Bangalore

ಹೈಕೋರ್ಟ್‌ಗ್ 5 ದಿನ ದಸರಾ ರಜೆ

Sep 30, 2022

ಬೆಂಗ್ಲೂರ್: ಹೈಕೋರ್ಟ್‌ಗ್ ಅಕ್ಟೋಬರ್ 3 ಜೆಡ್ದ್ 7 ಮುಟ್ಟ ದಸರಾ ರಜೆ ಉಂಡು. ಧಾರವಾಡ ಬೊಕ್ಕ ಕಲಬುರಗಿ ಪೀಠಡ್ ಭೌತಿಕ ವಿಚಾರಣೆ ಉಪ್ಪುಜಿ. ತುರ್ತು ಪ್ರಕರಣದ ವಿಚಾರಣೆನ್ ಬೆಂಗ್ಲೂರ್‌ದ ಪ್ರಧಾನ ಪೀಠಡ್ ವರ್ಚುವಲ್ ವಿಧಾನಡ್ ನಡಪರೆ ಉಂಡು.

ಪಿಎಫ್‌ಐ ಬಗೆಟ್ಟ್ ಪಾತೆರ್ಂಡ ಸರಿಯಾಯಿನ ಕ್ರಮ; ಎಚ್ಚೆರ್ಗೆ ಕೊರಿನ ಡಿಜಿಪಿ ಪ್ರವೀಣ್ ಸೂದ್

Sep 28, 2022

ಬೆಂಗ್ಲೂರ್: ದೇಶಡ್ ಕೇಂದ್ರ ಗೃಹ ಇಲಾಖೆ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್‌ಐ) 5 ವರ್ಷ ನಿಷೇಧ ಮಲ್ತ್‌ದಿತ್ತ್‌ದ್ ಉಂದೆತ್ತ ಬಗೆಟ್ ಪಾತೆರಿನಕ್ಲೆನ ಮಿತ್ತ್ ಸರಿಯಾಯಿನ ಕ್ರಮ ಜಾರಿ ಮಲ್ಪರೆ ಉಂಡು ಪಂದ್ ರಾಜ್ಯ ಪೊಲೀಸ್ ಮಹಾನಿರ್ದೇಶಕೆರ್ ಪ್ರವೀಣ್ ಸೂದ್ ತೆರಿಪಾಯೆರ್.

ರಾಜ್ಯಡ್ ಪಿಎಫ್‌ಐದ ಬೇಲೆ ಮಲ್ಪುನಾವಡ್, ಅಯಿತ ಪರವಾದ್ ಪಾತೆರುನಾವಡ್ ಮಲ್ಪರೆ ಬಲ್ಲಿ. ಅಂಚಿತ್ತಿನಕ್ಲೆನ ಮಿತ್ತ್ ಕಾನೂನು ಕ್ರಮ ದೆತೊನುವ ಪಂದ್ ಎಚ್ಚೆರ್ಗೆ ಕೊರ್ತೆರ್.

Persons talking unnecessarily about PFI to be punished-warning given by DGP Praveen Sood

Bangalore: The Central home ministry has issued a ban of five years on the PFI and people talking unnecessarily on the issue will be taken to task warned state DGP Praveen Sood. Persons working for PFI or issuing statements on behalf of the party will be taken seriously he warned.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಕಂಡಿನ ಕಾರ್‌ ನೇ ಇಲ್ಲ್ ಮಲ್ತಿನ ಕಂಡನಿ ಬೊಡೆದಿ..!!

Sep 27, 2022

ಬೆಂಗ್ಲೂರ್: ಬಾಡಿಗೆಗ್ ಕಾರ್ ಬುಕ್ ಮಲ್ತ್‌ದ್ ಕಾರ್‌ದೊಟ್ಟುಗು ಪದ್ರಾಡ್ ಆಯಿನ ದಂಪತಿಲೆನ್ ಯಲಹಂಕ ಉಪನಗರ ಠಾಣಾ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್. ಯಲಹಂಕದ ಮಂಜುನಾಥ್ (27) ಬೊಕ್ಕ ಅರೆನ ಬೊಡೆದಿ ವೇದಾವತಿ (25) ಅರೆಸ್ಟ್ ಆಯಿನ ಆರೋಪಿಲು.

ಮುಕುಲೆಡ್ದ್ ಪೊಲೀಸೆರ್ ಇಟಿಯೋಸ್ ಕಾರ್, 2 ಮೊಬೈಲ್‌ನ್ ವಸಕ್ಕ್ ದೆತೊಂದೆರ್. ಶಿವಶಂಕರ್ ಪನ್ಪಿನರೆನ ಕಾರ್‌ನ್ ಆರೋಪಿಲು ಬಾಡಿಗೆಗ್ ದೆತೊಂದಿತ್ತೆರ್. ಆರೋಪಿಲು ಕಂಡಿನ ಕಾರ್‌ನೇ ಇಲ್ಲ್ ಮಲ್ತ್‌ದಿತ್ತೆರ್. ಬಾಡಿಗೆ ಇಲ್ಲಡ್ ಇತ್ತಿನ ಮೊಕುಲೆಗ್ ಉಂತಾರೆ ಸರಿಯಾಯಿನ ಇಲ್ಲ್ ಇಜ್ಜಾಂಡ್. ಇಂಚಾದ್ ಕಂಡಿನ ಕಾರ್‌ನೇ ಇಲ್ಲ್ ಮಲ್ತ್‌ದಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮಸ್ತ್ ವರ್ಷರ್ದ್ ಬೊಕ್ಕ ಶಿಲ್ಪಾ ಶೆಟ್ಟಿ ಕನ್ನಡ ಸಿನಿಮಾಗ್ ?

Sep 24, 2022

ಬೆಂಗ್ಲೂರ್ : ‘ಜೋಗಿ’ ಪ್ರೇಮ್ ನಿರ್ದೇಶನಡ್, ಧ್ರುವ ಸರ್ಜಾ ನಾಯಕೆ ನಟೆಯಾದ್ ಅಭಿನಯ ಮಲ್ಪುನ ಹೊಸ ಸಿನಿಮಾದ ಶೀರ್ಷಿಕೆ ಸೆ.26 ಕ್ ಘೋಷಣೆಯಾಯರೆ ಉಂಡು.
ಈ ಪಿಚ್ಚರ್ ಡ್ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಪ್ರಮುಖ ಪಾತ್ರಡ್ ನಟನೆ ಮಲ್ಪುನ ಸಾಧ್ಯತೆ ಉಂಡು ಪನ್ಪಿನ ಸುದ್ದಿ ಕೇನೊಂದುಂಡು. ಈ ಪಿಚ್ವರ್ ಡ್ ನಟನೆ ಮಲ್ಪರೆ ಇತ್ತ್‌ದ್ ಕನ್ನಡಡ್ ಶಿಲ್ಪಾ ಶೆಟ್ಟಿ ಮೇರ್ ಮೂಜನೆ ಪಿಚ್ಚರ್ ಡ್ ನಟನೆ ಮಲ್ತಿಲೆಕ್ಕ ಆಪುಂಡು.

ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದ ನನಲ ಟೈಟಲ್ ಲಾಂಚ್ ಆವಂದಿನ ಈ ಪಿಚ್ಚರ್ ದ ಮುಹೂರ್ತ ಎ.24 ಕ್ ಮೈಸೂರ್ ದ ಚಾಮುಂಡೇಶ್ವರಿ ದೇವಲ್ಯಡ್ ನಡತ್ ದಿತ್ತ್ಂಡ್. ಅಕ್ಟೋಬರ್‌ ರ್ದ್ ಪಿಚ್ಚರ್ ಶೂಟಿಂಗ್ ಸುರು ಆಯರೆ ಉಂಡು.
ಪ್ರೇಮ್ ಈ ಪಿಚ್ಚರ್ ದ ತಾರಾಗಣನ್ ಕಡೆ ಮಲ್ಪುನೆಟ್ಟ್ ಬಿಜಿಯಾತೆರ್. ಕೆಲ ದಿನತ್ತ ಪಿರವ್ ಆತೆ ಸಂಜಯ್ ದತ್ ಪ್ರಮುಖ ಪಾತ್ರಡ್ ತೋಜುನ ಸಾಧ್ಯತೆ ಉಂಡು ಪಂದ್ ಪಂದಿತ್ತೆರ್ . ಇತ್ತೆ ಶಿಲ್ಪಾ ಶೆಟ್ಟಿ ಮೇರ್ ಈ ಪಿಚ್ಚರ್ ಡ್ ಪ್ರಮುಖ ಪಾತ್ರ ಮಲ್ಪರೆ ಉಲ್ಲೆರ್ ಪನ್ಪಿನ ಸುದ್ದಿ ಕೇನೊಂದುಂಡು . ಉಂದೊಂಜಿ ಪ್ಯಾನ್ ಇಂಡಿಯಾ ಪಿಚ್ಚರ್ ಆತಿನೆಡ್ದ್ ದಾವರ, ಸಂಜಯ್ ಬೊಕ್ಕ ಶಿಲ್ಪಾ ಶೆಟ್ಟಿ ಅಭಿನಯ ಮಲ್ಪುನ ಸಾಧ್ಯತೆನ್ ಅತ್ತ್ ಪನ್ಪಿಲೆಕ ಇಜ್ಜಿ. ಶಿಲ್ಪಾ ಒತ್ತೊನೆರ್ ಡ, ‘ಪ್ರೀತ್ಸೋದ್ ತಪ್ಪಾ’ಬೊಕ್ಕ ‘ಆಟೋ ಶಂಕರ್ ‘ ಆಯಿಬೊಕ್ಕ ಉಂದು ಕನ್ನಡಡ್ ಅರ್ ಮಲ್ಪಿನ ಮೂಜನೆ ಪಿಚ್ಚರ್ ಆಪುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಗೋಡೆಡ್ ‘ಪೇಸಿಎಂ’ ಪೋಸ್ಟರ್ : ಕೆಪಿಸಿಸಿ ಕಾರ್ಯಕರ್ತೆರ್ ರಡ್ಡ್ ಜನ ಅರೆಸ್ಟ್

Sep 22, 2022

ಬೆಂಗ್ಲೂರ್ : ಸಾರ್ವಜನಿಕ ಗೋಡೆಲೆಡ್ ಸಿಎಂ ಬೊಮ್ಮಾಯಿ ಫೋಟೋತ ಒಟ್ಟಿಗೆ ಪೇಸಿಎಂ 40 ಪಸೆಂಟ್ ಎಸೆಪ್ಟೆಡ್ ಹಿಯರ್ ಪಂದ್ ಪೋಸ್ಟರ್ ಅಂಟಯಿನ ಆರೋಪಡ್ ರಡ್ಡ್ ಜನನ್ ಅರೆಸ್ಟ್ ಮಲ್ತಿನ ಘಟನೆ ಬೆಂಗ್ಲೂರ್‌ಡ್ ನಡತ್ಂಡ್.

ಕೆಪಿಸಿಸಿ ಸಾಮಾಜಿಕ ಜಾಲತಾಣ ವಿಭಾಗದ ನಾಯ್ಡು ಬೊಕ್ಕ ಗಗನ್ ಅರೆಸ್ಟ್ ಆಯಿನ ಆರೋಪಿಲು. ಮೊಕುಲು ಪೇಂಟೆದ ಬಸ್ ಉಂತುನ ಜಾಗೆದ ಕೈತಲ್, ಗೋಡೆಲೆಡ್ ಇಂಚಿನ ಪೋಸ್ಟರ್ ಅಂಟಾದ್ ಇಪ್ಪುನೆನ್ ಸಿಸಿಟಿವಿ ಕ್ಯಾಮೆರಾ ಬೊಕ್ಕ ಬೇತೆ ಪುರಾವೆಲೆನ್ ತೂದ್ ವಶಕ್ಕ್ ಪಡೆತ್ತೆರ್.

ಕಾರ್ಯಕರ್ತೆರೆನ್ ವಶಕ್ಕ್ ಪಡೆಯಿನ ಸುದ್ದಿ ಗೊತ್ತವೊಂದು ಇತ್ತಿನಂಚನೆ ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ ಶಿವಕುಮಾರ್ ಬೊಕ್ಕ ಮುಖಂಡೆರ್ ಠಾಣೆಗ್ ಪೊಗ್ಗ್‌ದೆರ್ ಪಂದ್ ತೆರಿದ್ ಬೈದ್ಂಡ್.

ಭೂಕಂಪರ್ದ್ ನಷ್ಟ ಅಯಿನ ೪೩ ಇಲ್ಲ್‌ಲೆಗ್ ಪರಿಹಾರ ಕೊರ್ಲೆ; ವಿಧಾನ ಸಭೆಟ್ ಯು.ಟಿ ಖಾದರ್ ಒತ್ತಾಯ

Sep 20, 2022

ಬೆಂಗ್ಲೂರ್: ಕರಿನ ಜೂನ್, ಜುಲೈ ತಿಂಗೊಲ್‌ಡ್ ಕೊಡಗು ಬೊಕ್ಕ ತುಳುನಾಡ್ ಜಿಲ್ಲೆಡ್ ನಡತಿನ ಭೂಕಂಪರ್‍ದಾವರ ಇಲ್ಲ್ ಹಾಳ್ ಅಯಿನಕುಲೆಗ್ ಸರಕಾರ ಪರಿಹಾರ ಕೊರೊಡ್ ಪಂದ್ ವಿಧಾನಸಭೆತ್ತವಿರೋಧ ಪಕ್ಷದ ಉಪನಾಯಕೆರ್ ಬೊಕ್ಕ ಉಳ್ಳಾಲ ಶಾಸಕೆರ್ ಯು.ಟಿ. ಖಾದರ್ ವಿಧಾನ ಸಭೆಟ್ ಒತ್ತಾಯ ಮಲ್ತೆರ್.

ಸುಳ್ಯಡ್ ಭೂ ಕಂಪನ ಅಯಿನ ಜಾಗೆಗ್ ಮುಖ್ಯಮಂತ್ರಿಲು, ಉಸ್ತುವಾರಿ ಸಚಿವೆರ್ ಬೊಕ್ಕ ಬೇತೆ ಸಚಿವೆರ್ ಭೇಟಿ ಕೊರ್ತೆರ್. ಅಂಡ ತೊಂದರೆ ಅಯಿನಕ್ಲೆಗ್ ಒವ್ವೆ ಪರಿಹಾರ ತಿಕ್ಕಿದ್ದಿಜ್ಜಿ. ಮಲೆನಾಡ್ ಬೊಕ್ಕ ತುಳುನಾಡ್‌ಡ್ ಗುಡ್ಡೆ ಜರಿನೆಕ್, ಅನುದಾನ ಕೊರೊಡು ಪಂದ್ ಪಂಡೆರ್.

Uncategorized ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಮೆರೆನ ಪುಟ್ಟಿನ ದಿನ ನನ ದುಂಬುಗ್ ಸ್ಪೂರ್ತಿ ದಿನ

Sep 16, 2022

ಬೆಂಗ್ಲೂರ್: ಪುಗರ್ತೆದ ನಟೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮೆರೆನ ಪುಟ್ಟಿನ ದಿನ ಆಯಿನ ಮಾರ್ಚ್ 17 ನನ ದುಂಬುಗ್ ಸ್ಪೂರ್ತಿ ದಿನವಾದ್ ಆಚರಣೆ ಮಲ್ಪರೆ ಉಂಡು ಪಂದ್ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಪಂಡೆರ್.

ಕನ್ನಡ ಬೊಕ್ಕ ಸಂಸ್ಕೃತಿ ಖಾತೆ ಅಂಚನೆ ಇಂಧನ ಖಾತೆ ಸಚಿವೆರ್ ಆಯಿನ ವಿ. ಸುನೀಲ್ ಕುಮಾರ್ ಮೇರ್ ಪುನೀತ್ ದಿನಾಚರಣೆನ್ ಸ್ಪೂರ್ತಿ ದಿನವಾದ್ ಆಚರಣೆ ಮಲ್ಪುಲೆಕ್ಕ ಬಿನ್ನಾಪು ಮಲ್ತ್‌ದಿತ್ತೆರ್. ಅಂಚನೆ ಪುನೀತ್ ಪುಟ್ಟಿನ ದಿನನ್ ಸ್ಪೂರ್ತಿ ದಿನ ಪಂದ್ ಸರ್ಕಾರದ ಮುತಾಲಿಕೆಡೆ ಆಚರಣೆ ಮಲ್ಪರೆ ಉಂಡು ಪಂದ್ ಪಂಡೆರ್.

ಸಿಎಂ ಮೆರೆನ ಮಾಧ್ಯಮ ಸಂಯೋಜಕೆರಾದ್ ಪೆರಿಯ ಪತ್ರಕರ್ತೆ ಶಂಕರ್ ಪಾಗೋಜಿ ನೇಮಕ

Sep 15, 2022

ಬೆಂಗ್ಲೂರ್: ಸಿಎಂ ಬಸವರಾಜ್ ಬೊಮ್ಮಾಯಿ ಮೆರೆನ ಮಾಧ್ಯಮ ಸಂಯೋಜಕೆರಾದ್ ಪೆರಿಯ ಪತ್ರಕರ್ತೆರ್ ಶಂಕರ್ ಪಾಗೋಜಿ ಮೇರ್ ನೇಮಕ ಆತೆರ್. ಪೆರಿಯ ಪತ್ರಕರ್ತೆರಾಯಿನ ಶಂಕರ್ ಪಾಗೋಜಿ ಕಸ್ತೂರಿ ನ್ಯೂಸ್, ಸುವರ್ಣ ನ್ಯೂಸ್‌ಡ್ ಪೆರಿಯ ರಾಜಕೀಯ ವರದಿಗಾರೆರಾದ್ ಬೇಲೆ ಮಲ್ತ್‌ದೆರ್.

ಸುಪ್ರೀಂ ಕೋರ್ಟ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಶಶಿಧರ ಶೆಟ್ಟಿ ನೇಮಕ

Sep 14, 2022

ಬೆಂಗ್ಲೂರ್: ಒಂಜಿ ವರ್ಷದ ಅವಧಿಗ್ ಸುಪ್ರೀಂ ಕೋರ್ಟ್‌ಗ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಶಶಿಧರ ಶೆಟ್ಟಿ ಮೆರೆನ್ ನೇಮಕ ಮಲ್ತ್‌ದೆರ್ ಪಂದ್ ಸುಪ್ರೀಂ ಕೋರ್ಟ್ ಪ್ರಧಾನ ಕಾರ್ಯದರ್ಶಿ ವೀರೇಂದರ್ ಕುಮಾರ್ ಬನ್ಸಾಲ್ ತೆರಿಪಾದೆರ್.

ಸುಪ್ರೀಂ ಕೋರ್ಟ್ ಮುಖ್ಯ ನ್ಯಾಯಮೂರ್ತಿ ಯು ಯು ಲಲಿತ್ ಮೆರೆನ ನಿರ್ದೇಶನದಲೆಕ್ಕ ಕರ್ನಾಟಕ ರಾಜ್ಯ ಕಾನೂನು ಸೇವೆದ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಅಂಚನೆ ನ್ಯಾಯಾಧೀಶೆರ್ ಎಚ್ ಶಶಿಧರ ಶೆಟ್ಟಿ ಮೆರೆನ್ ಒಂಜಿ ವರ್ಷದ ಅವಧಿಗ್ ಸುಪ್ರೀಂ ಕೋರ್ಟ್‌ಗ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಪರಿಗಣಿಸಾದೆರ್ ಪಂದ್ ಕರ್ನಾಟಕ ಹೈಕೋರ್ಟ್ ಹಂಗಾಮಿ ಸಿಜೆ ಅಲೋಕ್ ಅರಾಧೆ ಅರೆಗ್ ಬರೆಯಿನ ಪತ್ರಡ್ ಉಲ್ಲೆಖ ಮಲ್ತ್‌ದೆರ್.

Sashidar Shetty appointed as special duty officer at the supreme court.

Bangalore: Sashidar Shetty has been appointed as special duty officer at the supreme court for a period of one year said chief secretary of the supreme court Veerendra Kumar Bansal.
He has been appointed under the direction of Justice U U Lalith said a letter written to CJ Alok Arade.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಉಜಿರೆದ ಮಿನಿ ಏರ್ ಪೋರ್ಟುಗು ಬೇಗಡೆ ಕೇಸರ್ ಕಲ್ಲ್ ಪಾಡ್ಯರೆ ಉಂಡು : ಸಚಿವೆರ್ ವಿ. ಸೋಮಣ್ಣ

Sep 10, 2022

ಬೆಂಗ್ಲೂರ್‌ : ಉಜಿರೆದ ಕೈತಲ್ ಮಿನಿ ವಿಮಾನ ನಿಲ್ದಾಣ ನಿರ್ಮಾಣಗ್ ಬೇಗಡೆ ಕೇಸರ್ ಕಲ್ಲ್ ಪಾಡ್ಯರೆ ಉಂಡು ಪಂದ್ ವಸತಿ ಬೊಕ್ಕ ಮೂಲಸೌಕರ್ಯ ಸಚಿವೆರ್ ವಿ. ಸೋಮಣ್ಣ ಪಂಡೆರ್.

ಸುದ್ದಿಗಾರೆರ್‍ನೊಟ್ಟುಗ್ ಪಾತೆರಿನ ಆರ್, ಈ ಬಗೆಟ್ ಜಾಗೆ ಪರಿಶೀಲನೆ ಮಲ್ಪರೆ ಅಧಿಕಾರಿಲೆನ ಕೂಟನ್ ಕಡಪಾದ್ಂಡ್. 100 ಎಕರೆ ಜಾಗೆನ್ ಗುರ್ತಿಸಾದ್ ಎಡ್ಡೆ ರೀತಿದ ಮಿನಿ ವಿಮಾನ ನಿಲ್ದಾಣನ್ ನಿರ್ಮಾಣ ಮಲ್ಪರೆ ಉಂಡು. ವಿಮಾನ ನಿಲ್ದಾಣಗ್ ಯೋಜನೆ ರೂಪಿಸಾದ್ಂಡ್ ಪಂದ್ ತೆರಿಪಾಯೆರ್.

Mini Airport in Ujjire- work to start soon- Minister V Somanna

Bangalore: Work for a mini Airport will start soon said housing and fundamental infrastructure minister V Somanna.

Speaking to the press he said about 100 acres of land will be identified by officials and foundation for a mini Airport will be laid soon he said.

Bangalore

ಹೈಕೋರ್ಟ್‌ಗ್ 5 ದಿನ ದಸರಾ ರಜೆ

ಪಿಎಫ್‌ಐ ಬಗೆಟ್ಟ್ ಪಾತೆರ್ಂಡ ಸರಿಯಾಯಿನ ಕ್ರಮ; ಎಚ್ಚೆರ್ಗೆ ಕೊರಿನ ಡಿಜಿಪಿ ಪ್ರವೀಣ್ ಸೂದ್

ಕಂಡಿನ ಕಾರ್‌ ನೇ ಇಲ್ಲ್ ಮಲ್ತಿನ ಕಂಡನಿ ಬೊಡೆದಿ..!!

ಮಸ್ತ್ ವರ್ಷರ್ದ್ ಬೊಕ್ಕ ಶಿಲ್ಪಾ ಶೆಟ್ಟಿ ಕನ್ನಡ ಸಿನಿಮಾಗ್ ?

ಗೋಡೆಡ್ ‘ಪೇಸಿಎಂ’ ಪೋಸ್ಟರ್ : ಕೆಪಿಸಿಸಿ ಕಾರ್ಯಕರ್ತೆರ್ ರಡ್ಡ್ ಜನ ಅರೆಸ್ಟ್

ಭೂಕಂಪರ್ದ್ ನಷ್ಟ ಅಯಿನ ೪೩ ಇಲ್ಲ್‌ಲೆಗ್ ಪರಿಹಾರ ಕೊರ್ಲೆ; ವಿಧಾನ ಸಭೆಟ್ ಯು.ಟಿ ಖಾದರ್ ಒತ್ತಾಯ

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಮೆರೆನ ಪುಟ್ಟಿನ ದಿನ ನನ ದುಂಬುಗ್ ಸ್ಪೂರ್ತಿ ದಿನ

ಸಿಎಂ ಮೆರೆನ ಮಾಧ್ಯಮ ಸಂಯೋಜಕೆರಾದ್ ಪೆರಿಯ ಪತ್ರಕರ್ತೆ ಶಂಕರ್ ಪಾಗೋಜಿ ನೇಮಕ

ಸುಪ್ರೀಂ ಕೋರ್ಟ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಶಶಿಧರ ಶೆಟ್ಟಿ ನೇಮಕ

ಉಜಿರೆದ ಮಿನಿ ಏರ್ ಪೋರ್ಟುಗು ಬೇಗಡೆ ಕೇಸರ್ ಕಲ್ಲ್ ಪಾಡ್ಯರೆ ಉಂಡು : ಸಚಿವೆರ್ ವಿ. ಸೋಮಣ್ಣ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ