Mangalore

ನವೆಂಬರ್ 11 ಕ್ಕ್ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ರಡ್ಡನೇ ಟರ್ಮಿನಲ್ ಉದಿಪನ

Oct 18, 2022

ಬೆಂಗ್ಲೂರ್: ಪ್ರಧಾನಿ ನರೇಂದ್ರ ಮೋದಿ ಮೇರ್ ನವೆಂಬರ್ 11ಕ್ಕ್ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಡ್ ರಡ್ಡನೇ ಟರ್ಮಿನಲ್ ಉದಿಪನ ಮಲ್ಪರೆ ಉಲ್ಲೆರ್.

ಪೊಸ ಟೆಕ್ನಾಲಜಿ ಗಲಸೊಂದು ಈ ಟರ್ಮಿನಲ್‌ನ್ ತಯಾರ್ ಮಲ್ತ್‌ದೆರ್. ಉಂದೆರ್‍ದ್ ಎಚ್ಚದ ಪ್ರಯಾಣಿಕೆರೆಗ್ ಎಡ್ಡೆ ರೀತಿಡ್ ಸೌಲಭ್ಯ ತಿಕ್ಕರೆ ಉಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ದೀಪಿಕಾ ಪಡುಕೋಣೆಗ್ ವಿಶ್ವದ 9ನೇ ಪೊರ್ಲ ಸುಂದರಿ ಮಾನಾದಿಗೆ

Oct 18, 2022

ಲಂಡನ್: ಪುಗರ್ತೆದ ನಟಿ ದೀಪಿಕಾ ಪಡುಕೋಣೆಗ್ ವಿಶ್ವದ 10 ಸುಂದರಿಯೆರ್ನ ಪಟ್ಟಿಡ್ ತಾನೊ ತಿಕ್ಕ್‌ದ್ಂಡ್.

ಮೇರ್ 9ನೇ ತಾನೊನ್ ಪಡೆತ್ತೆರ್. ಬ್ರಿಟನ್‌ದ ನಟಿ ಜೂಡಿ ಕಮರ್ ಸುರುತ್ತ ತಾನೊಡ್ ಉಲ್ಲೆರ್. ಬಾಲಿವುಡ್ ನಟಿಯೆರ್‍ನ ಪೈಕಿಡ್ ದೀಪಿಕಾ ಪಡುಕೋಣೆ ಮಾತ್ರ ಈ ಪಟ್ಟಿಡ್ ತೋಜಿದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಬಿಸಿಸಿಐ ಅಧ್ಯಕ್ಷೆರಾದ್ ರೋಜರ್ ಬಿನ್ನಿ ಆಯ್ಕೆ

Oct 18, 2022

ಬೊಂಬಾಯಿ: ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ ಅಧ್ಯಕ್ಷೆರಾದ್ ರೋಜರ್ ಬಿನ್ನಿ ಅಧಿಕೃತವಾದ್ ಆಯ್ಕೆಯಾತೆರ್. ಬೊಂಬಾಯಿಡ್ ಬಿಸಿಸಿಐ ವಾರ್ಷಿಕ ಸಭೆಟ್ಟ್ ಪೊಸ ಅಧ್ಯಕ್ಷೆರಾದ್ ಬಿನ್ನಿ ಮೇರೆನ್ ಆಯ್ಕೆ ಮಲ್ತ್‌ದೆರ್.

ಬಿನ್ನಿ ಬಿಸಿಸಿಐದ 36ನೇ ಅಧ್ಯಕ್ಷೆರಾತೆರ್. ಮೇರ್ ಕಪಿಲ್ ದೇವ್ ಮುತಾಲಿಕೆಡ್ ಭಾರತ ಗೆಂದಿನ ವಿಶ್ವಕಪ್ ಕ್ರಿಕೆಟ್ ಕೂಟದ ಸದಸ್ಯೆರಾದಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಶಾಸಕೆರ್ ಹರೀಶ್ ಪೂಂಜೆರ್ನ ಮಿತ್ತ್ ತಲ್ವಾರ್ ದಾಳಿ ಕೇಸ್ ದ ತನಿಖೆ ಸಿಐಡಿಗ್

Oct 18, 2022

ಕುಡ್ಲ: ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜಾ ಮೆರೆನ ಕಾರ್ ಗ್ ತಲ್ವಾರ್ ದಾಳಿ ಮಲ್ತಿನ ಕೇಸ್ ದ ತನಿಖೆನ್ ಸರ್ಕಾರ ಸಿಐಡಿಗ್ ಒಪ್ಪಿಸಾದೆರ್.

ದೂರ್ ದ ಮಿತ್ತ್ ಗ್ ಫಳ್ನೀರ್ ದ ರಿಯಾಜ್ ಪನ್ಪಿನಾರೆನ್ ಪೊಲೀಸೆರ್ ಅರೆಸ್ಟ್ ಮಲ್ತ್ ದಿತ್ತೆರ್. ಅಯಿಬೊಕ್ಕ ಉಂದೊಂಜಿ ಅಟ್ಯಾಕ್ ಕೇಸ್ ಅತ್ತ್, ಓವರ್ ಟೇಕ್ ಮಲ್ತಿನ ವಿಷಯ ಪಂದ್ ಎಸ್ಪಿ ಸ್ಪಷ್ಟನೆ ಕೊರ್ದಿತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಗುಜರಾತ್: ಬಸ್ ಬೊಕ್ಕ ಟ್ರಕ್ ಗುದ್ದುದು 6 ಜನ ತೀರ್ ಪೋಯೆರ್

Oct 18, 2022

ಗುಜರಾತ್‌ದ ವಡೋದರಾ ಪೇಂಟೆಡ್ ಇಪ್ಪುನ ಅಹಮದಾಬಾದ್-ಬೊಂಬಾಯಿ ರಾಷ್ಟ್ರೀಯ ಮಾರ್ಗಡ್ ಕಾಂಡೆ ಬಸ್ ಬೊಕ್ಕ ಟ್ರಕ್ ಗುದ್ದಿನ ಕಾರಣ 6 ಜನ ತೀರ್ ಪೋತಿನ ಘಟನೆ ನಡತ್ಂಡ್.

15 ಜನಕ್ಕ್ ಮಸ್ತ್ ಪೆಟ್ಟಾದಿತ್ತ್‌ದ್ ಅಕಲೆನ್ ಕೈತಲ್‌ದ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್. ಸಂಕದ ಮಿತ್ತ್ ಟ್ರಕ್‌ ಪಿರ ದೆಪ್ಪುನಗ ಬಸ್ ಪಿರವುರ್ದ್ ಬತ್ತ್‌ದ್ ತಾಂಟ್‌ದ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಕೇದಾರನಾಥಡ್ ಹೆಲಿಕಾಪ್ಟರ್ ಬೂರ್ದು 6 ಜನ ತೀರ್ ಪೋಯೆರ್

Oct 18, 2022

ಉತ್ತರಾಖಂಡದ ಕೇದಾರನಾಥಡ್ ಹೆಲಿಕಾಪ್ಟರ್ ಬೂರ್ದು 6 ಜನ ತೀರ್ ಪೋತಿನ ಬಗೆಟ್ ವರದಿಯಾತ್ಂಡ್.

ಕೇದಾರನಾಥರ್ದ್ 2 ಕಿಮೀ ದೂರಡ್ ಇಪ್ಪುನ ಗರುಡಚಟ್ಟಿಡ್ ಈ ಘಟನೆ ನಡತ್ಂಡ್. ಎಚ್ಚದ ಮಾಹಿತಿ ನನಾತೆ ತೆರಿಯೊಡಾತೆ.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಇನಿ ಬೊಂಬಾಯಿ ಏರ್ ಪೋರ್ಟ್ ಕಾಂಡೆ 11 ಗಂಟೆರ್ದ್ ಬಯ್ಯ 5 ಗಂಟೆ ಮುಟ್ಟ ಬಂದ್

Oct 18, 2022

ಬೊಂಬಾಯಿ: ಬೊಂಬಾಯಿದ ಛತ್ರಪತಿ ಮಹಾರಾಜ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಇನಿ ಕಾಂಡೆ 11 ಗಂಟೆರ್ದ್ ಬಯ್ಯ 5 ಗಂಟೆ ಮುಟ್ಟ ಬಂದ್ ಉಪ್ಪುಂಡು.

ಉಂದೆಕ್ಕ್ ಕಾರಣ ವಿಮಾನ ನಿಲ್ದಾಣದ RWY 14/32 ಬೊಕ್ಕ 9/27 ರಡ್ಡ್ ರನ್‌ವೇ ಹಾಳ್ ಆತಿನೆಡ್ದಾವರ ಅವೆನ್ ಸರಿ ಮಲ್ಪರೆ ಇತ್ತಿನೆಡ್ದಾವರ ಬಂದ್ ಆಂಡ್ ಪಂದ್ ಬೊಂಬಾಯಿ ವಿಮಾನ ನಿಲ್ದಾಣದ ಅಧಿಕಾರಿಲು ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸುರತ್ಕಲ್ ಟೋಲ್‌ಗೇಟ್ ದೆಪ್ಪರೆ ಭಾರಿ ಮಲ್ಲ ಪೊರ್ಂಬಾಟ: 500 ಜನ ಅರೆಸ್ಟ್

Oct 18, 2022

ಸುರತ್ಕಲ್: ಎನ್ ಐಟಿಕೆ ಟೋಲ್‌ನ್ ದೆಪ್ಪೊಡು ಪಂದ್ ಟೋಲ್ ವಿರೋಧಿ ಹೋರಾಟ ಸಮಿತಿದಕುಲು ಮಲ್ತೊಂದುಪ್ಪುನ ಪೊರ್ಂಬಾಟ ಅಂಗಾರೆದಾನಿ ಭಾರಿ ಮಲ್ಲ ಮಟ್ಟ್ ಡ್ ನಡತ್ ದ್ ಪೊರ್ಂಬಾಟ ಮಲ್ತಿನ 500 ದೆರ್ದ್ಲ ಎಚ್ಚ ಜನನ್ ಪೊಲೀಸೆರ್ ಅರೆಸ್ಟ್ ಮಲ್ತೆರ್.

ಸುರತ್ಕಲ್ ಟೋಲ್ ಹೋರಾಟ ಸಮಿತಿದ ಪ್ರಮುಖೆರ್ ಮುನೀರ್ ಕಾಟಿಪಳ್ಳ, ಪ್ರತಿಭಾ ಕುಳಾಯಿ, ಮಾಜಿ ಸಚಿವೆರ್ ವಿನಯ್ ಕುಮಾರ್ ಸೊರಕೆ, ಕಾಂಗ್ರೆಸ್ ಯುವ ನಾಯಕೆರ್ ಮಿಥುನ್ ರೈ ಸೇರಿನಂಚನೆ 500 ದೆರ್ದಲ ಎಚ್ಚದ ಜನಕ್ಲೆನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.

ಸುರತ್ಕಲ್ ಟೋಲ್ ನ್ ದೆಪ್ಪೊಡು ಪಂದ್ ಒತ್ತಾಯಿಸಾದ್ ಟೋಲ್ ವಿರೋಧಿ ಹೋರಾಟ ಸಮಿತಿರ್ದ್ ಸುರತ್ಕಲ್ ಟೋಲ್ ದಲ್ಪ ಕಾಂಡೆರ್ದಿಂಚಿ ಮಾಮಲ್ಲ ಪೊರ್oಬಾಟೊಗಾದ್ ಎನ್ ಐಟಿಕೆ ಕೈತಲ್ ಸಾರ ಜನಕುಲು ಬತ್ತ್ ದಿತ್ತೆರ್.

ಸುರತ್ಕಲ್ ಟೋಲ್ ಹೋರಾಟ ಸಮಿತಿದ ಪ್ರಮುಖೆರಾಯಿನ ಮುನೀರ್ ಕಾಟಿಪಳ್ಳ, ಪ್ರತಿಭಾ ಕುಳಾಯಿ, ಮಾಜಿ ಶಾಸಕೆರ್ ಐವನ್ ಡಿಸೋಜ, ಶಕುಂತಳಾ ಶೆಟ್ಟಿ, ಜೆ.ಆರ್.ಲೋಬೊ, ಮೊಯ್ದಿನ್ ಬಾವ, ಮಿಥುನ್ ರೈ, ಶಶಿಧರ್ ಹೆಗ್ಡೆ, ಬಿ.ಕೆ.ಇಮ್ತಿಯಾಝ್ ಪೊರ್oಬಾಟಡ್ ಇತ್ತೆರ್. ಸೋಮಾರ ಬಯ್ಯರ್ದಿಂಚಿ ಟೋಲ್ ಗೇಟ್ ಕೈತಲ್ ಪೊಲೀಸ್ ಬಂದೋಬಸ್ತ್ ವ್ಯವಸ್ಥೆ ಮಲ್ತ್ ದಿತ್ತೆರ್. 10 ಕೆಎಸ್ಆರ್ ಪಿ ತುಕಡಿ , 5 ಸಿಆರ್ ಪಿಎಫ್ ತುಕಡಿ ಸೇರಿನಂಚನೆ 450 ಪೊಲೀಸ್ ಕಾನ್ಸ್ ಸ್ಟೆಬಲ್ ಅಂಚನೆ 40 ಜನ ಅಧಿಕಾರಿಲು ಇತ್ತೆರ್.

ಸ್ವಾಮಿ ಕೊರಗಜ್ಜನ ಆದಿ ಕುತ್ತಾರ್ ಡ್ ಜೈ ತುಳುನಾಡ್ ಸೇವಾ ಚಾರಿಟೇಬಲ್ ಟ್ರಸ್ಟ್ ರ್ದ್ ರವೀಂದ್ರ ಮೇರೆಗ್ ಪಣವುದ ಸಕಾಯ

Oct 17, 2022

ಸ್ವಾಮಿ ಕೊರಗಜ್ಜನ ಆದಿ ಕುತ್ತಾರ್ ದ ದಿವ್ಯಸನ್ನಿಧಾನಡ್ ಜೈ ತುಳುನಾಡ್ ಸೇವಾ ಚಾರಿಟೇಬಲ್ ಟ್ರಸ್ಟ್ ಸಂಸ್ಥೆದ ಸರ್ವ ಸದ್ಯಸೆರೆರ್ದ್ ಬೊಕ್ಕ ದಾನಿಲೆನ ಸಕಾಯರ್ದ್ 96 ನೇ ಯೋಜನೆದ ಪಲಾನುಭವಿ ಆಯಿನ ಬಡಕುಟುಂಬದ ರವೀಂದ್ರ ಮೇರೆಗ್ ವೈದ್ಯಕೀಯ ಚಿಕಿತ್ಸೆಗಾದ್ ಪಣವುದ ಸಕಾಯನ್ ಕೊರ್ಯೆರ್.

ಮೇರ್ ಆನೆಕಾರ್ ಸಮಸ್ಯೆ ಡ್ ಉಲ್ಲೆರ.ಮೇರೆಗ್ 20,000 ರೂ.ಚೆಕ್ ಕೊರ್ಯೆರ್. ಈ ಸೇವಾ ಯೋಜನೆದ ಯಶಸ್ವಿದೊಟ್ಟಿಗೆ 96 ನೇ ಸಕಾಯ ಯೋಜನೆದ ಯಶಸ್ವಿಗ್ ಮೂಲ ಕಾರಣಕರ್ತೆರಾಯಿನ ಸಂಸ್ಥೆದ ಸರ್ವಸದಸ್ಯೆರ್ ಬೊಕ್ಕ ದಾನಿಲೆಗ್ ಸೇರುಂಡು ಪಂದ್ ಜೈ ತುಳುನಾಡ್ ಅಧ್ಯಕ್ಷೆ ರ್ ಸವಿತಾ ಕಾಂಚನ್ ಪಂಡೆರ್. ಅಂಚನೆ ಎಂಕಲೆನೊಟ್ಟಿಗೆ ಈ ಯೋಜನೆ ಯಶಸ್ವಿ ಆಯೆರೆ ಸಹಕರ ಮಲ್ತ್ ದ್, ಪ್ರೋತ್ಸಾಹ ಮಲ್ತಿನ ಸರ್ವೆರೆಗ್ಲಾ ಸೊಲ್ಮೆಲು, ಇಂಚನೆ ನನಲ ನಿಕುಲೆನ ಸಕಾಯ ಇಪ್ಪಡ್ ಪಂದ್ ಪಂಡೆರ್.