Bangalore

“ತುಳು ಲಿಪಿ ಮಂದಾರ” ಬುಡುಗಡೆ

ಒಡಿಪು, ಜುಲೈ 19: ತಾಳೆಗರಿ ಬಳಕೆ ಮಲ್ತೊಂದು ಇತ್ತಿನ ಕಾಲಘಟ್ಟಡ್ ತುಳು ಲಿಪಿ ಬಳಕೆಯಾವೊಂದು ಇತ್ತುಂಡು . ಪುರಾತನವಾಯಿನ ಐತಿಹಾಸಿಕ ಹಿನ್ನೆಲೆ ಉಪ್ಪುನ ತುಳು ಭಾಷೆ, ತುಳು ಲಿಪಿ ಮಧ್ವಾಚಾರ್ಯೇರ್ನ ಕಾಲಘಟ್ಟಡ್ ಬಳಕೆ ಮಲ್ತೊಂದು ಇತ್ತೆರ್ ಪನ್ಪಿನೆಕ್ಕ್ ಅಷ್ಠಮಠಟ್ ಪುರಾವೆಲು ಉಂಡು ಪಂದ್ ಶಾಸಕ ರಘುಪತಿ ಭಟ್ ಪಂಡೆರ್ .

ಒಡಿಪು ಪ್ರೆಸ್ ಕ್ಲಬ್ ಡ್ ಇನಿ ಅಟ್ಟನೆ ಮಲ್ತಿನ ತುಳು ಲಿಪಿ ಮಂದಾರ” ಬುಡುಗಡೆ ಲೇಸ್ ಡ್ ತುಳು ಲಿಪಿ ಮಂದಾರ”ನ್ ಬುಡುಗಡೆ ಮಲ್ತ್ ಆರ್ ಪಾತೆರಿಯೆರ್.

ವಿಧಾನ ಸಭಾ ಅಧಿವೇಶನಡ್ ಕರಾವಳಿ ಭಾಗದ ಶಾಸಕೆರೆಗ್ ತುಳುಟೆ ಪಾತೆರಿಯರೆ ಅವಕಾಶ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್ . ಆಂಡ ಸದನಡ್ ದಾಖಲಾಪಿನ ಮಾಹಿತಿಲೆನ್ ದಾಖಲು ಮಲ್ಪುನಕ್ಲೆಗ್ ತುಳು ಭಾಷೆದ ಅರಿಕೆದ ಕೊರತೆ ಉಪ್ಪುನೆರ್ದಾವರ ದುಂಬುದ ದಿನಟ್ ಈ ಬಗ್ಗೆ ಸೂಕ್ತ ಕ್ರಮ ದೆತೊನುನ ಭರವಸೆನ್ ಸಭಾಧ್ಯಕ್ಶೆರ್ ಕೊರ್ತೆರ್ ಪಂದ್ ಪಂಡಿನ ಆರ್ ತುಳು ಲಿಪಿ, ಭಾಷೆ ಬಗ್ಗೆ ಜೈ ತುಳುನಾಡು ಸಂಘಟನೆದ ಈ ಪ್ರಯತ್ನ ಉತ್ತಮ ಬುಲೆಚ್ಚಿಲ್ ಪಂದ್ ಪಂಡೆರ್ .

ಈ ಪೊರ್ತುಡು ತುಳು ಅಕಾಡೆಮಿಯ ಸದಸ್ಯೆರಾಯಿನ ಡಾ||ಆಕಾಶ್ ರಾಜ್ ಜೈನ್, ತಾರಾ ಆಚಾರ್ಯ, ಜೈ ತುಳುನಾಡು ಸಂಘಟನೆದ ಗುರ್ಕಾರ್ಲಾಯಿನ ಸುದರ್ಶನ್ ಸುರತ್ಕಲ್, ಸದಸ್ಯೆರಾಯಿನ ಪ್ರಹ್ಲಾದ್ ಪಿ. ತಂತ್ರಿ ಬೊಕ್ಕ ಬೇತೆ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .

ರಾಜ್ಯೊಡು ಸೋಮವಾರ 1386 ಜನಕ್ ಕೊರೋನ ದೃಢ

ಬೆಂಗ್ಳೂರು, ಜು.13: ರಾಜ್ಯಡ್ ಸೋಮವಾರ 1,386 ಪೊಸ ಕೊರೋನ ಪ್ರಕರಣ ದೃಢ ಆತುಂಡು . 61 ಜನ ಸೋಂಕುಗು ಬಲಿಯಾತೆರ್ 3,204 ಜನ ಹುಷಾರ್ ಆತೆರ್.

ರಾಜ್ಯಡ್ ಇತ್ತೇ ಒಟ್ಟು ಸೋಂಕಿತೆರ್ನ ಸಂಖ್ಯೆ 28,72,684ಕ್ ಮುಟ್ಟುದುಂಡು . ಇತ್ತೇ ಮುಟ ಒಟ್ಟು ಸೈತಿನಕ್ಲೆನ ಸಂಖ್ಯೆ 35,896ಕ್ಕ್ ಮುಟ್ಟುದುಂಡು .
ಒಟ್ಟು ಸಕ್ರಿಯ ಕೊರೋನ ಪ್ರಕರಣ ಸಂಖ್ಯೆ 34,858ಕ್ಕ್ ಜಾಸ್ತಿ ಆತುಂಡು ಪಂದ್ ಆರೋಗ್ಯ ಅಧಿಕಾರಿ ತೆರಿಪಾದೆರ್.