Bangalore

ಬಿರುವೆರ್ ಕುಡ್ಲ ಬಂಟ್ವಾಳ ಘಟಕರ್ದ್ ಆಸರೆ ಕಿಟ್

ಕುಡ್ಲ, ಜೂನ್ 24: ಪಾಪದಕ್ಲೆನ ಕಾಮಧೇನು, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ, SNDPS ಪ್ರಶಸ್ತಿ ಪುರಸ್ಕೃತ, ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಸಮ್ಮೇಳನದ ಮಾನದಿಗೆ ಪಡೆಯಿನ, ಬ್ರಹ್ಮಶ್ರೀ ನಾರಾಯಣಗುರುಸ್ವಾಮಿಲೆನ ತತ್ವ, ಆದರ್ಶದ ಪ್ರಕಾರ ಒಂಜೆ ಜಾತಿ, ಒಂಜೇ ಮತ, ಒಂಜೇ ದೇವೆರ್ ” ಪನ್ಪಿನ ತತ್ವದೊಟ್ಟುಗು , ‘ಸ್ವಂತಗ್ ಒಂತೆ , ಸಮಾಜಗ್ ಸರ್ವಸ್ವ ಪನ್ಪಿನ ನೆಲೆಟ್ಟ್ ನಿರಂತರ ಸಮಾಜಸೇವೆ ಮಲ್ತೊಂದು ಉಪ್ಪುನ ಪೆರ್ಮೆದ ಬಿರುವೆರ್ ಕುಡ್ಲ ಸಂಘಟನೆದ ಅಂಗ ಸಂಸ್ಥೆಯಾಯಿನ ಬಿರುವೆರ್ ಕುಡ್ಲ ಬಂಟ್ವಾಳ ಘಟಕದ ವಿಶೇಷ ಸೇವಾ ಯೋಜನೆಯಾಯಿನ ಆಸರೆ ಕಿಟ್ ವಿತರಣಾ ಲೇಸ್ ಫ್ರೆಂಡ್ಸ್ ಬಳ್ಳಾಲ್ ಭಾಗ್ ಬಿರುವೆರ್ ಕುಡ್ಲ , ಬಂಟ್ವಾಳ ಘಟಕ ನೆತ್ತ ವತಿರ್ದ್ ಕೊರೋನ ಮಹಾಮಾರಿದ ಈ ಕಷ್ಟಕಾಲಡ್ ಅಶಕ್ತ ಪಾಪದ ಕುಟುಂಬಲೆಗ್ ಸಾಕಾರ ಕೊರಿಯೆರ್.

ಒಡಿಪು ಸೇರಿನಂಚ ಆಜಿ ಜಿಲ್ಲೆ ಅನ್ ಲಾಕ್ ಮಲ್ಪರೆ ರಾಜ್ಯ ಸರ್ಕಾರ ಆದೇಶ

ಒಡಿಪು , ಜೂ. 21: ಒಡಿಪು ಜಿಲ್ಲೆ ಸೇರಿನಂಚ ಆಜಿಜಿಲ್ಲೆನ್ ಅನ್ ಲಾಕ್ ಮಲ್ಪರೆ ರಾಜ್ಯ ಸರಕಾರ ಇನಿ ಆದೇಶ ಕೊರ್ತುಂಡು .

ಈ ದುಂಬು ರಾಜ್ಯ ಸರಕಾರ ಶೇ.5ರ್ದ್ ಕಮ್ಮಿ ಕೋವಿಡ್ ಪಾಸಿಟಿವಿಟಿ ದರ ಉಪ್ಪುನ 16 ಜಿಲ್ಲೆಡ್ ಜೂ.21ರ್ದ್ ಶೇ.50 ದಾತ್ ಸಾರಿಗೆ ಸಹಿತ ಸಂಪೂರ್ಣ ವಾಣಿಜ್ಯ ಚಟುವಟಿಕೆಲೆಗ್ ಅನುವು ಮಲ್ತ್ ಕೊರ್ದು ಇತ್ತುಂಡು . ಆಂಡ ಶೇ.5ರ್ದ್ ಜಾಸ್ತಿ ಪಾಸಿಟಿವಿಟಿ ದರ ಉಪ್ಪುನ ಕಾರಣಗ್ ಒಡಿಪು ಜಿಲ್ಲೆನ್ ಆ ಪಟ್ಟಿರ್ದ್ ದೆತ್ತಿತ್ತೆರ್.

ಈ ಬಗ್ಗೆ ಒಡಿಪು ಜಿಲ್ಲೆನ್ ಅನ್‌ಲಾಕ್ ಮಲ್ಪುಲಕ ಶಾಸಕೆರ್ ಬೊಕ್ಕ ಸಂಸದೆರ್ ಸೇರಿನಂಚ ಸಾರ್ವಜನಿಕೆರೆರ್ದ್ ಒತ್ತಾಯ ಕೇಂದ್ ಬತ್ತಿನೆರ್ದಾವರ ಇತ್ತೇ ಪೊಸ ಆದೇಶ ಕೊರ್ತುಂಡು ಆ ಪಟ್ಟಿಗ್ ಒಡಿಪುನ್ಲಾ ಸೇರ್ಸಾದುಂಡು . ಐತ ಪ್ರಕಾರ ಕಾಂಡೆ ಆಜಿ ಗಂಟೆರ್ದ್ ಬೈಯ್ಯ 5ಗಂಟೆ ಮುಟ ಮಾತಾ ಅಂಗಡಿ ದೆಪ್ಪರೆ ಅನುವು ಮಲ್ತ್ ಕೊರ್ತೆರ್.