mangakire

ಬೆದ್ರ : ‘ಕೋಟಿ- ಚೆನ್ನಯ’ ಜೋಡುಕರೆ ಕಂಬಳ ಗ್ ಚಾಲನೆ

ಬೆದ್ರ : ‘ಕೋಟಿ-ಚೆನ್ನಯ’ ಜೋಡುಕರೆ ಕಂಬಳ ಸಮಿತಿ ಒಟ್ಟು ಸೇರಿಗೆಡ್ ಕಡಲಕೆರೆ ನಿಸರ್ಗಧಾಮದ ವೀರರಾಣಿ ಅಬ್ಬಕ್ಕ ಸಂಸ್ಕೃತಿ ಗ್ರಾಮದ ಜೋಡುಕರೆಟ್ 19ನೇ ವರ್ಷದ ಬೊಲ್ಪುದ ಕಂಬಳಗ್ ಇನಿ ಬೆಳಗ್ಗೆ ಚಾಲನೆ ಕೊರಿಯೆರ್ .ಕ್ರೈಸ್ತ ಧರ್ಮಗುರು ವಂ.ವಾಲ್ಟರ್ ಡಿಸೋಜ, ಆಲಂಗಾರು ಶ್ರೀಮಹಾಲಿಂಗೇಶ್ವರ ದೇವಳದ ಪ್ರಧಾನ ಭಟ್ರ್ ಆಯಿನ ಈಶ್ವರ ಭಟ್, ಪುತ್ತಿಗೆ ನೂರಾನಿ ಮಸೀದಿ ಧರ್ಮಗುರು ಜಿಯಾವುಲ್ಲ ಬೊಕ್ಕ ಕುಂಟಾಡಿ ಸುಧೀರ್ ಹೆಗ್ಡೆ, ಮೂಡುಬಿದಿರೆ ಚೌಟರ ಅರಮನೆತ ಕುಲದೀಪ‌ ಎಂ. ಕಂಬಳ ಉದಿಪನ ಮಲ್ತೆರ್ .

ಗುತ್ತುದ ಇಲ್ಲದ ಶೈಲಿದ ಮತ್ತರ್ಮೆನ್ ಎಂ.ಆರ್.ಪಿ.ಎಲ್. ಆಡಳಿತ ನಿರ್ದೇಶಕ ವೆಂಕಟೇಶ್ ಉದಿಪನ ಮಲ್ತೆರ್, ಕುಡ್ಲ ಪೇಂಟೆದ ಪೊಲೀಸ್ ಆಯುಕ್ತ ಎನ್. ಶಶಿಕುಮಾರ್ ಮಾಲೆ ಪಾರ್ದ್ ಪಾತೆರ್ದ್ , ಕಂಬಳ ಪನ್ಪಿನವು ಕಾಲಿ ಕ್ರೀಡೆ ಅತ್ತ್ , ಉಂದು ತುಲುನಾಡ್ ದ ಸಂಸ್ಕೃತಿ ಪಂದ್ ಪಂಡೆರ್ .

‘ಪದ್ಮಶ್ರೀ’ ಪುರಸ್ಕೃತ ಹರೇಕಳ ಹಾಜಬ್ಬ ಬೊಕ್ಕ ಇಂಡಿಯನ್ ಐಡಲ್ ಫೈನಲಿಸ್ಟ್ ನಿಹಾಲ್ ತಾವ್ರೋ ಮೆಕ್ಲೆನ್ ಈ ಪೊರ್ತುಡು ಮಾನಾದಿಗೆ ಮಲ್ತೆರ್.ಕಂಬಳ ಸಮಿತಿ ಗುರ್ಕಾರ್ಲಾಯಿನ , ಶಾಸಕ ಉಮಾನಾಥ ಕೋಟ್ಯಾನ್, ಮಾಜಿ‌ ಗುರ್ಕಾರ್ಲಾಯಿನ ಕೆ.ಅಭಯಚಂದ್ರ ಜೈನ್, ಮೂಡುಬಿದಿರೆ ಪುರಸಭೆ ಗುರ್ಕಾರ್ಲಾಯಿನ ಪ್ರಸಾದ್ ಕುಮಾರ್, ಕಂಬಳ ಅಕಾಡೆಮಿ ಸಂಚಾಲಕ ಗುಣಪಾಲ ಕಡಂಬ, ಮೂಡುಬಿದಿರೆ ಕಂಬಳ ಸಮಿತಿ ಕೋಶಾಧಿಕಾರಿ ಭಾಸ್ಕರ್ ಎಸ್.ಕೋಟ್ಯಾನ್, ಕಂಬಳ ಬಹುಭಾಷ ಸಿನಿಮಾ ನಿರ್ದೇಶಕ ರಾಜೇಂದ್ರಬಾಬು ಸಿಂಗ್, ನಟ ಗೋಪಿನಾಥ್ , ಬಿಜೆಪಿ ಜಿಲ್ಲಾಧ್ಯಕ್ಣ ಸುದರ್ಶನ್ ಎಂ. ಪಾಲ್ ಪಡೆದಿತ್ತೆರ್.