kudla

ದೇವೆರೆ ಎಂಕ್ 25 ಕೋಟಿ ಲಾಟ್ರಿ ಬರ್ರೆ ಬಲ್ಲಿತ್ತ್ಂಡ್ ಪಂಡೆರ್ ಕೇರಳದ ರಿಕ್ಷಾ ಡೈವರ್!

ತಿರುವನಂತಪುರ: ಕೇರಳ ಸರ್ಕಾರದ ಈ ವರ್ಷದ ಓಣಂ ಲಕ್ಕಿ ಬಂಪರ್ ಲಾಟರಿ ಡ್ರಾಟ್ಟ್ ರಿಕ್ಷಾ ಡ್ರೈವರ್ , ಶ್ರೀವರಂ ದ ಅನೂಪ್ ಗ್ 25 ಕೋಟಿ ರೂ. ಲಾಟ್ರಿ ಗೆಂದ್ ದ್ ಒಂಜೆ ದಿನಟ್ ಸುದ್ದಿ ಆದಿತ್ತೆರ್. ಆಂಡ ಇತ್ತೆ ಆ ವಿಚಾರೊಡೇ ನೆಮ್ಮದಿ ಕಳೆವೊಂದು ಎಂಕ್ ಆ ಲಾಟ್ರಿ ತಿಕ್ಕರೆ ಬಲ್ಲಿತ್ತ್ಂಡ್ ಪಂದ್ ಮಂಡೆ ಬೆಚ್ಚ ಮಲ್ತೊಂದುಲ್ಲೆರ್.

“25 ಕೋಟಿ ಇನಾಮು ಎಂಕ್ ಬತ್ಂಡ್ ಪಂದ್ ವಿಷಯ ಮಾತೆರೆಗ್ಲ ಗೊತ್ತಾಯಿ ಬೊಕ್ಕ ಎನ್ನ ಮನಶಾಂತಿನ್ ಲ ಕಳೆವೊನ್ಂದೆ. ಯಾನ್ ಎನ್ನ ಸ್ವಂತ ಇಲ್ಲಲ್ ಕುಲ್ಲೆರೆ ಅವಂದಿನ ಪರಿಸ್ಥಿತಿ ಬತ್ಂಡ್. ದಾಯೆ ಪಂಡ ಲಾಟ್ರಿ ಬತ್ತಿನ ಸುದ್ದಿ ಕೇನ್ದ್ ಇಲ್ಲಡೆ ಸುಮಾರ್ ಜನ ಬತ್ತ್ ದ್ ಇತ್ತೆರ್. ಕಾಸ್ ದ ನೆರವುಲ ಕೇನೊಂದ್ ಉಲ್ಲೆರ್. ಯಾನ್ ಇತ್ತೆ ಬದಲಾತೆ, ಎಂಕ್ ಲಾಟ್ರಿ ಗೆಲ್ಪುನ ಇತ್ತಿನ ಮಾತ ಮನಶಾಂತಿ ಕಳೆವೊಂದೆ, ಪಂದ್ ರಿಕ್ಷಾ ಡ್ರೈವರ್ ಅನೂಪ್ ಆರ್ನ ಬೇನೆನ್ ಪನೊಂದೆರ್.
ತಿರುವನಂತಪುರಡ್ ಶ್ರೀವರಂದ ಅನೂಪ್(30ವರ್ಷ) ರಿಕ್ಷಾ ಬುಡುಪುನರ್, 25 ಕೋಟಿ ರೂ. ಬಂಪರ್ ಇನಾಮ್ ಗೆಂದ್ ದೆರ್. ತೆರಿಗೆ ಬೊಕ್ಕ ಕಮಿಷನ್ ಕರಿತ್ಂದ್ 15.75 ಕೋಟಿ ರೂ. ದೆತ್ತೊನಿಯೆರೆ ಉಲ್ಲೆರ್. ಅನೂಪ್ ಅರ್ ಬೊಡೆದಿ, ಜೋಕುಲ್ ಬೊಕ್ಕ ಅಮ್ಮನ ಒಟ್ಟಿಗೆ ಇಪ್ಪುನೆ.

“ಆಂಡ ಎನ್ ಇತ್ತೆ ನಿಜವಾದ್ ಲ ದಾದ ಎನ್ನಿವೆ ಪಂಡ ಎನ್ ಆ ಬಂಪರ್ ಇನಾಮ್ ನ ಗೆಲ್ಪೆರೆ ಬಲ್ಲಿ ಇತ್ತ್ಂಡ್ . ಇನಾಮ್ ಗೆಲ್ತ್ಂದ್ ಒಂಜಿ ರಡ್ ದಿನ ಎನ್ ಮತೆರ್ ನೊಟ್ಟಿಗೆಲ ಖುಷಿಟ್, ಪುದರ್ ಪೂಯೆ. ಆಂಡ ಇತ್ತೆ ಎಂಕ್ ಅಪಾಯಗ್ ಸಾದಿ ಮಲ್ತ್ ಕೊರಿಲೆಕ ಆತ್ಂಡ್. ಎಂಕ್ ಪಿದಯಿ ಪೊಯೆರೆ ಆವೊಂದು ಇಜ್ಜಿ. ಎನನ್ ತೂಯಿನ ಅಪಗನೇ ಜನಕುಲು ಸಕಾಯ ಮಲ್ಪುಲೆ ಪಂದ್ ಮೇಲ್ಗ್ ಬುರ್ವೆರ್ ಪಂದ್ ಅನೂಪ್ ಪನ್ನನೆನ್ ವರದಿ ಪತ್ಂಡ್.

ಬಂಪರ್ ಇನಾಮ್ ದ ಕಾಸ್ ಎಂಕ್ ನನ ತಿಕ್ಕೊಂಡತೆ ಪಂದ್ ಅನೂಪ್ ಸಾಮಾಜಿಕ ಜಾಲತಾಣಡ್ ಜನಕುಲೆಗ್ ವಿಷಯ ತೆರಿಪಾದೆರ್. ಯಾನ್ ಇತ್ತೆ ಈ ಕಾಸ್ ನ ದಾದ ಮಲ್ಪೊಡು ಪಂದೆ ಗೊತ್ತವೊಂದ್ ಇಜ್ಜಿ. ಈ ಬಗೆಟ್ ಎಂಕ್ ಬತ್ತಿನ ಮತ ಕಾಸ್ ನ್ಲಾ 2 ವರ್ಷ ಮುಟ ಬ್ಯಾಂಕ್ ಡ್ ದೀಪೆ. ಎಂಕ್ ಆ ಇನಾಮ್ ದ ಕಾಸ್ ಬರಿಯೆರೆ ಬಲ್ಲಿ ಇತ್ತ್ಂಡ್ ಪಂದ್ ಎನ್ನಿವೆ. ಎಂಕ್ ಕಮ್ಮಿ ಕಾಸ್ ಬತ್ಂದ್ ಡ ಎಡ್ಡೆ ಇತ್ಂಡ್ ಪಂದ್ ಅನೂಪ್ ಪಂತೆರ್.
ಎಂಕ್ ಮಸ್ತ್ ಮುಟ್ಟ ಇತ್ತಿನ ಕೆಲವು ದೋಸ್ತಿನಕುಲ್ ಶತ್ರುಲು ಅಪುನ ಅಡೆ ಮುಟ ಬತ್ ದೆರ್. ಎನನ್ ನಾಡೊಂದು ಸುಮಾರ್ ಜನ ಬರ್ಪುನೆರ್ದ್ ಅವೆರ ಎನ್ನ ಕಯಿತ್ತಲ್ ಇಲ್ಲ ದಕುಲ್ ಸಮೇತ ಎನ್ನ ಮಿತ್ ಬೆಚ್ಚ ಆತೆರ್. ಯಾನ್ ಮಾಸ್ಕ್ ಪಡ್ಂದ್ ಪಿದಯಿ ಪೋಂಡಲ, ಎನ್ನ ಸುತ್ತ ಜನಕುಲ್ ಗುಂಪು ಸೇರ್ವೆರ್. ನೆರ್ದ್ ಅವೆರ ಎನ್ನ ಮನಸ್ ದ ಶಾಂತಿ ಪುರ ಅಲ್ ಅದ್ ಪೋತ್ಂಡ್ ಪಂದ್ ಅನೂಪ್ ಬೇಜಾರ್ ಅತೆರ್ಂದ್  ವರದಿ ತೆರಿಪದ್ಂಡ್.