Bantwal

ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ಉದಿಪನ

ಮೊಡಂಕಾಪು, ಜುಲೈ 4:ರೋಟರಿ ಕ್ಲಬ್ ಬಂಟ್ವಾಳ ನೆತ್ತ ಮುತಾಲಿಕೆಡ್ ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ದ ಉದಿಪನ ನಡತುಂಡು . ಈ ಕ್ಲಬ್ ದ ಚಾರ್ಟರ್ ಕೊರ್ಪಿನ ಲೇಸ್ ಜೂನ್ 28ನೇ ತಾರೀಖ್ ಗ್ ಜೂಮ್ ಮೀಟಿಂಗ್ ಮುಖೇನ ಬಂಟ್ವಾಳ ರೋಟರಿ ಕ್ಲಬ್ ದ ಗುರ್ಕಾರ್ಲಾಯಿನ ಕೆ. ನಾರಾಯಣ ಹೆಗ್ಡೆ ಮೆರ್ನ ಗುರ್ಕಾರ್ಮೆಡ್ ನಡತುಂಡು.

ಪೊಸ ಕ್ಲಬ್ ದ ಗುರ್ಕಾರಲಾದ್ ಇಲಿಯಾಸ್ ಸ್ಯಾಂಕ್ತಿಸ್, ಕಾರ್ಯದರ್ಶಿಯಾದ್ ಪಿ.ಎರಹೀಮ್, ಖಜಾಂಚಿಯಾದ್ ಪ್ರೀ ಮಾ ವಾಯ್ಲೆಟ್ ಫೆರ್ನಾಂಡಿಸ್, ಉಪಾಧ್ಯಕ್ಷರಾದ್ ವಿ.ಕೆ ಪ್ರಸನ್ನ ಕುಮಾರ್, ನಿರ್ದೇಶಕೆರಾದ್ ಕ್ಲಬ್ ಸೇವೆ – ದಿವಾಕರ್ ಶೆಟ್ಟಿ ಪರಾರಿಗುತ್ತು, ಸುಮುದಾಯ ಸೇವೆ – ರೋಶನ್ ರೈ, ವೃತ್ತಿ ಸೇವೆ – ಸುನೀಲ್‍ಕುಂದರ್, ಅಂತರಾಷ್ಟ್ರೀಯ ಸೇವೆ – ರೋಶನ್ ಪ್ರೇ ಮ್ ಡಿಸೋಜ, ಯುವ ಜನಸೇವೆ – ಪ್ರಖ್ಯಾತ್‌ ಚೌಟ, ಮುಂದಿನ ಸಾಲಿನ ನಿಯೋಜಿತ ಗುರ್ಕಾರಲಾದ್ ಡಾ|ಗೋವರ್ಧನ್ ರಾವ್ ಬೊಕ್ಕ ಚೇರ್‍ಮೆನ್‍ಲಾದ್ ಪಾವ್ಲ್ ಕಾರ್ಲೊ, ವಿಶ್ವಪ್ರಸಾದಹೆಗ್ಡೆ, ಅರುಣ್ ಕುಮಾರ್, ಮಲ್ಲಿಕಾ ವಿ. ಶೆಟ್ಟಿ, ಸ್ಟ್ಯಾನಿ ಡಿಸೋಜ, ಹೇಮಚಂದ್ರ ವಕೀಲ್ ಬೊಕ್ಕ ಸಾರ್ಜಂಟ್ ವಿದ್ ಆಮ್ರ್ಸ್ ಆದ್ ಡೊನಾಲ್ಡ್ ಡಿಸೋಜರವರು ಅಧಿಕಾರ ಸ್ವೀಕಾರ ಮಲ್ತೆರ್.

ಬಡರೋಗಿಲೆನ ಚಿಕಿತ್ಸೆಗ್ “ಪಾಕೆಟ್ ಮನಿ “ಕೊಡುಗೆ

ಪುತ್ತೂರು, ಜುಲೈ 3 : ತನ್ನ ಅಜ್ಜ , ಅಜ್ಜಿ, ಮಾವ, ಅಪ್ಪ, ಅಮ್ಮ ಕೊರಿನ ಪಾಕೆಟ್ ಮನಿನ್ ಸೇರ್ಸಯಿನ ಪುತ್ತೂರುದ ಬಾಲೆ ಒರ್ತಿ ಅವೆನ್ ತನ್ನ ಪುಟ್ಟು ಪರ್ಬದಾನಿ ಪಾಪ ದಕ್ಲೆನ ಚಿಕಿತ್ಸೆಗಾದ್ ಕೊರ್ತಲ್ .

‘ವೈದ್ಯರ ದಿನ’ವಾಯಿನ ಗುರುವಾರ ಪುತ್ತೂರುದ ಆದರ್ಶ ಆಸ್ಪತ್ರೆದ ಡಾ.ಎಂ.ಕೆ.ಪ್ರಸಾದ್ ಮೆರೆಗ್ ₹ 10 ಸಾವಿರದಾತ್ ಕಾಸ್ ಕೊರ್ಪಿನ ಮುಖೇನ ಪುಟ್ಟು ಪರ್ಬನ್ ಪುತ್ತೂರುದ ದಿಶಾ ಅರ್ಥಪೂರ್ಣವಾದ್ ಆಚರಣೆ ಮಲ್ದಲ್ .

ಯಕ್ಷಗಾನ ಕಲಾವಿದೆರಾಯಿನ
ಬನ್ನೂರುದ ದಿವಂಗತ ಶ್ರೀಧರ್ ಭಂಡಾರಿ ಮೆರ್ನ ಪುಳ್ಳಿ , ಪುತ್ತೂರುದ ನೆಹರೂನಗರದ ವಿವೇಕಾನಂದ ಶಾಲೆದ 3ನೇ ತರಗತಿ ಬಾಲೆ ಆಯಿನ ದಿಶಾ, ಉದ್ಯಮಿ ದೀಪಕ್‌ ಶೆಟ್ಟಿ ಬೊಕ್ಕ ಪ್ರಧಾನಮಂತ್ರಿ ಜನೌಷಧಿ ಯೋಜನೆದ ರಾಜ್ಯ ನೋಡಲ್ ಅಧಿಕಾರಿ ಡಾ.ಅನಿಲಾ ದಂಪತಿಯನ ಪುತ್ರಿ.

ಒಡಿಪುಡು ಪತ್ರಿಕಾ ದಿನಾಚರಣೆ ಪ್ರಯುಕ್ತ “ಮಾಧ್ಯಮ- ಕಾನೂನು” ವಿಚಾರಗೋಷ್ಠಿ

ಒಡಿಪು , ಜುಲೈ 2: ತನಿಖೆದ ಪೊರ್ತುಡು ಪೊಲೀಸೆರ್ ಮಾಧ್ಯಮಲೆಗ್ ಒವ್ವೆ ಮಾಹಿತಿ ಕೊರಿಯರೆ ಬಲ್ಲಿ ಪಂದ್ ರಾಜ್ಯ ಹೈಕೋರ್ಟ್ ಇಂಚೋಗು ಆದೇಶ ಕೊರ್ತುಂಡು . ಕೆಲವು ಜನಕುಲು ಮಾಧ್ಯಮದ ಏಕಪಕ್ಷೀಯ ದುರ್ಬಳಕೆ ಮಲ್ಪುನ ಅಪಾಯನ್ ಪತ್ರಕರ್ತೆರ್ ತೆರಿತೊನೊಡು . ಬದಲಾದ ಕಾನೂನುಲೆನ್ ಪತ್ರಕರ್ತೆರ್ ಅರ್ಥ ಮಲ್ಪುನ ಬಾರಿ ಅಗತ್ಯ ಪಂದ್ ಕುಡ್ಲ ವಿವಿದ ಸಿಂಡಿಕೇಟ್ ಸದಸ್ಯ ಬೊಕ್ಕ ನ್ಯಾಯವಾದಿ ವಿವೇಕಾನಂದ ಪನಿಯಾಲ ಪಂಡೆರ್ .

ಒಡಿಪು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಒಟ್ಟು ಸೇರಿಗೆಡ್ ಪ್ರೆಸ್ ಕ್ಲಬ್ ಮುತಾಲಿಕೆಡ್ ಗುರುವಾರ ಒಡಿಪು ಪ್ರೆಸ್ ಕ್ಲಬ್ ಡ್ ಅಟ್ಟನೆ ಮಲ್ತಿನ ಪತ್ರಿಕಾ ದಿನಾಚರಣೆ ಲೇಸ್ ನ್ ಉದಿಪನ ಮಲ್ತ್ ‘ಮಾಧ್ಯಮ ಬೊಕ್ಕ ಕಾನೂನು’ ವಿಷಯದ ಬಗ್ಗೆ ಮೇರ್ ವಿಚಾರ ಮಂಡನೆ ಮಲ್ತೆರ್ .ಪತ್ರಿಕೆದ ಕೆಲವೊಂಜಿ ಪದ ಬಳಕೆ ಸಮಾಜದ ಮಿತ್ತ್ ಬಾರಿ ಪರಿಣಾಮ ಬೂರೊಂದು ಉಂಡು. ಪತ್ರಕರ್ತೆರ್ ಅಪರಾಧ ಸುದ್ದಿದ ಪೊರ್ತುಡು ಪೊಲೀಸೇರ್ನ ಹೇಳಿಕೆದ ಒಟ್ಟುಗು ಸಂತ್ರಸ್ತರ ಹೇಳಿಕೆನ್ಲಾ ದಾಖಲ್ ಮಲ್ಪೊಡು .

ಈ ಪೊರ್ತುಡು ಸಂಘದ ಗುರುತಿನ ಚೀಟಿನ್ ಸದಸ್ಯೆರೆಗ್ ಪಟ್ಟಿಯೆರ್. ಮಲ್ಲ ಬಿನ್ನೆರ್ ಆದ್ ಒಡಿಪು ವಾರ್ತಾಧಿಕಾರಿ ವಿ.ಮಂಜುನಾಥ್ ಪಾತೆರಿಯೆರ್ . ಗುರ್ಕಾರ್ಮೆನ್ ಪತ್ರಕರ್ತ ಸಂಘದ ಜಿಲ್ಲಾಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ವಹಿಸ್ದ್ ಇತ್ತೆರ್ .

ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಎದುಕೊಂಡೆರ್ ಪ್ರಾಸ್ತಾವಿಕ ಭಾಷಣ ಮಲ್ತೆರ್. ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಸೊಲ್ಮೆ ಸಂದೈತ ಮಲ್ತೆರ್ . ಪತ್ರಕರ್ತ ದೀಪಕ್ ಜೈನ್ ಲೇಸ್ ನಡಪಾದ್ ಕೊರಿಯೆರ್.