Bangalore

ಪದವಿ ಜೋಕ್ಲೆಗ್, ಶಿಕ್ಷಕೆರೆಗ್ ಎಲ್ಲೆರ್ದ್ ಕೋವಿಡ್ ಲಸಿಕೆ

ಕುಡ್ಲ, ಜೂನ್ 27: ನನ ದುಂಬುದ ತಿಂಗೊಲು ರ್ದು ಕಾಲೇಜುಲೆನ್ ಸುರು ಮಲ್ಪರೆ ಸರ್ಕಾರ ನಿರ್ಧಾರ ಮಲ್ದೆರ್ , ಈ ನೆಲೆಟ್ಟ್ ಕುಡ್ಲದ ಪದವಿ ಜೋಕ್ಲೆಗ್ , ಬೋಧಕ, ಬೋಧಕೇತರ ಸಿಬ್ಬಂದಿಲೆಗ್ ಲಸಿಕೆ ಕೊರೊಂದು ಉಲ್ಲೆರ್ .

ಸೋಮವಾರರ್ದ್ ಪೇಂಟೆದ ಮಾತಾ ಪದವಿ, ಡಿಪ್ಲೊಮಾ, ಐಟಿಐ, ಎಂಜಿನಿಯರಿಂಗ್‌, ಪ್ಯಾರಾಮೆಡಿಕಲ್‌ ಕಾಲೇಜುದ 18 ವರ್ಷ ಮಿತ್ತ್ ದ ಜೋಕ್ಲೆಗ್ , ಬೋಧಕ, ಬೋಧಕೇತರ ಸಿಬ್ಬಂದಿಲೆಗ್ ಲಭ್ಯತೆಗ್ ಅನುಗುಣವಾದ್ ಲಸಿಕಾ ಶಿಬಿರ ನಡಪರೇ ಉಂಡು ಪಂದ್ ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಕಿಶೋರ್‌ಕುಮಾರ್ ಪಂಡೆರ್ .

ಜೂನ್‌ 28 ರ್ದ್ ಜಿಲ್ಲೆದ ಮಾತಾ ನಗರ, ಪ್ರಾಥಮಿಕ, ಸಮುದಾಯ ಆರೋಗ್ಯ ಕೇಂದ್ರ, ಮಾತಾ ತಾಲ್ಲೂಕು ಆಸ್ಪತ್ರೆ, ಜಿಲ್ಲಾ ಆಸ್ಪತ್ರೆಡ್ ಶಿಬಿರ ನಡಪರೇ ಉಂಡು .

ಲಸಿಕೆ ಶಿಬಿರ ನಡಪಾವುನ ಶಿಕ್ಷಣ ಸಂಸ್ಥೆದ ನೋಡಲ್‌ ಅಧಿಕಾರಿಲು ಶಿಬಿರದ ಜಾಗೆ ಅಂಚನೇ ತಾರೀಖ್ ನಿಗದಿ ಮಲ್ತ್ , ಜೋಕ್ಲೆಗ್ ಬೊಕ್ಕ ಸಿಬ್ಬಂದಿಲೆನ ಮಾಹಿತಿನ್ ಇಲಾಖೆಗ್ ಕೊರೊಡು.

ಲಸಿಕೆ ಶಿಬಿರಗ್ ಬರ್ಪಿನ ಜೋಕುಲು ಕಾಲೇಜ್ ದ ಗುರುತಿನ ಚೀಟಿ ಬೊಕ್ಕ ಆಧಾರ್‌ ಕಾರ್ಡ್‌ ಕನವೊಡು ಪಂದ್ ಪಂತೆರ್.