Fri. Jul 3rd, 2026

#Kabaka

ಸೆ.25 : ಕಬಕ ಶ್ರೀ ಮಹಾದೇವಿ ಯುವಕ ಮಂಡಲದ ಆಶ್ರಯಡ್ ಕಬಡ್ಡಿ ಗೊಬ್ಬುದ ಪಂತೊ

ಕಬಕ : ಶ್ರೀ ಮಹಾದೇವಿ ಯುವಕ ಮಂಡಲ(ರಿ) ಕಬಕ ನೆತ್ತ ಆಶ್ರಯಡ್ ಕಬಕ ಶ್ರೀ ಮಹಾದೇವೀ ದೇವಸ್ಥಾನದ 53 ನೇ ನವರಾತ್ರಿ ಉಚ್ಚಯದ ಲೆಕ್ಕಡ್ ಕಬ್ಬಡ್ಡಿ ಗೊಬ್ಬು ಸೆ. 25 ಐತಾರದಾನಿ ಶ್ರೀ ಅಡ್ಯಲಾಯ ಕ್ರೀಡಾಂಗಣ, ಕಬಕಡ್ ನಡಪರೆ ಉಂಡು.

ಈ ಗೊಬ್ಬುಡ್ ಇಡ್ಕಿದು, ಕುಳ, ಪಡ್ನೂರು,ಕಬಕ, ಕೆದಿಲ, ಕೊಡಿಪ್ಪಾಡಿ ಗ್ರಾಮದಕುಲೆಗ್ ಮಾತ್ರ ಗೊಬ್ಬೆರೆ ಅವಕಾಶ ಉಂಡು.
ಅಂಚನೆ ಗೆಂದಿನಕಲೆಗ್ ಒಂಜಿನೆ ಇನಾಮು 3000 ರೂ.ಬೊಕ್ಕ ಶಾಶ್ವತ ಫಲಕ, ರಡ್ಡನೇ ಇನಾಮು 2000 ರೂ. ಬೊಕ್ಕ ಶಾಶ್ವತ ಫಲಕ, ಮೂಜಿನೆ ಇನಾಮು 1000ರೂ. ಬೊಕ್ಕ ಶಾಶ್ವತ ಫಲಕ, ನಾಲನೇ ಇನಾಮು 1000 ಬೊಕ್ಕ ಶಾಶ್ವತ ಇನಾಮು .
ಅಂಚನೆ ಎಡ್ಡೆ ಗೊಬ್ಬುನಕುಲೆಗ್, ಕ್ಯಾಚರ್ ಬೊಕ್ಕ ಆಲ್ ರೌಂಡರ್ ‌ನಕಲೆನ್ಲಾ ಗುರುತಿಸಯೆರೆ ಉಂಡು. ಅಂಚನೆ ಇಸೇಸವಾದ್ ಈ ಗೊಬ್ಬುಡ್ ಗೊಬ್ಬುನಕುಲ್ ಹಿಂದುಲು ಮಾತ್ರ ಆದಿಪ್ಪೋಡು. ಬೊಕ್ಕ ಗೊಬ್ಬೆರೆ 200 ರೂ. ಕಟ್ಟೋಡು, ಸೆ. 24 ಸನಿವಾರದಾನಿ ಲಾಡ್ಸ್ ದೆಪ್ಪೆರೆ ಅಪುಂಡು. ಬೊಕ್ಕ ಗೊಬ್ಬುನಕುಲೆಗ್ ಗೊಬ್ಬು ಇಪ್ಪುನಾನಿ‌ ಬೊಲ್ಪುಗ್ 9 ಗಂಟೆರ್ದ್ ದುಂಬು ಬರೋಡ್. ಅಂಚನೆ ತೀರ್ಪುಗಾರೆರ್ನ ತೀರ್ಮಾನನೇ ಕಡೆ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಕಬಕ : ಪೋವೊಂದಿತ್ತಿನ ರೈಲ್‌ಡ್ 8 ಲಕ್ಷ ಬಿಲೆತ್ತ ಸೊತ್ತುಲೆನ್ ಕಂಡಿನ ಕಲ್ವೆ

ಪುತ್ತೂರ್: ಪೋವೊಂದಿತ್ತಿನ ರೈಲ್ ರ್ದ್ ಪೊಂಜೊವು ಒರ್ತಿನ ಲಕ್ಷಾಂತರ ರೂಪಾಯಿದ ಬಂಗಾರ್ ಬೊಕ್ಕ ಕಾಸ್ ಇತ್ತಿನ ವ್ಯಾನಿಟಿ ಬ್ಯಾಗ್ ನ್ ಕಂಡ್ ದ್ ಆರೋಪಿ ಪದ್ರಾಡ್ ಆಯಿನ ಘಟನೆ ಕಬಕದ ಪುತ್ತೂರ್ ರೈಲ್ವೇ ಸ್ಟೇಷನ್‌ಡ್ ನಡತ್‌ದ್ಂಡ್.

ಕಬಕ ಪುತ್ತೂರ್ ರೈಲ್ವೇ ಸ್ಟೇಷನ್ ದ ಕೈತಲ್ 1.ಕಿ.ಮೀ. ದೂರದ ಹಾರಾಡಿ, ಸಿಟಿ ಗುಡ್ಡೆ ನಡುಟ್ ಬೆಂಗ್ಲೂರ್ದು ಕಾರವಾರಗ್ ಪೋವೊಂದಿತ್ತಿನ ರೈಲ್ ಡ್ ಈ ಘಟನೆ ನಡತ್‌ದ್ಂಡ್. ರಮೇಶ್ ಬೊಕ್ಕ ನಿರ್ಮಲಾ ಮೆರೆನ 40 ಸಾರ ಕಾಸ್ ಬೊಕ್ಕ ಬಂಗಾರ್ ಸೇರ್ದ್ ಒಟ್ಟು 8 ಲಕ್ಷ ಬಿಲೆತ್ತ ಸೊತ್ತುಲೆನ್ ಕಲ್ವೆ ಕಂಡೊಂದ್ ಪೋತೆ. ಈ ಬಗೆಟ್ ಕುಡ್ಲ ರೈಲ್ವೆ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್‌ದೆರ್.

ಪುತ್ತೂರ್ : ಕಬಕಡ್ ಸಾರ್ವಕರ್ ತೇರ್ ಗ್ ತಡೆ ಮಲ್ತಿನ ಪ್ರಕರಣ – 4 ಆರೋಪಿಲೆನ ಬಂಧನ

ಪುತ್ತೂರ್: ಆಗೋಸ್ಟ್ 15ನೇ ದಾನಿ ಕಬಕಡ್ ಸಾರ್ವಕರ್ ಭಾವಚಿತ್ರ ಇಪ್ಪುನ ಸ್ವಾತಂತ್ರ್ಯ ತೇರುಗ್ ಅಡ್ಡಿ ಮಲ್ತಿನ ಪ್ರಕರಣಗ್ ಸಂಬಂಧಿಸಾದ್ 4 ಆರೋಪಿಲೆನ್ ಪುತ್ತೂರ್ ನಗರ ಪೊಲೀಸ್ ಠಾಣೆದ ಪೊಲೀಸೆರ್ ಬಂಧಿಸಾದೆರ್.

ಕಬಕದ ನೌಹಾದ್, ಮಹಮ್ಮದ್ ಹಾರಿಸ್, ಮಹಮ್ಮದ್ ತೌಸೀಪ್, ಸಂಶುದ್ದೀನ್ ಬಂಧಿತ ಆರೋಪಿಲ್. ಮುಕುಲ್ನ ನಿರೀಕ್ಷಣಾ ಜಾಮೀನ್ ದ ಅರ್ಜಿನ್ 5ನೇ ಹೆಚ್ಚುವರಿ ಜಿಲ್ಲಾ ನ್ಯಾಯಾಲಯ ತಿರಸ್ಕರಿಸಾದುಂಡು.

ಕಬಕ ಸ್ವರಾಜ್ಯ ತೇರುಗು ಅಡ್ಡಿ ಮಲ್ತಿನ ಪ್ರಕರಣ ;4 ಜನತ ನಿರೀಕ್ಷಣಾ ಜಾಮೀನ್ ಅರ್ಜಿನ್ ತಿರಸ್ಕಾರ ಮಲ್ತಿನ ನ್ಯಾಯಾಲಯ

ಪುತ್ತೂರ್ ಸೆ.2: ಕಬಕ ಗ್ರಾಪಂ ವ್ಯಾಪ್ತಿಡ್ ಸ್ವಾತಂತ್ರ್ಯೋತ್ಸವದ ಸಂದರ್ಭಡ್ ಕಬಕ ಗ್ರಾಪಂದ ಗ್ರಾಮ ಸ್ವರಾಜ್ಯ ತೇರುಗು ಅಡ್ಡಿ ಮಲ್ತಿನ ಪ್ರಕರಣಗ್ ಸಂಬಂಧಿಸಾದ್ 4 ಆರೋಪಿಲೆನ್ ಕೊರ್ತಿನ ನಿರೀಕ್ಷಣಾ ಜಾಮೀನ್ ಅರ್ಜಿನ್ 5ನೇ ಹೆಚ್ಚುವರಿ ಜಿಲ್ಲಾ ನ್ಯಾಯಾಲಯ ತಿರಸ್ಕಾರಿಸಾದುಂಡು.

ಪ್ರಕರಣಗ್ ಸಂಬಂಧಿಸಾದ್ ಏಳು ಆರೋಪಿಲೆನ ವಿರುದ್ಧ ಪುತ್ತೂರು ನಗರ ಪೊಲೀಸೆರ್ ಪ್ರಕರಣ ದಾಖಲೆ ಮಲ್ತೊಂದಿತ್ತೆರ್. 3 ಆರೋಪಿಲೆನ್ ಪೊಲೀಸೆರ್ ಬಂಧಿಸಾದು, ಅಕುಲೆಗ್ ನ್ಯಾಯಾಂಗ ಬಂಧನ ವಿಧಿಸಾದಿತ್ತುಂಡು. ಈ ನಡುಟ್ ಮೂಜಿ ಆರೋಪಿಲೆಗ್ ಪುತ್ತೂರು ನ್ಯಾಯಾಲಯ ವಿಚಾರಣೆ ಮಲ್ತುದು ಜಾಮೀನು ಮುಂಜೂರು ಮಲ್ತುದಿತ್ತುಂಡು. ಒರಿನ 4 ಆರೋಪಿಲ್ ನೌಶಾದ್, ಮುಹಮ್ಮದ್ ಹಾರಿಸ್, ಮಹಮ್ಮದ್ ತೌಸೀಫ್ ಅಂಚನೆ ಸಂಶುದ್ದೀನ್ ಮುಕುಲು ನಿರೀಕ್ಷಣಾ ಜಾಮೀನ್ ಗು ಅರ್ಜಿ ಸಲ್ಲಿಸಾದಿತ್ತೆರ್. 5ನೇ ಹೆಚ್ಚುವರಿ ಜಿಲ್ಲಾ ನ್ಯಾಯಾಲಯ ಆರೋಪಿಲೆನ ಜಾಮೀನು ಅರ್ಜಿನ್ ತಿರಸ್ಕರಿಸಾದುಂಡು.

You Missed