Bantwal

ರಾಜ್ಯಡ್ 186 ಆಕ್ಸಿಜನ್ ಉತ್ಪಾದನ ಘಟಕ ಸ್ಥಾಪನೆ

ಹೆಬ್ರಿ, ಜುಲೈ 16: ಕೋವಿಡ್ ರಡ್ಡನೇ ಅಲೆಟ್ ವೈದ್ಯಕೀಯ ಕ್ಷೇತ್ರಡ್ ಪ್ರಾಣವಾಯು ಆಯಿನ ಆಕ್ಸಿಜನ್‌ದ ಪ್ರಾಮುಖ್ಯತೆದ ಅರಿವು ಉಂಡು ಇಂಚಾದ್ . ರಾಜ್ಯದ ಮಾತಾ ಜಿಲ್ಲಾಸ್ಪತ್ರೆ, ತಾಲೂಕು ಆಸ್ಪತ್ರೆಡ್ ಲಾ ಅಕ್ಸಿಜನ್ ಸುಲಭಡ್ ತಿಕ್ಕುಲಕ ತೂಪ . ನೆಕ್ಕಾದ್ ಸದ್ಯ 186 ಪೊಸ ಆಕ್ಸಿಜನ್ ಉತ್ಪಾದನಾ ಘಟಕದ ಸುರು ಮಲ್ಪರೆ ಬೋಡಾಯಿನ ತಯಾರ್ ಮಲ್ತೊಂದು ಉಲ್ಲೆರ್ ಪಂದ್ ರಾಜ್ಯ ಆರೋಗ್ಯ ಹಾಗೂ ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್ ಪಂಡೆರ್ .

ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ಜಿಪಂ, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ಒಟ್ಟು ಸೇರಿಗೆಡ್ ಕುಡ್ಲ ಕೆಮಿಕಲ್ಸ್ ಆಯಂಡ್ ಫರ್ಟಿಲೈಸರ್ಸ್‌ ಲಿಮಿಟೆಡ್ (ಎಂಸಿಎಫ್) ಮೆಕ್ಲೆನ ಕೊಡುಗೆರ್ದ್ ಹೆಬ್ರಿದ ಸಮುದಾಯ ಆರೋಗ್ಯ ಕೇಂದ್ರ ಡ್ ಪೊಸತಾದ್ ಕಟ್ಟಿನ ಆಮ್ಲಜನಕ ಉತ್ಪಾದನಾ ಘಟಕನ್ ಉದಿಪನ ಮಲ್ತ್ ಪಾತೆರಿಯೆರ್.

ಈ ಲೇಸ್ ಡ್ ಆರೋಗ್ಯ ಇಲಾಖೆದ ನಿರ್ದೇಶಕ ಡಾ.ಓಂಪ್ರಕಾಶ್ ಪಾಟೀಲ್, ಮೈಸೂರು ವಿಭಾಗದ ಜಂಟಿ ನಿರ್ದೇಶಕ ಡಾ.ಉದಯ ಕುಮಾರ್, ಜಿಲ್ಲಾಧಿಕಾರಿ ಜಿ.ಜಗದೀಶ್, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರು ರತ್ನಾಕರ ಹೆಗ್ಡೆ, ಕರ್ನಾಟಕ ಗೇರು ಅಭಿವೃದ್ಧಿ ನಿಗಮದ ಗುರ್ಕಾರ್ಲಾಯಿನ ಮಣಿರಾಜ್ ಶೆಟ್ಟಿ, ಹೆಬ್ರಿ ಗ್ರಾಪಂ ಗುರ್ಕಾರ್ಲಾಯಿನ ಮಾಲತಿ ಪಾಲ್ ಪಡೆದಿತ್ತೆರ್.