Dakshina Kannada

ಮಂಡ್ಯ : 5ರೂಪಾಯಿಗ್ ಮರ್ದ್ ಕೊರ್ಪಿನ ಡಾಕ್ಟರ್ ಆಸ್ಪತ್ರೆರ್ದ್ ಬುಡುಗಡೆ

Jun 1, 2022

ಮಂಡ್ಯ : 5ರೂಪಾಯಿಗ್ ಮರ್ದ್ ಕೊರ್ಪಿನ ಡಾಕ್ಟರ್ ಆಸ್ಪತ್ರೆರ್ದ್ ಬುಡುಗಡೆ

ಮಂಡ್ಯ : ತಿಗಲೆ ಬೇನೆರ್ದ್ ಆಸ್ಪತ್ರೆ ದಾಖಲಾಯಿನ 5 ರೂ. ಡಾಕ್ಟರ್ .ಸಿ.ಎಸ್. ಶಂಕರೇಗೌಡ ಆರೋಗ್ಯಡ್ ಹುಷಾರ್ ಆತೆರ್ ಈ ನೆಲೆಟ್ಟ್ ಆಸ್ಪತ್ರೆರ್ದ್ ಬುಡುಗಡೆ ಆತೆರ್ .

23 ಕ್ಕ್ ಶಂಕರೇಗೌಡೆರ್ ತಿಗಲೆ ಬೇನೆ ಆಯಿನ ನೆಲೆಟ್ಟ್ ಮೈಸೂರುದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ತಿತ್ತೆರ್ . ಐರ್ದ್ ಬೊಕ್ಕ ಎಚ್ಚದ ಮರ್ದ್ ಗಾದ್ ಬೆಂಗ್ಳೂರುದ ಪೋರ್ಟಸ್ ಆಸ್ಪತ್ರೆಗ್ ಲೆತೊಂದು ಪೋತೆರ್ . ಮರ್ದ್ ಗ್ ಸ್ಪಂದನೆ ಮಲ್ತಿನ ಆರ್ ಇತ್ತೆ ಹುಷಾರ್ ಆತೆರ್ , ಈ ನೆಲೆಟ್ಟ್ ಆಸ್ಪತ್ರೆರ್ದ್ ಡಿಸ್ಚಾರ್ಜ್ ಮಲ್ದೆರ್ .

Mandya: Doctor famous for treating patients for just rupees five hospitalized.

Mandya: Dr C.S Shankar Gowda famous for treating patients for just five rupees who was admitted to hospital for chest pains has now been discharged.

He was admitted to a hospital in Mysore on the 23rd.Later he was taken to the Fortis hospital in Bangalore for further treatment.He has responded to treatment and has now been discharged.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಜೂ.2 ರ್ದ್ ರಾಜ್ಯೊಡು ಮುಂಗಾರು ಸುರು | ಕೆಲವು ಕಡೆಟ್ ಭಾರೀ ಬರ್ಸ

Jun 1, 2022

ಜೂ.2 ರ್ದ್ ರಾಜ್ಯೊಡು ಮುಂಗಾರು ಸುರು | ಕೆಲವು ಕಡೆಟ್ ಭಾರೀ ಬರ್ಸ

ಕೇರಳ : ಕೇರಳಗ್ ಐತಾರ ಮುಂಗಾರು ಪ್ರವೇಶ ಆತುಂಡು . ಜೂನ್ 2 ಕ್ಕ್ ಕರ್ನಾಟಕಗ್ಲಾ ಮಾನ್ಸೂನ್ ಪ್ರವೇಶ ಆಯೆರೆ ಉಂಡು , ಬರ್ಸದ ಆರ್ಭಟ ಜಾಸ್ತಿ ಆಯೆರೆ ಉಂಡು . ಜೂನ್ 2ತ್ತ ಉಲಯಿ ಕರ್ನಾಟಕದ ಕೆಲವು ಭಾಗಗ್ ನೈಋತ್ಯ ಮಾನ್ಸೂನ್ ಬರಿಯೆರೆ ತಯಾರ್ ಆದುಂಡು . ಭಾರತೀಯ ಹವಾಮಾನ ಇಲಾಖೆ ಬೆಂಗ್ಳೂರು ಸೇರಿನಂಚ 10 ಜಿಲ್ಲೆಗ್ ಎಲ್ಲೊ ಅಲರ್ಟ್ ಕೊರ್ತೆರ್ . ಜೂನ್ 2 ರ್ದ್ ಕರ್ನಾಟಕಡ್ ವರುಣನ ಅಬ್ಬರ ಜಾಸ್ತಿ ಆಯಿನ ನೆಲೆಟ್ಟ್ ರಾಜ್ಯದ ಕರಾವಳಿ ಜಿಲ್ಲೆ ಬೊಕ್ಕ ಮಮಡಿಕೇರಿಡ್ ಎಲ್ಲೊ ಅಲರ್ಟ್ ಘೋಷಣೆ ಮಲ್ದೆರ್ . ಕರಿನ ವರ್ಷರ್ದ್ ಲಾ ಜಾಸ್ತಿ ಈ ಸಲ ಉತ್ತಮ ಬರ್ಸ ಬರ್ಪಿನ ನಿರೀಕ್ಷೆ ಉಂಡು .

ಕಿಸಾನ್ ಸಮ್ಮಾನ್ ಯೋಜನೆದ 11ನೇ ಕಂತು ಬುಡುಗಡೆ

Jun 1, 2022

ಕಿಸಾನ್ ಸಮ್ಮಾನ್ ಯೋಜನೆದ 11ನೇ ಕಂತು ಬುಡುಗಡೆ

ಕುಡ್ಲ : ರೈತ ಸಮುದಾಯಗ್ ಕೇಂದ್ರ ಸರ್ಕಾರ ಸಿಹಿಸುದ್ದಿ ಕೊರ್ತೆರ್ , ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆದ 11 ನೇ ಕಂತು ಬುಡುಗಡೆ ಆತುಂಡು .

ಸ್ವಾತಂತ್ರ್ಯೋಚ್ಚಯದ ಅಮೃತ ಉಚ್ಚಯದ ನೆಲೆಟ್ಟ್ ಉಂದು ಹಿಮಾಚಲ ಪ್ರದೇಶದ ಶಿಮ್ಲಾಡ್ ನಡಪೆರೆ ಉಪ್ಪುನ ಗರೀಬ್ ಕಲ್ಯಾಣ ಸಮ್ಮೇಳನಡ್ ಪ್ರಧಾನಿ ನರೇಂದ್ರ ಮೋದಿ ಮೇರ್ ಪಿಎಂ ಕಿಸಾನ್ ಯೋಜನೆದ 11 ನೇ ಕಂತು ಬುಡುಗಡೆ ಮಲ್ದೆರ್ . ಪಿಎಂ ಕಿಸಾನ್ ಯೋಜನೆದ 11 ನೇ ಕಂತ್ 21 ಸಾರ ಕೋಟಿ ರೂ. ಮೊತ್ತ 10 ಕೋಟಿರ್ದ್ ಜಾಸ್ತಿ ರೈತ ಫಲಾನುಭವಿಲೆನ ಖಾತೆಗ್ ಜಮೆ ಆತುಂಡು .

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಅನಾಥ ಜೋಕ್ಲೆಗ್ ಆಸರೆ ಈ ಮರ್ಕಝ್| 12 ಸಾರ ಜೋಕ್ಲೆಗ್ ಆಶ್ರಯ

Jun 1, 2022

ಅನಾಥ ಜೋಕ್ಲೆಗ್ ಆಸರೆ ಈ ಮರ್ಕಝ್| 12 ಸಾರ ಜೋಕ್ಲೆಗ್ ಆಶ್ರಯ

ಬೆಂಗ್ಳೂರು : ಕರಿನ ಹಲವು ವರ್ಷರ್ದ್ ಕೇರಳದ ಕೋಝಿಕ್ಕೋಡ್ ಡ್ ಬೇಲೆ ಮಲ್ತೊಂದು ಉಪ್ಪುನ ಮರ್ಕಝ್ ಸೆಂಟರ್ ಕೆಲವು ಅನಾಥೆರೆಗ್ ಆಶ್ರಯ ತಾಣ ಆದ್ ಉಂಡು . ಈ ಕೇಂದ್ರದ ಅಡಿಟ್ ಕೆಲವು ಅನಾಥ ಜೋಕ್ಲೆಗ್ ಗಟ್ಟಿನೆಲೆ‌ ಕಟ್ಟೊಂದು ನೆಕ್ಕ್ ಕುಡೊಂಜಿ ಸೇರ್ಪಡೆಯಾತುಂಡು .

ಲಡಾಖ್ ಡ್ ಆಯಿನ ತೀರ್ ಪೋಯಿನ ಮೃತಪಟ್ಟ ಯೋಧ ಮಲಪುರಂ ಪರಪ್ಪನಂಗಡಿ ನಿವಾಸಿ ಮೊಹಮ್ಮದ್ ಶೆಜಲ್ ಅರೇನ ಮೂಜಿ ಜೋಕುಲು 11 ವರ್ಷದ ಫಾತಿಮಾ ಸಂಹಾ, ಎನ್ಮ ವರ್ಷದ ತಂಝಿಲ್ ಬೊಕ್ಕ ರಡ್ಡರೆ ವರ್ಷದ ಫಾತಿಮಾ ಮಹಾಸಾ ಮೇರ್ ಅನಾಥರಾದ್ ಇತ್ತೆರ್ , ಮೆರೆನ್ ದತ್ತು ಪಡೆದ್ ಕೋಝಿಕೋಡ್ ಮರ್ಕಝ್ ತೀರ್ ಮಾನ ಮಲ್ದೆರ್ .

ಎಲ್ಯ ಪ್ರಯೋಡೆ ತನ್ನ ಇಲ್ಲದಕ್ಲೆನ್ ಕಲೆಯೊಂಡಿನ ಜೋಕ್ಲೆನ್ ಮರ್ಕಝ್ ಹೋಮ್ ಕೇರ್ ಸ್ಕೀಮ್ ಡ್ ಸೇರಾವೆರ್ , ಇದುಉಂದು ಅಕ್ಲೆಗ್ ತನ್ನ ಇಲ್ಲದ ಜಾಗೆಡ್ ಮಾತಾ ಸೌಲಭ್ಯ ಕೊರ್ಪುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮಳಲಿ ಮಸೀದಿ ವಿವಾದಗ್ ಎಸ್ ಡಿಪಿಐರ್ದ್ ಬೊಕ್ಕ ಕಲ್ಲಡ್ಕ ಪ್ರಭಾಕರ್ ಭಟ್ ಎಂಟ್ರಿ

Jun 1, 2022

ಮಳಲಿ ಮಸೀದಿ ವಿವಾದಗ್ ಎಸ್ ಡಿಪಿಐರ್ದ್ ಬೊಕ್ಕ ಕಲ್ಲಡ್ಕ ಪ್ರಭಾಕರ್ ಭಟ್ ಎಂಟ್ರಿ

ಬಂಟ್ವಾಳ: ಮಳಲಿ ಮಸೀದಿ ವಿವಾದಗ್ ಎಸ್ ಡಿಪಿಐ ಎಂಟ್ರಿ ಆವೊಂದು ಇತ್ತಿಲಕನೇ ಆರೆಸ್ಸೆಸ್ ಮುಖಂಡ ಕಲ್ಲಡ್ಕ ಪ್ರಭಾಕರ್ ಭಟ್ ಈ ವಿವಾದಗ್ ಎಂಟ್ರಿಯಾತೆರ್ , ಆ ಜಾಗೆನ್ ದೇವಲ್ಯೊಗೂ ಬುರ್ದು ಕೊಟ್ಟು ಅಯೋಧ್ಯೆದಲಕ ಮಸೀದಿಗ್ ಬೇತೆ ಜಾಗೆ ಕೊರ್ಪಿನ ಮುಖೇನ ಈ ಲಡಾಯಿನ್ ಸೌಹಾರ್ದಯುತವಾದ್ ಮುಗಿಪಾವೊಡು ಪಂದ್ ಆರ್ ಪಂಡೆರ್.

ಕಲ್ಲಡ್ಕ ಸಮೀಪದ ಸುಧೆಕ್ಕಾರ್ ಡ್ ಪತ್ರಕರ್ತೆರ್ನ ಒಟ್ಟುಗು ಪಾತೆರಿನ ಆರ್ , ಚರ್ಚ್‌, ಮಸೀದಿಲು ಪ್ರಾರ್ಥನಾ ಮಂದಿರ ಆದುಂಡು , ಅವೆನ್ ಓಲು ಬೋಡಾoಲ ಓಲು ಬೋಡಾoಡಲ ನಿರ್ಮಾಣ ಮಲ್ಪೊಲಿ . ಆಂಡ ದೇವಲ್ಯ , ಪ್ರಶ್ನೆ ದೀದ್ ಶಾಸ್ತ್ರೋಕ್ತವಾದ್ ನಿರ್ಮಾಣ ಮಲ್ಪೊಡು ಪಂದ್ ಪಂಡೆರ್ .

ಮಳಲಿ ಮಸೀದಿದ ಜಾಗೆಡ್ ಉಪ್ಪುನ ನಿರ್ಮಾಣ ದೇವಲ್ಯ ಪನ್ಪುನವು ಸ್ಪಷ್ಟವಾದ್ ತೊಜೀದ್ ಬರ್ಪುಂಡು . ಅವೆನ್ ಅರೇಬಿಯಾ ಶಿಲ್ಪಕಲೆ ಪಂಡ ನಮ ಒಪ್ಪುಜ . ನಮ ಏಪಲಾ ಮುಸ್ಲಿಂ, ಕ್ರಿಶ್ಚಿಯನ್‌ ವಿರೋಧಿಲು ಅತ್ತ್ . ಅಂಚಾದ್ ಹೊಂದೊಂದು ದೇವಲ್ಯದ ಜಾಗೆನ್ ಬುರ್ದು ಕೊರೊಡು ಪಂದ್ ಪಂಡೆರ್.

ಜಾಸ್ತಿ ಚಾ ಪರ್ಪರಾ? ಅಂಚಾಂಡ ನಿಕ್ಲೆಗ್ ಉಂಡು ಅಪಾಯ

Jun 1, 2022

ಜಾಸ್ತಿ ಚಾ ಪರ್ಪರಾ? ಅಂಚಾಂಡ ನಿಕ್ಲೆಗ್ ಉಂಡು ಅಪಾಯ

ಜಾಸ್ತಿ ಜನಕ್ ಕಾಂಡೆ ಲಕ್ಕಿ ಕೂಡಲೇ ಚಾ ಪರ್ಪಿನ ಅಭ್ಯಾಸ ಉಂಡು . ಚ ಪರಿಜಿಂಡ , ಕೆಲವೆರೆಗ್ ಇಡೀ ದಿನ ಕಿರಿಕಿರಿ ಆಪಿನಿಲಾ ಉಂಡು. ಕೆಲವೆರ್ ಚಾ ವ್ಯಸನವಾದ್ ಮಲ್ಪುವೆರ್ ಆಂಡ ಜಾಸ್ತಿ ಆಂಡ ಅಮೃತಲಾ ವಿಷ ಪನ್ಪಿನಲೆಕ , ಚಾಲಾ ಜಾಸ್ತಿ ಸೇವನೆ ಮಲ್ಪುನು ಎಡ್ಡೆ ಅತ್ತ್ .

ದಿನಕ್ 4 ಕಪ್ ರ್ದ್ ಜಾಸ್ತಿ ಚಾ ಪರಿಯೆರೆ ಮಸ್ತ್ ಸಮಸ್ಯೆ ಎದುರಿಸಾಯೆರ್ ಮುಖ್ಯವಾದ್ ನೆಟ್ಟ್ ಬಂಜಿದ ಬಾಧೆ, ಬಡವ್ ಇಜ್ಜಂದಿಲಕ ಆಪುನು , ಬಂಜಿದ ಕರ್ಲ್ ದ ಮಿತ್ತ್ ಕೆಟ್ಟ ಪರಿಣಾಮದ ಸಮಸ್ಯೆ ತೊಜೀದ್ ಬರ್ಪುಂಡು.

ಜಾಸ್ತಿ ಟೀ ಸೇವನೆ ನಮ್ಮ ಮನಸ್ ದ ಆತಂಕ ಬೊಕ್ಕ ಉದ್ವೇಗನ್ಲಾ ಜಾಸ್ತಿ ಮಲ್ಪುಂಡು . ಚಾ ಟ್ ಉಪ್ಪುನ ಕೆಫೀನ್ ಅಂಶ ನಿಕ್ಲೆನ ದೇಹನ್ ಪೊಗ್ಗುನಗ ಆರೋಗ್ಯಗ್ ಮಸ್ತ್ ರೀತಿದ ಹಾನಿ ಆಪುಂಡು . ಜಾಸ್ತಿ ಟೀ ಪರ್ಪಿನವು ಕರ್ಲ್ ಗ್ ಎಡ್ಡೆ ಅತ್ತ್ .

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಭಾಷೆದ ದಂಗಲ್ ನಡುಟು ಸೊರ ಲಕ್ಕಾಯಿನ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ : ಸುರೇಶ್ ರಾವ್ ಕೊಕ್ಕಡ

Jun 1, 2022

ಭಾಷೆದ ದಂಗಲ್ ನಡುಟು ಸೊರ ಲಕ್ಕಾಯಿನ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ : ಸುರೇಶ್ ರಾವ್ ಕೊಕ್ಕಡ

ಕುಡ್ಲ : ಆ ಭಾಷೆನ ? ಈ ಭಾಷೆನಾ ? ಮಾತಾ ಭಾಷೆಗ್ಲಾ ತನ್ನನೇ ಆಯಿನ ಗತ್ತ್ ಉಂಡು ಪಂದ್ ತೋಜಾಯಿನ್ “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್”. ರಾಷ್ಟ್ರೀಯ ಭಾಷೆದ ನಡುಟುಲಾ ದಕ್ಷಿಣ ಭಾರತ ಮಾತ್ರ ಅತ್ತoದೆ ಪಂಜಾಬಿ, ಭೋಜ್ ಪುರಿ ಸಿನಿಮಾಲಾ ಬಾಲಿವುಡ್ ಸಿನಿಮಾರಂಗಗ್ ಸಡ್ಡು ಕೊರ್ತುಂಡು .

ಭರಪೂರ ಮನೋರಂಜನೆ ಕೊರೊಂದು ಉಂಡು ಇತ್ತೆ ತುಳು ನಾಡೋರ್ಮೆ ಆತೆ ಅತ್ತoದೆ ವಿಶ್ವಡ್ ಲಾ ಸೌಂಡ್ ಮಲ್ತೊಂದು ಉಂಡು ತುಳು ಸಿನಿಮಾ “ರಾಜ್ ಸೌಂಡ್ಸ್” ಒಂಜಿ ಕಲಾಭಿ ಮಾನಿಯಾದ್ ಪನ್ಪಿನಿ ದಾದ ಪಂಡ ಮಾತೆರ್ಲ ಈ ಸಿನಿಮಾ ತೂವೊಡು. ಗಮ್ಮತ್ತು ಗ್ ಗಮ್ಮತ್ತ್, ಅಂಚನೆ ಒಂಜಿ ಪಿಚ್ಚರ್ ಗ್ ಬೋಡಾಯಿನ ಮಾತಾಲಾ ನೆಟ್ ಉಂಡು ಅಂಚನೆ ಇಂಚಿನ ಪ್ರಯತ್ನೊಗು . ಅದೇ ರೀತಿ ನಮ ಮಾತಾ ಬೆರಿ ಸಾಕಾಯ ಕೊರ್ದು ನಮ್ಮ ಭಾಷೆ ಸಂಸ್ಕೃತಿನ್ ಒರಿಪಾವೊಡು. ಕಾರ್ಲ, ಪುತ್ತೂರು, ಮೂಡಬಿದಿರೆ,ಸುಳ್ಯ ಇಂಚ ಬೇತೆ ಬೇತೆ ಕಡೆಟ್ ಪಿಚ್ಚರ್ ಪ್ರದರ್ಶನ ಆವೊಂದು ಉಂಡು. ತೂಯಿನಕುಲು ಕಮೆಂಟ್ ಮಲ್ಪುಲೇ ಕಲಾವಿದೆರೆಗ್ ಪ್ರೋತ್ಸಾಹ ಕೊರ್ಲೆ.

ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ವಂದಿತಾ ಶರ್ಮಾ

Jun 1, 2022

ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ವಂದಿತಾ ಶರ್ಮಾ

ಡೆಲ್ಲಿ : ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಯಾಗದ್ ಪೆರಿಯ ಅಧಿಕಾರಿ ವಂದಿತಾ ಶರ್ಮಾ ಅಧಿಕಾರ ಸ್ವೀಕಾರ ಮಲ್ದೆರ್ . ಸರ್ಕಾರದ ಮುಖ್ಯ ಕಾರ್ಯದರ್ಶಿ ಪಿ ರವಿಕುಮಾರ್ ಮೆರೆನ ವಯೋ ನಿವೃತ್ತ್ತಿ ರ್ದ್ ಖಾಲಿ ಇತ್ತಿನ ಹುದ್ದೆಗ್ ಕರ್ನಾಟಕ ವೃಂದದ ಭಾರತೀಯ ಆಡಳಿತ ಸೇವೆದ 1986 ನೇ ಸಾಲ್ ದ ಕೂಟದ ವಂದಿತಾ ಶರ್ಮಾ ಮೆರೆನ್ ನೇಮಕ ಮಲ್ದೆರ್ .

ಇತ್ತೆ ಮುಖ್ಯಕಾರ್ಯದರ್ಶಿಯಾದ್ ಅಧಿಕಾರ ಸ್ವೀಕಾರ ಮಲ್ದೆರ್ , ಈ ಮುಖೇನ ವಂದಿತಾ ಶರ್ಮಾ ಮೇರ್ ರಾಜ್ಯೊಡು ಮುಖ್ಯ ಕಾರ್ಯದರ್ಶಿ ಹುದ್ದೆನ್ ಪಡೆಯೊಂದು ಉಪ್ಪುನ ನಾಲನೆ ಪೊಂಜೊವು ಪನ್ಪಿನ ಪುಗಾರ್ತೆ ಪಡೆಯೆರ್.

Vandita Sharma takes charge as the new secretary of State.

Delhi: S IAS officer Vanditha Sharma takes charge as the new secretary of State in Karnataka.She takes charge from P Ravi Kumar who retired from service.She is from the 1986 batch of IAS officers.
She is the fourth lady officer to take this post.

ದೇವೆರೆ ಪಾದೋ ಸೇರ್ಯೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾಯಿನ ನಿಟ್ಟೆ ಶಶಿಧರ ಶೆಟ್ರ್

Jun 1, 2022

ದೇವೆರೆ ಪಾದೋ ಸೇರ್ಯೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾಯಿನ ನಿಟ್ಟೆ ಶಶಿಧರ ಶೆಟ್ರ್

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯ, ಬಂಟರ ಮಾತೃಸಂಘದ ಮಾಜಿ ಕಾರ್ಯದರ್ಶಿ ಕುಡ್ಲದ ಪದವಿನಂಗಡಿ ನಿವಾಸಿ ಲಯನ್ಸ್ ನಿಟ್ಟೆ ಶಶಿಧರ ಶೆಟ್ಟಿ (66) ಇನಿ ಕಾಂಡೆ ದೇವೆರೆ ಪಾದೋ ಸೇರ್ಯೆರ್ .

ಅವ್ವೆತೋ ಸಂಘಟನೆಗಲೆಡ್ ಬೆನ್ನಿ ಬೆನೊಂದು ಇತ್ತಿನ ಮೇರ್ ಜನಾನುರಾಗಿಯಾದ್ ಇತ್ತೆರ್ . ಲಯನ್ಸ್ ಗುರ್ಕಾರ್ಲಾದ್ , ತುಳುಕೂಟ ಕುಡ್ಲದ ಪೆರಿಯ ಸದಸ್ಯೆಯಾದ್ , ಶಾರದಾ ಕ್ಯಾಟರರ್ಸ್ ಸಂಸ್ಥೆದ ಗುರ್ಕಾರ್ಲಾದ್,ಪದವಿನಂಗಡಿ ಗಣೇಶೋತ್ಸವ ಸಮಿತಿದ ಮಾಜಿ ಗುರ್ಕಾರ್ಲಾದ್, ಅಖಿಲ ಭಾರತ ತುಳು ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಯಾದ್ ನನಾತ್ ಸಂಘಸಂಸ್ಥೆಡ್ ಸಕ್ರಿಯೆರಾದ್ ಇತ್ತೆರ್ .

ಮೆರ್ನ ಅಂತ್ಯ ಕ್ರಿಯೆ ಜೂನ್ 4 ಕ್ಕ್ ನಡಪೆರೆ ಉಂಡು . ಲಯನ್ಸ್ ನಿಟ್ಟೆ ಶಶಿಧರ ಶೆಟ್ರೆನ ಮರಣಗ್ ಅವ್ವೆತೋ ಗಣ್ಯೆರ್ ಕಣ್ಣ ನೀರ ಪನಿತರ್ಪಣ ಮಲ್ದೆರ್ .

ಕೆಬಿಸಿ ಇನಾಮುದ ಪುದರ್ ಡ್ 100ರ್ದ್ ಜಾಸ್ತಿ ಜನಕ್ ಡೋಂಗಿ: ರಡ್ಡ್ ಜನನ್ ಪತ್ತಿನ ಪೋಲಿಸೆರ್

Jun 1, 2022

ಕೆಬಿಸಿ ಇನಾಮುದ ಪುದರ್ ಡ್ 100ರ್ದ್ ಜಾಸ್ತಿ ಜನಕ್ ಡೋಂಗಿ: ರಡ್ಡ್ ಜನನ್ ಪತ್ತಿನ ಪೋಲಿಸೆರ್

ಕುಡ್ಲ : ಕೆಬಿಸಿ ಇನಾಮುದ ಪುದರ್ ಡ್ ಕುಡ್ಲದ ದಂಪತಿಲೆಗ್ ವಂಚನೆ ಮಲ್ಪರೆ ಯತ್ನ ಮಲ್ತಿನ ಘಟನೆ ನಡತುಂಡು . ಮೇ 26 ಕ್ಕ್ +92 ರ್ದ್ ಸುರು ಆಪಿನ ಮೊಬೈಲ್‌ ಸಂಖ್ಯೆರ್ದ್ ದಂಪತಿಗ್ ವಾಟ್ಸ್‌ಆಯಪ್‌ ಸಂದೇಶ ಬತ್ತ್ ದ್ ಇತ್ತುಂಡು . ಐಟ್ “ನಿಕ್ಲೆಗ್ 25 ಲ.ರೂ.ಇನಾಮು ಬೈದುಂಡು . ಅವೆನ್ ಪಡೆಯೆರೆ ಬ್ಯಾಂಕ್‌ದ ವಿವರದೊಟ್ಟುಗು ವಾಟ್ಸ್‌ಆಯಪ್‌ ಕಾಲ್‌ ಮಾತ್ರ ಮಲ್ಪೊಡು ಪಂದ್ ಬರೆದ್ ಇತ್ತೆರ್ ’.

25 ಲ.ರೂ. ಮೊತ್ತ ಪಾಡಿನ ಎಸ್‌ಬಿಐ ಚೆಕ್‌ದ ಚಿತ್ರ ಬೊಕ್ಕ ಐಟ್ ಅಮಿತಾಭ್‌ ಬಚ್ಚನ್‌ ಚಿತ್ರ ಅಂಚನೆ ಕೆಬಿಸಿ ಲೋಗೊ ಪಾರ್ದ್ ಇತ್ತೆರ್ ಪಂದ್ ದಂಪತಿ ದೂರು ಕೊರ್ತೆರ್ . ವಂಚಕೆರ್ ಇಂಚನೇ ಡೋಂಗಿ ಮಲ್ಪುನ ಸಾಧ್ಯತೆ ಉಂಡು . ಜನಕುಲು ಜಾಗ್ರತೆಡ್ ಇಪ್ಪೊಡು ಪಂದ್ ಬಿನ್ನಾಪು ಮಲ್ದೆರ್.

100ರ್ದ್ ಜಾಸ್ತಿ ಜನಕ್ ಡೋಂಗಿ : ರಡ್ಡ್ ಜನನ್ ಪತ್ತಿನ ಪೊಲೀಸೆರ್
ಇಂಚನೇ ವಂಚನೆ ದಿಲ್ಲಿಡ್ ಲಾ ಆತುಂಡು l ಪೊಂಜೊವ್ ಕೊರಿನ ದೂರು ದ ಪ್ರಕಾರ ದಿಲ್ಲಿ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್ ವಂಚಕೆರಾಯಿನ ಬಿಹಾರ ಮೂಲದ ಪ್ರಣವ್‌ ಕುಮಾರ್‌ ಮಿಶ್ರಾ (23) ಬೊಕ್ಕ ಝಾರ್ಖಂಡ್‌ ಮೂಲದ ಗೌತಮ್‌ ಪ್ರಸಾದ್‌ ಯಾದವ್‌ (29) ನ್ ಅಂಗಾರೆ ಪತ್ತ್ ದೆರ್.

Dakshina Kannada

ಮಂಡ್ಯ : 5ರೂಪಾಯಿಗ್ ಮರ್ದ್ ಕೊರ್ಪಿನ ಡಾಕ್ಟರ್ ಆಸ್ಪತ್ರೆರ್ದ್ ಬುಡುಗಡೆ

ಜೂ.2 ರ್ದ್ ರಾಜ್ಯೊಡು ಮುಂಗಾರು ಸುರು | ಕೆಲವು ಕಡೆಟ್ ಭಾರೀ ಬರ್ಸ

ಕಿಸಾನ್ ಸಮ್ಮಾನ್ ಯೋಜನೆದ 11ನೇ ಕಂತು ಬುಡುಗಡೆ

ಅನಾಥ ಜೋಕ್ಲೆಗ್ ಆಸರೆ ಈ ಮರ್ಕಝ್| 12 ಸಾರ ಜೋಕ್ಲೆಗ್ ಆಶ್ರಯ

ಮಳಲಿ ಮಸೀದಿ ವಿವಾದಗ್ ಎಸ್ ಡಿಪಿಐರ್ದ್ ಬೊಕ್ಕ ಕಲ್ಲಡ್ಕ ಪ್ರಭಾಕರ್ ಭಟ್ ಎಂಟ್ರಿ

ಜಾಸ್ತಿ ಚಾ ಪರ್ಪರಾ? ಅಂಚಾಂಡ ನಿಕ್ಲೆಗ್ ಉಂಡು ಅಪಾಯ

ಭಾಷೆದ ದಂಗಲ್ ನಡುಟು ಸೊರ ಲಕ್ಕಾಯಿನ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ : ಸುರೇಶ್ ರಾವ್ ಕೊಕ್ಕಡ

ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ವಂದಿತಾ ಶರ್ಮಾ

ದೇವೆರೆ ಪಾದೋ ಸೇರ್ಯೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾಯಿನ ನಿಟ್ಟೆ ಶಶಿಧರ ಶೆಟ್ರ್

ಕೆಬಿಸಿ ಇನಾಮುದ ಪುದರ್ ಡ್ 100ರ್ದ್ ಜಾಸ್ತಿ ಜನಕ್ ಡೋಂಗಿ: ರಡ್ಡ್ ಜನನ್ ಪತ್ತಿನ ಪೋಲಿಸೆರ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ