ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಜಿಲ್ಲಾಧಿಕಾರಿಗ್ ಸೊಲ್ಮೆ ಸಂದೈತ ಮಲ್ತಿನ ಕಲ್ಪಾರ್ಥಿಲು
ಕುಡ್ಲ : ಉಕ್ರೇನ್ರ್ದ್ ಬತ್ತಿನ ಕುಡ್ಲದ ಅನನ್ಯಾ ಅನ್ನಾ, ಕ್ಲಾಟಸ್ ಒಸ್ಮಂಡ್ ಡಿಸೋಜಾ, ಅಹಮದ್ ಸಾದ್ ಅರ್ಷಾದ್, ಲಕ್ಷಣ ಪುರುಷೊತ್ತಮ ಬೊಕ್ಕ ಮೂಡುಬಿದ್ರೆ ದ ಶಲ್ವಿನ್ ಪ್ರೀತಿ ಅರ್ನಾ ಈ ಐನ್ ಜೋಕುಲು ಮಾ.7ಕ್ಕ್ ಸೋಮಾರ ಜಿಲ್ಲಾಧಿಕಾರಿನ ಕಚೇರಿಗ್ ಪೋದು, ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಮೆರೆನ ಭೇಟಿ ಮಲ್ತ್ ಸೊಲ್ಮೆ ಸಂದೈತ ಮಲ್ತೆರ್.
ಉಂದುವೇ ಪೊರ್ತುಡು ಅಕ್ಲೆನ ಅನುಭವನ್ ಜಿಲ್ಲಾಧಿಕಾರಿನೊಟ್ಟಿಗೆ ಪಟ್ಟಿಯೆರ್.ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಮೇರ್ ಜೋಕ್ಲೆನ್ ಬಾರಿ ಮೋಕೆಡ್ ಎದುಕೊಂಡೆರ್ ಪೂತ ಗುಚ್ಛ ಬೊಕ್ಕ ಬೂಕು ಕೊರಿಯೆರ್.
ಕಲ್ಪಾರ್ತಿಲು ಇಲ್ಲಗ್ ಪೋವಂದೆ ವಿಮಾನನಿಲ್ದಾಣರ್ದ್ ಸೀದಾ ಜಿಲ್ಲಾಧಿಕಾರಿ ಕಚೇರಿಗ್ ಬತ್ತ್ ದ್ , ಜಿಲ್ಲಾಧಿಕಾರಿನೊಟ್ಟುಗು ಕೇಕ್ ಕಟ್ ಮಲ್ತಿನ , ವಿಶೇಷವಾದ್ ಇತ್ತುಂಡು .ಈ ಪೊರ್ತುಡು ಕಲ್ಪಾರ್ಥಿಲೆನ ಇಲ್ಲದಕುಲು ಇತ್ತೆರ್.ಕುಡ್ಲಗ್ ಈ ಜೋಕ್ಲೆನ ಲೆತೊಂದು ಬರ್ಪಿನಲ್ಪ ಜಿಲ್ಲಾಧಿಕಾರಿಲು ಮಲ್ತಿನ ಬೇಲೆ ಮಾಮಲ್ಲ ಈ ಪೊರ್ತುಡು ಅವೆನ್ ನೆಂಪು ಮಲ್ತೆರ್.
