ಮಹಾರಾಷ್ಟ್ರ : ಬೊಂಬಾಯಿದ ಧಾರಾವಿದ ಶಾಹು ನಗರೊಡ್ ಸಿಲಿಂಡರ್ ಸ್ಪೋಟ ಆದು 14 ಮಂದಿಗ್ ಗಾಯ ಆಯಿನ ಘಟನೆ ಐತಾರದಾನಿ ನಡತುಂಡು.
14 ಮಂದಿಗು ಗಾಯ ಆತುಂಡು. 12 ಮಂದಿಗೆ ಎಲ್ಯ ಎಲ್ಯ ಗಾಯ ಆತುಂಡು ಪಂದು ಅಧಿಕಾರಿಲು ತೆರಿಪಾದೆರ್.
“ಘಟನೆ ಆಯಿನ ಗೊತ್ತಾಯಿಲೆಕನೆ ಅಗ್ನಿಶಾಮಕ ಸಿಬ್ಬಂದಿಲ್ ಜಾಗೊಗ್ ಬತ್ತುದೆರ್. ಮಸ್ತು ಗಾಯ ಆತಿನಕುಲೆನ್ ಆಸ್ಪತ್ರೆಗ್ ದಾಖಲಿಸಾದೆರ್.
ಸಿಲಿಂಡರ್ ಸ್ಪೋಟಗ್ ಕಾರಣ ದಾದ ಪಂಡುದು ನನಲ ಗೊತ್ತಾತಿಚಿ.
ಬೊಲ್ತೆರ್: ತಾಲೂಕು ಪಂಚಾಯತ್ ಮಾಜಿ ಉಪಾಧ್ಯಕ್ಷೆ ಲಾಯಿಲ ನಿವಾಸಿ ಆಯಿನ ಸಂತೋಷ್ ಕುಮಾರ್ (45) ಸರ್ಕಾರಿ ಗುವೆಲುಗ್ ಲಾಗಿದು ಜೀವ ದೆತೊಂದೆರ್ ಪಂಡುದು ವರದಿಯಾತುಂಡು.
ಸಂತೋಷ್ ಕುಮಾರ್ ಇಂಬೆರೆಗ್ ಕೆಲವರ್ಷದ ಪಿರ ಅಪಘಾತವೊಂಜೆಟ್ಟು ಬೇರಿತ ಮೂಲೆ ಪೊಲ್ಲಿದು ಇತ್ತುಂಡು. ಆಯಿ ಬೊಕ್ಕ ಚಿಕಿತ್ಸೆ ದೆತೊಂದು ಸರಿಯಾದು ಬೇಲೆಗ್ ಪೊವೊಂದು ಇತ್ತೆರ್.
ಮಸ್ತು ದಿನೊಡ್ದು ಉಶರಿಜ್ಜಂದೆ ಇತ್ತೆರ್ ಅಂಚಾದು ಬೇಜಾರ್ ಡು ಗುವೆಲುಗ್ ಲಾಗಿದು ಜೀವ ದೆತೊಂದೆರ್.
ಹೊಸದಿಲ್ಲಿ: ಟೋಕಿಯೊ ಪ್ಯಾರಾಲಿಂಪಿಕ್ಸ್ ಟೇಬಲ್ ಟೆನಿಸ್ ಮಹಿಳಾ ಸಿಂಗಲ್ಸ್ (ಕ್ಲಾಸ್ 4) ಪಂಥೋಡು ಬೊಳ್ಳಿ ಪದಕ ಜಯಿಸಾದು ಇತಿಹಾಸ ನಿರ್ಮಿಸಿನ ಭವಿನಾಬೆನ್ ಪಟೇಲ್ ಇಂಬೆರೆಗ್ ರಾಷ್ಟ್ರಪತಿ ರಾಮನಾಥ್ ಕೋವಿಂದ್, ಪ್ರಧಾನಿ ನರೇಂದ್ರ ಮೋದಿ, ಕಾಂಗ್ರೆಸ್ ಮಾಜಿ ಅಧ್ಯಕ್ಷೆ ರಾಹುಲ್ ಗಾಂಧಿ ಅಂಚನೆ ಮಸ್ತು ಗಣ್ಯರ್ ಸೊಲ್ಮೆಲ್ ಸಂದಯಿಸಾಯೆರ್.
“ಭವಿನಾ ಪಟೇಲ್ ಇತಿಹಾಸನ್ ಬರೆತೆರ್! ಆರ್ ದೇಶೊಗು ಬೆಳ್ಳಿ ಪದಕನ್ ಕನತೆರ್. ಐಕಾದು ಅರೆಗ್ ಸೊಲ್ಮೆಲು ಪಂದು ಪ್ರಧಾನಿ ಮೋದಿ ಟ್ವೀಟ್ ಮಲ್ತುದೆರ್. “ಭವಿನಾ ಇಂಬೆರ್ನ ಜೀವನೊದ ಪಯಣ ಎಡ್ಡೆಯಾವಡು ಪಂದು ಆರ್ ಪಂಡೆರ್.
ಬೆಂಗ್ಳೂರು,ಆ.29- ರಾಜ್ಯೋಡು ಇನಿ ಬೊಕ್ಕ ಎಲ್ಲೆ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು 8 ಜಿಲ್ಲೆಡ್ ಆರೆಂಜ್ ಅಲರ್ಟ್ ಘೋಷಣೆ ಮಲ್ದೆರ್ . ಬಂಗಾಳ ಉಪಸಾಗರದ ಒಡಿಶಾ ಬೊಕ್ಕ ಆಂಧ್ರಪ್ರದೇಶದ ಕರಾವಳಿಡ್ ವಾಯುಭಾರ ಕುಸಿತ ಆಯಿನ ನೆಲೆಟ್ಟ್ ಕರ್ನಾಟಕ ರಾಜ್ಯಡ್ ಇನಿರ್ದ್ ಭಾರೀ ಬರ್ಸ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದುಂಡು .
ಬೊಲ್ತೆರ್ : ಕಂಡನ್ಯನ ಕೈತಲ್ ಜೆತ್ತಿತ್ತಿನ ಬೊಡೆದಿ ನಡುರಾತ್ರಿ ನಾಪತ್ತೆಯಾಯಿನ ಘಟನೆ ಬೊಲ್ತೆರ್ ದ ನೆರಿಯ ಗ್ರಾಮಡು ನಡತುದುಂಡು. ಈ ವಿಷಯ ಧರ್ಮಸ್ಥಳ ಪೊಲೀಸ್ ಠಾಣಡು ದೂರು ದಾಖಲಾತುಂಡು.
ನೆರಿಯ ಗ್ರಾಮೊದ ನಾಯಿಕಟ್ಟೆ ಚಿದಾನಂದ ಇಂಬೆರ್ನ ಬೊಡೆದಿ ರಾಜಿ ನಾಪತ್ತೆಯಾಯಿನರ್ ಪಂದು ದೂರಿಡು ತೆರಿದು ಬೈದುಂಡು. ರಾಜಿ ಬೊಕ್ಕ ಚಿದಾನಂದ ದಂಪತಿಲೆಗ್ 11 ವರ್ಷದ ಪೊಣ್ಣು ಮಗಲ್, 10 ವರ್ಷದ ಅನು ಮಗೆ ಉಲ್ಲೆರ್.
ರಾಜಿ ಇಂಬೆರ್ ಪಿದಯ್ ದೇಶೊಡು ಬೆಲೆ ಮಲ್ತೊಂದು ಇತ್ತೆರ್. ಜು 11 ದಾನಿ ನೆರಿಯದ ನಾಯಿಕಟ್ಟೆ ಮುಲ್ಪದ ಕಂಡನಿನ ಇಲ್ಲಗ್ ಬತ್ತಿತೆರ್. ಕಂಡನ್ಯನೊಟ್ಟುಗು ಜೆತ್ತಿತ್ತಿನ ರಾಜಿ ಕತ್ತಲೆಗ್ 11 ಗಂಟೆಗ್ ಮಗಲ್ ನೊಟ್ಟುಗು ಜೆಪ್ಪರ ಪೊದಿತ್ತೆರ್. ಆಂಡ ಬೊಲ್ಪುಗು ತುನಗ ರಾಜಿ ಇಲ್ಲಡ್ ಇಜಾಂಡು.
ಪುತ್ತೂರ್ : ಇತಿಹಾಸ ಪ್ರಸಿದ್ದ ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಎದುರ್ಡು ಇಪ್ಪುನ ದೇವರಮಾರು ಗದ್ದೆಡು ನನ ದುಂಬುಗು ಹಿಂದೂ ಭಕ್ತಾಧಿಲೆಗ್ ಮಾತ್ರ ವಾಹನ ಉಂತಾಯೆರ ಪಂಡುದು ದೇವಸ್ಥಾನದ ವ್ಯವಸ್ಥಾಪನ ಸಮಿತಿ ಪ್ರಕಟಣೆ ಮಲ್ತುದೆರ್.
“ಈ ದೇವಸ್ಥಾನ ಹಿಂದೂ ಧಾರ್ಮಿಕ ದತ್ತಿ ಇಲಾಖೆಗ್ ಸೇರಿನ ದೇವಸ್ಥಾನ ಅತುಂಡು. ಈ ದೇವಾಲಯಗ್ ಸಂಬಂಧಪಟ್ಟಿನ ಜಾಗೊಡು ಹಿಂದೂ ಭಕ್ತಾದಿಲೆಗ್ ಮಾತ್ರ ವಾಹನ ಉಂತಾಯೆರ ಅವಕಾಶ ಇಪ್ಪುಂಡು ಪಂದು ಪ್ರಕಟಣೆಡ್ ತೆರಿಪಾದೆರ್. ಬೇತೆಯಕುಲ್ ವಾಹನಲೆನ್ ಪಾರ್ಕ್ ಮಲ್ತುಂಡ ಕಾನೂನು ರೀತಿದ ಕ್ರಮ ದೆತೊನೆರ ಉಂಡು ಪಂದು ವ್ಯವಸ್ಥಾಪನ ಸಮಿತಿದಕುಲ್ ಎಚ್ಚರಿಕೆ ಕೊರಿಯೆರ್.
ಕುಡ್ಲ : ನಗರೋದ ಪೊಲೀಸ್ ಇನ್ಸ್ಪೆಕ್ಟರ್ ನ ಇಲ್ಲದ ಜಾಲುಗು ಪೊಗ್ಗಿನ ದುಷ್ಕರ್ಮಿ ಇನ್ಸ್ಪೆಕ್ಟರ್ ನ ಮಗನ ಸೈಕಲ್ ನು ಕಂಡಿನ ಘಟನೆ ನಡತುಂಡು.
ಸುರತ್ಕಲ್ ದ ವೃತ್ತ ನಿರೀಕ್ಷಕೆರಾಯಿನ ಶರೀಫ್ ಇಂಬೆರ್ನ ಮಗನ ಸೈಕಲ್ ನು ಕಂಡರ ಪೊದು ಆರೋಪಿಲ್ ಸಿಸಿಟಿವಿಡು ಪತ್ತೆಯಾತೆರ್. ಈ ಬಗ್ಗೆ ಪೊಲೀಸೆರ್ ತನಿಖೆ ನಡೆಸಾವೊಂದು ಉಲ್ಲೆರ್.
ಕುಡ್ಲ : ಕಡಬ ತಾಲ್ಲೂಕ್ ದ ಕುಕ್ಕೆ ಸುಬ್ರಮಣ್ಯ ದ ಪುದರ್ ಪಡತನಿ ವೈದ್ಯೆರಾಯಿನ ಡಾ.ಬಿ ಕೆ ಭಟ್ ಶನಿವಾರದಾನಿ ಕತ್ತಲೆಗ್ ತೀರ್ ಪೊಯಿತ ವರದಿಯಾತುಂಡು. ಕರೀನ 30 ವರ್ಷಡ್ದು ನಿಟ್ಟೆ ಆಸ್ಪತ್ರೆಡು ವೈದ್ಯೆರಾದು ಕಾರ್ಯ ನಿರ್ವಹಿಸಾವೊಂದು ಇತ್ತೆರ್.
ನ್ಯುಮೋನಿಯಾ ಜ್ವರಕ್ಕು ತುತ್ತಾಯಿನ ಆರ್, ಕುಡ್ಲದ ಕಸ್ತೂರ್ಭ ಮೆಡಿಕಲ್ ಕಾಲೇಜ್ ಅಸ್ಪತ್ರೆಡು ಚಿಕಿತ್ಸೆ ದೆತೊನೊಂದು ಇತ್ತೆರ್. ಇತ್ತೀಚಿಗು ಅರೆಗು ಕೊರೊನಾ ಬತ್ತಿತುಂಡು ಪಂದು ಅಪ್ತ ಮೂಲೋಲು ತೆರಿಪಾದೆರ್.
ಉಡುಪಿ: ಶ್ರೀಕೃಷ್ಣ ಜನ್ಮಾಷ್ಟಮಿ ಪರ್ಬದ ತಯಾರಿ ಭರಡ್ದು ನಡತ್ತೊಂದು ಉಂಡು. ಕೊರೊನಾ ನಿಯಾಮಲೆನ್ ಪಾಲಿಸಾದ್ ಶ್ರೀಕೃಷ್ಣ ಜನ್ಮಾಷ್ಟಮಿ ಆಚರಿಸಾಯೆರ ಸಿದ್ಧತೆ ನಡತ್ತೊಂದು ಉಂಡು.
ಶ್ರೀಕೃಷ್ಣ ಜಯಂತಿ ಅಂಚನೆ ಶ್ರೀಕೃಷ್ಣ ಲೀಲೋತ್ಸವ ದರ್ಶನೊಗು ಅವಕಾಶ ಮಲ್ತು ಕೊರ್ತೆರ್. ಕೊರೊನಾ ಹಿನ್ನೆಲೆಡು ಮಠತ ಆಡಳಿತ ಸಂಸ್ಥೆದಕುಲು ಸಂಭ್ರಮೊಡು ಆಚರಣೆ ಮಲ್ತೊಂದು ಇಜ್ಜೆರ್.
ಆ.30 ಗು ಬೊಲ್ಪುಗು ಪರ್ಯಾಯ ಅದಮಾರು ಮಠತ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದರು ಲಕ್ಷತುಳಸಿ ಅರ್ಚನೆ ನಡೆಸಾಯೆರ ಉಲ್ಲೆರ್. ಕತ್ತಲೆಗ್ 12.30 ಗು ಅರ್ಘ್ಯ ಪ್ರದಾನ ನಡಪರ ಉಂಡು.
ಹೊಸದಿಲ್ಲಿ, ಆ.29: ಕೇರಳಡು ಕರೀನ ಐನು ದಿನಟ್ ಸುಮಾರ್ 1.5 ಲಕ್ಷ ಕೋವಿಡ್-19 ಪ್ರಕರಣಲು ವರದಿಯಾತುಂಡು. ಸತತವಾದು ನಾಲನೇ ದಿನ 30 ಸಾವಿರ ಡ್ದು ಜಾಸ್ತಿ ಪೊಸ ಪ್ರಕರಣಲು ಬೊಲ್ಪುಗು ಬತ್ತುದುಂಡು. ಶನಿವಾರ ದೇಶಡು 45 ಸಾವಿರ ಡ್ದು ಜಾಸ್ತಿ ಪ್ರಕರಣಲು ವರದಿಯಾತುಂಡು.
46,783 ಪೊಸ ಪ್ರಕರಣಲು ದಾಖಲಾದ ಮಾರನೇ ದಿನ ಪಂಡ ಶನಿವಾರ ದೇಶಾದ್ಯಂತ 45,056 ಪ್ರಕರಣಲು ವರದಿಯಾತುಂಡು. ಕೇರಳಡು ಒಟ್ಟು 31,265 ಪೊಸ ಪ್ರಕರಣಲು ವರದಿಯಾತುಂಡು. ದೇಶಡ್ ಒಟ್ಟು ಪ್ರಕರಣದ ಪೈಕಿ ಶೇಕಡ 70 ದಾತು (69.5%) ಪ್ರಕರಣಲು ಈ ರಾಜ್ಯೋಡು ಬೋಲ್ಪುಗು ಬತ್ತುದುಂಡು.
