Mangalore

ತುಲುವೆರೆ ಪಕ್ಷ: ಬೊಲ್ತೆರ್ ತಾಲೂಕು ಸಮಿತಿ ರಚನೆ

Aug 30, 2021

ಬೊಲ್ತೆರ್ : ತುಲುವೆರೆ ಪಕ್ಷದ ಬೊಲ್ತೆರ್ ತಾಲೂಕು ಕಾರ್ಯಂತೆರ್ನ ಸಭೆ ಅಂಬೇಡ್ಕರ್ ಭವನಡ್ ಪಕ್ಷದ ಗುರ್ಕಾರ್ಲಾದ್ ಶೈಲೇಶ್ ಆರ್.ಜೆ.ಮೆರ್ನ ಗುರ್ಕಾರ್ಮೆಡ್ ನಡತುಂಡು.ತುಳು ಭಾಷೆಗ್ ಮಾನದಿಗೆ , ತುಳುನಾಡ್ದ ಸಮಗ್ರ ಅಭಿವೃದ್ದಿ ಬೊಕ್ಕ ತುಳುನಾಡ್ ರಾಜ್ಯ ರಚನೆಗ್ ಪಕ್ಷನ್ ಬಲಿಷ್ಠವಾದ್ ಕಟ್ಟುನ ನಿರ್ಣಯದೊಟ್ಟುಗು ಬೊಲ್ತೆರ್ ತಾಲೂಕು ಸಮಿತಿನ್ ರಚನೆ ಮಲ್ತೆರ್ .

ಗುರ್ಕಾರ್ಲಾದ್ ನ್ಯಾಯವಾದಿ ಪ್ರಶಾಂತ್. ಎಂ, ಒತ್ತು ಗುರ್ಕಾರ್ಲಾದ್ ಮುಖಿಂ ಖಾನ್, ಪ್ರಧಾನ ಕಾರ್ಯಂತೇರಾದ್ ನ್ಯಾಯವಾದಿ ಸತೀಶ್ ಪೂಜಾರಿ .ಎನ್ ಜೊತೆ ಕಾರ್ಯದರ್ಶಿಯಾದ್ ದಿನೇಶ್ ಆರ್. ಬೊಕ್ಕ ಕಾರ್ಯಕಾರಿ ಸಮಿತಿದ ಪದುಕೆರಾದ್ ಸದಸ್ಯೆರಾದ್ ಗೋಪಾಲ್ ಸಂಜಯನಗರ, ಸುರೇಂದ್ರ ಬಂಗಾಡಿ, ಧನಂಜಯ ಕುಮಾರ್ ಡಿ., ಉಮೇಶ್ ಕುಲಾಲ್, ಮಹಮ್ಮದ್ ಶರೀಫ್, ಮನೋಹರ್ ಕುಮಾರ್, ಗಿರೀಶ್ ನಿಸರ್ಗ ಆಯ್ಕೆಯಾಯೆರ್.

ಒಡಿಪುಗು ಪೊಸ ಜಿಲ್ಲಾಧಿಕಾರಿಯಾದ್ ಕೂರ್ಮ ರಾವ್ ನೇಮಕ

Aug 29, 2021

ಒಡಿಪು : ಒಡಿಪು ಜಿಲ್ಲೆದ ಪೊಸ ಜಿಲ್ಲಾಧಿಕಾರಿಯಾದ್ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಕಲಬುರ್ಗಿ ನೆತ್ತ ವ್ಯವಸ್ಥಾಪಕ ನಿರ್ದೇಶಕೆರಾಯಿನ ಕೂರ್ಮ ರಾವ್‌ ಮೆರೆನ್ ನೇಮಕ ಮಲ್ದೆರ್.ಸದ್ಯಡೇ ಒಡಿಪು ಜಿಲ್ಲೆದ ಜಿಲ್ಲಾಧಿಕಾರಿಯಾದ್ ಅಧಿಕಾರ ಸ್ವೀಕಾರ ಮಲ್ಪರೆ ಉಲ್ಲೆರ್ .

ಜಿ ಜಗದೀಶ್‌ ಮೆರೆನ್ ಮುಖ್ಯಮಂತ್ರಿಲೆನ ಜಂಟಿ ಕಾರ್ಯದರ್ಶಿಯಾದ್ ವರ್ಗಾವಣೆ ಮಲ್ದೆರ್ ಪಂದ್ ತೆರಿದ್ ಬೈದುಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಟ್ರಾಫಿಕ್ ವಾರ್ಡನ್ ಆದು ಪುದರ್ ಪಡೆಯಿನ ಜೋಸೆಫ್ ಗೊನ್ಸಾಲ್ವಿಸ್ ಇನಿ ತೀರ್ ಪೊಯೆರ್

Aug 29, 2021

ಕುಡ್ಲ : ನಗರೊದ ಟ್ರಾಫಿಕ್ ವಾರ್ಡನ್ ಆಯಿನ ಜೋಸೆಫ್ ಗೊನ್ಸಾಲ್ವಿಸ್(99) ಇನಿ ತೀರ್ ಪೊಯೆರ್.

ನಗರೊದ ಫಳ್ನೀರ್ ನಿವಾಸಿಯಾಯಿನ ಆರ್, ಸಮಾಜ ಸೇವೆನ್ ಮಲ್ಪುನ ಮೂಲಕ ಆಯಿಟುಲ ಟ್ರಾಫಿಕ್ ವಾರ್ಡನ್ ಆದು ಪುದರ್ ಪಡೆದಿತ್ತೆರ್.

1921, ಜನವರಿ 21 ಗು ಪುಟ್ಟಿದಿನ ಆರ್ ಬ್ರಿಟಿಷ್ ಕಂಪೆನಿಡ್ ಬೇಲೆ ಮಲ್ತೊಂದು ಇತ್ತೆರ್. ನಿವೃತ್ತಿದ ಬಳಿಕ ಕುಡ್ಲಡು ಇತ್ತೆರ್. 2015 ನೆಡು ಕುಡ್ಲಡು ಟ್ರಾಫಿಕ್ ವಾರ್ಡನ್ ಆದು ಬೇಲೆ ಮಲ್ತೊಂದಿತ್ತೆರ್.

Uncategorized

ಬೊಂಬಾಯಿದ ಧಾರಾವಿಡು ಸಿಲಿಂಡರ್‌ ಸ್ಪೋಟ – 14 ಮಂದಿಗ್ ಗಾಯ

Aug 29, 2021

ಮಹಾರಾಷ್ಟ್ರ : ಬೊಂಬಾಯಿದ ಧಾರಾವಿದ ಶಾಹು ನಗರೊಡ್ ಸಿಲಿಂಡರ್‌ ಸ್ಪೋಟ ಆದು 14 ಮಂದಿಗ್ ಗಾಯ ಆಯಿನ ಘಟನೆ ಐತಾರದಾನಿ ನಡತುಂಡು.

14 ಮಂದಿಗು ಗಾಯ ಆತುಂಡು. 12 ಮಂದಿಗೆ ಎಲ್ಯ ಎಲ್ಯ ಗಾಯ ಆತುಂಡು ಪಂದು ಅಧಿಕಾರಿಲು ತೆರಿಪಾದೆರ್.

“ಘಟನೆ ಆಯಿನ ಗೊತ್ತಾಯಿಲೆಕನೆ ಅಗ್ನಿಶಾಮಕ ಸಿಬ್ಬಂದಿಲ್ ಜಾಗೊಗ್ ಬತ್ತುದೆರ್. ಮಸ್ತು ಗಾಯ ಆತಿನಕುಲೆನ್ ಆಸ್ಪತ್ರೆಗ್ ದಾಖಲಿಸಾದೆರ್.

ಸಿಲಿಂಡರ್ ಸ್ಪೋಟಗ್ ಕಾರಣ ದಾದ ಪಂಡುದು ನನಲ ಗೊತ್ತಾತಿಚಿ.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬೊಲ್ತೆರ್: ತಾ.ಪಂ ಮಾಜಿ ಉಪಾಧ್ಯಕ್ಷೆ ಸಂತೋಷ್‌ ಕುಮಾರ್ ಗುವೆಲುಗ್ ಲಾಗಿದು ಜೀವ ದೆತೊಂದೆರ್

Aug 29, 2021

ಬೊಲ್ತೆರ್: ತಾಲೂಕು ಪಂಚಾಯತ್ ಮಾಜಿ ಉಪಾಧ್ಯಕ್ಷೆ ಲಾಯಿಲ ನಿವಾಸಿ ಆಯಿನ ಸಂತೋಷ್ ಕುಮಾರ್ (45) ಸರ್ಕಾರಿ ಗುವೆಲುಗ್ ಲಾಗಿದು ಜೀವ ದೆತೊಂದೆರ್ ಪಂಡುದು ವರದಿಯಾತುಂಡು.

ಸಂತೋಷ್ ಕುಮಾರ್ ಇಂಬೆರೆಗ್ ಕೆಲ‌ವರ್ಷದ ಪಿರ ಅಪಘಾತವೊಂಜೆಟ್ಟು ಬೇರಿತ ಮೂಲೆ ಪೊಲ್ಲಿದು ಇತ್ತುಂಡು. ಆಯಿ ಬೊಕ್ಕ ಚಿಕಿತ್ಸೆ ದೆತೊಂದು ಸರಿಯಾದು ಬೇಲೆಗ್ ಪೊವೊಂದು ಇತ್ತೆರ್.

ಮಸ್ತು ದಿನೊಡ್ದು ಉಶರಿಜ್ಜಂದೆ ಇತ್ತೆರ್ ಅಂಚಾದು ಬೇಜಾರ್ ಡು ಗುವೆಲುಗ್ ಲಾಗಿದು ಜೀವ ದೆತೊಂದೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಪ್ಯಾರಾಲಿಂಪಿಕ್ಸ್: ಐತಿಹಾಸಿಕಡ್ ಬೊಳ್ಳಿ ಪದಕನ್ ದೆತೊನಿನ ಭವಿನಾಬೆನ್ ಪಟೇಲ್ ಗ್ ಸೊಲ್ಮೆಲ್ ದ ಬರ್ಸ

Aug 29, 2021

ಹೊಸದಿಲ್ಲಿ: ಟೋಕಿಯೊ ಪ್ಯಾರಾಲಿಂಪಿಕ್ಸ್‌ ಟೇಬಲ್ ಟೆನಿಸ್ ಮಹಿಳಾ ಸಿಂಗಲ್ಸ್‌ (ಕ್ಲಾಸ್ 4) ಪಂಥೋಡು ಬೊಳ್ಳಿ ಪದಕ ಜಯಿಸಾದು ಇತಿಹಾಸ ನಿರ್ಮಿಸಿನ ಭವಿನಾಬೆನ್ ಪಟೇಲ್ ಇಂಬೆರೆಗ್ ರಾಷ್ಟ್ರಪತಿ ರಾಮನಾಥ್ ಕೋವಿಂದ್, ಪ್ರಧಾನಿ ನರೇಂದ್ರ ಮೋದಿ, ಕಾಂಗ್ರೆಸ್ ಮಾಜಿ ಅಧ್ಯಕ್ಷೆ ರಾಹುಲ್ ಗಾಂಧಿ ಅಂಚನೆ ಮಸ್ತು ಗಣ್ಯರ್ ಸೊಲ್ಮೆಲ್ ಸಂದಯಿಸಾಯೆರ್.

“ಭವಿನಾ ಪಟೇಲ್ ಇತಿಹಾಸನ್ ಬರೆತೆರ್! ಆರ್ ದೇಶೊಗು ಬೆಳ್ಳಿ ಪದಕನ್ ಕನತೆರ್. ಐಕಾದು ಅರೆಗ್ ಸೊಲ್ಮೆಲು ಪಂದು ಪ್ರಧಾನಿ ಮೋದಿ ಟ್ವೀಟ್ ಮಲ್ತುದೆರ್. “ಭವಿನಾ ಇಂಬೆರ್ನ ಜೀವನೊದ ಪಯಣ ಎಡ್ಡೆಯಾವಡು ಪಂದು ಆರ್ ಪಂಡೆರ್.

ರಾಜ್ಯೋಡು ಬಾರಿ ಬರ್ಸ : 8 ರಾಜ್ಯೋಡು ಆರೆಂಜ್ ಅಲರ್ಟ್

Aug 29, 2021

ಬೆಂಗ್ಳೂರು,ಆ.29- ರಾಜ್ಯೋಡು ಇನಿ ಬೊಕ್ಕ ಎಲ್ಲೆ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು 8 ಜಿಲ್ಲೆಡ್ ಆರೆಂಜ್ ಅಲರ್ಟ್ ಘೋಷಣೆ ಮಲ್ದೆರ್ . ಬಂಗಾಳ ಉಪಸಾಗರದ ಒಡಿಶಾ ಬೊಕ್ಕ ಆಂಧ್ರಪ್ರದೇಶದ ಕರಾವಳಿಡ್ ವಾಯುಭಾರ ಕುಸಿತ ಆಯಿನ ನೆಲೆಟ್ಟ್ ಕರ್ನಾಟಕ ರಾಜ್ಯಡ್ ಇನಿರ್ದ್ ಭಾರೀ ಬರ್ಸ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದುಂಡು .

ಕತ್ತಲೆಗ್ ಕಂಡನ್ಯನೊಟ್ಟುಗು ಜೆತ್ತಿನ ಬೊಡೆದಿ ಬೊಲ್ಪುಗು ನಾಪತ್ತೆ

Aug 29, 2021

ಬೊಲ್ತೆರ್ : ಕಂಡನ್ಯನ ಕೈತಲ್ ಜೆತ್ತಿತ್ತಿನ ಬೊಡೆದಿ ನಡುರಾತ್ರಿ ನಾಪತ್ತೆಯಾಯಿನ ಘಟನೆ ಬೊಲ್ತೆರ್ ದ ನೆರಿಯ ಗ್ರಾಮಡು ನಡತುದುಂಡು. ಈ ವಿಷಯ ಧರ್ಮಸ್ಥಳ ಪೊಲೀಸ್ ಠಾಣಡು ದೂರು ದಾಖಲಾತುಂಡು.

ನೆರಿಯ ಗ್ರಾಮೊದ ನಾಯಿಕಟ್ಟೆ ಚಿದಾನಂದ ಇಂಬೆರ್ನ ಬೊಡೆದಿ ರಾಜಿ ನಾಪತ್ತೆಯಾಯಿನರ್ ಪಂದು ದೂರಿಡು ತೆರಿದು ಬೈದುಂಡು. ರಾಜಿ ಬೊಕ್ಕ ಚಿದಾನಂದ ದಂಪತಿಲೆಗ್ 11 ವರ್ಷದ ಪೊಣ್ಣು ಮಗಲ್, 10 ವರ್ಷದ ಅನು ಮಗೆ ಉಲ್ಲೆರ್.

ರಾಜಿ ಇಂಬೆರ್ ಪಿದಯ್ ದೇಶೊಡು ಬೆಲೆ ಮಲ್ತೊಂದು ಇತ್ತೆರ್. ಜು 11 ದಾನಿ ನೆರಿಯದ ನಾಯಿಕಟ್ಟೆ ಮುಲ್ಪದ ಕಂಡನಿನ ಇಲ್ಲಗ್ ಬತ್ತಿತೆರ್. ಕಂಡನ್ಯನೊಟ್ಟುಗು ಜೆತ್ತಿತ್ತಿನ ರಾಜಿ ಕತ್ತಲೆಗ್ 11 ಗಂಟೆಗ್ ಮಗಲ್ ನೊಟ್ಟುಗು ಜೆಪ್ಪರ ಪೊದಿತ್ತೆರ್. ಆಂಡ ಬೊಲ್ಪುಗು ತುನಗ ರಾಜಿ ಇಲ್ಲಡ್ ಇಜಾಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಪುತ್ತೂರ್ದ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಎದುರ್ ಡ್ ಇಪ್ಪುನ ದೇವಲಾಯದ ಗದ್ದೆಡು ಹಿಂದೂ ಭಕ್ತಾಧಿಲೆಗ್ ಮಾತ್ರ ವಾಹನ ಉಂತಾಯೆರ ಅವಕಾಶ

Aug 29, 2021

ಪುತ್ತೂರ್ : ಇತಿಹಾಸ ಪ್ರಸಿದ್ದ ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಎದುರ್ಡು ಇಪ್ಪುನ ದೇವರಮಾರು ಗದ್ದೆಡು ನನ ದುಂಬುಗು ಹಿಂದೂ ಭಕ್ತಾಧಿಲೆಗ್ ಮಾತ್ರ ವಾಹನ ಉಂತಾಯೆರ ಪಂಡುದು ದೇವಸ್ಥಾನದ ವ್ಯವಸ್ಥಾಪನ ಸಮಿತಿ ಪ್ರಕಟಣೆ ಮಲ್ತುದೆರ್.

“ಈ ದೇವಸ್ಥಾನ ಹಿಂದೂ ಧಾರ್ಮಿಕ ದತ್ತಿ ಇಲಾಖೆಗ್ ಸೇರಿನ ದೇವಸ್ಥಾನ ಅತುಂಡು. ಈ ದೇವಾಲಯಗ್ ಸಂಬಂಧಪಟ್ಟಿನ ಜಾಗೊಡು ಹಿಂದೂ ಭಕ್ತಾದಿಲೆಗ್ ಮಾತ್ರ ವಾಹನ ಉಂತಾಯೆರ ಅವಕಾಶ ಇಪ್ಪುಂಡು ಪಂದು ಪ್ರಕಟಣೆಡ್ ತೆರಿಪಾದೆರ್. ಬೇತೆಯಕುಲ್ ವಾಹನಲೆನ್ ಪಾರ್ಕ್ ಮಲ್ತುಂಡ ಕಾನೂನು ರೀತಿದ ಕ್ರಮ ದೆತೊನೆರ ಉಂಡು ಪಂದು ವ್ಯವಸ್ಥಾಪನ ಸಮಿತಿದಕುಲ್ ಎಚ್ಚರಿಕೆ ಕೊರಿಯೆರ್.