Dakshina Kannada

ಕೋವಿಡ್ ಪರೀಕ್ಷೆ ಜಾಸ್ತಿ ಮಲ್ಪರೆ ಅಧಿಕಾರಿಲೆಗ್ ಮೇಯರ್ ಸೂಚನೆ

ಕುಡ್ಲ , ಜೂ.10: ಕುಡ್ಲ ಮಹಾನಗರಪಾಲಿಕೆ ವ್ಯಾಪ್ತಿದ ಕೋವಿಡ್ 19 ಪಾಸಿಟಿವ್ ಪ್ರಕರಣಲೆನ್ ನಿಯಂತ್ರಣ ಮಲ್ಪುನ ನೆಲೆಟ್ಟ್ ಕೋವಿಡ್ ಪರೀಕ್ಷೆನ್ ಜಾಸ್ತಿ ಮಲ್ಪರೆ ಮೇಯರ್ ಪ್ರೇಮಾನಂದ ಶೆಟ್ಟಿ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್ .

ಮನಪಾ ಸಭಾಂಗಣಡ್ ನಡತಿನ ಅಧಿಕಾರಿಲೆನ ಸಭೆ ನಡಪಾಯಿನ ಮೇಯರ್, ಮನಪಾ ವ್ಯಾಪ್ತಿಡ್ ಪ್ರಸ್ತುತ 1,226 ಸಕ್ರಿಯ ಪ್ರಕರಣಲು , ಈ ಪೈಕಿ 50ರ್ದ್ ಜಾಸ್ತಿ ಪ್ರಕರಣ ಉಪ್ಪುನ 2 ವಾರ್ಡ್ ಕಂಡು ತೊಜಿದ್ ಬೈದುಂಡು . ನಗರ ವ್ಯಾಪ್ತಿಡ್ ಶೇ.17 ದಾತ್ ಕೋವಿಡ್ ಸೋಂಕಿತೆರ್ನ ಪ್ರಮಾಣ ವರದಿ ಆವೊಂದು ಉಂದು , ಈ ಸೋಂಕಿತ ಪ್ರಕರಣಲೆನ್ ಗಣನೀಯವಾದ್ ಕಮ್ಮಿ ಮಲ್ಪುನ ಅನಿವಾರ್ಯತೆ ಉಂಡು ಪಂದ್ ಪಂಡೆರ್.

ಬೆಂಗ್ಳೂರು ಸೇರಿನoಚ ಕೆಲವು ಕಡೆಟ್ ಯೆಲ್ಲೋ ಅಲರ್ಟ್

ಬೆಂಗ್ಳೂರು, ಜೂನ್ 3: ಹವಾಮಾನ ವರದಿದ ಪ್ರಕಾರ ಜೂನ್​ 6 ಮುಟ ರಾಜ್ಯಡ್ ತೆಡಿಲ್ ಸಹಿತ ಬರ್ಸ ಬರ್ಪಿನ ಸಾಧ್ಯತೆ ಉಂಡು . ಇನಿ ಬೊಕ್ಕ ಎಲ್ಲೇ ತೆಡಿಲ್ ಬರ್ಸ ಬರ್ಪಿನ ಸಾಧ್ಯತೆ ಉಂಡು. ಒಟ್ಟು 17 ಜಿಲ್ಲೆಡ್ ಯೆಲ್ಲೋ ಅಲರ್ಟ್​ ಘೋಷಣೆ ಮಲ್ದೆರ್ . ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಉಡುಪಿ, ಬೀದರ್, ಗದಗ , ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಕೋಲಾರ, ತುಮಕೂರು, ಕಲಬುರ್ಗಿ, ಚಿಕ್ಕಮಗಳೂರು, ಶಿವಮೊಗ್ಗ, ಚಿತ್ರದುರ್ಗ, ಕೊಡಗು, ಹಾಸನ, ಕೊಪ್ಪಳ, ದಾವಣಗೆರೆ ಜಿಲ್ಲೆಡ್ ಇನಿ ಬೊಕ್ಕ ಎಲ್ಲೇ ಯೆಲ್ಲೋ ಅಲರ್ಟ್​ ಘೋಷಣೆಯಾತುಂಡು.