುಲ್ಕಿ ಲಯನ್ಸ್ ಕ್ಲಬ್ ಅಧ್ಯಕ್ಷೆರ್ ನೀರಜಾಕ್ಷಿ ಅಗರ್ ವಾಲ್, ಮುಲ್ಕಿ ಪತ್ರಕರ್ತೆರ್ನ ಸಂಘದ ಅಧ್ಯಕ್ಷೆರ್ ನಿಶಾಂತ್ ಶೆಟ್ಟಿ, ಬಿರುವೆರೆ ಕುಡ್ಲ ಮುಲ್ಕಿದ ಅಧ್ಯಕ್ಷೆರ್ ಕಿಶೋರ್ ಸಾಲ್ಯಾನ್ ಬಪ್ಪನಾಡ್, ಧನಂಜಯ ಮಟ್ಟು, ತಿಮ್ಮಪ್ಪ ಕೋಟ್ಯಾನ್ ಕಟೀಲ್ ಮೊಕುಲು ಮಾತ ಪಾಲ್ ಪಡೆದಿತ್ತೆರ್.

ಭಾಗ್ಯಲಕ್ಷ್ಮಿ ಸಿಲ್ಕ್ಸ್ ದ ಮಾಲಕೆರ್ ಡಾ. ರಾಜಶೇಖರ ಕೋಟ್ಯಾನ್, ಧರ್ಮಪತ್ನಿ ಹರಿಣಾಕ್ಷಿ ಕೋಟ್ಯಾನ್ , ಮಗೆ ರಂಜಿತ್ ಕೋಟ್ಯಾನ್ ಬೊಕ್ಕ ಅರೆನ ಕುಟುಂಬದಕುಲು ಮಾತಾ ಬಿನ್ನೆರೆನ್ ಮೋಕ್ಯೆಡ್ ಎದ್ಕೊಂಡೆರ್.
ಡಾ. ಗಣೇಶ್ ಅಮೀನ್ ಸಂಕಮಾರ್ ಲೇಸ್ ನಿರೂಪಣೆ ಮಲ್ತೆರ್.

ಸುರೂತ್ತ ದಿನನೇ ಡ್ರೆಸ್ ದ ಮೂಜಿ ವಿಭಾಗೊಡ್ಲ ಜವಳಿ ದೆತೊನರೆ ಗಿರಾಕಿಲು ಸಾಲ್ ಉಂತುದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳು ಬಾಸೆದ ಬುಲೆಚ್ಚಿಲ್ ಗ್ ಸರ್ಕಾರ ಎಚ್ಚಿನ ಅನುದಾನ ಕೊರೊಡು: ಬಿ.ಕೆ.ಹರಿಪ್ರಸಾದ್

Aug 20, 2022

ಡಾ.ಹರಿಶ್ಚಂದ್ರ ಸಾಲ್ಯಾನ್ ಬರೆತಿನ ” ದೈವದ ಮದಿಪು” ತುಳು ಬೂಕು ಬುಡುಗಡೆ

ಮುಲ್ಕಿ: ಒಂಜಿ ಜಾಗೆದ ಬಾಸೆ ಪಂಡ ಅವು ಕಾಲಿ ಬಾಸೆ ಅತ್ತ್, ಅವು ಅಲ್ತ ಸಾಹಿತ್ಯ ಬೊಕ್ಕ ಸಂಸ್ಕೃತಿ. ಆ ಸಾಹಿತ್ಯ, ಸಂಸ್ಕೃತಿದ ಬುಲೆಚ್ಚಿಲ್ ಆವೊಡ್ಡ ರಾಜ್ಯ ಸರಕಾರದ ಅನುದಾನ ಅಗತ್ಯ ಬೋಡು. ನಮಕ್ಕ್ ಸ್ವಾತಂತ್ರ್ಯ ತಿಕ್ ದ್ 75 ವರ್ಸ ಆಂಡಲ ತುಳು ಬಾಸೆದ ಬುಲೆಚ್ಚಿಲ್ ಆತಿಜಿ, ಸಂವಿಧಾನ 8ನೇ ಪರಿಚ್ಚೇದೊಗು ಸೇರ್ದಿಜಿ. ವೀರಪ್ಪ ಮೊಯ್ಲಿಯೆರ್ನ ಆಡಳಿತದ ಪೊರ್ತುಡು ತುಳು ಸಾಹಿತ್ಯ ಅಕಾಡೆಮಿ ಆದಿತ್ತ್ಂಡ್. ಅವೆತ್ತ ಬುಲೆಚ್ಚಿಲ್ ಗ್ ಬೋಡಾಯಿನಾತ್ ಅನುದಾನಲ ಸರ್ಕಾರ ಕೊರ್ದಿತ್ತ್ಂಡ್. ಆಂಡ ಇತ್ತೆ ತುಳು ಅಕಾಡೆಮಿಗ್ ಸರಕಾರೊರ್ದು ತಿಕ್ಕುನ ಅನುದಾನ ಭಾರಿ ಕಮ್ಮಿಆತ್ಂಡ್. ಬೇತೆ ಬಾಸೆದ ಬುಲೆಚ್ಚಿಲ್ ಗ್ ಆಯಾ ರಾಜ್ಯ ಸರ್ಕಾರ ಬೋಡಾಯಿನಾತ್ ಅನುದಾನ ಕೊರೊಂದುಂಡು.ಕರ್ನಾಟಕ ಸರ್ಕಾರಲ ತುಳು ಬಾಸೆದ ಬುಲೆಚ್ಚಿಲ್ ಗಾದ್ ತುಳು ಅಕಾಡೆಮಿಗ್ ಎಚ್ಚಿನ ಅನುದಾನದ ಸಕಾಯ ಕೊರೊಡು ಪಂದ್ ವಿಧಾನ ಪರಿಷತ್ ದ ಪ್ರತಿಪಕ್ಷ ನಾಯಕೆರ್ ಬಿ.ಕೆ.ಹರಿಪ್ರಸಾದ್ ಒತ್ತಾಯ ಮಲ್ತೆರ್.

ಆರ್ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಚಾವಡಿಡ್ ಸನಿಯಾರ ಕಾಂಡೆ ಹೊಸ ಅಂಗಣ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಬರೆತಿನ “ಮದಿಪು” ಬೂಕು ಬುಡುಗಡೆ ಮಲ್ತ್ ದ್ ಪಾತೆರಿಯೆರ್.

ತುಳು ನಮ್ಮ ರಾಜ್ಯದ ರಡ್ಡನೇ ಮಾಮಲ್ಲ ಬಾಷೆ. ಕೊಡಗು ಮೂಜನೇ ಮಲ್ಲ ಬಾಸೆ. ದೈವೊಲೆನ್ ಆರಾಧನೆ ಮಲ್ಪುನೆನ್ ತುಳುವೆರ್ ಎಲ್ಯಿರ್ದಿಂಚನೇ ಕಲ್ತೊಂದು ಬೈದೆರ್. “ದೈವದ ಮದಿಪು’ ದಂಚಿನ ಬೂಕುಲೆನ ಸಾಹಿತ್ಯ ಓದುಂಡ ತಿಳಿವಳಿಕೆ ಬರ್ಪುಂಡು. ಜ್ಞಾನ ಎಚ್ಚಾಪುಂಡು. ನೆರ್ದ್ ದುಂಬು ಕಲ್ಪುನೆಟ್ಟ್ ದ.ಕ ಬೊಕ್ಕ ಒಡಿಪು ಜಿಲ್ಲೆಗ್ ಸುರೂತ್ತ ತಾನ ತಿಕ್ಕೊಂದಿತ್ತ್ಂಡ್. ಆಂಡ ಇತ್ತೆ ಬೇತೆ ಕಾರಣೊಗು ತುಳುನಾಡ್ ದ ಪುದರ್ ಸುರೂಟ್ಟು ಬರ್ಪುಂಡು. ಧರ್ಮದ ಪುದರ್ ಡ್ ದ್ವೇಷ ಸಾಧನೆ ಮಲ್ಪಂದೆ ಮಾತೆರ್ಲ ಒಗ್ಗಟ್ಟಾದ್ ಎಡ್ಡೆಡ್ ಜೀವನ ಮಲ್ಪೊಡು ಪಂದ್ ಆರ್ ಕೆಬಿ ಪಾತೆರ ಪಂಡೆರ್.
ಲೇಸ್ ಡ್ ಮಲ್ಲ ಬಿನ್ನೆರಾದ್ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು, ಮಾಜಿ ಶಾಸಕೆರ್ ಅಭಯಚಂದ್ರ ಜೈನ್, ಜಿಲ್ಲಾ ಬಿಜೆಪಿ ಅಧ್ಯಕ್ಷೆರ್ ಸುದರ್ಶನ್ ಎಂ., ಮುಲ್ಕಿ ನಗರಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಯಕ್ಷಗಾನ ವಿದ್ವಾಂಸೆರ್, ಭಾಗವತೆರ್ ಸುರೇಂದ್ರ ಪಣಿಯೂರು, ಧಾರ್ಮಿಕ ಪರಿಷತ್ ಸದಸ್ಯೆರ್ ಭುವನಾಭಿರಾಮ ಉಡುಪ, ಬಿಲ್ಲವ ಸಂಘದ ಮಹಿಳಾ ವಿಭಾಗದ ಅಧ್ಯಕ್ಷೆರ್ ಸರೋಜಿನಿ ಸುವರ್ಣ ಮೊಕುಲು ಮಿತ್ತರ್ಮೆ ಇತ್ತೆರ್.

ಕಾಪು ಶಾಸಕೆರ್ ಲಾಲಾಜಿ ಮೆಂಡನ್ ಲೇಸ್ ದ ಗುರ್ಕಾರ್ಮೆ ಒಯಿಸೊಂದೆರ್.
ಮದಿಪು ಬೂಕುದ ಬರವುಗಾರೆ ಡಾ.ಹರಿಶ್ಚಂದ್ರ ಸಾಲ್ಯಾನ್ ಪ್ರಸ್ತಾವಿಕವಾದ್ ಪಾತೆರ್ದ್ , ಮದಿಪು ಎನ್ನ 16 ನೇ ಬೂಕು. ಅವೆನ್ ಮಾತೆರ್ಲ ದೆತೊಂದು ಓದುಲೆ ಪಂಡೆರ್.
ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್. ವಿಜಯ ಕುಮಾರ್ ಕುಬೆವೂರು ಬಿನ್ನೆರೆನ್ ಎದ್ಕೊಂಡೆರ್. ರವಿಚಂದ್ರ ಸೊಲ್ಮೆ ಸಂದಾಯೆರ್. ವೈ.ಎನ್.ಸಾಲ್ಯಾನ್ ಸಭೆ ಸುಧಾರಿಕೆ ಮಲ್ತೆರ್.

ಆ.26-28 : ಬಪ್ಪನಾಡ್ ಡ್ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ

Aug 19, 2022

ಮುಲ್ಕಿ : ದ.ಕ.ಜಿಲ್ಲಾ ಪದ್ಮಶಾಲಿಮಹಾಸಭಾದ ಅಮೃತ ಸಂಭ್ರಮ 2022 ಪನ್ಪಿನ ಅಮೃತ ವರ್ಸದ ಉಚ್ಚಯ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರೊಡು ಆ.26 ರ್ದ್ 28 ಮುಟ್ಟ ನಡಪರೆ ಉಂಡು.
ಆ.26 ಹಸಿರು ಹೊರೆ ಕಾಣಿಕೆ ಬರಿಯರೆ ಉಂಡು.27 ತಾರೀಕ್ ಗ್ ರಾಜ್ಯಸಭೆ ಸದಸ್ಯೆರ್, ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆರ್ ಲೇಸ್ ಉದಿಪನ ಮಲ್ಪುವೆರ್.
ಆ.28 ತಾರೀಕ್ ಗ್ ನಡಪುನ ಲೇಸ್ ಗ್ ಚಲನಚಿತ್ರ ನಟಿ, ಮಾಜಿ ಸಚಿವೆರ್ ಉಮಾಶ್ರೀ ಮಲ್ಲ ಬಿನ್ನೆರಾದ್ ಪಾಲ್ ಪಡೆವೆರ್.

ಹಳೆಯಂಗಡಿ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲಡ್ ಸ್ವಾತಂತ್ರ್ಯ ದಿನತ್ತ ಅಮೃತ ವರ್ಸದ ಆಚರಣೆ

Aug 16, 2022

ಹಳೆಯಂಗಡಿ : ಸ್ವಾತಂತ್ರ್ಯ ಸಂಗ್ರಾಮಡ್ ತುಳುನಾಡ್ ದ ಮಣ್ಣ್ ಡ್ ತನ್ನ ಜೀವನ್ ತ್ಯಾಗ ಮಲ್ತ್ ದ್ ಪೊರ್ಂಬಾಟ ಮಲ್ತಿನ ವೀರ ಪುರುಷೆರೆನ್ ನೆಂಪು ಮಲ್ತ್ ದ್ ಪೊರ್ಂಬಾಟದ ಬಗೆಟ್ ಜಾಗೃತಿ ಪುಟ್ಟಾವುನ ಬೇಲೆ ಆಯರೆ ಉಂಡು. ಸುಳ್ಯ ರ್ದ್ ಕುಡ್ಲದ ಬಾವುಟಗುಡ್ಡೆ ಮುಟ್ಟ ನಡತಿನ ಕ್ರಾಂತಿಕಾರಿ ಪೊರ್ಂಬಾಟದ ಕತೆನ್ ದುಂಬುದ ಪೀಳಿಗೆಗ್ ಮುಟ್ಟಾವುನ ಬೇಲೆ ಆವೊಡು. ತುಳು ಭಾಷೆಗ್ ಅಧಿಕೃತವಾದ್ ತಾನಮಾನ ತಿಕ್ಕಿಜಿಂಡ ಅಲಿದ್ ಪೋಪಿನ ಭಾಷೆಲೆನ ಸಾಲ್ ಡ್ ತುಳು ಸುರುತ್ತ ತಾನ ಪಡೆಯುನವ್ ಖಂಡಿತ. ಉಂದೆನ್ ಸಂಘ ಸಂಸ್ಥೆಲು ಸರಕಾರದ ಗಮನ ಸೆಳೆಯುನ ಪ್ರಯತ್ನ ಮಲ್ಪೊಡು ಪಂದ್ ಟೈಮ್ಸ್ ಆಫ್ ಕುಡ್ಲ ತುಳು ವಾರಪತ್ರಿಕೆದ ಪ್ರಧಾನ ಸಂಪಾದಕೆರ್ ಎಸ್.ಆರ್.ಬಂಡಿಮಾರ್ ಪಂಡೆರ್.

ಆರ್ ಮೂಲ್ಕಿ ತಾಲೂಕ್ ಹಳೆಯಂಗಡಿದ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಮುತಾಲಿಕೆಡ್ ದೇಶದ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಮಹೋತ್ಸವ ಧ್ವಜಾರೋಹಣ ಮಲ್ತ್ ದ್ ಅಯಿಬೊಕ್ಕ ನಡತಿನ ಸಭಾ ಕಾರ್ಯಕ್ರಮದ ಗುರ್ಕಾರ್ಮೆ ವಹಿಸೊಂದು ಪಾತೆರಿಯೆರ್.

ಯಕ್ಷಗಾನ ಕಲಾವಿದೆರ್ ಹರಿರಾಜ್ ಶೆಟ್ಟಿಗಾರ್ ಪಾತೆರ್ದ್, ದೇಶದ ಸ್ವಾತಂತ್ರ್ಯ ಚಳವಳಿತ್ತ ಅಂಚನೆ ಪರಪೋಕುದ ಬಗೆಟ್ ತೆರಿಪಾಯೆರ್. ಲೇಸ್ ಡ್ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಸಲಹಾ ಸಮಿತಿದ ಅಧ್ಯಕ್ಷೆರ್ ಸದಾಶಿವ ಅಂಚನ್ ಚಿಲಿಂಬಿ, ರಜತ ಸೇವಾ ಟ್ರಸ್ಟ್‌ದ ಪ್ರಧಾನ ಕಾರ್ಯದರ್ಶಿ ಸ್ಟ್ಯಾನಿ ಡಿ ಕೋಸ್ತ, ಪೊಂಜೊವ್ ಲೆನ ಮಂಡಳಿದ ಅಧ್ಯಕ್ಷೆರ್ ರೇಷ್ಮಾ, ಯುವತಿ ಮಂಡಲದ ಉಪಾಧ್ಯಕ್ಷೆರ್ ರಕ್ಷಿತಾ ಶೆಟ್ಟಿ ಇತ್ತೆರ್.

ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಮಿತಿದ ಕಾರ್ಯಾಧ್ಯಕ್ಷೆರ್ ಸುಧಾಕರ ಆರ್. ಅಮೀನ್ ಬಿನ್ನೆರೆನ್ ಎದ್ಕೊನಿಯೆರ್. ಯುವಕ ಮಂಡಲದ ಅಧ್ಯಕ್ಷೆರ್ ಯತೀಶ್ ಕೋಟ್ಯಾನ್ ಸೊಲ್ಮೆ ಸಂದೈತ ಮಲ್ತೆರ್. ಯೋಗೀಶ್ ಪಾವಂಜೆ ಲೇಸ್ ನಿರೂಪಣೆ ಮಲ್ತೆರ್.

ಹಳೆಯಂಗಡಿದ ಬೇತೆ ಬೇತೆ ಶಾಲಾ-ಕಾಲೇಜ್ ದ ಸಂಘ ಸಂಸ್ಥೆದ ಸಾಕಾರಡ್ ಹಳೆಯಂಗಡಿ ಯುವಕ ಮಂಡಲದ ಜಾಗೆಡ್ದ್ ಪಡುಪಣಂಬೂರು ಮುಟ್ಟ ಭವ್ಯ ಮೆರವಣಿಗೆಡ್ ತಿರಂಗ ಯಾತ್ರೆ ನಡತ್ಂಡ್.

Vidya Vinayak Yuvak Mandal,Haleangadi celebrates independence day

The story of the freedom struggle must be made known to the younger generation- S R Bandimar:

Haleangadi : “The story of the freedom struggle especially the freedom fighters of Tulunadu, their heroism, struggle and life must be made known to the younger generation.They must be made aware of the sacrifices of their forefathers to secure our independence.

Tulu language must also get the status it deserves.It is the duty of of the different local associations to bring this to the notice of the government” said S R Bandimar the chief editor of Times of Kudla, Tulu newspaper.

He was speaking after hoisting the national flag on the occasion of the country’s 75 years of independence at Mulki Haleangadi at the function organised by Sri Vidya Vinayak Yuvak Mandal.

Yakshagana artist Hariraj Shettigar, Sri Sadashiv Anchan the president of the advisory committee of the Yuvak Mandal, Stanley D Costa Smt Reshma,smt Rakshita were present on the occasion.

A grand procession was organised by the various schools,colleges and associations after the program.

“ಅಗ್ನಿವೀರ್” ಮಿಲಿಟ್ರಿಗ್ ಜವನೆರ್ ಎಚ್ಚಿನ ಸಂಖ್ಯೆಡ್ ಸೇರೊಡು: ಜಿ.ಕೆ.ಸುಂದರ್; ಪಂಜ ಕೊಯಿಕುಡೆ ಶ್ರೀ ವಿಠೋಭ ಭಜನಾ ಮಂದಿರಡ್ ಸ್ವಾತಂತ್ರ್ಯ ಅಮ್ರುತ ಮಹೋಚ್ಚಯ ಆಚರಣೆ

Aug 16, 2022

ಪಂಜ ಕೊಯಿಕುಡೆ : ಸ್ವಾತಂತ್ರ್ಯದ ಅಮ್ರುತ ಮಹೋಚ್ಚಯದ ಪೊರ್ತುಡು ಪ್ರಧಾನಿ ನರೇಂದ್ರ ಮೋದಿ ಮೇರ್ ಜಾರಿಗ್ ಕನದಿನ ಅಗ್ನಿಪಥ ಯೋಜನೆದ ಅಗ್ನಿವೀರ್ ಮಿಲಿಟ್ರಿ ಪಡೆಕ್ಕ್ ಜವನೆರ್ ಎಚ್ಚಿನ ಸಂಖ್ಯೆಡ್ ಸೇರ್ದ್ ದೇಶ ಸೇವೆ ಮಲ್ಪೊಡು ಪಂದ್ ವಾಯುಸೇನೆದ ನಿವೃತ್ತ ಯೋಧೆರ್ , ಪಂಜ ಗೋಳಿದಡಿ ಮನೆತನದ ಜಿ.ಕೆ.ಸುಂದರ್ ಕೃಷ್ಣಾಪುರ ಮೇರ್ ತೆರಿಪಾಯೆರ್.

ಆರ್ ಪಂಜ ಕೊಯಿಕುಡೆ ಶ್ರೀ ವಿಠೋಭ ಭಜನಾ ಮಂದಿರಡ್ ಆ.15 ಸೋಮಾರ ಪೊಸ ಧ್ವಜಸ್ತಂಭ ಉದಿಪನ ಬೊಕ್ಕ ಸ್ವತಂತ್ರ ದಿನತ್ತ ಅಮೃತೋತ್ಸವ ಲೇಸ್ ಡ್ ರಾಷ್ಟ್ರ ಧ್ವಜ ಏರಾದ್ ಪಾತೆರಿಯೆರ್.

ಮಲ್ಲ ಬಿನ್ನೆರಾದ್ ಶ್ರೀ ವಿಠೋಭ ಭಜನಾ ಮಂದಿರದ ಗೌರವ ಗುರ್ಕಾರ್ಲು ವಿಶ್ವನಾಥ ಶೆಟ್ಟಿ ಪಂಜದಗುತ್ತು, ಧ್ವಜಸ್ತಂಭದ ದಾನಿ, ಗುತ್ತಿಗೆದಾರೆರ್ ಈ.ಟಿ.ಶೆಟ್ಟಿ, ಬೊಂಬೈದ ಉದ್ಯಮಿ, ರಮೇಶ್ ಡಿ. ಶೆಟ್ಟಿ, ಬಾಕಿಮಾರುಗುತ್ತು, ಕೆಮ್ರಾಲ್ ಪಂಚಾಯತ್ ದ ಒತ್ತು ಗುರ್ಕಾರ್ಲು ಸುರೇಶ್ ಪಂಜ , ಯಕ್ಷಲಹರಿ ಪ್ರಶಸ್ತಿ ಪಡೆದಿನ ಶನಿ ಕಥಾ ಕಲಾವಿದೆರ್ ವಸಂತ ಶೆಟ್ಟಿ ನಲ್ಯಗುತ್ತು ಅಂಚೆನೆ ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಸಹ ಸಂಪಾದಕೆರ್ ಯಶೋಧರ ಕೋಟ್ಯಾನ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಶ್ರೀ ಶನೀಶ್ವರ ಮಂಡಳಿದ ಅಧ್ಯಕ್ಷೆರ್ ರಾಮಚಂದ್ರ ಶೆಟ್ಟಿ ಬೊಕ್ಕ ಸರ್ವ ಸದಸ್ಯೆರ್, ನವಜ್ಯೋತಿ ಮಹಿಳಾ ಮಂಡಳಿದ ಗುರ್ಕಾರ್ದಿ ಅಮಿತಾ ದೇವಾಡಿಗ , ಶೈಲಜಾ ಎನ್. ಶೆಟ್ಟಿ, ಮಮತಾ ಶೆಟ್ಟಿ ಬೊಕ್ಕ ಸರ್ವ ಸದಸ್ಯೆರ್, ಹರಿಪಾದೆ ಶ್ರೀ ಜಾರಂದಾಯ ಮಹಿಳಾ ಮಂಡಲದ ಗುರ್ಕಾರ್ದಿ ಸರಿತಾ ಶೆಟ್ಟಿ, ಹರಿಪಾದ ಶ್ರೀ ಜಾರಂದಾಯ ಯುವಕ ಮಂಡಲದ ಗುರ್ಕಾರ್ಲು ಅನಿಲ್ ಅಮೀನ್, ನವೀನ್ ಹರಿಪಾದೆ, ಕೆಮ್ರಾಲ್ ಪಂಚಾಯತ್ ಸದಸ್ಯೆರ್ ನವೀನ್ ಸಾಲ್ಯಾನ್, ಕೇಶವ ಪೂಜಾರಿ, ವಿಠೋಭ ಭಜನಾ ಮಂದಿರದ ಚಂದ್ರಹಾಸ್ ಎಂ.ಶೆಟ್ಟಿ, ಸತೀಶ್ ಜೆ. ಶೆಟ್ಟಿ ಪಂಜದಗುತ್ತು, ನಾರಾಯಣ ಶೆಟ್ಟಿ, ಸುಂದರ ಸಿ.ಅಮೀನ್, ಉಳ್ಯ, ಉಮೇಶ್ ಪಂಜ, ನವೀನ್ ಶೆಟ್ಟಿ ನಲ್ಯಗುತ್ತು, ಸಂತೋಷ್ ಶೆಟ್ಟಿ, ರಾಜು ಶೆಟ್ಟಿ ಮಜಲಗುತ್ತು, ಕೋಶಾಧಿಕಾರಿ ಮಹೇಶ್ ದೇವಾಡಿಗ , ದಕ ಜಿಲ್ಲಾ ಪಂಚಾಯತ್ ಹಿರಿಯ ಪ್ರಾಥಮಿಕ ಶಾಲೆ ಪಂಜ ನೆತ್ತ ಮುಖ್ಯೋಪಾಧ್ಯಾಯೆರ್ ಬೊಕ್ಕ ಶಿಕ್ಷಕೆರ್ ಬೊಕ್ಕ ಕಲ್ಪಾರ್ಥಿಲು ಅಂಚೆನೆ ಊರುದು ಗಣ್ಯೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಶ್ರೀ ವಿಠೋಭ ಭಜನಾ ಮಂದಿರದ ಗುರ್ಕಾರ್ಲು ಸತೀಶ್ ಶೆಟ್ಟಿ ಬೈಲಗುತ್ತು ಲೇಸ್ ಸುಧಾರಿಕೆ ಮಲ್ತೆರ್. ಕಾರ್ಯದರ್ಶಿ ಭರತ್ ಶೆಟ್ಟಿ ಸೊಲ್ಮೆ ಸಂದಾಯೆರ್. ಬೊಕ್ಕ ಪಂಜ ಫ್ರೆಂಡ್ಸ್ ಕೂಟದಕ್ಲೆರ್ದ್ ಉಲ್ಯ ಬೊಕ್ಕ ಪಕ್ಷಿಕೆರೆ ಮುಟ್ಟ ಸ್ವಾತಂತ್ರ್ಯ ಸಂಭ್ರಮದ ಬೈಕ್ ರ‌್ಯಾಲಿ ನಡತ್ಂಡ್.

“Agniveer” Youth should take up military services- G K Sundar

Swatantra Amrut Mahotsav at Sri Vitoba Bajana Mandir at Punja Koikude

Punja Koikude: The PM Narendra Modi has introduced Agnipath Yojan for military service personnel ,which should be taken up by the youth in large numbers and render service to the nation said GK Sundar Krishnapur retired airforce personal after hoisting the national flag at Sri Vitoba Bajana Mandir on independence day.

A new flag pole was installed here which was donated by E T Shetty . The chief guest was honorary president of Sri Vitoba Bajana Mandir Sri Vishwanath Shetty Punjaguttu, Contractor E T Shetty, Mumbai Entrepreneur Ramesh D Shetty, Sub Editor from Times of Kudla weekly Tulu newspaper Yashodhara Kotian,Vasanth Shetty Yakshalahari award winner.

Other dignitaries from the area also participated in the function.

Mulki

ಆ.27, 28 : ಬಪ್ಪನಾಡ್ ಡ್ ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾದ ಅಮೃತ ಮಹೋತ್ಸವದ ಲೇಸ್

ಆ.29 : ಪ್ರಿಯದರ್ಶಿನಿ ಸಹಕಾರಿ ಸಂಘದ ಪಡುಬಿದ್ರಿ ಶಾಖೆ ಉದಿಪನ

ಆ.28 : ಸಾತಂತ್ರ್ಯ ಅಮೃತ ಮಹೋತ್ಸವ ದ ನೆಂಪುಗು ಬೆದ್ರರ್ದ್ ಮುಲ್ಕಿಗ್ ಬೈಕ್ ರ‌್ಯಾಲಿ : ಮಿಥುನ್ ರೈ

ಆ.27 ಕ್ಕ್ ಮೂಲ್ಕಿ ತಾಲೂಕು ಆಡಳಿತ ಸೌಧಗ್ ವಸತಿ ಸಚಿವೆರೆರ್ದ್ ಕೆಸರ್ ಕಲ್ಲ್ : ಉಮಾನಾಥ ಕೋಟ್ಯಾನ್

ಆ. 31- ಸೆ. 3: ಬಪ್ಪನಾಡ್ ಡ್ ೪೭ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಉಚ್ಚಯ

ಮುಲ್ಕಿಡ್ “ಭಾಗ್ಯಲಕ್ಷ್ಮಿ ಸಿಲ್ಕ್ಸ್”ಜವಳಿ ಷೋರೂಮ್ ಉದಿಪನ; ಸುರೂತ್ತ ದಿನನೇ ಭಾರಿ ಜನ, ಭರ್ಜರಿ ಮಾರಾಟ

ತುಳು ಬಾಸೆದ ಬುಲೆಚ್ಚಿಲ್ ಗ್ ಸರ್ಕಾರ ಎಚ್ಚಿನ ಅನುದಾನ ಕೊರೊಡು: ಬಿ.ಕೆ.ಹರಿಪ್ರಸಾದ್

ಡಾ.ಹರಿಶ್ಚಂದ್ರ ಸಾಲ್ಯಾನ್ ಬರೆತಿನ ” ದೈವದ ಮದಿಪು” ತುಳು ಬೂಕು ಬುಡುಗಡೆ

ಆ.26-28 : ಬಪ್ಪನಾಡ್ ಡ್ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ

ಹಳೆಯಂಗಡಿ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲಡ್ ಸ್ವಾತಂತ್ರ್ಯ ದಿನತ್ತ ಅಮೃತ ವರ್ಸದ ಆಚರಣೆ

You Missed

ಶಿಮಂತೂರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘದ 2025-26ನೇ ವರ್ಸದ ಸಭೆ

ಕಮ್ಮಿಡ್ಲ 10 ತುಳು ಪಿಚ್ಚರ್‌ಲೆಗ್ ಸಬ್ಸಿಡಿ ಕೊರ್ಲೆ

ಉಡುಪಿ ತಾಲೂಕುದ ಕಡೀರ ಪೊಣ್ಣು ಕಮರ್ಷಿಯಲ್ ಪೈಲೆಟ್” ಇನ್ಶಾ ತಸ್ಕೀನ್

ಸೆ.24 : ಕಾಪುದಪ್ಪೆಗ್ ಅಕ್ಷರ ನಮನ, ಮಾತೃಕಾ ಶಕ್ತಿ ಪೂಜೆ, ಕಾಪು ಚಾರಿಟೇಬಲ್ ಟ್ರಸ್ಟ್ (ರಿ.) ಉದಿಪನ