ಇಡ್ಕಿದು ಗ್ರಾಮ ಪಂಚಾಯತ್ ಬೊಕ್ಕ ಚತುರ್ವಿ ಗ್ರಾಮ ಒನ್ ಸೇವಾ ಕೇಂದ್ರ ನೆತ್ತ ಒಟ್ಟು ಸೇರಿಗೆಡ್ ಆರೋಗ್ಯ ಭಾರತ ಹೆಲ್ತ್ ಕಾರ್ಡ್ ಅಭಿಯಾನ
ಇಡ್ಕಿದು: ಇಡ್ಕಿದು ಗ್ರಾಮ ಪಂಚಾಯತ್ ಬೊಕ್ಕ ಚತುರ್ವಿ ಗ್ರಾಮ ಒನ್ ಸೇವಾ ಕೇಂದ್ರ ನೆತ್ತ ಜಂಟಿ ಆಶ್ರಯಡ್ ಧರ್ಮಗ್ ಆರೋಗ್ಯ ಭಾರತ ಹೆಲ್ತ್ ಕಾರ್ಡ್ ಅಭಿಯಾನ ಸೆ.25 ಐತಾರ ಬೊಲ್ಪುಗ್ 9.30 ರ್ದ್ 4.30 ಮುಟ್ಟ ಗ್ರಾಮ ಪಂಚಾಯತ್ ಸಭಾಂಗಣಡ್ ನಡಪರೆ ಉಂಡು.
ಕಾರ್ಡ್ ಮಲ್ಪರೆ ಬನ್ನಗ ಆಧಾರ್ ಕಾರ್ಡ್, ರೇಷನ್ ಕಾರ್ಡ್, ಆಧಾರ್ ಗ್ ಜೋಡನೆ ಆಯಿನ ಪೋನ್ ನಂಬರ್ ನ ಪತ್ತೊಂದ್ ಬರೊಡು.
ಅಂಚನೆ ಬನ್ನಗ ಇಲ್ಲದ ಮಾತ ಸದಸ್ಯೆರೆನ ಆರೋಗ್ಯ ಭಾರತ ಹೆಲ್ತ್ ಕಾರ್ಡ್ ನ್ ಒರಿ ಮಲ್ಪೋಲಿ. ಅಂಚನೆ ಬನ್ನಗ ಮತೆರ್ನಾಲ ಆಧಾರ್ ಕಾರ್ಡ್ ಪತ್ತೊಂದ್ ಬರೊಡ್. ಈ ಕಾರ್ಡ್ ರ್ದ್ ಬಿ.ಪಿ.ಎಲ್ ಕಾರ್ಡ್ ದಕುಲೆಗ್ 5 ಲಕ್ಷ ಮುಟ ಧರ್ಮಗ್ ಮರ್ದ್, ಎ.ಪಿ.ಎಲ್ ಕಾರ್ಡ್ ದಕುಲೆಗ್ ಮರ್ದ್ ದ ಬಿಲ್ ಡ್ 1.50 ಲಕ್ಷ ಮುಟ್ಟ ರಿಯಾಯಿತಿ ಉಂಡು. ಈ ಅಭಿಯಾನಗ್ ಮತ ಗ್ರಾಮಸ್ಥೆರ್ಲಾ ಬತ್ತ್ಂದ್ ನೆತ್ತ ಉಪಯೋಗನ್ ಪಡೆವೊಡು ಪಂದ್ ಉಪಾಧ್ಯಕ್ಷೆರ್ ಯಶೋದಾ, ಅಧ್ಯಕ್ಷೆರ್ ಎಂ. ಸುಧೀರ್ ಕುಮಾರ್ ಶೆಟ್ಟಿ, ಬೊಕ್ಕ ಪಂ.ಅ. ಅಧಿಕಾರಿ ಗೋಕುಲ್ ದಾಸ್ ಭಕ್ತ ಬೊಕ್ಕ ಸರ್ವಸದಸ್ಯೆರ್ ಬೊಕ್ಕ ಇಡ್ಕಿದು ಗ್ರಾಮ ಪಂಚಾಯತ್ ಸಿಬ್ಬಂದಿ ವರ್ಗ ಲೆಪ್ಪೋಲೆಡ್ ತೆರಿಪಾದೆರ್.
