ಜುಲೈ 10 ತಾರೀಖ್ ಗ್ ಅಂತರ್ಜಾಲ ತುಳು ವಿಚಾರಗೋಷ್ಠಿ
ಕುಡ್ಲ, ಜುಲೈ 7 : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ವಿಶ್ವದ ಮಾತಾ ತುಳು ಕೂಟ-ಸಂಘಟನೆದ ಒಟ್ಟು ಸೇರಿಗೆಡ್ ತುಳುನಾಡ್ದ ಕಟ್ಟು ಕಟ್ಟಲೆ ಪನ್ಪಿನ ವಿಚಾರೋಡು ಸುರುತ್ತ ಸಲ ಅಂತರ್ಜಾಲ ತುಳು ವಿಚಾರಗೋಷ್ಠಿ ಲೇಸ್ ಜು.10 ತಾರೀಖ್ ಗ್ ಬೈಯ್ಯ 7 ಗಂಟೆಗ್ ನಡಪರೇ ಉಂಡು..
ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಗುರ್ ಕಾರ್ಲಾಯಿನ ಡಾ.ಮೋಹನ್ ಆಳ್ವ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್.ಆತೆ ಅತ್ತoದೆ ಮಾತಾ ತುಳು ಕೂಟ-ಸಂಘಟನೆದ ಪ್ರಮುಖೆರೆರ್ದ್ ಅಭಿಪ್ರಾಯ ಮಂಡನೆ ನಡಪರೇ ಉಂಡು . ಸಾಹಿತಿ ಬೊಕ್ಕ ಸಂಶೋಧಕಿ ಡಾ.ಇಂದಿರಾ ಹೆಗ್ಗಡೆ ಉಪನ್ಯಾಸ ಕೊರಿಯರೆ ಉಲ್ಲೆರ್ . ಲೇಸ್ ದ ಗುರ್ಕಾರ್ಮೆನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಜಿ.ಕತ್ತಲ್‌ಸಾರ್ ವಹಿಸೆರೆ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.
ಇನಿ ಕುಡ್ಲದ ತುಳು ಸಾಹಿತ್ಯ ಅಕಾಡೆಮಿಡ್ . ತುಳು ಅಂತರ್ಜಾಲ ವಿಚಾರ ಗೋಷ್ಠಿ ಯ ಪೋಸ್ಟರ್ ನ್ಲಾ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಜಿ. ಕತ್ತಲ್ ಸಾರ್ ಮೇರ್ ಬುಡುಗಡೆ ಮಲ್ತೆರ್.ಈ ಪೊರ್ತುಡು ಅಕಾಡೆಮಿದ ಸದಸ್ಯೆರಾಯಿನ ಲೇಸ್ ದ ಸಂಚಾಲಕೆರಾಯಿನ ನಿಟ್ಟೆ ಶಶಿಧರ ಶೆಟ್ಟಿ, ಸದಸ್ಯ ನರೇಂದ್ರ ಕೆರೆಕಾಡು, ರಿಜಿಸ್ಟ್ರಾರ್ ಶ್ರೀಮತಿ ಕವಿತಾ ಪಾಲ್ ಪಡೆದಿತ್ತೆರ್.
