kargilvijaydiwas

ಟೀಮ್ ಸಂರಕ್ಷಣಾ ವತಿರ್ದ್ 27ನೇ ಕಾರ್ಗಿಲ್ ವಿಜಯ್ ದಿವಸ್ ಆಚರಣೆ

ಕುಡ್ಲ :ಟೀಮ್ ಸಂರಕ್ಷಣಾ ವತಿರ್ದ್ 27ನೇ ಕಾರ್ಗಿಲ್ ವಿಜಯ್ ದಿವಸ್ ಅಂಗವಾದ್ ಕದ್ರಿಡ್ ಇಪ್ಪುನ ಯುದ್ಧ ಸ್ಮಾರಕಡ್ ದೇಶಗಾದ್ ಪ್ರಾಣತ್ಯಾಗ ಮಲ್ತಿನ ವೀರ ಯೋಧೆರೆಗ್ ಪುರ್ಪ ಸಂದೈತ ಮಲ್ಪುನ ಒರುಟು ಗೌರವ ನಮನ ಸಂದಾಯೆರ್ .

ಕಾರ್ಯಕ್ರಮಡ್ ಭಾರತೀಯ ವಾಯುಪಡೆತ ಮಾಜಿ ಸಾರ್ಜೆಂಟ್ ಅಂಚೆನೆ ಭಾರತದ ನಿಯಂತ್ರಕ ಬೊಕ್ಕ ಮಹಾಲೆಕ್ಕ ಪರಿಶೋಧಕರ (C&AG) ಕಚೇರಿದ ನಿವೃತ್ತ ಹಿರಿಯ ಲೆಕ್ಕಪರಿಶೋಧಕೆರ್ ಪ್ರಭಾಕರ ಗುಂಡೇರ ಮೇರ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಕಾರ್ಗಿಲ್ ವಿಜಯ್ ದಿವಸದ ಮಹತ್ವ, ಭಾರತೀಯ ಸೈನಿಕೆರೆನ ಶೌರ್ಯ, ತ್ಯಾಗ ಅಂಚೆನೆ ದೇಶಭಕ್ತಿದ ಬಗೆಟ್ ಪಾತೆರಿಯೆರ್.
ಯುವಜನತೆ ದೇಶದ ಭದ್ರತೆ ಬೊಕ್ಕ ರಾಷ್ಟ್ರಪ್ರೇಮದ ಮೌಲ್ಯಲೆನ ಉಡಲ್ ಡ್ ದಿಂಜಾವೊಡು ಪಂಡೆರ್.

ಈ ಪೊರ್ತುಡು ಟೀಮ್ ಸಂರಕ್ಷಣದ ಪದಾಧಿಕಾರಿಲು ಪಾಲ್ ಪಡೆದ್ ದೇಶದ ರಕ್ಷಣೆಗಾದ್ ತನ್ನ ಪ್ರಾಣತ್ಯಾಗ ಮಲ್ತಿನ ವೀರ ಯೋಧೆರೆಗ್ ಮೌನಾಚರಣೆ ಮಲ್ತ್ ದ್ ಗೌರವ ನಮನ ಸಂದಾಯೆರ್ .