Dakshina Kannada

ಬಿಸು ಪರ್ಬ ಆಚರಣೆ ಮಲ್ಪುನ ಮುಖೇನ ಗೌಜಿಡ್ ಉದಿಪನ ಆಯಿನ ಬೆಂಗ್ಳೂರು ತುಳುಪರ್ಬ -2022

ಬಿಸು ಪರ್ಬ ಆಚರಣೆ ಮಲ್ಪುನ ಮುಖೇನ ಗೌಜಿಡ್ ಉದಿಪನ ಆಯಿನ ಬೆಂಗ್ಳೂರು ತುಳುಪರ್ಬ -2022

ಬೆಂಗ್ಳೂರು : ರಾಜಧಾನಿ ಬೆಂಗ್ಳೂರುದ ಮುಖ್ಯ ತುಳು ಸಾಂಸ್ಕೃತಿಕ ಸಂಘಟನೆ ನಮ್ಮ “ತುಳುವೆರೆಂಕುಲು ಬೆಂಗ್ಳೂರು (ರಿ.)” ಕರಿನ 30 ವರ್ಷರ್ದ್ ತುಳು ಭಾಷೆ,ಸಂಸ್ಕೃತಿ, ಆಚಾರ ವಿಚಾರ, ಕಲೆ-ಕ್ರೀಡೆ-ಸಾಹಿತ್ಯದ ಬುಲೆಚ್ಚಿಲ್ ಗಾದ್ , ಅವ್ವೆತೋ ಸೃಜನಾತ್ಮಕ ಲೇಸ್ ನಡಪಾದ್ ಬೈದುಂಡು .

ವರ್ಷಂಪ್ರತಿ ಬಿಸು ಆಚರಣೆ, ಬಲಿಯೇಂದ್ರ ಪರ್ಬ- ಬಲಿಯೇಂದ್ರ ಪುರಸ್ಕಾರ, ಆಟಿದ ಕೂಟ- ಗ್ರಾಮೀಣ ಕ್ರೀಡಾ ಪಂಥನ್ ಅಟ್ಟನೆ ಮಲ್ತ್ , ಒವ್ವೆ ಜಾತಿ ಮತ, ಪ್ರಾದೇಶಿಕತೆ ತಾರತಮ್ಯ ದಾಂತೆ ರಾಜಧಾನಿಡ್ ತುಳು-ಕನ್ನಡ ಬಂಧುಲೆನ್ ಅವ್ವೆತೋ ಸಂಖ್ಯೆಡ್ ಒಟ್ಟು ಮಲ್ತ್ , ಜನ ಮೆಚ್ಚುಗೆ ಪಡೆತುಂಡು .

ಇನಿ ತಾರೀಖ್ 15-05-2022 ಐತಾರ ಕಾಂಡೆ 9:30 ಗಂಟೆಗ್ ಬೆಂಗ್ಳೂರುದ ರವೀಂದ್ರ ಕಲಾಕ್ಷೇತ್ರಡ್ “ತುಳುವೆರೆಂಕುಲು ಬೆಂಗ್ಳೂರು (ರಿ.)” ಸಂಘದ 30ನೇ ವರ್ಷಾಚರಣೆದ ಪರವಾದ್ “ಬೆಂಗ್ಳೂರು ತುಳುಪರ್ಬ -2022” ಬಿಸು ಪರ್ಬ ಆಚರಣೆ ಮಲ್ಪುನ ಮುಖೇನ ಗೌಜಿಡ್ ಉದಿಪನ ಆಂಡ್.