ಸಂಕ

ನೇತ್ರಾವತಿ ಸಂಕಡ್ ಗುಂಡಿಗ್ ಬೂರಿನ ಗಾಡಿ : ಕಲ್ಪಾರ್ಥಿನ ಕೈಕ್ ಗಾಯ

Jul 25, 2022

ನೇತ್ರಾವತಿ ಸಂಕಡ್ ಗುಂಡಿಗ್ ಬೂರಿನ ಗಾಡಿ : ಕಲ್ಪಾರ್ಥಿನ ಕೈಕ್ ಗಾಯ

ಉಳ್ಳಾಲ: ಕುಡ್ಲ ವಿಶ್ವವಿದ್ಯಾನಿಲಯದ ಸ್ನಾತಕೋತ್ತರ ವಿಭಾಗದ ಕಲ್ಪಾರ್ಥಿ ಒರ್ತಿ ರಡ್ಡ್ ಚಕ್ರದ ಗಾಡಿಡ್ ರಾಷ್ಟ್ರೀಯ ಹೆದ್ದಾರಿ 66 ಟ್ಟ್ ನೇತ್ರಾವತಿ ತುದೆತ ನಡುಟು ಉಪ್ಪುನ ಗುಂಡಿಗ್ ಬೂರ್ದು ಗಾಯ ಆತುಂಡು.

ಬಲತ್ತ ಕೈಕ್ ಪೆಟ್ಟ್ ಆಯಿನೆರ್ದಾವರ ಕಲ್ಪಾರ್ಥಿ ಮರ್ದ್ ಪಡೆಯೊಂದು ಉಲ್ಲೆರ್ , ದುಂಬುದ ತಿಂಗೊಲು ನಡಪರೇ ಉಪ್ಪುನ ಯುಜಿಸಿದ ರಾಷ್ಟ್ರೀಯ ಅರ್ಹತಾ ಪರೀಕ್ಷೆ (ಎನ್‌ಇಟಿ) ಬೊಕ್ಕ ಎಂ.ಎಸ್ಸಿಯ ಆಂತರಿಕ ಪರೀಕ್ಷೆ ಬರೆಯೆರೆ ಸಾಧ್ಯ ಆಪುಜಿ .

ಕೊಣಾಜೆದ ಮಂಗಳೂರು ವಿಶ್ವವಿದ್ಯಾನಿಲಯದ ಪರಿಸರ ವಿಜ್ಞಾನ ವಿಭಾಗದ ರಡ್ಡನೆ ವರ್ಷದ ಎಂ.ಎಸ್ಸಿ ವಿದ್ಯಾರ್ಥಿನಿ, ಕೊಟ್ಟಾರ ನಿವಾಸಿ ನಿಶ್ಮಿತಾ (19) ಗಾಯ ಆಯಿನ ಕಲ್ಪಾರ್ಥಿ.

ನಿಶ್ಮಿತಾ ಮೇರ್ ಜುಲೈ 22 ಕ್ಕ್ ಬಯ್ಯಗ್ ಕೊಣಾಜೆ ರ್ದ್ ಕುಡ್ಲಗ್ ತನ್ನ ರಡ್ಡ್ ಚಕ್ರದ ಗಾಡಿಡ್ ಪೋವೊಂದು ಉಪ್ಪುನಗ ಜೋರು ಬರ್ಸ ಬರೊಂದು ಇತ್ತುಂಡು ನೇತ್ರಾವತಿ ತುದೆಟ್ ಬಾರಿ ಮಲ್ಲ ಗುರಿ ಇತ್ತಿನ ಅರೆಗ್ ಗೊತ್ತಾಯಿಜಿ ಇಂಚಾದ್ ಪೆಟ್ಟ್ ಆತುಂಡು ಪಂದ್ ನಿಶ್ಮಿತಾ ಪಂಡೆರ್.

ಪಾವಂಜೆ ಸಂಕೊರ್ದು ಲಾಗಿದ್ ಸೈತಿನ ವ್ಯಕ್ತಿನ ಪುಣೊನು ಮಿತ್ತ್ ದೆರ್ತಿನ ಆಪದ್ಭಾಂಧವ ಆಸಿಫ್

Feb 16, 2022

ಹಳೆಯಂಗಡಿ : ಮೂಲ್ಕಿ ಠಾಣಾ ವ್ಯಾಪ್ತಿದ ಹಳೆಯಂಗಡಿದ ಕೈತಲ್ ಪಾವಂಜೆ ತುದೆತ ಕೈತಲ್ ಬೈಕ್ ಉಂತಾದ್ ಇಂಜಿನಿಯರ್ ಒರಿ ನಂದಿನಿ ತುದೆಕ್ ಲಾಗಿದ್ ಜೀವ ಬುಡ್ನ ಘಟನೆ ಇನಿ ನಡತುಂಡು.

ಈ ಪೊರ್ತುಡು ಟೋಲ್ ಗೇಟ್ ಪ್ರತಿಭಟನೆ ಧರಣಿ ಉಂತಿನ ಆಸಿಫ್ ಆಪತ್ಯಾಂಧವ ಮೆರೆಗ್ ತುರ್ತು ಕರೆ ಬತ್ತಿನ ಪೊರ್ತುಡು ಮೇರ್ ಸಾಕಾರ ಕೊರಿಯೆರ್.

ತಂಕ್ ಹ ಹುಷಾರ್ ಇಜ್ಜಂದಿನ ದಿನೊಟು ಅವ್ವೆತೋ ಜನ ಆಸ್ಪತ್ರೆಗ್ ಪೋಯಿ ಪಂದ್ ಪನ್ನಗ ಬರಂದಿನ ಆಸೀಫ್ , ದಾದ ಆಂಡಲಾ ತಾನ್ ಪ್ರತಿಭಟನೆ ಮಲ್ತೊಂದು ಉಪ್ಪುನ ಜಾಗೆ ಬುಡ್ದು ಧರಣಿ ಬರಯೇ ಪಂದ್ ಪಂದಿತ್ತೆರ್

ಇನಿ ಕಾಂಡೆ ನಡತಿನ ಘಟನೆ ಬಗ್ಗೆ ಏರ ಫೋನ್ ಮಲ್ತ್ ಪನ್ನಗ ಅಪಗನೆ ಓ ಕೊರ್ದು ಪ್ರತಿಭಟನೆ ಮಲ್ತೊಂದು ಇತ್ತಿನ ಚಾವಡಿ ಬುಡ್ದು ಘಟನಾ ಜಾಗೆಗ್ ಬತ್ತ್ದ್ ತುದೆತ ನಡುಕು ನೀನ್ದೊಂದು ಪೋದು ಪುನ ಮಿತ್ತ್ ದೆರ್ತೆರ್. ಈ ಪೊರ್ತುಡು ಸಾರ್ವಜನಿಕೆರ್ ಆಸಿಫ್ ಆಪದ್ಭಾಂಧವ ಮೆರೆಗ್ ಸಾಕಾರ ಕೊರಿಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಹೇರೂರು ಸಂಕಡ್ ಭೀಕರ ಅಪಘಾತ: ನಾಲ್ ಜನಕ್ ಗಂಭೀರ ಗಾಯ

Aug 8, 2021

ಬ್ರಹ್ಮಾವರ, ಆಗಸ್ಟ್ 8: ಬ್ರಹ್ಮಾವರ ದ ಹೇರೂರು ಸಂಕದ ಮಿತ್ತ್ ಇನಿ ಕಂಟೇನರ್ ಲಾರಿಗ್ ಕಾರ್ ಡಿಕ್ಕಿ ಹಾಕಿನ ಪರಿಣಾಮವಾದ್ ಕನಿಷ್ಠ ನಾಲ್ ಜನಕ್ ಬಾರಿ ಗಾಯ ಆತುಂಡು .ಇನಿ ಕಾಂಡೆ 7.14 ಕ್ಕ್ ಈ ಅಪಘಾತವು ಆತುಂಡು . ಗಾಯ ಆಯಿನಕ್ಲೆನ ಗುರ್ತು ನನಲ ತಿಕ್ಕಿಜ್ಜಿ .

ಕುಡ್ಲರ್ದ್ ಕುಂದಾಪುರಗ್
ಸುಮಾರ್ ನಾಲ್ ಐನ್ ಜನ ಈ ಕಾರ್ ಡ್ ಪೋವೊಂದು ಇತ್ತೆರ್ . ಮೆಕುಲು ಶೂಟಿಂಗ್’ಗಾದ್ ಕುಂದಾಪುರ ದಾಡೆಗ್ ಪೋವೊಂದುಪ್ಪುನಗ ಈ ಅಪಘಾತ ಆತುಂಡು ಪಂದ್ ತೆರಿದ್ ಬೈದುಂಡು .

ಮರವೂರು ಸಂಕಡ್ ಗಾಡಿಗ್ ಕುಡ ಚಾಲನೆ

Jul 31, 2021

ಕುಡ್ಲ, ಜುಲೈ 31: ಕುಡ್ಲ -ಅತ್ರಾಡಿ ರಾಜ್ಯ ಹೆದ್ದಾರಿದ ಫಲ್ಗುಣಿ ನದಿಕ್ ಅಡ್ಡಲಾದ್ ಕಟ್ಟಿನ ಮರವೂರು ಸಂಕಡ್ ಶುಕ್ರವಾರ ಮಧ್ಯಾಹ್ನದ ಪೊರ್ತುಡು ವಾಹನದ ಸಂಚಾರ ಕುಡ ಶುರು ಆತುಂಡು .

ಮುಲ್ಕಿ-ಮೂಡುಬಿದಿರೆ ಶಾಸಕ ಉಮನಾಥ ಕೋಟ್ಯಾನ್ ವಾಹನ ಬೊಕ್ಕ ಜನಸಂಚಾರಗ್ ಚಾಲನೆ ಕೊರ್ತೆರ್ .ಜೂ.14 ಕ್ಕ್ ಮಧ್ಯ ರಾತ್ರಿ ಪೊರ್ತುಡು ಈ ಸಂಕಡ್ ಬಿರುಕು ಮುಡ್ದು ಇತ್ತುಂಡು . ಆತೆ ಅತ್ತoದೆ ಪಿಲ್ಲರ್ ಜರಿದ್ ಇತ್ತುಂಡು . ಉಂದೆನ್ ತೂಯಿನ ನೆರೆಕರೆದಕುಲು ಸಂಬಂಧಪಟ್ಟಿ ನಕ್ಲೆನ ಗಮನ ಕಂತೆರ್ . ಇತ್ತೆ ಈ ಮಾರ್ಗಡ್ ಕುಡ ಸಂಚಾರ ಸುರು ಆತುಂಡು.