ನನ ತಿಕ್ಕುಂಡುಗೆ 10 ರೂ.ಗ್ ವಣಸ್
ದಿಲ್ಲಿ: ಕೇಂದ್ರ ಸರ್ಕಾರ ಇಡೀ ದೇಶೊಡು ಸಬ್ಸಿಡಿ ಆಧಾರಿತ ಕ್ಯಾಂಟೀನ್ ಯೋಜನೆನ್ ಸುರು ಮಲ್ಪರೆ ಆಲೋಚನೆ ಮಲ್ದ್ಂಡ್. ಒಂಜಿ ವೇಳೆ ಈ ಯೋಜನೆ ಸುರುವಾಂಡ ಜನೊಕ್ಲೆಗ್ ಬಾರಿ ಕಮ್ಮಿ ಕಾಸ್ಡ್ ಪಂಡ 10ರೂ.ಗ್ ಒಂಜಿ ವಣಸ್ ತಿಕ್ಕುನ ಸಾಧ್ಯತೆ ಉಂಡು.
ಕರ್ನಾಟಕಡ್ ಇಂದಿರಾ ಕ್ಯಾಂಟೀನ್, ತಮಿಳ್ನಾಡ್ಡ್ ಅಮ್ಮಾ ಕ್ಯಾಂಟೀನ್ ಯೋಜನೆ ಇತ್ತಿಲೆಕ್ಕನೆ ಅವೆರ್ದ್ ಸುಧಾರಿತ ರೀತಿಡ್ ಸಬ್ಸಿಡಿ ಕ್ಯಾಂಟೀನ್ ಸುರು ಮಲ್ಪರೆ ಕೇಂದ್ರ ಸರಕಾರ ಚಿಂತನೆ ಮಲ್ತೊಂದುಂಡು ಪಂದ್ ತೆರಿದ್ ಬೈದ್ಂಡ್.
ಸದ್ಯೊಗು ಚಾಲನೆಡ್ ಉಪ್ಪುನ ಪಿಎಂ ಗರೀಬ್ ಕಲ್ಯಾಣ ಯೋಜನೆ ಬೊಕ್ಕ ಆಹಾರ ಸಬ್ಸಿಡಿ ಯೋಜನೆದ ಸಾಧಕ ಬಾಧಕ ದಾದ ಪಂದ್ ತೆರಿದ್ ಬೊಕ್ಕ ಈ ಯೋಜನೆ ಜಾರಿಗೆ ಬರ್ಪಿನ ಸಾಧ್ಯತೆ ಉಂಡು.
ಬಡವೆರೆಗ್ 10 ರೂ. ಇಜ್ಜಾಂಡ 15ರೂ. ಗ್ ಒಂಜಿ ವಣಸ್ ಕೊರ್ಪಿನ ನಿಲೆಟ್ಟ್ ಈ ಪ್ರಸ್ತಾವನೆ ಬೈದ್ಂಡ್. ಉಂದೆನ್ ಪರಿಶೀಲನೆ ಮಲ್ತೊಂದುಲ್ಲ ಪಂದ್ ಪಣವುದ ಸಚಿವಾಲಯದ ಅಧಿಕಾರಿಲು ತೆರಿಪಾದೆರ್. ಬಡವೆರ್ ಅಕ್ಲೆನ ರೇಷನ್ ಕಾರ್ಡ್ ಇಜ್ಜಿಡ ಆಧಾರ್ ಕಾರ್ಡ್ ತೋಜಪಾದ್ ಕಡಿಮೆ ಕ್ರಯೊಟ್ಟು ವಣಸ್ ಮಲ್ಪೊಲಿ ಪಂದ್ ಅಯಿತ ವರದಿ ತೆರಿಪಾದ್ಂಡ್.